14/15
[٢١/٢، ١:١٤ ص] null: .
البـارت 14 ¤
فـي قلبـي حكـايـة
👌🏻👇🏻 😍
📚 @rewayatyamania 🇾🇪
فرح: انت من صنعاء صح
الشخص المجهول: ضحك ايوه ولدت في صنعاء بس الاصل انا من إب امي تتحاكى إبي بس انا صنعاني ساع ابي الله يحفظه
فرح: هاه حالي
الشخص المجهول: ليش
فرح: كان قصدي انك من صنعاء
الشخص المجهول: كل حياتي هانا في صنعاء صح ان ابي من إب بس مايتكلم الا صنعاني امي اللي عادهي تتحاكى إبي
فرح: الله يجبرك بعافيتهم
الشخص المجهول: آمين
اليوم عتحاكيني صح
فرح: اكيد بس اللي اشتي اوضحه لك انني ماشقدرش احاكيك بكل شي وقع معي لانو يحتاج وقت كبيير قوي لذلك شاختصر لك وشاحاكيك بالمواقف اللي عاد هي ثابته وراسخه في بالي وماقدرت انساها
الشخص المجهول: تمام وانا ماعيهمني الا الشي اللي عادش بتتذكريه لا ذاحين
فرح: طيب قول مرة
قبل عدة سنين
كنت في الثانوية واتعرفت على بنات وياريتني ماعرفتهن ابداً
@rewayatyamania المصدر الأول للروايات
في هذاك اليوم
واحدة من البنات: فرح هيا عتجي معانا اليوم
فرح: ماشي شاروح الباص مريع لي
صاحبتها: هيا جي ماعيوقع شي
فرح: ماشي ولا اشتي اجي
صاحبتها 2: براحتش انتي اللي عتخسري احنا عنسير نفتهن
فرح: الله يريحكن يارب
صاحبتها 1: طيب مادام انش ماعتجي معانا جي نهرب هذه الحصة ونتجابر احسن
صاحبتها 2: والله ان هي فكرة هيا
فرح: مع انا مفتجعه لاعاد تبسرني الاخصائية والا الوكيلة
صاحبتها 1: هيا ناهي لش خرجه ومارضيتي وذاحين قلنا نجلس نتجابر براحتنا مارضيتي
فرح بتردد: يلا تمام
صاحبتها 2 غمزت لصاحبتها: يلا هيا
سارين قفا الشجرة وبيتجابرين
صاحبتها 1: انا يابنات بين احب واحد ووعدني يجي يتزوجني وبنخرج انا وهو وبيدي لي هدايا اتخيلين
فرح شهقت: يوه ياخبلا وانتي بتصدقيه وبتخرجي معه مجنونه لو يفعل بش شي والا شي
صاحبتها 2: وانا والكل بين اخرج معه واقلكن بسر بيني وبينكن انتبهين
فرح: وانتي والكل مجنونه ساعها
صاحبتها 1: هيا اتحاكي هو سر بيننا ماعيخرجش لحد
صاحبتها 2: في يوم كان حبيبي مابش معه زلط وماكنت اشتي ابسره بهذك الحالة والله لو تبسرين مافعلت على شانه
فرح: مافعلتي؟
صاحبتها 2: سرت شليت ذهب من حق امي وبعته له كل شي يهون عشانه
فرح لطمت على وجهها بخفيف: قسم بالله انش مجنونه ومابش فيش ذرة عقل
صاحبتها 1: انتي يافرح بتقولي هكذا لانش ماقد حبيتيش
صاحبتها 2: صح لو قد حبيتي لا تبيعي روحش له
فرح: اللي يحبني عيبيع نفسه هو عشاني مش انا
خاطركن مجبارتكن مشي حاليه قصدي عتتحاكين من شي مهم بس على مابين ابسر كلام كله مابش فيه عقل
صاحبتها 2: هههههه ما مع الحاسدين الا الدموع
صاحبتها 1: انتي اصلاً هكذا قلنا نخليش معانا في شلتنا لكن ماتستاهليش
وماعندها حجة امش لما تفلتش قدو من حلاش
صاحبتها 2: هههههه والله انو صدقش اذا كان امها وهي امها اتنازلت بها تفعل نفسها ذاحين قدامنا ان هي مؤدبة وبنت ناس وهي يعلم الله كم قد صاحبت
فرح مصدومه من كلام صاحباتها بسرت لاعندهن: استاهل انا اللي صاحبت بنات مثلكن قلت عتكونين خوات لكن وقعتين اخس من عقارب
