1/2
*•~ 💗~ ࢪواية الزهـࢪة المـفتࢪسة~💗~•*
*الجزء1✿︎*
*الجزء2✿︎*
*الجزء3✿︎*
تابع قناه عشاق الروايات📚📙🇸🇩 كتابات مذكرات ملخصات انمي Pov سكسشينات حزن نکت ثانوية ملصقات في واتساب: https://whatsapp.com/channel/0029VaG4kKrKQuJKW4U8383w
•_______🎀•🎀_______•
تقبع في فراشها متكورة في وضع الجنين..
تنظر بعين زائغة خائفة كل دقيقة الي باب تلك الغرفة الرثة..
التي استأجرتها لتتواري فيها عن الاعين المتربصة لها..
لتحاول ان تنال قسطا من الراحة لجسدها
المتعب.. وتبكي بحرقة حتي تغفل عيناها قليلا..
ثم تفتحها بفزع علي صوت الباب المنكسر
ودخول بعض الرجال.. يجذبوها بعنف
لينطق احدهم بتهكم وهو يجرها: انتي فاكرة
انك هتقدري تهربي مننا.. وبحدة..امشي معانا..
ليأخذوها ويضعوها في غرفة باردة من كثرة الرطوبه..
ويكمل احدهم:الباشا لما يرجع هو اللي هيحاسبك..
استلقي وعدك بقي..وبضحكة سخريه بقي انتي تفكري انك تضحكي علينا..
ويغلق الباب بعنف..وتتكور مرة اخري علي الفراش
المتواجد في تلك الغرفة وتظل تبكي في رعب ..
مكمله..ليه ياربي بيحصلي ده..كله اتخلي عني..بعد كل اللي
عملته..بس انا اللي جبته لنفسي.. ياريتني كنت سمعت كلامها.
لتبقي في تلك الغرفة يومان لايحدثها احد فقط يدخلون لها الطعام ويخرجون..
كانت نائمه واذا بها تشعر باصابع تلامس وجنتيها التي اتخذت مجري
لدموعها المنهمرة حتي في نومها..لتفتح عيناها وتنتفض في زعر منه..
ليبتسم هو بابتسامه جانيبه حادة..مكملا:ايه خايفة مني..
مكنتيش عاملة حساب لليوم ده..كنتي فاكرة اني هفضل نايم علي وداني..
وبعصبية ..تضحكي عليا انا..فاكراهم هيقفوا جمبك..
وبسخريه اديهم سابوكي اول ما وقعتي..
وصدقوا عليكي اللي قولته عنك..حتي اهلك سابوكي..
ياحلوة الزمن ده محدش بيفضل علي وعده..
بس قسما بالله لهوريكي الويل يا نور..
نور ببكاء: انا كنت بعمل اللي انطلب مني وبس..
انا مخدعتكش يامازن..زي مانتا بتعمل شغلك انا كمان بأدي واجبي..
مازن بغضب: واجبك.. واجبك انك تتجوزيني وبعدين تسلميني ليهم..
نور بحزن: ده كان واجبي من الاول وعلشان كدة اتعرفت عليك..
لينهض مازن في غضب ويكمل بتوعد
حيث كدة بقي: استحملي يا زوجتي العزيزة..
ليخرج ويتركها تعيد الذكريات..
في ذلك المنزل الكبير تري الاصوات منذ الصباح..
الام بنفاذ صبر: كفاية بقي انتي وهيا ايه مفيش احترام..
لين: ايه بس يا دودو مالك عملنالك ايه بس..
دعاء بحدة: بزمتكم ده منظر بنات كبار عاقلين..
لين بضحكة: ومين قالك اننا عاقلين يادودو..عيب مين
الوحش اللي ضحك عليكي وفهمك كدة..انتي تعرفي عنا كدة..
نور: ههههه ايه يادودو مين بس اللي مزعلك..
عيب يا لين سيبي ماما في حالها..
دعاء: كلي بعقلي حلاوة ياختي.. بصوا انا مش
هقدر عليكم انا هندهلكم ابوكم يشوف صرفة معاكم..
نور بضحكة: وبالمرة اندهيلنا العسكري.. ايه البيت ده..
لين بتزمر: ايه ده.. اش حال لو مكنتش بتشوفي
كام يوم كل سنه مرة.. كانت عملت ايه فيا..
نور: ههههه معلش يا لينو مانتي عارفة ماما..
وانتي بصراحة بتيجي تقلبي البيت…
لين بغيظ: كدة..ماشي انا مش هوريكم وشي تاني..
نور وهي تمسك وجنتي اختها وبضحكة: كدة
برضو واحنا نقدر نستغني عنك يا جميل..
لتضحك لين: هههه بت انتي قعادك مع شكري اثر عليكي..
وبقيتي بتعاكسي البنات انا شاكه فيكي الصراحة..
نور وهي تغمز لاختها: طب ماتيجي ونجيب مليجي..
لين: ههههه ده انتي قديمه قوي خدي ديه..اسمعي ديه..
انت ياحلو مالهرم فاضي وابو الهول راضي..ماتيجي لو فاضي..
ليضحكا نور ولين.. ويسمعان صوت والدهما ينادي عليهم..
عامر: نور.. لين تعالوا..
لتأتي الفتيات وتنطلق لين الي والدها..
لين: ايه يابو الكباتن مالك عايز ايه..
وبعتاب يرضيك اللي مراتك عاملاه فيا ده..
عامر: بس يابت عيب عليكي..
ولنور خير يا حضرة الظابط المستقبلي انتي لسه هنا..
نور بإستنكار: طب ليه المعامله
الناشفة ديه ياسيادة اللوا.. مالسه بدري..
عامر بسخرية: بدري من عمرك.. المفروض تكوني هناك من الصبح..
يلا شكري مستنيكي.. وبصرامه فين التحيه العسكريه ثاااابت.
نور وهي تؤديها: تمام يافندم.. وبإستسلام.. رايحة اهو..
لين بضحكه: علي ايه يعني هو القسم هيتنقل
ولا المساجين هيهربوا من الحجز.. ماعادي ياحاج سيبها بقي..
عامر: اسكتي انتي ملكيش دعوة بيها يلا يا نور بسرعة..
نور بتزمر:حاضر..رايحة اهو..معرفش اقعد مع لين شويه يعني..
بعد ذهاب نور..
عامر:لين عامله ايه في الكليه..وجدك عامل ايه معاكي..
لين بتأفف:عادي يا بابا..ماشي الحال..الكليه كويسه..وجدي كويس..
عامر:طب وهشام..لسه هناك..
لين بملل:ايوة..يعني هيغور فين..ماهو متلقح هناك..
عامر:طبعا هو اللي ماسك الشركه مش كده..
لين :ايوة..جدي مخليه هو اللي يديرها
لغايه ما اخلص الكليه واشتغل معاه..
عامر:بصي يالين..انا عايزك تاخدي بالك كويس من هشام..
ومتسبيهوش يكوش علي كل حاجة..انتي زيك زيه..
ودخلتي الكليه ديه..علشان تبقي فاهمة كل حاجة..
مش عايزين نطلع من المولد بلا حمص..
وهشام يكوش وابوه علي فلوس جدك..
لين بتأفف:حاضر يابابا..هعمل كل اللي انت عايزه..
وحفظت..مش كل مرة اجي تقولي الكلمتين دول..
عامر بحده:ماهو لازم اقولك علشان مصلحتنا..
لين :حاضر..فهمت..ولنفسها بحزن..كل اللي يهمك الفلوس..
(عامر المغربي لواء متقاعد بعد تعرضه لحادث منذ اثني عشر عاما
ادي الي عجز في احدي ساقيه.. لديه ابنتان الكبري لين والصغري نور)
ليدق هاتف لين وترد:الو ..ايوة ياجدي..
كاظم:ايوة يالين..هترجعي امته..
لين بتأفف:يومين وراجعة..وبسخرية…لحقت اوحشك يعني..
كاظم بسخريه:طبعا..انا اقدر استغني عنك وعن لسانك..
كل الموضوع ان هشام مسافر بعد كام يوم وانا مش عايز ابقي لوحدي..
لين بتهكم واستهزاء:ليه خايف ليطلعلك عفريت..ده العفريت
يخاف منك..ولا العروسه الجديدة معجبتش وطلقتها كالعاده..
كاظم بحده:لسانك يالين عايز قطعه..اتلمي..ويومين وترجعي..
لين بحنق:حاضر..يومين وهرجع..سلام..
(كاظم المغربي..عم عامر وهو رجل ثري جدا ولكنه لاينجب..
.بعد عامان من تعرض عامر للحادث طلب منه كاظم ان يعطيه احدي ابنتيه..
للبقاء معه في منزله وذلك مقابل ان يعطيه حصه من الميراث بعد وفاته ومبلغ شهريا..
وفعل كاظم ذلك ايضا مع ممدوح ابن عم عامر حيث اخذ منه ابنه هشام ليبقي معه في منزله..
كانت لين في المرحله الابتدائيه عندما اخذها كاظم..وهشام يكبرها بسبع سنوات..
ولكن كان هشام يعيش مع كاظم من قبلها..
تذهب لين لزيارة عائلتها التي تعيش في مزرعة تخصهم كل فترة لعدة ايام وتعود سريعا)
>>>>>>>>>>>>>>>>>>>>>>>>>>>>>
في القسم ذهبت نور والتقت بشكري الضابط المسئول عن القسم
وتذهب نور كثيرا الي هناك لانها تطمح الي ان تصبح ضابط شرطه
مثل والدها وتدافع عن بلادها وتنظفها ممن يحاول ان يفسدها..
شكري بضحكه:هههه..وصلتي ياختي..تعالي..
وربنا مامهون عليا الهو ده غيرك انتي يانور..
نور بتزمر:ايوة ياخويا..ابويا كل شويه يبعتني ليك
اقعد معاك هنا..علشان اتعود علي القسم..
شكري بضحكة:الله..ومالك زعلانه كده ليه..
نور بحزن:لين هنا..وهتمشي بعد كام يوم وانا مش بلحق اقعد معاها..
شكري:اهاااا..قولي كده..لينو وصلت ..طب مجتش ليه معاكي..
نور:كالعادة بابا عايزها.. ووزعني عندك..الا قولي مفيش جديد هنا..
شكري وهو يمط شفتيه :زي مانتي شايفة ياختي…
هوا..لابهش ولا بنش..يابنتي هنا مفيش مجرمين في بلدكم..
نور بفخر:طبعا يابني..مين يقدر يجي هنا ..بلدنا معروفه..
شكري:ههههه..هتقوليلي..مانا عارف ده انا لما بلاقي حرامي داخل عليا
ببقي عايز اخده بالحضن..واقوله شوقه ياغالي واحشني..
نفسي ابقي زي باقي الاقسام والحركه تدب هنا..
لتطل لين براسها: بزمتك انت ظابط انت..بتحرض
علي الاجرام..ده انت عايز تتشد يا شيكو..
شكري بسعاده:لينو..حبيبتي وربنا وحشاني..
