26/27
[٢١/٢، ٨:٤٨ م] null: .
البـارت 26 ¤
فـي قلبـي حكـايـة
👌🏻👇🏻 😍
📚 @rewayatyamania 🇾🇪
خالد: او غاثية مني
الحجة فاطمة: اخر من قبالي مااشتي ابسر صورتك
سيف: اسكتوا ووطوا اصواتكم احنا في مطعم
خالد بسر لاعند فرح بنظرة ارعبتها: عاد الناس يذكروا ان معاهم اب ويسلموا
فرح بسرته وقامت تسلم وهو ولا كلف نفسه يحبها
جلست بقعتها
وخالد مد يده لاعند رغد يسلم عليها وهي مدت يدها بدون اي كلمة
خالد: شارجع اجي البيت لاعندش يماه وافهمش ذاحين احنا وسط الناس مش حالية نتبهذل خاطرش
الحجة فاطمة: ودعتك ارجلك لاعاد بسرتك ياعقي والديك
خالد سمعها وخطي وفي نفسه اهدأ ي خالد خرجت تنفخ انت والجهال لاتعكر مزاجك علاميد احد
رجع للطاولة واخذ نفس وابتسم
فيروز بسرته وبتأشر له
مابه
جلس جنب بناته
عمر بسره وبيسأله: وين سرت ياباه
خالد: لقيت عمك سيف ومعه جدتك وعمتك واختك وسرت اسلم على جدتك وعمتك
عمر: هاه قد استغربت مالك اتأخرت
خالد بسر لاعند فيروز وهي مطننة
فيروز بتفكر كيف عاد لفرح وجه تخرج وتدخل براحتها وقد فعلت تيك الفعلة بكلها
خالد: مالروحي مطنن
فيروز ماسمعته
خالد اشر لعمر يدكمها
فيروز: هاه مابه
خالد: من شل عقلش
فيروز: مابلا بين افكر في بنتك
خالد: مالها
فيروز : ماشاء الله والقلب معاها وبتخرج وبتسير اين ما اشتت لابتستأذن منك وبعد مافعلت فعلتها وماشاء الله والوجه البرش معاها
خالد: حسابها عندي كل شي بحسابه
فيروز ابتسمت بنصر
خالد بيفكر وقطع تفكيره صوت اللي بيقدم العشاء
@rewayatyamania المصدر الأول للروايات
الحجة فاطمة: رغد اتصلي لنسوان اخوتش غطوة تسيرين عرس بيت .....
رغد: حاضر من عيني
الحجة فاطمة بتبسر فرح فارحة بالتلفون وبتدعي لسيف
سيف: عجبش يافرح
فرح: انا فدالك ياعم سيف وليش ما يعجبني وقدو منك
سيف ابتسم لها
الحجة فاطمة: غطوة عتسيري مع عمتش ونسوان اعمومش العرس
فرح: ايوه يماه عتسير نشتي نبسر مرة لعمي علي
الحجة فاطمة ضحكت وفرح
سيف بضحكة: وانا والكل اشتي اثني راكن عليش يابنت اخي اشتي مزة
فرح: من عيوني ابشر
بس ماعتفعل مع منى حرام لاتبسرني صرفات
سيف: هههههههههههههه
فرح: ايوه اضحك وقلاب العيون عيوقع لي
سيف: وانا والله لا ارقد في الشارع
فرح: مااعزك وما اغلى
سيف رن تلفونه وبسره: هيا اذكر القط جا ينط
فرح ضحكت ودريت ان هي مرة عمها بتتصل
سيف قام يجاوب
فرح طلعت تصلي عشاء والحجة فاطمة والكل
رغد بتتصل لنسوان اخوتها وتبسر عيسيرين العرس او مع
سيف كمل يتصل وجاء اخوه علي
علي: مساكم بالخير
سيف: عيس حن جيت اديت الشريحة
علي: ايوه هاه لمن هي ؟
سيف: لفرح
علي: وين تلفونها
سيف: كسره اخوك
علي: الله يهديه بس
سيف: قد صليت ؟
علي: الحمدلله وانت
سيف: كنا خارج اتعشينا ذاحين اقوم اصلي واودع امي وارحلي
علي: في وداعه الله يا اخي
سيف سار يصلي
واتجمعوا الكل في الصالة
سيف: خاطرش يماه ماعاد في نفسش
الحجة فاطمة: كثر خيرك يا ابني وادا رزقك
سيف: آمين
سيف بسر فرح ورغد
وانتين تشتين شي
فرح ورغ : تسلم
الله يرزقك ويحفظك
سيف: خاطركم هاه
وروح سيف بيته
علي نزل من مكانه
مساكم بالخير
الحجة فاطمة: وانت اي حين جيت
علي: اول وكنتوا بتصلوا
الحجة فاطمة: قومي يارغد افعلي لاخوش العشاء
علي: مع يماه قد اتعشيت خارج وبضحكة مابش الا انتوا تتعشوا خارج
الحجة فاطمة: اخوك سيف قال مابلا والا
علي: بالعافية عليكم
فرح: ايوه ياعم كيف تشتي المرة المواصفات وشلت ورقه وقلم وبتضحك
علي اتذكر: ادا لش سيف الشريحة
فرح: مع
علي: لحظة.. اتصل لسيف وقال له ان هي فوق الماسة
فرح سارت وشلت الشريحة وفعلتها في التلفون
عمها علي: اسكه ادي التلفون ابسر كم الرقم
رغد بتحاكي الجدة: عيسيرين كلهن
رغد بسرت فرح: وانتي غطوة نشتي نحاكي سيف يحاكي الدكتور انش ماعتسيري نسير العرس
فرح: تمام
.
