11/12/
لاحول ولاقوة الا بالله العلي العظيم،،اللهم صل وسلم على نبينا محمد،،لااله الا الله
.
>
نشمي بعصبية:اعقب!!
عادل(25سنة)بغبنة:يبه انت وافقت!!
نشمي:ترادد ياعادل!!
عادل:ايه ارادد ذي حياتي وانا باللي بأغدي بها يبه وشو له تظلمني!!علمني ليش بس ليش!!
نشمي:اقطع واخص ماظلمتك ياقطع لهاللسان يالغضيب!!علمتك اني زوجّتك وحبيت راسي وانت مستانس مطيور من الفرح!!وتقول ظلمتك!!
عادل:ايه بستانس يوم اللي بأخذها جميلة ماهي بوسمية!!
نشمي ضربه كف ع وجهه
عادل عض شفته بقهر وهو يحبس عبرته ويبلعها
نشمي بحدة:اوجسته لك ارعني زوجتك انت وفاهد وليلتكم وحدة ثمن قمت حبيت راسي والضحكة شاقتن وجهك غدا ولا ماغدا!!
عادل ضرب صدره بيده وبنبرة عالية من قهره:غدا غدا مير انه الخاطر جميلة ماهي وسمية يبه تكفى يبه حرام عليك تعمل بي هاللون!!والله حرام
نشمي بعصبية:تحرم عليك عيشة الهنا ياعادل تحرم قل امين!!
عادل برجفة صوته وبقلة حيلة وهو يعرف ابوه وطباعه:يبه فاهد اوجسه يبه اوجسه
نشمي بحدة:وهذا اللي انعمل مثل ماتراعي جميلة لفاهد ووسمية لك هذا اللي توجسه خواطركم!!
عادل انخطف وجهه من الصدمة
مسفر(23سنة)دخل:هذا هو فاهد يبه جا
فاهد(25سنة)دخل وراه وقفل الباب:سم ياعم
نشمي بحدة:فاهد
فاهد فز:سم
نشمي:اوجست لي قبل كمن يوم انك باغين جميلة وعادل باغين وسمية صحيح؟!!
عادل يحس قلبه وقف وهو يسمع كلام ابوه والتفت لولد عمه او بالأصح اخوه ماهو بس ولد عمه وهو الوحيد اللي يدري بعشق عادل لجميلة وياكم تغنى عادل عنده بسمرات اخر الليل بجميلة وحبه لها علق عيونه على فاهد ثبتها عليه وهو يتمنى ان اللي سمعه من ابوه كذب
فاهد:صحيح اوجسته
عادل تخدر جسمه من الصدمة وعينه للحين على فاهد
نشمي طالع عادل بحدة:اعقب وتوجس اني ظلوم(ظالم)ياعلّك بالظليمة ياعادل!!
عادل وهو ماسمع ولا كلمة من كلام ابوه تقدم لفاهد وبصدمته منه:ليش يافاهد ليش تعمل بي هاللون وانا اخوك ليش!!
فاهد يطالعه بتكشيرة مرتسمة على وجهه
نشمي بحدته:استح ياعادل استح هذا وليدي قبل مايصير وليد اخوي وانا مارضى له التهايم!!
عادل:كل شين بيدي وزان بعينك عطيتك اياه وانا اضحك لك لو خاطري به!!ليش تغدر بي ليش!!
فاهد بحدة:ماعملت شين بك لاتبلاني!!
عادل بصراخ وسط رجفة صوته:كل شي سلمته لك ولااوجست كلمة وانا خابرن عينك عاللي بيدي مايملى عينك اللي بيدك مير انه اوجست اخوي ويرخص له!!مير جميلة!!جميلة يافاهد جميلة!!عينك على قليبي يافاهد!!مارحمت قليبي!!
فاهد التفت لنشمي وبحدة:يرضيك ياعم يهرج بعرضي يهرج به عيني عينك يرضيك!!!
عادل هجم عليه ومسكه من رقبته وهو يخنقه وبقهر:تعقب ماهي بعرضك
فاهد وهو يدفه عنه:تعقب عرضي غصبن عنك
عادل وهو يضربه وسط دموع ملت محاجر عيونه:جميلة لي لي انا!!تعقب تلمس لو هي شعرة من راسها تعقب!!،،ماحس الا بسحبه قوية له أبعدته عن فاهد،،
نشمي سحب عادل عن فاهد ودفه بعيد بكل قوته عن فاهد
عادل طاح عالارض وطالع ابوه بقهر
نشمي بحدة:استح على وجهك ماربيتك على سواد الوجه ياعادل!!
فاهد ورا نشمي وهو يمسح وجهه ويتأكد صار له شي او لا
عادل بترجي وسط دموعه:يبه تكفى لاتذبحني يبه تكفى طلبتك
نشمي صرخ:انكعم ياعادل انكعم
عادل صرخ:لا يبه لا كل شين على هواه هالفاهد من سنين مير جميلة لا يبه لااا!!
