4/5
القائمة
روايات
بحث عن
الرئيسية/الجزء
الجزء
الجزء الرابع من رواية خط احمر
الجزء الرابع من رواية خط احمر
صورة مهند أدهم مهند أدهممايو 24, 20220528 6 دقائق
وفي الجزء الرابع من رواية خط احمر يا تري هل ستكون هناك أحداث جميلة مع ابطال روايتنا ام ستحدث أمور سيئة معهم ؟ كل هذا وأكثر سوف نعرفه سوياً في السطور التالية بإذن الله للكاتبة ميشو محمد .
الجزء الرابع من رواية خط احمر
ايهاب فنص فها ضغط ع سنونه:بتحكيلي قصة حياتك ناقص اني بنرفعك لشقتي وتتصلي ب بوك او براجلك المهم تنتلفي من عليا
غزل ضحكت ف داخلها: شن معنها تنتلفي ?!
ايهاب متعصب :تقلبي خنفورتك معنها
غزل: قصدي بنت نخطفت عاادي ياخدو فلوس من بابا وتمت القصه علاش مكبرهاا
ايهاب: يابنتي لخطفوك دعاره
غزل: شنو دعاره ?!
ايهاب تعصب بعياط : ششششييييي
غزل: للعلم هدا رابع يوم ليا ف ليبيا
ايهاب يسوق
غزل: نتعرف بيك ?!
ايهاب يسوق
غزل ابتسمت: تمام نسميك سنفور غضبآ حلو
ووصلو خشو لصالة طول
ايهاب وقف السيارة ونزلها لشقته الخاصه عطاها هاتف: اتصلي ببوك
غزل خدت الهاتف: بوي متوفي
ايهاب يكشخ :قبللل شوية تحكي ف قصص بطولاتك اتصللي
غزل: بوي متوفي لكنت نحكي عليه هو جوز ماما او بالاحراى عمي نقوله بابا
ايهاب تنهد: اتصلي بعمك
غزل وقفت حولت القامجو ولبسة كبوس التوتة وقعمزت: توا الساعه كم
ايهاب شافله واشر ع الهاتف لـ ع طاولة: اتصلللي ب عمممك
غزل وقفت وقامت كم توتتها: من الساعه هادي عمي يوصلي بروحه فهمت عليا
ايهاب وقف يشوف من الشباك
غزل قربتله: ف منو تستنى ?! متقوليش عمي ياولدي ربي يهديك الموقع يبي يومين او يوم
ايهاب تلفتت:اسمعي يابنت الناس اني شخص منتعاملش بلهزوه وتسهويك
غزل: اسفه عدم فهمي وع مضيقتي ليك ف حوشك بس اهو نفهمك اني غزل تمام جايه مع عمي وبس يعني امي ف برلين تمام المهم اني جايه عشان اوراق وهكي لاني ليبيه طبعاا وبنرجع مع عمي بعد يومين لبرلين
ايهاب: ميهنيش جهنم لترفعك انتي وعمك ليهمني تلمي نفسك وتطلعي
غزل: هدىء من روعك ياهادا
ايهاب صكر الشباك:اني بنطلع وانتي تقعدي هني
غزل وقفت: لالا بلله خودني لمرتك او لامك او اي حد نبي نتعرف ع ناس ليبيه بليييز
ايهاب: ولله ولم يشوفوك معاي الجيران نازله من سيارتي شن يقولو
غزل: شن يقولو عادي وين المشكله
ايهاب قرب لوي ايدها وراها وشافلها بنظره تعصب وشرار: بتقعمزي هني وز البنت العاقله او تشوفي مني شي عمرك ماشفتيه بنطلع دقايق وجاي
غزل تشوف لعيونه وكيف يتنفس قدامها: ايدي شوية
ايهاب دفها ع الصالون :راسك من الشباك مايطلعش
طلع ايهاب وقربع الباب
غزل دارت دوره ف الشقه وقربت صكرت الباب من داخل وخشت للحمام طلعت هاتف من ملابسها واتصلت: انت لمني باعتني ع اساس بتهربني
فيصل:انتي وين ?!
غزل: منعرفش عند واحد غبي يصدق اي شي ينقال قتله اني بنت وزير سابق
فيصل: انت وييين ?!
