10/11
القائمة
روايات
بحث عن
الرئيسية/الجزء
الجزء
الجزء العاشر من رواية خط احمر
الجزء العاشر من رواية خط احمر
صورة مهند أدهم مهند أدهممايو 24, 20220553 6 دقائق
وفي الجزء العاشر من رواية خط احمر للكاتبة الموهوبة ميشو محمد يا تري من رأيك ماذا سيحدث من جديد المواقف مع ابطالنا وهل ستكون الأحداث مشوقة ام لا ؟ كل هذا وأكثر سوف نعرفه سوياً في السطور التالية بإذن الله .
الجزء العاشر من رواية خط احمر
ايهاب: متجيش صحيتي اعتبريني خديته تصبحو ع خير..وطلع
نوريه: نسخه من بوه نسسخه…وقعمزت
ايهاب وصلاته الكلمه وقف
نوريه: بوك واقف قدامي ملامحه
فادي: حاشاه من بوي
ايهاب وتكنه نزلت عليه صاعقه زاد تنفسه
فادي طلع بيسايره نصدم فيه واقف 😟
ايهاب قربله:شن لتحكو فيه ؟! ترجملي !!
فادي تنهد:لسمعته اني فادي احمد ال،،،،، وانت ايهاب احمد ال،،،،،
ايهاب:انت قتلي لقبك ال…قاطعه
فادي:مقدرتش نقولك
نوريه طلعت
ايهاب:واني لكل مره نبي نشوف بطاقتك انت تتهرب انت خوي ؟! لـ معاي من اولى تانوي واني منعرفش ؟!
فادي:نفهمك
ايهاب بصوت عاللللي:منبيش…وطلع
فادي يلحق فيه:متسوقش باهي هدي ماتسوقش انت متعصبب…وفاتت السيارة
ايهاب يسوق لعند نزل لحوش امه للساعه عشرة ونص راقده:يااااااااام
نسيم نخلعت:شن في خيرك
عائشة راقده قعمزت من الخلعه: نشالله خير ياساتر
ايهاب قعمز قدامها:عندي اخ؟! فادي يام فادي خوي
عائشة شهقت ايدها ع صدرها: انت شن تقول فادي فادي هو نفسه
الباب مفتوح خش فادي طول :ايهااب
ايهاب وقف:انت كيف تخش هكي اطللللع
فادي متعصب: هادي اختي وامك امي انت متقدرش تنكر
ايهاب تلفت شاف امه بصوت مبحوح : اطلللللع
فادي دف ايهاب: النار لفيك نفسها ركبتني لم شفتك ف التانوية ونفسها لم ينادولك ويضربو فيك ونفسها لركبتني لم دافعت عليا ف التانوية ونفسها لركبتني لم لزك المدير عشاني اني لكنت نعرف (بصوت عالي) فرق كبير بين ناري ونارك اني لنشوف ف خوي الاصغر مني بعامين واختي بعاد عليا ومش جنبي انت من دقايق عرفت بس شوف شن صارلك، واني لنعرف من ايام التانوية شن صاير فيا اختي وخوي يكبرو قدامي وبنفس الاسم…قاطعاته
عائشة لداخت
ايهاب طبطب ع خدها:ياام
نسيم جابت اميه وترجف ومصدمه ووقفت وهي متجاهله امها وتشوف ف فادي
فادي قربلها
نسيم وخررت: رد بالك تفكر انت ولد بوي احمد تمام وخوي تمام بس متخشش حياتي عيش بعيد علينا
فادي قرب لـ عائشة:ممكن سكرها؟!
