8/9
القائمة
روايات
بحث عن
الرئيسية/الجزء
الجزء
الجزء الثامن من رواية خط احمر
الجزء الثامن من رواية خط احمر
صورة مهند أدهم مهند أدهممايو 24, 20220508 6 دقائق
وفي الجزء الثامن يا تري من رأيك هل سنري مواقف مشوقة تشعل الأحداث أكثر وأكثر ام ستسير الأمور بشكل طبيعي ؟ كل هذا وأكثر سوف نعرفه سوياً في السطور التالية بإذن الله من رواية خط احمر .
الجزء الثامن من رواية خط احمر
مسلم ع منصه: تمام اول شي نبو اصغر طفل هني هي وين اصغر طفل او طفله
رسل ف حضنها اسلام ويتفرجو وساكتين
مسلم قعد يشوف: هيااا وين الصغيرون فيكم
رسل وقفت: هيا نروحو راسي واسلام بيرقد
ادم وقف: هي
لم وقفو مسلم شاف اسلام ف حضن رسل اشر ع رسل: غادي ممكن هو اصغر طفل
ادم شافله
مسلم يشوف ف البطاقه: الطفل هادا عشان صغيرون ياخد دبدوب.. خدي الدبوب ونزل من المنصه قربلها
مسلم مد الدبوب لـ رسل: تفضلي وخيتي
رسل خداته ابتسمت: شكراا
مسلم قرص خد اسلام بلطف: ربي يحفظه شن اسمه وكم عمره …
رسل:اسلام عمره سنه ونص
مسلم ركب للمنصه:مسلم اصغر طفل موجود عمره سنه ونص هديناه دبدوب
رسل تشوف لدبوب:اسلام عنده دبابيب مش محتاج رح نرجعه يكون فرصة لعيل تاني يفرح بيه
ادم:تمام بسرعه حني ف السيارة..خدي منها اسلام وطلعو
رسل خشت للمخيم لكان موجود فيه مسلم قبل مايطلع للمنصه:السلام عليكم
ثيم :وعليكم السلام تفضلي في شي؟!
رسل تستوعب ف شكله 🔥:اهاا لا شي بس هدا الدبوب ربحه ولد خوي لانه اصغر طفل نبي نرجع الدبوب لانه مش محتاج وعنده اشكال والوان
تيم خدي منها الدبوب: تمام
مسلم خش:تيم شن صار ف الالعاب؟!
تيم: دار الرعايه وفترهم كل شي والفلوس نقصو عليا الالعاب شوية مكفوش للكل
رسل:لو تحب نساعدك
تيم:لا شكرا فهمتينا غلط
مسلم تنهد وطلع
رسل:لا فهمت صح
تيم: كيف بتساعدينا؟!
رسل:مبلغ
تيم تعصب: لا وخيتي عندنا فلوس شكرا
ادم خش:اسمعي الفرخ قعد يعيط المهم اهو حني برا يتفرج هو ع المهرجان بعد شوية نروحو تمام
رسل:اهاا تمام
ادم:في مشكله؟!
تيم:لا ابدا
رسل طلعت ووراها ادم
ادم:مقدرتش نقولك قدام الولد القصة انه خطيبة يزن هني وامي قالت بتقعد تراقبها بس
رسل: اهاا تمام
ادم مشي وسيبها
رسل تلفتت وشافت الوان مائية قربت لمستهم قرب ولد
….:ارسميلي ع وجهي؟!
رسل ابتسمت: اي عادي
….:قرصان نبي
رسل تشوف وين الرسام تنهدت وقعمزت ف مكانه ورسمتله قرصان ف وجها بعين وحده وشوارب كبار
تيم طلع وشاف الولد قرب: اهلا علاش اخترت القرصان
بهاء: لاني نبي نكون كباتن
تيم ضحك:شن دخل هادي ف هادي
بهاء مشي
الرسام جي:تاخرت شوي
رسل:ولايهمك عادي
تيم شاف ايدها ملبزات:في شيشه الحقيني
رسل طلعت كينكس ومسحت: شكرا
…
ومرررر اليوم
تاني يوم
ايهاب طلع من حوشهم اتجه لشقه لفيها غزل خش:بنت وينك
غزل لبسة كبوس التوته:خير
ايهاب: اختك تبيك
غزل: اهو خديتلي عباية ووشاح ولف مره نقولك رجعني علاش ترفضض؟!
