17/18
القائمة
روايات
بحث عن
الرئيسية/الجزء
الجزء
الجزء السابع عشر من رواية محظوظ ولكن
الجزء السابع عشر من رواية محظوظ ولكن
صورة مهند أدهم مهند أدهميونيو 20, 20220551 11 دقائق
وفي الجزء السابع عشر من رواية محظوظ ولكن دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لوزة .
الجزء السابع عشر من رواية محظوظ ولكن
عمر : شنو فيه وينه الظابط
صﻻح : اونه ف حجرته
عمر : به خلي نخشله
صﻻح : خيرك مش لابس لبسة العمل
عمر : نسيتها ف سيارة ف الساكو
صﻻح : برا البس فيسع قبل مايشوفك يديرلك مرداح
عمر : باهي هي
وعلى طلعة الضابط كبس عمر مع صﻻح.. فقاله : طيب فيك ياباشا ..
عمر : مساء الخير …
ض محمد :وينك لتوا
عمر : صارلي ظرف عطلني
ض محمد : الظروف ماتطلع اﻻ عالخدمة كان ماشي القهوة واﻻ صالة الحديد مافيش ظروف
عمر : ماحدش يختار الوقت اللي بيصير فيه الظرف
ض محمد : ماشاء الله متأخر ومازال اتناقش
سكت عمر واكتفى بنظرات
خش ضابط للمكتب ووراه عمر وقعمزوا هما اﻻتنين
ضابط : فيه كورس سيفتي وامن وسﻻمة لمدة عشرة ايام. بنبعتك ليه وبعد الكورس فيه اجتماع
عمر : تمام وين ؟؟
الظابط : لتركيا ..
عمر : اهاااا والله حلوو نغيروا جو
محمد : قلنا كورس !
عمر :هههع ايه قصدي نغيروا جو بالقراية ليا مدة ماقريتش
ض محمد : به به نوض شد مكانك وراك ترقد و اتخش هجرة غير شرعية
عمر : كون هاني … امتى السفرة
ض محمد : اﻻسبوع الجاي
عمر : ان شاء الله .. هي نستادن
طلع عمر من المكتب …
وماشي ل صﻻح عيونه يلمعوا
صﻻح : هاه شنو عطاك ع راسك او
عمر : عطاني احﻻ خبر
صﻻح : شنو
عمر : بعتة ل تركيا عشرة ايام
صﻻح : زفرت
عمر : والله مانزفرت عطاني بعتة
صﻻح : به خيرنا احنا امنا ارنب واﻻ كيف
عمر : هههههه معليشي صلوحة خيرها ف غيرها
صﻻح : العام اللي فاتت بعت خالد وعطاها مبلغ بدوﻻر ف حسابه يعادل 2000 دينار باليبي و اقامة بالبﻻش
عمر : اووو 2000 كويسات والله نبيع السيارة ونزيد عليها وناخد حاجة مقومة
صﻻح : بدي حتى ايخطط ..
وتم الدوام عالساعة 7 صباحا وروح
تعبان ومرهق
خش حوشه
عمر : السﻻم عليكم
ليال : وعليكم السﻻم صباح الخير عموري
عمر : صباح الفل شن اديري سمله فايقة من صباح الله خير
ليال : صليت الفجر وقعدت نستنى فيك
عمر : تقبل الله …
ليال : منا ومنكم صالح اﻻعمال
عمر : تعبان بنخش نرقد
ليال : به
ويادوب عمر بدل حوايجه واتلوح عالسرير واتكمكم ف اليرغان
وكيف بيتلدد بالنوم انفتحوا عيونه
😳
ليال شغلت المكنسة الكهربائية
{ياغبرة ياحرفة بش قات تعبان بنرقد }
حط المخدة ع راسه وغم وذانه مافيش فايدة
عمر يصيح : ليال لييياااااال انتي يا دوشة
ليال طفت المكنسة وجاته : نعم ناديتني عموري
عمر : هرهوري على دماغك تو بش قتلك تعبان وبنرقد نزلت عليك النظافة وبتكنسي… ساعة 7 راهو !
ليال : ماه معش عرفت شن اندير
عمر : ديري اي حاجة ماتزعجنيش تاعب النهار المبارك الليل كله حال عيوني ومقعمز في نتصرفق ف الصقع
ليال : امممم به خﻻص معش ندير دوشة ارقد .
ولى عمر واتكى وهوا متنرفز
شوي ليال شغلت الغسالة وزعميتها سكرت الحمام … بش معش يطلع صوتها …
فجاة فاق عمر 😳
{ﻻ اكيد ماتفهمش ماتستوعبش …اكيد راقد ف راسها ديناصور .. اكيدة هالبلي هادي الصبر ياربي }
وناض بغل غله طلع ع وسط الحوش طفى تاكوات الضي كلهم ورجع
ليال ف الحمام… حي الضي هرب
تو كيف بنكمل غسل حوايج … اممم خلي انخش انطيب الغدي وخﻻص .
وبدت اتقرض ف البصل واتبوخ ف الرشتة و وريحة البصلة تفحفح
ودار عمر مردودة … وخش هالداكا التفحفيح لخشم عمر
إمف إمف >> عمر يشم في ريحة اﻻكل وماعرفتش كيف بنمثل الصوت هههه
وفجاة 😳
{حسبي الله ونعم الوكيل فيك ياليال يابنت امنة }
خدي يرغانه وفتح باب داره ع وسعه وطلع منها… شافاته ليال
ليال : عممررر وين ماشي
عمر : اسكتي حتى كلمة … خير مانولي عليك والله طايرتلي لشياطين الزرق حولي من قدامي ..