ايهاب دفه: متلمسهاش وخررر
فادي بيتكلم
ايهاب بااعلى صوته:وخخخخخررر
فادي وقف ووخرر: شي دراه بوي علاش تحاسبني اني
نسيم منهاره ع الكنبه مصدمه وتكنها ماتشوقش ف امها طايحه
ايهاب قام امه قعمزها وشربها اميه:يام
عائشة فتحت عيونها تنهد وبدت تبكي عطول وتدعي ع احمد راجلها
ايهاب قعمز وشاد راسه بين ايديه
فادي:سامحيني عمتي عائشة ع خلعتك بس اطرريت لاني انشغلت ع ايهاب…وطلع 💔
ايهاب نااض روح لحوشه وهو ف حاله 💔 بدون مايحس قربع باب الحوش وقعمز ف الممر
غزل طلعت قربتله :خيرك
ايهاب شافلها لحظات ونزل عيونه
غزل: خيرك احكيلي
ايهاب ضحك:لا شي طلع عندي اخ بس
غزل تشوفله بستغراب
ايهاب: ف يوم وليله يطلع عندك اخ اقرب الناس ليك (شافلها)واكبر منك بعامين فادي طلع خوي صاحبي طلع خوي
غزل معرفتش تتصرف: ايهاب اهدى نوض من ع الارض خش داخل
ايهاب ساكت
غزل بصوت واطي:نوض من الارض تعالى معاي….قاطعها
ايهاب بصوت 💔:خليني فحالي
غزل قعمزت قدامه قبلاته:تنحل نحلوها وبعدين خوك مليشي ذنب هو مش مذنب متلوماش بلعكس…قاطعها
ايهاب بنضره تخوف:خليلي مشاكلي وحلي مشاكلك ماحد طلب منك تدخلي
غزل متعوده ع عصبيته:بندخل انت…قاطعها
ايهاب وقف وخاش لصالة:مناقص غير بنت هاربة تجي تعلمني…وصكر الباب
غزل نزلت علها الكلمه ز السم 💔💔
ايهاب لم صكر الباب حس بروحه شن قال زاد 💔 قعمز ع الكنبه
غزل خشت المطبخ تبكي: هاربة صح وين الغلط لقاله صح هربت لاني منبيش نتزوج شيباني بس ميتغيرش اسمها اني هاربه
ايهاب حسها تتكلم ف المطبخ طلع للمطبخ
غزل وقفه ع المغسلة تبكي: هاربة وفي عيون الناس عايبه وف عيون عمامي عاهرة وف عيون جدي خيبه…شد مرفقها ولفها ليه
ايهاب شافلها: منهار بلغلط قلتها متحطيش شي مش كويس ف راسك صدقيني طول التسعه شهور مقربتك ولا ضايقتك نحاول نكون شخص كويس اقل شي ف عيونك انتي بس عكس مايشوفوني الناس
غزل تبكي:اني هربت خفت من الشيباني
ايهاب مدلها كاس اميه:اشربي واسكتي
غزل: انت كويس؟!
ايهاب شرب اميه: مش عارف
غزل:صعب نعرف بس خوك مليشي ذنب
ايهاب:متفهم انه مليشي ذنب لكن يعرف ياغزل من ايام التانوي يعرف بااني خوه اني نقرا سنه اولى وهو يقرا سنه تالته وبدينا صحاب وكذب عليا عطاني لقبه كدب دخلته حوشي كل شي نحكيله فيه
غزل:بس انت شوف من جميع النواحي هو وقف معاك لم سجنك بوك ع قصة الفلوس وهو اشتغل وجمع الفلوس وطلعك انت هكي قتلي
ايهاب ساكت
غزل:عرفتها صاعبه وحاره بس انت واعي ومتفهم متاحسبش خوك ع شي مليشي ذنب بيه خوك كان يقدر يضربك بحكم اصغر منه يديرك مضحكه ف التانوية كان يقدر ينتقم منك وهو اكبر منك لكن هو سندك واختار انه يوقف معاك كاصديق
ايهاب يشوفلها: ونفس الشي انتي كنتي تقدري تنكدي عليا لكن وقفتي معاي واني غالط فيك وتنصحي فيا ❤
غزل حط ايدها ع كثف ايهاب: صدقني مش رح تلقى سند ف حياتك ز خوك الكبير
ايهاب ولـ اول مره يجبدها ويحضنها ❤
#تسريع_الاحداث
بعد مرور شهرين
رسل بلبودري وطول خطوبتها تتكلم مع سامر ع الهاتف برسميه وهو نفس الشي يعني حب مش عميق
رسل تمروح ع روحها
نور اختها: بتفهميني انك نسيتي اسكندر
رسل: تصدقيني لو قتلك نسيته وبنزيد ننساه ماعندي علاش ندكر شخص رخيص زيه نور انتي ماتعرفي شي فاااسكتي
نور ناضت
..