ايهاب:الانه الوضع مكركب اسمعي جاي بندرو خطه عشان عمك مايقربو منك
غزل:كيف
ايهاب:بنقرا فاتحتي عليك ماتفهمينيش غلط بسررر امي وعمامك وعيلتك بسس تعرف
غزل استغربت :انت شن تقول انت مش مغصوب ادير الشي هدا عشاني
ايهاب:مقتنع اني انتي بنت ناس وسالت عليك للعلم لم ترجعي لعيلتك وتكوني ع اسمي مافيش ولد مرة يلمسك والناس بحكم عرفت انهم ميعرف حد ع هروبك وسالوني علاش نسال ونقصقص ع عيلتك وجاوبت باانك انتي خطيبتي يامدام
غزل: اني متفهماتك وشكراا لانك تستر عليا اكثر من مرة بس طمني انت خاطب او متزوج؟!
ايهاب: لاا اعزب
غزل: ايهاب منبيش عندك حبيبه
ايهاب: لااا شن الباين خايفه ع مشاعرهم مرتي وخطيبتي وحبيبتي
غزل: مش هكي بس خفت
ايهاب:تمام عارفك موافقه عشان تشوفي اختك واعرفي انه اني موافق لاني مطر لانه القصه موت وحياة
تاني يوم
رسل ف ساحة المستشفى بتخش حست بحد يقربلها تلفتت:استافررر الله صبببح..وسرعت خطواتها وخش
اسكندر تنهد وسرع خطواته:اليوم بنحكيلك كل شي ماتبيش تسمعي
رسل وقفت وشافتله بنظره حقد: معاش شي يتصلح صدقني لو نعيش عمري مرتين معاد نرجعلك ياريت تفهم
اسكندر تعصب شد مرفقة:تعالي معاي
رسل تحاول تفك ايدها:بعدد ايدك يشوفنا حد بعددد
اسامه خش:شن السفاله هادي ارخي ايدها
اسكندر كان شاد مرفقة وهو يشوف ف اسامه بستفزاز نزل ايده وشبك ايده ف ايدها:برا ف طريقك
رسل تجبد ف ايدها:شن الوقاحه هادي ارررخي
اسامه: شن منظرك دكتور تتعدى ع ممرضة
اسكندر:ياحبيبي اني حاولت وجربت نحترم رغبات الناس لكن توا معاش بنهتم بحد وبكلام حد ليهمني مصلحتي
رسل تجبد ف ايدها:انت راجل متنعابش واني لشاد ايدي تبدا قصتي ع كل لسان عندك عادي
اسكندر:نرخي ايدك مقابل تسمعيني
اسامه شاف لرسل:ياخيبه لا واني فكرتك محترمه وخاطبك شكراا لانك رفضتي..ومشي ركب فوق
اسكندر:رفضتيه؟!
