12/13
القائمة
روايات
بحث عن
الرئيسية/الجزء
الجزء
الجزء الثاني عشر من رواية خط احمر
الجزء الثاني عشر من رواية خط احمر
صورة مهند أدهم مهند أدهممايو 24, 20220559 12 دقائق
وفي الجزء الثاني عشر من رواية خط احمر يا تري من وجهة نظرك هل الأحداث ستذهب بنا إلي منعطف جديد ام ستظل في نفس الإطار الحالي للحبطة ؟ كل هذا وأكثر سوف نعرفه سوياً مع الكاتبة ميشو محمد في السطور التالية بإذن الله .
الجزء الثاني عشر من رواية خط احمر
رسل:ماشي قال خطفوه صحابه بسهر معاهم شوية…وضحكت عشان يصدقو
ام سامر: من صحابه وقت سهر هو توا الناس تقول خيره مادخلها
رسل تنهدت
اكرام: ندخلها اني ماما
خديجه: ركبوها ركبوها
رسل مرتاحتش لعزوزتها كيف تتكلم 😑
وفعلا ركبوها ونزلو طبعا هي تسكن ف الطابق الاخير التالت
غيرت ملابسها ودارت دوش وهي ف الدوش سمعت الباب نفتح لبسة بيجامه بيضة وطلعت
رسل شافت سامر عطيها بظهره لدولاب وياخد ف ملابس
سامر تلفتت شافلها:اسف ع الانحراج لصار بس صارتلـ….قطعاته
رسل:اسكندر صح؟!
سامر ضحك ع جنب:ههه اي هو
رسل:اني ف النظره الشرعيه حكيتلك كلل شي ع امل انك ترفضضض بس صدمتني بـ موافقتك
سامر بصوت رجولي: انتي عجبتيني واني لبعتت امي تخطبك يعني مش شايف شي يخليني نرفض توا بتقوليلي ع العيل هداكا ماما اني مانخافش من مفررخ نشده نربيه بما انه اسمك نكتب ف كتيبي خلاص 🔥
رسل :شن دار ؟!
سامر:مدوريشي شفته وقالي دوه وقتله دوه بس مصار شي…خدي ملابس وخش لدوش
.
.
نرجع للخلف
سامر طلع لصحابه وحول القرواطه وطلعو وشاف سيارة تفلتش ف الضي وتكلكس قربلها اخ سامر
اسكندر: ناديلي العريس
سامر جاه: تفضل
اخ سامر مشي
اسكندر يشوفله وضحك بخفه: قصدك انت لختراتك؟!
سامر ضحك ع جنب: اهلاااا صار هو انت اهلا اهلا من بكري نستنى ف المشكله لحكيتلي انك بديرلي مشكله
اسكندر: بتسكنها هني قصدي واخدها من مدينه وجردينات وجو وجايبها هني
سامر سافر المنطقته: اول شي ياحبيبي احتفظ بذوقك وتاني شي تلف الدومان وترجع لجرديناتكم ز الكلب لينسرف تمام 🔥
اسكندر نزل من السيارة وقعمز ع صندوق سيارته من قدام
سامر قربله: شنو جعان بالك تبيني نجيبلك من ماكلت العسكري الفقير
اسكندر يشوف ف السراب:مناكلش ف اي ماكله ومانبيش نكلفك
سامر: عندك حق نسيت انه الصغار ياكلو ف الكرونفلكس وحليب
اسكندر شافله:باهي كملت دوه فاضيه توا
اخ سامر جي بيسلم ع اسكندر
سامر بعد خوه:ماتسلمش عليه
اسكندر شافلهم: منسلمش
سامر شاف خوه: هدا حشاك كلب اجرب لاحقنا من بداية الطريق
اسكندر قرب لـ سامر لصق فيه قرب لوذنه: حط ف راسك انه مش رح نرخي بها 🔥
سامر شافله: اهي ف الخيمه علاش اتعب ف روحك خش خودها كانك راجل
اسكندر: بناخدها لكان مش بفضيحه .. قاطعه
سامر: باه باه خلاص دوتك لكلك فاضي هي لحوشكم بابا (قام صبعه بتنبيه) واعرف انه رسل مرتي وانت اكيد تعرف شن يعني مرآة وراجلها
اب سامر: سامر تعلا شوية
سامر سيب اسكندر وقرب لبوه
بوه قاله انهم دخلوها رسل
ـــــــ
سامر طلع من الدوش شاف رسل راقده ع السرير وواضح علها التعب ولع المكيف وغطاها واكتفي انها يرقد جنبها ويتأملها
ــــــ
.
.
تاني يوم
الساعه 11:30
طلع ايهاب ساعه ونص ورجع
غزل تنشف ف الشقه نفتح باب الشقه وخش ايهاب وعطول قام غزل ف حضنه
غزل طيحت المنشفه وهي ف حضنه: شن صاير هبلت!!
ايهاب ابتسملها برغم م الوجع الواااضح ف عيونه: مبروك نجحتي كنت ف كليتك
غزل نزلت من حضنها: اوكي نعرف انه نجحت شن ليفرح
ايهاب انزعجج: لا شي فرحتلك ممكن لانك حققتي حلم كنت نبي نحققه
غزل هني عرفت تصرفها غلط قربت: ايهاب نسيت اني كلمتك بجو بصاره
ايهاب ابتسم 💔: مانبيش انكد عليك الف مبرووك بس بجد فرحتلك وهلباا هلبااا هلباا
غزل دابة فيه كيف فرحانلها حست من عيونه انه مفتخرر بها قريب بساته ابتسمت بححححبب: شكرا ع نظرتك وفرحتك لو كنت نعرف انك رح تفرحلي كنت حكيتلك
ايهاب ضحك ع جنب: اسف قمتك… وخش المطبخ
غزل لحقاته: جعان ؟!