غزل: منعرررفش افهم
فيصل: تقنعيه العيل لمعاك اقنعيه يهربك لتونس وتخشي لفندق غادي ونتلاقو غادي
غزل: يخوف يافيصل نظراته نهار احرف
فيصل بتكشيخ:اسمعي حاولي تكوني كويسه معاه مع اني منعرفاش المهم وتسخفي قدامه عشان يساعدك
غزل صكرت الخط عليه: الله يلعنكم، ،ورجعت الهاتف ف ملابسها كان هاتف بيله صغير وطلعت هاتفها الايفون من جيب التوتة حاولة تشغله بس مباش يشتغل فتحت شباك الحمام وحدفاته ف الشارع ورجعت لشقه فتحت الباب من برا وقعمزت تفكر
غزل: معقولا ز مقال الشاب يكونو دعاره لواخديني ?! معقولا فيصل يسلمني لدعاره !! كله صار بسبب شباني النحس جدي كله منه كله منهههه ،، ونهارت تبكي ع الارض
،،
ايهاب خش المركز: فادي وين
شرطي:يحقق معاهم داخل
ايهاب قعمز ف الانتظار
طلع فادي شافه
فادي قرب ل ايهاب: شن قصة الصندوق قالو بنت خوهم ف الصندوق
ايهاب: بنت خوهم شني تي اجنبيه لفي الصندوق
فادي: اجنبية كيف وين الصندوق
ايهاب: اسمع البنت عندي نرجعوها بدون فضايح المهم،، قاطعه
فادي بصوت عالي: البنت هادرين دمها حلال اي شخص يشوفها ويدبحها وين ماهي
ايهاب عقد حواجبه: شن ش تقول ?! علاش !!
فادي:البنت هاربه من عرسها لا مش هكي وبس لانها هربت سترو ع روحهم وكان العرس عائلي دارو عرس اختها مع خطيبها يعني صار تبادل ف العروس عشان الفضيحه واستنى،،قاطعه
ايهاب بعياط: بشوووويةةة نفهم نستوعب بشوية شن هدا فادي علاش المصايب تتكدس عليا
فادي شد مرفق ايهاب وطلعو: اسمع البنت رح يدرو علها اجتماع واني رح نكون موجود
ايهاب سحب ايده بعنف ركب سيارة وحرق العجلة ورجع لشقه
كلها تواني ووصل بسبب سرعته
نزل وخش وقربع الباب بقوة
ايهاب خش لصالة شاف غزل راقده ولابسه كبوس متع التوتة تخفي ف شعرها
ايهاب: المنظر منظر ملاك وداخلها هلاك،،، عشان ميلمسهاش قرب من ودنها وصفق بقوة
غزل فاقت جت مقعمزه: هدا انت
،،
🔥👑الكاتبة:ميشوو محمد 👑🔥
رسل غيرت ملابسها وقعدت مقعمزه تتفرج ع اسلام وكان الحوش فاضي كلهم طالعين
باسم فتح الباب وخش مشي اسلام يجري لبوه
باسم قامه: يابطل
رسل: بديت ز القمر معاش نشوفوك الا ف ليل ?!
باسم نزل اسلام: بلا جو نفخك امي وين ?!