رسل عيونها تعبو دموع: تعرف لو نطلع من هني بشرفي معاد راجع ارخي مكسورتي
اسكندر جبدها لمكتبه والممرات فاضيات الدنيا قعده صبح
اسكندر رخي ايدها ووقف ع الباب: رجعت من مصر بدون مانقول لحد لقيت هبه بنت خالتي عندنا وبعد هدرزتي مع العيلة فهموني انه هبه قعده عندهم لانه بوها لزها بسبب انها كانت ع علاقة وواخد صورها ومنعرفش الباقي وبوي غصبني نخطبها هي للعلم بنت كويسه وعاقله
رسل قطعاته:تي شن دخلللي منبيش نسمع شييي
اسكندر:القصة فها موت للبنت خطبتها وقتي ومعرفتش كيف نفاتحك بلموضوع وبعد ماخطبتها بوها ستر علها ورجعها
رسل قطعاته عيونها حممر:يلعن اصلك ياكلب عرسك يوم الخميس شن الوهم لتقولي فيه وحني التنين منقدروش ننكرو انك تحبها ولامسها وحامل منك
اسكندر: كدب لا لمسها لا شي حامل شن يكدبو عليك
رسل قطعاته:شفت التحليل بعيوني ماحد قالي بيجيكم بيبي
اسكندر طربقها كف
رسل لافه وجها لجه التانية وايدها ع خدها شافتله بعبره :ريت وجهي هدا حتى ف حلمك معاد تشوفه…دفاته وطلعت
اسكندر عقمز ع المكتب قام هاتفه:الو هبه
هبه:اهلين اسكندر
اسكندر:هبه شن رايك نطلعو اليوم
هبه:اهاا اي عادي
اسكندر:تمام تعالي للمستشفى عشان نكمل ونطلعو مع بعض
وفعلا ساعه ونص وكانت هبه ف المستشفى
اسكندر:مش مصدق رسل تحكي بشرف الناس 💔
طق طق طق
اسكندر وقف وفتح:اهلا
وبعد ترحيب وهدرزه
اسكندر:بحكم الخميس عرسنا،ف بندير فاتحه الاربعاء
✋✋✋✋
#تسريع_الاحداث
بعد مرور تسعه شهور بتمام والكامل
هبه ف المستشفى وجابت ولد سماته اسكندر
عبدالرحمن جي المستشفى: انتي علاش مسميتيه اسكندر
هبه:لانه هو الشخص لستر عليا وع ولدي هو كشفني حامل من غيره ومع هدا منككرش انه شدك من الشارع وغصبك تتزوجني وانت تنكر انه مش ولدك
عبدالرحمن طلع القربع الباب
..
رسل لـ كانت لابسة فستان فخم منفوخ ازرق غامق وشعرها بتسريحه ناعمه وطلعت بعد مشافت الزحمه ف حوشهم سلمت ع اهل خطيبها لكانو واصلين وقعمزت لعند قالولها اطلعي سامر بيلبسك
لبسها وطلعت للمربوعه ولبسها سامر الدبله ولبساته
سامر ابتسم:مبروك
رسل ضحكت بهدوء ودخلوها
وفي البيان هادا كانت ف سيارة مدرسه برا
اسكندر لـ من تسعه شهور معاد شافها : مش رح نسلم فيك… صطرب جنب الباب ومشي
ساعه ونص وروحو اهل سامر
كلهم غيرو ملابسهم وقعمزوف الصالة يحكو ع تفاصيل الخطبه
سامر خش وخش وركب الدور التاني طول
امه لحقاته: شفتها البنته ضحوكه وقنينه وتخش الخاطر
سامر حول جاكيته: ميهمنيش شكلها ليهمني طبعها وسلوكها
وصال امه: يفرج الله ربي يتمم ع خير
سامر خش الحمام وتجاهل امه
..
غزل طبعاا رجعت لعيلتها وخطبها ايهاب وامه قريب طارة انه وافق يخطب وقري فاتحتها وروح بها بدون عرس وتوا معاه من تمانيه شهور عايشين اصدقاء بحكم انهم تجوز اتفاق
وفي الفترة هادي ايهاب اقترح ع غزل انه يسافر وياخدو معاهم رناد ممكن يحصلو علاج لعيونها وفعلا سافرو ودارولها عمالية ع عيونها وبدت تشوف ز قبل طبعاا سبب عمي عيونها كان حادت وتعالجة بفضل ربي ورجعت تشوف من جديد
..
غزل خشت الصالة: باهي اسمع
ايهاب يرسل ف ملف ع لاب توب: نعم
غزل: توا مش انت صاحبي هلبااا وراجلي نبي نقولك ع شي
ايهاب: ولـ هو؟!