ايهاب كان يشوف للمطبخ: علاش مش معتبرتيني؟!
غزل: ك كيف
ايهاب: تتفادي فيا حسيت ماعمرك قلتيلي انه ناقصك شي او تبي فلوس او شي للحوش
غزل: لانك انت مش مخلني نطلب شي انت موفر كل شي
ايهاب حط ايده ع جنب وغمض عيونه
غزل: خيرك
ايهاب فتح عيونه: مش عارف نخزه خلاص بسيطه اني بناخد عفوه الساعه التلاته تنوضيني
غزل: ايهاب الساعه توا تنين
ايهاب خاش لصالة: غفوة بس حاسس بتعب المهم تنوضيني التلاته … وتسطح وهو ايده ع جنبه
غزل نشفت المكان
ايهاب ايده ع جبينه ويشوف السقف 💔💔💔
غزل كملت تنشيف خشت الصالة لقاته عيونه مفتوحات: ايهاب تتغدى؟!
ايهاب ايده ع جنبه وحسس بوجع رهيب بس مش محسس غزل هز راسه بمعنى لا: بنرتاح بس مش جعان
غزل خشت دوشت لبسة قفطان لركبة صيفي اصفر 🤤
وسيبت شعرها مفتوح يجفف ع مهله خدت فازو نوتيلا وخشت الصالة قربت بتطفي التلفزيون
ايهاب جنبه هدي شوية: خليه
غزل بعدت
ايهاب يشوفلها وهو متكي وراس لسقف: نعيما
غزل ابتسمت وبانو الغمازات: الله ينعم عليك… وفتحت فازو الشكلاطه وتاكل
ايهاب سرح فها 🤤
غزل شافتله: خيرك تشوفلي تبي شكلاطه!!
ايهاب شاف لتلفزيون: عوافي
غزل قلبها بيتقططططع عليه 💗
ايهاب يحبها خايف يكون ز بوه ف يوم بدي انسان موسوس
غزل وقفت وحط فازو الشكلاطه ع الطاولة وطلعت جابت هاتفها وقعمزت والفاز جنبها وتاكل بطريقه 😂
ايهاب يشوفلها ع جنب وتعصصب: فرخه النم انتي شن التك تك تك تك من بكري من يراسل فيك
غزل تعودت ع عصبيته: حد ريناد
ايهاب بدون مبالاة ناض جبد الهاتف
غزل وقفت تعصبت: شاكك فيا كل شي الا هادي ايهاب
ايهاب يشوفلها وشفايفها فيهم شكلاطه: ياعن…. وجبدها من ضهرها بقوه وباسها 💋🙈
غزل بعدت توترت حكت رقبتها بتوتر
ايهاب شافلها وابتسم: افتحي شعرك وكولي قدامي وبلصفر هدا واني نشوفك قريب انقز عليك
غزل ضحكت من الموقف ومن ردة فعله
ايهاب ابتسم: الغمازات هادم نارهم كووم بروحهم
غزل انحررجت طلعت تضحك للمطبخ وقفت عند المغسلة من التوتر فتحت الشيشمه
ايهاب ضحك ع ردة فعلها طبس حط الهاتف حس بنفس النغزه شد جنبه وعيط بشوية مع تنهيده
غزل سمعاته صكرت الشيشمه ورجعت ببطىء شفاته واقف مطبس شوية وشاد جنبه طاح ع ركابه وشد ف الطاولة وتنهد حس روحه بتطللع
غزل قربت ورجعت للمكان لكانت واقفه فيه قدامه طبست عشان تقابل وجها: ايهاب خيرك فيك شي
ايهاب وجها احممممر وشاد جنبه: بسيطه بسي طه
غزل بدت ترجف: ايهاب وجهك احممر
ايهاب حس روحه بيستفرغغ من الوجع وبدي يستفرغ ف دمم
غزل تشوف ف الدم وقفت معرفتش شن تقول ولا كيف تتصرف
غزل نهارت ع ركابها قربت تتلامس ف وجها ودموعها نزلو: قولي شن فيك
ايهاب قام نفسه وقعمز ع الكنبه وايده ع جنبه: منع منعرف شي
غزل قعمزت جنبه تلامست لحيته ودموعه مطرر: شن ندير قولي ايهاب
ايهاب تنهد: م مش ععارف
غزل ناضت خدت هاتفها واتصلت برناد: رناد كلمي عمي يجيني الله يخليك
رناد: شن فيي خيرك تبكي تكلمي شن في
غزل تبكي: منعرفش ايهاب دايخ بلله عليك رناد بسرعه… وصكرت
ايهاب مقعمز ع الكنبه وساند راه لتالي وعيونه مرخيات
غزل تبكي قربت لمستله شعره: ياعمري ياربي… وناضت قامت شعرها جابت اميه
ايهاب هز راسه بمعنى لا
غزل حطت الكأس
حوالي ربع عشره دقايق
وطقطق الباب
وخش ادريس ولد عم غزل: شن في.. وشافلها بلمنظر لفيه
غزل: خش هو ف الصالة
ادريس خش لصالة
غزل خشت غرفة النوم لبسة عبايتها وطلعت
ادريس: ميتكلمش بنطلعه دايخ
بختصار سعفو ايهاب وغزل مشت معاه
الدكتور طلع: هو فايق وكويس
غزل: لكن استفرغ دمم
الدكتور: اي نستنو التحليل بس واضح انه مياكلش وللعلم انه ياخد ف حبوب فيتامين هكي ع الخوى والشي هدا مش كويس فا نشالله مافيه شي… ومشي
غزل خشت
ايهاب شافلها: خاطري نرتاح
غزل شاده دموعها لانه ميستاهلش وصلتها رسالة(اني ادريس اني روحت عندي ماندير كلمي حد من حد يروح بيك)
ايهاب بصوت واطي وتاعب: هكي ولو لدقايق بس عقلي يوقف ومانفكر ف شي نخش ف غيبوبه (قعمز وحول السيروم من ايده بعنف) التقعميزه هادي مش لـ ايهاب اني اقوى من هك.. وقف جنب السرير
غزل تشوف فيه كيف يحارب ف نفسه وكيف بدي يشجع ف روحه قربت وحضناته
ايهاب حضنها وشوش ف وذنها: احلا شي يصير ف حياتي انتي ❤
ـــــــ
.