فجاة الباب نفتح
سعاد خشت شافتلهم عطول هربت لغرفتها وقفها كلام باسم
باسم بعصبيه: شنو امتى بتقوليلي انك خطبتيلي
سعاد تلفتت شافتله
باسم: شنو يام معزوم ع عرسي ولا بدسها عليا العروس
سعاد بتتكلم وعيونها تعبو دموع قاطعها
باسم: ورحمت مرتي سما كان ماتتصليش توووا وتفسخي من النم نمشي اني لباب حوش البنت ونفسخ ونطلعك كدابه قدامهم
سعاد دموعها نزلو: تكلمت فها بس ومشالله قالولك اني خطبت البنت
باسم بعياط لدرجه اسلام خاف بدي يبكي وهرب ل رسل: مررررراة واحددد تخش قلبي ومستحيل يام ولو تنقلب الدنيا فوقي لوطي،، قطعاته
سعاد بتكشيخ: مييتتته مرتك ماااتتت ريحها وطمنها ع ولدهااا
باسم بعصبيه شد ايد اسلام وقامه بعنف من حضن رسل: مثقل عليك وله رسل جيبيلي ملابسه
رسل وقفت: لا باسم ماتخداش اني نبيه
باسم: رسسسلللل
رسل تبكي: مش رح نجيب شي سلومه بيقعد معاي تبي تهبله الولد
سعاد: اسمعني تربح
باسم حط ولده وقرب لمه: مستعد يام نتزوج تلاته بعدها عادي شي ساهل بس حرااام عليا ياام حرام افهمي منقدرش اني مع وحده تانيه ربي بيحاسبني
رسل قامت اسلام لكان يعيط وخشت لغرفتها معاه
سعاد تلامست لحية ولدها: سما ماعمري ننساها كنتي الاوله هادي لقريب هبلة ف موتها زيك واكثر اني واجعني حالك وحال ولدك بس وبعدين اني منديرش شي من وراك لبنت لخطبتها ل خوك يزن
باسم: يام مضايقك اسلام ?! ك،،قاطعاته
سعاد: ملايكه هداولدك وولد الغاليه شن تقول انت
باسم: باركي ل يزن ربي يتممله ع خير،،، وطلع روح
سعاد قعمزت بعبايتها تبكي ع حال ولدها💔💔
باسم يسوق ونار والعه فيه مستاحشها 💔روح توضى وصلة ورقد ونفس الشي غرفتها مظلمه وكل شي ع حطت ايدها متغير شي
،،
رسل طلعت ل امها: يام تبي الحل ?!
سعاد تبكي:وينه الحل وينه
رسل: ولدك يبي دكتور نفسي او بالاحراى نقولو دكتورة
سعاد ساكته وتشوفلها
رسل: يام تدكري ف حوشنا القديم تدكري ف جارتنا كانت عندها بنت قصيرة شوية هي اكبر مني بتلاته سنين عمرها توا 32 يام هديكا ادكرتها
سعاد: مش مدكرتها ونبي توا وقت الكلام هدا
رسل: ياام نور دكتورة نفسيه وصديقني مجرد متقعمزي معاها دواء لجرح هي معاي ف المستشفى
سعاد: خوك شن بيوصله لها
رسل: خليه عليا
،،
ايهاب يشوفلها مش مصدق انها كدابه: بوك سيادة الوزير مش فاضي تواصلنا معاه وقال انه بعد مايتم اجتماعه ياخدك
غزل وقفت وترجف بس مبينه انها قوية: يعني انت شرطي وعرفت كل شي ?!
ايهاب: تصدقي يااني غبي يا ام اني بديت طيب هلباا
غزل: اني كدبت بشي واحد انه بوي وزير بس الباقي حق صدقني
ايهاب قرب وقف قدامها بزبط بعصبيه وتكشيخ: كدبه انك هربتي من عرسك وكدبة وحده انه بوك وزير وكدبه وحده ،،،قطعاته
غزل شافتله وعيونها حمر: كان جدي بيجوزني لخو صاحبه(تعبو عيونها دموع قدامه وحمر) كان ميبوش يدرولي عرس تعرف علاش لاني صفقه لجدي (وهي تتكلم دموعها نزلو) ايه هربت من عرسي تعرف بسبب ظلم جدي وانه بيجوزني خو صاحبه لعمره 52 سنه (علت صوتها ودموعها ينزلو) اني لجدي وعمامي لعبو وخسرو ف القمار وبسبب ديونهم باعو ورتي من بوي المتوفي وباعو دهب امي الميتتته وماخلولي شي ولانه الديون تسددت ع الكل ومزال عليهم ديون ل صاحب جدي كان رح يجوزووني اني مقابل 27 الف
ايهاب يشوف ف عيونها الكبار كيف تتكلم وعيونها حمر ودموعها ينزلو بدون ماترمش عيونها
غزل قعمزت تبكي
ايهاب بعد وقعمز مقابلها
غزل مسحت دموعها وطلعت هاتف من ملابسها وحدفاته ع الطاولة لبينهم
ايهاب شافلها وشاف الهاتف البيله:شن هدا?!