غزل قعمزت مقابلاته: اني بنخطبلك ياصديقي
ايهاب قام عيونه: مش فاضي اني ياغزل نكمل وتسهوكي
غزل: مانتسهوكش اني بنخطبلك بنت عمك سوزان ضافتني ف قروب متع عيلتكم اول مضافتني كانو فاتحين موضوع الصغار علينا صدقني مستحيل تكون صدفه انه اني نخش للقروب وهما يهدرزو عليا هما قصدا يبوني نشوف الدردشة
ايهاب قام عيونه فها: اسمعي اني بري اسالي عليا الشارع كله الشارع متعي بلكامل عرفيني ديما نتعارك مع امي ف موضوع الزواج (تغيرت نظرته وصوته بشكل يرعب) ولا عند يومنا هدا مستحيل نخدل انثايه لحياتي
غزل ضحكت: الا اني خشيت حياتك بدون مقدمات
ايهاب هدي وطلعت منه ابيتسامه ضعيرة: انتي جيتيني هدية (توتر) اهاا قصدي ف صندوق
غزل: انت علاش رافض تتزوج امك قتلي شن درتي لولدي باش اقتنع
ايهاب: بسبب طفولتي ممكن انك تعيشي بدون اب او بلاحرى خلينا نقولو بوك عايش لكن تكنه مش موجود طفولة تخليك تجربي الكككره والانتقام من بوك
غزل: خايف تكون ز بوك
ايهاب: لا ولاخطرلي الشي هادا خايف نكون زوج ظالم او اب مهمل مثلا !!
غزل ابتسمت وبانو الغمازات: محلاه تفكيرك انك تخاف ع مشاعر شخص قبل مايخش حياتك حبييت ❤
ايهاب ابتسم: وانتي لكنا مقرارين نطلقو بعد خمسه او سته شهور ومش عارف شن وصلنا لتسعه شهور زواج
غزل: اموري توا كويسه نوعا ما مع جدي لو تبي اطلقني عادي
ايهاب توتر صكر الاب توب وشافلها: غزل لو في يوم طلقتك متحسيش انك هينه عندي لا بلعكس بس رح نطلقك عشان تشوفي لحياتك
غزل: بجدد ايهاب انت كويس وراجل بجدد وخودها مني اني لعشت معاك تسعه شهور انك شخص محترم نيالها فيك سعيدت الحظ❤
ايهاب: مصكر الموضوع من جميع النواحي… مع انك قلتي عليا كلام مليح خليني نوضحلك انك ذوقك ف اللبس خرافي.. وضحك
غزل شافت لـ بيجامتها المرسوم علها فار وقطوس ضحكت: مبردك بعدين اني نحب ناخد شي نرتاح فيه يعني منحبش الشي الاوفر (ضحكت)من صغري بيجاماتي هكي رسوم وناعمات مستحيل نتغير
ايهاب: متاكده انك مستحيل تتغير؟!
غزل استغربت: اي اكيد اني بنقعد بنفس شخصيتي مش رح نتغير عشان حد
(حسيتو انه كلامهم توديع !!
يتبع ……….
لقراءة الجزء التالي : الجزء التاسع من رواية خط احمر
لقراءة الجزء السابق : الجزء السابع من رواية خط احمر
للإطلاع علي فهرس اجزاء الرواية : جميع اجزاء رواية خط احمر للكاتبة ميشو محمد
جميع الحقوق محفوظة للكاتبة ميشو محمد .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء الرابع من رواية كنت للروح سقيا
الجزء الرابع من رواية كنت للروح سقيا
يونيو 12, 2022
صورة جميلة لغلاف الجزء الثاني من رواية تزوجنا ولكن هل يبقي الحب
الجزء الثاني من رواية تزوجنا ولكن هل يبقي الحب
مايو 15, 2022
صورة رائعة لغلاف الجزء الثامن من رواية لن استسلم
الجزء الثامن من رواية لن استسلم
يونيو 18, 2022
صورة رائعة لغلاف الجزء السادس عشر من رواية قد كفاني
الجزء السادس عشر من رواية قد كفاني
يونيو 28, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرامالقائمة
روايات
بحث عن
الرئيسية/الجزء
الجزء
الجزء التاسع من رواية خط احمر
الجزء التاسع من رواية خط احمر
صورة مهند أدهم مهند أدهممايو 24, 20220529 6 دقائق
وفي الجزء التاسع هل يا تري من رأيك سيحدث جديد يجعل الأحداث أكثر تشويقاً من ذي قبل ام لا ؟ كل هذا وأكثر سوف نعرفه سوياً في السطور التالية بإذن الله من رواية خط احمر للكاتبة ميشو محمد .