.
في نفس الوضعيه فاق سامر فتح عيونه
رسل كانت فايقه وتشوفله ومبتسمه لم فتح عيونه خافت وقعمزت من الارتباك
سامر قعمز وناض للحمام (اكرمكم الله) بسررعه وطلع غسل راسه
رسل: صباح الخير
سامر: صباح النور… ويمسح ف شعره حط وساكت
رسل طلعت فتحت التلاجه جهزت فطور ع السريع
سامر خش المطبخ: يابنت بنقولك لو جي حد ليك مخلي حد يخش لغرفة نومي متفهمينيش غلط بس فها ملفات واشياء مهمه اي شخص يخش تكوني موجوده معاه
رسل لسانها متبري منها: مدام مهمين خودهم لشغلك علاش دايرني غفيرة هني
سامر شافلها ع جنب: منحطهمش ف حوشي وين حابه نحطهم؟!
رسل نزللللت راسه: جوابي غبي اسفه
سامر رجع للغرفة لبس زبون زرق كحلي مع هيبته وشخصيته🔥
رسل شافة الساعه 12:30
سامر: طلبو مني ندير محظر بس اني رفضت حبيت نقولك عشان نحطك ف الصورة
رسل: عادي اصلا دوته فاضيه
سامر حك لحيته: وعشان امبارح منبيش شوشره ودوه هو عادي لو متهنيتيش لكن عيلتي بيكبروه وبيضايقوك ف الاساله الزبدة من كلامي تقولي انك تهنيتي
رسل: حاظر
سامر: اي شخص يسالك ع شي هادا متجاوبيش جاوبي ع سؤال جداي بس حتى امي لا خلي الكل يعرفو من جداي
رسل: ممكن تضايق ام… قاطعها
سامر: لسمعتيه لبيضايق يضايق العام فيه طناش الشهر… وطلع
رسل ايدها ع قلبها: هدا خيره قلبي قريب وقف حسيته جددي هلبااا عسكررري معاي ف الحوش ياماما هدا كان نتعرك معاه يحبسني ولا يفرجني
تررررن ترررن
رسل شافت رقم غريب عطول ف الحظر
وصلتها رسالة منه( نحلم صح؟! مش مستوعب انك ف حضن غيري انك ف حوش غيري
تي شن يخليك تاخديه فهميني بسسسس ميقدرش يسعدك حتى السفر مش رح يسافر بيك ولا رح ياخد لخاطرك فيه)
رسل: صح لكن راجل ❤
ـــــــــــــــــــ
.
.
غزل بعدت ودموعها نزلو: انت كويس صح
ايهاب ابتسم لخوفها:كويس كويس
الدكتور خش:
غزل بعدت ودموعها نزلو: انت كويس صح
ايهاب ابتسم لخوفها:كويس كويس
الدكتور خش:التحليل نضيف ممكن بسبب حبوب الفيتامين لتاخد فيهم للعلم شي خطير انك تاخد حبوب ع الخواء ف حبوب عادي وفي حبوب مفعولها قوي
ايهاب: مشكور
الدكتور: تقدر تكمل… قاطعه
ايهاب خدي الريشيته : عندي اشغال عن اذنك وطلع وغزل معاه
ــــــــــــــــــ
.
.
ايهاب نازل يسمع ف
الدكاتره: الشاب راقد ليه فتره مافي حد سال عليه
ايهاب جت عينه ع الغرفة وقف مكان وررجع خش:فادي
الدكتور:تعرفه؟!
ايهاب قرب ويشوف ف الخيوط المعلقات ف خوه:شن صاااير هني خيره
الدكتورة:انت من تكون
ايهاب:خوه
الدكتوره:تعرض لحادث من اربعه ايام والتكاليف كبرو عليك معرفناش نتصرفو
ايهاب بصوت عالي: احكي ع وضعه مش تكاليفه شن وصله للحاله هادي كيييف من دار هكي
الدكتورة:ز ماتشوف فاقد الوعي فاق لكن متكلمش
ايهاب شاف لفادي: كيف حالته؟!
الدكتورة: متازمه درنا كل شي عليا انت شايف كم جهاز موصول بيه خوك عايش بـ الاجهزة
غزل ايدها ع فمها 💔
ايهاب عقد حواجبه ويشوف لخوه قرب لمسله جبينه:رح تطلع منها
الدكتورة:صععب للاسف
ايهاب بصوت عالي: ماحددد طلللب رايك عنده رب يشفيه (شافله بنظره) انتي مجرد دكتورة او ممرضة بس فاحافظي ع الفاظك قدام المرضا
غزل:الدكتورة الكلمه الطيبه صدقه متنسيش
ايهاب طلع قرب لرسبشن ويسال ع فادي
جت بنت: مرحباا…لو سمحتي اني تواصلتو معاي ع هاتف مريض هني
الرسبشن:فادي احمد؟!
سلمى:اي وين
ايهاب: شن صلة قرابة بينكم
سلمى:وين هو
ايهاب:ف الطايق التاني الغرفة التانيه مقابله الدروج
سلمى ركبت
غزل:حبيبته واضحه
ايهاب:فادي مرتبط ؟! اي ممكن
ايهاب قعمز ف الانتظار خدي هاتف غزل اتصل بـ موسى العامل لفي المعرض شيباني وقاله يجيه للمستشفى
سلمى طلعت لرسبشن:شن صايرله معقولا الاجهزة هادي كلها بسبب حادث
غزل قربتلها:المهم انه عايش قولي الحمدلله…قاطعتها
سلمى بحزم: رجله مكسورة وايده والاجهزة لجنبه يعني شخخص ميت تمامآ
غزل اندفعت:شن التفكير الزبالة هادا..قاطعتها
سلمى:بما انك ادافعي علييه وعاجباتك صحته اهو قعد حي اهتمي بيه …وطلعت
غزل بصوت واطي: بري تل
ايهاب وهو محتااار :ف غلط فادي وبنت هادي مستحيل مشعارف
________
.