لين بضحكه:هههههه..اتلم يالا..
شكري:يالا..وطي صوتك ياحجة لو عسكري سمعك ..يقول عليا ايه..
نور:هههههه..معلش يا شكري..انت عارف لين..
لين وهي تجلس متربعة علي الاريكة: ههه..ايه يا شيكو..
عليا انا برضو..بقولك ايه انت مش هتعزمني
علي حاجة..ولا لسه قيحة وبخيل زي مانتا..
شكري بضحكة:ههههه…شيكو..طيب..وبعدين انتي اللي المفروض
تعزميني مش انا..ده انتي علي قلبك قد كده..مش زيي انا واختك الغلبانه ديه..
نور:ههههه..ايوة يا شيكو..عندك حق ..ده كفايه عربيتها اللي برا..
ليسرع شكري لينظر من الشباك :يالهووووي..
ديه جيب مش كده يالينو..الله يسهلوا يا سيدي..
لين وهي تخمس في وجهه:ايييييه..الله اكبر في عينك..العربيه هتولع بيا..
شكري:ههههه..لا ماتخافيش عيني مش وحشه..انتي بس
خدينا وغدينا واحنا مش هنقر هنحسد بس..ولا ايه يانور..
نور بضحكة:هههه..ايوة..يلا يالينو خلينا نتفسح شويه..
لين:طيب..بس القسم هتسيبه لمين..
شكري بتعوج:يعني من كتر اللي فيه..ماهو فاضي اهو..يلا يلا..سيبك..
لين بتعجب:ظلمك اللي خلاك ظابط يا شكري..يلا تعالوا..
لينطلق الجميع ويذهبوا في نزهة ويتجولوا في
اماكنهم المعتادة..وتعود لين ونور الي المنزل..
باك..
نور ببكاء:فينك يا لين..انا خايفة قوي..
> *هذه الرواية تابعة لقناة عشاق الروايات 📚 من يراها في قناه غير هذه القناه يعلم انها مسروقة*
نور ببكاء:فينك يا لين..انا خايفة قوي..
بعد مده يدلف الي الغرفة مازن ويتحدث بسخريه:
اختك بتدورعليكي يا نور..بس مهما تعمل مش هتلاقيكي..
نور برجاء:والنبي يا مازن سيبني امشي..
انا خلاص ..مش هفتح بقي بحاجة..
مازن بعصبيه:اسيبك تمشي..بعد اللي عملتيه فيا..
مستحيل..ده انا هوريكي النجوم في عز الضهر..
نور ببكاء:اكتر من كده..
مازن بتوعد:ده انتي لسه شفتي حاجة..بقي بعد ما احبك ..
واتجوزك..تعملي فيا كده وتطلعي بتخدعيني..
كنتي فاكرة اختك هتقدر تحميكي..اهي مش عارفه تلاقيكي..
نور بحزن:وانا كمان حبيتك يا مازن..كنت
بتمني ماتطلعش كده..بس طلعت فعلا مجرم..
مازن بغضب:انا هوريكي يانور..ابقي خليهم ينفعوكي..
ليخرج بغضب من الغرفة ويتركها حزينه باكيه ..
>>>>>>>>>>>>>>>>>>>>>>>>>>>
لتبدأ القصه والاحداث
فلاش باك..
في شركة كبيرة عندما تنظر اليها تدل علي الفخامه..
كل مابها يدل علي الرقي من حيث الملابس الموحدة والانتظام..
ولنستمع الي صوت احدهم العالي الحاد..ورغم ذلك تجدهم
يعملون لايجتمعون علي مصدر هذا الصوت..
ليس عجيبا فهذا معتاد يوميا.. وان اراد احدا ان يرضي فضوله
ويسأل علي ما يحدث فسوف يلقي نصيبه من الاهانات والطرد مصيرا له..
في مكتبها نجد فتاه في العقد الثاني من عمرها رغم ملابسها الراقيه
وجمالها ولكن لا تغتر في الجمال الخارجي.. فربما يصدمك السوء الداخلي..
لتتحدث بنبرة غاضبة عاليه: بقي انت يابن ال…. تضيع عليا الصفقة ديه
وفاكرني مش هعرف.. وحياة امك لهسود عيشة اللي خلفوك..
بقي انت تسرب معلومات لمنافسي فاكرني هكتفي برفدك..
لااااا يبقي متعرفش.. مين لين المغربي…
نعم ايها السادة انها لين المغربي سيدة الاعمال الشهيرة
فتاه في الخامسة والعشرون عاما.. ذات عيون سوداء قاتمه واسعة..
ما ان تنظر لها تغرق في بئرعميق ذات بشره بيضاء وجسد ممشوق..
رغم جمالها قاسية الملامح مخيفة حادة الطباع..
ليكمل الموظف في خوف:يا فندم انا معملتش حاجة..انا مظلوم..
لتتحول عيناها الي كتله حمراء وتتجه نحوه ممسكه به من ملابسه..
لين وبنبرة مخيفة: انت هتستغباني يابن ال….
انا هوريك..لتدفعه بقوة.. غور من وشي..
ليخرج الموظف سريعا..وتتصل ب..
لين بغضب: ايوة يا سامي ابن ال… ده عايزاك تظبطه..
سامي: الموظف حسان يا لين.. طب و جمال ..
لين بتوعد: لااااا جمال ده سيبهولي انا محدش غيري هيظبطه..
وبلهجة آمرة.. بقولك ايه اعملي جرد للبهايم اللي شغالين عندي..
وشوف اللي محتاجينهم واللي ملهمش لزمه طرقهم..
واللي بيشتغل مع منافسين ليا انت عارف هتعمل فيهم ايه..
سامي: ماشي يا لين.. صحيح جدك رجع..
لين بتأفف: لسه..شكله عاجباه القعدة هناك..
سامي بإستخفاف: طيب هتقوليله ايه ع الصفقة.. اللي اتسلكت منك..
لين بغيظ وعصبيه: انت بتغيظني يا سامي.. هشوف هقوله ايه ..
اخفي بقي..جاتك الهم انت التاني.. اشكال….
سامي بإنزعاج: الله وليه الغلط ده..
انا هقفل بدل ما تقبحي زيادة سلام..
لين بغيظ: غور جاتك نصيبه.. وبتوعد..
وحياة امي يا جمال الكلب لهوريك بس اصبر عليا..
لتنده علي السكيرتيرة بصوت عالي ملك.. انتي ياهبابه ..
ملك بسرعة: ايوة يا فندم..
لين وهي تجلس علي الاريكه وتخلع حذائها باهمال وبتهكم:
انتي يامسهوكه الغي اي اجتماع .. ولا اجليهم..
مش عايزة اشوف بهيمه لمدة ساعتين..
ولو حد ازعجني.. هسود عيشتك انتي..
وبرفعة حاجب وقرف.. وبطلي نحنحة مع الرجاله
ياروح امك.. مش فتحاها ماخور ياختي.. يلا غوري…
ملك بضيق: حاضر يا فندم.. اي اوامر تانيه..
لتشير لها لين بيديها بمعني لا وتذهب..
في الخارج..
اسعد: مالك يا ملك هي العقربه اللي جوه مالها..
ملك بضيق: كالعادة يا اسعد لسانها مبرد..
مش عارفة امته يرجع الباشا ويريحنا منها شويه..
اسعد: ومن امته بنرتاح منها.. مبيقدرش عليها الا ربنا..
ولية سو..بس الباشا وربنا عسل فين ايامه كنا هايصين..مش زي العقربه ديه..
ملك بخوف: طب اسكت بقي لحسن تطب علينا وتسود
عيشتنا يلا علي شغلك الا صحيح انت كنت جاي ليه..
اسعد: ابدا كنت جايب ملف الكومي.. علشان تشوفه..
ملك: طيب سيبه وانا هديهولها بعد ساعتين..
اسعد برجاء: طيب.. بس اوعي تنسي ياملك انا مش ناقص..
ملك مطمئنه: متقلقش.. وبسخريه هو انا اقدر انسي حاجة..
عودة الي مكتبها وهي متكأه علي الاريكة
وتمدد قدماها عليها وتتحدث في الهاتف..
لين: ههههه بس يابت بقي خلاص.. ايوة والله فكيت ..
وبنبرة حانيه انا اقدر اكلمك ومفكش..
هههه لاااا الكلام ده لما اجي واشوفك يا روحي..
وبنبرة حانيه محذرة.. خدي بالك من نفسك يا قلبي.. سلام ..
ولنفسها ياااااه متعرفيش بتوحشيني اد ايه يابنت اللذينه..
>>>>>>>>>>>>>>>>>>>>>>>>>>>>>
عند نور في بلدتها في القسم..
نور:هاااا.. ياسيادة الرائد مش هنخلص..
شكري بتعب:شويه يانور ونخلص هانت اهو..
نور بملل: ايه الشغل ده كله..الواحد مش ملاحق
ع المحاضر..تقول الناس بتصطبح وتتمسي بخناقات ..
(نور فتاه جميله في الثالثه والعشرون من عمرها..
تمتاز بالعيون العسليه الواسعة..والجسد الجميل الممشوق
هادئه بريئة الملامح..درست نور ادارة اعمال..ثم
التحقت باكاديمية الشرطة..لايليق عليها دور الشرطيه)..
شكري:اااااه..الله يرحم ايام ماكان القسم
بيهش..محدش بيعتبه..وبتحسر.. كانت ايام..
(شكري رائد شرطه في الثلاثينيات من عمره..يعيش في بلده نور..
مرح..متزوج ولديه طفلان..ويعامل نور علي انها اخته الصغيرة..)
نور بتنهيده:ايوة..كانت ايام..مش عارفة ايه اللي جري للبلد..
شكري:فعلا..ربنا يعدي الايام ديه علي خير..
ليدلف العسكري بمسجون ما ويبدؤا التحقيق معه..
>>>>>>>>>>>>>>>>>>>>>>>>>
في الشركه..
بعد انتهاء استراحتها تعود وتتابع العمل..وفي تمام الساعة السابعة
تجدها تمشي بخطوات ثابته الي خارج شركتها لا تسمع
وهي متجهة للخارج سوي صوت حذائها العالي..
لتصل الي سيارتها وتلقي بحقيبتها بوجه السائق ويفتح لها
باب السيارة الجيب السوداء.. حتي سيارتها مهيبه
من ينظر لها يظنها وحشا متحركا لينطلق بها الي المنزل..
لتحضر الخادمه سريعا اليها و..
الخادمه: الحمام جاهر ياهانم والاكل..
لتتركها لين بعدم اكتراث وتكمل وهي تصعد لغرفتها:
مش جعانه.. ولتلتفت لها.. الا الوليه مرات جدي فين..
الخادمه: ع البسين ياهانم..
لين بتعوج: اه ماهي كانت هتشوفه فين بروح امها..
غير في التلفزيون الابيض واسود اللي عند الجيران..
الخادمه: تؤمري بحاجة تانيه..