صاحبتها قامت ومسكت يدها بقوة: لا يغرش ان احنا بنضحك وبنزبج عتقولي مسكينات والله يافرح لو يطلع هذا الخبر لحد ماتلومي الا نفسش
صاحبتها 2: مسكت بلقف فرح خليني بس اسمع كلمة من اللي حاكيناش بها تقوليها لحد والله لا يكون آخر يوم في عمرش وقذا قلت لش
فرح هزرت نفسها من بينهن: ما شقذاش اتكلم بوساختكن هذه لحد ومن اليوم ولا كأنني اعرفكن
صاحبتها 1: احمدي ربش ان احنا قبلنا ببنت مثلش تصاحبنا وتخطى معانا غيرش بيتمنى تمنى انو يسايرنا
📚 @rewayatyamania 🇾🇪
[٢١/٢، ١:١٥ ص] null: .
البـارت 15 ¤
فـي قلبـي حكـايـة
للكاتبتين: ياسميـن أحمـد وإلهـام البحـري
👌🏻👇🏻 😍
📚 @rewayatyamania 🇾🇪
فرح: ما كنت متوقعة انكن وسخات لهذه الدرجة كان قصدي أنكن شي وانكن طلعتين شي ثاني قووي
صاحبتها 2: يلا انقلعي من قبال وجهي ذاحين احسن ما اقوم ارعفش هانا
صاحبتها: سمعتي ما قالت يا لقيطة
فرح: احسن منش ياللي فاعلة نفسش بنت محترمة وانتي عكس
وخطيت وهن شلين دبه فيها ماء والباقي حق الببس ولحقنها وسكبين الماء والببس من فوق راسها وهي بسرتهن سكته وخطيت للحمام اعزكم الله
وبدأت دموعها تنزل وهي لحالها
جلست في الحمام هذك اليوم نص ساعة بكيت لما حسيت عيوني عيعتمين
هدأت شويه وقررت اواجه كل شي غسلت وجهي وخرجت ولا كأنه حصل شي ورجعت الحصة واعتذرت من الاستاذة على التأخير واتعذرت انني كنت مريضة شوية وبسرت عيوني وعذرتني ودخلت الحصة وقررت ابدأ من جديد وابطل اصاحب حد واحذر من الكل بس كل ما اصاحب حد اوثق فيه بس في الاخير يخذلني ويثبت لي انني استاهل الملطام اللي يجي لي منه
الشخص المجهول بنظرات زعل وعصبية: وانتي ليش ماوقفتيهن عند حدهن ليش تخلي اي حد يغلط عليش ويشككش بنفسش
فرح بهدوء: وطي صوتك
الشخص المجهول: اعتذر انفعلت بس فعلاً شي يوجع
فرح: قلت لك ماقد كلمتك الا بالشي البسيط بس ومابين اكلمك الا بالشي اللي ثابت في راسي اكثر شي وما قدرت انساه والا انا حياتي اغلبها وجع
الشخص المجهول: ااح بس نوثق في ناس ونكتشف انهم والخيانة واحد وجه لعملة واحدة والثقه متبريه منهم
فرح: انا وثقت فيك وبين اعتبرك الآن دكتوري النفسي كونك بتحضر لتخرجك ولبحثك وان شاء الله تستفيد مني وتفيدني
الشخص المجهول: شكلي شاستفيد منش في حياتي اكثر مما شافيدش وان شاء الله اكون عند حسن ظنش
فرح: ان شاءالله ماتخيب ظني مثل اللي قد وجعوني من قبلك
فرح لمحت ابوها وبفجعه انا
@rewayatyamania المصدر الأول للروايات
عند خالد:
ايوه يا فهيم وبعد مادخلت الجامعة وين عتلقاها بين هذه البنات شاسأل عن قسمها وابسر كيفه
خالد لقي طالب بيسأله: لو سمحت يا ابني داري اين هو قسم اللغة الإنجليزية
الطالب: ماشي عادني طالب مستجد هانا مااعرفش شي
خالد: شكراً ذاحين كيف افعل
فرح لمحت ابوها وبفجعة: انا استأذن منك مضطرة اروح
الشخص المجهول: فرح اين عتسيري ماكملنا كلامنا
فرح وهي بتمشي وهو بيلحقها وقلبها بيدق: شاشرح لك اسبابي وقت ثاني
الشخص المجهول: طيب لحظة لا..