نشمي صرخ:انكعم لايصير الزواج عزا الليلة
عادل ماعاد قدر يكبح دموعه اكثر وفضحته قدامهم
نشمي بحدة:الليلة ليلة زواجك من وسمية وسمية بنت عمك وسمية ماغيرها ياعادل وجميلة لفاهد واقطع هالطريا ولاعاد اوحيها مرتن ثانية ولاتفضحنا بين العربان،،خرج،،
>
الجد نشمي اللي نايم بصالة بيته صحى بدخلة راشد
راشد وقف وهو يطالع قفا جده اللي متمدد عالارض وسط النور المفتوح عنده
الجد نشمي لف على راشد ورفع راْسه وهو للحين متمدد وطالع راشد وباستغراب من وجوده:راشد!!
راشد رغم وجهه اللي مليان تعب ابتسم ودخل ووقف عنده وانحنى شبه جالس وهو يسلم على راس جده ويده:سامحني ياجدي مادريت انك نايم هينا
الجد نشمي زفر وهو ينزل راسه:مسموح وماله داعي هالهرج رح تريح بس رح
راشد وقف:اخليك تكمل نومتك اقفل اللمبات عليك؟
الجد نشمي:لا كبّهن عنك بأغط(غفوة)الصلاة قريّبة
راشد:على راحتك ياجدي،،مشى،،
الجد نشمي بضيقة وهو يغمض عيونه بقوة ويهمس لنفسه:ياشين دعوتك يانشمي صابت ولدك الظليمة وهو ماله بد(شغل)!!
.
..مــكـة..
الجد بادي نايم بالساحة الخارجية بالحرم فز من نومته وجلس وهو يتعوذ من ابليس مسح وجهه بيديه وهو يبلع غصته وبينه وبين نفسه:رحتي وماحللتش ياجميلة ولا انتي اللي حللتيني وانا ابوش!!،،قفل قبضته وهو يكبح عبراته اكثر،،اااه واخيبتك يابادي ذبحت عيالك كل ابوهم بعنادك!!وينك يانشمي ابطيت عني!!ماسدّتك(كفاك)خمس وعشرين سنة!!مابقليبك رحمة لابوك!!،،تمردت دمعة من عينه غصب ومسحها بطرف يده اللي واضح عليها اثار عمره،،
يوسف صاحب الملامح الأجنبية عيون زرقاء وشعر اشقر وبشرة بيضا جلس بجنبه وبكل يد كوب موية زمزم ابتسم له وهو يمد له كوب:ياعم احنا بالحرم مافي شي صعب على رب الحرم!!
.
..بيت عادل..
جسّار بتوتره ورا الباب:ماهو بناقص مردغة والله!!
رهايف جنبه طالعته:كله منك يالثور كان اتصلت وقلت لنا انكم جايين
جسّار:انطمي انطمي لاصكك الحين
امجاد وراهم وبنرفزة:اوص إنتوا الاثنين اوص
ام غازي صحت لصلاة الوتر صلت واستغربت ان ابو غازي مو موجود نزلت وشافتهم معطينها ظهورهم عرفت قفا جسّار اسرعت بخطواتها وبابتسامة:ياهلا والله
جسّار التفت لامه وشقت وجهه الابتسامة وجرى له وهو فاتح يدينه:يالله حيها يامرحبا يامرحبا،،ضم امه ثم سلم على راسها ويدها ورجع ضمها،،اشتقت لك يمه اشتقت
ام غازي ابتسمت وهي بحضنه:كيفك يمه وكيف اخوك،،تركته وبحماس،،جا معك هالشين؟
جسّار بزعل:يمه وانا طيب خذي علومي؟!!
ام غازي:ماعليك قدامي طيب مافيك شي!كيفه اخوك جا ولا لا؟!
رهايف:يمه بتال عند ابوي
ام غازي اتسعت عيونها:وش تقولين؟!!وينهم؟
رهايف اشرت بيدها للباب
ام غازي أسرعت بخطواتها ومسكت الباب بتفتحع
جسّار من وراها مسك يدها:يمه
ام غازي دفت يده وبعصبية:اجل يذبح اخوك!!
جسّار:يمه بتال هو اللي بيزعل اذا صار شي بينكم والسبب هو
ام غازي:خله يزعل اجل يذبحه عادل!!
امجاد:يمه خليهم يتفاهمون ابوي حار وبتّال نسخته حار مثله
ام غازي:وانا اناظرهم يشبّون(يولعون)ببعضهم!!
امجاد زفرت:يمه هم بيولعون ببعض خليهم يمكن يهدون شوي
.
واقف قباله بهيبته المعتادة ملامح وجهه مرتسم عليها القسى بنظراته الحادة رغم هدوء انفاسه وبصوته الغليظ اللي وصل لمسامع بتال ويحمل بنبرته شي غريب على غير العادة:ايه انا انا ماغيره يابتال
بتال يطالعه بصدمة من وجوده ماتوقع يخرج له حتى ولو خرج له اكيد ماهو بساكت له اخذ نفس وقطع هالنفس صوت ابوه
ابو غازي ارتفع حاجبه وهو يطالع اثار الضرب الباقية على وجه بتال وبهدوءه:علامك؟غدت بك ام جلاجل للجلا(المصايب)؟
بتال يطالعه ساكت وهو للحين مصدوم ان ابوه يتكلم معه بهالهدوء
ابو غازي زفر:ايه ماتنلام!!هاذي ام جلاجل ماهو باي شين والسلام
بتال بصدمته:يبه تراك تكلمني؟!!
