9/10
القائمة
روايات
بحث عن
الرئيسية/الجزء
الجزء
الجزء التاسع من رواية اولاد سلطان
الجزء التاسع من رواية اولاد سلطان
صورة مهند أدهم مهند أدهميونيو 4, 20220626 6 دقائق
وفي الجزء التاسع من رواية اولاد سلطان ماذا تتوقع ان يحدث مع ابطالنا من جديد المواقف ؟ وهل سنري بطل جديد يظهر ؟ دعونا نبدأ بمعرفة إجابة التساؤل في السطور التالية بإذن الله مع الكاتبة ميشو محمد .
الجزء التاسع من رواية اولاد سلطان
ع الخط
مازن يحاول يتصل لكن ماحد يرد فجآة الخط نفتح
مازن: شيماء الوو
وتين: الوو
مازن: مني انتي
وتين: اني وتين عمتي ادووش
مازن: باهي اسمعي خلي الهاتف عندك عادي تنزلي تفتحيلي الباب
وتين: وين باب قصدك بابناا هدا
مازن ابتسم: اي عادي تفتحيلي
وتين ببرائة اطفال: باه… ونزلت والهاتف ف ايدها
وصلت للباب وفتحاته شافت سيارة حمراء عاليه
وتين: وين انت
مازن: تعالي اني ف السيارة لقدامك لونها حمراء اني نشوف فيك
وتين قربت والهاتف ع وذنها
مازن نزل سلم علها: اهلين
وتين: شنو تبي من انت
مازن: اهاا اني استاذ وعمتك نست هاتفها ف المدرسة (مدلها هاتفه) ياحلوة اعطي الهاتف هدا لعمتك
وتين خدت الهاتف
مازن: قوليلها صاحب الهاتف معادش موجود
وتين: بحاااا
مازن. اي بحااا بري خشي اجري
وتين خشت
ـ
شيماء طلعت من الدوش تجفف ف شعرها
وتين خشت: عمتي فونك هدا
شيماء قربت خدت الهاتف هيا شداته وفتحاته وكانت الخلفيه حرف S.M
شيماء لسانه ارتبط:وتين ش ش ن هدا
وتين:نزلت لوته عطهولي رازل استادك قال
فجآة الهاتف متع مازن رن
شيماء فتحت الخط
مازن بصووووت 💔: هدا هاتفي رمزه اسمك بنجليزي افتحيه وتلقي هلبااا كلام كاتبه ف المذكرة
شيماء:مازن خيرك علاش صوتك هكي
مازن ضرب الدومان:تعبت اني تعبت معاد في شي اسمه مازن من اليوم خلاص انتي تكملي طريقك لانه ميهونش ليا نخليك متعلقه بيا طول العمر ونضيعك معاي….قطعاته
شيماء وتين اطلعي :مازن اني تعبت معاك بس المرة هادي بنصارح انس وبنحكيله انه اني نبيك و…قاطعها
مازن:اني البنت لنحبها مانخليهاش تتوسل لحد تسمعي فيا مانسمحك طول عمري ياشيماء لو تترجي حد ولو كان حتى خوك نموووووت ولا تترجى عبد اطلبي من ربي بسسسس مذليش روحك لا لـ انس لا لـ غيره
شيماء عيطت: علاش تعذذذب فياااا انت اكيد تبصر انت اكيد تقيس ف غلاك
طوووط طوووط طوووط
نقفل الخط
شيماء قعمزت ع الارض من صدمتها معاد قدرت لا تبكي ولا شييي
ـــــــــــــــــــــــ
تاني يوم 💔
انس فطر وع سفرت الفطور: وين شيماء
فاطمه: نوضتها قالت مريضة تبي ترقد
انس جبد الكرسي وركب
شيماء كانت واقفه ع الشباك خلف الستار
انس طقطق وخش
شيماء شافتله
انس شاد ف الماليله: نخش
شيماء: خش
انس: خيرك قالت امك مريضة
شيماء: لا شي هكي مخطريش نفطر بكري اليوم
انس قعمز ع الكرسي متع المكتب وشافلها: انتي تعرفي انه مازن طلبك
شيماء: اي نعرف
انس: تعرفيه شيفتيه معاي ؟؟
شيماء سكتت وهي خلف الشباك ف مكانها