غزل: اني هربت مع سوداني وماتقولش انه سوداني كويس لا مش كويس لانه هربني معاه بمقابل عطيته حدايد دهب يعني الكل مصلحه يالله بارك الله فيه اسمه فيصل اتفقت نهرب معاه بلفلوس وهربني بس لحقني عمي وولاده،،،قاطعها
ايهاب: فيصل متثل بعمك ومتفق معاهم انه بينزلك ف طريق ال،،،،،
غزل: واني فكرتهم لحقوني حاولت نتصل باختي بس،،، قاطعها
ايهاب :اختك هي كانت العروس ف مكانك يعني انتي هربتي واختك كلتها
غزل: مستحيل انت شن تقول ،،قاطعها
ايهاب بصوت عالي وبنبرة غضب:هربتي واختك الظسكينه ادبست مكانك
غزل قامت ايدها صكرت ودانها: لالالا انت شن تقول مستحيل
ايهاب طلع هاتفه واتصل ب فادي: ايوواه فادي اسمع
فادي: شني
ايهاب:شن اسمها البنت لتجوزت مكان اختها وكم عمرها
فادي: قالو اسمها رناد عمرها 21 سنه مسالتش شي تاني هدا لقدرت نعرفه
ايهاب: تمام، ، وصكر الخط
غزل تشوفله بترجي:مستحيل مش اختي
ايهاب:اختك رناد تجوزت امبارح
غزل قربتله: رجعني لحوشي الله يخليك رجعني
ايهاب بصوت عالي: كيف ترخي بختك ،،قاطعاته
غزل تبكي: م ماتوقعتش يجوزها رناد عميه ماتشوفش كيف هكي (شافتله) صدقني حاولت نقنعها تهرب معاي بس هي رفضت وهي عطتني الحدايد متع امي اختي عميه مقدرتش نهرب بها
ايهاب: عميه ?!
غزل قعمزت وهي تفكر وتبكي
يتبع………
لقراءة الجزء التالي : الجزء الخامس من رواية خط احمر
لقراءة الجزء السابق : الجزء الثالث من رواية خط احمر
للإطلاع علي فهرس اجزاء الرواية : جميع اجزاء رواية خط احمر للكاتبة ميشو محمد
جميع الحقوق محفوظة للكاتبة ميشو محمد .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء الرابع من رواية اولاد سلطان
الجزء الرابع من رواية اولاد سلطان
يونيو 4, 2022
صورة جميلة لغلاف الجزء العشرون من رواية كنت للروح سقيا
الجزء العشرون من رواية كنت للروح سقيا
يونيو 12, 2022
صورة جميلة لغلاف الجزء السابع عشر من رواية اولاد سلطان
الجزء السابع عشر من رواية اولاد سلطان
يونيو 4, 2022
صورة جميلة لغلاف الجزء السابع من رواية ضحية غدر
الجزء السابع من رواية ضحية غدر
يونيو 2, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرام
زر الذهاب إلى الأعلى
القائمة
روايات
بحث عن
الرئيسية/الجزء
الجزء
الجزء الخامس من رواية خط احمر
الجزء الخامس من رواية خط احمر
صورة مهند أدهم مهند أدهممايو 24, 20220560 4 دقائق
وفي الجزء الخامس من رواية خط احمر يا تري هل ستكون هناك مفاجآت تنتظر ابطال حكايتنا ام ستسير الأمور علي ما يرام ؟ كل هذا وأكثر سوف نعرفه سوياً في السطور التالية بإذن الله .
الجزء الخامس من رواية خط احمر
غزل تبكي: م ماتوقعتش يجوزها رناد عميه ماتشوفش كيف هكي (شافتله) صدقني حاولت نقنعها تهرب معاي بس هي رفضت وهي عطتني الحدايد متع امي اختي عميه مقدرتش نهرب بها
ايهاب: عميه ?!
غزل قعمزت وهي تفكر وتبكي
ايهاب علا صوته: نكلم فيك عميه ?!
غزل شفتله مسحت دموعها: اي عميه
ايهاب: هو يعرف انها عميه ?!
غزل ساكته
،،
قبل يومين
نرجعو ل رناد فرحت هلباا ورقدت مرتاحه لم اتصلت اختها وقتلها انها طلعت من المنطقه فكرت انه واخيرا نحلت المشكله
رناد البنوتة لعندها عيون ماافيش منهم ف كل الدنيا عيونها مليانات رموش رماديات بيضا شعرها اسود عانت من حادث سبب وفاة امها وبوها وسبب ف عميانها 💔💔
رناد لكانت عندها ابتسامه تشفي الجرح بريئه ل ابعدد الحدود ز مايقولو ربي يعطي الحلوة للمعنداش سنون
رناد فاقت الصبح ع ضربه من عمها
يسالو فها ويضربو فها وين اختها جواب رناد انها متعرف شي وصدقوها بحكم عميه واكيد ماشافت شي
لعند ماخشت مرت جدها وبدت تحول ف ملابس رناد
رناد: حناي شن اديري خيرك
حناها مرت جدها تبكي : بنلبسك
رناد ابتسمت مدت ايدها: لا حنينه عطيني نقدر نلبس بروحي
حناها مدتلها الفيلو
رناد تتلامس ف شي كبير لعند ابتسامتها اختفت: فيلوو ?!
