16/17
[٢١/٢، ١:١٥ ص] null: .
البـارت 16 ¤
فـي قلبـي حكـايـة
👌🏻👇🏻 😍
📚 @rewayatyamania 🇾🇪
"مايؤلم في هذه الحياة انك تتصرف بعفويتك المفرطة ولكن ما حولك يسيئون فهمك وتصرفاتك البريئة تلك "
خرجوا ولقاهم الشخص المجهول: ياعم اشتي ا...
قاطعه خالد: وزد لحقت بعدنا يا كلب يا ا...... حرام وطلاق لوما تقلع من قبال وجهي ذاحين لا اقتلك واخلي دمك يسيل هانا رحلك من هانا
الشخص المجهول: اشتي اوضح ماوقع وليش قلت لاتفهم..
خالد: انت شكلك بتدور نتبهذل هنيه اومه رحلك احسن لك قبل ما اطعفر دمك
الشخص المجهول بسر لاعند فرح وتحديداً لعيونها وبسر فيها لمعة حزن لام نفسه ألف مرة ليش يتسرع ويقول ان هي خطيبته حس انو انهى كل شي وطرحها في موضع شوعه وممكن يوقع بها شي
فرح بسرته وكأنها آخر مرة
وشافت الندم باين في عيونه غمضت عيونها وعذرته
ومشت مع ابوها بهدوء وهي متوقعه كل شي شوعه يوقع معاها واكثر شي وجعها انهي عتخلي كل الشكوك اللي قالتها خالتها توقع صح
في السيارة خالد بيسوق بسرعة وفرح قلبها بيدق بقوة خايفة من اللي عيوقع...
فرح وصوتها يرتعش: دلا دلا يا اباه
خالد وبعصبية: حرام لو اسمع لش صوت لا ادي غرقتي فوقش يا قليلة الادب
فرح: يا اباه اشتي..
خالد التفت لاعندها وفعل لها ملطام: ولا اشتي اسمع لش صوت لكن الحجة مش هي عندش الحجة عندي انا انا اللي مسيب لش وتفعلي ماتشتي
فرح نزلت راسها ودموعها بتنزل استغرب خالد هدوءها
التفت لاعندها وبسرها بتبكي للحظة كان عيحضنها بس تذكر الكذبه وقال: دموع التماسيح هذه ماعتفيدش
@rewayatyamania المصدر الأول للروايات
وصلوا للبيت :
بصياح بعد مادخل السيارة للحوش
هيا انزلي نزلت نفسش
فرح نزلت ودخلت البيت
فيروز: خالد كيف لك جيت بدري واتفاجأت بفرح فرح عندنا اليوم كيف لوما
فرح ساكته ومنزله راسها ووجها احمر قربت لاجنبها بسرت وجهها احمر مكان مالطمها ابوها
غلق ابوها السيارة ودخل البيت
فيروز: مالها فرح ياخالد
خالد: مشو على وجهش وبسر فرح قومي قامت قيامتش وسار لاجنبها وهزرها من يدها ودخلها ورجمها لا فوق السرير حق خواتها وغلق المكان عليها
وهي منصدمة من تعامل ابوها وبتحس كأنه مسكها وهي بتفعل شي حرام او شي يدي العار
انصدمت فرح ولاعاد قدرت تنزل دمعة عايشة في صدمة لها اول مالها آخر
(وعندما تشعر بأن الخوف يسيطر عليك وترى الارض ضاقت عليك بما رحبت وترى بأن كل ماحولك ضدك ابتسم فهناك رب الكون معك ولن يضرك شي وهو معك ويراك تحاول تخطي الصعاب بمفردك فيعينك على قضاء حاجتك )
للتوضيح(فرح فاتشة)
خالد اتصل لامه:
صبحكم الله بالخير يا اماه كيف انتوا
الحجة فاطمة: صبحك بالخير والعافيه له الحمد وانت كيف انت؟ كيف لك اتصلت
خالد: اشتي اطمنش بنتي عندي لاتقلقيش عليها
الحجة فاطمة: ليش عندك
خالد بعصبية: هي بنتي يا اماه كيف ليش عندي
الحجة فاطمة: ماتشتي من البنت بين اقلك
خالد: اشتي اتجابر انا وهي او حرام
الحجة فاطمة: كيف لوما حن الحليب وانت مابتذكرها الا لاقدك عتدي لها مصروفها راس الشهر لكن دارية بك في نيتك شي لكن حرام لو تمد يدك عليها لا اغضب عليك
خالد: ما اشتيتي فعلتي بنتي وشاربيها من
اول وجديد كله عملش انتي خليتيها تفعل ماتشتي دراسة ودرسناها لكن انا عد اوريها
