18/19
القائمة
روايات
بحث عن
الرئيسية/الجزء
الجزء
الجزء الثامن عشر من رواية اولاد سلطان
الجزء الثامن عشر من رواية اولاد سلطان
صورة مهند أدهم مهند أدهميونيو 4, 20220571 11 دقائق
وفي الجزء الثامن عشر من رواية اولاد سلطان يا تري هل سيحدث شيء غير معقول يجعل الرواية تشتغل اكثر وأكثر ام لا ؟ دعونا نعرف إجابة ذلك في السطور التالية بإذن الله مع الكاتبة ميشو محمد .
الجزء الثامن عشر من رواية اولاد سلطان
اول شي تهبلووو ششكر ا ع دعم لصار ف الحلقة لفاتت
وحق ربي وحق ربي فرحت قريب طرت
نحبكم ♥♥
مازن ف عالم تاني
صدام طلع هاتفه صور مكان الاصابه ومشو طلعو
صدام برا اتصل: ايوواه مراد ابعت زوز يقعدو مع مازن
انس:انت امشي لخدمتك اني بنقعد معاه
..
شيماء تبكي بقلب محروق:صوته ياعهد مش مرتاح 😭😭💔
عهد رعشت:اهددي ماتخوفينيش من الخوف قريب نولد ياهمي
شيماء لوحت روحها ع السرير ووجها مكتوم ع الوساده وتبكي
عهد: نمشي نجيبلك طاسة اميه تهدي
ونذزلت عهد جابت الميه
شيماء:مانبببيش
شيماء:اذكرت بو مازن اتصلت بـ ايلاف وخبرتها
ايلاف حصلت رعشه اتصلت بـ عمها فتحي وعمتها وفاء ومشو للمستشفى
..
بعد مرور اربعه ساعات
مازن بدي يفتح ف عيونه شاف الممرضه:وين اني
ممرضة:انت انصبت الف لاباس …وطلعت
انس كان مقعمز يدخن متعرفش الممرضة انه يستنى ف مازن فاتت وماقلت شي وانس قعد يستى
قام هاتفه (طمني عليك ناار تاكل فيا بلله عليك)
مازن ابتسم واتصل
شيماء كانت بروحها لانه عهد نزلت قعمزت مع عزوزتها
شيماء قامت هاتف امها وتبكي: ماازن
مازن ابتسم:عيونه
شيماء تبكي
مازن مبتسم:خلاص ياعمري مصار شي
شيماء تبكي: باهي خيرك اني مش فاهمه
مازن:مصاب بسيطه مدوريش
شيماء بتتكلم قاطعها
مازن:محلاه صوتك خايفه عليا ياروحي ❤
شيماء تنهدت: بنموت عليك
مازن حس انه الباب بينفتح قلب الهاتف وحطه جنبها مقلوب ع السرير
انس خش:الحمدلله ع السلامه
شيماء فهمت انه انس خش عليهم لكن مبتش تصكر اخط
مازن: الله يسلمك
انس: صدام جذي خدي الرصاصه وصورك ومشي
مازن؛ الرصاصه كانت لقلبي مش لكثف اني ركزت ف الولد من بعيد وعرفته يصوب عليا اني تحركت قصدا عشان تجي ف كثفي ف اخر لحظه
انس:اي زابط حتى صدام عرف انه الرصاص لـ قلبك
شيماء ايدها ع فمها؛ رصاصه !!!!!…وصكرت الخط
شيماء:رصاصه مره وحده علاش هكي يصير معانا علااش
مازن طوول الوقت يكلم ف انس وغصه ف قلبها كان بيهبل ع شيماء انها خايفه عليه وكمية الخوف ف صوتها خلاته يزيد يعشقها ❤
..
معتصم كل يوم ينزف انفه مشي ودار تحليل وقالوله يجي بكرى يستلمه
اتصل بضحى
معتصم:باهي ياسر اهو سمعت الكلام ومشيت لتحليل
ضحى:نشالله تكون سليم
معتصم: علاش مهتمه بيا فهميني؟!
ضحى سكتت
معتصم:ادوي!!
ضحى: مع الوقت تعرف
معتصم: توا بنصكر تبي شي
ضحى: لا سلامتك
معتصم: شكشرا ع الاهتمام تصبحي ع خير
ضحى تلبكت صكرت وقلبها خلااااااص
ضحى:كله من صاحبه رعشني قال عنده سرطان
معتصم كان حاسس بالارهاق رقد وهو ويفكر
معتصم: معقولا لو تعرف انه اني مافيا شي تسيبني، اي واني مش رح نخلاها ترخي بيا من جديد مستحييل،بس اني منستحقهاش اني وين وهي وين هي عكسي تستاهل الاحسن
نهي كلامه بانه معتصم بينسحب من ضحى 💔
تاني يوم:-
معتصم مشي للمصحه وكان التحليل سليم مافيه شي
يعني النزيف كان طبيعي او ضربت شمس
الساعه 12:30
اتصلت
معتصم: ايوواه
ضحى: طمني شنوشفتها؟!
معتصم كانذ يبي ضحى هي لترخي بيه مش هو يرخي بها: اي سرطان في الدم
ضحى ركبتها رعشه ف جسمها بلكامل وبدت توتوت: في اي مرحله ؟!
معتصم : منعرفش
ضحى: باهي كيف علاجك كيف بتتصرف… قاطعها
معتصم: ضحححى خلاص لهني رخيتي بيا مرة وتوا رح ترخي وبجديات
ضحى بعصبيه: رخيت بيك مره بسبب طيشك لكن مستحيل نكررها سامع … قاطعها
معتصم بعصبيه: انيييي… قطعاته
ضحى: لالا بلله لا متقولش هكي اني وانت مليناش علاقه بمرضك ومستحيل يوقف بينا السرطان معتصم
معتصم ابتسم: لكن انتي كارهيني؟!
ضحى: نحبك اني نحبك منكرهكش
معتصم تنهد
ضحى: معتصم اني بنمشي للمنارة توا فاا بعدين نكلمك تمام
معتصم: بنلاقك ف الطريق
ضحى متبيش ترد صكرت عليه
وفعلا
ضحى لبسة عبايتها وخدت مصحفها ف شنطتها وهاتفها وطلعت في طريق تمشي لعند شافت سيارته
ضحى توشوش لـ روحها:ياربي منقدرش نركب معاه مش لانه مانوتقش فيه لابس اني منحبش هكككي
معتصم نزل:ضحى
ضحى قعدت تشوفلها وف داخلها معقولا بعد حباته ياخده السرطان
معتصم: الاحسن انك تشوفي غيري
ضحى تحشمت من الكلمه ومع ذلك حستها رزينه: معقولا يجيني السرطان تتخلى تليا انت؟! جاوبني؟!