انس: بوك مخداش رايك تعرفي واهو نقولك ومش متحشم منك لو بنتي وتين كبيرة وطلبها مني مازن نعطيها ليه ونامن علها
شيماء: ربي يدوم صحبتكم
انس: عطيتيني بظهرك الباين متبيش تحكي معاي اوكى سلام… وطلع
شيماء تلفتت
ـ
انس طالع
وتين وراه تجري: باباااا
انس تلفت: نعم
وتين كانت عمرها اربعه سنوات: انزلي نقولك سر ف وذنك
انس ضحك بهدؤ ونزل ودنه
وتين شدت ودنه وتحكيله: جيبلي كيكه
انس قامها: تعالي معاي شن رايك
وتين: باه
انس نزلها: البسي سبيدروك وتعالي برا .. وطلع
ركب سيارته تواني وجت وتين تجري ركبت
وتين صفقت بفرح: نطلعوو
انس: اي اني اليوم مزاجي مليح اي شي تبيه ناخده ليك
وتين: حتى شكلاطه نبي معنها
انس ضحك: ابدي ف طمع
وتين تشوف من الشباك
انس خطرت ع باله فكرة انه ياخد ايلاف معاه لسوق وفعلا مشو لحوش عمته
بعد ترحيب عمته وهدرزه
انس: وتين تبي ملابس والعيلة خشه بعضها وقلت ممكن ايلاف تبي شي من برا ومنه تختار ملابس لوتين
ايلاف فنصت فيه
خديجه: اهيي قدامك كان بتمشي هي مرتك وقاريين فاتحتكم
ايلاف: اسفه بس لا
وتين شافت انس 😥
ايلاف ابتسمت: بس عشان وتين باهي
وتين ناضت حضنت ايلاف: صحبتي انتي باهي
ايلاف ضحكت: باهي
جهينه بنت خديجه: وتين واني
وتين: حتنتي صحبتي وسوزان
سوزان وجهينه بنات خديجه
ف السيارة
وتين من الخلف ومقربه بين الكراسي التنين: نمشو للمول لكبير ره
ايلاف: اول مرة في حياتي نختار ملابس اطفال
انس: ومش اخر مرة 😅
ووصلو للمول
ايلاف شاده ايد وتين
انس: انتي لو عجبك شي تقدري تاخدي طبعاا مرتي متنسيش
ايلاف: لالا متخافش مش رح نتحشم هههه
انس: اوكي اني بنقعد برا بحكم منحبش الاماكن العامه
ايلاف ووتين ركبو لقسم الاطفال
اختارت جامسوت وقفطان حوش وتوتة لـ وتين وطبعاا يختارو مع بعض
انس ف السيارة فكر انه ممكن يصير شي معاهم نزل وخش للمول يدور عليهم
ايلاف ف قسم النساء والاطفال
وتين شافت قفطان احمر نسائي: شوفي حلو خوديه
ايلاف: حلو صار
انس وراهم: اي حلو صح
ايلاف تلفتت: انت من امتى هني
انس شاف السله: علاش ملابس وتين بس
ايلاف: لاني منحبش… قاطعها
انس: انتي مرتي شوفي الدبله ف ايدك مش بينا الحاجات هادي ياريت من غير احراج تاخدي لخاطرك فيه
ايلاف: مش هكي بس اني…. قاطعها
انس بصوت واطي: متحشمه؟؟ اوكي اني نختارلك وين للمشكله ووتين تساعدني
وتين: الدفتان الاحمر هدا الاول
انس قعد يشوف الارقام متع القفطان واختر رقم مناسب لها وخدوه
وهما يدورو مع بعض
ايلاف شاده ايد وتين: نخدولك توكات توا ياحلوة
انس: الحوش معبي توكات عندك حق مشفتيش لعندها
ايلاف ضحكت
وتين سحبت ايد وتين وشدت ايد انس: بابا ماما هادي
انس شاف قدامه وفعلا كانت ام وتين ولاء ومع راجلها
وتين مشت تجري لـ امها
ولاء شافت وتين جيتها نحرجت من راجلها قربتلها شد ايدها: شديري هني
وتين: بابا انس جابني
ولاء شافتله بكره وقربتلهم سلمت عليهم
ولاء تشوف ف ايلاف: هادي هي خطيبتك يانس