الجزء التاسع من رواية خط احمر
ايهاب: متاكده انك مستحيل تتغير؟!
غزل استغربت: اي اكيد اني بنقعد بنفس شخصيتي مش رح نتغير عشان حد
(حسيتو انه كلامهم توديع !!)
ايهاب:اوكي مش رح نضيعلك عمرك معاي رح نبدا ف الاجراءات الطلاق
غزل اختفت ابتسامتها وسكتت
ايهاب وغزل بعد زواج تسعه شهور ولانه ايهاب معقد ومش مقتنع بزواج نهائي فامحبش يقربها ولا يضايقها بلعكس عيشها معاه ذكريات حلوة بـ انه عالج اختها وانه سافر بيهم وتكلف بكل شي وانه يهدرز معاها كاصديق وقدم اشتراك للجامعه لـ غزل بحكم اخر سنه جامعه اشتركت اشتراك ويطلعو مع بعض بااختصار ايهاب مع الناس الشخص الغامض العصبي الصعب المعقد ومع غزل الصديق صح عصبي ف بعض الاوقات وعرفاته معقد بس كويس معاها ❤
..
باسم نظف حوشه وخدي ولده من امه وعشو مع بعض اسلام عمره عامين ونص طبعاا يحاول يهتم بيه ع قد مايقدر ❤
..
رناد الحلوة بعد مابدت تشوف وتحسنت ع قبل ورجعتلها الحياة اكثر من قبل فا قرارت تخش ف جمعيه خيريه وحناها قنعة جدها وبعددد اصرار وافق واصلا هو هاملهم ومش هامه من يطلع ومن يخش وبعد سجنه باسم وقع ع تعهد انه مايلعب قمار من جديد وفعلا وقف عن اللعب لمصلحته
..
رسل لخاطبها شخص مجهول وخايفه هلباا من ماضيها ومتاكده وعارفه انه اسكندر رح يسببلها عاق في حياتها ديما تصلي وتدعي انه ربي يبعده عنها
(سؤال ممكن عميق !!!
انتي لو كنتي ف مكان رسل ويرجعلك حبيبك الخاين بعد عامين تسامحيه؟!
صح اسكندر عنده اسباب بس لو يحبه كان حكالها قبل مايتصرف وياخد رايها ممكن هي تتفهم، بس الغلط انه نسحب من حياتها ونادم)
بعد ماحكيتلكم بااختصار ع لصار تعالو نقربو اكثر
#بعد _مرور_شهرين
في الصبح
ايهاب لـ متكي ماغمضتله غمضه 💔
ونفس الشي
غزل لفي غرفة النوم بكت لانها حباتها (مش حباته كا زوج لاا❌
بلعكس حباته كاسند هو الشخص الوحيد لسندها هو الوحيد لسترها وتزوجها عشان يسكت الناس دار كل شي عشانها هي بس بس وصعب ف الدنيا هادي تلقو شخص سند هكي
بس ايهاب علاش سهران؟!
ممكن لانه انتبه انه هو غامض ز الصندوق الاسود بس هي كانت عكسه
هو كان العصبي هي كانت تروق فيه
هو كان منكد هي لضحك فيه
هو المكشر وهي لتبستمله
هو كتوم وهي لتجذب فيه يفضفضلها في كلام مقدرش يقوله لـ امه قاله لها هي وبس
هو مصيطر ع نفسه وهي العفوية
وهو يكون مشكله وهي تحلها
ايهاب مضايق وقف قدام الشباك فتحه ياخد ف اكسجين الصبح: خيرني ممكن لانه تعودت علها !!