معتصم تنهد بقلة صبر: بعيد الشر، ضحى شن تبي فيا اني طايش سكاروانتي بنت هادية قريبه من ربي بريئه حرااام نظلمك معااي
ضحى: معتصم نعرف انك تغيرت ونعرف انك تمارس ف علاج ف تونس ع الادمان
معتصم: بس….قطعاته
ضحى عيونها تعبو دموع بصوت: اني تقدمولي يامعتصم اي تقدمولي خطابه اني خفت هلباا مقدرتش حتى نوافق اني نشوف الشباب كله انت مجرد مانشوف شاب اي شخص نذكرك
معتصم شاف الطريق بتوتر: ككيف؟! وامتى؟!
ضحى: مراد اظن انك تعرفه
معتصم نصدددم: مني مراد؟!صاح صاحببببي؟!!!
ضحى:اي لشفته مره معاك هو لخطبني
معتصم ركب سيارته وولع ومشي: مررراد يخطبهاا؟!
ال 🔞
كييف واني لكنت نحكيله قداش نحبها واني لكنت نحكيله قداش متحمله مني وهو لكان يشجع فيا ع الغلط
مراااد مش مصددق
..
المغرب
مازن حقاقو معاه ونفخوهمله بعد المغرب قام الهاتف:اسمع دكتور اي حد يجي قوللهم مات معاش نبي حد يجيني
دكتور ضحك: حاظر …وطلع
مازن اتصل بشيماء وقعمز بصعوبه ومتكلمش لين سمع صوتها او صوت امها
شيماء:ايوواه
مازن:فرخه اسمعي وافتحي وذانك كوويس
اني مش كان نصبت معناها تغفريلي لاني نصبت وتقعدي بشفقه تكلمي فيا
يا تكلميني وقلبك يحبني وصافي يالبن يااني نصفيه بروحي
شيماء:اممما مصح وجهك انت وتكنك تقولي ازعلي واطربقي ياحيوان واني هني ز الارمله من بكري نبكي
مازن ضحك لا اراديا: ههههههعع واااك
شيماء ابتسمت ع الضحكه: تمانيه شهور توا حسيت بضحكتك ❤
مازن: متاكده صافي يالبن؟؟
شيماء: مش صافي يامازن اني منكذبش زيك صدقني حاااره انت مكنتش لا معجب بيا لا تحبني افهم حط روحك مكاني
مازن: حطيت روحي وهدا علاش نتكلم قك عليا
لكن صدقيني ملعبتش ومكذبتش عليك لم قتلك نحبك
شيماء: اني نحبك وحسيتك لم تعصبت لم كنت عندك سامحتك
بس مافيش مانع لو بتراضيني انت
مازن:ادلالي ياعيوني واحلا من نراضي
شيماء: مش مصدقه بابا رضي يامازن
مازن: واني مش مصدق توا انظم اموري ونتم فيك
والحركه لدرتاها قدام عبدو حسابها بروحها
شيماء: وين انصبت مقتليش؟!
مازن تنهد: ف كثفي بسيطه
شيماء: اممم مازن اسفه ع الكف لضربته ف حوشك
مازن؛ نستاهله
شيماء: خاطري نشوفك وناخد هاتفي
مازن: لا وين بتشوفيني قعمزي مش ناقص اني ماصدقت بوك وافق واخيرا
برسمي ياشيماء اني منعرف شي ف البيان يعني مش عارف شي
شيماء: مش ضروري بيان دير دبلة بس
مازن ردت فعله: ندير انمم باش نقعد مضحكه قدام اهلك فلوس عندي قصدي مانعرفش شن بنعطيك وكيف بناخدلك افهمي ياطاسه
شيماء: ههههه دولابي معبي مانبي شي
مازن: هههه حمارة طول عمرك دولابك ياسمحه ف حوشي وفاضي فاا معاش تخرطي خير مانخرط اني
شيماء: مبردك
الممرضة خشت: هيا لو سمحت حول الهاتف بنعقملك كثفك
شيماء سمعتها 🔥: مازن لو تمسك القردة لجنبك مش رح نرضى واني قتلك
مازن تلبك الممرضة قدامه نزل الهاتف؛ اطلعي توا مش وقته بعدين
شيماء: شن هو لبعدين مازن اني قتلك
ممرضة: اني بنروح هيا لو سمحت لو متبيش خلي نطلع نروح
مازن بااحترام : اطلعي تو نعقم بروحي مشكور
الممرضة ابتسمت وحطتهم وطلعت
شيماء: مش مشكور حبيبي تاخد ف فلوس ع خدمتها فا بلاش تشكرات افندم
مازن: هي بري خلي نعقم جرحي قبل مايجيني حد من الشباب
شيماء: نحبك باي
مازن ضحك: حيوان طول عمرك ديما الكلام لحلو ف الاخير
شيماء ضحكت وصكرت
مازن فتح سوريته وحول الضماد وخدي معقم
طق الباب وخش
انس ف ايده عشي: سلام عليكم
مازن يعقم بوجع: وعليكم السلام وين كنت
انس: ف المحكمه والحوش بعدين شفت صدام شن صار معاه وجيتك
مازن عقمه ورجع لضماد عليه: اسمع لم خطبت بنت عمي شن رفعتلها؟!
انس ضحك: توا ديرلي جو بنت عمي وولد عمي باش نلوحك ف الجبانه
مازن: مش وقتك بتريس
انس: علاش تسال
مازن: بنتم ف اختك
انس: امي خدتلها مش اني
مازن: اي واني نمشي نقول لمك تشريلي ولا كيف 😂
انس: علاش امي عندك عمه وعندك بنت عمك اطلب مساعدتهم
مازن: مع احترامي لمرتك بس مستحيل نتقبلهم سمعتها هادي وياريت معاش تتكرر بتريس
انس: جوك العصر اطمن بوك عليك من الدكتور وروح
مازن بصوت حاد: احسن من منظره كان نشوف وجها المستشفى نقلبه فوق راسه
انس: تعشى
مازن: هدا شني كريب و همجر لالا ممنوعات عليا هادم
انس: فكنااا عاد كول شن بيصيرلهم ريتي هلعضلات اهو اني ناكل كول بلا سماطه
مازن: اني كوتش ونعرف مصلحتي
..