انس: ولاء وجهك لراجلك وامشي
ولاء: غير لا بجديات تتكلم هادي احلا من اختي بشرى بعقلك انت ولا واكل بسبوسة
انس: لاا حشاها هادي متتقارنش ببشرى… وسكت
وبعدين قال: حشاااها تتقارن ببشرى الكذابه السوسه ومتخلينيش نغلط قدام بنتك هي وجهك ولـ راجلك
ولاء: ايميلي متع كبرياء انثى بعتتلك عليه طلب صداقه اقبله عندي معاك موضوع
انس شد ايد وتين بقوة: منقبلش تعالي انتي
وتين تعيط ومتمسكه ف امها
ايلاف محبتش تدخل
انس يجبد ف وتين لكن هي تعيط ومتمسكه ف امها
انس سيب ايدها: امك ماتبيكش افهمي
ولاء: احترم نفسك معاد تكلمها هكي
انس تعصب: غلاش غلطت انتي حدفتي بنتك عشان مصالحك
ايلاف شدت ايد وتين: تعالي معاي باش نشريلك حلوة
ولاء دفت ايلاف: بعدي عنها
انس شد اايلاف: متدخليش (شاف ولاء) بنتك عندك معنها
ولاء خافت: لا اني قعده عروس خودها
وتين: ماما نبيك 😭😭
ولاء: بري مع عمك انس
وتين نصدمت انه امها لزتها مع انها صغيرة ومتعرفش بس شدت ايد ايلاف وخافت
انس وايلاف ووتين نزلو
انس ركب وركبو ولع ومشو ونزلو لمول تاني
انس: حاولي تنسيها شن صار
ايلاف: اوكى
ونزلو
ف المول
وتين رفضت تشري شي
ايلاف شرت مجموعه شكلاطات لكن وتين رفضت تاخدهم
وطلعو من المول وركبو ف السيارة
وتين: علاش امي هكي مش ز ام استبرق (استبرق صاحبتها ف الحضانه)
انس متعصب ويسوق
ايلاف تلفتتلها: وتين حبيبي تجي تقعمزي معاي من قدام ناكل اني وانتي سكلاطه وانس منعطوشي
وتين ايدها ع عيونها: مانبيش
ايلاف تلفتت فتحت كيست الشكلايط طلعت طرف فتحاته عشان تحس نفسيت وتين: انس متلمسش الكيسه هادم ليا
انس يسوق مش معدل علها
ايلاف: انسسس
وتين تشوفلها
انس شافلها مش فاهم قرب خدي طرف من الكيسه لكن ايلاف خداته منه
ايلاف: حول ايدك مش ليك هادم
وتين ضحكت
انس: اي بفلوسي هادم من حقي ناخد
ايلاف: بفلوسك واني اخترتهم ووتين ساعدتني
وتين قربت من الكرسيين: قعمزيني عندك
ايلاف خدتها وقعمزتها جنبها وعطتها طرف شكلاطه
ايلاف تاكل مع وتين باستها بقوة: محلااك
وتين ضحكت
ايلاف وشوشت ف وذن وتين: وتين اعطي انس عيب
وتين: بابا انس مايكلش ف شكلاطه
انس يسوق
تررررن تررررن
ايلاف شافت الشاشة وكانت بشرى
انس شاف ايلاف وقلب الهاتف
ووصلو ونزلو خدو مستلزمات وماكله وهكي
ف الصالة
انس وخديجه وايلاف وتين
يرن هاتف انس هلباا
ايلاف ف حضنها وتين بصوت واطي. نلعبو
وتين 😍: هي
ايلاف: اني بنطلع وانتي تجيبي هاتف بابا بدون مايحس وبناخدو هاتفه ندسوه وهو بعدين يدور ع هاتفه
وتين: نلعبو لبده مع هاتفه باه
ايلاف طلعت
انس شافلها
وتين قربت لـ انس وقعمزت وكان هاتفه جنبه خداته بلطف ودراته ف جيبها وطلعت
خديجه شاف وتين فكرتها تلعب
وتين طلعت والهاتف رن
ايلاف خداته منها: انتي بري بعيد عشان ندس الهاتف ف الجنان…. وتين مشت خشت
ايلاف ردت ع الخط وساكته
بشرى: واخيراا عرفت انك رح ترد وماتقدرش تقاومني
ايلاف ساكته
بشرى: انس تكلم اسمعنني ع الاقل