.
وفي الليل :
الكل راقد ماعدا فرح
فرح في مكانها بتفكر في مستقبلها كيف عيوقع وايش عيحصل معاها
قد غابت قرابة الاسبوع
وتشتي تطمن صاحبتها
قررت تتصل الصبح لعمها سيف يشلها الجامعة تبسر صاحبتها وبعدها ترجع تتجهز للعرس
فرح في نفسها :
اوووف نسيت موعدي عند الدكتور سهل يافرح غطوة بس عشان عمش علي وبعدها عتسيري بانتظام
وبعد كل هذا التفكير قرت الاذكار ورقدت
.
.
عند الدكتور :
بيفكر بفرح وفارح من قلبه لان هي اتحسنت شوية
ولانو وضح كل الغموض لعمها عشان لايفهمه غلط
وفي نفسه :
كيف عتكون الجلسة معش غطوة يافرح وايش السر الجديد اللي عتحاكيني به
.
.
يوم ثاني الصبح :
فرح قامت تصلي فجر وجلست ذاهنة بتفكر في الجامعة وماقد فات عليها من محاضرات
دخلت الحجة فاطمة فرح نكزت
الحجة فاطمة: بسم الله عليش مالش
فرح بضحكة: افتجعت
الحجة فاطمة: ولاتفتجعي ولاشي
فرح: ...
📚 @rewayatyamania 🇾🇪
[٢١/٢، ٨:٤٨ م] null: .
البـارت 27 ¤
فـي قلبـي حكـايـة
👌🏻👇🏻 😍
📚 @rewayatyamania 🇾🇪
دخلت الحجة فاطمة فرح نكزت
الحجة فاطمة: بسم الله عليش مالش
فرح بضحكة: افتجعت
الحجة فاطمة: ولاتفتجعي ولاشي
فرح: ماشفتجع وانتي معي وصبحش بالخير يماه
الحجة فاطمة: صبحش بالعافية
هيا اخطي ننزل نبسر لاقد قامت رغد تفعل الصبوح او عادهي نوم
فرح: يلا هيه
نزلت فرح والحجة فاطمة وعاد رغد قامت
رغد: ماشاء الله والبكارة
فرح: شبعتي نوم ياعمة
رغد : ماشي والله ان عادني اشتي ارقد لا 10
الحجة فاطمة: جن جن تشتي توقع جيفة قومي اشتحطي قلك تشتي ترقد لا 10 غطوة بعده وانتي في بيت زوجش
رغد: ناهي قذا قمنا يماه
فرح بتضحك عليها سكته
بسرتها رغد: ايوه اضحكي اضحكي انتي معش محامي الدفاع محد يسطى يقرب لش
الحجة فاطمة حضنت فرح من جنب: ماهذه عيجبرني بعافيتها
رغد بسرتها وخطيت وهي بتقول: وانا لي الله يادنيا
الحجة فاطمة وفرح ضحكين على رغد
سارت الحجة فاطمة المكان وفرح سارت الديمة تفعل الصبوح
رغد دخلت الديمة تعاون فرح
فرح بتسوي الصبوح وعمتها ملاحظة عليها ان هي بتفكر
رغد: مالش يافرح في ايش بتفكري
فرح: هاه ياعمة ماقلتي
رغد: يا هل علمي من شدف حسش
فرح ضحكت: ولا احد غير بين افكر اشتي اتصل لعمي سيف لاهو عيقدر يجي يشلني للجامعة اطمن على صاحبتي
وقدو ابسر مافاتني
عشان ارجع بدري نتجهز ونسير العرس واذكره يحاكي الدكتور انني ماشحضرش اليوم
رغد: وانا قصدي مدري مابه ماعليش شي شاتصله انا ماعيتحاكش
فرح: لاعاد يكون معه عمل ياعمة وانا ما اشتيش اسير لحالي
رغد: ولايوقع شي اذا قال ماعيقدرش وماتشتي تسيري لحالش انا شاسير معش