وطلع وسكر الباب
ومشي رقد عند امه لساعة 2 الظهر
نازك : عمر عمر
عمر : والله ياليال كان ماتمشيش نقتلك
نازك : هههههههه شورها مدايرة فيك حالة لين تتكلم بيها ف الحلم
عمر : شنو ..اه نازك ساعة قداش
نازك : 2 الظهر
عمر : باهي نومة مليحة مش اخت الجيش اللي فوق كسرتلي رقبتي اتقول فمعسكر النهار المبارك
نازك : ههههه خيرها
عمر : مروح بنرقد لقيتها صابحة من ساعة 7 هاك ياكنس بالهوفر هاك ياغسالة تشتغل نضتلها بي غل غلي طفيت عليها التاكوات
نازك : هههههه جو عليك
ليال : السﻻم عليكم
خ وداد : وعليكم السﻻم
عمر ل نازك : تدكر القط
ليال : عندكم ضي اﻻي ؟؟
خ وداد : ايه عندنا
ليال : اللطف انا هارب من 7 الصبح لتوا
{ اللي يسمع ايقول ساكنة ف منطقة بروحها }
خ وداد : اللطف كيف ماهربش الضي اليوم بكل
ليال : اماﻻ شوره عندي عطل ف الضي … المهم جبتلك رشيتة ياﻻي
خ وداد : صحيتي بنيتس
ليال : سلمك اماﻻ وين عمر
خ وداد : اونه ف المربوعة
نازك : هههه جاتك جاتك خلي نهرب
عمر : تي اقعدي يامنجوهة
نازك : هههه ﻻ ابدا ..
طلعت نازك
ليال : شن الجوو
نازك : باهية كيف شن جةك انتي
ليال : اهو ماشية
وخشت ليال ل عمر
ليال : عموري
عمر : هاااه
ليال : هكي تطفش مني وتنزل ترقد اهنا
عمر : انتي معش بطلتي نقولك تعبان وماتبيش تعدلي اخر البسالة تطيبب بصلة ع الصبح
ليال شدتله ايده بين يديها وقتله : سامحني غير معش عرفت شن اندير …
عمر : مسلمحك صار خير
ليال : موتيتلك رشتة اللي تحبها عالغدي …
عمر : حق او
ليال : اي … نقولك حاجة
عمر : قولي
ليال : استحشتك هلبا
عمر : حق اتعالي اهنا امس فاتحة الفايبر بش قتلك تفتحيش
ليال :مافتحتش امس بنشوف حاجة عالقوقل وصلت النت فتح الفايبر بروحه …بس شفتك باعتلي قلب كبير
عمر : امممم باهي … بنقولك
جتني بعتة ع تركيا
ليال : حققققق هاااا حلوووو نمشوا نغيروا جو وننبسطوا انا وياك الله بمتابة شهر عسل
عمر : كملتي ؟
ليال : عﻻش
عمر : ﻻن اصﻻ ماشي بروحي
ليال : ﻻ باالله عليك خودني معاك اول مرة نطلب طلب
عمر : ﻻﻻ جيهة العمل متاعي مش حتغطيلك حق تدكرتك
ليال : انا نتكفل بيها ارجوك عمر غير خودني معاك
عمر : ﻻ لو بنرفعك اكيد حنطلعك على حسابي حلوة حتى هادي نتكفل بالتدكرة
ليال : به موافق ارفعني هي
عمر : ﻻ
قربت ممنه وخشت ف حضنه وقتله : وراسك عموري
عمر : فيش
حطت ليال روس صوابعها ع خده وتحرك فيهم : عشاني موووري
عمر زاد خداها ف حضنه وسخفاته حسها طيبة هلبا وعفوية : به قوليلي كيف بناخدك هي
ليال قربت اكثر واكثر وعطاته قبلة رومنسية : اممموووه غير اتوكل وكل شي يصير كيف مانبوه ان شاء الله …
خداها عمر تحت اليرغان وقالها : يامجنونة احني ف حوش العيلة بطلي بﻻ تعسيل
ليال زادت تتعسل وقتله : مستاحشاتك هلبا
قرب منها عمر بياخد بوسة طلعت من تحت اليرغان وهربت منه
عمر : تعالي اهنا
ليال بدلع : ﻻﻻﻻ مانيش
عمر : تعالي والله نجيك راه
ليال : تعالى هي
وقفلها عمر ومشت تجري ويجري عمر وراها طلعت وركبت لدروج وراكب عمر كالأسد وراها وصلت قدام الباب
بطلع المفتاح
حصل عليها عمر لصقت عالباب زي الرسمة وقالها : حصلت عليك .