ابو غازي قطب جبينه وبنبرة عالية يكتم فيها حدته:خابرن اني اوجس لك!!تراعيني امهبول!!
بتال قطب جبينه من اللهجة وفوقها هالتعامل من ابوه اللي للحين مامردغه
ابو غازي وهو يطالع تتنحية بتال صرخ بحدة:ووجعوه بتال
بتال فز:بِسْم الله!!
ابو غازي بحدة:اذلف وجب لي حليب خلفات(ابل)،،عطاه ظهره بيدخل للبيت،،
بتال باستغراب:الحين؟!!
ابو غازي التفت له وطالعه بحدة
بتال:وين ألقى بهالوقت!!ماحولي احد!!
ابو غازي ارتفعت حواجبه من اللي يسمعه
بتال:اقرب واحد تسعين كيلو والحين محد منهم بعزبته(يقصد حظيرة الابل)!!اكيد نيام!!
ابو غازي ابتسم:مشكلتك ماهي بمشكلتي!!
بتال كشر بوجهه من شاف الابتسامة وعرف ان ابوه يبي يبهذله
ابو غازي:يأذن الفجر والحليب قدامي
بتال ابتسم:أبشر ياابو غازي
ابو غازي كشر بوجهه وبزلة لسان:مالك مطب بهالبيت ان إذن وهو ماهو قدامي
بتال اتسعت عيونه:ادخل للبيت؟!!
ابو غازي انتبه لزلته ولايقدر يتراجع وبتكشيرة وهو ينحرق من نفسه من داخل:اللي سمعته
بتال ارتسمت ابتسامة عريضة ع وجهه:كلمتك ياابو غازي ماأثتنى!!
ابو غازي بحدة:اعقب ماهو انا اللي يقول ويثني!!
بتال عطا ابوه ظهره وهو يمسك طرف ثوبه ويرفعه لوسطه ونط الثلاث درجات اللي قدام باب بيتهم مرة وحدة وهو يجري بكل حيله
ابو غازي كشر بوجهه وهو يطالعه ثم دخل لبيته وشافهم قباله وبحدة وسط تكشيرته:وش تنتظرون!!كلن على سريره!!
ام غازي مشت ومرت من جنبه وهي تفتح الباب وتطالع تدور عليه
ابو غازي التفت لها:ماهو بفيه بس ارجعي كملي نومتك!!
.
..مــكــة..
الجد بادي من فز من نومته مارجع ينام وكل شوي يدق بجواله الكشاف على سعود وهو مايرد ودخل قلبه القلق
يوسف وهو يشوف تكشيرة وجهه:عسى ماشر ياعم؟
الجد بادي وعينه بجواله:هالافدغ مايهرجني!!
يوسف قطب جبينه:من هو؟
الجد بادي:سعود
يوسف وهو يطالع ساعة الحرم:ياعم يمكن نايم الوقت متاخر
الجد بادي رفع عيونه للساعة ثم ضيقهن وهو يبي يطالع الوقت هز راْسه:صحيح صحيح يمكن انهم رقود،،انتبه ليوسف والتفت يطالعه وبحدته،،وانت من اوجس لك طاري!!
يوسف انصدم:هاه
الجد بادي بشك:علامك تتابعني(لاحقني)؟
يوسف:بيت الله!!
الجد بادي بتعصيبة:وعلى كبر الحرم ماعينت غير جنبي!!
يوسف:ياعم المكان شرح ويكفي!!
الجد بادي وهو يطالع ملامحه الأجنبية كشر بوجهه يخبي جواله تحت ركبته ويرفع مركوعه اللي عالارض ويوقفه بحيث طرف الارض والطرف الثاني ع كتفه:والله مانك بمضبوط متوبعني من الساحة للحرم وشو له؟!!وش غادين يمّه؟!!
يوسف وقف وهو يكتم ضحكته من سخافة الموقف:تراه الحرم ياعم مو كلن يتوبعك!!
.
..السيارة..
بتال يتثاوب وهو يسوق بالخط السريع وسط صوت منبه السرعة اللي كسر هدوء السيارة طالع الساعة بجواله قطب جبينه وهو يحسب الوقت كشر بوجهه وهو يستوعب انه مايمديه يوصل لراعي الإبل وياخذ الحليب ويرجع الا والناس انتهت من صلاة الفجر تنهد بضيقة وهو يهدي سرعته ولف راجع للبيت وبهمس لنفسه:انت منجلد منجلد خذها قبل الصلاة والناس نايمة ارحم واصرف لكرامتك
.
..بيت عادل..
ام غازي جالسة قباله وهي مبوزة وجسّار حاط راْسه على رجلها ونايم
ابو غازي جالس قبالها وبنفس الوقت وجهه عالباب:روحي نامي يابنت الحلال وخلي هاللي على رجلك يرتاح
ام غازي كشرت بوجهها:ياسبحان الله راحم جسّار!!ولا تبي تفتري بالمسكين؟!
