في قلبي حكايه - 4/5 - مكتملة | روايتك

[٢١‏/٢، ١:١١ ص] null: . البـارت 5 ¤ فـي قلبـي حكـايـة للكاتبتين: ياسميـن أحمـد وإلهـام البحـري 👌🏻👇🏻 😍 📚 @rewayatyamania  🇾🇪 فرح: السلام عليكم خالتها وامها وعمتها: وعليكم السلام فرح تحاول تكون طبيعية: حيا الله من جاء فيروز وهي بتعوج لقفها: لش الحياة وين انتي لا ذاحين فرح بتحاكي نفسها قدو وقتها فرح: في الجامعه عادني كملت فيروز: المفروض تروحي بحين وقد عندش خبر انني شاجي او ماتشتي تبسريني فرح بتحاكي نفسها يارب خراجك ياالله فرح: مع من قال مابلا كانت محاضرة قوي مهمة ماقدرت افلتها كملتها وجيت بساعتي فيروز وهي بتقلب صورة: يلا هه سيري قربي الغداء مريعين لش ماتغديناش قلنا لوما تجي الحجة فاطمة دخلت: سيري يابنتي بدلي واتوضي وصلي الظهر واخطي غداء عتقربه عمتش وفيسع غداء فرح وهي بتدعي لجدتها: حاضر من عيوني يا اماه عيجبرني بكم فيروز ابسرتها من طالع لا نازل وعصرت وجهها صلا التلفزيون والجدة اشرت لفرح تقطب @rewayatyamania المصدر الأول للروايات وقت الغداء فيروز: ياعمة اشتي اجابركم الجدة فاطمة: خير يافيروز فرح في نفسها الله يكفيني شرش وشر جيتش هذه رغد بتبسر فرح وبتأشر لها تبتسم لاعاد تحاكي ابوها ان هي قالبه صور وحاولت فرح تبتسم غصب فيروز: امس جت عندي ام فادي الجدة فاطمة: ايوه فيروز وبتبسر لاعند فرح: وقالت تشتي فرح لابنها فرح حنبت اللقمة في حلقها شربت ماء وصفر وجهها الجدة فاطمة: هذا المجبر يا فيروز كنتي عتتحاكي به بعد الغداء ولابه نصيب الله يوفقهم وماقالت فرح احنا بعدها فيروز: ياعمة مابلا اشتي اقلكم بشي الجدة فاطمة: ماهو فيروز: مشو نصيب حالي يعني ماشرضاه لفرح فرح في نفسها ياسبحان الله يعلم الله مافي بالها الجدة فاطمة: وانا ما اشتي لبنتي الا النصيب الحالي عيسخر لها الله من عنده ابن الحلال اللي يعزها  ماعاد تزيد تقول اين اهلي فيروز عوجت لقفها[ فمها]: على الله ذاحين ماقلتي ياعمه ما ارد لهم خبر قالوا يشتوا يجوا عندكم الجدة فاطمة ابسرت لفرح وهي مطننة: فرح بنتي مالابي وروحي مطننه؟ فرح: هاه ولاشي يا اماه ماتشتوا الجدة فاطمة: ما اشتي الا عافيتش ماقلتي من الخبر ذيه فرح: اشتي اكمل دراسة مش وقت الزواجه يا اماه فيروز بسرتها وابتسمت بنية خبيثة وفي نفسها هذا لا رضيت ازوجها الا لوما تفحر عندي وافتهن وبعدها لاعاد ابسرتها الجدة فاطمة بعد ما ابسرت فيروز: اشتي ابسرش حريوة قبل ما اموت محد ضامن روحه يابنتي اشتي ابسرش في بيت زوجش مستورة فرح والدموع في عينها: عيجبرني بعافيتش يا اماه ويخليش سراج وضياء رغد بتتفرج الكل سكته وبتحس انو فيروز بتخبي شي فيروز بتحاكي بناتها: اقطبين اتغدين عنجلس شوية وروحنا علاميد تبسرين ما اخذتين اليوم فرح بتحاكي خواتها: سرتين المدرسة؟ خواتها: مع قالت امي عتجي قلنا عنجي نبسرش فيروز: ضيعتين عليكن اليوم وما ابسرتنها الا وقت الغداء فرح بتبسرها سكته واتنهدت الجدة فاطمة: كيف هو خالد ولاعاد بيبدي فيروز: ماله شي هو لاهي ياعمه يلا حين عاد بنبسره احنا في البيت الجدة فاطمة: ولو انا امه ويذكر ان عاد معه بنت فيروز: قد قلنا لها تجي لكن هي مشغولة وابسرت فرح وقلبت صور الجدة فاطمة: هي عند امها انا بين اتحاكى على ابوها فيروز: وانا قذا قلت لش ياعمة فرح: شاسير اسبر الشاهي هه فيروز: وانتوا ياعمة ولا بتقولوا لها تتصل لابوها كودها الا فوق دراستها وهي نهايتها للديمة فرح سمعتها ورجعت: هذا تفكير الناس المتخلفه الناس الجاهله الذي يفكروا ان البنت بس للديمه وبس والحمدلله ان انا بين ادرس واتعلم مش عشان احد عشان نفسي لانني داريه محد ينفع احد وقد قال المثل محد لحد يا ركبتي وعيني فيروز: الحجه مش عندش الحجه عند امش الذي فلتتش وطبيعي تكوني وقحه ولسانش طويل على الذي اكبر منش لانش عشتي بدون ام ومابش من يربيش سوا الحجة فاطمة بقلبه: فيروووز بتغلطي عليها وعليا وقدامي ماعاد بش احترام والا ماهو معش وبسرت لفرح: فرح سيري افعلي شاهي يلا فرح بسرت امها بتعب وقلة حيلة: عمه قوا افعلي بدلي الشاهي انا ماقدرت شطلع مكاني ارقد وسارت لمكانها وهي ضابحة قوي الحجه فاطمه: هيا مالش يا فيروز او بتبسريني ناقصة ماقدرت اربيها فرح ساع بنتي وهي بنتي اما كلامش واللي قلتيه انا شابسر ابني مارده عليه مادام وانا ماقدرت اربيها فيروز: ماقصدي شي ياعمه بس انتوا بتتحسسوا زيادة وهيه تنزفز الواحد الحجه فاطمة: كلامش كوني اوزنيه وادري مابتقلي فيروز: تمام بس بيني وبينش والله ان انا بين ابسرها ساع واحده من بناتي وزاعله قوي حين مارضيت تتقبلني من وهي صغيره وبين احس هذه الفترة انها متغيرة او فيها شي او مخبيه حاجة الحجه فاطمة: ... 📚 @rewayatyamania  🇾🇪 [٢١‏/٢، ١:١١ ص] null: . البـارت 6 ¤ فـي قلبـي حكـايـة 👌🏻👇🏻 😍 📚 @rewayatyamania  🇾🇪 "من السيئ ان تشمت بشخص بشيء قد ابتلاه الله به فلربما يُنزع منه البلاء ويبتليك به انت فكن حذراً " الحجه فاطمة: مابلا زيدي خرجي فيها عيوب الدنيا قد قال المثل وماكذب قد الخاله تنقب اللالة رغد قاطعت بصوت عالي: هيا مالش يا فيروز للوسوسه حقش وبعدين مش متغيره ولا حاجه هذه فرح الذي نعرفها بس يمكن مع ضغوطات الجامعه تاعبه طلعت ترقد طبيعي ولافيها شي ولابتخبي شي مابلا انتي مدري مالش عليها فيروز: يلا سابر كان خاطركم مادام كلامي غلط وبتقولوا انني بين اتبلى عليها ماعاد لي جلسه في هذا البيت الكل بيقفز فوقي اقوم اروح لي بيتي اخرج الحجه فاطمه: محد غلط عليش تشتي تجلسي حياش الله تشتي تريحي لش براحتش فيروز صيحت بصوت عالي لبناتها: هيا يابنات اليهودي نقوم نرح لنا قبل ما يطردونا قد كل واحد قلبه ملان وفاعل نفسه نازل من الجنة الحجة فاطمة: وليش بتسبيهن وبتسبي ابوهن او مامليت عينش بتسبي ابني قبال وجهي ماعاد بش حياء يا فيروز قد نزعه الله منش والا ماهو خبرش فيروز طنشت كلام عمتها وشلت بناتها وروحت رغد بسرت لامها وقدهي متنرفزة: قوا يا اماه اهدؤوا لاعاد يرتفع لكم الضغط ماتستاهلش تتعبوا علاميدها الحجة فاطمة: والله مافي قلبي غير فرح ساع الجمره في قلبي لكن عيسخر لها الباري وترحلها من عند الكلبه هذه مش هي خاله ولا عتكون في يوم ام لها ماهي الا عدوة شلت فيروز بناتها وسارت بيتها وفي داخلها بتلعن فرح وكل من بيوقف معاها @rewayatyamania المصدر الأول