وكيف بيقرب منها بطريقة او بأخرى قدرت تفتح الباب خشت تجري للحوش ثم لدار النوم وسكرت بالمفتاح …
عمر ؛ افتحي ياشيطانة
ليال : عد للعشرة بس
عمر : 1 2 10 افتحييييي
فتحت ليال الباب وكانت ﻻبسة روب زهري يقتل وشعرها مفتوح بلونه اﻻصفر الحلو
عمر وقف للحظة اتشننج
{احساس غريب انحس ف روحي مشاعر مخلطة بين عقلي الرافض تماما ليال وبين خاطري اللي ملهوف عليها صوت العقل واﻻ لهفة الخاطر وحتى لو خديت بصوت عقلي وتلفتت ومشيت حنكسر مشاعر البنت }
ليال : عمووووري وين سرحت
عمر : ﻻﻻ شي …ياحلولو ♥_♥
خش وسكر الباب … هههه
بعد نص ساعة
نازك : شنو ركبوا عمر و ليال
خ وداد : ايه ركبوا مهبلة طنجرة ولقت مغطاها
نازك : هههه خيرهم
خ وداد : احح ﻻ شي ركبوا وخﻻص
نازك : انحط الغدي واﻻ ماتبيش تتغدي توا
خ وداد : خليه الغدي عشي… وجيبي خلي نضوقوا رشتة هالمنجوها
نازك : به
جابت نازك مفرش طرحاته ووحطت سﻻطة وقعمزوا بياكلوا الرشتة
في نفس الوقت عمر طالع من الدوش
ليال :هيا عموري الغدي واتي
عمر : جاي هي… اكيدة رشتة ملبدة فبعضها
ليال : هههه ﻻﻻ
عمر : واكيدة البصلة نية
ليال : هههه ﻻ
عمر : واكيدة اللحمة مش طايبة
ليال :به غير تعال ضوق
عمر : هاه وهادي اتقعميزة … بالشكل هكي تبان حمرا وتفحفح لكن اكيدة معجنة فبعضها
خدت ليال الكاشيك وعباته رشته وقتله : افتح فمك عموري
فتح عموري ووكﻻته ليال الرشتة
يمضغ ويشوفلها >_> ض
وهيا تشوفله ¤_¤
عمر : ايييي يابطني فيها سم اييييي
ليال : ههههههه بﻻش برادة قولي عجباتك
عمر : ماشاء الله الحق
خ وداد : ريتيها هالمنجوها رشتتها مابنها
نازك : اي والله بنينة صح وناشطة
عمر : من علمك التطييب
نازك : ماما كانت طيابة قبل
عمر : ماشاء الله عسل الرشتة
ليال : صحتين عليك ..
وتموا الغدي وهنا يبصروا ويضحكوا وجابتله الفاكهة تقشرله وتوكله حس روحه عمر مدلع
{ادلع ياكايدهم …برغم انها مطفوشة اشوية اﻻ انها ماشاء الله عليها اتخش الخاطر }
ليال : ياريت يرجعونا الضي
عمر :حي هههه نسيت نحسابه هارب حتى انا
ليال : اماﻻ شنو
عمر : تو بالله عليك … بيهربوا الضي على شقتي والحوش لوطا ﻻ
ليال : وين نندري به نوض بربش الكابل بالك منه
عمر : مش كابل .. التاكوات نزلوا .. تو انديرهم ..
ناض عمر فتح التاكوت ورجع مكانه .
ليال : حبوبي نقالك ايرن
عمر : جيبيه تره
مشت ليال جاباته وجت
عمر : اها فرج
فرج : هيا كان بتمشي الصالة
عمر : نسيتها مرة واحدة … هيا شوية بس نوتي روحي وانجي
فرج : اوكي سﻻم
عمر : سﻻم
ليال :ماتقوليش طالع
عمر : اي .. بنمشي الصالة
ليال : باهي ربي يحفظك
وتى روحه عمر .. وهوا طالع من باب الحوش ﻻقاته مراة
المراة : السﻻم عليكم
عمر : وعليكم السﻻم ..
المراة : بالله هدا حوش فﻻن ؟؟
عمر : وصلتي ..
المراة : وانت عمر ؟؟
عمر : وصلتي ..
المراة : انا .. شن بنقولك … انا اسمي فاطمة
عمر : اهلين بيك بس من انتي تبي امي.. تفضلي خشيلها
خ فاطمة : ﻻﻻ انا … انا مرت بوك الله يرحمه
عمر : o_O … شنووو شن حسك قلتي !
خ فاطمة : اي غير اسمعني للاخير وماتقاطعنيش.. انا مرت بوك… و وحيدة مقطوعة من شجرة ماعنديش حد …اتجوزني بوك وستر عليا … وكان ديما يحكيلي عليك … بنالي حوش وكتبه ب اسمك قالي ماتقوليش لحد اﻻ لجارتنا بس اللي ساكنة جنبنا بش كان صارت حاجة اتجي اتقولك …المهم جارتي اتوفت الشهر اللي فات وانا مرضت بالسرطان اللهم عافيك.. ومعش فاضلي هلبا ايام… ماعنديش حد انقوله على هالسر اﻻ انت … دورتك وليا تﻻتة اسابيع نمشي وننشد ﻻن بوك ماقاليش وين حوشه هدا … بش معش مثﻻ انجي لامك واﻻ حاجة … عموما هادي وصية بوك مخليهالك… وهادي عقد الحوش
عمر : شن اتقولي انتي والله ماستوعبتش اللي اتقولي فيه
خ فاطمة : هدا اللي صار ياولدي و اهو ايام والله ياخد امانته وتعال خود الحوش … هي بسﻻمة
عمر : غير استني ياخالتي فاطمة استني
خ فاطمة : انعم
عمر : امتى صار هدا كله
خ فاطمة : قبل 30 عام بعد ماتوفى خوك
عمر : اما خو اللي اتوفى خوي حاتم قاعد عايش
خ فاطمة : خوك التؤم اللي انحرق مسكين …
عمر : وين وكيف مش فاهم شي
حكتله خ فاطمة على حادثة اللي صارت وكيف ان خ وداد قعدت تسحن في بو عمر طول عمره ومحمﻻته الذنب
عمر : ﻻ حول وﻻ قوة اﻻ باالله ..