ابو غازي كشر:لا والله اني راحم رجولك من هالحمار اللي متعبك!!،،صرخ،،جسّار ووجع
جسّار نايم ماتحرك
ام غازي:اتركه نايم علي ماهو بعليك!!
ابو غازي وقف ومشى لهم ووقف عندهم وضرب جسار ع كتفه:جساروه
جسّار توجع وهو نايم
ابو غازي توسعت عيونه:ياربي من هالولد!!بكل مكان يتبطح ويرقد!!
ام غازي بنرفزة:اذكر الله بِسْم الله عليه ثم كبّه عنك انا مرتاحة
ابو غازي مسكه من اذنه وهو يشده بها ويرفعها
جسّار رفع راْسه وهو مغمض عيونه:ااه اااه
ابو غازي صرخ:وهواه ياجسار قم قامت عليك!!
جسّار فتح عيونه وبنوم:يبه وش صاير
ابو غازي تركه:رجل امك وسادة يامال العمى اذلف وانخمد على فراشك
ام غازي بنرفزتها:انا مرتاحة اتركه اقول لك!!
جسّار يطالعه بتكشيرة:يبه الغرفة شينة بدون بتال
ابو غازي اتسعت عيونه:شانت ايامك ياجسار اَي والله
ام غازي وقفت وبعصبية وبخوف من دعوته:اعوذ بالله منك خاف ربك ولدك!!
ابو غازي صد بوجهه وهو يستغفر ثم طالعه بحدة:رح ارقد باي مكان لاتشوفك عيني راقد عند امك
جسّار بتكشيرة وهو يجلس ويمسك يد امه وجلسها جنبه ويتكتف:ماني براقد بانتظر معكم
ابو غازي بتهديد:والله لو اشوف عينك هه هه حولها شين من الغفى اني لاخليك تغفى زين
جسّار:ماني براقد يبه ماني براقد
ام غازي صدع راسها من تعصيبته وتطالعه وهي تبلع الكلام
ابو غازي رجع لمكانه وجلس والتقت عينه بعين ام غازي:وش عندك؟قولي اسمعك!!
ام غازي زفرت:ودي يوم لو هو يوم بس يوم كامل مااشوفك معصب ومبهذل الضعوف
ابو غازي اتسعت عيونه:من هم الضعوف؟!!عيالك؟!!
ام غازي كشرت بوجهها
ابو غازي:الله يكفينا شرهم بس كان تشوفينهم ضعوف!!
جسّار بنبرة هادية:يبه اذكر ربك ترا مايضرك!!
ابو غازي نزل نعلته وحذفها عليه
جسّار مسكها بيده وباستعباط:زي العسل والله!!
ابو غازي بحدة:انكعم ليتك خامد!!
جسّار:ان شاء الله ان شاء الله نسكت امرنا لله
ابو غازي اتسعت عيونه وهو يشوفه يرد عليه لكن قاطعته دخلته
ام غازي اتسعت ابتسامتها وهي تشوفه بعد ماالتفت له ووقفت
بتال دخل
ابو غازي بحدة:اقف ماتخطي خطوة
بتال زفر ووقف وهو مرجع يديه ورا ظهره ومنزل راسه:سم يبه
ابو غازي وقف واتجه له ووقف قباله بكم خطوة:مسرعك راجع!!،،ابتسم،،ماعينت شي!!يالله عطني مقفاك برا برا يالله!!
بتال رفع عينه لابوه وابتسم
ابو غازي كشر بوجهه
بتال خرج يديه اللي ورا ظهره ومدها لابوه
ابو غازي قطب جبينه وهو يشوف العلبة اللي بيد بتال
بتال ماسك بيده علبة حليب ابل جاهز ومدها لابوه وبابتسامة:سم
ابو غازي للحين مو مستوعب
ام غازي كتمت ضحكتها وهي تطالعهم
بتال بابتسامة:انت ماقلت من وين كل اللي تبيه حليب خلفات وبس!!
.
..بيت مسفر..
شذى دقت باب غرفة نوم امها وأبوها
ام جواد اتجهت للباب وفتحته بعد ماصحت بدقته وبنوم:وش فيك؟!
شذى:يـمـه صحي ابوي عمي وعياله قايمة قيامتهم
ابو جواد جلس عالسرير:عواطف فيكم شي؟
ام جواد التفتت له:اخوك وعياله مدري وش فيهم
ابو جواد فزّ من السرير مثل ماهو بتوتر وقلق مابدل ولا فكر يبدل اساسا مشى بخطوات سريعة ووقف ع باب البيت وهو يطالعهم اختفى توتره وقلقه وهو يشوفهم
.
..بيت نشمي..
الجد نشمي متمدد بالصالة ينتظر الاذان قطب جبينه وهو يسمع أصوات وقف وهو يتعوذ من الشيطان بينه وبين نفسه خرج وهو يتسند ع عكازه ووقف عالباب وهو يطالعهم:يالله صباح خير!!