لين بقرف: لأ.. انا هنام وقولي للمخفيه ديه ان جدي مش راجع الوقتي..
كوثربتعالي: وتقولي هي ليه.. وبعدين ماتبطلي طريقتك البيئة ديه..
لين بسخريه: هههه بيئه الله يرحم ابوكي ياختي.. بقولك ايه
متعشيش الدور قوي.. لانه مسيرك هترجعي للزريبه اللي كنتي فيها..
كوثر بغيظ: ماشي يالين هنشوف..
(كوثر..في الثلاثينيات من عمرها..من عائله فقيرة..
علي قدر من الجمال تزوجت كاظم المغربي..جد لين..
وذلك طمعا في امواله تكره لين كثيرا..)
لين بقرف: يلا ياختي غوري.. شوفي كنتي بتهببي ايه..
وللخادمه بحدة.. وانتي لسه هنا.. غوري علي شغلك يلا..
الخادمه بخوف: حاضر حاضر…
في غرفتها بعد ان اخذت حمامها وهي تلف منشفة حول
جسدها وتجلس علي حافة سريرها وتمسك بهاتفها وتدق بعض الارقام وتتحدث..
لين بنعومه: الو ايوة انا… ههههه..وبجديه طبعا عايزة..لاااااا شغل..
تقدر تقول مصلحة متبادلة.. فيد وتستفيد.. وبقرف بعدين الكلام ده..
اهااا..نتقابل بعد ماترجع من السفر.. سلام ..
وتغلق الهاتف وبغل.. ابو اشكالكم ال….. كلكم صنف واطي..بس الضرورة تحكم..
لتتناول دوائها المنوم وترتدي ملابسها وتغط في نوم عميق..
>>>>>>>>>>>>>>>>>>>>>>>>>>>>>>>>
عادت نور بعد يوم شاق الي المنزل
وتناولت طعامها مع عائلتها وعلي المائدة..
نور:امال جدي كاظم فين..
عامر:عند عمك ممدوح..هيقعد هناك شويه..
نور:اهاااا..طيب..
عامر:ها..اخبار الشغل ايه يانور..
نور وهي تأكل:عادي يابابا..زي كل يوم..
عامر:بس انا سامع ان فيه شغب كتير اليومين دول..
نور:فعلا..المحاضر و الشكاوي كتير..الناس بقت مش طايقة بعض..
عامر:ليه ده كله..
نور:اللي متخانق مع صاحبه..واللي ضارب مديره في الشغل..
وبضحكة..واللي فاتحة دماغ جوزها بالهون علشان
قالها اكلك وحش..وبغمزة..حرص من ماما يا بوب..
عامر بضحكه:هههه..هو فيه احلي من اكل امك..
نور:ههههه..الخوف حلو برضو..
دعاء بعتاب:اخص عليكي يا نور..يعني انا اكلي وحش..
نور:ههههه..وانا اقدر اقول كده يا دودو..لا طبعا انتي مش
شيفاني بخلص عليه كله ازاي..تسلم ايدك يا ست الكل..
دعاء:بالهنا والشفا يا نور..انتي كلمتي لين..هتيجي امته..
نور:ايوة كلمتها النهارده..معلش عندها شغل كتير
اليومين دول..وجدي هنا مش هينفع تجي غير لما يرجع..
دعاء بشفقة:حبيبتي يابنتي بتوحشني قوي..
شايله كله علي دماغها..قوليلها تريح يومين وتيجي..
عامر:سبيها يا دعاء ..تشوف شغلها..لما تخلص تبقي تيجي..
نور:طيب الحمد الله انا كده شبعت..انا هروح انام لاني مكسرة..
والحق اصحي بدري بدل ما شكري يقعد يندب
حظه زي كل يوم لما اتاخر..تصبحوا علي خير..
دعاء:ماشي تصبحي علي خير ياقلبي..
عامر:وانتي من اهله..
>>>>>>>>>>>>>>>>>>>>>>
في منزل ممدوح..
كاظم:انا تعبت يا ممدوح من ابنك وعمايله..
ممدوح:يا عمي ماانت اللي سافرته برا من تلت سنين..يعمل ايه يعني..
كاظم بحدة:وده معناه انه يدور علي حل شعره هناك..
ممدوح بتذمر:ياعمي ماهو شايف شغله هناك..حد كان اشتكالك منه..
كاظم:انا تعبت وبقيت مش زي الاول..انا عايزه يرجع..
ممدوح بتساؤل:طب ولين..انت مش سافرته علشانها..
كاظم بتنهيده:اهي لين ديه بقي اللي تعباني
اكتر منه..انا هكلمه واشوف هعمل معاه ايه..
ممدوح:طيب ياعمي اللي تشوفه..
كاظم:انا يومين وهسافر.. بس انت كلم ابنك وخليه يهدي شوية
ممدوح:حاضر..هكلمه..
عاد كاظم من المزرعة بعد يومان وعندما علم بما حدث..
وبخ كاظم لين بشدة لخسارتها الصفقة امام جمال ..
كاظم بغضب: هو ده اللي قولتي انك مش هتخسريها ..
لا اطمن ياجدي مش هتروح مني..وفي الاخر يلطشها منك جمال..
لين بغيظ: وانا يعني اعمل ايه.. ما لولا
ابن الكلب حسان وتسريبه المعلومات مكنش خدها..
كاظم بسخريه: ماهو من خيبتك ياختي..
مش عارفة بتشغلي مين معاكي..
كوثر بشماته: اهدي ياكاظم يجرالك حاجة..
وبتعوج ماهو اصل الشغل الكبير ده مش لعب عيال..
لين بغضب: ماتلمي نفسك يابنت ال… انتي اش دخلك في الكلام..
كوثر بتهكم: الله.. انتي هتتشطري عليا..
وبشماته..كنتي وفرتي ده.. للي اخد منك الصفقة..
لين بغضب وهي تتجه اليها: يابنت ال…
شكلك عايزاني ارنك علقة زي كل مرة..
كاظم بحدة: لين.. اسكتي..وانتي
ياكوثر اطلعي فوق..متدخليش في الشغل..
كوثر بغل وتعوج: ماشي علي كيفك..وللين.. فالحة
لسان عليا وانتي بتتسكي علي قفاكي في الشغل..
لين بعيون مشتعله: يابنت ال….. ياتربيه الموالد.. وربنا لاربيكي..
لتمسكها لين وتضربها ويبعدها كاظم عنها بمعاناه..
كاظم بحزم: كفايه بقي.. ولكوثر
غوري انتي التانية علي اوضتك جاتك الهم..
كوثر بغل وهي تمشي لغرفتها: ماشي.. ليكي يوم يالين..
كاظم بغضب: بطلي بقي عفرتك ديه.. وبتحذير شوفي
يالين هتتصرفي ازاي في الموضوع ده والا هسحب منك الشغل..
لين بغيظ: انا ميهمنيش الشغل يتحرق..
وبغل.. بس انا هوريه جمال الكلب ده ازاي يلعب معايا انا..
ولجدها خلاص يا جدي ومتقلقش هعوض الخسارة ديه..
كاظم وهو يغادر المكان: لما نشوف ياست لين
اخرة عمايلك ديه..وبتحزير بلاش تهور سامعة..
لين وهي تجذ علي اسنانها: حاضر.. صبرك عليا ياجمال الكلب..
في غرفتها اتصلت بسامي…
لين بغل: بص ياسامي انا عايزاك(……….)..
سامي بتفكير: طيب دلوقتي يالين..
لين بهدوء وشر: لأ..اتقل شويه..انا هقولك علي الميعاد..
سامي: طيب انا تحت امرك..بس جدك عارف..
لين بحدة: لأ..واوعي تقوله..سامع..ده بيني وبينك..
سامي بقلق: طيب ربنا يستر من اللي بتعمليه
واللي ناويه عليه..انا عارف نهايتي علي ايدك..
لين بملل: اتنيل كل مرة تقولي كدة..ده انت زي القطط بسبع تراواح..
سامي بضحكة: هههههه مفاضلش منهم غير اربعة
يالين.. وقريب اتش هياخد واحدة منهم بسببك..
ليكفهر وجه لين بغضب وتكمل: تصدق انك ابن…. علشان
تفكرني بيه كل شوية.. انا مش عارفة خايف منه علي ايه..
سامي بإنزعاج: يالين طب ليه الغلط ده كل شويه..
احترمي اللي خلفوني..لو حد من رجالتي سمعك
وانتي بتشتميني وتهزئيني كدة..هيقولوا عليا ايه..
لين: بقولك ايه غور.. وبتذكير متنساش نور ياسامي..
سامي: قولتلك متقلقيش انا معاها خطوة بخطوة..
لين: طيب سلام يا… وبإستهزاء يا جناب الكومانده المهم..
سامي وهو يزفر في ضيق: ماشي..ولنفسه فعلا صدق لما قال لسانك زفر…
>>>>>>>>>>>>>>>>>>>>>>>>
بعد عدة ايام دق باب فيلا كاظم المغربي لتفتح الخادمه..
الخادمه:ايوة يابيه عايز حاجة..
الزائر بضحكه:ههههه..عايز حاجة..
معلش شكلك جديدة..امال فين اصحاب البيت..
الخادمه:البيه الكبير والست هانم مش هنا..مفيش غير ست كوثر..
الزائر بتساؤل:كوثر..كوثر مين..
الخادمه:ست كوثر مرات كاظم بيه..
الزائر بضحكة:لاهو كاظم بيه اتجوز تاني..
لتأتي كوثر مستفهمه :خير يا سحر مين اللي جه..
سحر:واحد معرفهوش ياست هانم ..وبيسأل ع البيه..
كوثر:طيب روحي انتي..لتنظر اليه كوثر بعيون
متفحصه جريئه..وتسأله..انت مين..وعايز ايه..
ليبتسم لها ويكمل وهو يدلف الي داخل الفيلا ويغلق الباب..
و بابتسامه ساحرة:محسبوبك يا حلوة هشام..
وهو يتفحص كوثر بجراءة..وبيقلولي اتش..
كوثر وهي تنظرله بعيون معجبه:اها..انت
حفيد كاظم..بس مكنتش اعرف انك كده..
(هشام شاب في الثانيه والثلاثون من عمره ذو جسد ممشوق
رياضي عريض..يظهر من اسفل قميصه عضلاته البارزة..
وشعره الاسود الناعم الغزير..وعيناه السوداء القاتمه التي تشبه عيني لين..
لتعطيه وسامه زائده عندما تنظر اليه تظنه عارض ازياء
خرج من مجله برائحة عطره المميزة التي تذيب اي امرأه كانت )
هشام بمكر:ايه معجبش..
كوثر بشرود:معقوله..ده انت تعجب الباشا..
هشام بجراءة:تشكري ياقمر..وكاظم باشا
برضو زوقه اتحسن في الستات كتير..
لتضحك كوثر ضحكة رقيعة وتكمل:هههههههه..دمك شربات..
هشام بضحكة:اوعي وشك..ده احنا هنشوف ايام عسل..