حناها: البسيه يابنتي جدك قال وحلف كان ماتلبسيه يخش مع عمامك وسلبسهولك بسيف
رناد: نبي مرايا او سكين حناي الله يخليك
حناها طلعت وهي تبكي ومعاش رجعت سالوها برا وقالت انه رناد تلبس ف فيلو اختها
رناد تتلامس ف الفيلو: اني علاش ياربي،، وبدت تبكي
خش عمها التاني : ملبستيش البسيييي
رناد: جوز بناتك اهو عندك اربعه بنات جوزهم علاش اني،، قاطعها بكف بكل قوته
الصبح قرو الفاتحه بدون علم حد باانه العروس الحقيقه هربت
رناد لبسة فيلوها وجت مرت عمها تبكي دارتلها مسكره بسسس
خشو بنات عمها الاربعه
الكبيرة: رناد تدكري قبل الحادث ولم اي وحده تشوف ف عرس تقول ل امك انها بتاخدك لولدها وقداش هبلو عليك ولاد الفصل قبل كانو يتعاركو ع قلم منك
رناد تبكي:اطلعوو
الكبيرة: ريتي كيف لكنت نتوقع انك رح تتتزوجي شخص ولا ف الاحلام بسبب جمالك بس نهايتك بين ايدين واحد نديد بوك او اكبر من بوك
رناد ابتسمت: ربي خلقني احلا منكم الاربعه وميزني عليكم بجمال طاغي وربي هو لكاتبلي تنزوج الشيباني هدا هو لخلقني ومستحيل ينساني
البنت الرابعه كانت نديدت غزل: حرام عليكم، ،وبجت تبكي
دقايق ووصلو وركبو طلعو رناد لحديقة البيت وهي متعرفش انه راجلها هو نفسه شباني ومعاه ولد خوه ايوب لعمره 29 سنه وكانو يشوفولها كانت مستوره بالابيض من فوق لعند لوطى
عمها: اهي عروستك
رناد كانت قدام تلاته رجاله ايوب وراجلها وعمها حست بشخص شد ايدها انهارت ع الارض
رناد قامت الطرحة وهي تبكي ومنهاه ع الارض: لالا بلله لا مانبيييش لااا
ايوب شافلها ونصدم ف جمالها وجسمها ع الفيلو وباين مفاتنها
عمها طربقها كف وقعمز قدامها نزل الطرحه: تمشي معاه واظمي فمك
راجلها جبدها من ايدها بعد مشاف جمالها 🔥
ركبت رناد مع ايوب لكان يسوق وعمه من قدام ورناد من الخلف وصلو طلعت بنت راجلها دخلتها
رناد قامت الطرحه: بعدي ايدك من عليا ماتلمسينيش
بنته تشوفلها: انتي وين تشوفي اني قدامك
رناد تشوف ع يسارها وبنته كانت ع يمينها وهني فهمت انها عميه
عطتها بيجامه تلبسها وطلعت
رناد وقفت وحولت الفيلو ولبسة الملابس لعتهملها بنت راجلها وبدتت تتلامس ف الغرفة لعند ماوصلت لسرير قعدت تتلامس ف المكان لعند لمست دولاب خشت فيه وصكرت الباب علها وهي تقرا ف سورة الكرسي ومعودات وترجف لعند سمعت صوت الشيباني خش
محمود: وين مشت هادي،، وطلع وهو ينادي
محمود صوته عالي من برا: البنت هربت دوروها،، ركب هو ف سيارته ومشي
رناد تسمع بتصطريب برا بسبب باب حوشهم المفتوح حست بضيق تنفس طلعت من الدولاب وشعرها مفتوح هي طلعت وايوب خش يدور ف الدار لعند حس باب الدولاب نفتح وطلعت منه وقعدت تتلامس ف الدولاب قدامه ووقفت
ايوب: معقولا بنت تخسر حياتها بطريقه هادي
رناد نخلعت تلفتت: م من انت
ايوب قربلهاقاطعه صوت عمه ينادي برا ايوب شدها ورجعها لدولاب: خليك ف الدولاب ولو ف شخص قرب منك او عمي لقاك عيطي ونكون عندك تمام