غزل طلعت للحمام (حاشاكم) غسلت وجها وطلعت حست بنسمه تخش قربت لصالة: صباح الخير
ايهاب تلفت:صباح النور
غزل ابتسمتله:تصدق لو نقولك مرقدتش لاني تعودت عليك
ايهاب ف داخلها:محلاه عفويتها تقول كل شي ف خاطرها … والشي هدا ميقدرش يعترف بيه ايهاب
ايهاب ابتسم بخفه: ريتي هلقيمه لبتخسرها
غزل اختفت ابتسامتها:نبي نفهم علاش تهين ف نفسك انك بدون قيمه علاش تستخف بروحك
(زاد صوتها)اي عندك قيمه وعندي اني وكبيرة
ايهاب:تعالي اضربيني متخليهاش ف خاطرك
غزل ضربت رجلها ع رجل ايهاب: احسن مانخلها ف خاطري
ايهاب ضحك ع جنب وحط ايده ف جيوب سروال ويشوف من الشباك:فرخه
غزل:ايهاب ❤
ايهاب بتجاهل:هاا
غزل: اخر ساعات لينا مع بعض عادي نطلعو نبي ناخدلك شي ذكره مني
ايهاب: هو منحبش الذكرة بس يلا نحسن صورتي ف اخر ساعات
غزل:صورت شنو لبتحسنها انت كويس بطل كلام هكي تهز تقتك بنفسك انت ره
ايهاب نزل راسه قابلها: انتي هكي ديما مجاملات؟!
غزل تعصبت:مبردك النمم..وطلعت من الصالة
ايهاب بصوت عالي:وتي روحك بنطلعو
تررررن ترررن
ايهاب:صباح الخير
فادي:صباح النور شن الجو
ايهاب تنهد:ماشيه وين؟!
فادي:طالع للمركز وانت
ايهاب: اليوم محكمتي بنطلق
فادي: اهاا باهي ربي يسعدكم
ايهاب تنهد: مع جو المغرب نتلاقو ف المعرض
فادي:تمام نشالله
ايهاب صكر
دقايق
ايهاب:غزل (قرب طقطق ع الغرفة)غزل تاخرتي هيا
غزل فتحت الباب ف ايدها شنطتها متع ملابسها قامت عيونها الحمر فيه:جاهزة..ونزلت عيونها
ايهاب:قيمي راسك
غزل تجبد ف الشنطه من العجل:تاخرنا هيا
ايهاب بعصبيه جبدها من مرفقها لفها جهته قام وجها:علاش حممرر متحاسسه من شي
غزل دفاته وبدت تبكي: حساسية شني علاش غبي انت هكي
ايهاب ساكت ويشوفلها
غزل تبكي وتمسح ف عيونها
ايهاب: هدا عشانك انتي قصدي عمرك بيضيع معاي تبي تعيشي مع شخص الناس حاكيين عليه ومطلعين عليه قصص وبوه ساجنه…قطعاته
غزل تبكي بصوت عالي:معاش تقول بوك سجنك ظللم يعني انت متحاسبش نفسك ع حساب شخص تاني معاش تهين روحك بسبب شخص تاني علاش مش قوي علاش متتبتليش انك تحب نفسك
ايهاب ساكت ويشوفلها
غزل ضرباته ع صدره بيدها التنين:تكللم
ايهاب: اني ز ماتقولي كنت متبرع بروحي لبوي وشوفي شن جزاتي
غزل مسحت دموعها وتنفس وبعد سكوووت ف الممر مرو دقايق
غزل: نطلب منك طلب
ايهاب شافلها بعيونه وفهماته
غزل: معاش تهين نفسك بلعكس عز نفسك يعزك الله ♥
ايهاب: انت شن واجعك
غزل تنرفزت: طول عمرك حيط هي ننزلو