سامر في خدمته طبعا عسكري خاص،خاص يعني مش عسكري عادي
ترررن ترررن
سامر بصوت رجولي: اهاا
….: السلام عليكم
سامر شاف الرقم مجهول: وعليكم السلام مني؟!
….. ضحك: تقدر تقول حبيبي خطيبتك او تقدر تقول خطيبتك حبيبتي !!
سامر: ايوواه صار هكي وخيرك مخديتهاش ياعيل
اسكندر: عيل؟!
انت لنضحك عليك واضح من العيل فينا
سامر ضحك: حبيبي لو رخيت بها وهي بلبودري اليوم نكون عيل وقتها ز مارخيت بها انت مثلا
اسكندر: يعيني ع الحب حكتو عليا
سامر: تقدر تقول حكينا ع عيل مثلا او حاجه ز هكي
اسكندر: اني عيل لو نخليك تاخدها باهي
سامر: واني نحب الشي الصعب الحصول عليه 🔥 موفق يادكتور اسكندر
اسكندر: عبدالواتق ولا شني؟!
سامر: منحبش نكثر دوه ع الهاتف اني نحب نفعل بس🔥… وصكر عليه
اسكندر يسب: 🔞🔞
سامر طلع لخدمته
صاحبه: عرسك غضوا وجاي تخدم مبردك النم
سامر بهزوه: باهي عرسي غضوا شن تبي ندير ف الحوش نحني؟!
..
رناد ف ميتم مع صاحبة الجمعيه
ولاد وبنات يلعبو قدامهم
رناد تمشط ف شعر بنت قدامها: نظفرهولك او نخليه مفتوح
لمى:نعرفش ديريه حلوو
هشام خش من باب الميتم والصغار كلهم وقفو لعب ويشوفوله لعند خش
رناد شاف لصغار:علاش كلكم تشوفوله ?!
ولد صغير: تعرفيشي
رناد ضحكت: لا منعرفاش من يكون ?!
الولد: حشام هدا مره خدانا رحله
رناد: تحبوه ?!
لمى تلفتت: انتي احلا لكن اني نحبك انتي 🥺
وسام: لكن حتى حشام حلوو
لمى ضحكت: هشاام اسمه مش حشام😂
وسام: عنده سيارة حلوة
رناد: باه كويس وسام لم بتكبر شن تبي تكون ?!
وسام: دكتوور
لمى: واني دكتورة
ولد تاني: اني سواق طيارة
رناد ضحكت: طيار اوكى
وتجمعو الصغار وكل واحد يحكي ف حاجه
هشام طلع: سلام
الصغار كلهم بصوت عالي: وعليكم السلاام
هشام: كبرتو انتم وصاحبك هشام ولـ هو اني بياخدكم اليوم معاه للملاهي طبعاا خديت اذن من المسؤول متعكم ووافق بعدددد جهد(ضحك) لكن المسؤول يبي يمشي معانا
الصغار ضحكو 🤤
المسؤول كان راجل ف نص مش كبير هلباا عمره ف الخمسينات وهك
هشام: لكن مش ليوم، بنمشو غضوا تمام
الصغار فرحو
هشام قرب ع المسؤول يسال ويستفسر
لمى: انت شن تشتغلي ?!
رناد: اني ?!
وسام: اي انتي
رناد: شن رايكم انتم
..
غزل ماغمضتلها عين شافت الساعه 12:30ص
غزل: من امبارح مارجع وهاتف ماعنديش يارربي… خشت تشوف من شباك الصالة لعند سمعت الباب نفتح وتقربع بقوه
غزل طلعت من الصالة ونصدمت: لاياربي يارب
ايهاب ف ايده شيشة مرش سكران طينه: ياحلوة انتي شن ب بنقولك توا ت ت تررا قوللي
غزل بقرف: شن تخرف؟!