رناد خشت لدولاب: امم تمام
ايوب طلع
اول يوم قعداته رناد ف الدولاب وتاني يوم الصبح رجع محمود تلوح ع السرير وحس بحركه ف الدولاب قام وفتحه
رناد فكراته ايوب:انت بتساعدني صح
محمود جبدها من شعرها: اي وهلبااا بنساعدك
رناد عيطت بقوة
ايوب كان يفطر مع امه ف المطبخ سمع العيطه ركب سيارته وقعد يكلكس
محمود استغرب طلع
ايوب نزل من سيارته: عمي تعلا نبيك ف موضوع
محمود قربله: خيرك تكلكس
ايوب: عياطها معبي المنطقه شن رايك نعطيك استراحة صاحبي
محمود سكت
ايوب :ياعمي بناتك يسمعو فها تعيط راه
محمود قعمز برا مع ايوب: باهي كلمه
ايوب: تمام
،،
،،
رسل ف المستشفى خشت للكافيتريا
الشاغل،نسكافيه كلعاده
رسل: اي ياريت
الشاغل جهزلها الطلب ومدلها الكوب بس جت ايد تانيه وخداته
رسل تلفتت: عفوا !!
اسامه خدي الكوب: منحبش نستنى،، وخدي الكوب ومشي
اسكندر خاش شاف لصار بوووم خش ف كثف اسامه وطاح الكوب
اسامه: اعممممى ??
اسكندر: كان اني اعمى انت وين عيونك ?!
اسامه طلع
اسكندر قرب للكافي: ساده
رسل: شن يعني لدرته?!
اسكندر: شي اصلا طلع قدامي بلغلط
رسل قعدت تشوفله: اسكندر انت علاش جاي
اسكندر:بناخد قهوة !
رسل: اسكنددر انت فهمت شن نقصد انت شن جابك للمستشفى
اسكندر شافلها: علاش وجودي ماثر فيك ?!
رسل: ولارح يحركلي شعره
اسكندر شافلها بدهول
رسل: اني مننساش وانت اكثر انسان تعرف
اسكندر يشوف لعيونها: بتبكي ?!
رسل عيونها بدون مبالا تعبو دموع: لو ماتمشيش اسكندر من هني اني بنوقف خدمتي
اسكندر بصوت واطي: تريحيني اصلا اني من الاول مانبيكش تشتغلي وخصوصا ف مستشفى فها حوالى 30دكرر
رسل سيطرت ع دموعها عشان مينزلوش وشافت ايده: وين دبلتك ?!
اسكندر شاف ايده وكانت خاليه مافيهاش دبله: نسيتها ف مكتبي
رسل سيطرت ع كل شي فها: انت ادير عملتك واني لننحرق بروحي غلط تدكر ف روحك كم مره تحرقني ?!
توا جي دوري لنحرقك
يتبع…….
لقراءة الجزء التالي : الجزء السادس من رواية خط احمر
لقراءة الجزء السابق : الجزء الرابع من رواية خط احمر
للإطلاع علي فهرس اجزاء الرواية : جميع اجزاء رواية خط احمر للكاتبة ميشو محمد
جميع الحقوق محفوظة للكاتبة ميشو محمد .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء الرابع من رواية بقايا امرأة
الجزء الرابع من رواية بقايا امرأة
أبريل 6, 2022
صورة جميلة لغلاف الجزء السابع من رواية عشقها لعنة
الجزء السابع من رواية عشقها لعنة
يونيو 5, 2022
صورة جميلة لغلاف الجزء الرابع عشر من رواية كنت للروح سقيا
الجزء الرابع عشر من رواية كنت للروح سقيا
يونيو 12, 2022
صورة جميلة لغلاف الجزء التاسع من رواية جعلني انثي
الجزء التاسع من رواية جعلني انثي
مايو 28, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرام
زر الذهاب إلى الأعلى