ايهاب قرب بياخد الشنطه:تقيله عليك..قطعاته
غزل خدتها:بنتعلم نعتمد ع نفسي..وطلعت لحقها
فتحلها الكوفني
غزل مقدرتش تقيمها تحاول تحاول
ايهاب يشوفله وبس
غزل قامتها وطاحت ع رجلها عيطت:زوود قيمها نعتمد عليك اخر يوم عادي صح
ايهاب قامها وركب
غزل ركبت وقربعت الباب شافتله:تقربع بلغلط
ايهاب ولع ومشو لكافي فطرو اول شي وبعدين خشو مول
غزل:امشي بعيد نبي ناخدلك حاجه بدون ماتشوفها
ايهاب:ريحي روحك منبي شي
غزل بتهديد: ايهاااب
ايهاب: باهي اختاري محل ونوقفلك برا احسن مضيعي ف وسط الزحمه
غزل اشرة ع محل:هداكا لكن اسمع تعطي المحل بظهرك
ايهاب:فرخخه
غزل خشت تختار اختارت حديده بتصميم خيوط وسبت وجو متع ولاد ع الاسود وساعه بلاك في بوكس مع بعض وطلعت
غزل مدتهاله:وهي ليك
ايهاب: اعطيهالي ف السيارة هيا..ونزل
غزل لحقاته
وكانو ف ولاد يلعبو ف المول بمسدسات وواحد فيهم كبير قام مسدس العاب ووجها ع ظهر غزل وضربها
غزل عيطت بشوية وتلفتت شفاته قايم المسدس علها
ايهاب تلفتت وشاف غزل ايده ع كثفها وتشوف للولد وفهم القصة وانه المسدس ف ايده قربله قبل ماتتكلم غزل
ايهاب قرب:تجرب فيه؟!
الشاب:اي
ايهاب خدي مسدس كبير من واحد من الولاد:ترا نجرب حد عليك…وضرب المخزن من تحت طبعا مافي حد ميعرفهاش لم تبضرب المخزن من تحت يطلعو الرشات كلهم وضربه وطلعو قريب سته عليه
ايهاب:كويس يخدم (تكلم بجديه) احمد ربي انه قربتلك ماهربت لو هربت راني كسرته ع راسك اهي جت ف رش العاب يعني خفيفه ياعيييل..ومشي
نزلو
ف السيارة
غزل حطت الهدية فوق الدرج سيارة:هديتك هني
ايهاب متوتر ع متلبك وخصوصا انه يسوق بتجاه المحكمه تلفتت ويجبد ف كيسه من الخلف
غزل خافت:شن ادير شوف قدامك
ايهاب جبد كيسه:هادي ليك
غزل ابتسمت:شكراا
ايهاب كمل يسوق
ترررن ترررن
ايهاب يسوق فتح المايك:ايوو يام
عائشة بصوت عالي:وين حظرتك
ايهاب: خيير
عائشة:وين مرتك؟!
ايهاب شاف غزل بمعنى ادوي
غزل:صباح الخير عمتي
عائشة بعصبيه:خير خير شن اديري
غزل تلبكت:اني قصدك توا ااااا شي شي
عائشة:تعاليلي توا
ايهاب فنص ف الهاتف شد فرينو بصدمه
غزل شافتله
عائشة:هدا شنو
غزل: ياعمتي اجلا…قاطعها
ايهاب: تمام يام اهو جايينكم حني ف الطريق اصلا
غزل شافتله
ايهاب:يام سمعتيني
عائشة:نستني فها جيبها…وصكرالخط
غزل: منقدروش عندنا محكمه
ايهاب:مصارش من المحكمه ناجلوها كان عرفت امي تنجلط فيكنا من مشاكلها..دور ورجع
غزل ساكته
ايهاب:صوتها ميطمنش
غزل:حسسيت
ايهاب: نشالله خير
..