للروايات وفي الليل خالد روح من عمله تاعب دخل البيت وسلم عليهم ردوا السلام فيروز: حيا الله من جاء امانه ان قد بسرتك ساع العيد خالد بضحكة: هههههه م نفعل قدهي الظروف تحكم اشتي اوفر لكم زلط وما اخليكم تحتاجوا حد من بعدي بنته نبعت لاحضنه وبتسلم عليه: وحشتني خيرات يا اباه خالد حبها: وانتي اكثر ي روح ابوش وانتوا ياجهال كيف حالكم البقية ردوا الحمدلله له الحمد يا اباه لاقدك بخير احنا في خير فيروز: الله يطول في عمرك ويخليك لعيالك اللي بيهرموني عليك مش ساع بنتك فرح ماهي دارية اين انت ولا كيف حالتك خالد اتذكر فرح وضبح: عيهديها الله هي معاها جامعة الله يعينها ويوفقها ايوه صح انتي قلتي عتسيري عند امي كيف هي؟ فيروز: هذك هي مالها شي تسلم عليك خالد: بس خليتيني استغرب كيف لوما سرتي لهم وسط الاسبوع فيروز: مابلا قلنا نسير نحاكيهم انو اتقدموا لفرح لكن ما تستاهل خالد بصدمة: اتقدموا لفرح وبصياح ليش ما تحاكيني انا ابوها فيروز بخوف: هاه مابلا اول قالت ام الولد تشتي تبسرها سوا وتتعرف على جدتها قلت اسير احاكيهم ولاقد به نصيب عيجوا صليك انت خالد ودمه بيفور: مثل هذه المواضيع ماتتخبى عليا يا بنت الناس انا اول من يدرى انا ابوها فيروز: ناهي ماقلت شي قلنا لك ماعاد سبرش الموضوع كله البقعه مش هي حالية تكمل تدرس اول وفي نفسها ههه تتخطب وتتزوج وتسير تفتهن والله م سبرت لها عادني شاقهرها واوريها كل يوم صيحت فوقي ياخالد والا ما اكون فيروز خالد: قوموا ياجهال شرق عليكم ارقدوا معاكم مدرسة الجهال ضبحوا وساروا يرقدوا ودعوا امهم وابوهم وكل واحد سار يرقد ومستغربين من ابوهم ماله صيح فوق امهم قدامهم . . عمر وايمن في الغرفة عمر: ابسرت كيف فرح بتدي لنا المشاكل حتى ولو هي بعيدة يخ كم اكرهها مش هي اختي ما اشتيهاش ايمن: مالك يا اخي والله مابتفعل شي انت مدري كيف تفكيرك احنا اخوه ماعلينا من اللي بيحصل وهي اختنا الكبيرة لاتنساش عمر: انت مدري ماقد فعلت لك بتدافع عليها هذا وقد انضربت من تحت راسها ايمن اتذكر هذاك اليوم لوما انضرب من ابوه: في يوم ابو فرح عزم امه وخواته واخوته عنده غداء وفي العصر فرح سارت تصلي عصر وفي بيت ابوها بتطلع الدرج سمعت صوت قراعه في عصرة الدرج فرح في نفسها: من وين الصوت هذا؟ او به سارق افتجعت فرح وسارت للمطبخ شلت سكينه ونزلت فرح وقدهي بترتعش من الفجعة مدت راسها للعصرة حق الدرج وبتبسر اخوها ايمن بيحاول يلصي الشقارة انصدمت في اخوها وقالت: ايممممن ايمن نكز ونكع الشقارة والولاعه: هاه فرح ماهو مشو انا هذه حق فرح قاطعته: قد ابسرتك بعيني هذا وانا بين اقول قدك الرجال لكن غيرت نظرتي فيك ايمن: قوا لاتتحاكيش فرح انتي اختي فرح: لمصلحتك انا شاحاكي ابي عشان يمنعك من مسايرة الفرغ وتنتبه لدراستك اشتي افتخر باخي مش يقولوا واحد سرسري واقتهر عليك ايمن اتأثر بكلام اخته ودمع ونزل راسه سكته فرح: هذا كله في مصلحتك انت احنا اخوة لاتنساش وما اشتي لك الا الخير ولاتصدق اي شي ثاني صح انني من ام وانت من ام بس احنا اخوه غصباً عن الكل ايمن سكته فرح: شاحاكي ابي بس عشان يركز عليك ايمن: ... 📚 @rewayatyamania  🇾🇪