ايلاف تبي تسهر مع انس بس اضايقة من وتين تحس عليهم يعني كبرت وبدت تعاود ف الكلام
ايلاف خشت شافتها تتفرج ع رسوم: وتيني نجيبلك جيلاطي طرفك متع بكري
وتين ناضت وقفت وقربت: ايلاف علاش ماما ماتجيش تعيش معاي هني اهو انتي جيتي
ايلاف: بس اني تزوجت انس
وتين: نعرف ني لكن حتى ماما تزوزت
ايلاف 🤐: كيف بنشرح
وتين: بوي وين ني نقوله
ايلاف: بري خودي جيلاطيك من التلاجه
وتين مشت خداته وجتب لصالة
انس خش وفي ايده كياس: رقدتو
ايلاف بملل: ف الصالة
انس خش وفي ايده غزل بنات زوز عودات: بنياتي
وتين وايلاف يشوفووله بملل وماحد تحرك من مكانه
انس ضحك: تعاركتو
ايلاف خشت لغرفتها وسيبتهم
انس: وتين شن في
وتين: روحت ني من الروضه وايلاف قرت وضربتني
انس ركباته نار: علاش ضرباتك شن درتي
وتين: شافتني نتفرج بس
انس: باهي انتي تفرجي هني واني نكلمها ونجيك
خش شافها تولع ف المكيف
ايلاف: انس بنكلمك
انس شد مرفقها: ضربتهااا؟! اني قتلك ياتيمه متضربيهاش صح
ايلاف: امتى ضربتها
انس: اهي قتلي لم تقري فاها ضربتها
ايلاف نفضت ايدها: انس ياسر البنت كل شي تبيه هو الهاتف متعي وكان ناخده تبكي وتقولك وكان نقوللها كلمه توجعها تعاودهالك شن هدا
انس: ليش تضربها مدام عرفتها تحس والعيل مينساش ياايلاف
ايلاف: انس خيرك تشوف ف اغلاطي بس اني نقري فاها ونشرحلها لم قمت عيوني فها لقيتها تتفرج ضربته ع ايدها بسيطه ونفجعت هيا اني ضربتها لمصلحتها عشان تقرا
انس: تعالي قوليلي بس متضربيهاش
ايلاف تبكي: اني نعامل فها برموش عيوني نلبس ونغسل ونوكل وانظف نعامل فها ز بنتي وشي طبيعي الام تضرب بنتها
انس بيتكلم
ايلاف عيونها حمر وتبكي: انت ادور ف سبله عشان ادير مشكله معاي ومشاكلي كلها بسبب وتين تعاود ف الدوه
انس يشوف ف دموعها: اسمعيني…. قطعاته
ايلاف مسحت دموعها: خلاص اسفه معادش نمسها بنت خوك تمام لا نقراها ولا نمسها نهائيآ هكي عشان نرتاح
انس بعد شعره للخلف بقلة صبر
ايلاف خشت للحمام (اكرمكم الله) وتبكي
(وتين كانت من الصغار ليعاودو ف الكلام وانها ادلعت هلبااا وفرخات هلبااااا ف ليبيا)
انس يطقطق ع الحمام: اطلعي اسمععيني
ايلاف بصوت باكي: خليني ف حالي
انس ضرب الباب ومشي لـ وتين: وتيين
وتين جاته: هاا
انس: جيبي حقيبتك
وتين جابتها
ايلاف غسلت وجها وطلعت لصالة: نحطلك تتعشى؟!
انس شافلها: تعشيت.. وبدي يفتش ف الشنطه
ايلاف نصدمت وقفت واقفه ع باب الصالة
انس يفتح ف كرساتها وشاف واجباتها مكتوبات: بكرى بننزل معاك نسال ابلتك انك شاطرة اولا ياوتين
وتين: باه… وتاكل ف غزل البنات
انس: نوضي لدارك ارقدي هي
وتين خشت لدارها
ايلاف فداخلها مش ايلاف لتحط راسها ف راس بنوتة ياتيمه صغيرة بلعكس رح تساعده ف كل شي
انس طفى الضي خش غرفته وشاف ايلاف ف غرفة وتين غطتها وباستها وولعتلها المكيف
ايلاف: وتين عمري خلي المصحف جنب سرير بةهي معاش تحوليه ❤
انس ابتسم لم سمعها: محلاك ❤
ايلاف طفت الضي وصكرت دارها وشافتله يشوفلها خشت غرفتها قدامه وعيونها متجاهلينه
انس صكر الغرفة: اعححم حرجتي
ايلاف تتغطى: تقعد بنت صغيرة ومتعرفش عادي ❤
(شفتوو كيف تتربي بنت خصوصا لو كنتي مرت اب لو وحده متخفهمش راه ناضت عجنت وتين طريحه وخصوصا ف مجتمعنا الوسخ هدا وصلو ف مرحله انهم يقتلو اطفال 💔
حسبي الله ونعم الوكيل)
انس قعمز ع السرير وجاب الاب توب وبدي يخدم ع القضيه لـ عليه
ايلاف تلفتت ناضت لجهته صكرت الاب توب: طول اليوم وانت تكتب ع القضيه ومهتم ف خدمتك ومش هامينك عيونك انت مش مهتم بصحتك
انس: عارف ولا مهتم بيك اني مقصر معاك ونعامل فيك وتكنك مرت اب صح؟!
ايلاف قامت الاب توب حطات ع الطاولة وقربت قعمزت قدامه: بلعكس نحبك اني تخيل للحظه انه اني مثلا نجيب بنوتة ونموت وانت تتزوج… قاطعها
انس جبدها وطيحها عليه وصبعه ع فمها: تحركي من مكانك بعيد الشر
ايلاف فوقه تلامست لحيته: تبدا مهتم ببنتنا ز وتين وتغار علها من نسمة الهواء
انس يشوف لعيونها: صكري فمك بلا نم
ايلاف ابتسمت وتلعب بـ اعصابه: وتبدا تهزب ف مرتك تهتم ببنتي ونكون مرتاحه ف قبري … قاطعها ببوسه ع 💋🙈
انس شافلها: تصكريه ولا نصكره
ايلاف ضحكت
انس ايده ع خصرها: الله لايقدر، عفكره سامنه صايره بقرة شن هدا شكارة سكر فوقي
ايلاف ناضت بس زاد جبدها وطاحت عليه برسمي ولصقت ف وجها
انس يشوفلها: الله الواحد ميعياش منك ولا يتعب ولا يمل عيونك حريقه 🔥❤
..
معتصم اتصل واتقفو يتلاقو ف اليل
معتصم خش للاستراحه لـ مراد وشاف معاهم زوز بنات وكانو زوز ولاد مراد وواحد تاني
مراد سكران: تعلا تعلا.. وبدي يااشرله
البنات يفنصو ف معتصم ف طوله وعرضه 🙂🔥
معتصم قام مراد من رقبة سوريته وعيونه حمر: اني يامراد تغدر فيا انيي لنحكيلك ف يومي بدقيقه وداير 🔞اخ مش صاحب…. وحدفها ع الارض
البنات 😍
مراد نصدم ويشوف ف معتصم بس
معتصم عيونه حمر: اني يا🔞انييييي … وضربه برجله بقوة ع بطنه وعجنه طريحه وطلع
معتصم ركب سيارته واتصل ودمه محروق بيدون مايشوف الساعه 2:00 اتصل بضحى رن رن رن رن
ضحى بصوت راقد: خير شن في
معتصم يسوق وفاتح المايك: انتي اني بناخدك ولو نبدا من اعفن الناس فاهما
ضحى ابتسمت من نومها: عاصم اني راقده شن تقول
متعصم: عاصم شني شن تخرطي
ضحى من الصدمه: قصدي مراد غلطت
معتصم ضرب الدومان: شوف المتصل من مراد وعاصم
ضحى ضحكت ف نومها: نبصر نحرقلك ف دمك بس
معتصم شد فرينو: اني محروق محررروق صاحبي ياضحى صاااحبي عرفك من طرفي كان يسمع ف اخبارك مني
ضحى: عادي اصلا اني عرفته عيل
معتصم حك شعره بتوتر: نحبك فرختي ♥
ضحى قلبها💗: حتني
معتصم: امي ليل نهار تنق تبي ترتاح مني نعطاها عنوانك توا؟؟
ضحى: لا شن توا خل نرفض مراد قبل
معتصم: ايييي وشننن تستننني
ضحى: خلاص بكري نقولولهم مافيش نصيب
معتصم هدي تنهد وفكر ف كذبته 🤦♀️: يوم الخميس بنجي تكلمي امك سامعه ونظرة ف نفس اليوم
ضحى. وتبي حتى نظرة !!!