وصلو وبعدد هدرزه وتغدو
عائشة:في مراة اداوي ف النساوين بنرفعك معاي متتحشمش مني سلم بنتي اني ز ممتك نشوف خيره مصارش حمل
ايهاب يشرب ف الشاهي نخنق بدي يكح ف كحه رهيب
غزل بلعت ريقها برعب وف داخلها نفضحنا 🤦♀️
ايهاب شرب اميه:اني مرتي متمشيش للمشعودات ريحينا يام
عائشة: نهارك احرف هادي دكتورة اعشاب وعزوز وتعرف
ايهاب: لا وكان تطلع مهندسه مش دكتورة بس
عائشة كشخت عليه:انت وليد وحيد عندي خليني نشوف صغارك
ايهاب:اهو عندك بنتك نسيم زوجها وشوفي صغارها
عائشة بصوت عالي:علاش انت عكس الناس فهمننني اني ع شنو متوحمه
ايهاب يصكر ف الموضوع: وين بنتك حقه؟!
عائشة :اييييهاااب
ايهاب:ارزيك فيه ايهاب…وقف
عائشة:تربح خليني نرفعها بوك متعبني في حياتي وربيتكم وتعب وكبرتكم وتعبت فرحني ف حياتي بصغار ودوشه ف حل الحوش
غزل سخفتها كيف تتكلم
ايهاب وجعاته امه وخصوصاً انه مافي حد حسس بها غيره وشافه كيف تعبت عليه هو اخته:نشالله تشوفيهم وتفرحي بيهم
عائشه ساكته
غزل قربتلها: ربي يجبر بخاطرك ياعمتي وتفرحي ب نسيم…قاطعها ايهاب
ايهاب:تروحي انتي؟!
غزل:اهاا اي هي…وطلعوو
ف السيارة
ايهاب: تبي ولد…وضحك بهستريا
غزل ضحكت ع ضحكته ونفجرو الزوز يضحكو
شوصلو ونزلو نزل الشنطه
ايهاب دخل الشنطه
غزل خدتها وخشت بها
وهو طلع للمعرض وتلاقى مع فادي وعزمه فادي يتعرف ع امه
ايهاب ف المربوعه مع ام فادي نوريه وفادي
نوريه كانت طيبه وكويسه:انستنا ياولدي
ايهاب: الله يانسك
بعد مشربو شاهي
ايهاب ناض:نستاذنكم
فادي وقف:وين بنتعشو
نوريه: العشي ع النار
ايهاب: الله يبارك فيك معنديش نيه بنروح
نوريه وقفت:باهي استنى هني..وخشت
فادي ابتسم: طلقتها؟!
ايهاب بستعباط:من هيا
فادي:الحب
ايهاب:قعده
نوريه جت جابت خاتم ذهب:هدا لمرتك هدية
ايهاب: ميجيش ياعمتي ماناخداش اهو ولدك زوجيه وهديه لمرته
نوريه:الزوز وخيين والادي
ايهاب حسها كلمه عميقه: لالا ميجيش ولله منقدر ناخده صحيتي
فادي:خوده تحشم
ايهاب: متجيش صحيتي اعتبريني خديته تصبحو ع خير..وطلع
نوريه: نسخه من بوه نسسخه…وقعمزت
ايهاب وصلاته الكلمه وقف
نوريه: بوك واقف قدامي ملامحه
يتبع…….
لقراءة الجزء التالي : الجزء العاشر من رواية خط احمر
لقراءة الجزء السابق : الجزء الثامن من رواية خط احمر
للإطلاع علي فهرس اجزاء الرواية : جميع اجزاء رواية خط احمر للكاتبة ميشو محمد
جميع الحقوق محفوظة للكاتبة ميشو محمد .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء الخامس من رواية طبيبة قلبي
الجزء الخامس من رواية طبيبة قلبي
يونيو 19, 2022
صورة جميلة لغلاف الجزء التاسع من رواية حتي الممات
الجزء التاسع من رواية حتي الممات
مايو 23, 2022
الجزء الأول قلبي متيم بها
الجزء الأول من روايـة قلبي متيم بها
مايو 23, 2022
صورة مميزة لغلاف الجزء الرابع والعشرون من رواية عالمي
الجزء الرابع والعشرون من رواية عالمي
يوليو 6, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرام
زر الذهاب إلى الأعلى
زر الذهاب إلى الأعلى