ماحد حكالي …
خ فاطمة : خلي نمشي انا توا عطيتك اﻻمانة بش يكون ضميري مرتاح … وصية بوك كاتبها بخط ايده و العقد مسجل و الحوش في عين زارة بالسﻻمة
قعد واقف عمر مصدوم.. معش فهم شي من شي راسه تشوش ..
فتح سيارته وقعمز فيها بيقرا وصية بوه
** عزيزي عمر .. اكيد تقرا في وصيتي توا ومصدوم من اللي صاير .. صح انا اتزوجت قبل 30 عام من فاطمة … لقيتها حالتها المادية ماتسمحش فقلت نستر عليها . ادعيلي بالرحمة ياولدي وماتنقمش عليا انا درت الخير بس..وكتبت الحوش بأسمك ليك انت بس ..راك اتفكر تقسمه على حاتم .. حاتم فاتح محل اللي وراء الحوش وعاطيهوله من قبل ..وهدا الحوش ليك انت ياعمر حاجة خاصة .. رد بالك على روحك ياعمر انعزك ياولدي ونتمنى اتكون في حياتك محظوظ زي ماديما اتقولي وانت صغير … انا محظوظ يابابا ﻻن انت معاي … حتى انا محظوظان عندي ولد زيك طيب وماشاء الله عليه وفخور بيك انك غطاس درجة اولى حققتلي الحلم اللي كان خاطري فيه من صغري… رد بالك على روحك واول ولد ايجيك سميه عمار .. راك تنسى ياولدي … ربي يحفظك .. ابوك عبدالرحمن..
طبق الورقة عمر ودموعه شبوب شبوب …
{عﻻش ايدسوا عليا عﻻش … عﻻش تكرهني امي هكي.. داسة عليا وداسة عليا خبر عمار …توا بس كيف عرفت امي عﻻش تعامل فيا هكي مدايرة ان بوي طلعني انا بلعاني وخﻻ عمار الله يسامحك يمى فيه حد بيقتل ضناه ..الله يرحمك يابوي الله يرحمك ويغفرلك يوسع عليك }
ولع سيارته عموري وطلع يلود في الشوارع … حتى الصالة فاتها ومشي قعمز قدام البحر اللي علمه بوه السباحة فيه ..
{اخ ياربي بعد تﻻتة سنين من وفاة بوي توصلني رسالة منه حسيت انه معاي زي قبل ويكلم فيا … اﻻب امان وانا فاقدة اﻻمان .. استاحشت لما ينادي عليا ونكون معاه محﻻ هديكا اﻻيام ندفع عمري كله من اجل يوم مع بوي ااااه ااااه ربي يرحمك ويغفرلك …صح قبل كنت نقول محظوظ ﻻنك معاي … وتوا نقول محظوظ ﻻن كان عندي اب يفهمني من غير مانتملم اب لن يكرره الزمن وﻻ عمري حننقم عليك يابوي الشرع حلل ب اربعة وانا فرحان لانك سترت على ولية ماليها حد اﻻ ربي }
تررررن
عمر : ها فرج … مش جاي صالة راه
فرج : شنو المرا نساتك ف نشاطاتك اليومية
عمر : وحق ربي يافرج ماناقصك راه سﻻم ..
طفى نقاله وقعد مقعمز في البحر من ساعة 3:30 لساعة 9:15 في الليل …
استاقض لروحه وراه عمل ..
رجع للحوش ركب لحوشه طول ماخطمش ع امه … ركب دوش وبدل وهدا كله ماتكلمش مع حد حتى ليال تكلم فيه مايردش وطلع للعمل …
في العمل …
خالد : عمورة شج ياطيب
عمر : ماشي الحال … وين فرج
خالد : اونه ف القارب بيصطاد حوت قال
عمر : باهي …
نحى سوريته عمر وخش للبحر سبح لين وصل ف فرج
عمر : افرررج
فرج : ياكلب ياااكلب خلعتني
عمر :ماحسيتش بحد يسبح
فرج : ﻻ حاط اغاني ف وداني… وﻻش جايني سباحة مسافة هادي كلهاتو يضربك البرد
عمر :كنت محتاج اميا مصقعة تفيقني من اللي حاس بيه
فرج : اركب وانت قاعد ف المية صقعتني معاك
غطس عمر في الميا وقعد فترة
فرج : ربي يهدي قلتله اطلع زاد غطس … تي اطلع يابلي اتهربلي الحوت يا دمنقل ..
طلع عمر : مصدوم يافرج مصدوم
فرج : شن صدمك .. تي اركب يادراه تو تمرض.. نقعد غير نجري بيك ف العيادات.
ركب عمر عالقارب وعطاه فرج بطانية حطها عليه
عمر : مصدوم
فرج : درهتلي كبدي شن صدمك
عمر : بوي
فرج : خيره الله يرحمه
عمر : اتعيش وتترحم … اتصور طلع عندي خو تؤم ومات محروق
فرج : كيف من قالك ؟؟؟
عمر : تندري قصدك !
فرج : اه ﻻﻻ شن نندري هادي
عمر : تندري يافرج نعرفك لما تكدب اتحك وذنك
فرج : ايه دريت مالياش هلبا
عمر : وعﻻش ماقلتش ! لين نسمع مالغريب يعني
فرج : من منو سمعت
عمر : نحكيلك اتحل فمك نهارك مغبر … وحكاله عمر اللي صار
فرج : تتسهوك !
عمر : والله بجد
فرج : متجوز مرا تانية امممم واختي تندري ؟؟؟
عمر : هه كان تندري راه قايمة الدنيا فوقي لوطي.
