في قلبي حكايه - 20/21 - مكتملة | روايتك

[٢١‏/٢، ١:١٦ ص] null: . البـارت 20 ¤ فـي قلبـي حكـايـة للكاتبتين: ياسميـن أحمـد وإلهـام البحـري 👌🏻👇🏻 😍 📚 @rewayatyamania  🇾🇪 سيف: ماينفع نخرجها اليوم إن شاء الله غطوة لوما تهدأ حالتها وتوقع احسن رغد: طيب تمام ومن عيجلس معها عيخلونا كلنا سيف: ماعيرضوش ومشو ضروري تجلسين فرح بخيرة ومافيها شي عتجلس أنا والصباح جين انتين الحجه: يووووه مع ما أنا مااقدرش افلت بنتي لوحدها وهي هكذا سيف: اذكري الله ياماه هوذا انا عندها الحجه فاطمه: طيب تمام  عيجلس قلبي قلق عليها سيف حب يدها: ولا يوقع بها شي اطمني المهم الدكتور قال لي ضروري نشل فرح عند دكتور نفسي الحجه فاطمة مسكت على صدرها: ماهو هذا قلت بنتي مافيها شي ليش هذا الدكتور ياسعم ان هي مجنونه ومابش معها عقل سيف: ماشي يمه قد كلمني الدكتور قال الطبيب النفسي مش للمجانين حتى هو للمريض اللي يوقع عنده ضغوطات ومن هذا المجبر هه رغد: ايوه يمه مش لازم شخص مجنون وفرح قد معها ضغوطات وتعبت خيرات واتوقع انه لازم تسير عند طبيب نفسي الحجة فاطمة: قد انتم اخبر اهم شي أبسر بنتي بخيرة سيف: حاضر ولا عليش الا تبسري بنتش ساع اول واحسن الحجة فاطمة: بإذن الله ذلحين اشتي ابسرها قبل مااسير البيت سيف: حاضر شاحاكي الدكتور وأستأذن منه بعدما استأذن من الدكتور الحجة فاطمة دخلت هي ورغد لاعند فرح الحجة فاطمة: فرح بنتي فرح التفتت بعيونها وملانها دموع فرح بتبسر امها سكتة ومش قادرة تتكلم تشتي ترتاح وتستوعب ماوقع معاها الحجة فاطمة: قوا يابنتي ارجعي زي ماكنتي ولاتفتجعي من شي دارية بش ودارية بتربيتي فرح وكأنها لقت مخرج لدموعها ينزلين بغزارة وبحرارة ووجع من اللي وقع من ابوها فوق ماهي فاقدة حنان ابوها وامها يزيد يفعل بها هكذا الحجة فاطمة قربت وحضنتها وفرح دموعها بتستكب والحجة فاطمة بتبكي معاها رغد بسرتهن ماتحملت وخرجت وهي بتبكي على فرح ‎ ‎ @rewayatyamania المصدر الأول للروايات عند الدكتور : سيف دق الباب الدكتور: اتفضل سيف: يزيد فضلك الدكتور: ها سيف فكرت بكلامي سيف وبتردد: ايوه يادكتور بس مااشتي حد يدرى الدكتور: ليش ما اعتقد انو الموضوع فيه عار او عيب سيف: احترم رغبتي يادكتور لو سمحت الدكتور‎ بهدوء وتفهم: طيب سيف: ممكن عنوان الدكتور الدكتور ادى له العنوان وفعل له تقرير عن حالة فرح سيف انتظر التقرير ورجع لاعند فرح وامه واخته امام الغرفه سيف بسر رغد وهي بتبكي سيف: مالش بتبكي ماوقع وين هي امي رغد: مابش شي مابلا امي وفرح بيبكين وانا خرجت سيف بضحكة: حسبش الله فجعتيني قصدي مدري مابه رغد ضحكت وفي عيونها الدموع: ههههه الدراما مانفعل سيف: يووه ما انتين ي النسوان على كل موقف بكبكة رغد: لأن احنا حساسات مش مثلكم اعوذ بالله سيف: خلينا الاحساس لكن يابو الاحساس رغد بدلع: اكيد ‎ الحجة فاطمة خرجت من عندهم وهي بتدعي على خالد سيف: خلاص يا اماه ابردي لش منه قوا رغد: هو غلط وعيجي يوم ويدرى بغلطه لاعاد تدعي عليه الحجة فاطمة: امرض بنتي عيمرضه