ابو غازي ماسك جسّار من قفاه من ياقة ثوبه يسحبه وراه وهو يطارد ورا بتّال بالحوش وبصراخ:اقولك تعال تعال
جسّار وهو يحاول يفك نفسه لكن ابوه مثبتة:يبه تكفى اتركني مالي شغل انا!!
ابو جواد ابتسم وبهمس:رجع بتال!!،،زفر بوسط ابتسامته ورجع بيته،،
ابو غازي وقف وهو يدف جسّار بقوة لقدامه وبحدة:ورب البيت يابتال ماجيتني دفنتك!!
جسّار بالقوة توازن والتفت لابوه وصار بين ابوه وبتال
الجد نشمي زفر وسط تكشيرته وهو يطالعهم
بتال وقف وطالع ابوه:ماسويت شي!!
ابو غازي بصراخ وسط غبنته:وتقولها بقواة عين!!ماسويت شي!!اصغر عيالك انا!!تستعبط على راسي!!،،اشر بـيـده،،اقرب اقرب بس!!
بتال:يبه هدّ نفسك ماله داعي الفضايح
ابو غازي بحدة:خل حركات المبزرة تمنعك من الفضيحة الحين يابتال
بتال انتبه لجده وبرجى:جدي!!
ابو غازي معطي ظهره للبيوت ماانتبه لابوه:جدجد(حشرة)ياكل راسك يالثور!!للحين ماسك خط المبزرة!!ماتعقل انت!!تعال احسن لك،،بصرخة وحدة،،تعال!!
بتال:أجيك وتذبحني صاحي انا!!
ابو غازي صرخ:والله ان ماجيت من نفسك يابتال لاربيك من جديد تسمع والله لاربيك!!
بتال يطالع جده وهو ورا جسّار:تكفى ياجدي افزع!!
ابو غازي جرى له
جسّار مع انه ماله شغل بالسالفة لكن بردة فعل طبيعية متعود عليها جرى اول ماشاف ابوه يجري لجهتهم
بتال وقف بمكانه ماتحرك
ابو غازي مسك بتال من ثوبه من على صدره وزمه وهو ناوي يجلده
الجد نشمي وقفه:عادل
ابو غازي وقف والتفت لابوه
الجد نشمي:مابك طب ياعادل!!
ابو غازي بغبنة وهو يحرك بتال اللي مستسلم له:يبه ذَا الولد
الجد نشمي قاطعه:بوجهي ياعادل اتركه
ابو غازي طالع بتال بغبنة
بتال يخفي وناسته بعد تدخل جده
الجد نشمي:ماتلمس شعره منه وبعد الصلاة يصير خير!!،،عطاهم ظهره متجه لبيته،،
ابو غازي دف بتال وهو يتركه
بتال زفر براحة وارتسم طيف ابتسامة أخفاه بسرعة
ابو غازي بتهديد:الوعد بعد الصلاة يابتال
بتال بلع ريقه ثم ابتعد عن ابوه ولحق جده:ياجد انتظرني جاي وراك
.
.
يوم جديد
.
.
واخيرا بعد صلاة الفجر>>
..بيت الجد نشمي..
،،الصالة،،
الجد نشمي جالس متوسطهم زفر بضيقة منهم وهو يطالعهم
بتال ع يسار جده جالس قبال ابوه وبتكشيرة:جدي هالمرة مالي ذنب بشي!!
ابو غازي بحدة:اتبلاك انا!!!
بتال:انا سويت اللي قلته وانت ماعجبك وش ذنبي
ابو غازي وهو يرفع يده:اعقب!!
الجد نشمي بصراخ:بس!!
ابو غازي نزل يده وهو يزفر بغبنته
الجد نشمي:الى متى الى متى وأنتم بس تتذابحون ها!!،،طالع ابو غازي،،استح على وجهك هذا انت الشيب مالي رأسك وعاجزن تقضب روحك!!،،طالع بتال،،وانت اللي برأسك وعملته وللحين برأسك حرش!!حرام انه حلال من مددكم يالاثنين بهالصالة ودبغكم الى ماتوجسون امين
ابو غازي اتسعت عيونه:يبه!!
بتال:راضي ياجد ادبغني مثل ماتحب!!
ابو غازي كشر بوجهه وهو يسمع كلامه
بتال:بس جواد ماياخذ رهايف
الجد نشمي قطب جبينه وسط تكشيرته
ابو غازي:وشو!!مين انت حتى تعترض على شين خلصنا منه!!وانت بالذات انت مالك كلمة عليها!!
بتال كشر بوجهه:لي كلمة يبه اخوها!!
ابو غازي بحدة:تخاوت عليك ذيابة!!علمتك من الاول ماله داعي تجي وياليت تخففها علي وتفكني من وجهك
بتال بغبنة:وانا قلت لك اختي وشلون مااحضر فرحتها وشلون!!وبعدين انا مو موافق على هالزواج ابد!!
ابو غازي:ومين انت عشان ناخذ موافقتك!!احمد ربك انك للحين تكلمني بعد سواد وجهك!!
بتال بقهر:وش هو سواد الوجه اللي سويته يبه وش هو؟!!