>>>>>>>>>>>>>>>>>>>>>>>>>>
في الشركه طلب كاظم لين..
لين:نعم يا جدي خير..
كاظم:لين..هشام رجع..
لين بتأفف:وبعدين ايه الجديد انا مال اهلي..ماهو بيروح ويجي..
كاظم:لا المرادي راجع علي طول..وهيقعد في الفيلا..
لين بغضب:ايه..وده من ايه ان شاء الله..ايه اللي رجعه..
كاظم:ايه اللي ليه..رجع..انا قلت
اعرفك..علشان متتفاجئيش بيه هناك..
لين بعصبيه:اتفاجئ بيه..انا اصلا مش عايزة اشوف خلقة اهله..
كاظم بتحذير:لين..مش عايز مشاكل..وعفرته..
لين بحده:طول ماهو بعيد عني ..خلاص مليش
دعوة بيه..لكن لو قربلي هولع في اللي جابوه..
كاظم بغضب:انتي ايه..ماتتهدي بقي شويه..هتبتدي من اولها..
لين بتحذير:من اولها ياجدي..تقوله ملهوش دعوة بيا..
والا هو الجاني علي نفسه..وتخرج من مكتبه بغضب..
كاظم بضيق:ماشي يالين..انا تعبت منكم انتوا الاتنين..اصطفلي انتي وهو..
>>>>>>>>>>>>>>>>>>>
في المطبخ..
ام جميل:مين اللي جه ياسحر..
سحر:معرفش يام جميل..سمعته بيقول ان اسمه هشام..وبهيام..
بس ايه مقلكيش جمال ايه..طول بعرض يالهووووي..ولا بتوع السيما..
ام جميل بعدم تصديق:هشام بيه رجع..مش ممكن..
سحر:ايوة..وبفضول..مين ده يام جميل..
ام جميل:ده يبقي حفيد الباشا..وبقلق.. ربنا يستر..
سحربتساؤل:مالك وشك جاب الوان كده ليه..ماله يعني..
ام جميل بصرامه: ملكيش دعوة…يلا علي شغلك..
ولنفسها بتنهيده.. رجعنا للغلب والمرار والخناق من تاني..ربنا يستر..
>>>>>>>>>>>>>>>>>>>
في المزرعة..
دعاء:نور..يانور..
نور:ايوة ياماما..فيه ايه..
دعاء:انتي بتعملي ايه الوقتي..
نور:ابدا قاعدة في اوضتي..
دعاء:طيب تعالي عايزاكي في موضوع..
نور بضحكة: خير يادودو..موضوع ايه..
دعاء بجدية:بصي بقي من غير لف ولا دوران..جايلك عريس..
نور:ههههههه..عريس..وده مين ده ان شاء الله..
دعاء:سليمان ابن خالتك..
لتنفجر نور في الضحك:ههههه..سوليمان..ابن خالتي..
ههههه..حرام عليكي ياماما..بقي انتي عايزاني اتجوز سوليمان..
دعاء بإستنكار:وماله ان شاء الله ميعجبش..راجل وملو هدومه وكويس..
نور بضحكة:بس والنبي ياماما..ده اهبل..
دعاء بحزم:احترمي نفسك يانور..عيب كده..
نور بضحكه:خلاص يادودو متزعليش..مش اهبل..وبهمس ده ابن هبله كمان..
دعاء:هااااا..قولتي ايه يانور..ارد عليه اقوله يجي يقابل ابوكي امته..
نور:في المشمش يا ماما..انا مش موافقة..
دعاء بحدة:يعني ايه ..انتي كل عريس يجي ترفضيه..حرام عليكي بقي..
نور لانهاء الحوار:خلصنا بقي يادودو..قلت لأ..يلا انا داخله انام..
ده يوم اجازتي..ولنفسها وهي تدلف لغرفتها..قال سليمان قال..
>>>>>>>>>>>>>>>>>>>>>>>>>>>
منذ عوده هشام لم تره لين حتي في الفيلا ولم تحتك به..
ولكن كوثر كانت معجبه به كثيرا وكانت تودد له..
ذهبت الي غرفته ووجدته يرتدي ملابسه استعدادا
للخروج للخروج.. ولكنه لم يكن قد ارتدي قميصه..
كوثر بدلع وهي تتفحص جسده العاري باعجاب شديد:
ايه يا اتش..محدش شايفك يعني..من ساعة ما جيت
وانت علي طول خروج..ايه للدرجة ديه مش طايقنا..
هشام وهو يقترب منها بمكر:مين قال كده ياعسل..
كل الموضوع اني مشغول شويه..اظبط شغلي وهتلاقيني هنا علي طول..
لتقترب منه كوثر:طيب بس بسرعة يا اتش..انت متعرفش
انا بقيت بتشوق اشوفك قد ايه.. وتحاول تقبيله برغبه..
هشام وقد وضع اصبعه علي شفتيها:تؤتؤ..ياكوكي..
مينفعش..كاظم في مقام جدي برضو..اصبري..
كوثر بانفاس لاهثه وغيظ:عارفة يا اتش..وبهمس..
يتكل الكوهنه ده.. وانا وانت نبقي مع بعض..
هشام بانصات:بتقولي حاجة ياكوكي..
كوثر بدلع:لا يااتش..بس انت هتتاخر النهارده..
هشام وهو يكمل ارتداء ملابسه:مش عارف ..حسب ظروفي..
بالحق امال لين فين مش شايفها من ساعة ما جيت..
كوثر بكره:متشوفش وحش..تلاقيها في الشركه..ولا بتتسرمح في حته..
هشام وهو يقهقه بشده ويرش عطره النفاذ:
ههههههه…شكلك بتحبيها اوي يا كوكي..
كوثر بحقد وهي تجذ علي اسنانها:اووووي..ديه حبيبيتي..
هشام بابتسامه سخريه:ماهو واضح..سلام بقي ..
واشوفك بعدين..وهو يقترب منها لتظنه سيقبلها..
ثم يهمس في اذنها.. يامرات جدي..
ويخرج ويتركها تعض اناملها رغبة فيه..
>>>>>>>>>>>>>>>>>>>>>>>>>>>>
اتصلت نور بلين..
نور بصوت عالي:الووووو..لينو حبيبتي..
لين بإنزعاج:ايه يابنتي..ودني اتخرمت..فيه ايه..انتي هتفضلي كدة..
نور بضحكة:ايه يا جميل مالك بس..
لين:ابدا يا نور..بس الشغل مانتي عارفة..
وبضحكة..خير يا نونو شكلك عامله مصيبة..
نور بضحكة:ابدا..بس جايلي عريس..ومش هتصدقي مين..
لين بترقب:مين يانور..اصل انا عارفة اللي بيتقدمولك اشكالهم ايه في البلد..
لتنفجر نور ضاحكة:ههههه..لااااا..المرادي غير..
احم احم.. العريس يبقي وبدلع ورقة..سوليمان..
لين بعدم تصديق:سليمان ابن خالتك..لتنفجر هي
الاخري في الضحك..ههههه..مش ممكن..سليمان الاهبل..
نور:ههههه..اه وربنا..ماما لسه قايلالي..وزعلت لما قولتلها انه اهبل..
لين:ههههه..مش ممكن..سليمان اللي بعد ما اتعرض
مسلسل حريم السلطان فكر نفسه السلطان
وكان عايش الدور..ولبس العباية ومرضيش يقلعها..
نور:ههههه..ايوة..من اول جزء..لا وفاكرة لما كان بيقول
انه هيعمل زيه ويتجوز اربعة ويلبسهم لبس الجواري..
لين:ههههه..لأ بجد يا نور انتي محظوظه..بيجيلك عاهات..
الله يكون في عونك الصراحة..وبعدين سليمان ده الدغ ..
كفايه لما بينطق اسمك..يانوي..
نور:هههه..ولا اسمك يا يين..انا فاكرة لما قالي..
اعمييي ادد ع الميي..هههه..لا وربنا مسخرة..
لين:هههههه..بس يابنتي..اقولك اسحبيه لشكري
وخليه يبيته ليلتين في التخشيبه..علشان يتعدل..
نور:حرام يالين..
لين:والله اللي جايبلك الكافيه وبيلم عليكي العاهات..طيبه
قلبك ديه يانور..انشفي ياحبيبتي شويه..امال ظابطة ازاي..
نور:هههه..ظابطه نفسي..هههه..بقولك ايه انا هسيبك
الوقتي واشوف دودو..لحسن تكلم بابا..ههه..ويتخانق معاها..
لين بضيق:بابا..طيب..سلام يا نور الوقتي..
نور:سلام يالين..ولنفسها بإستغراب.. مالها كل
مااكلمها واجيب سيرة بابا تتضايق..يلا اروح الحق ماما..
>>>>>>>>>>>>>>>>>>>>>>>>>>>>>>>
في فيلا المغربي..
هشام بابتسامه: اهلا اهلا بلين هانم.. عاش من شافك..
لين بقرف: اديني شفت الوحش كله.. خير اي عاصفة سودا رمتك علينا..
هشام وهو يقهقه: هههه لسه زي مانتي يا لين
مش هتتغيري.. وليقترب منها بس تصدقي وحشتيني..
لتبتعد عنه لين بضيق: وانت لأ.. بقولك ايه
انا ماشيه من هنا لحسن الجو كله بقي خنقة..
هشام بضحكة: ماشي.. هتروحي مني فين يا لين…
>>>>>>>>>>>>>>>>>>>>>>>>>>>>
*.. يتبع ..*
> *تـفاعل حـلو منڪ بيشجعنا انه نڪمل♥🌹**•~ 💗~ ࢪواية الزهـࢪة المـفتࢪسة~💗~•*
*الجزء4✿︎*
*الجزء5✿︎*
*الجزء6✿︎*
تابع قناه عشاق الروايات📚📙🇸🇩 كتابات مذكرات ملخصات انمي Pov سكسشينات حزن نکت ثانوية ملصقات في واتساب: https://whatsapp.com/channel/0029VaG4kKrKQuJKW4U8383w
•_______🎀•🎀_______•
في شركه الادويه الخاصة بمازن توفيق
امر احد موظفيه بإحضار سكرتيرة خاصة لمكتبه..
مازن:بص ياحمدي انا عايزك تشوفلي سكرتيرة لمكتبي..
حمدي:يعني اعمل اعلان عن واحدة بمواصفات معينه يافندم..
مازن:لا مش محتاجة اعلان..شوف انت اي
واحدة..تكون كويسه وتعرف تدير الشغل كويس..
حمدي:امرك يا دكتور..انا هشوف واحده واقول لحضرتك..
مازن:تمام ياحمدي..اتفضل انت الوقتي..بس متتأخرش عليا علشان الشغل..
حمدي:متقلقش يا فندم..في ظرف الاسبوع ده هتكون عندك واحده..
مازن بإبتسامه:منتظر ياحمدي..
(مازن..طبيب صيدلي في الثلاثينيات من عمره..لديه شركه ادويه كبيره..