الباري من عنده عيوريني الباري فيه وبعد يومين : الكل دري باللي سواه خالد في بنته عمتها زينب واعمومها سعد وعلي واخذوا موقف على اخوهم خالد ليش يسوي هكذا بفرح وخالد بيحاول يتواصل مع سيف وبيصيح ليش مايرجعوا بنته للبيت لاعنده وسيف قال له ان هي ماعتجلس الا مع امها ولو يسير راسه.. . . في عيادة الدكتور النفسي : وصل سيف وفرح وامها وعمتها سيف: السلام عليكم الدكتور قدو موجود السكرتارية: وعليكم السلام دقايق وهو هانا ممكن تتفضلوا تجلسوا لما يجي سيف: طيب شكراً السكرتارية: ممكن بس تقطع ورقة الدخول سيف: الآن ولايهمش كمل الاجراءات ورجع سيف لاعند فرح وامه واخته رغد: هيا ماقالت وين هو؟ سيف: قالت دقايق وهو هانا سيف روح امه واخته للبيت ورجع عند فرح . . عند خالد بيحس بوجع في قلبه ومش داري ليش وايش السبب وليش كل هذا وقع معه فيروز ابسرته بهدوء وفي نفسها ماله هذا؟ خالد: لاتبسرينيش وقومي افعلي لش مهرة فيروز: صلينا على رسول الله ما اقوم افعل خالد: اقلعي من قبال وجهي بس هذا اكبر عمل تفعليه فيروز بحنق شلت نفسها وخرجت من المكان شلوك رجال وشلوني سعما وافقت عليك لكن قدو النصيب مانفعل ااااح ولاداخل خالد بيسأل نفسه: ليش رجعت عصبي هكذا كل هذا بسبب فرح مسك راسه وشرب حبة ورقد بيحاول ينسى . . في العيادة.. 📚 @rewayatyamania  🇾🇪 [٢١‏/٢، ٨:٤٨ م] null: . البـارت 21 ¤ فـي قلبـي حكـايـة للكاتبتين: ياسميـن أحمـد وإلهـام البحـري 👌🏻👇🏻 😍 📚 @rewayatyamania  🇾🇪 في العيادة رغد: ماشاءالله العيادة شكلها تجنن سيف ركز على الديكور: ايوه والله حالية الحجة فاطمة حسها عند فرح وبتبسرها سكتة وبحنان: فرح تشتي شي يابنتي فرح اشرت براسها مااشتي شي رغد بتأشر لاخوها سيف يبسر امه كيف متأثره على فرح سيف بسر لاعندهن: هيا الدلع كله لفرح وانا ماشي والله ماسبرت الحجة فاطمة بحقها العصية ضربته دلا على رجله وقالت: مالدلع والحنج الا لفرح ما انتوا كل واحد لمرته وعياله رغد: وانا يماه الحجة فاطمة: وانتي عيسخر لش الباري من عنده رغد فعلت نفسها ان هي زعلت وفرح بسرتهم وضحكت سيف: لا لا لو انا داري خليتها تضربني من اول وابسر ضحكتش هذه الحجة فاطمة حضنتها وفرح بادلتها الحضن وشدت عليها وكأن هي بتقول لاتفلتيني يماه رغد: ماعه وانا من يحضني سيف قام جنبها وحضنها: وانا هانا احضنش قدي مهرة رغد بقصته: زد كمل الدلع للطرف سيف: وانتي ابسري كيف بتحانكنا امي بفرح جي كذا نحانكها والحجة فاطمة وفرح بيضحكين عليهم @rewayatyamania المصدر الأول للروايات في بيت خالد بيدق الباب رهف: شاقوم أبسر من بيدق الباب فيروز: لا تقومي ولا حاجه عتسير افتح وابسر من أنا رهف: تمام فيروز فتحت الباب وهي زينب وبصوت عالي وين هو خالد وين زوجش المحترم فيروز: ياااايه تحاكي دلا مش انا من الشارع لوما ترفعي صوتش فوقي هكذا تحاكي بأدب زينب: اوووووص لاسمع لش صوت قد تأدبنا واحترمناكم  خيرات ماعاد لكم الا قلة الحياء لوما تعرفوا ان الله حق خالد سمع الاصوات مرتفعة خرج من غرفته: مابه ماهو