ايهاب ضحك: تبيني نق نقولك صباح الخير ومساء الخير ولا كل عام وانتي بخير
غزل قربت لتلاجه وهو لحقها طلعت كيسة حوت: نزل راسك شم الريحه عشان تصحصح
ايهاب ضرب الشيشه ع الارض: غزززل
غزل خافت: ايهاب اهدى نديرلك قهوة؟!
ايهاب قرص خدها: علاش عندك غمازات افهمي معاش تبتسميلي ياشديقاتي ❤
غزل ضحكت بهزوه: كان تصحصح وتسمع روحك
ايهاب قارص خدها بدي يتلامس في خدها: كل مانشوفك تعرفي شن نقول
غزل: شن تقول
ايهاب ضحك: الحلوة والوحش
غزل جهزت قهوة وعطياته بظهرها لعند حسات بمرشه ع رقبتها وهو جنب ودنها والمرشه ع رقبتها
غزل بخوف: ايهاب تجرحني
ايهاب ضغط المرشه ع رقبتها: احلفي انك ماترخي بيا احلفي
غزل بخوف ترجف: باهي باهي خلاص
ايهاب جنب ودنها عيط قريب طرشها: احللللفي… وضغط
غزل عيطت وبدت تحس بدم ينزل ع رقبتها شدت ايده تبكي: ايهاب لاا انت سكران
ايهاب حدف المرشه ع الارض ومشي لصالة بدون مايشوفها ولا شي ولا عبرها 💔وتكنه مدار شي
غزل لحقاته تطمن تشوف شن بيدير لانه سكران خافت يدير شي لقاته متكي بيرقد نزلت عينها ع تيشرتها كان دم تجاهلت ىدم لينزف وقعمزت تشوفله كيف راقده ومهموم 💔
لاول مره تلمس لحيته
غزل: مهموم لدرجه انه يشرب ف سموم عشان ينسى 💔
غزل بعدت قعمزت نزلت راسها وهي دم وعطول خداها النوم
..
رسل بلبودري مع صاحباتها رشا وسارة
سارة: كلميه وارجعي داومي للمستشفى
رسل: سارة فرحانه بروحي هنينه
رشا: صكري الموضوع
بعد العصر
دارو شوط دربوكه
..
بعد العصر
ايهاب فاق راسه صداااع قام راسه ويشوف غزل تيشرتها دم ورقبتها مجروه مدبوحه نقولو
ايهاب ناض جرالها يطبطب ع خدها: غزل غززل
غزل راقده : هاا
ايهاب يطبطب: غززل افتحي عيونك.. لمس الدم الشاف ع رقبتها
غزل ناضت قعمزت: اااه رقبتي
ايهاب بستغراب وراسه بينفجر: خيرك
غزل ناضت: شي نجرحت(ماتبيش تلومه)
يتبع ……..
لقراءة الجزء التالي : الجزء الحادي عشر من رواية خط احمر
لقراءة الجزء السابق : الجزء التاسع من رواية خط احمر
للإطلاع علي فهرس اجزاء الرواية : جميع اجزاء رواية خط احمر للكاتبة ميشو محمد
جميع الحقوق محفوظة للكاتبة ميشو محمد .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة غلاف الجزء الثالث من رواية أمنية الزين للكاتبة هاجر حسين
الجزء الثالث من رواية أمنية الزين للكاتبة هاجر حسين
مارس 27, 2022
صورة جميلة لغلاف الجزء السابع عشر من رواية حتي الممات
الجزء السابع عشر من رواية حتي الممات
مايو 23, 2022
صورة رائعة لغلاف الجزء العاشر من رواية نبضات قلب
الجزء العاشر من رواية نبضات قلب
يونيو 26, 2022
صورة جميلة لغلاف الجزء الثامن من رواية إمرأة بلا هوية
الجزء الثامن من رواية إمرأة بلا هوية
يوليو 7, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
القائمة
روايات
بحث عن
الرئيسية/الجزء
الجزء
الجزء الحادي عشر من رواية خط احمر
الجزء الحادي عشر من رواية خط احمر
صورة مهند أدهم مهند أدهممايو 24, 20220560 6 دقائق
وفي الجزء الحادي عشر من رواية خط احمر يا تري هل سيكون هناك مفاجآة من العيار الثقيل ستحدث مع أبطالنا ام لا ؟ كل هذا وأكثر سوف نعرفه سوياً في السطور التالية بإذن الله مع الكاتبة ميشو محمد .