معتصم ابتسم: صوتك راقده؟!
ضحى ضحكت: باهي لحسيت
معتصم:
وكملو تهدريز
..
#تسريع_الاحداث
بعد مرور سته شهور
انس يستنى ف وتين قدام الروضه اةستنى استنى طلعو الصغار كلهم وهي لا نزل شاف الروضه فاضيه شاف بنت ديما يشوف فها مع وتين اسمها اسيل قرب من اسيل
انس:صباح الخير
اسيل: حي انت عمي وين وتين علاش مجتش
انس:كيف مجتش
اسيل سكتت
انس خش الادارة وفعلا مسجلين وتين غياب اليوم
انس:بنت عمرها اربعه سنين ووتين بتكوون
المدير:بنتك مخشتش نهائي اليوم
انس:تمام تمام..وطلع ركب سيارته اتصل بمعتصم ساله لو روح بها وجاوب معتصم كان بنفي واتصل بصدام نفس الشي
روح الحوش:ايللللاف ايللاااف
ايلاف حامل ف الخامس شدت بطنها ونخلعت قربت للباب:شن في خيرك
انس:وتين مزعلتها ايلاف ضربتها او دايره معاها شي
ايلاف:انس خيرك وتين نحبها وبدت تناديلي مامي وتحبني اكثر منك
انس:البنت ملقيتهاش ف الرووووضه
ايلاف ايدها ع فمها:ك كيف و وين بنتي
انس:ممكن نقولو امها خدتها بس امها سافرت وين مشتتتتت البنت
ايلاف رعشت صوتها تغير من الخوف:ياربي احفظها ياربي ابعد علها كل مكروه يارب
انس قرب: اهدي انتي حامل ماترعشيش روحك اهدي..قعمزها
انس طلع بلغ الشرطه وقلبو الدنيا علها لكن فص ملح وداب انس حط ايلاف ف حوش بوه وقعد يتصرف
ايلاف تبكي قريب تهبل وتدعي
بعد مرور تلاته ايام و الطفله وتين مفقوده
ايلاف تبكي والحامل ز مانعرفو لم تكتأب تتصكر نيتها للماكله تلاته ايام ماتكلش الا بلغصب من كريمه وفاطمه
شيماء انخطبت رسمي لـ مازن وجابلها بيان وتم فاها بس وافق انه ايلاف وعمته وفاء هما يرفعولها البيان ♥
عهد جابت ولد وتوا عمره خمسه شهور سموه عاصم ع اسم عمه لتوفه اب وتين ♥
ومعتصم خاطب ضحى بس قعد ماتعرفش انه كذب علها بخصوص مرضه وكل متساله ع علاجه يقوللها انه عالج ويكذب علها قرر انه لو قاللها ممكن تكرها وزاد حبها لم ششافها تهتم بيه وقرر يقوللها بعد الزواج
..
ايلاف طلعت برا شافت انس ف الجنان: انس مسمعت علها شي؟!
انس تلفتت ومتعصب: الكل شاك فيك انتي الشرطه قالولي يبو يحقاقو معاك الكل جاي ضدددك انتي المشتبها للاولى
ايلاف بدت تبكي: انس وتين بنتي وتين تناديلي ماما خيرك مستحيل اني ندير شي مع طفله نشوف فها عيوننني
فاطمه طلعت: باهي فهميني بنت ولدي وين مشت (بعياط ع ايلاف) عمرررررهااااا اربعه سنيييين متعررررف شيييي
ايلاف نهارت تبكي: علاش اني علاش صدقوني ماعمري جرحتها ولا هزبتها كانت ترقد ف حضنيي
فاطمه تبكي تهز ف كتف ايلاف: صغيره وين مشت باهي فهمينا
شيماء طلعت بعدت امها: لا ياماما حرام عليك حامل مش ناقصها
فاطمه بغصه: كل همها تجيب ولدها وتربيه وترتاح من هم وتين الله لا يسامحك كان تصيرلها حاجه
شيماء دخلت امها
انس متعصب: شفتي الكل يقول انتي قوليلي تربحي قلبي نار وين البنت
ايلاف شافتله بكرره: كللللهم توقعتهم يشكو فيا الا انت الكل الا انت
نظرتك هادي مش رح ننساه سامع مش رح ننساه لو نعيش الف سنه
وتتتتتتييييين تقوووولللل مااااماااا كيف بندير فها هككككي
سلطان خش يكشخ: انننس وصل مرتك لحوش عمتهاا خلينا نلهو بمصيبتنا
(شاف ايلاف)
بنت ولدي بترجع ولو نسمع منها انك انتي السبب ف هدا رح نحرمك من شوفت ولدك ونحرقك كيف متحرقي فينا ع بنتنا… وطلع
انس طلع وسيبها
ايلاف: استنى نبيك تروح بيا انس: هي اني برا
وطلعو روحو لحوشهم
انس خش لغرفة وتين لكانت مليانه العاب قعمز ع سريرها بس حس انه رجله لمست شي تحت السرير نزل وشاف طوبو نصدم خداه وطلع خش لـ ايلاف لكانت حاضنه روحها وتبكي بعبرتها
انس بغلل وايده الطوبو:ه هدا شنني
ايلاف قامت عيونها:طوبو
انس:هدا كان ف غرفة وتين تحت السرير
تتبع…
لقراءة الجزء التالي : الجزء التاسع عشر من رواية اولاد سلطان
لقراءة الجزء السابق : الجزء السابع عشر من رواية اولاد سلطان
للإطلاع علي فهرس اجزاء الرواية : جميع روابط اجزاء رواية اولاد سلطان للكاتبة ميشو محمد
جميع الحقوق محفوظة للكاتبة ميشو محمد .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء الثالث عشر من رواية لهيب الإنتقام
الجزء الثالث عشر من رواية لهيب الإنتقام
يونيو 4, 2022
صورة جميلة لغلاف الجزء الخامس من رواية انتقام قرين
الجزء الخامس من رواية انتقام قرين
يونيو 11, 2022
صورة جميلة لغلاف الجزء الثامن من رواية طبيبة قلبي
الجزء الثامن من رواية طبيبة قلبي
يونيو 19, 2022
صورة جميلة لغلاف الجزء السابع من رواية اصبحت حياتي
الجزء السابع من رواية اصبحت حياتي
يونيو 6, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرام
زر الذهاب إلى الأعلى
القائمة
روايات
بحث عن
الرئيسية/الجزء
الجزء
الجزء التاسع عشر من رواية اولاد سلطان
الجزء التاسع عشر من رواية اولاد سلطان
صورة مهند أدهم مهند أدهميونيو 4, 20220581 11 دقائق
وفي الجزء التاسع عشر من رواية اولاد سلطان للكاتبة ميشو محمد جزء جميل مليء بالمتعة والتشويق لا تفوت فرصة قراءته عزيزي المتابع في السطور التالية بإذن الله .