الحجة فاطمة: ربيتها ساع عماتها واحسن وانا دارية مامعي يا محترم لكن مشو عملك عمل العقربة اللي معك
غلق خالد السماعه وهي بتتكلم معه
عيغلق الباري عليك من عنده هيا هه
حسبي الله فيك والله لو يوقع في فرح شي ليوقع له خبر ثاني
الحجة بتصيح لرغد: رررغد يا رررغد
رغد: هاه يا اماه مالكم
الحجة فاطمة: اتصلي لاخوش سيف اقطبي عيقتل البنت عدو الله ذيه
رغد: من هو مابه يا اماه
الحجة فاطمة: اقطبي بين اقلش مشو وقت
رغد اتصلت لسيف وقالت له يجي
الحجة فاطمة: قومي البسي وادي لي الستارة هيااا نريع لاخوش في الحوش
رغد مشي فاهمة شي: حاضر يا اماه
وصل سيف بعد ربع ساعة والحجة فاطمة قدهي عتجنن على فرح
اول ماوصل سيف سمعنه الحجة فاطمة ورغد وخرجين طلعين فوق السيارة
سيف: مابه يماه مالش
الحجة فاطمة: فرح مدري مالها اتصل لي عدو الله بيقولي ان هي عنده وانو عيربيها من جديد ومدري مه
سيف: ماقد وقع لهذا كله
الحجة فاطمة: اقطب وعندرى مابه وماوقع
سيف: عندش خبر ي رغد مابه
رغد وهي مبلودة: ماشي ولانا دارية بشي
سيف: خيرة الله بس
الحجة فاطمة: اقطب يا ابني
سيف: يماه بتبسري على زحمة
الحجة فاطمة: عيحفظش الباري ي فرح وبدأت تبكي
سيف: قوا يا اماه اهدأي عيرتفع لش الضغط
الحجة فاطمة: كيف اهدأ وانا دارية باخوك لاقد طلعوا في راسه مايبسرش قدامه
والعقربه اللي معه عادهي عتزيد تشبيه عليها وهي ترحم الله
سيف: ولا عيعس شعرة منها عاد احنا موجودين وعنقول للصح صح والغلط غلط مشي هكذا عيفطة عليها
📚 @rewayatyamania 🇾🇪
[٢١/٢، ١:١٥ ص] null: .
البـارت 17 ¤
فـي قلبـي حكـايـة
👌🏻👇🏻 😍
📚 @rewayatyamania 🇾🇪
عند فيروز وخالد :
فيروز دخلت للمكان حقها وبسرت خالد منزل راسه
مالك؟
خالد: ولا لي شي
فيروز: كيف مالك شي وانت قالب هكذا
مالها فرح او تاعبه
خالد: لو كان ماتت كان اخرج
فيروز: مابه اتحاكى اقلقتني
خالد: مش وقت
فيروز: كان اي حين وقت
خالد بعصبية: انتي بتدوري توصلش ورقتش الليلة اومه
فيروز: ليش وانا مادخلني
هذا وانا فلت اجي ابسر مالها شكلها تاعبه وانت مدري مالك جزاتي هكذا
خالد بسرها وشل نفسه وخرج وسار لاعند فرح
فيروز: ايوه دعمم بس وانا مالي بين احرق دمي عليهم يسيروا ملح
@rewayatyamania المصدر الأول للروايات
عند الشخص المجهول:
روح البيت وامه استقبلته
مالك؟
الشخص المجهول: ولا فيني شي يا اماه
امه: كيف ولافيك شي؟
الشخص المجهول: اشتي ارتاح بس
امه حست بقلق عليه بعد مادخل غرفته
جلست جنبه: انت ابني وقلبي يحس لو انت متضايق او تعبان
الشخص المجهول: والله يا امي مافيني شي غير انني متضايق شويه بسبب سوء فهم
امه: كل شي عينحل بهدوء
ذلحين ارقد وارتاح
الشخص المجهول: بحاول وع الله يجي نوم بعد اللي سويته
امه خرجت بتخليه يهدأ شويه وبعدها ترجع تتكلم معه على رواق
وهو ممتد على سريره بيشوف الجدر وبيتذكر ماحصل معه وكيف ورط فرح وفي نفسه: اااخ يا فرح ماكنت متوقع انني في يوم شاكون وجع لش
ااخ يارب سامحني على اللي فعلته بها يارب انت داري كيف كانت نيتي
(لاتخف ان احاطتك سوء الظنون فنيتك البريئة وافعالك العفوية الله مطلع بها ويعلمها )
غمض عيونه وخانته دمعه نزلت على طيفها كيف سمحت لنفسي كيف يعلم الله ماعيفعل ابوها انا السبب في كل شي
قام دور تلفونه مثل المجنون ضروري مااعتذر واوضح لها
شل تلفونه وكتب لها رسالة...