الجزء الحادي عشر من رواية خط احمر
ايهاب يطبطب: غززل افتحي عيونك.. لمس الدم الشاف ع رقبتها
غزل ناضت قعمزت: اااه رقبتي
ايهاب بستغراب وراسه بينفجر: خيرك
غزل ناضت: شي نجرحت(ماتبيش تلومه)
ايهاب قعد مقعمز يستوعب وبعدين ناض واذكر انه سكرر 💔
خش اللمطبخ شاف المرش ع الارض قام ايديه شاف دم غزل: اني؟!
غزل طلعت من الحمام (اكرمكم الله) غاسله رقبتها قربلها شدها
ايهاب ملصقها ع الاحيط وواقف قدامها: انتي الوحيده اغلا انسانه من بعد امي فا متكدبيش غزل وقولي اني السبب !!!!
غزل تشوفله: اسمعني باهي
ايهاب بعد بعصبيه بعياط واندفاع: كنت بندبحك وساكتيلي من شن طينتك انتي؟!
غزل قربت: اسمعني انت سكران يعني بدون وعي… قاطعها
ايهاب: كيف تماديت؟! درت شي؟! كيف قربت ع رقبتك؟! احكيلي
غزل: اني مرتك ايهاب.. قاطعها
ايهاب تنهد: كلمة ماعمرها طلعت من فمي اسف لو جرحتك بحركاتي او جرحتك بشي قلته (بصوت عالي وبعصبيه) تيي لسمعته يخليني نرتاح من عمرييي بنهبل
غزل تنهدت: هددي شن لسمعته
ايهاب تنهد خش المطبخ
غزل خشت الغرفة النوم عقمت الجرح ودارت ضماد وطلعت للمطبخ
ايهاب يدير ف قهوة
غزل: نديرلك شي تاكل؟!
ايهاب: لسمعته انه خوي ليه يومين مش باين
غزل: كيف؟!
ايهاب: جتني امه للمعرض وحكتلي مصدقتهاش لعند بدت تبكي وتحلف وتدعيله هني صدقتها
غزل: وين بيكون؟!
ايهاب: مش عارف الاماكن لنعرفهم شفتهم استراحتنا شفتها مهناش
غزل: نشالله خير
تررن ترررن
ايهاب شاف هاتفه: ايواه من معاي
رناد: اني رناد كيف الحال
ايهاب: بخير .. ومده لغزل
غزل: الوو
رناد: هلا خيره صوتكم هكي التنين ؟!
غزل:شي كيف نايضين
رناد فهمت غلط 😂: باي مالا مبردني.. وصكرت الخط
ايهاب يصب ف قهوته: تبي قهوة؟!
غزل بنبره جديه: ايهاب متنساش نفسك انك سكرت بعدت ع ربي اني نصدددمت فيك انت مؤمن تصلي ولا؟! وتصيم ولا؟! انت قريب من ربي شخص ميحبش النفاق ولا الكدب انت علاش تبعد فهني !!
ايهاب تعصب: صكري الموضوع
غزل بنبره حاده: انت سكررت بسبب انسان ل ههو بوك ظلمك ليه ربي ويحاسبه علاش بسببه تبعد ع ربي
ايهاب بعيطه: خلاااااااااااااص 💔
غزل قامت صبعها بتنبيه: اسمعني سو كنت نعنيلك او مانعنيلك لو تشرب من جديد مش رح تشوف وجهي من جديد
ايهاب شافلها شد مرفقها وجبدها لباب الحوش: تي طلعو كلهم من حياتي اطلعي اهو الباب يطلع حمار اطلعي
غزل رمشت عيونها: لدرجه هادي مسترخص فيا ؟!!