بسرها ابوها وهو بيلحق بعدها مسك من يدها وهي شهقت
فرح بربكة وخوف: هاه ولا فعلت شي
خالد بعصبية: مايشتي منش ذيه وليش بيلحقش
الشخص المجهول بسر واحد وماسك لها لوما فار دمه وصل لاعنده: ما تشتي منها انت مش عيب تفعل هكذا بواحدة ساع بنتك
خالد بعصبية فلتها: ليش من يقولوا لك
الشخص المجهول: خطيبها
فرح انصدمت وراسها وجعها ودوخت
الشخص المجهول قد كان عيساعدها
ابوها صيح: رزي يدك من بنتي لا اكسرها لك
الشخص المجهول اعتجم ولاقدر يقول كلمة
خالد حضن بنته واسعفها
.
.
باب المستشفى العسكري: مابه ماوقع
خالد: بنتي دوخت مابش شي
العسكري بيحاكي صاحبه: افتح البوابه ياولد معه اسعاف
فتحوا البوابة وجت الممرضة وبدأت تقيس لها الضغط والسكر
وهو منتظر خارج الغرفه والجن بيتنبعوا قدامه
في نفسه
آنا بنتي تفعل هكذا لا وعاد المحترم ابن ال...... بيقول خطيبها ايوه ايوه
يعلم الله م بيفعلوا وقد معاهم كذبه انهم مخطوبين ومحد عيحاكيهم
خرجت الممرضة: انت ماتوقع لها
خالد بنرفزة: ماشوقع لها غير انني ابوها
الممرضة ببرود: بنتك تاعبة جاها هبوط وبداية انهيار حاولوا تخلوها ترتاح عشان ماتتعب زيادة وتتأزم
خالد بدون مايفعل لكلامها اعتبار: اشتي اروحها
الممرضة وهي مستغربه لحركاته : تكمل المغذية وتقدر تخرجها
خالد فتح باب الغرفه دخل لاعندها وهي راقدة
وبيقول انا يا فرح تفعلي بي هكذا وتقهريني تسايري ولد لا وعادكم تكذبوا انكم مخطوبين ماتوقعتها منش بس مشو عملش هو عملي انا انا اللي مسيب لش وبين اقول امي عتنتبه لش
بس بتضحكي على امي بكلمة كلمتين
بس انا ماعتقدريش لو تفعلي مافعلتي والحمدلله انني لحقت قبل مايوقع شي ويوطي راسي
حسبش الله بس انتي وامش
قهرتني
لكن من اليوم شاوريش من هو ابوش وكيف تفعلي
وبعد مرور ساعه بدأت فرح تقوم وتفتح عيونها وراسها بيوجع
: وين انا اااخ راسي بيوجع
خالد افتز وبنبرة فيها استحقار: انتي في المستشفى لاكملتي من تمثليش ذيه قومي نروح هيا اقطبي
فرح غمضت عيونها واتذكرت كل شي وقع معاها: وبدعوة قالتها
"لا إله إلا أنت سبحانك اني كنت من الظالمين" يارب انت داري بكل شي متوكلة عليك
خرجوا ولقاهم الشخص المجهول: ياعم اشتي ا...
قاطعه خالد: ...
📚 @rewayatyamania 🇾🇪