انس شاف وتين: خديجه قالت انك خديتي هاتفي وينه
وتين ببرائة: نلعبو بيه اني وايلاف هي برا بدسه عليا واني بعدين نطلع ندور عليه
انس طلع وشافها
ايلاف: معاك مرته
بشرى:
انس يقرب وتعصب لم شاف الهاتف ع وذنها قرب لعند موصللها
ايلاف بنبرة باكيه: لكن اني نحبه
انس وقف مكانه
بشرى: انس خطبني اني قبلك اني كنت اول بنت يحبها مستحيل ينساني ولا رح ينسى حبي انتي رح تتعذبي
ايلاف: نتعذب اي عشانه هو عادي
انس واقف وراها ويسمعلهم التنين
بشرى تعصبت: انس لمسني في شي بينا افهمي متقدريش تحبيه ولا تقدري تتزوجيه
ايلاف: بس اني ميهمنيش ماضيه
بشرى: انتي خيرررك لصقه هدا كله لانه اعزب وقنين وفلوووس
ايلاف: لا بلعكس اني اول مرة شفته فكرته متزوج وفكرت انه وتين بنته ومكنتش نعرف شي ع فلوسه اني حبيته حتى ولو كان متزوج وعنده بنت افهمي
انس معاد قدر يتحرك ❤
ايلاف:بلاش نضيعو رصيدك ونضيعو وقت شن رايك لو نقولك…..شافت الظل عاكس تلفتت 😨
تتبع….
لقراءة الجزء التالي : الجزء العاشر من رواية اولاد سلطان
لقراءة الجزء السابق : الجزء الثامن من رواية اولاد سلطان
للإطلاع علي فهرس اجزاء الرواية : جميع روابط اجزاء رواية اولاد سلطان للكاتبة ميشو محمد
جميع الحقوق محفوظة للكاتبة ميشو محمد .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء التاسع من رواية صغيرة علي الحب
الجزء التاسع من رواية صغيرة علي الحب
أبريل 3, 2022
صورة جميلة لغلاف الجزء الرابع من رواية بقايا امرأة
الجزء الرابع من رواية بقايا امرأة
أبريل 6, 2022
صورة جميلة لغلاف الجزء الثاني من رواية تزوجنا ولكن هل يبقي الحب
الجزء الثاني من رواية تزوجنا ولكن هل يبقي الحب
مايو 15, 2022
صورة جميلة لغلاف الجزء الثامن من رواية انتقام قرين
الجزء الثامن من رواية انتقام قرين
يونيو 11, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرام
زر الذهاب إلى الأعلى
القائمة
روايات
بحث عن
الرئيسية/الجزء
الجزء
الجزء العاشر من رواية اولاد سلطان
الجزء العاشر من رواية اولاد سلطان
صورة مهند أدهم مهند أدهميونيو 4, 20220565 6 دقائق
وفي الجزء العاشر من رواية اولاد سلطان يا تري هل سيحدث شيء غير متوقع يقلب الموازين رأساً علي عقب ام لا ؟ دعونا نعرف إجابة هذا التساؤل في السطور التالية بإذن الله مع الكاتبة ميشو محمد .
الجزء العاشر من رواية اولاد سلطان
انس شافلها بنظره غريبه
ايلاف وتكنه حد صب علها اميه سخونه
انس خدي الهاتف: علاش الاعترفات هادي معنديش بها علم
ايلاف مدتله الهاتف وحاولت تهرب
انس شد مرفقها: نتكلم معاك اظني
ايلاف: لانك مغرور ومتكبر مش رح ادير لحبي قيمه بكلل سهولة اول ماتسمع مني الكلمه هادي رح تتغير معاي
انس: اهااا
ايلاف بتتكلم حط صبعه ع شفيفها
انس يتصل وايده ع شفيفها: اصبري
بشرى ع اىلخط: الو
انس فتح المايك: بشرى معاك انس بنسالك
بشرى: تفضل
انس شاف لـ ايلاف: شن بسبب حبك ليا؟!