ايهاب تنهد 💔
غزل تجمعو الدموع ف عيونها: بنطلع صدقني لكن مش توا ونفسيتك مدمره انت تبي تسكر؟! باهي اسكر لكن تعالا معاي نوريك.. شدت مرفقة ايهاب نفض ايدها ولحقها
غزل اشرات ع الحمام: ترا خش دوش ورح نوريك طريقه تتخلاص من الانهزاز لفي نفسيتك وكيف تسترخص ف نفسك هيا خش دوش
ايهاب خش غرفة النوم خدي ملابس وخش دوش
دقايق طلع
غزل واقفه ف الممر عيونها حمر كيف لزها وسترخص بيها مسحت عيونها: توضى
ايهاب توضى وطلع
غزل خشت توضت وطلعت لبست مصليتها
ايهاب حب وابتسملها: بتصلي معاي؟!
غزل منزله عيونها وصوتها فاضحها: هياا ابدا صلي
ايهاب تلفتت وكبر وبدي ف الصلاة وتلاوة القرآن
غزل نعجبت بتلاوته لتشفي الجروح (صدقوني صوت تلاوت القرآن من شخص تحبيه تشفي تعقم اطهرر فما بالك صوت الرسول ❤ هدا صوت انسان عادي ويشفي فما بالك صوت الرسول صلى الله عليه وسلم ❤)
غزل تبكي ودموعها ينزلو ع السجاده
ايهاب يدكر ف روحه كيف سكرر صوته تغير ف التلاوه 💔
وصلو صلو صلو صلو لعند سلام تسليمه اخيره
وتلفتت وشاف مصليتها لعليها مطوط دموع شافلها كيف تمسح ف عيونها
ايهاب من دموعها ف الصلاة هني عرف انه متزوج بنت كنز 👑❤
ايهاب قربلها حط ايديه ع كثافها: دعيتيلي؟!
غزل وهي تمسح ف دموعها زادت بكت اكثر: اي
ايهاب حضنها بقوووووته كلها عظامها وتكنه يبي ينسجمو ف عظامه ❤
غزل حضناته وتكبي ع رقبته
ايهاب ابتسم وهو حاسس بدموعها ع رقبته قامها من ع الارض وهي ف نفس الوضح حضناته
غزل ضحكت ف وسط دموعها:نزلني
ايهاب نزلها وبعدها: هلباا عليا ضهري تكسر واني مطبسلك وحضنك يادريتي
غزل ضحكت ومسحت عيونها:اوعدني وعد بتريس معاش تسكر…وقامت صبعها لصغير
ايهاب ابتسم :شن عرفك انه لو نوعد مانخلفش؟!
غزل ابتسمت:عيب ياعشيري عايشه معاك 12 شهر وغضوا عيد زواجنا
ايهاب شافله بنظرة عشق:ديما هكي انتي قصدي مع الناس كلها هكي ولا معاي بس
غزل:علاش خيرني؟!
ايهاب نزل ايدها متع الوعد وشدها باسها:تكوني حلالي؟!
غزل اختفت ابتسامتها سؤال مش ف مكانه ولا وقته سحبت ايدها بهدؤ: اسفه بس ز ماانت تحس اعرف انه حتى اني نحس وعندي مشاعر
ايهاب: لاني لزيتك اسف انتي لتعرفيني وتفهمي ف عياطي كان كيف منصيطر ع شي
غزل: لا عرفاتك متعصب باهي هديتي لخديتهالك وينها فتحاتها شفتها لا صح
ايهاب:نسيتها صدقيني اساسا معندي ماندير بها الهدية عند شي يغنيني ع حياتي
غزل حولت المصليه..وطلعت 🤐
ايهاب استوعب انها رفضاته 💔
غزل خشت المطبخ ترجف وفي داخلها:توا هو مش عارف شن يقول
ايهاب طلع للمممر:تبي شي من برا ؟!