.
اسكندر روح للحوش وهو يفككر وغارق ف التفكير وفداخله وهو راكب مع دروج حوشهم: تزوجت
قلبه:انت غلطت كان من الاول تحكيلها انت كسرتها سناتين عندها حق
عقله:انت مغلطش وكنت متوقعها تسمعلك
اسكندر بصوت عالي:خلااااااااااااص (تنهد خدي نفس)خلاص (قرب لمرايتها وشاف روحه ف امرايا ويشوف لعيونه الحمممر)رح نرجعك ورح ناخدك منه العسكري
نفتح الباب: اسكندر نسخنلك تتغدى
اسكندر شافلها:كله بسببك يام انت سبب حالتي
امه:شنصاير
اسكندر بصوت عالي:كنتي تعرررفي بحممل هبهه،يام لو حكيتيلي كنت تصرفت اهي توا هبه مع راجلها ومع ولدددده علاش ماحكيتي من الاول
امه سكتت
اسكندر:البنت حكتلي انها تبي عبدالرحمن كانت تحب شخخخص تاني ودبستوهالي سناتين وهي تبي عبدالرحمن وفي النهاية اني رفضتها وتكلمت (سكت وضحك)انتي شن واجعك ف القصة انتي مهامك شي غير انك تشوفي ف روحك ع الناس بولدك الدكتور…وطلع
ـــــــــــــــ
.
.
باسم ف الشغل:اني قلتلكم انه مانعررف شي عليه نتصل بيه مقفل
المدير:معنها انت بتستلم قصة البنت المتوحدده وبتمشي للمصح تحقق معاها
باسم وقف:نعممم شن تفضلت
المدير:احترم نفسك هدا شغلل
باسم خدي الملف وطلع متنرفززز
في المصحح
باسم وصل وهو لابس مدني تيشرت ازرق كحلي وسروال جينز اسود وكويش بني خش
دقايق
باسم طق ع الغرفة وخش
يقين بنت بيضة عيونها خضر طولها 155 عكس باسم لطوله 187 😂
باسم خش وصكر الباب الغرفه
يقين عدلت تقعمزتها:تفضل دكتور
باسم:انتي يقين؟!
يقين هزة راسها بمعنى اي
باسم سحب كرسي جنب سريرها:اول شي كيف حالك
يقين اتأتأ : ك كا كويسه
باسم يشوف ف الغرفة:اني دكتورك الجديد الخاص ليك انتي بس
يقين ساكته
باسم:قالولي انك تعاني من اتأتأ من امتى انتي هكي؟!
يقين ساكتت بخووف
باسم بهدؤ:جاوبيني
يقين تفرك ف ايدها ببعض وشافت للباب
باسم شاف للباب وشافلها: تبي تطلعي؟!
يقين خافت بدت هزت راسها بمعنى لا
باسم:يقين شوفيلي
يقين شفتله واشرت ع الباب المصكر
باسم شاف للباب ومفهمش علهاا:يقين كم دكتور شفتي ف حياتك ؟!
يقين بدت تبكي من سؤاله: ااا ف هم ني، انا م ش مج نونه
باسم:اني رح نكون متفهم
يقين وقفت وتبكي:علا ش، ما حد يفهم عل يا..وشافت للباب برععب وصكرت فمها برععب
باسم استغرب وشاف للباب ولانه محقق شرطي ركز ف الطل لتحت الباب يعني ف شخص يتنسط عقد حواجبه شافلها
يقين بتتكلم
باسم شافلها وهو متعصب وفداخله (القصة كبيرة البنت عندها فوبيا من الشرطه واني مش رح نتفاهم معاها تي شن فهمني ف البنات):اهدي شن رايك نلعبو تمام (يساير ف عقلها)
يقين قعمزت ع سريرها وحدفت الوساده ع الارض: مش مجننننوووووننننننه ا فهم ني ارجوووووكككك
باسم تلفت ويشوف ف الظل لتحت الباب عقد حواجبه وتعصب وفهم ف شي مش تمام شافلها
يقين فهمت انه اول دكتور فهم علها انه ف حد ينصط بدون ماتتكلم:انت شف…قاطعها
باسم قرب وصكرلها فمها وقرب لوذنها:ولا حرف شفتها وفهمت عليك اششش تمام
يقين ابتسمت وارتاحت وهزت راسها بمعنى اي
باسم مقرب لوذنها بتوشويش:نعرف انه عندك فوبيا من الشرطه يايقين اني دكتورك تمام …وبعد
يقين مسحت دموعها وشافت للباب واشرتله بمعنى اسكت حطت صبعها ع فمها
باسم فهم علها دار لايك بيده 👍
يقين تشوف للباب وشافتله دارت بيدها هكي 🤙بمعنا هاتف
باسم دار لايك وطلع هاتفه دارره صامت
يقين قربتله وابتسمت براحه خشت ع المدكرة كتبتله ،انت اسالني واني نجاوبك بس بشرط
باسم هز راسه بمعنى تمام
يقين كتبلته: الهاتف بيقعد معاي وانت تسال رح نكتبلك اشياء
باسم: تمام يايقين اني جاي هني عشان نعرف انتي علاش قتلتي امك
يقين مدتله الهاتف: ا ا نا، ما قتلتش، ام ي
باسم يقرا ع الهاتف( اني يقين نعاني من تأتأ بس بكامل قواي العقليه وعارفه انك شرطي من تركيزك ومن السكين لفي جيبك (حط ايده ع جيبه) انت لازم تطلع وتخليني هني او صدقني رح يدمروك)
باسم شافلها وشاف للباب وشاف لظل تحت الباب قرب للباب وفتحه ع اساس بيطلع وكان قدامه المدير دار روحه عادي: كنت جاي تشوفني؟!