فرج : اممم لكن والله انفتحتلك طائة القدر حوش جاك بالبارد البريدي اديره سوق واﻻ ادير محﻻت واﻻ تأجره اشيه واتقول مش محظوظ
عمر : اخطيني من هدا كله قاعد مصدوم ..وطايرتلي من امي كيف ادس عليا
فرج : اممم باهي شن بتقوللها ؟؟
عمر : غدوة الصبح ايدير ربي طريق ان شاء الله ..
فرج : يستر الله وخﻻص ..
وتم دوامه عالساعة سبعة روح ارتاح شوي ومع ساعة 10 خدي ورقة الوصية طبقها وحطها ف جيبه ونزل ل امه وعلى جية فرج جي بش يحضر الموقف
فطر فرج مع اخته ونازك كيف طلعت ماشية العمل .. عمر مقغمز يستنى امه اتكمل فطور بش بيفتح الموضوع
عمر : يمى .. هئ احم …
خ وداد : خير بﻻك تتنحنح واتحط
عمر : بوي الله يرحمه
خ وداد : تعيش واتترحم
عمر : خﻻلي وصية
خ وداد : خﻻلك طيح سعدك ومزالك
عمر : غير اسمعيني بوي خﻻلي وصية جابتهالي مراة
خ وداد : ئه ومن اتكون هالمراة
عمر : مرت بوي
يتبع………
لقراءة الجزء التالي : الجزء الثامن عشر من رواية محظوظ ولكن
لقراءة الجزء السابق : الجزء السادس عشر من رواية محظوظ ولكن
للإطلاع علي فهرس اجزاء الرواية : رواية محظوظ ولكن ( جميع الاجزاء كاملة ) للكاتبة لوزة
جميع الحقوق محفوظة للكاتبة لوزة .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء الثامن من رواية متعصب واحببته
الجزء الثامن من رواية متعصب واحببته
مايو 22, 2022
صورة جميلة لغلاف الجزء التاسع عشر من رواية معذبتي
الجزء التاسع عشر من رواية معذبتي
يونيو 11, 2022
صورة جميلة لغلاف الجزء الثالث عشر من رواية خط احمر
الجزء الثالث عشر من رواية خط احمر
مايو 24, 2022
صورة جميلة لغلاف الجزء الثاني من رواية انتقام رجل احب بجنون
الجزء الثاني من رواية انتقام رجل احب بجنون
مايو 11, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرام
زر الذهاب إلى الأعلى
القائمة
روايات
بحث عن
الرئيسية/الجزء
الجزء
الجزء الثامن عشر من رواية محظوظ ولكن
الجزء الثامن عشر من رواية محظوظ ولكن
صورة مهند أدهم مهند أدهميونيو 20, 20220533 9 دقائق
وفي الجزء الثامن عشر من رواية محظوظ ولكن دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لوزة .
الجزء الثامن عشر من رواية محظوظ ولكن
عمر : يمى .. هئ احم …
خ وداد : خير بﻻك تتنحنح واتحط
عمر : بوي الله يرحمه
خ وداد : تعيش واتترحم
عمر : خﻻلي وصية
خ وداد : خﻻلك طيح سعدك ومزالك
عمر : غير اسمعيني بوي خﻻلي وصية جابتهالي مراة
خ وداد : ئه ومن اتكون هالمراة
عمر : مرت بوي
خ وداد : هيا عاد بﻻ صحة وجه
عمر : به هادي صحة وجه ..تمام .. به قوليلي عﻻش داسة عليا خبر ان عندي خو تؤم
خ وداد : من قالك وشن قصدك بيها لقطة هادي ان انا صحيحة وجه او
عمر :حشاك ماقلتش هكي لكن داسة عليا صار واﻻ ماصارش ! ومحملة بوي الذنب طول عمره صار واﻻ ماصارش … ومدايرة ان بوي خلى عمار في الحوش بلعاني لان كنتي تفضلي عمار وبوي يحبني انا
خ وداد : من قالك
عمر : قلنا مرت بوي
خ وداد : تسحن فيا قصدك ؟؟ مرت بوي مرت بوي وهوا بوك قادر ايحل حوش تاني بش اتقولي مرت بوي
عمر : ياسر يمى كيف تتكلمي عليه هكي ..الراجل ف دار الحق واحنا ف دار الباطل
خ وداد : هيا هما كلمتين ياعمر من قالك
عمر : وحق ايات الله جتني مراة وقتلي انا مرت بوك وعطتني وصية وعقد الحوش
خ وداد : ايه علينا عاد … حوش شنو
عمر : حوش بوي اللي ساكنة فيه المرا
خ وداد : وينه العقد
عمر : قاعد ف الحوش جبت الوصية بس
خ وداد : عقد حوش باسم منو
هاك يافرج اقرالها السطرين اﻻوﻻت بس ..