ايلاف بتمشي شدها من مرفقها بمعنى اسمعي
بشرى: واضحه نحبك لانك حبيبي وبنزوجو و… قاطعها
انس: مني كلمك قبل شوية ع هاتفي
بشرى: ماحد انت بس
انس صكر الخط
انس شاف ايلاف: نفس الاساله ليك علاش
ايلاف: انت متحبهااش علاش تتصل بها فهمني علاش تسمع ف صوتها علاش تخلي فيا نسمعكم علاش بس فهمني ونجاوبك ع اسالتك
انس ابتسم: انتي بكلامك وبغيرتك جاوبتي ع سؤالي
ايلاف تحاول تحسب ايدها: بعد نكرهك اني نككرررهنك تسمع
انس ابتسم: عارفك تقصدي العكس علاش تكدبي ع روحك
ايلاف وقفت: باه نفس السؤال لسالته لبشرى جاوبه
انس: لانه بكل بساطه وانتي ف المستشفى تصارعي ف الموت اني كنت نموت لم نشوفك راقده جنب الاجهزة انتي تتكلم براحتك معاي وواخده راحتك ف لبسك ف كل شي عكس بشرى المصطنعه حتى ضحكتها مصطنعه
ايلاف واقفه وساكته
انس سالها كان يبي يشوف جوابها: امتى بنشوفك بلقفطان الاحمر لشريناه؟!
ايلاف: ف حلمك
انس: بزبط اني هكي نحب منحبش البنت لتفرض نفسها ورخيصة انتي بكلل عيوبك حبيتك ❤
ايلاف ابتسمت
انس رخي ايدها: اني ماشيه ماتبي شي
ايلاف هزت راسها بمعنى لا
وتين طلعت
انس: هي بنروحو
وتين: خلينا هني 💔
انس: عيب مرة تانيه نجي
ايلاف: لا معاش تجي خليها لعند عرسنا حشمتنا قدام عمتك معاد تجينا
انس: مصح وجهك وتلزي
ايلاف: وتين امشي مع انس
انس حس انعا مستحيل تكون كويسه مع وتين شكك انها رح تاذي وتين وخصوصا انها تلز فها !!!!
ــــــــــــــــــــــ
شيماء تفتح ف المذكرة متع الهاتف وتقرا لكاتبه لها 💔
معتصم خش: شيماء حداديلي السورية نوضي
شيماء كانت منهارة: اطلع معتصم حددها بروحك عندك ايدين
عهد خش: السلام عليكم
شيماء: اهلين عهد، اطلع معتصم
معتصم يشوفلها: شيماء تعالي معاي، عن اذنك عهد… وطلع
شيماء لحقاته: هااا
في الصاله
معتصم تعصب شدلها شعرها: فلاحتك ودلاع متعك زاااد تو تخدي.. 🔞 وتحددها ساامعه
شيماء تبكي سحبتها من ايده بقوة: هات
انس خش: وتين خشي دخلي الكياس
وتين خشت
انس شاف لـ شيماء: خيرك !!!
معتصم مقعمز ويتفرج ع الهاتف: فوتها يا…. قاطعه
انس: اسكت منكلمش فيك شيماء ادوي علاش تبكي خيرك
شيماء مسحت دموعها: ما شي
انس: وين خالتي وامي
شيماء: طلعو لسوق
انس طلع يتصل بـ مازن
شيماء رن الهاتف لعنده طبعاا متع مازن شافتله لقاته انس متصل
وصلاتها رساله (وينك رفيق)
شيماء زادت تبكي عطت السورية لمعصتم وركبت تجري
عهد:خيرررك ديما ف غرفتك وتبكي
شيماء: عهد خليني ف حالي بلله عليك
عهد: باه اسمعي شن رايك نكلم صدام يخدلنا تشبس وحاجات ونسهرو
شيماء اتكت ودارت راسها ع الوساده:مش ضروري بلعكس اني محتاجه نرقد بس نرقد نوم طويل
عهد: شيماء عفكرة بشرتك شاحبه ورايحه بيضاء ز الميته…ونزلت
دقايق وركبت عهد وف ايدها هلطه متك ماسك
شيماء ابتسمت:مجنونه
عهد قربت وبدت ادير لوجه شيماء
شيماء خداته ودارتلها الماسك
وقعدو يهدرزو
ـــــــــــــــــــــــ
انس يسوق ويستنى ف اتصال واو مسج من مازن واستغرب انه موصله شي مشي لحوش مازن لقاعد فيه