ابو غازي ضحك بغبنة:ابد طال عمرك ماتسوي شي يازينك ويازين فعولك!!
بتال:رزقي يبه رزقي!!ثم انا ماضريت احد وانا ادور رزقي ولا تبي تصرف علي طول عمري!!
ابو غازي:عسى هالرزق مو مبروك يابتال قل امين!!
بتال كشر بوجهه:ماهو بآمين!!
ابو غازي:يا هالرزق اللي ماحلا بعينك الا من ورا ام جلاجل!!
بتال بعصبية:وش فيها ام جلاجل انا ماجيت احد حيلي بشغلي بس ماعرفت احد ابدد!!
ابو غازي بتعصيبته:وحدود الخرايط اللي باقية بوجهك!!
بتال سكت وهو يدري ان كذبته مكشوفة
ابو غازي:تقول لي انها ماهي بمنهم ها!!قوله بس حتى أذبحك وأخلص!!
بتال:ام جلاجل وهالكره كله لها ليش!!قول اللي عندك يبه لاتعلقني بشي وانت تعرفني!!
ابو غازي بنفس التعصيبة المستمرة وبلهجته: انت غديت يمهم وخلصت وشو له تنشدني بعد فعلتك!!مير ماانت بتايب الى منك تراعي عيال
الجد نشمي قاطعه بحدة وهو يطالعه بنظرة لو تذبح ذبحته:عادل!!!
بتال يطالعهم وهو تلعب فيه شكوكه واللي زاد هالشك ابوه اللي يأخذ ويعطي معه ماكأنه مهدده وطارده من قبل
الجد نشمي:خلاص ياعادل هالموضوع وقفله الولد وتوظف وباشر وخلص ماله داعي تصدع بروسنا على شين قضينا منه!!
ابو غازي بغبنة من بتال اللي ابوه واقف بصفه: مالك شغل لا بجواد ولا رهايف سامع!!
بتال بعناد:الا لي شغل وانا ماني براضي على هالجواد ابد
ابو غازي:تعقب تمشي كلمتك علي تعقب!!
بتال:انت ليش ماتسمع لاحد ليش!!
ابو غازي:مابقي الا انت تسوقني على كيفك يابتال!!
بتال زفر وبنبرة هادية عسى ابوه يسمع له:محشوم يبه محد يمشي كلمته عليك لكن لازم تسمع لنا محد يبي جواد محد يبيه ولا واحد منا يبيه يأخذ رهايف
الجد نشمي رفع يده بوجه ابو غازي بمعني أسكت ثم طالع بتال:ليش ماتبي ولد عمك؟وش اللي ناقده عليه؟
بتال:ياجدي انت تشوف وشلون يتعامل معنا الرجال مايبينا ولايبي لنا شوف وشلون تزوجونه رهايف وهو كارهنا والله ان يذوقها القهر!!
ابو غازي بحدة:معصي يابتال معصي رهايف برأسها هي اللي تبيه وهي اللي متفقة معه على امورهم بينهم يالاثنين
بتال انصدم ووضح على وجهه:رهايف تبيه!!رهايف قالته؟!!
ابو غازي:ايه هي اللي تبيه ومالك حق تنطق حرف يابتال لكن انت ناويها شر ماترتاح ولا يهنى لك بال وانت تشوف عيالي مبسوطين
بتال اتسعت عيونه وهو يسمع التخصيص من ابوه لأول مرة بحياته وهمس:يبه
ابو غازي:وين تبعد عنه!!ايه ابوك ماانت بغادين بعيد عنه الحقد مالين قلبك مثلك مثله!!وين تبعد ياولد فاهد عن فاهد وين!!
الجد نشمي بحدة:عادل!!
ابو غازي انتبه لحجم الكلام اللي نطق فيه وركز عينه على بتال بوسط صدمته من نفسه
بتال الصابر على الكلام الجارح كلمة ورا كلمة سنة ورا سنة لحد ماصارت أكوام مشاعر مجروحة طوال سنين وكان هالكلام بداية تفجر هالمشاعر شد على قبضته وبحدة:ودامني ناوي شر وحاقد ومايهنى لي بال وانا اشوف عيالك مبسوطين ليه مخليني ببيتك!!
ابو غازي سكت وهو يختلج صدره الندم لكن ماوضح على ملامحه ولاتراجع عن كلمته
بتال بقهر وهو مثبت عينه على ابوه:كان عزلتني عنهم مثل اَي حيوان يعزلونه!!
الجد نشمي بحدة:بتال!!
ابو غازي ساكت
بتال:وليش اهدرت(مسفوك)دمك دوني!!كان تركت الوضع مثل ماهو وارتحت مني بدون مايكون لك يد باللي صار!!
الجد نشمي:بتال انت
بتال قاطع جده وعينه على ابوه للحين:بالعكس كثر خيرك الناس بتتشكرك على سواتك وبيدعون لك ضفيت هاليتيم لكن هو ماهو بوجه خير مابه سنع الأعوج اعوج!!