الجزء التاسع عشر من رواية اولاد سلطان
انس بغلل وايده الطوبو:ه هدا شنني
ايلاف قامت عيونها:طوبو
انس:هدا كان ف غرفة وتين تحت السرير
ايلاف بتتكلم
انس قامها من مرفقها بقوة: شنننن جاااب الطوبو لوتين
ايلاف تشوفله بصدمه
انس: تككككككككلللللللممممممي
ايلاف نفضت ايدها بس كان ضاغط علها هلبا وقدرتش تفكها:بععد بعد
انس: بنت طفله ديري عقلك ف عقلها ياعديمه ال…وسكت
ايلاف:عديمة شني قولها علاش سكتت (نفضت ايده بقوة)
علااااش ماحددد مصدددقننني
انس سحب الوشاح شد شعرها: تلمي ملابسك وتطلعي تقلبي وجهك بكرامتك منبيش نهينك اكثر من هكي..بعد وصل لعند الباب حدف الطوبو ع الارض
انس عند الباب:نجي وجهك مانشوفاش ..وطلع
..
مازن وصدام دايرين كل شي يقدرو عليه بس فص ملح وداب
صدام تعصب حدف الملفات من ع الطاولة:واضح مرت خوي السبب مافيش غيييرها
مازن يفكر: عيب ياصدام ممكن منعرفش ايلاف كويس بس اني شفتها ف حوش عمتي كيف تهتم بها
صدام بصوت عالي:باه وين مشت البنت بورحهاا
مازن من بيانه بدي يزور ف عمته واكثر من مره يشوف ف ايلاف عندها ومعاها وتين
…
ايلاف نهارت ع الارض تبكي تذكر لم ف عرسها جتها وتين تبكي لانها تبدي تشوف العروسة وتذكر لم حنو وتين تدكر لم تعلم فها كيف تظفر شعرها تذكر ف وتين لم ترقد فها جنبها
تذكر
ايلاف راقد وتتلامس ف بطنها:اي ياعمري بيجنا بيبي حلو زيك وتانديله خوي
وتين ايدها ع بطن ايلاف تتلامس فها:لالا نبي بنت ني
ايلاف ضحكت باستها:نشالله تطلع بنت ونسموها إلين عشان يبدو بناتي الين ووتين احلا بنوتات ف الدنيا
وتين:ني احلا لكن مه ني الكبيرة
ايلاف ضحكت وباستها:اي انتي تقعدي احلا واكبر واشطن نجيب بنوتة تقعد معاك ونرقدوها ف دارك تبدي توكلي فها وتلبسي فها ز لعباتك
وتين:اي ونبوسها ز لعباتي 🤤
ايلاف تتامل ف وتين: حليلي قداش حنونه بنتي الغزاله…وبدت تبوس فها ووتين تضحك
وفي يوم تاني
ايلاف تتوحم ع بيتزا
انس يتفرج ويقلب ف القنوات
ايلاف ناضت دارت بيتزا وجت وتين معاها جهزت البيتزا
انس خش المطبخ يشرب شاف وتين تحط ف الزيتونات ع البيتزا وتحط ف الجبنه وفرحانه
ايلاف شافتله:بيتزا عسل بتطلع من تحت ايديات بنتي القمرر..وباستها ودخلت الطجين للكوشه
وهلباااا ذكريات
خشت غرفة وتين وتبكي
ايلاف رقدت ع سرير وتين:تعالي ارجعيلي مانبي شي ميهمنيش اي شي سمعته المهم انك تروحي استاحشتك ياوتيين…وتبكي بعبرتها
ساعتين
وخش انس شافها قعده ومتعصب شافها راقده وكانو صاحبه كلهم يعبو ف دماغه انه مرته هي السبب والكل عبو دماغه انه مرته السبب وبس وزاد تاكد لم شاف الطوبو تحت السرير
خش غرفة وتين شاف ايلاف راقده
انس متعصب يهز فها:هيي ايلاف انتي يابنت
ايلاف فاقت تحك ف عيونها
انس: نوضي تربحي نوضي لحوش عمتك
ايلاف وقفت قدامه:انت مصدق انه اني ندير هكي
انس: خلاص نستنى فيك برا اطلعي
ايلاف تجاهلاته وقعدت اظم ف غرفة وتين لكانت حايسه شوية بلالعاب
نص ساعه وركب انس شافها اظم ف الغرفة
انس تعصب جبدها من ايدها: خلي عندك كرااامه واطلعي اقلبي وجهك قبل مانرتكب فيك جريمه اطلعي
ايلاف شافتله: اني كنت نربي فها قدامك انت الوحيد المفروض توقف معاي
انس:كل شي كان عسل قدامي لكن اني منعرفش شنو كان وراى ظهري
ايلاف: بوك وانت ومرت بوك الكل جاااي ضدي اني مفككرتكم عيلي ….قاطعها
انس طربقها كف وشدها من شعرها قربها ليه:ردي بالك تشكي ف اخلاص عيلتي ليك كانو معاك عيلة لكن اني اللفعه مستاهليش الاحترام ولا تستاهلي عيلة وحده زيك حرام يكون عندها صغار…وحدفها ع الارض
ايلاف ايدها ع خدها وايد ع بطنها نصدمت بلسمعاته 💔 وقفت ومشت غرفتها خدت ملابس ف شنطه صغيره وعبايتها وشاحها وركبت معاه من الخلف
وهو يسوق
ايلاف تفكر وين رح تكون طفله ز وتين وفكرت بتمعععن واذكرت شي
ايلاف كانت بتقوله لـ انس
انس: متتصليش بيا ولا تسالي ع وتين سامعه صوتك منبيش نسمعه وكان تموتي وتتعدبي بلعرق صوتك متسمعيشي ليا انزلي
ايلاف نزلت
انس خدي منها الشنطه:بعدي اني ندخلها