غزل:لا سلامتك
ايهاب طلع
..
تاني يوم
عروستنا ف الكوافير ❤
اسكندر اتصل اكثر من مرة باسامر لكن ميردش عليه 🔥
اسكندر:اكيد ركباته نار غير يبالغ مش عارف كيف رسل تسيب دكتور فلوس وتتزوجلي شقفت عسكري خاص معاشه ميسداش بروحه
سامر شاف مكالمات اسكندر قام حاجبه بعتله (اتصل واتصل واتصل لين لين تكبر ياعيل وادير ف راسك بنات الناس مش لعبه واعرف رسل البنت لهنتها وكسرتها اني لبنعوضها وانك تقولي تبها وتحبه والله ياحبيبي ماتهز فيا شعره اساسا نحب الشي الصعب والشي الساهل خليته ليك ياعيييل )
اسكندر قراها اتصل بيه
سامر: اهااا
اسكندر ضحك: قتلي بتعوضها؟! بشنو بتعوضها تي انت عسكري ياطيب معاشك يالله يكفيك بروحك
سامر: معاشي يكفي عائلة حامده ربي لكن الله غالب ماعندي مانقول فيك ياجعان انت 🔥
اسكندر: الكلام ساهل لم تبدا رسل تقارن نفسها بغيرها اتصل بيا وقتها بالك نسلفك
سامر: اهاا انت بتسلفني فلوس تمام تعالا تو اني نسلفك رجوله باهي ياعييل بالك تبدا شخصيه حتى شوية وتحصل وحده مطرشقه زيك
اسكندر: باهي تفرج ع حفلتك شن بيصير فها
سامر بجديه: اسمع فرخ الفروخ انت بما انك وصلت ف حسابي ف البنك اكيد وصلاتك طرطشت كلام عليا اني لو يصير شي او نشك بشي بس نفرمك واني قدها الكلامي جرب جرررب بس وكانك خايف ابعت حد يدير حركه بسيطه ف الحفله كان مانبعتهولك مطرز معاد نتسمى سامر
اسكندر حس بشي: غير هدي
سامر:انت جررب ز ماقتلك ره التنبه هدا ع الحفلة بس ورسل خلها ع جنب 🔥
اسكندر:الكلام ساهل
سامر:والفعل اسهل…انت شكلك خديت وجه هلباا سلام..وصكرعليه 🔥
وجي الليل
عروستنا لبسة فيلو فخم كبير منفوخ مع مكياج ملكي وتاج ملكي 🔥👑
طلعه 🔥
وكذالك سامر لـ لابس بدلة سوداء كلها سوداء حتى السورية سوداء 🔥🖤
طبعا وصلها الغزال باسم ودخلها هو لـ كان لابس زبون ازرق كحلي كامل بكبوسه وبكل شي 🔥
دقايق ع رقيص واغاني وتعشو
رسل ترجف 😂:خايفههههه
اكرام اخت سامر الاكبر من رسل بسنه عمرها 21:علاش الطفف
فجآة الاضاءة نطفت
وخش سامر 🔥🖤
رسل نزلت عيونها ماتبيش تشوفه يقرررب وف لحظه خطر ع بالها (اسكندر) في داخلها: خاين مش رح نغفرله مش رح نسامحه بننساه بننساه…لعند شافت ايد سامر لمست ايدها 💗 قامت عيونها وابتسمتله
سامر ركب للمنصة لعروسه ابتسم
رسل وقفت عشان يصورو
سامر شد ايدها بتمللك لدرجة انه رسل حست بشعوره ❤
وصورو وطلعو
في السيارة ساكتين
سامر يسوق: انتي عارفه انه حني مش ز اي عرسان صح
رسل ساكته
سامر: واني من مهنتي ومن تجاربي نعرف المخلوق من وجها ونزبط النوايا
رسل:سامر…قاطعها
سامر يسوق: اني مايمشيش معاي نتزوج وحده واحد حاط علها العين قبلي
رسل تنهد وتجمعو دموعها: هدا واحد غدار اني مدسيت عليك شي وحكيتلك كل شي وفضفضتلك وقتلك تاخد قرارك ف النظرة الشرعيه وقتها انت وافقة وقتلي انه كيف محرقني رح تحرقه
سامر يسوق:صح قلت بس معرفتش كيف بنحرقه من الاخير اني بااختصار بنقولك (شد ايدها)اني نعجبة بيك وخطبتك معاش نبي نحرق حد نبي نعيش معاك ونعتبرو انه العيل اسكندر وتكنه صار حادث وصاحب الحادث مات
رسل وهو شاد ايدها شدت ف ايده بموافقه ❤
سامر كان شاب صح شخصيته نااااار وهيبه وطبعاا عسكري يعني تخيلتو كيف وسامته وشخصيته ومش اي عسكري خااص يعني متدرب بحرافيه وبإتقان جسمه رياضي 🔥اسمر شعره ع بني الهادي عيونه ملونات 🤤🔥
..