المدير متع المصح تلبك: اي طمني صار شي
ـــــــــــــــــــ
وصل موسى:خير لابس ياولدي
ايهاب لمس كثفه:بسيطه ياعم مدورش تعبتك
موسى ركب وركبو ايهاب من قدام وغزل من الخلف
موسى:هادي مرتك
ايهاب ابتسم:اي هادي هي
غزل ابتسمت:كيف حالك
موسى:كويس الله يسلمك
ايهاب:عم موسى وصلنا للحوش
موسى يسوق:تمام
غزل: ايهاب اول شي خود الدواء لوصفهولك الدكتور
ايهاب:شفتها الوصفه كاتبلي حبوب مضاد وحبوب تانيات المهم اني عارف القصة كلها لانه ناخد ف حبوب الفيتامين وحبوب قطع شهيه ع الخواء خلاص بنوقف ع الحبوب ورح تمشي اموري
موسى: لاباس خيرك
هدرزو وغزل ساكته لعند وصلوهم للحوش ورجع للمعرض
خشو
غزل:انت ارقد ارتاح واني رح انظف الدم
ايهاب خش للحمام خدي عصاة المنشف وقعد يمسح ف الدم من الارض ونظف المكان ورجع المعدات للحمام(اكرمكم الله)
غزل خش الصالة ومعاها سفرة عصير وخبزة وصحون صغيرة عبارة عن جنبه وطن و هريسه وكل شي ف صحن
ايهاب:مش جعان نبي نرقد بس
غزل خشت لغرفة النوم خدت معطر جوي ورشت ف الصالة
ايهاب يشوفلها وقعده بنفس القفطان:تعالي جاي
غزل حط المعطر وقعمزت جنبه:كول ايهاب…عشاني لو عندي شان عندك
ايهاب اتكى ع الكنبه:لو ماعندك شان عندي ماكنت بوستك
غزل اذكرت تلبكت بتنوض شد ايدها
ايهاب شد ايدها وع وجها علامات الجديه: غزل…قاطعاته
غزل:ايهاب حتى اني نبي نعطيك فرصة مش كاصديق كازوج وواتقه فيك اني لم رفضتك المرة لفااتت لاني نبيك اول شي توتق ف نفسك ومعاش تهينها واليوم ف المستشفى كيف شجعت روحك ووقفت ع رجليك….قاطعها جبدها وجت فوقه 🙈
ايهاب ابتسم وهو ويشوفلها من قريب: انتي لرجعتيلي تقتي ف نفسي
غزل بساته 💋🙈
_________
.
.
رسل طلبو منها تنزل لحوش العيلة طبعا هي تسكن فوقهم
واتغدت عندهم
وع خشت سامر: السلام عليكم
كلهم: وعليكم السلام
سامر شاف لرسل: بوي بيتعرف عليك ف المربوعه حطي ع راسك وتعالي .. وطلع
رسل حطت ع راسها وطلعت وهي لابسة قفطان طويل وكمامه طوال مغربي طرفين وكل مطرزز مع مكياج بسيط جدا
رسل: السلام عليكم… وقربت سلمت ع اب سامر
ناجي سلم علها وقعد شاد ايدها طلع اسواره ذهب من جيبه ولبسهالها وابتسم: انستينا ❤
رسل ف داخلها (محلاها بساطتهم يعني هديته طلعها من جيبه بلطف لابوكس لا شي ولبسة بطريقه حلوة وتكنه هدية من اب ❤): الله يأنسك ياعمي
ناجي قعمز: قعمزي عشان تتعرفي ع سلافك ولـ رح يكونو خوتك
رسل قعمزت
ناجي طلع ونداهم
سامر: امنه حكتلك اكيد انه عندها تلاته ولاد واني الرابعه لـ رح تتعرفي عليهم توا
خش الكبير المتوزج عبد النور سلم علها وباركلها وطلع
وبعده خش ناجي معاه زوز شباب
ناجي: هدا وائل و معاد
وائل عمره 22
ومعاد عمره 20
وائل: مبروك
رسل وقفت ابتسمت: الله يبارك فيك عقبالك
وائل قعمز
معاد سلم علها: انستينا ربي يباركلكم
رسل ابتسمت: الله يأنسك يبارك فيك
ناجي: قعمزو هدرزو علها شوية وتعرفو اكثر
سامر مطلع هاتفه ويراسل
قعمزو
سامر حط الهاتف عدل جاكيت زبونه: وهادي هي مرت سامر ❤
رسل فداخله محلااااااها الكلمه ❤🤤
وائل كان محترم: معرفة طيبه
ناجي: تكلمي يابنتي عرفنا بروحك مع اني نعرفك بس هكي افضل
سامر: كل شي تعرفوه علها وائل ومعاد عرفو روحكم اكثر
وائل: اني خيرج تخدير مانشتغلش هني
ناجي: هدا يابنتي مشي مره زردة مع صحابه للجبل وشاف غادي مصحه مهروره مدمرة من ايام القصف
يتبع …….