خدي فرج الورقة من عمر
فرج : عزيزي عمر .. اكيد تقرا في وصيتي توا ومصدوم من اللي صاير .. صح انا اتزوجت قبل 30 عام من فاطمة … لقيتها حالتها المادية ماتسمحش فقلت نستر عليها
خ وداد : كدب المرا تابلى علينا بش تاخد ورث
فرج : صح خط بوه يا وداد
خ وداد : بﻻ تزمزيك يا زمزاك… حشيشتك اتبيبيله عمر عاد ….توا اما اقرب… اختك واﻻ ولد اختك اه قول
فرج : توا انا زمزاك ؟
عمر : المهم تواااااا اعﻻش ادسي عليا
خ وداد : ولدي واﻻه صح لكن سبحان الله من اول ما جاباتكم الممرضة ليا انت وخوك انا قمت عمار قلبي رفله وبوك قامك … قتله بنسميه عمار ع اسم بوي قالي ﻻﻻ فكينا تو يطلعنا سكير نكير زيه… مات وهوا يسكر …هوا ممكن قالها ببصارة لكن ماغابتش على بالي وﻻ لحظة ..قعدت شايلتها فقلبي لتوا.. هه وقامك وهوا فرحان بيك وقال بنسميه عمر … ويرقص ف حواجبه يقولي هاه تو يطلع حاجة امقومة ..
وكﻻمه ركب ف راسي …وماننكرش حتى في العيد الصغيرة طلعت شريت لعمار وانت ﻻ.. وبوك يحسابني شريتلك حاجة طلع يجري ف ليلة العيد مع ساعة 4 الفجر بش ياخدلك لبسة
عمر : عﻻش هدا كله ..معقولة انتي هكي يمى ؟؟ كنت مﻻيكة مانفهمش معقولة اديري هكي في ضناك !
خ وداد : كﻻم بوك مش شوية يابابا وقعد طول العمر وهوا يدلع ويغنج فيك لين طقيت 30 عام وهوا مازال مدلعك …
عمر : مفروض تفرحي ..
خ وداد : على شن بنفرح !
عمر : تي ولدك النهار المبارك ولدك ..
خ وداد : المهم المرا كدابة تو نقول لحاتم يمشي يشكي فيها
عمر : والله الكﻻم كله اللي قلتيه يمى تمنيت انموت انمووووت وﻻ نسمعه … تمنيت تصيرلي حاجة وﻻ نسمع منك هالكﻻم …غرزتي فيا مووس يمى …
خ وداد : بنشكي فيها اعطيني اسمها عمر : مانيش قايل حتى معلومة
ناضت تجري خ وداد بعفاريت عفاريتها فكت الورقة من فرج ومزقتها
عمر : ﻻﻻﻻﻻ ﻻ شن اديري يمى تي ﻻ
فرج : تي هاتي اهني هاتي
خ وداد : قالك وصية هه …
لم عمر الورق المزق وهوا يبكي ..
طلع من حوش امه وطربق الباب وركب فوق
فرج : سبحان الله ياوداد شي ماتتغيريش
خ وداد : هيا مش ناقصة مواعظ من خوي الصغير
فرج : باهي به ربي يهديك وخﻻص ماعندي مانقول ..
ليال : عموري خيرك
عمر كشخ على ليال بكل ما اوتي من قوة وقالها : بالله خليني تره مش ناقصك
وخش لدار النوم … وحط فتافيت الورق على الكمدينو حاول يرتبهم ماقدرش تنرفز وزاد عفجهم … واتكى يبكي ع سريره واجعه حاله من كﻻم امه
{الله يسامحك يمى الله يسامحك بوي عز الرجال وانتي تقولي عليه هكي .. ياحسرتي وخﻻص }
ويخبط ب ايده ع السرير
ليال واقفة مصموطة من تكشيخة عمر عليها … مشت بيتت عليه لقاته يدوي بروحه …
بعد ساعة رجعتله لقاته راقد .
زعما خيره عمر … شن مضايقه وشن فتافيت الورق هادو خيره ماحطهمش ف كناسة واﻻ زعما يبيهم و مضايق ع خاطرها امممم ..
خدت فتافيت الورق وطلعت بيهم لوسط الحوش وخدت لصقة وقعمزتلها .. ساعة اﻻ ربع وهيا اتواسي وتلصق وتقرا في النص وتلقى فيه راكب ع بعض واتلصق لين كملتها مشت فتحت اﻻب توب ووصلت الطابعة ودارتلها سكنر نسخة تانية …
وحطتهم فوق الكمدينو في مكانهم وين ماكان حاطهم عمر ..
في حلم عمر وهوا راقد …
عمر : معليشي يابوي امي ماكانش قصدها … الله يسامحها
عبدالرحمن : قلبك طيب ياولدي وهدا اللي محببني فيك … رد بالك ع روحك
عمر : وين ماشي يابوي خودني معاك … يابوي استناني …يابوي ماتخلينيش بروحي .. بووووي
وفاق عمر مخلوع …
عمر : استغفر الله العلي العظيم
تلفت للكميدينو لقي وصية بوه ملصقة ومعاها نسخة هليها ملونة في ورقة صحيحة
عمر : ليااال ليال
جاته ليال وقتله : نعم نعم
عمر :انتي لصقتيها
ليال : ايه سامحني اطفلت على حاجاتك غير شفتك مضايق قلت نحاول نفرحك
ابتسم عمر ابتسامة رضى وقالها : تعالي قعمزي
قعمزت ليال على طرف السرير .. حط عمر ايده على راسها ومسد على شعرها وقالها : معليشي امبكري كشخت عليك … غير مانبيش نفش غلي فيك بس
ليال : معليش صار خير ..
كل شخص اتجيه لحظات غضب
عمر : صح اي واللي صارلي لحظات غضب مركزات… اكيد قريتيها الورقة
ليال : اي بش نقدر نجمعها مع بعضها
عمر :بس اللي فيها يقعد سر بينا ماتقوليشي لحد حتى امك
ليال : اكيد للبيوت اسرار وسرك في بير
عمر : ربي يحفظك ..