يديرها بعد ان اسسها هو ومجموعه من اصدقائه.. شاب وسيم ولكنه جاد في عمله)
>>>>>>>>>>>>>>>>>>>>>>>>>>>>
علي الجانب الاخر ينادي عامر علي نور..
عامر: نور عايزك في موضوع..
نور: خير يا بابا..
عامر بجديه: بصي يا نور.. فيه مهمة ليكي مكلفينك بيها..
نور بإنتباه: خير يابابا..طب سيادة اللوا مبلغنيش ليه..
عامر بجديه: لانه سري يانور.. بصي انتي تسمعي عن شحنات الادويه
الفاسدة والمنبهات وبينها مخدرات اللي بتدخل البلد اليومين دول..
نور بانصات وجدية: ايوة الكل سامع عنها..
عامر: كويس..بصي بقي مهمتك انتي انك تتقربي
من واحد معين هما شاكين فيه.. وتتابعي تحركاته..
نور:طب ومدام شاكين فيه..مايقبضوا عليه..
عامر:مفيش دليل..ولا اثبات يانور..الراجل حريص اوي..
نور بتساؤل: مين ده.. من فضلك يابابا قولي المعلومات اللي عندك..
عامر: بصي ده الملف اللي فيه البيانات.. طبعا بما اننا في المزرعة
ومحدش يعرف عننا كتير.. هما هيلغوا اي بيانات عنك في الشبكه..
فانتي هتتقربي منه لما تشتغلي عنده في
شركه الادويه… ومهمتك بقي انتي عارفة الباقي..
نور بتفكير وهي تنظر الي الملف: ماشي يا بابا
انا هشوف الملف وادرسه وبعدين اقولك ع اللي وصلتله..
عامر: ماشي يا نور.. بالحق بتكلمي اختك..
نور: ايوة لسه مكلماها ليه فيه حاجة..
عامر: لا بس مش بتكلمني ليه..
نور: مانتا عارف يابابا الشغل.. لوكلمتني تاني هقولها تكلمك..
>>>>>>>>>>>>>>>>>>>>>>>
بعد مرور ايام.. اتصلت نور علي لين ..
نور: الو ايوة يا لين..
لين بابتسامه: ايوة ياقلبي..عامله ايه..
نور بتوتر: لين عايزاكي في موضوع انتي جايه امته..
لين بقلق: خير يانور مالك.. ايه اللي حصل..
نور: مش هينفع في التليفون ..هتقدري تيجي امته..
لين بإنزعاج: مش الوقتي يا نور فيه ظروف جدت مش هقدر..
نور: خير ايه اللي حصل..
لين بضيق: هشام رجع يا نور..
نور: طب ماعادي يا لين ماهو بيسافر
ويروح ويجي وانتي ولا بتشوفيه..
لين بضيق: المرادي رجع وهيقعد هنا..
ده كمان قاعد في الفيلا..جدي امره بكده..
نور بدهشه: معقوله بعد السنين ديه كلها..
طب وانتي هتعملي ايه يا لين..
لين بغضب مكتوم: هشوف يا نور..
بقولك ايه انا مش هقدر اجي تعالي انتي..
نور: مش هينفع يا لين انتي عارفة..
لين بحزم: بقولك تعالي وامشي علي
طول.. الدنيا مش هتطير..يلا هستناكي..
نور: حاضر.. بالحق بابا سأل عليكي..انتي مش بتكلميه ليه..
لين بضيق: هبقي اكلمه بعدين يلا الوقتي
مشغوله.. خلي بالك من نفسك يا نور..
نور: حاضر يا لين سلام..
>>>>>>>>>>>>>>>>>>>
بعد يومان في الشركه تسمع لين اصوات ضحك عاليه
لتغضب بشدة وتخرج لتجد الفتيات متجمعات في المكتب..
لين بغضب:ملك..انتي يازفته..
ملك بسرعة:ايوة يافندم..
لين بغضب:ايه اللي بيحصل ده..ايه الصوت اللي انا سامعاه..
ملك بخوف:والله يافندم ماعرف..ده جاي من المكتب التاني..
لين بحده:غوري من وشي…وسعي لما اشوف المسخرة ديه..
لين بغضب وصوت عالي: الله..الله.. ايه اللي بيحصل هنا…
لترتعد الموظفات.. ولكن يأتي صوت هشام ..
هشام بضحكة: ايه يا لين.. فيه ايه..
لين بتهكم وسخريه: ايوة انا عرفت المسخرة ديه سببها مين..
وللفتيات بحدة وصوت عالي يلا يابنت ال…..
منك ليها علي شغلكم مش فاتحة كباريه هنا مخصوم من كل
واحدة منكم عشر تيام غوروا جاتكم البلاوي في اللي مشغلكم..
لتسرع الفتيات الي عملهن.. وتكمل..
لين بقرف: هشام المغربي ديلك المعووج
عمره ماهيتعدل طول عمرك تلم حواليك الزباله..
هشام بغل مكتوم وهو يجذ علي اسنانه وهو يقترب
من لين ويلمس شفتاها باصابع يده: لين المغربي
عمرك ماهتتغيري.. شفايفك الحلوة ده مخبيه لسانك اللي هيفضل طويل..
لين وهي تبعد يديه بعنف: اصلك صنف واطي وعمرك ماهتعلي..
ليمسك شعرها ويكمل..هشام بغضب:
اهو لسان اهلك الزفر ده.. اللي جايبلك الكافية..
لتزيح لين يده بهدوء عن شعرها وتكمل
بنبرة باردة: ماهو النوع مختلف لكن الزفارة واحدة…
هشام برفعة حاجب واستفهام: يعني ايه…
لين بتهكم: يعني انا وانت مختلفين بس من عيلة واحدة..
كل واحد بيعمل غير التاني لكن في النهايه
الاسم واحد والسيرة واحدة يا يامغربي..
هشام بابتسامه ساخرة: فعلا ماجمع الا اما وفق يالين..
لين بتحذير: بص يا هشام اعمل اللي انت عايزه
لكن برا الشركه..اظن كده عداني العيب وازح..
وبنبرة حادة.. لكن مش هسمح لاي حد مهما
كان انه يغير او يبوظ الاسلوب اللي انا حطاه للشركة…
هشام بفخر: متنسيش ان انا كنت بدير
الشركه ديه قبلك يالين.. وانا اللي مأسسها..
لين بضحكه: هههههه قصدك كنت مضيعها..
كل اللي كنت بتعمله انك بتستغلها علشان
تشقط منها البنات..وبقرف…وياريت كنت بتستنضف..
ليقترب هشام منها ويقبلها برغبه..ويكمل موحشتكيش..ويقبلها مجددا..
لتعض هي شفتيه بقوة.. ليبتعد عنها منزعجا وتكمل..
لين بابتسامه ساخرة: انت توحشني.. يبقي بتحلم..
ليلمس شفتيه مكان عضتها ليجد دما
فقد جرحت شفتيه باسنانها ويكمل..
هشام بغضب: عملتي كدة ليه..
لين بتحذير: علشان تبقي تذكار اني مش زي اللي تعرفهم..
هشام بتحدي: ماشي يا لين بس
مش انا اللي تتحديني مسيرك هتيجي..
لين بتحدي: لا يا عينيا مش انا..ده انا كنت
ماصدقت غورت من هنا .. وانت عارف كدة..
هشام بتحدي: هنشوف يالين ويانا يانتي..
>>>>>>>>>>>>>>>>>>>>>
اتت نور وحكت للين مهمتها..
ليرتفع صوت لين بإنزعاج: نعم ياختي.. انتي بتقولي
ايه انتي اتهبلتي في دماغك يا نور..انتي عارفة
انتي ناويه تعملي ايه..ده جنان انتي بترمي نفسك في النار..
نور بتوتر: اهدي يا لين مش كدة ..وبعدين
بابا موافق علي كدة ومحدش هيعرف حاجة..
لين وهي تغمغم بغضب: ابوكي.. طبعا ماهو متعود يضحي بولاده..
ولنور بحدة.. ده هبل.. مترميش نفسك في النار
علشان شويه مبادئ فارغة..محدش هيقف معاكي لو وقعتي..
نور بتبرير وفخر: يا لين ديه وظيفتي.. وواجبي
اني احافظ علي بلدي وانضفها من كل اللي عايز يضرها..
لين بتهكم واقتضاب: وحياة ابوكي بلاش
كلام الكتب اللي انتي حافظاه و بتقوليه..
يا حبيبتي الزمن ده زمن كله بيقول يلا نفسي..
وبتحذير.. نور سيبك من الموضوع ده اديني بقولك..
وبعدين الناس اللي بتقولي عليهم دول انتي متعرفيش
ان اقل حاجة عندهم القتل مش هيرحموكي يا نور..
نور بتوتر: يا لين ديه اوامر وانا لازم انفذها..والا هتعاقب..
لين بغضب: بقولك ايه ملعون ابو ديه اوامر.. انا مش عارفة ايه اللي
دخلك اكاديمية الشرطه وزفت ماكنتي اكتفيتي بكليتك واشتغلتي بيها ..
نور: يا لين انتي عارفة ان ديه رغبه بابا بعد الحادثة
اللي حصلتله ديه كانت اقل حاجة اقدر اعملهاله..
لين بإنزعاج وسخرية: لا والله الراجل فعلا يستاهل..
نور بتساؤل: مالك يا لين.. انتي علي
طول مضايقة من بابا ولا حتي بتكلميه…
لين بإقتضاب: مفيش يا نور ..وبتحذير وبقولك اهو
اوعي تعملي اللي في دماغك انا بحذرك..
نور: ربنا يسهل يا لين..هشوف واقولك..
انا همشي الوقتي علشان الطريق..
لين: ليه بس خليكي بايته معايا النهاردة انا ملحقتش اشبع منك يا نور..
نور:معلش يا لين.. وبضحكة وبعدين انتي لازم تفضي لهشام…
لين بغيظ: لازم تفكريني بالزفت ده.. ده انا هوريه..
نور وهي تهم بالمغادرة: طيب اسيبك انا واشوفك بعدين…
لتحتضنها لين بحب وتوصيها كالعادة علي نفسها وتغادر نور..
لين لنفسها بغل: عمرك ما هتبطل اللي انت فيه يا عامر باشا
طول عمرك بتضحي بولادك علشان مصلحتك.. بس كله الا نور
مش بعد اللي عملته وضحيت بنفسي واستحملته تأذيها..مش هسمح بكدة ابدا..
>>>>>>>>>>>>>>>>>>>>>>>>>>>>>>>>>
في الخارج..
هشام:ايه ده نور عندنا..يامرحبا ازيك..
نور:الحمد الله يا اتش..عامل ايه..عاش من شافك..
هشام بضحكة:الحمد الله عايش..انتي اخبارك..
نور:تمام..وبضحكة..بقيت ظابط قد الدنيا..
هشام:ههههه..مبروك ياباشا..طيب يعني بقيت مسنود..
نور:هههههه..ايوة بس انا مش ادآب يا اتش..