لقراءة الجزء التالي : الجزء الثالث عشر من رواية خط احمر
لقراءة الجزء السابق : الجزء الحادي عشر من رواية خط احمر
للإطلاع علي فهرس اجزاء الرواية : جميع اجزاء رواية خط احمر للكاتبة ميشو محمد
جميع الحقوق محفوظة للكاتبة ميشو محمد .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء العاشر من رواية بقايا امرأة
الجزء العاشر من رواية بقايا امرأة
أبريل 6, 2022
صورة جميلة لغلاف الجزء الثاني من رواية لن استسلم
الجزء الثاني من رواية لن استسلم
يونيو 18, 2022
صورة جميلة لغلاف الجزء الأول من رواية جعلني انثي
الجزء الأول من رواية جعلني انثي
مايو 28, 2022
صورة جميلة لغلاف الجزء الحادي والعشرون من رواية محظوظ ولكن
الجزء الحادي والعشرون من رواية محظوظ ولكن
يونيو 20, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرامالقائمة
روايات
بحث عن
الرئيسية/الجزء
الجزء
الجزء الثالث عشر من رواية خط احمر
الجزء الثالث عشر من رواية خط احمر
صورة مهند أدهم مهند أدهممايو 24, 20220557 6 دقائق
وفي الجزء الثالث عشر يا تري ماذا تتوقع ان يحدث من جميل احداث مع ابطالنا ؟ وهل سنري شيء غير متوقع سيحدث معهم ؟ كل هذا وأكثر سوف نعرفه سوياً في السطور التالية بإذن الله من رواية خط احمر للكاتبة ميشو محمد .
الجزء الثالث عشر من رواية خط احمر
#بعد_مرور_بس_يومين
وهنا كانت غزل تبكي ف الحمام 💔بقهر وبكسرة خاطر
ايهاب يقربع ع الباب بعصبيه: نهد امه نكلم فييككك
غزل تبكي غسلت وجها وفتحاته وكانت ملامحها ملامح وحده دمه محروق طلعت دفاته من الباب: بعععدد
ايهاب بعصبيه: شن لـ يدور ف دماغك انتي نقدر نفهم
غزل تبكي: اطللللع من الدار ايهاب
ايهاب تعفلق: افهمي في شي اسمه توضيح عارفك تعبتي وتبي تشتغلي من الاخير اني نتنازل ع كلمتي خدمه لاا كان تفهمي عربي كان متفهميش (اشر ع الحيط) اهو اربعة حيوط طربقي راسك ويين مايعجبك… وطلع وقربع الباب
غزل مقعمزة ع السرير تشوف ف الباب بصوت عالي: ماتبينيش نشتغلل معاش بنمس شي ولا رح ندير اكككل تسمم اي شي…وتغطت بعنف
ايهاب سمعها وطلع قربع الباب البراني: كانت ملايكه شن قلبها(فتح الهاتف بعتلها)( نرجع نتفاهم معاك عمري انتي رح نحااول نقتنع نحاااول)
غزل عطول قرتها ضحكت بعتتله فويس ع الواتس ( علاااش رافض باهي علااش قصدي اهو الناس تخدم عادي)
ايهاب يسوق فتحه ابتسم بعتله فويس(مالي ومال الناس انييي تبي ادوري وتحومي جنب ستلاف فرخ حرام ريحيني تربحي ترا متهبلينيش)
غزل فتحاته وبعتتله فويس( شن دخلي بستلاف الراجل هادم هو زوز رجاله بس تي هي روووضه ايهاب روووضه )
ايهاب فويس(وكان يبدا واحد فكيني ونبي اني حتى اختي نسيم مانعها من الخدمه مش بس حظرتك نفكر حاظر لو اقتنعت نوافق)
غزل بعتله (😒😒)
ايهاب شاف السمايل ضحك ( من الخليقه لبعتيه وراس امه ماك عفستيه زيدي)
غزل ( عندك حق لم بديت مررتك شرعاا بديت تتشرط الله يرحم ايام قبل بلله)
ايهاب يسوق خطرت ع باله فكره جهنميه (اعتذري مني مدام عرفتيني راجلك وقوليلي كلمه حلوة بعدين تعالي جاي اهو اني نعطي فيك شن ناقصك باش تخدمي نضوي تللل)
غزل فويس ( نكررهككك اني باهي)
ايهاب ضحك ( متعود علها الكلمه اصلا مش كويس تتعود ع كلام حلو مش كويس للقلب….ودار تصطريبه بقووووووه ف الطريق قصدا عشان تسمعها غزل)
غزل تسمع ف الفويس وطلعت ف التسطريبه فنصت ف الهاتف خافت (ايهاب)
مافيش ردد ..
غزل بعتت فويس (ايهااب)
غزل وقفت برعب اتصلت بيه رن رن رن رن رن رن رن رن وبعددد اخر رن رد
غزل متسمع ف شي :ايهاب ايهاب ايهاااب بلاسماطه
نكلمم فيك ايهااب
مافيش ردد 💔
غزل بدت تبكي بصوت واطي : ايهاب
في الاوقات هادي ايهاب داير كتم ويسمع ف خوفها عليه مع انه مزعلها دور السيارة ورجع وصل نزل
وغزل قعده فاتحه الخط:ايهاااب تعرف تطلع تتسهوك نقتلك..تبكي
ايهاب فتح الباب بهدؤ وخش يضحك شافلها
غزل قعمزت ع الارض بنهيار وتبكي وبصوت بكي ومش مفهوم:ي كلللب
ايهاب يضحك قرب قامها من الارض يضحك: باهي خلااص اسكتي
غزل مغطيه عيونها بيدها:كلللب والله ماتتحشم باهي
ايهاب: تماديتي انتي الباين
غزل وقف بعصبية:بتجلطني ف عقاب عمري؟!فهمني انت لوح ولا شنو
تحب تشوفني نبكي؟!
ايهاب تغيرت ملامحه: باه ضمي فمك نبصر اهو رجعت من نص الطريق لم سمعتك تبكي
غزل تشوفله:كان تعطيني من برودك 1%…تنرفزت وطلعت من الغرفة
_______
رسل ف السيارة مع سامر
رسل:وين ماشيين؟!