ليال : المهم ماضايقش روحك
عمر : ان شاء الله خير
ليال : نوتيلك الغدي
عمر : والله ماعندي نية
ليال : غير هيا انت من الصبح مش واكل شي … نوض على خاطري
عنر : باهي وتيه هي
ليال : ان شاء الله هي …
وتت ليال الغدي وفرشت المفرش وحطت اﻻكل وحطت السﻻطة وطواسي العصير ونادت عمر
عمر : جاي هي
قعمز عمر وقالها : اممم عالمبطن اووو.. ورز مخلط
ليال : اي ^^
طق طااااق طق بوف بوف بوف
ليال : سمله من ايطقطق علينا هكي ان شاء الله خير يارب
عمر : خشي داخل والبسي حاجة تو نفتح انا
خشت ليال لبست مصلية وقعدت ف دار النوم …وفتح عمر الباب
حاتم : شنو يافالح الكﻻم اللي سمعته
عمر : بشوية شن اتفلق عالباب هكي وخاش طول تلعلع
حاتم : شن اللي سمعته … شن الوصية ومرت بوك … وكيف اتكشخ ع امك بطريقة هادي
عمر : امتى؟امتى كشخت ع امي شن اتقول انت عيب عليك
حاتم : شن امك بتكدب توا قالت يناصي فيا وواقف مع مراة جايا تتبلى علينا بش تورث معانا
عمر : ﻻ اله اﻻ الله
حاتم : محمد رسول الله … توا نبي نقراها الورقة
عمر : تبي الحق امك فترشتها طرف طرف
حاتم : هاتها انلصقها نشوف بعيني شن مكتوب
عمر : تي باهي معش اتكشخ راك ف نص حوشي …استنى اهنا
خش عمر دار النوم دس الورقة اﻻصلية وطلعله النسخة
وطلع ل حاتم
عمر : هادي ال
وقبل مايكمل عمر دوته فكها حاتم منه
ويقرا فيها عيونها يتحركوا زي اﻻلة ف الورقة
حاتم : شن ولد البطة السودا ماتعطيش لحاتم شن جاب المحل لحوش توا تره قولي ؟؟
عمر : ماتسئلنيش حتى سؤال ﻻن اجابته مع الوالد والوالد رحمة الله عليه
حاتم :تو اللي يسمع ايقول ماعنداش ولد تاني مخلي الكبير الطرطور وماشي لصغير
عمر : مافيش داعي منه الكﻻم هدا
حاتم : وين مكانها المرا بنبلغ عليها تتبلى علينا
عمر : اتبلغ على جداك هنينا تره
حاتم : امك قالبة الدنيا لوطى وبتبلغ
عمر :بالعقل ياحاتم شن مصلحتها بتتبلى تره تي هيا مريضة وحالتها حالة مزالها ايام وتموت ورث شنو اللي بتورثه
حاتم : مانعرفش انا… بنمشي زي ماتقولي امي وخﻻص وانت ﻻزم اتقولي مكانها
عمر : ياسﻻم عاد حبيب الماما
حاتم :احترم نفسك وقولي مكانها
عمر : وحق الله ماني قايلك كلمة ياحاتم
شافله حاتم بنظرة نص كم وحك لحيته وقال : باهي ياعمر به حتندم صدقني
عمر : معليشي الندم خوي ديما ساهر انا وياه متعود عليه …
حط حاتم الورقة ع الكنبة وطلع وسكر عمر الباب
{مشاكل ايجوا لعندك هكي }
خدي الورقة عمر ومشي لدار لقي ليال شادة وذانها ومتكرمشة فوق السرير
عمر : ليال … ليال خيرك ؟؟
ليال : اه شنو
عمر : خيرك ؟
ليال : ﻻﻻ شي
عمر : بالله خيرك شادة ودانك و باين عليك خايفة
ليال : مانحبش العراك .. ف حوشنا قبل خوتي ديما يتعاركو تهفت عركة بين اتنين اتشب عركة تانية بين اتنين 12 الولد واليوم كله يمشي ف العرايك فأنا تعقدت من صغري وبديت كلما زوز منهم يتعاركو تلقاني امي ف تركينة من التراكين ومدايرة هكي .
ضمها عمر ليه رغم اﻻامه وغضبه وقالها : معليشي ليال .. عادتا مانتعاركوش غير هكي مش عارف يمكن الموقف حاد هالمرة
بعد يومين مشي حجز عمر ل ليال .. طبعا ام عمر تسحن وبدت تعامل في ليال معاملة بايخة جدا فلهذا قرر ياخدها معاه لتركيا..
وفي يوم السفر عالساعة 8 كملوا توتاية شناطيهم وطيارتهم عالساعة 11 ..
عمر : البسي جبة
ليال : ماعنديش اﻻ واحدة بس ومش محددة
عمر : واحدة بس ؟؟؟ قفاصة
ليال : ﻻﻻ مش قفاصة انت قتلي قبل العرس البسي عبايات فضفاضات ومانبيش جبب فماخديتش في بتاتي اﻻ واحدة
عمر : به بري حدديها توا والبسيها وبعدين ناخدوا من تركيا
ليال : به تمام .. وانت البس سروال ازرق و سورية بيضاء وجاكيت البيج
عمر : به طلعيهم هي
وبدلوا هما اﻻتنين
ونزل هوا و ياها
..
ليال : حتخطم ع اﻻي واﻻه
عمر : ايه اكيد ..