وصلو لحوش سامر
حوش شبه عادي صح ع تلاته ادوار بس عادي وخيمه كبيرة ف الجنان بسيط الحوش هلبااا ❤
سامر فتح السيارة وفتحلها بابها وخوته يشوفوله فتحلها ومد ايده نزلها وعدللها الفيلو
سامر ابتسملها ودخلها:قمرر يابنت ❤
رسل ضحكت ضحكه خفيفه 💗
وبدو زغاريط
سامر وقف بيطلع بس شدوه خالاته يسلمو عليه كملو وطلع
رسل قعمزت ويسلمو علها واغاني وكذا
لعند ماجي موعد دخولها
طلعو خوات سامر بينادوله بس مافيش لا سامر لا خوته مافي حددد غير الناس البرانيه
خشت خته اكرام:يما مافيش برا لا سامر لا خوتي ره
رسل بدون مبالاة وقفت وكل تفكيرها وشكوكها ف اسكندر لانه تاخرو هلباااا ع الدخول حتى الناس روحت والخيمه فضت
اكرام تتصل بـ سامر بس مايردش
رسل شاف هاتفها شافته والع وف اتصال:سامر
سامر حس بلخوف ف صوتها:رسل اسمعيني انتي واعيه ورح تفهمي عليا 👌
تقولي لـ اكرام تركبك لـ حوشنا قوليلهم انه اني صحابي خدوني بلغصب وبنسحرو شوية…قاطعاته
رسل بصوت واطي:باهي انت كويس مافي شي؟!
سامر ابتسم لخوفها الواضح:مافي شي ساعه واحد ونص نكون عندك
رسل: مع ان مش مطمنه بس تمام
سامر:ماشي…وصكر الخط
اكرام:شن في؟!
رسل:ماشي قال خطفوه صحابه بسهر معاهم شوية…وضحكت عشان يصدقو
ام سامر: من صحابه وقت سهر هو توا الناس تقول خيره مادخلها
رسل تنهدت
يتبع………
لقراءة الجزء التالي : الجزء الثاني عشر من رواية خط احمر
لقراءة الجزء السابق : الجزء العاشر من رواية خط احمر
للإطلاع علي فهرس اجزاء الرواية : جميع اجزاء رواية خط احمر للكاتبة ميشو محمد
جميع الحقوق محفوظة للكاتبة ميشو محمد .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء السابع عشر من رواية همس العيون للكاتبة لوزة ليبية
الجزء السابع عشر من رواية همس العيون للكاتبة لوزة ليبية
أبريل 2, 2022
صورة جميلة لغلاف الجزء الثالث من رواية معذبتي
الجزء الثالث من رواية معذبتي
يونيو 11, 2022
صورة جميلة لغلاف الجزء العشرون من رواية بقايا امرأة
الجزء العشرون والأخير من رواية بقايا امرأة
أبريل 7, 2022
صورة جميلة لغلاف الجزء الحادي عشر من رواية المنبوذة
الجزء الحادي عشر من رواية المنبوذة
يونيو 9, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرام
زر الذهاب إلى الأعلى
X
واتساب
تيلقرام
زر الذهاب إلى الأعلى