ايلاف خدتها منه: عندي ايدين
مجرد ماايلاف قعدت عنده عمتها وطول يومها تصلي وتدعي وتبكي وتاكل بلغغغغصب من عمها فتحي لكانت تحبه ز بوها
ايلاف معرفتش كيف ولمني تقول في فكرتها لعند ماجي مازن
مازن:كيف حالك ياعمتي
وفاء: سلمك الحمدلله
مازن ميعرفش انه ايلاف عندهم: عمتي اتفقت معاك الفترة لفاتت انك تمشي لحوش سلطان عشان العرس بس ياريت تاجلها لانه مش وقت عراس توا
وفاء: ربي يرجعها سالمه
مازن وقف:نشالله هي ماتبي شي
ايلاف لبسة وشاحها وطلعت:السلام عليكم
مازن تلفت:وعليكم السلام
ايلاف:كيف حالك مازن
مازن:الحمدلله بخير
ايلاف: بعد اذنك عمتي عادي نكلم مازن شوية
وفاء:باه اني بنطلع نسقي الوردات..وطلعت
مازن شافلها:نشالله خير شن في
ايلاف قعمزت:عادي تقعمز ناخد من وقتك شوية
مازن سحب كرسي وقعمز
ايلاف:مازن منبيش ننفخلك راسك بس انت شرطي ومعنديش غيرك ممكن انت تقدر ترجعلي بنتي
مازن:تعرفي شي
ايلاف: اسمعني وتين طول اليوم معاي وصدقني تحبني اكثر من انس واكانت امها مطلقه وسافرت وكانت كل يوم كل يوم تتصل وتكلم ف وتين وتترجى ف انس انها تاخدها بس من لم اختفت وتين ولاء ام وتين معاش اتصلت مش معقولا تكون صدفه
ولاء كانت مسافره ومقيمه ف مصر
مازن سرح ف تفكيره
ايلاف بنبره باكيه: صدقني ونحلف ع المصحف ملياش علاقه بفقد وتين بس توا خلاص معاش يهمني حد المهم انكم تتصلو او تسافرو تشوفو ولاء ممكن تكون خطفتها
مازن: كلامك مافي حد فكر فيه بس انت مممن تتصلي بـ امها نبي نسمع ردت فعلها
ايلاف فتحت هاتفها واتصلت بـ ولاء الرن الاوله صكرت
مازن: سامحيني بس قواعد شغلي مططر نشغل تسجيل صوتي…وفتح تسجيل صوتي
الرنه التاني ردت ولاء
ولاء:الوو
ايلاف:ولاء كيف حالك
ولاء: كويسه خيرك شن تبي
ايلاف:اهااا لا شي
ولاء:اي وليش متصله
ايلاف: شي بس نبي نسالك وتين تعاني من حساسيه
ولاء تلبكت:وين نعلم بها اني
ايلاف: تمام فكرتك تعرفي باي…وصكرت علها
مازن صكر التسجيل: واضح انه البنت عندها لانه من ردود فعلها وكيف تتكلم وخصوصا انه مسالتش او قالت تبي تكلم بنتها
ايلاف وقف: جيبهالي بلله عليك معنديش غيرك
مازن:اهدي خودي رقمي من عمتي وصلو صار شي تتصلي بيا..وطلع
..
خش مازن للمركز وعقله مش عليه:صدام بسرعه نوض بنمشوو للمطار
صدام وقف:مش وقت مطارات توا ياراجل
مازن:بنت خوك مع امها
بااختصار
انس سمع من مازن ومازن فتحله تسجيل الصوتي لكان بين ايلاف وولاء
انس اتصل بها:يا🔞 اسمعي وافتحي وذانك كويس تعرفيني اني مني اني انس سلطان ال،،،، ونعرف انه البنت بين ايدك لكن اسمعي كوويس تعرفي مترجعيش انتي وياها ومانبيش نحلف ياولاء ف النهاية انتي مرت خوي
ولاء صوتها رجف:ماننكرش ياانس بس افهمني نبي بنتي اني
انس: تمام رجعها عهد عليا تقعد عندك يومين ف الاسبوع رجعها بس لوووو تلعبي معاي نبلغ ف امك الشرطه المصرية يشحطوك لعندي وانت تعرفي شن يعني خطف البنت فا بلاش بهدله
ولاء تبكي:حاظر
انس :عطيني نكلمها
وتين: حي بابا انس
انس ابتسم:وينك هبلتيني وينك انتي
وتين: وين ماما ايلاف طيني نكلمها
انس:علاش خيرني اني
وتين: نبي ايلاف نقوللها حاجه
انس:قوليلي الحاجه اني
وتين: باه قوللها قتلك وتين تبوسلي إلين باهي
انس:من الين؟!
وتين: الين لعبتي…وفصل الخط
انس: خلاص صكرو المحظر رح ترجعها …وركب سيارته
انس بعت رساله ( قتلك وتين بوسيلي إلين)
ايلاف عطول قرتها واتصلت بيه: جيبهالي انس نبي نشوفها ..قاطعها
انس:مش قبل مانعرف قصة الطوبو ياشاطره
ايلاف:باهي اسال وتين ع الطوبو،بس بلله جيبها
انس صكرعلها
ايلاف ماتت من البكي: نبي نشوووفهاا
مررو يومين ووصلت وتين لليبيا
وتين مشت تجري لـ انس:هيا نروحو بسرعه
انس باسها:علاش فهميني بس
وتين: نبي امي
ولاء:اني امك مافيش غيري
وتين: انتي ماما ولاء لكن نبي امي اني هيااا
انس مكانش يبي يرفعها خصوصا لم يذكر الطوبو شاف ولاء: ولاء كيف وصلتي ف وتين
ولاء: دفعت فلوس لخوي وجابها
انس بغصه وتوتر:وايلاف؟!
ولاء:خيرها؟!