خش لحوش امه لقي نازك سلم عليها عمر : وين امي اماﻻ
نازك : متكية ف دارها خشلها
عمر : به … استنى اهنا ليال تو كان ناديتك تعالي باهي
ليال : به تمام
خشلها عمر … شافاته درات روحها راقدة
عمر : يمى … يمى ..يمى
خ وداد : شن تبي
عمر : كيف حالك
خ وداد : من الله بخير
عمر : ومن عباده …
ماردتش عليه خ وداد فقالها : الصبر ياربي عموما مسافر انا
خ وداد : زينة
عمر : وحتى ليال
خ وداد : وشن دخلني فيها
عمر : ااااخ … باهي ردي بالك ع روحك يمى … بالسﻻمة ..
ماردتش عليه خ وداد … فاطلع ورد عليها الباب
ليال :شنو صار
عمر : وﻻ حاجة…هيا خلي نمشوا فرج يستنى فينا قدام الباب
ليال : هي
فرج : ديما متأخر حياتك كلها تأخير ف تأخير
عمر : الله غالب … افتح الكوفيني
فرج : هي
عمر ل ليال : اركبي تو نحط شناطي ونركب
ليال : به … السﻻم عليكم صباح الخير
فرج : وعليكم السﻻم صباح النور يابنتي
شدت ليال ضحكتها ع كلمة بنتي هههه على اساس انه خال راجلها وكبير ف العمر وهوا نديده
ركب عمر وانطلقوا للمطار ..
عمر : غير علينا هاﻻغنية
فرج : خيرها عوجة اﻻغنية … قربي مني خودي عينا في الدنيا ديااااا
عمر : ماقتلكش غني معاها … حط حاجة باهية …
وقدم عمر ل وذن فرج وقاله : معش تلصلص ف المراية خير مانحيلك عيونك
فرج : هني روحك ياواهم .. ماشفتلهاش ف مراية بكل
عمر : اممم باهي ..
وبعد شوي وصلوا المطار …
فرج : رد بالك ع روحك ..
عمر : ان شاء الله ياطيب
^ عناق حار ^
فرج : بالسﻻمة
عمر و ليال : بالسﻻمة
روح فرج..وخﻻهم
ليال : عموري
عمر : نعم
ليال : امتى موعد الطيارة صقعانة قريب نتجممممد
عمر : مالبستيش كويس شورك
ليال : ﻻ ﻻبسة لكن اليوم صقع بزيادة
عمر : هيا اهو ينادوا علينا طيارتنا نوضي هي
ليال : هي
وركبوا طيارتهم وسافروا ..
حاتم : باهي يمى شن بندير هي ماباش ايقولي وين مكانها المرا
خ وداد : دبر ماخصنيش فيك ..
حاتم : كيف بندبر تره قولي … حتى الوصية قريتها تامة مافيهاش مكان المرا
خ وداد : امتى قريتها ؟؟ مزقتها انا طرف طرف
حاتم : ﻻﻻ شوره لصقها وسحب عليها
خ وداد : اححح منه غير كان نوصل لعقد الحوش بس هدا كان فيه عقد حق زي مايقول
حاتم : عﻻش شن بديريله العقد
خ وداد : نعرف شن انديرله ..
حاتم : وحتى ولو مش حيعطيهولك
خ وداد : هه مش مستنية انه يعطيهولي
حاتم : كيف ؟؟
خ وداد : تو تعرف كيف … يانازك … نازززك
نازك : نعم
خ وداد : وين مفتاح اﻻحتياط متع شقة عمر
نازك : في المزهرية لكن شن تبي فيه
خ وداد : بنركب انشوف شن عنده ناخد عقد الحوش
نازك : ﻻﻻ يمى شن تخشيله حوشه في غيابه
خ وداد : بري ياسوسة هاتيه فيسع
نازك : باهي به
خدت خ وداد المفتاح وركبت هيا …حاتم ل شقة عمر …
يتبع……
لقراءة الجزء التالي : الجزء التاسع عشر من رواية محظوظ ولكن
لقراءة الجزء السابق : الجزء السابع عشر من رواية محظوظ ولكن
للإطلاع علي فهرس اجزاء الرواية : رواية محظوظ ولكن ( جميع الاجزاء كاملة ) للكاتبة لوزة
جميع الحقوق محفوظة للكاتبة لوزة .
فيسبوك X بينتيريست Reddit
صورة مهند أدهم
مهند أدهم
مقالات ذات صلة
صورة جميلة لغلاف الجزء الثاني عشر من رواية عاصفة الصمت
الجزء الثاني عشر من رواية عاصفة الصمت
يونيو 21, 2022
صورة رائعة لغلاف الجزء الثامن عشر من رواية عاصفة الصمت
الجزء الثامن عشر من رواية عاصفة الصمت
يونيو 21, 2022
صورة رائعة لغلاف الجزء السادس والعشرون من رواية عالمي
الجزء السادس والعشرون من رواية عالمي
يوليو 6, 2022
صورة رائعة لغلاف الجزء الخامس من رواية عاصفة الصمت
الجزء الخامس من رواية عاصفة الصمت
يونيو 20, 2022
اترك تعليقاً
لن يتم نشر عنوان بريدك الإلكتروني. الحقول الإلزامية مشار إليها بـ *
التعليق *
الاسم *
البريد الإلكتروني *
الموقع الإلكتروني
احفظ اسمي، بريدي الإلكتروني، والموقع الإلكتروني في هذا المتصفح لاستخدامها المرة المقبلة في تعليقي.
© حقوق النشر 2026، جميع الحقوق محفوظة | من موقع قصص واقعية
فيسبوك
فيسبوك
X
واتساب
تيلقرام
زر الذهاب إلى الأعلى