ليقهقه هشام عاليا:هههه..وربنا انتي
شربات يانور..تجي اختك تشوف..
نور بضحكة:انت عارف لين يا اتش..
وبعدين انت بتشتغل معاها..انا مش عارفة ازاي..
هشام:اعمل ايه مضطر استحملها..علشانك يا نونو..
نور بضحكة:وربنا انت سكر يا اتش..
بس مش عارفة لين مش طيقاك ليه..
هشام بتعوج:هي اختك اصلا بتطيق
نفسها..ديه شويه وهتولع في هدومها..
نور بضحكه:ههههه..خلاص حصلتلك
عقده من النار يا اتش..معلش..
هشام بتنهيده:كله من اختك يا نور..ربنا يهدها..
نور بتحذير:هشااااام..ازعل كده ..ديه اختي..
هشام بضحكة:خلاص ياباشا..اسف..يلا اسيبك
انا الوقتي..سلام يانور..خلي بالك من نفسك..
نور بإبتسامه:سلام يا اتش.. وبغمزة خلي بالك متلعبش مع النار..
هشام بضحكة:ماشي يا باشا..امرك..
>>>>>>>>>>>>>>>>>>>>>>>>>>>>>
في فيلا المغربي..
دلف هشام الي غرفه لين..
هشام وهو يتفحصها بإبتسامة:ايه الحلاوة
ديه يا لينو..بجد احلويتي اكتر عن الاول..
لين بعصبيه:انت بتعمل ايه هنا..يلا علي برا..
هشام وهو يقترب منها: ليه ياقمر..ده انا حتي..
لين بغضب:اسمع ياهشام.. قسما بالله ان مابعدت عني انت عارف..
هشام وهو يعض علي شفتيه:ليه يالينو..ده حتي
الليله حلوة وانتي تجنني بشعرك المبلول ده..
لين بنبرة تحذير:اقدر اخليك زيي كده..افطسك في الماية ومنها ع القبر عدل..
هشام بغضب:لين انا مستحمل..بس انتي عارفة اني خلقي ضيق..
لين بغضب:انت ايه اللي رجعك تاني..ماكنت مرتاحة من خلقتك العكرة ديه..
هشام بعصبيه:تصدقي انتي عايزة ربايه يا لين..
لين بسخريه: روح ربي نفسك ياهشام..ده انت سيرتك مشرفة في المجالس..
هشام بنبرة مريبة:وهتشرف الليله هنا يا لين..
لين بتحذير:ابعد عني احسنلك يا هشام..
هشام بإبتسامة ماكرة:انتي عارفة اني بحب العند ..
>>>>>>>>>>>>>>>>>>>>>>>>>>
لمحت كوثر هشام يدلف الي غرفة لين واغتاظت كثيرا..
كوثر بغل:بقي كده يا اتش..انت بتنفضلي ورايح
للعقربه ديه..طب استني عليا انت وهي..ان ما فضحتكم..
لتدلف الي الغرفة وتوقظ كاظم..
كوثر بغل:كاظم..يا كاظم..اصحي..
كاظم بضيق:عايزة ايه يا وليه.. في ليله اهلك السوده..
كوثر بتوعد:هي سودة اه..بس مش عليا..
كاظم بتنهيده:اخلصي مصحياني ليه..
كوثر بتهكم:اصحي وشوف المسخرة اللي بتحصل في بيتك..
كاظم بإنتباه:فيه ايه..انتي بتتكلمي عن ايه..
كوثر بغل:الست هانم لين..فتحاها ع البحري..
وهتجيب راسك في الطين..ان مكانتش جابتها..
كاظم بقلق:قصدك ايه مالها لين..عملت ايه..
كوثر بغل:مش عامله احترام ليك..وفاتحة اوضتها للرجاله..
كاظم بغضب:انتي بتقولي ايه..انتي اتجننتي..
هي حصلت تتبلي عليها وتكدبي في ده..
كوثر:وانا هكدب ليه..ان كنت مش مصدق تعالي وانا اوريك..
كاظم بغضب:ده انا اقتلها واشرب من دمها لو ده صحيح..
كوثر بإبتسامه انتصار:الهانم ساحبه هشام
لاوضتها.. وقفلاها وانت طبعا عارف ايه اللي هيحصل..
كاظم بدهشه:ايه..معقوله لين..وهشام..مش ممكن..
كوثر بغيظ:انا شيفاه بعنيا..وهو داخل اوضتها..
وبكذب وضحكهم مسمع لاخر الدنيا..
كاظم بعدم تصديق:مش ممكن..
لين استحاله تعمل كده..ديه تطيق العما ولا تطيقه..
كوثر بحدة:وانا هكدب ليه وان كنت مش
مصدقني تعالي معايا وانت تشوف بنفسك..
>>>>>>>>>>>>>>>>>>>>>>>>>>>
> *هذه الرواية تابعة لقناة عشاق الروايات 📚 من يراها في قناه غير هذه القناه يعلم انها مسروقة*
كاظم بدهشه:ايه..معقوله لين..وهشام..مش ممكن..
كوثر بغيظ:انا شيفاه بعنيا..وهو داخل اوضتها..
وبكذب وضحكهم مسمع لاخر الدنيا..
كاظم بعدم تصديق:مش ممكن..لين استحاله
تعمل كده..ديه تطيق العما ولا تطيقه..
كوثر بحدة:وانا هكدب ليه وان كنت مش
مصدقني تعالي معايا وانت تشوف بنفسك..
كاظم بإبتسامة: واجي معاكي ليه..سبيهم..
كوثر وعيناها جاحظة من كلام كاظم:
انت بتقول ايه يا راجل..ديه بتستغفلك هي و هشام..
وفاتحين البيت ع البحري..انت هتسيبهم كده..
كاظم ببرود:وعايزاني اعملهم ايه يعني..
كوثر بعصبيه:تقتلهم وتشرب من دمهم..هما فاكرينها سايبة..
كاظم:واعمل كده ليه..واحد ومراته ..مايعملوا اللي عايزينه..
كوثر بصدمه وتعلثم:اييييه..مين..انت بتقول ايه..
كاظم بإبتسامه:ليه انتي اول مرة تعرفي..
ان لين وهشام متجوزين..من اربع سنين..بس هو كان مسافر..
نامي نامي..ربنا يهدي الامور بينهم..ويتركها ويعود للنوم..
كوثر بخيبه امل وغيظ لنفسها:جوزها..يعني
كل كلامه ده كان بيضحك عليا..ماشي يا هشام..
كاظم لنفسه: ايه يا هشام هتبتدي من
دلوقتي..ربنا يستر وتصلح الامور متخربهاش اكتر..
>>>>>>>>>>>>>>>>>>>>>>>>>>>>>>>
في غرفة لين..
لين بعصبيه: ده عند امك يا هشام ..غور من هنا..
هشام وهو يجذ علي اسنانه بغضب:لين اتعدلي
احسنلك..وبحدة…ايه لسه زي مانتي متغيرتيش..
اسمك لين..وعمرك مالينتي ابدا..ما تتهدي بقي..
لين بإصرار:انا كده..ومش هتغير..غور بقي
وشوفلك واحده من زبالتك وابعد عني..
هشام بغضب:ماشي يالين..بس انتي عارفة
انا هسيبك الوقتي بس بعد كده موعدكيش..
والا انتي عارفة.. ويخرج ويصفع الباب خلفه في غضب..
لين بغضب:في داهية المركب اللي تودي.. جوازة مهببه من الاول..
لين وهي ترجع رأسها للخلف وتستند
الي الفراش..و تتذكر كيف تزوجت هشام..
فلاش باك
علي غير العادة ارسل كاظم لين الي المزرعة بعد انتهاء
امتحاناتها.. استغربت لين من ذلك حيث انه يرسلها الي هناك
بعد الحاح شديد منها.. ولكنها لم تعقب وانتهزتها فرصة..
بعد وصول لين بيومان استدعاها والدها..
عامر: لين عايزك في موضوع مهم..
لين بتأفف: خير.. حصل حاجة..
عامر بجديه: انتي عارفة جدك بعتك هنا ليه..
لين بترقب: هو قالي بس اروح اغير جو هنا.. ليه فيه حاجة..
عامر بجديه: جدك بعتك هنا علشان هشام..
لين بعدم فهم: هشام.. وماله هشام ومال مجيتي هنا..
عامر: جدك عايزك تتجوزي هشام..
لين بدهشه: مين.. وبحدة.. ناااااااعم..
انا اتجوز هشام.. ده اتجنن ولا ايه..
عامر بصرامه: لين اتعدلي..
لين بغضب: اتعدل ايه.. عايزني اتجوز هشام..مش
هيحصل ابدا..ده لو هشام وجدي وقفوا علي ايديهم ماهتجوزه..
عامر بجدية: ماهو ياتتجوزيه انتي.. يا إما نور.. اختاري يالين..
لين بعيون مشتعله غضبا: ايه انتو اتهبلتوا
ولا ايه.. نور مين انت عارف نور سنها قد ايه..
عامر: عادي يالين.. نكتب كتابهم الوقتي
ولما تدخل الجامعه تتجوز علي طول..
لين بغضب وصوت عالي: ده جنان رسمي..
عايز تجوز نور لهشام انت عارف هشام ده ايه ولا بيعمل ايه..
انت بتحكم علي نور بابشع حكم.. مش ممكن..
عامر: ده اللي عندي.. يانتي يااختك..جدك هو
اللي طلب بكدة وانا مش مستعد اخسر الورث..
لين بغضب وهي ترحل من امامه: الورث.. الورث ده
كل اللي يهمك.. بس مهما حصل مفيش جواز من هشام..
عامر بجديه: لا يا لين..مدام مش هتتجوزيه
يبقي نور هتتجوزه.. وده اخر كلام عندي..
لين بغضب: اعمل اللي عايز تعمله..
وتذهب الي غرفتها وترزعها غضبا وهي تحطم كل
ماتراه امامها وتطلق السباب علي هشام وجدها…
لين بغضب: اه ياولاد ال… بقي انتو عايزين تعملوا كدة..
اتاريك ياكاظم باعتني..وقال ايه غيري جو.. الهي يغيروا دمك يابعيد..
لتدلف نور..
نور بخضة: مالك يالين ايه اللي حصل..
لين بعصبيه: مفيش.. مفيش يانور..
نور بقلق: مفيش ازاي وانتي كدة..
لين بغضب: قولت مفيش.. انتي رغايه كدة ليه..
نور بقلق: انتي مش شايفة نفسك..
مفيش حاجة تستدعي عصبيتك ديه..
لتتحول عيون لين لجمرة حمراء وتنظر الي نور بغضب وتمسك ذراعها..
لين وبحدة: مفيش حاجة مش كدة انتي عارفة ايه اللي حصل..
انا مستحمله ايه.. هما عايزين ايه.. لا طبعا انتي متعرفيش..
لتنكمش نور في خوف من لين وتكمل ببكاء والم: دراعي يالين..