انس:يعني ايلاف متعرف شي؟؟
ولاء بااستغراب:شن دخلها ايلاف مفهمتش
انس: تمام تمام ارجعي لحوش بوك والبنت توصلك كل فتره…وطلع وهي ف حضنه
وصلها لحوش جدها الكل يبوس فها وهي فرحانه تحضن فيهم وفي جدها وتبوس فيهم
وبعدين هربت منهم وركبت فوق وادور ف الغرف
انس قرب:وتين شن اديري
وتين ايدها فهمها بمعنى اش:بنخلع امي اششش
انس سيبها وخش لصالة شاف عاصم ولد صدام:مشالله كبر
عهد ابتسمت
ونين خشت لصالة وتشوفلهم: وين امممي ياشيماء
انس: قعمزي وتين خلاص
وتين قربت قعمزت جنبه:هيا نروووحوو
سلطان:اش يامسخه اقعدي عندنا
وتين:ياجددي نبي اممي
معتصم:نرفعها اني لـ ايلاف
انس شافلها:ريح روحك مافيش ايلاف بعد اليوم
لعند مسمعو الباب يطقطق
سلطان وانس طلعو سلطان فتح الباب
ايلاف بتتكلم
انس:انتي شن جيبك هني ارجعي
ايلاف بكت:نبي نشوفها بلله عليك
ف الصالة استغىربو مني ع الباب ناضو طلعو شافو ايلاف
وتين ضحكت مشت تجري لـ ايلاف حضنتها
ايلاف طبست لانه متقدرش تقيمها تبكي حضنتها بعدتها باستها:هكي تخليني
وتين تمسح ف دموع ايلاف:تبكيش كنت عند ماما قتلها ترجعني ناخدك قالت لا 🤷♀️
ايلاف ابتسمت باستها: استاحشتك ياشطانتي
صدام ومعتصم طلعو والباقي قعدو يشوفو ف ايلاف ووتين
انس 💔
سلطان:خشي يابنتي داخل خشي
ايلاف:لالا ياعمي بنمشي جيت نبي نطمن ع وتين بس
فاطمه تبكي وطلعت:سامحيني سلم بنتي اني دمي نحرق ع بنت ولدي وجت الفشه فيك
ايلاف:لا ياعمتي متقوليش هكي انتي كنتي متعصبه ودمك محروق وجت الفشه فيا عادي
فاطمه:نشوف فيك ز بناتي صدقيني بس ركبني عفريت لم نسمع ف كلام الناس
ايلاف ابتسمت:مدامني ز بنتك عادي الام تضرب وتعيط ع بنتها شي هدا مش بينا
انس اذكر الطوبو: شوفها واطلعي لانه الحوش هدا معاش مرحب بيك نهائي
سلطان: اننننسسس
ايلاف شافتله:حاظر مش رح نزعج حد بنشوفها ونمشي اساسا
وتين شدت ايدها: حتني نمشي معاك باهي ونلعبو مع إلين
ايلاف ابتسمت: انتي رح تكون اخت لـ الين و تيم
كريمه فهمت علها
وسلطان فهم تحشم طلع:السلام عليكم
كريمه حضنتها:اشششيه مبروك تنوضي بسلامه نشالله
وتين:شنو يااماما علاش
شيماء باست وتين:ماما بتجيب تؤام
انس: نرجع وجهك مانشوفاش…بيطلع
ايلاف:لا استنى انس
انس تلفتت شافلها
ايلاف باسة وتين بقوة وسلمت عليهم وطلعت: استرو لشفتوه مني
كريمه ايدها ع صدرها: علاش هكي اهيي البنت رجعت بسلامه ليش المشاكل
فاطمه قربت من انس:كان عندي معزه عندك ماتخليها تطلع ياانس
انس سكتت
فاطمه كشخت عليه: نكلم فيك يااانس
ايلاف؛ لا ياعمتي لا بعد لداره فيا اني مش مستنيه كلمه منه عشان نرجع مستحيل مزال تجمعني بيه كلمة
كريمه قربت:لا يابنتي صغارك ماتخليهمش يولدو من غير بوهم
ايلاف:لا ياعمتي مافها شي سامحيني بس لو كانو هامينه صغاره مكانش مد ايده عليه وضربني ممكن الناس كلها تشك فيا الا هو
وتين بدت تعيط لم شافتهم يتعاركو
ايلاف طبست قدامها: وتيني ماتبكيش اهي معاك شيماء ومعتصم وصدام وعهد وعندكم عاصم العبي معاه وانس مش رح يخلي حد يزعلك
عهد بدت تبكي
ايلاف باسة عاصم
وتين شدت عباية ايلاف وتبكي
ايلاف طلعت ووتين شادتها شيماء وتعيط تنادي ف ايلاف
ايلاف رجعت لـ انس:خليني ناخدها الله يربحك
انس خدي وتين من شيماء: روحي تو تبكي شوية وتسكت
وتين تعيط
ايلاف وجعتها انها هي مستاحشه وتين ووتين تبها:نترجى فيك خلها معاي اليله بس بلله انس
انس شاف وتين:باهي اسكتي انتي
وتين سكتت وانس نزلها
ايلاف طبست بتقيمها
انس بدون ميحس:هيي متقيميهاش تقيله عليك تمشي
ايلاف شدت ايدها وطلعت معاها ركبت مع عمها وطول الطريق ووتين ف حضن ايلاف
(يقولو ناس قبل الام لتربي مش لتجيب وديما العيل يحب امه لتربيه اكثر ن ليجاباته)
وصلو ولقت مازن عندهم
مازن :ليش رجعتي متعاركين
ايلاف: متشغلش بالك…وقربت بتخش غرفتها مع وتين
مازن: ايلاف اني منعرفكش ومش من حقي ندخل بس اعتبرين اخ ليك تمام..وهاتفه رن
ايلاف اكتفت بـ ابتسامه خشت الغرفة صكر الباب وعطول محست بشي الا وهي ع الارض وتنزف
وتين رعشت وطلعت: امي طاحت
مازن كان برا يكلم ف شيماء
وتين ضربت رجل مازن بيدها:امي طااحت
شمازن:شيماء دقيقه ونكلمك…وصكر
شيماء سمعتها
خشت وفاء وبدت تفيق فاها
ايلاف ف عالم تاني
جي فتحي كان عنده صحة قامها وطلعو باها للمستشفى
..
شيماء ارتعبت نزلت لصالة وكانو كلللهم بلكامل
شيماء: ياامي ايلاف طاحت وخدوها للمستشفى
انس وقف وطلع
كريمه وقفت بعده: استنى ارفعني معاك
انس طلع وكان اطرررش واتصل بـ فتحي ف اي مستشفى وعطاه العنوان
دقايق وطلعت كريمه ومعتصم
عهد: طمنينا علها عميمه
شيماء خايفه:ياشرب نشالله خير حليلي خايفه بنموت
فاطمه: ووه حصلت رعشه البنت نشالله خير يارب نشالله يارب
عهد تسكت ف ولدها لبدي يعيط: يارب يارب
..
في المستشفى
انس خش شاف مازن لوطى
انس:انت شن ادير هني
مازن: اني صاحبك وز خوك واعرف مني ياانس انه الحاله لفيها ايلاف انت سببها لو صار شي حملها اعرف انك السبب
انس تعصب: بارك الله فيك زدت طمنتني صححيت
مازن تعصب: بنتك رجعتلك وايلاف مغلطتش علاش….قاطعه
انس: مازن الزم حد اني ماحد يعلمني كيف نعامل مرتي…فاته وركب مع الدروج خبط ف ممرض وهو راكب فاته قعد يمشي لعند شاف وفاء وتين قرب
وفاء ساكته
وتين قربت تجري لـ انس
انس طبس:وتين احكيلي شن صار
وتين:صار شي لم روحنا طاحت وبدي يطلع منها دم
انس قرب لـ وفاء: خيرها شن صاير
وفاء: اضربها وهزبها ولزها وهينها وتعلا بكل صحة وجه واسال علها
انس تعصصب دف الباب لكانت وفاء قدامه وخش
كانت ايلاف راقده مولين وشاحها ومعاها الدكتورة
دكتورة:شن الوقاحه هادي
انس قرب ايد حطها ع ايدها والتانيه ع راسها:خيرها شن صار
الدكتورة: اطلععع
انس عيونه حمر: اطلعي احسن ما وراسها نقلب المستشفى ع راسك اطلعي
الدكتورة خافت فكراته متع مافيا طلعت وساكته
انس ايده ع راسها: قوليلي وريحيني الطوبو شن كان يدير تحت السرير هدا لحرقني
ايلاف راقده
انس طلع وعطول الدكتورة خشت
انس قرب من وتين: وتين اني شفت طوبو تحت سريرك احكيلي ايلاف تضرب فيك احكيلي كل شي
وتين ايدها ع كتفه:لالا طوبو تحت السرير ماهو لعبنا اني وايلاف مدرسة
يعني اني نقري ف لعباتي وايلاف ولـ ايدير الشيطنه نضربه
انس:الطوبو لتحت سرير تلعب بيه؟!