سامر يسوق: قصة العاشق الولهان قعده مانتهتش …وقفت السيارة قدام حوش صغير بس حلو بسييييط
سامر:توا هكي نبدو نحلو ف مشاكلنا بدون مايعرفو العيلة
رسل تحشمت:اسفه بنوجعلك راسك
سامر شد ايدها ابتسم:تعرفي شن لعجبني فيك اكثر وزاد جذبني
انكك مدسيتيش عليا قصتك يعني انك حكيتيلي كل شي ف يوم النظرة الشرعيه ❤
رسل:توقعتك ترفض وقتها متوقعتش نعجبك 😊
سامر: ننزلو؟!
رسل نزلت ونزلوو
وخشو
الجنان كان صغير اخظر وفيه وردة زينه مزال صغير نظيفه وحلوة
وخشوو وكان بسيط الوانه ع الرمادي والابيض كلللله
رسل: حلوو حتى الوانه بجد يجنن
سامر ابتسم: يعني مافي شي حابه تغيريه
رسل:لا بس ف حاجات بنغير اماكنها
سامر :تصرفي من اليوم سكنا هني اني بندوش وطالع….قرب للحمام
رسل:لحححظه
سامر تلفت
رسل قربتله: اني مرتك صح وانت قتلي انك حببني…قاطعها
سامر:كثرث دوه فوتها خشي ف الموضوع بدون مقدمات !!
رسل: خلاص بعد الدوش نحكو…وطلعت للمطبخ هربت
سامر خش لدوش عادي ومدورش
_______
.
.
باسم ف الصالة جنبه مق نسكافيه يشوف ف ملف يقين: لحظظه اني كيف مركزتش (ضرب الطاولة)تي قالو انه عندها فوبيا من الشرطه ورفضو اي شرطي يشوفها بس اني قربتها وهي لعرفتني شرطي اساسا منظرها مش منظر بنت تقتلللل امها (تنهد خدي رشفه من الكوب)اهدددى كل شي ينفهم بس اهدىء
المدير ف وراه قصة..فاتح ورقة التعارف ع المتهمه يقين شاف اسماء خوالها لـ ضربوها طبعا لانهم ضاربينها اعتقلوهم وحقاقو معاهم هدا علاش اسماهم موجوده …خدي الملف وطلع يجري
_______
.
.
مع اجواء المغرب
رناد: اسمعوني شوية طبعاا ز ما هشام طلعكم للمنتزه نفس الشي اني رح نديرلكم مسابقة
لمى:كيف مسابقة
رناد:رسم او حفظ او اي شي تبوه
لمى:باه امتى ؟!
رناد:مش توا رح نتفق مع المسؤول قبل
هشام خش وقف ع الباب وكانت رناد عكياته بظهرها محبش يقاطعهم قعد يتفرج ع صغار
بهاء جي زعلان: ابلتي كتابي ضاع
رناد بساته:دورت عليه
بهاء عيونه دمعو:ضاااع مهناش
رناد:كتاب شنو
بهاء:متع حكايات
رناد:اوكي ندورلك عليه باهي
بهاء:نبي حكاية اني هدا علاش ندور ع الكتاب
رناد: اني
وسام ولمى وبهاء وصغار:اي اي اي
رناد:كان في عيلة صغيرة تتكون من ام واب وزوز بنات وكانت الصغيرة حلوة اسمها غزل والكبيرة(سكتت) تعرفوها ف النهاية شن اسمها المهم كانت (خنقتها العبره 💔) عيلة حلوة وفي يوم منحوس ومش حلو البنت الكبيرة قنعت بوها يطلعهم مشوار (تنهدت 💔) وافق الاب وطلعو المشوار وكان يهبل احلا يوم ف حياتي (هشام انتبه ع الكلمه الاخيرة بس الصغار منتبهوش) وهما مروحين صار حادث قوي ف الطريق ومات الاب والام ف نفس اللحظه (نزلت دمعتها ومسحتها بسرعه) البنوتة الحلوة الصغيرة تكسرت ايدها وشوية جروح بس البنت الكبيرة لبسببها صار الحادث ولبسببها عيلتها طلعو المشوار البنت هادي دفعة الثمن خسرت عيونها بدت عميه بسبب نزيف حااد صارلها ف دماغها المهم مرررر الوقت والبنات خدوهم عمامهم ربوهم وكبرو والبنت الصغيرة تزوجت شخص كويس وطيب والبنت الكبيرة تعالجت وبدت تشوف ولـ عالجها بفظل ربي وراجل اختها هو لـ سافر بها
المسؤول مش وعنده كيكات وسنتوب:تعالو هي
الصغار كلهم مشو وسيبو رناد
رناد غطت وجها بيدها
لمى قعدت:شن اسمها البنت للكبيرة
هشام قربلها:رناد اسمها
رناد تلفتت
لمى:اممم .ومشت تاخد كيكه
هشام:علاش فنصتي فيا نكذب؟!
رناد وقفت وبتطلع من الصالة الالعاب
هشام بصوت مسموع: الشي لصار مش بسبب البنت الكبيرة كنتي تقدري تعلمي الصغار انه لصار قظاء وقدر
رناد تلفتت
هشام قرب قدامها ويشوف لصغار: كنت تقدري تحكيلهم شي ع قد عقلهم يستوعبوه
رناد: اي حسيت انهم مافهمو شي يلا معاد رح نحكي شي اساسا
هشام ضحك بهدؤ:مش هكي احكي بس قصص طفولية
رناد: كنت انسانه عميه ز ماسمعت مش قارية قصص…عن اذنك وقتي تم…وخدت هاتفها طلعت
هشام سرح شوية ولحقها: مس رناد ممكن شوية
رناد كانت بتطلع من الباب الخارجي رجعت:خير
هشام: عيد ميلاد لمى غضوا وخديت ستيكرات وينه بس تبي تركيب ببعض اني رح ناخد جزء ورح نشتغلهم ممكن تاخدي منهم
رناد ابتسمت:اكيد
خشو
هشام مدلها كيسه:هادم
رناد:اممم تمام
هشام ضحك بهدؤ: ف شي تاني بس مشعارف هل بتقدري تساعديني بيه او لا
رناد:شنو !!