وصلت لفرح الرساله كانت مصدومة من ابوها ومن الملطام اللي فعل لها
سمعت صوت رسالة وصلتها
شلت التلفون وفتحت الرسالة
فرح انا آسف طرحتش في موقف صعب ومدري كيف عتكون نتيجة غلطي والله ماكنت اقصد شي وكان قصدي انو شخص بيضايقش ما اتحملت وانفعلت وقلت اللي قلته انا شاحل كل شي واوضح كل شي لابوش
فرح بسرت الرسالة غمضت عيونها ونزلت دموعها
ابوها فتح الباب وهي افتزت ونكع التلفون من يدها
ابوها بسر التلفون وشله: وهذا عادو معش فتش فيه وبسر آخر رسالة منه ومسك شعر فرح وبينكم رسايل وداري برقمش ههههه اكيد داري برقمش قدو خطيبش وشل التلفون وكسره في الجدر وفعل لها ملطام
انتي في نهاية عمري تفعلي بي هكذا
ما افعل بش قهرتيني الله يقهرش
دخلت فيروز بتبسره بيضربها صاحت: مالك ياخالد مابه
خالد: اخرجي من قبالي ذاحين احسن لش
فيروز: ليش بتضربها والتفتت لاعند فرح وبتبسرها كيف قدهي مصدومة
مافعلتي ليش بيضربش فرح
فرح ولاكأن هي موجودة وكأن هي اتخدرت من الملطام اللي ضربها ابوها
خالد شل فيروز من يدها: بين اقول انقلعي من قبال وجهي
فيروز: اح وجعت يدي مالك اليوم الفيوز قارحات
خالد: لا تخليني اقرح فوقش والكل وقدي هذك
فيروز سمعت الجرس بيرن فلتت من يده وسارت تفتح وتبسر من: من
سيف: انا يا مرة اخي افتحي امي ورغد معي
فتحت فيروز الباب واتفاجأت بالحجة فاطمة وسيف ورغد
الحجة فاطمة مسكتها من يدها: ماقلتي لابني مافعل بفرح وين هي
رغد: يا اماه اهدأي
سيف بيصيح لخالد: خالد خالد
خالد سمع صوت اخوه ونزل
خالد: هوذانا
سيف: وين هي فرح
خالد: ماتشتي منها
سيف: بين اقلك وين هي امي تاعبة خليها تبسرها وتتطمن
خالد: بنتي وافعل ما اشتي اقتلها والا مافعلت فعلت
سيف بيحاول يمسك نفسه: انت اخي الكبير واحترمك فلا تخليني اغثيك يا اخي
فيروز جاوبت من وراه: فرح طالع مدري مالها
سيف فلت اخوه وطلع مع امه ورغد
فتحوا الباب وبسروا رغد وجهها محمر ووجهها مصفر ويدها فيها دم من اثر الفراشة
وساع المبلودة عينها مركزة على الطاقة وبس ولاكأن هي موجودة
الحجة فاطمة وهي بتبكي حضنتها: فرح بنتي مالش يا ابي وروحي
رغد مسكت يدها: فرح حبيبتي مالش اتحاكي
سيف وقدو قلق عليها: فرح اتحاكي مالوجهش هكذا ماوقع
فرح بتبسرهم سكته وبتحس بغصه وماقدرت تبكي وتصيح دموعها بتنزل بس سكته وبهدوء وبتعبر عن وجعها من ابوها
سيف فلت امه وسار لاعند خالد: من فعل هكذا بفرح اتحاكى
خالد: انا او عندك مانع
سيف: ليش مافعلت لوما تفعل بها هكذا
خالد: بنتي واربيها
سيف: لاتنساش انك مفلت لها
خالد: وانا ذاحين بين اصلح غلطي ذيه
سيف: مافعلت يا خالد
خالد: بتساير واحد وبيقول انو خطيبها
سيف اعتجم
خالد: هيا مالك سكت والا عجبك الخبر
سيف بدفاع عليها: من قلك او عتصدق على بنتك اي كلمة
خالد: هههه الحمدلله بسرتها بعيني لاصدقت احد ولا احد قال لي شي
سيف: اينه هذا وقع
📚 @rewayatyamania 🇾🇪