انس طق طق طق طقطق لين ايدها وجعوه مافي حد بدي ينادي
ولد فايت من الشارع:مافي حد ف الحوش هدا انت فمن ادور
انس:كيف مافي حد هدا حوش شاب اسمه مازن
الولد:من مازن هدا الحوش فاضي لا مازن لا غيره
انس:غالط انت اني خاشله الحوش وهو استقبلني هني
الولد: اني ولد الشارع شن بتعلمني مافي حد الحوش
فات شيباني:صح الحوش فاضي
انس ركب سيارته: اني نحلم ولا كيف…وطلع ويتصل قرب عشرة مكالمات
شيماء شافت الهاتف لـ يهز بدون ماتحس علها عهد
عهد فكراته هاتفها: ردي او نطلع
شيماء:لالا خليك اني مانبيش نرد
انس ضرب الدومان:زمررري….وصل للمركز ونزل
انس خش وكان مازن واقف بصدفه ويحمع ف وراقيه وكان عطي بظهره للباب
انس يشوفلها:وين يارفيق
مازن تلفت ببطىء
انس:شفت مكالماتي
مازن بصوت متعصب:شن تبي انس
انس:مش قدمنا شكوه ف الامام وفصلناه ودرنا غيره للجامع…قاطعع
مازن:مش فاضي اني
انس قرب جبد الوراق منه: مشت لحوشك وطلعت كاذب عليا وانه الحوش لقعمزنا فيه اكثر من مره مش حوشك
مازن نصدم
انس: علاش الكذب تقدر تقوله انه مش حوشك
مازن: اني منكدبش حوشي
انس:الجيران….قاطعه
مازن: اني مش متواصل مع حد من الجيران مانعرف حد
انس: باه وشيماء
مازن:خيرها
انس: وصلني لصار انك تبي تناسبني…قاطعه
مازن.مدورش الدنيا نصيبات
انس: صح ✅❤
مازن: امشي اني مشغول
انس:ماشي لكن قبل مانطلع اعرف انك لو هربت من هني مش رح تنسى شي ومش رح يتصلح شي….قاطعه
مازن ضرب الطاولة بعصبيه:اطللللع
انس بصوت عالي: معقولا الشرطي لمربي نص ولاد الشارع يتحشم من كلمة يتيم ويتحشم من نصيبه لربي كاتبه ليك واسمعها مني انتتتت ياتيييم مش رح يتغير شي….قاطعه
مازن قرب وعيونه نار: مش يتيم عندي اهل وعندي ناس تحب تعرف….طلع هاتفه
وويروي فيه ف رسايل وفتح الدرج ووراه وراق واملاك وفلوس
مازن: بوي عايش وعندي اب وهادم الوراق وصلوني ومنه وفلوس هادم منه من خمسطاش اليوم ف ظروف وبريد يوصلني ويقولي هدا حقك….قاطعه
انس بصدمه:وتكذب وتقول بوي وعيلتي نحرقو
مازن قعمز ضرب الوراق:ف الميتم هكي قالولي من خمسطاش اليوم عرفت لكن ميشرفنيش نقول بوي حي ولا يشرفني ناخد املاكه وفلوسه لاني بكل بساطه اتصلت بصاحب الرسايل ورد وسالته ع اسمه نبي نشوف نبي اي شي وشن قصة السلسال لكن معاي للكن رد عليا انه يراقب فيا ومعاي لكن ميبيش يطلع وميبيش يعطيني حتى اسمه
انس: ف سببب قوي يخلي بوك يدير هكي
مازن:مافيش سبب يخليك شوف ف ولدك متشرد اني نقرا واشتغلت قرسون وسواق تاااكسي ومش متحشم من خدمتي لكن ف الوقت هدا كان يشوفلي ومانعرفش ممكن يكون حتى واقف قدامي واني منعرفاش او يمكن نكون موصله لمكان
انس: انت شرطي وكنت تقدر تاخد الرقم واطلعه… قاطعه
مازن شافله: متفهمش اني مانبيشي مانبيش نشوفه افهههم
انس قعز: لا واني زالغبي نحكيلك ف كل شي وانت كلعت داس عليا… قاطعه
مازن: شن تبيني نقولك انه اليوم عمري 29 سنه وبوي طلع حي وطلعت ولد غني وبوي سمعني صوته وميبيش يعطيني حتى اسمه
انس سكتت
مازن: حط روحك ف مكاني رح تعرف قداش بالي طويل
انس:شن قصة شيماء مازن؟!