وتين:امم
انس طلع وكانت الدنيا ليل قعمز برا وقصدا قعمز بعيد عن مازن
مازن سيبه يقعمز بروحه
وصلت كريمه وقعدت مع ايلاف
انس اتصل :يما كان صار شي انزليلي اني لوطى ومعتصم روح
كريمه:نشالله
انس صكر: مازن روح لو تبي اني قاعد
مازن وقف وروح بدون مايكلمه
انس نزل راسه واذكر لم كانت ايلاف ف غيبوبة قبل 💔
اذكر لم فاقت اذكر لم دارت حادث ادكر بوساتها وبوساته ادكررر كلللل شي
سهرو كلهم عندها
الساعه 2:30
كريمه اتصل بيه:الوو اركب سلم ولدي نزل وتين خل ترقد ف السيارة اهي رقدت ف حضني
انس:تمام ووصكر
دقايق ركب وقام وتين وهي راقده والممرضات ولمرضى يفصلو ف انس تفصيل 🤤♥
انس حطها ف السيارة وقعمز ع كرسيه وحطها جنبها ونزل بها الكرسي ورقدت
لعند جت الساعه 5 الفجر طلبو ملابس لـ ايلاف
فتحي وصل وفاء للحوش
انس صكر السيارة ع وتين وركب وقالوله امه خدت غرفة جنب غرفة ايلاف وخداها النوم
انس خش لـ ايلاف ولع الضي
انس قام ايدها باسها: بعيد الشر عليك ياروحي
قعد يتفرج علها وقت حط ايده ع بطنها ويتلامس ف بروز بطنها وطلع نزل
بااختصار طلبت منهم الدكتور الراحه التامه لـ ايلاف ومش كويس الحزن وقله الماكله لـ ايلاف
وسلوها ليش مافاقت قتلهم الدكتورة مممن تعبانه بس رح تفيق
قالت وفاء انها لم كانت وتين مفقوده كانت ايلاف ماترقدش كويس
تاني يوم للعصر فاقت ايلاف
ايلاف شافت وتين قعده عندها ابتسمت اول ماشافتها وتلامس بطنها
وتين شافتها ضحكت وطلعت تجري
وفاء:بعيد السو عليك
كريمه قربت تمسح ع جبينها: الف لاباس عليكم
ايلاف ابتسمت:سلمك ياعمتي
كريمه:خلي نتصل بـ انس يجي يشوفك من امس المغرب وهو واقف ع رجليه
ايلاف صوتها مرخي :لاياعمتي مانبيش الله يخليك مانبيش نشوفه
كريمه شافت هاتفها شافت انس فاتح الخط وسمعها صكرت عليه
انس سمع صوتها مرخي
وتين:هياا نركبوو هيااا
انس شد ايدها: اي هيا.وركبو وخشو مع بعض
ايلاف عيونها مرخيات لعند شافت وتين خشت ابتسمت وبعدها خش انس
ايلاف مدت ايدها:تعالي جنبي
وتين كانت قصيرونه تبي تمس بطن ايلاف ع روس صوابعها
انس قرب قامها: قوليلها حمدلله ع سلامتك ياماما ♥
وتين:حمدلله ع سلامتك ياماما
ايلاف ابتسمت:ياعمري انتي
وفاء طلعت لحقتها كريمه
انس شد ايد ايلاف عطول: الف لاباس
ايلاف سحبت ايدها بعديت ع سريرها شوي:حط وتين جنبي ولو سمحت لو سمحت تطلع
انس حط وتين جنب ايلاف ع السرير وسحب الكرسي وقعمز
ايلاف بصوت مرخي وبنبرة باكيه:نترجى فيك لو سمحت انس تطلع
انس:مش متحرك
وتين: علاش تتعاركو مش كنتو صحاب 😳
انس وقف ع الشباك وعطاهم بظهره
ايلاف باسة وتين: مافي حد يصدق فيا غيرك انتي
انس تلفتت شافلها:افهمي قصة وتين سمع بها الكل والكل يلوم فيا قالولي مافي غير مرتك السبب
وتين خافت طلعت
ايلاف تشوف ف وتين: ميلزمنيش راجل يمشي بودانه
انس: قولي طلعي كل شي ف قلبك عليا نسمع فيك المهم ترتاحي وترجعيلي
ايلاف:انس
انس شافلها:عيونه
ايلاف: برضاك او بلغصب رح اطلقني سامع…قاطعه
انس وقف قرب راسه بعصبيه:هادي حتى ف حلمك تجي مشوشه
ايلاف تشوفله بكرره: اي انت محامي وتعرف شن يعني القانون مستعده نرفع فيك قضيه
انس يشوفلها بعصبيه وايده ع وسادتها:اي وين المشكله عادي بس حطي عينك ف عين واعرفي انك مستحيل تكوني ملقبه بـ المطلقه لو نعرف باانك رفعتي قضيه طلاق رح تكوني ملقبه بـ ارمله واني عند كلامي…تلفت بيطلع
ايلاف خافت بدت تبكي: اني نكرررهكك سمعت نكرررهك
انس تلفتت: في مقوله تقول
اذا غلطت في حقك ارجوك تسامحني لانه نهايتي كفن ابيض وقبر صغير يحويني
ايلاف تبكي: علاش مصدقتنيش وصدقت الناس علاش
تتبع………
لقراءة الجزء التالي : الجزء العشرون من رواية اولاد سلطان
لقراءة الجزء السابق : الجزء الثامن عشر من رواية اولاد سلطان
للإطلاع علي فهرس اجزاء الرواية : جميع روابط اجزاء رواية اولاد سلطان للكاتبة ميشو محمد
جميع الحقوق محفوظة للكاتبة ميشو محمد .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة رائعة لغلاف الجزء الحادي عشر من رواية سرقت قلبي
الجزء الحادي عشر من رواية سرقت قلبي
يونيو 22, 2022
صورة جميلة لغلاف الجزء الثاني عشر من رواية ظلموني
الجزء الثاني عشر من رواية ظلموني
يونيو 7, 2022
صورة جميلة لغلاف الجزء العاشر من رواية انتقام رجل احب بجنون
الجزء العاشر من رواية انتقام رجل احب بجنون
مايو 12, 2022
صورة جميلة لغلاف الجزء التاسع عشر من رواية احببتك كقهوتي
الجزء التاسع عشر من رواية احببتك كقهوتي
يونيو 15, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرام
زر الذهاب إلى الأعلى
🙄