لتنظر لها لين وتترك يدها وتمسك بصدفة موضوعة
علي المكتب وتلقي بها علي المرآة وهي تصرخ
في غضب لتتهشم المرآة وسط رعب نور من منظر لين الغاضب..
نور ببكاء: اهدي يالين والنبي..
لين بغضب وصراخ: اسكتي انتي مش فاهمة حاجة..
انتي مش عارفة دول ناويين يعملوا فيكي ايه
لو انا موافقتش..يعني انا زمان وانتي الوقتي..
نور ببكاء: لين انا خايفة..
لتنتبه لين الي نور المرتجفة وتبكي..
وتنظر حولها لتجد المكان في فوضي لتحاول الهدوء
تمسح وجهها بيدها من الغضب وصدرها يعلو ويهبط بسرعة..
ثم تذهب الي نور وتحتضنها بقوة..
لين وبعيون غاضبه دامعة: متخافيش.. خلاص مفيش
حاجة هتحصلك.. مش هسمح لحد يأذيكي يانور..
لتنظر لها نور ببكاء: انا عمري ماشوفتك كدة يالين..ايه اللي حصل..
لين بدموع وهي تمسح دموع نور وبصوت مهزوز:
مفيش يانور انا اسفة كنت متعصبه شويه.. متزعليش..
نور: طب انتي بتعيطي ليه..
لين ببكاء: علشان اتعصبت عليكي ..
نور بإبتسامه وهي تمسح دموع لين: انا مش
زعلانه يا لين منك.. انا بس زعلانه عليكي..
لين بابتسامه وهي تحتضن نور بقوة:
خلاص يانور هو جديد عليكي يعني عصبيتي..
نور بعتاب: اصلك مشفتيش نفسك يالين انتي منظرك كان يخوف..
لين: خلاص بقي.. اقولك يلا تعالي نخرج ونتفسح انا وانتي..
وبإبتسامه هفسحك فسحة انما ايه وبعدين نعدي
علي شيكو في القسم نرخم عليه شويه ونرجع..
نور بضحكة: ماشي يالينو يلا بينا..
لتخرج لين ونور ويتنزهوا في السيارة تنظر لين
الي نور الضاحكة ببراءة وتحدث نفسها..
لين في حزن: اوعدك يانور هتفضل ضحكتك
علي وشك منوراه..مش هخلي حد يحرمك منها..
ويعودوا الي المنزل.. وفي المساء تحتضن
لين نور النائمه وتظل تبكي بشدة حتي الصباح..
وتذهب الي ابيها وتخبره بموافقتها علي الزواج من هشام ..
ويأتي كاظم وهشام الي المزرعة .. وتتزوجه بعد شهر مباشرة..
باك..
لين بتنهيدة: ايه اللي رجعك تاني ياهشام..
بعيون غاضبة وتوعد لو قربتلي يبقي انت الجاني علي نفسك..
>>>>>>>>>>>>>>>>>>>>>>>>>>>>>
في الصباح في المزرعة..
عامر:ها يانور..عملتي ايه في الموضوع اللي قولتلك عليه..
نور بتردد:انا قريت الملف يابابا..بس متردده..يعني
الموضوع صعب شويه..وبعدين لو سأل هيعرف اني ظابط..
عامر:مش هيعرف يانور.. هما هيلغوا اي بيانات
متعلقة بالشرطة عنك في الشبكه..قوليلي وصلتي لايه..
نور:انا سألت..هو دكتور صيدلي وناجح..انا مش عارفة
هما شاكين فيه ازاي..ده معليهوش اي غبار..نضيف..
عامر:متتغريش في المظاهر..واحد زي ده بدأ من فترة قصيرة
حتي لو ناجح..مش هيقدر يبقي معاه المبالغ ديه من غير شغل ممنوع..
نور:طيب يابابا..انا هشوف..وهقولك علي قراري..
عامر:بسرعة يانور..ديه فرصة انه عايز سكرتيرة..
وبعدين ديه اوامر..وانتي ملزمه تنفذيها..
نور بتنهيده:حاضر يابابا..عن اذنك..انا رايحة القسم الوقتي..
ولنفسها بقلق.. ربنا يستر..لو لين عرفت هتسود عيشتي..
ديه اكتر من الداخليه..ديه عشماوي..استرها معايا يارب..
>>>>>>>>>>>>>>>>>>>>>>>>>>>>>>>>>>>>
كاظم بملل:عملت ايه ياحيلتها..خليت لين من الصبح راحت ع المزرعة..
هشام بغيظ وهو يلوي شفتيه:هو انا
لحقت حتي اقول..مانتا عارف لسانها الزفر..
كاظم بتعوج ساخر:هههههه..جاتك وكسه..
مش عارف تضحك عليها بكلمتين..
هشام بغل:هي ديه ينفع معاها كلام..
ديه عايزة اللي يكسرها علي طول..
كاظم بتحذير:هشام مش من اولها..انا ماصدقت الامور هديت..
اوعي تعمل عمايلك اياها مع لين انت فاهم..
كفايه اللي حصل المرة اللي فاتت..مش ناقصين..
هشام بتعوج وإستنكار:والله ماحد مفرعنها عليا غيرك ياجدي..
وبتساؤل..بس صحيح انت عرفت ازاي اني كنت عندها..
كاظم بضحكة: كوثر الرويتر الجديد اللي عندي في الفيلا..
لمحتك وانت داخل..وكانت عايزاني اشرب من دمكم امبارح..
هشام بإقتضاب:وده ليه ان شاء الله..
كاظم :مكنتش تعرف انكم متجوزين..وهي بتحب لين اووووي..
هشام بتنهيده:طيب..يعني الهانم خلعت ع المزرعة..
ماشي يالين..ولجده انا ماشي الوقتي..
زفر كاظم في ضيق وتذكر..
فلاش باك..
تزوجت لين هشام رغما عنها وكانت جافه في التعامل معه
لم يقبل هشام ان يبقي هو ولين في الفيلا في بدايه الزواج..
وذهب الي شقته الخاصة وهناك كانا دائما علي خلاف
وكان هشام يضرب لين كثيرا بسبب بغضها له وطول لسانها عليه
وذلك بسبب نزواته .. وسهراته مع النساء..
وازداد الامر كثيرا..ذهب كاظم الي شقة هشام بعد اتصالهم به..
كاظم بغضب: هشام ايه اللي انت مهببه ده..
هشام بعصبيه: امال عايزني اعمل ايه..
بقي انا تطول لسانها الزفر عليا..انا هربيها..
لين ببكاء: انت واطي انا هوريك.. لتلقي عليه بزجاجة العطر ..
هشام بغضب: يابنت ال…. وهو يتجه نحوها..
لتركض لين وتتجه الي المطبخ..
كاظم وهو يمسك بهشام: اهدي بقي.. انت عارف لين ولسانها..
هشام بعصبيه: سيبني ياجدي بقي..
انا عارفها مش هتتلم غير لما اديها علقة زي كل يوم..
كاظم بغضب: اتلم بقي.. هو عشان ساكتلك
تسوق فيها.. انت مش شايف انت عامل فيها ايه..
هشام بحدة: ده اللي عندي اذا كان عاجب..
مش انت اللي جبرتني اتجوزها..
كاظم بعصبيه: وحياة امك ياهشام..
هتصيع عليا.. وبعدين تعمل فيها كدة..
هشام بحدة: جدي لين متفرعنه بس مش عليا..
كاظم ناصحا: بس بقي.. لاينها بكلمتين امال بتاع نسوان ازاي.. بلا هم..
هشام بضيق: مش مع ام لسان زفر ديه..
كاظم بتحذير: ولا اتعدل… لينتبه كاظم امال هي راحت فين..
هشام: في داهيه يلا..
لينادي كاظم عليها ولا ترد: لين.. يالين.. امال راحت فين..
ليجلس علي الكرسي.. بقولك ايه هاتلي
مايه اشرب.. جاتكم الهم نشفتوا ريقي..
ليذهب هشام علي مضض الي المطبخ..
لتجحظ عيناه من المفاجأة ويصرخ: لين اوعي يامجنونه..
>>>>>>>>>>>>>>>>>>>>>>>>>>>>>>>>
لينادي كاظم عليها ولا ترد: لين.. يالين.. امال راحت فين..
ليجلس علي الكرسي.. بقولك ايه هاتلي
مايه اشرب.. جاتكم الهم نشفتوا ريقي..
ليذهب هشام علي مضض الي المطبخ..
لتجحظ عيناه من المفاجأة ويصرخ: لين اوعي يامجنونه..
ليسرع كاظم اليهم ليجد لين قد امسكت
بسكين وستقوم بقطع شرايين يدها ..
كاظم بخوف: لين انتي بتعملي ايه..
لين بهدوء: هريح نفسي وارتاح منه..
كاظم بتوتر: لين اهدي خلاص هشام
مش هيقربلك تاني.. مش كدة ياهشام..
هشام بخوف: ايوه هبعد عنك مش هقربلك تاني..
بس سيبي السكينة يالين هتموتي..
لين ببكاء وحدة: انا عايزة اموت ملكش دعوة..
كاظم برجاء: لا يالين بلاش تعملي كدة..ليه ياحبيبتي بس..
لين ببكاء وصراخ: علشان بكرهه وبكره
حياتي معاه انا هموت نفسي وارتاح منه..
كاظم لتهدأتها: اهدي يالين.. وتعالي ياحبيبتي عندي..
خلاص انا هخليه يسيبك مادام مش عايزاه..
لين ببكاء: لأ انت بتكدب عليا.. وهتسيبني ليه..
كاظم بحزن: لا يالين مش هسيبك ليه..
اوعدك هرجعك الفيلا معايا تاني..
لين بصراخ: مش عايزة.. انا عايزة اموت وارتاح..
لينتهز هشام فرصة انشغال لين في الحديث مع جدها
ويسرع اليها ليحاول اخذ السكين منها ولكنها تصرخ وتقاومه
وتجرح يدها بشدة ليحمل هشام لين سريعا
ويركض بها الي الغرفة ليري الجرح وسط صراخها..
كاظم بخوف: هشام لين حصلها حاجة..
هشام وهو ممسك بلين وبتوتر: بشوف ياجدي..
لينظر الي لين التي تصرخ ويحاول ايقاف النزيف
ولكنه يفشل ويغادرون بها الي المشفي ويسعفوها..
ليخبرهم الطبيب انها تعاني من حاله نفسيه وعليها البقاء
تحت المراقبه والا سيتدهور الامر كثيرا..
فضل الطبيب بقاء لين في مصح ولكن كاظم رفض ذلك..
واعتني بها في المنزل..وبعد مدة عادت لين الي هشام…
باك
كاظم بقلق: ربنا يستر ومتعملش حاجة تانيه ياهشام..
>>>>>>>>>>>>>>>>>>>>>>>>>>>
ذهبت لين الي المزرعة لقضاء عطله مع
نور وذلك للابتعاد عن هشام.. في المزرعة..
دعاء بفرحة:لين حبيبتي..وحشتيني..عامله ايه..
لين:كويسة..اخبار المزرعة ايه..