للمه الصوايح زينب: للمه الصوايح يا قليل الحياء وعادو عيسأل للمه تمد يدك على فرح وتقول فيها الذي مايقوله الغريب آخر شي تجي تشكك في تربيه فرح الذي تربت في حضن امي وفي حضننا خالد: قد بسرنا تربيتكم مافعلت ووين وصلتنا ومافعلت زينب: بس بس لاعاد تتحاكاش قدك داري مافعلت وكيف رجمتها رجمة الكلاب لنا ولاكأن هي بنتك وما رجعت تسأل عنها وتدي لها مصروفها الا لوما كنا نجي نتراشاك لاوسط البيت عشان ماتتعقد منك خالد: ذلحين بين اصلح غلطي وشارجع بنتي عندي زينب: والله ماترجعها عندك لو على راسي ماذلحين تصلح غلطك عادك ذكرت ان معك بنت يا قليل الاصل خالد: اخرجي قبل ما اتحمل بمصيبتش ساكت ومتحمل لكلامش لانش اختي والا كنتي عتبسري ماعيوقع زينب: احلم بس أنت والعقربه حقك تشلوا فرح . . في العيادة وصل الدكتور ودخل مكتبه وبيبسر جدول اعماله وكم معه استشارات لليوم؟ وفي نفسه اااخ يافرح ماعاد قدرت ابسر شي في حياتي ذنبي قووي كبير وياريت اقدر اصلحه ولو يكلفني ماكلفني سافرت الخارج ودرست وتعبت ومحد لفت انتباهي وفي يوم بدأت احس الدنيا بتضحك لي ترجع تنكد عليا بس ولا شاضعف انا لها وشاصلح كل غلط وماشنساش انني شاوقع دكتور كبير بين ادعم الناس وما ادعمش نفسي شاخلي الامور تهدأ هذا الاسبوع واسير لابيتهم وافهمهم بكل شي وبعدها مافعلوا فعلوا يكون قد بريت ذمتي . . السكرتارية قد لها دقيقة بتداعي الدكتور وهو بيفكر قربت لاجنبه ودقت بالقلم وهو بسرها: اتفضلي دكتور من اول بين اداعيك الدكتور: هاه كنت بين افكر اتفضلي ماتشتي السكرتارية: به معاك حالة وهذا التقرير حقها الدكتور اخذ التقرير وماركز على الاسم وقال دخليها السكرتارية خرجت وبلغت فرح تدخل لاعند الدكتور فرح دقت الباب ودخلت جلست فوق الكرسي والدكتور عند الملفات بيدور ملف لفت الدكتور وهي موطية راسها وبفرحة قام: فرح وهي رفعت راسها ومتفاجئة انو عيكون دكتورها فررح انتي هانا صح مابين اتخيلش فرح بصعوبة: اي.. ايوو..اييوووه الدكتور بسرها: ألف الحمدلله على سلامتش ايش اللي حصل كلميني واول شي قبل ماتحاكيني انا آسف والله ماكان بقصدي توضيح: الشخص المجهول هو نفسه الدكتور وبيحضر الماجستير وناوي للدكتوراة ويعتبر دكتور لانو درس في الخارج ورجع لبلاده يحضر الماجستير وبسبب الاوضاع اضطر يكمل في بلاده وافتتح عيادته بسبب خبرته وتم افتتاحها له لانو كان جدير وبعد ما خاض اكثر من اختبار وفتحوا له العيادة للي بيسألوا كيف دكتور وهو عادو بيدرس عشان تربطو الاحداث فرح بسرته وبتحس بصعوبة في الكلام: عععااادي هو كاان...ككاانت غلطتتيي الدكتور فاهم لحالتها بعد ماقرأ التقرير: المهم انش بخير وعتحاكيني بكل شي بس انفعلت اول مابسرتش وقلت تتحاكي بكل شي اعتبري اليوم نعتبره من جلسات العلاج اللي كنا بنسويها في الجامعة فرح بسرته وقالت: ان شاءالله وخرجت وهي بتحس ان هي بدأت ترتاح شوية شوية عمها بسرها قال لها: كيف الدكتور اتحسنتي؟ فرح: اييوووه سيف متفاجئ هو وامه واخته حضنها وقال: ... 📚 @rewayatyamania  🇾🇪