@rewayatyamania المصدر الأول للروايات
كملين يصتبحين
علي خرج بدري سار عمله
فرح بترفع حق الصبوح وطلعت تلبس البالطو عمها سيف في الطريق عيوصلها الجامعة
نزلت فرح لاعند امها
وقدهي لابسة
الحجة فاطمة: اين عتسيري
فرح: شاسير الجامعة اطمن على صاحبتي وابسر ما فاتني واروح
الحجة فاطمة: ومن عيسير معش لاعاد يبسرش ابوش ويفعل لنا فعلة يابنتي
فرح: ولاعيوقع شي يماه عمي سيف عيجي ذاحين يوصلني هو
الحجة فاطمة: الله يدي رزقه ويبزيه عياله ماسيف ما يوجع لي قلب
فرح: آمين يارب
الحجة فاطمة: رغد وين جيتي
رغد: هاه يماه هوذنا ماتشتي
الحجة فاطمة: اقطبي افعلي الغداء
رغد: للمه يماه مابه
الحجة فاطمة: نسير العرس بدري والا تشتي نسير مغرب
رغد: ههههههه مع مع نسير بدري نبسر لنا بقعة سوا نشتي ندور خطيبة لعلي
فرح: ايوه ضروري واحدة مزة وغمزت
الحجة فاطمة: اشتي بنت مشحوطة توبه ل ابني وتريحه
فرح: ان شاءالله يماه الله يرزقه ببنت الحلال اللي تسعده
رغد: آمين
سمعين دقة الباب الخارجي
رغد: شكله سيف عمش
فرح: يلا خاطركم هاه يماه مع السلامة
ياعمة
رغد: في امان الله
الحجة فاطمة: مع الله يابنتي
سارت فرح وقصدها انو عمها وان هي صاحبتها
فرح بصدمة وسعادة لان هي بسرت صاحبتها
بسمة: ايوه ياخاينة ولاتجي تطمنيني عليش
وتخليني قلقة قد احرقت لش التلفون حريق
فرح حضنتها: والله انني كنت جية لاعندش هيا هه
بسمة: ايوه اضحكي على عقلي
5 ايام ولاعاد بسرتش قلت لو ماعتجيش اليوم حرام لا اسير لها للبيت
فرح بضحكة: حياش الله هيا جي ندخل
خرجت التلفون: واتصلت لعمها سيف انو صاحبتها جت وماعاد عتسيرش الجامعة
يعني تجاوبي على من تشتي وتطنشي من تشتي
فرح ودارية كيف مزح صاحبتها حضنتها من جنب: تلفوني اخترب الاول وذيه جديد من عمي
بسمة التفتت لها لوما فجعتها
فرح: صلينا على رسول الله مالش
بسمة: معش تلفون جديد ولاتحاكيني اووف اووف والخيانة يا الله
فرح بضحكة سمعتها امها
الحجة فاطمة: هيا مالش رجعتي يافرح
فرح: اللي كنت شاسير ابسرها جت هي
الحجة فاطمة: حياها الله هيا ادخلين
رغد سمعت اصواتهن وخرجت وسلمت على صاحبة فرح وسارت تكمل عملها
فرح: يووووووه انا فدا لش والله قد انا فاقدة لش قوي وبين احس الايام هذه ناقصه عليا بدونش
بسمة: هههههه على غيري هذه الحركات ماهكذا عتغيب على الجامعه خمسه ايام او اسبوع او حتى شهر يمكن يوقع لي تلفون بس انا دارية بحظي والله ما يوقع لي شي
فرح: احسديني حين قد وقع لي تلفون احسدي
بسمة: هههههههههه ماشي والله بين امزح معش وانتي تستاهلي
📚 @rewayatyamania 🇾🇪