دعاء:الحمد الله..يلا ياقلبي ادخلي غيري..
والاكل هيبقي جاهز..انا محضرالك كل اللي بتحبيه..
لين وهي تدلف الي الغرفة وبتعوج:اللي بحبه..وانتو هتعرفوه منين..
نور:لينووووو..وحشتيني..وبغمزة..بس مش انتي قلتي
انك مش جايه..اتش طفشك ههههه..شكله اشتغل..
لين بضيق وهي تجلس بجوارها:انتي هتشتغلي عليا
من دلوقتي..انا مصدعة..يلا اوعي علشان انام…
نور بضحكه:يعني انتي جايه تنامي هنا..
لاااااا..ده انتي تصحصحيلي كده والا انتي عارفة..
لين بضحكه:طيب يافندم..بس ممكن ارتاح
من السفر وبعدين اسلم نفسي ليكي..
نور بتفكير وهي تحك ذقنها:اممممم..بما انك هتسلمي نفسك بنفسك..
هرأف بحالك واسيبك الوقتي..وبتحذير..لكن لو اتأخرتي انتي عارفة..
لين:تمام ياباشا..ممكن تسيبيني بقي..
>>>>>>>>>>>>>>>>>>>>>>>>>
لم تخبرنور لين بقرارها بالعمل علي القضيه المنسوبه اليها
وذلك لخوفها من غضبها..وقررت عدم اخبارها..وانهاء مهمتها بسرعة …
ذهبت لين ونور الي القسم كانت هناك قضية قتل
ولم يستطيعوا ان يجعلوا المتهم يعترف اخبرتهم لين انها تستطيع
جعله يعترف بسهوله بعد ان شرحوا لها الحاله.. ولكنهم لم يصدقوا فتحدتهم..
احضر العسكري المتهم حاول معه شكري ونور كثيرا ولكن..
شكري للمتهم بعصبية: يابن ال… ماتنطق خنقتني..
المتهم: ياباشا ماقولنا منعرفش حاجة.. مظلوم..
شكري: مظلوم ايه واحنا لقينا بصماتك
علي السلاح.. انطق وقول قتلت مراتك ليه..
المتهم: ياباشا انا دخلت لقيتها مقتوله.
.
حبيت احوش السكينه منها..
شكري بسخرية: لا شهم ياخويا..والجيران اللي سمعوكم..
المتهم وهو يلوي شفتيه: ولاد كلب
بيتبلوا عليا.. ياباشا محصلش دول كدابين..
نور بحنق: ماتنطق بقي قرفتنا..
المتهم: انتوا عايزين تلبسوني القضية..
لين بإبتسامة: معلش ياسيادة الرائد شكله برئ..
المتهم بغزل: قوليلهم والنبي ياعسليه انتي..
شكري بحدة: ماتحترم نفسك يابن ال…
انت بتعاكسها ..ده لوحده محضر تحرش ياحيلتها..
المتهم: ايه ياباشا انت عايز تلبسني اي مصيبة..
وللين وهو يلاعب حواجبه بس بقول رأيي في الحلاوة اللي قدامي..
نور بغضب: احترم نفسك ياحيوان..
لتضحك لين بصوت عالي..
المتهم: العب ياسمك.. وربنا شكلها حبسه فل..
ليقوم شكري بضربه وبغضب: انا شكلي هرتكب فيك جنايه يابن ال….
لتضحك لين: جري ايه ياشكري سيبه.. الراجل بيقول رأيه..
وهي تغمز للمتهم.. مش كدة يازوق.. وتقوم وتقترب منه
وبهمس في اذنه.. بس تصدق انك جامد قوي..
المتهم ببلاهة: ايوة يا عسل..
لين بدلال ودلع: اكيد ماهو باين عليك.. تلاقي
مراتك كانت قرفاك.. علشان كدة خلصت منها..
المتهم بهيام: ايوة ياعسليه.. ديه وليه سو قرفاني..
ومكنتش قادر اطلقها علشان المؤخر والنفقة.. قلت اخلص منها
وبرضو اطلعلي بالقرشين اللي ورثاهم من ابوها..
لين بدلع: اوه ليك حق تعمل كدة.. لتبتعد عنه
وتكمل لشكري بضحكة.. واديه اعترف ياشيكو
وبغمزة زي ماقلتلك..ادلق زي الجردل.. يلا سلام الوقتي ههههههه…
ليفرغ كل من نور وشكري افواههم ولا يزال المتهم هائم في دلال لين..
لين وهي تخرج من المكتب للمتهم: سلام ياجامد..
ولنور هستناكي في العربية متنحوش كدة كتير..
المتهم: رايحة فين ياعسليه تعالي..
ليأمر شكري العساكر بتوضيبه.. ورميه في الحجز لعرضه علي النيابه سريعا..
>>>>>>>>>>>>>>>>>>>>>>>>>
عند سامي..
سامي:ايه يااتش..يعني شايفك عندي علي
طول..ايه مش طايق البيت..ولا لين قرفاك من اولها..
هشام:ههههه..هو انا بشوفها اصلا..وبعدين سافرت عند اختها..
سامي:امال ايه يااتش..وبغمزة..مش قادر تقعد من غير مزة..
هشام بملل:مش كده..بس الوليه كوثر..مرات كاظم عماله تحوم حواليا..
سامي:اهااااا..وليه ملعب مش كده..شكل كاظم اتسك المرادي..
وبسخريه..وبتبعد عن البيت خايف تجرك للرزيله يااتش..
هشام:اتوكس..انت عارف اني محبش
الست المدلوقه..وبقرف..تحس انها بضاعة بايرة..
سامي بغمزة:ايوة تحب انت التقيل..زي لين كده..
هشام بتحذير:ساااامي..اتلم بقي..
سامي بضحكة:ايه ياعم..الحب ولع في الدرة..
هشام بإستنكار:حب ايه انت التاني..بس الاسم
مراتي..وبرفعة حاجب..وانا مش قرني ياحيلتها..
سامي:خلاص ياعم الحمش..اقولك انا كنت
رايح عند سوزي..ايه رايك تيجي معايا..
هشام بضحكه:سوزي واخواتها..معاك يامعلم..يلا بينا..
>>>>>>>>>>>>>>>>>>>>>>>>>>>>
في سيارة لين..
نور بدهشه:عملتي كده ازاي يالين..ده احنا
اديلنا ايام معاه وهو مش راضي يعترف..
لين بضحكة:ياحبيبتي..الرجاله اصناف..
نور بعدم فهم:يعني ايه..مش فاهمه..
لين:اقولك انا..فيه راجل مينفعش معاه الست الرقيقة الناعمه..
عايز اللي تديله علي دماغه..وفيه الراجل اللي يجي بالمسايسه والدلع..
وفيه الراجل اللي زي اللي جوا اللي بكلمتين وضحكة يدلق زي الجردل ويريل..
وفي الاخر كلهم صنف واطي..مبيفكروش في الست غير من ناحية واحدة..
نور بضحكه:طب وهشام انهي نوع فيهم..
لين:هشام ده بقي كله في بعض..بس
برضو مع شويه دلع تلاقيه ادلق وجري وراكي..
نوربتعجب:طب لما انتي عارفة كده..مصدرله الوش الخشب ليه..
لين بغل:علشان اللي عمله فيا..كان عايزني ابقي
تحت ايده.. ويبقي سي السيد..لكن مش انا اللي استسلم..
نور:بس يالين ده جوزك..وبصراحة انا حاسه انك ظالماه..
لين بحده:ظالماه..اش حال لو مكنتيش عارفة
هو متجوزني علشان ايه..وتغلق عيناها لتكبح غضبها..
بصي يانور..قفلي علي الموضوع ده..ويلا انا زهقت..
نور:طيب علي راحتك..
المرأه كالضوء..والرجال كالحشرات..تنجذب سريعا اليه..
ولكن احذر فهناك ضوء يعميك قبل ان تصل اليه..
” ديدي”
>>>>>>>>>>>>>>>>>>>>>>>>>>>>>>>
في فيلا المغربي..
كانت كوثر جالسه علي البسين..ولمحها هشام..
وعلي غير عادتها لم تسرع اليه تعجب هشام منها وذهب اليها..
هشام بضحكة:ايه ياكوكي..مالك..
كوثر بضيق:مفيش..عادي يعني..
هشام بإستغراب:مفيش ازاي..امال قالبه وشك ليه..
كوثر بحدة:ولا قالبه وشي ولا حاجة..
انت مراتك سافرت جاي تتسلي معايا..
هشام بضحكة:اهاااااا..انت زعلانه
علشان عرفتي ان انا ولين متجوزين..
كوثر بغيظ:وعمال تضحك عليا..وتثبتي وتقولي
مينفعش..مرات جدي..وفي الاخر تطلع متجوز العقربه..
هشام :معلش ياكوكي..وبعدين انتي فاكراني
يعني متجوزها برضايا..ده انا مجبور عليها..
كوثر بتعوج:وليه ان شاء الله..ايه اللي يجبرك..
هشام بمكر:نفس اللي جبرك علي جوازك من كاظم..
كوثر بتعلثم:ايه ..انت..
هشام برفعة حاجب:انا ايه..خلينا ع المكشوف ياكوكي..
انتي متجوزة كاظم علشان فلوسه..وانا متجوز لين
علشان فلوس كاظم برضو..فخلينا حلوين مع بعض…لحد مايتكل..
كوثر بترقب:طب ولين..
هشام بتوعد:لاااااا..لين ديه انا هربيها..وبعدين هرميها بعد كاظم..
.ديه قرفاني في عيشتي..وبغمزة..واصفالك انت ياجميل..
كوثر بدلع :ايوة كده يااتش..طمنتني..وتقترب منه..
هشام مبتعدا:ماقولنا بعدين ياكوكي..ويلا سلام الوقتي..
ولنفسه ابو شكلك..بس لازم الاغيكي..
انتي شكلك مش ساهله..واهو يمكن تنفعي في يوم..
كوثر برغبه:ماشي يااتش..هستحمل..وبتشفي..وهشوف هتعمل ايه في لين..
>>>>>>>>>>>>>>>>>>>>>>>>>>>
في المزرعة..
عامر:لين عايزك..
لين بضيق وتأفف: خير..عايز ايه..
عامر بحده:فيه ايه اتعدلي في الكلام..
لين:نعم..وبإبتسامه صفراء..كده كويس..
عامر بحنق: سمعت ان هشام رجع من السفر…
لين بضيق:ايوة اتنيل ورجع..ايه الجديد..
عامر:الجديد انك تسيبي جوزك وتيجي هنا..
لين برفعة حاجب:وايه اللي جد..ماهو سايبني من سنين..
عامر بحدة:اللي جد انه رجع علي طول
وعايز يرجعلك وانتي منشفة دماغك..
>>>>>>>>>>>>>>>>>>>>>>>>>>>>>>>>>>
*.. يتبع ..*
> *تـفاعل حـلو منڪ بيشجعنا انه نڪمل♥🌹*