ابو غازي صد بوجهه عنه
الجد نشمي يطالع ابو غازي وانقهر منه اللي ساكت ولانطق حرف ثم التفت لبتّال:بتال ياولدي ابوك ماقصد اللي يقوله
بتال طالع جده وبحدة:اهل امي جميلة
الجد نشمي انصدم
ابو غازي ماكان بعيد عن ابوه بالصدمة
بتال بحدته:اهل امي ابي أتعرف عليهم
وأتواصل معهم
.
.
<اللهم صل وسلم على نبينا محمد>
.
.
أميرالز and أزميرالد like this.
لامارا غير متواجد حالياً رد مع اقتباس
قديم 24-07-20, 04:19 PM #35
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
،،الـجـزء الـثـالـث والـثـلاثـون،،
استغفر الله العظيم من كل ذنب عظيم وأتوب اليه،لاحول ولاقوة الا بالله
.
..بيت عادل..
ابو غازي داخل لغرفة نومه وأخلاقه بطرف خشمه بعد اللي سمعه من بتال والمصيبة اصراره نزل شماغه ورماه عالتسريحة وهو يمشي متجه للسرير
ام غازي جالسة عالسجادة بجلال الصلاة تقرأ وردها اليومي قفلت مصحفها ثم وقفت والتفت له ابو غازي داخل لغرفة نومه وأخلاقه بطرف خشمه بعد اللي سمعه من بتال والمصيبة اصراره نزل شماغه ورماه عالتسريحة وهو يمشي متجه للسرير
ام غازي جالسة عالسجادة بجلال الصلاة تقرأ وردها اليومي قفلت مصحفها ثم وقفت والتفت له قطبت جبينها وهي تشوف الضيقة واضحة عليها تكلمت وهي تنزل جلالها:خير وش صاير؟عسى ماشر
ابو غازي جلس عالسرير وهو يمد يده للكومدينة وياخذ علبة الموية من عليها:بتال يبي يروح لأهل امه،،فتحها وسمى وشرب،،
ام غازي اتسعت عيونها ورمت جلال الصلاة فوق السجادة بدون ماترتبها كعادتها:وشو؟!!وش قايل له!!وش مسوي فيه حتى يروح برجوله لموته؟!!
ابو غازي وهو يقفل علبة الموية وبدون لايطالعها:هو راح لهم وسلم!!
ام غازي بعصبية:سلم لانهم مايدرون من هو ومن يكون!!وش قايل له حتى ينطق هالمنطوق ياعادل؟وش قايل له؟
ابو غازي:ماقلت له شي
ام غازي:ابد ماتقول له شي حافظك الله!!اكيد قايل له شي ومو بهين بعد اللي يبي روح لأهل امه!!
ابو غازي بنرفزة:وسمية الظاهر بديتي تخورينها!!(تغلط وماعليها بأحد)
ام غازي:وينه ياعادل؟
ابو غازي:وينه يعني!!ببيت ابوي اتركيه عنك عنادي(يعاند)وتعرفينه!!
ام غازي:محد عنادي كثرك بهالدنيا ياعادل واللي تبيه تسويه وماتضرب لاحد حساب وهه ناظر وش سوا عنادك بولدك ناظر!!
ابو غازي زفر وهو يرفع اللحاف ويتمدد ويتغطى:ماني بناقص صداع ياوسمية تبين ترقدين حياك ماتبين اطلعي برا ولايكثر
ام غازي انحنت وهي تاخذ الجلال واتجهت للباب وهي تقول:انا طالعة قبل ماتقول الشكوى لله من فعولك اللي بتجيب لنا مصيبة بيوم،،خرجت،،
ابو غازي غمض عيونه وهو يحس بجرح في وسط قلبه عالكلمة اللي قاله لبتال صحيح دايم يغلط عليه لكن عمره ماميّز بينه وبينهم مرت بخاطره ذكرى كأنها انعادت اليوم
.
>
عادل واقف قبال باب البيت يطالعه ينتظره يخرج
بتال(5سنوات)واقف جنب ابوه وهو ماسك يده شد على يد ابوه بخوف من هالمكان الغريب عليه وبدون امه رفع عينه لابوه:يبه نرجع عند امي وغازي وجسّار بعد
عادل مارد مثبت عينه عالباب ودق الباب من جديد
بتال بترجي:يبه مشينا الله يخليك
عادل قطب جبينه بوسط تكشيرته وهو يشوف الباب اللي قبالهم ينفتح
بتال تخبى ورا ابوه بخوف
بادي بحدة:لاهلا ولا مسهلا بك علامك غادين يمّنا!!تبيني أذبحك!!
عادل وهو يقدم بتال اللي يده بيده لقدام وتركه
بتال واقف بين عادل وبادي
عادل:جاي ارد الأمانة لاهلها
بادي بحدته:مسموح بهالامانة
عادل:وصية جميلة قبل لاتموت يعود ولدها يمك
بادي:اللي عافنا(مايبينا)عفناه!!وهالول د ماهو بلنا راضعن(رضاعة)من حريمكم ورابين(تربى)وسطكم وانت برأسك عادّه واحدن من عيالك وش لي به!!