هشام: نبو نعرفو لمى شن خاطرها يعني هدية تفرحها
رناد:ساهل هي تحبك وديما تحكي عليك تقدر تسألها
هشام: لا مستحيل ممكن تتحشم مني بحكم اني شاب ممكن تحكيلك انتي لانكم بنات فبعض
رناد:اي عادي بس تاخرت هلبااا اني الدنيا ظلمتت عليا رح نتاخر مفروض قتلي قبل
هشام تعصب: بدون سبل تقدري تروحي لانه الباين انه هماتك هلباا وخليهم الاستيكرات ماتمسي شي تفضلي روحي
رناد تعصبت وطلعت خشت لغرفة لالعاب:لمى تعالي
لمى جت تجري:نعم مس
رناد كبست: لمى اني خاطري نكتب بس مافي حد يبي يكتب معاي
لمى:تزعليش باه اني نكتب معاك
رناد سحبتها لطاولة مدتلها ورق ملون وخدت رناد روقه عشان تقلدها لمى
رناد:اممم تعالي نكتبو اي شي نتمنوه مثلا اي شي خاطرك فيه
لمى تكتب
رناد اضيقت فداخلها(لو اني ف مكان لمى شن لـ رح نتمناه يتحقق؟!) كتبت ف ورقتها (نكون سعيده ولو ليوم!!)
لمى:كملتت
رناد مضايقه من هشام: اممم امشي اعطها لـ الاستاذ هشام
لمى طلعت شافت هشام ف الممر يتكلم مع المسؤول مشتله:خودها هادي ليك
هشام خداها وهي مسكره هربت لمى وفتح الورقه (فيلو و شكلاطة و دبدوب)
رناد قربتله:رح ناخد الاستيكرات توا
هشام ابتسم
رناد خدت الكيسه وكلعت وكانت خايفه من عمامها لانه الوقت تاخرر طلعت
_________
.
ايهاب دخل كياس من المطعم وخش لصالة: تعالي تعشي
غزل ناضت حطت الريموت وخشت لغرفة النوم وصكرت الباب بلمفتاح
ايهاب سمع طقت المفتاح تعفلق تنهد فتح الهاتف بعتلها فويس ( ياعمري افهميني بس منبيش نفصل تمام اطلعي وتعشي معاي وبعدين نحكو ف قصة الخدمه)
غزل بعتتله فويس تقلد ف صوته(منبيش نفصل،اي افصللل اني صكرت الباب عشان تفصل اصلا)
ايهاب بعتلها فويس( باه اطلعي غزززل متسديليش نفسي اطلعي، عفكرة بالك مفكرة لو صكرتي الباب بينتهي الموضوع انوض نحشي فيه رجلي اخر كلاام توا تطلعي)
نفتح الباب وطلعت اتكت جنب الباب:شن تبي
ايهاب متعصب: زودي تعشي..وناض خدي جاكيته لبسة
غزل قعمزت:بروحي مانبيش نتعشى ايهاب
ايهاب خدي المفاتيح ومتعصب طلع بس جت قدامه
غزل:استنى عرفاتك بتطلع عشان متبيش تعيط عليا
ايهاب حدف المفتاح ع الارض بقوة: مدااام عااارفه علااااش تفصلللي فيهممم
غزل: انت سالتني شن منقص عليا؟! اسمعني اني مش ناقصني شي باهي نبي نشتغل لاني نبي نطلع من الاربعة حيوط
باه خلاص مانبيش نشتغل باهي
ايهاب ابتسم لف ايده ع ضهرها:صار تبي تطلعي النواح والعياط والنكد لانك تبي تطلعي؟!
غزل ضحكت: هادم كلهم درتهم اني 😅💔
ايهاب باسها ع خدها: شديقاتي تبي تطلع صار
غزل:اممم
ايهاب:تعالي نتعشو ونطلعو
قعمزو تعشو
تررررن ترررن
ايهاب:ايواه من معاي؟!
نورية تبكي :فادي ياايهاب فادي
ايهاب وقف وساكت
نورية:فاق يبيك قتله خلها اصبح قال توا
ايهاب: جاي جاي…وصكر الخط
ايهاب لمس خد غزل: غضوا نطلعك ياعمري توا قالولي فادي فاق يبيني تمام
غزل:اي اكيد بسسس غضوا اطلعني راه
ايهاب يتكلم بسرعه خدي المفاتيح والهاتف:من عيوني…وطلع
يتبع ……
لقراءة الجزء التالي : الجزء الرابع عشر من رواية خط احمر
لقراءة الجزء السابق : الجزء الثاني عشر من رواية خط احمر
للإطلاع علي فهرس اجزاء الرواية : جميع اجزاء رواية خط احمر للكاتبة ميشو محمد
جميع الحقوق محفوظة للكاتبة ميشو محمد .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء الخامس من رواية حوش جدي
الجزء الخامس من رواية حوش جدي
مايو 4, 2022
صورة جميلة لغلاف الجزء التاسع من رواية رجل يحببنه الكثير للكاتبة لوزة ليبية
الجزء التاسع من رواية رجل يحببنه الكثير للكاتبة لوزة ليبية
مارس 29, 2022
صورة جميلة لغلاف الجزء الثالث من رواية لعبة بديلة
الجزء الثالث من رواية لعبة بديلة
مايو 14, 2022
صورة رائعة لغلاف الجزء السابع عشر من رواية احببتك كقهوتي
الجزء السابع عشر من رواية احببتك كقهوتي
يونيو 15, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرام
زر الذهاب إلى الأعلى
زر الذهاب إلى الأعلى