مازن: مافيش لا قصة ولا شي شفتها وتقدمتلها
انس:يعني نقدر نفهم انه شيماء لاتاكل لا تشرب وديما تبكي هدا كله من ربي ولا البنت توحدت
مازن:واني شن دخلي
انس تررررررن تررررررن
انس رقم صدام:ايوواه
صدام: انس حني ف المستشفى تعلا
انس وقف:علاش
صدام: شيماء طاحت من الدروج ف مستشفى ال،،،،،
انس صكر الخط وطلع
#كيف_طاحت_وشن_السبب_بكري_مافيها_شي
مازن سمع اسم شيماء طلع هاتفه واتصل بها
عهد: الووو
مازن: مني انتي؟
عهد بعدت من الممر: تبي شيماء؟؟؟
مازن: خيرها علاش ف المستشفى
عهد: طاحت من الدروج معتصم دفها
مازن صكر الخط
مازن خدي سلاحه من المركز والمفاتيح والهاتف وطلع بسيارة الشرطه عشان ماحد يعرف سيارته
انس وصل: شن فها
صدام متعصب: تخيل خوك المتوحد دفها عشان حدادتله سوريته ونست محددتش الكمام يتعاركو دفها وكاحت
انس تعصب: وين… 🔞
فاطمه: كله من ولدك ياكريمه شن دارتله وشن فها لو حدد سوريته بروحه
كريمه: يعطيه كسره ف ايده
انس: وينه هووو
وتين تبكي
عهد خافت ف داخله: اني كيف نكلمه اني وين نعرفه شن درت ف روحي لاياربي اني شن دررت 🤦♀️… وقعدت خايفه
طلع الدكتور: محاولت قتل ولا بدون قصد ولا كيف ؟؟؟
انس تعصب: انت مالك ومال امها شغلتك هني دكتور مش شرطي
الدكتور: البنت حصلت ضربه ع راسها قصينا شوي من شعرها وشوية خدوش ف وجها
انس: كيف راسها ووجها كيف طاحت هيا
عهد: طاحت تكربكت
انس: توا الحيوان معتصم وين بس… وقعد يتصل
ــــــــــــــــــــــــــــــ
مازن نار ولعت فيه لم قاله انس لاتاكل لاتشرب : نقدر نقول انه انتي قلبي لكن انس نعرفه متهور مستحيل يفهم
تررررررن تررررن
مازن قامه وكان بوه المتصل
مازن قفل الهاتف
مازن اذكر معتصم رجع فتح الهاتف واتصل ع معتصم
رد
معتصم مكانش يعرف انه مازن عنده علم بلصار
مازن يصبغ ف صوته: هحمم ايوواه
معتصم بكل دم بارد: شجو
مازن:ماشيه وينك نبيك ف موضوع
معتصم: ف الكافي لجنب المطعم زبطه
مازن:اني لنزبطه خليك جايك …وصكر الخط
ــــــــــــــــــــــــ
انس يتصل بمعتصم لكن ميردش وصدام يتصل ميردش وبوه يتصل
معتصم مايرد ع حد
انس بعتله مسج<تو تحصل معنك وين تهرب ياعيل>
صدام بعتله < ولله ماتتحشم اختك راسها نفتح يا🔞 تو تجي تو برا ودور ونسرف ومرجوعك للحوش ز الكلب >
تتبع……
لقراءة الجزء التالي : الجزء الحادي عشر من رواية اولاد سلطان
لقراءة الجزء السابق : الجزء التاسع من رواية اولاد سلطان
للإطلاع علي فهرس اجزاء الرواية : جميع روابط اجزاء رواية اولاد سلطان للكاتبة ميشو محمد
جميع الحقوق محفوظة للكاتبة ميشو محمد .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء الثاني عشر من رواية احببت منقذي
الجزء الثاني عشر من رواية احببت منقذي
يونيو 2, 2022
صورة جميلة لغلاف الجزء الثالث عشر من رواية جعلني انثي
الجزء الثالث عشر من رواية جعلني انثي
مايو 28, 2022
صورة جميلة لغلاف الجزء الرابع من رواية عقارب الساعة
الجزء الرابع من رواية عقارب الساعة
يونيو 1, 2022
صورة جميلة لغلاف الجزء الثامن عشر من رواية عقارب الساعة
الجزء الثامن عشر من رواية عقارب الساعة
يونيو 1, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرام
زر الذهاب إلى الأعلى