عادل بقهر:صدقت!!وهو واحدن من عيالي وقليبي متمزّع(متقطع)عليه وانا غادين به يمك!!مير الوصاة دينٍ علي وملزومن بها!!ثم يوم انك توجس انه راضعن ورابين وسطنا خابرن كم لي وانا اتوبعك؟
بادي بحدة:اوجسته لك مالنا به
عادل صرخ:اربع سنين!!اربع سنين وانا اتوبعك حتى تلمه لصدرك!!تكب عنك القسى وتأخذه يمك مير انت اللي صاد عنه!!وذالحين توجس انه ولدنا!!
بادي:مير هذا الصدق!!ولدكم ماهو بولدنا شايلن اسمكم مابنا له حاجة
عادل اخذ نفس يكتم تعصيبته:وصية امه اللي مابقى له غيرها قبل وتكبّه انه يعود يمكم ويربى وسط خواله!!
بادي ضحك وبقسوة قلبه:خوال من!!!هي ماهي بمنا من يوم تخيرتكم وبدتكم علينا!!وخابرتن العلم كله!!
عادل يغلي وهو يسمع كلامه:جميلة لاخر يوم بعمرها وهي تبكيك وتطلبك مير انت،،سكت وهو يبلع كلامه مايبي يغلط وهالمرة بتكون اخر مرة يقابله فيها،،
بادي:العلم ووصلك ماني بخابرن احدن يوجسون لها جميلة وهالبلوى اللي غادين بها يمي خذها معك
عادل دف بتال على بادي
بتال تقدم بخطواته من الدفة وتعلق برجول بادي
بادي دفه بطرف رجله وسط حدة ملامحه:
بتال طاح عالارض وهو يطالع بادي وسط دموع تنزل عالصامت بدون اَي صوت
بادي بحدة:اعقب يالخسيس تلمسني!!
عادل شد قبضته وهو يقسي قلبه ويثبت نفسه لايجري لبتّال ويأخذه بحضنه وهو قطعه من قلبه مثله مثل اخوانه لف عنه وهو يبتعد
بادي رفع صوته وبحدة:كود مااخذت هالبلا عن عيني غديت به يمهم ياعادل
عادل التفت له وبابتسامة ثقة:ماهو بصاخين(يهون)قليبك تغدي به يم الموت،،مشى مبتعد،،
>
ابو غازي زفر وسط ضيقة مالية صدره وغمض عيونه بقوة يتغصب النوم وبينه وبين نفسه:سلمتك للموت مرة وشلون اصخى بك مرتن ثانية!!
.
..بيت نشمي..
ام غازي دخلت لبيت عمها بجلال الصلاة ومتلثمة ومرت من الصالة وهي تشوف عمها وقفت واتجهت له
الجد نشمي جالس بالصالة مثل ماهو بمكانه من جلسته مع بتال وعادل بوجه واضح عليه الهم والعرفان بتفكيره مو منتبه لاحد
ام غازي انحنت وسلمت عليه:صبحت بالخير ياعم
الجد نشمي اجبر نفسه عالابتسامة:هلا هلا ياوسمية
ام غازي واقفة:كيف أصبحت ياعم عساك بخير
الجد نشمي بابتسامة وهو يشوفها تلف حول السؤال اللي تبي تسأله:تدورينه؟
ام غازي:وينه فيه ياعم
الجد نشمي:أرسلته يم النخل يقص القنو(الصورة)
ام غازي بتوتر:علمته؟
الجد نشمي:اوجست له عقب مايزين النخل والرطب
ام غازي زفرت براحة وبقلق:بتعلمه ياعم؟
الجد نشمي:وشلون اردّه ياوسمية وهو بهالطول!!ماعاد ذاك الوغد(الصغير)اللي نغدي به ونعود به بسالفة!!
ام غازي تنهدت:تبي شي ياعم
الجد نشمي:تيسري له وانا عمش وقنعيه بلكن يلين راْسه ويهديه الله
ام غازي:تامر ياعم تامر،،خرجت واتجهت للنخل اللي بطرف حوش البيت الواسع وسط أشعة الشمس اللي بدت تحمي اكثر كل مامر الوقت وقفت عند النخل ورفعت راسها وهي ترفع يده قبال عيونها تغطي ضو الشمس اللي ضارب بوجهها وبسببه ماتشوف منه زين طالعته ورا ظل يدها،،بتال
بتال فارش عالارض فرشة النخل المعتادة ومتعلق فوق بوحدة من النخل وهو يقص القنو ويحذفه عالفرشة طالع امه وبابتسامة شلعت معها قلب ام غازي الرهيف عليه:الله الله اشوف الشمس زادت حرارة اثاريها ترحب بوصول الغالية،،ينزل من النخل،،
ام غازي بلعت عبرتها وهي تعرف اطلاعه مايتكلم لو صدره بينفجر من الضيق وابتسمت:ايه ياللسان يازينه ولاشفتك ولاقلت حتى امر اسلم على امي!!
بتال وصل الارض واتجه لها وهو ينفض يديه وسلم عليها وحضنها:اشتقت لك يمه
ام غازي برجفة صوتها:واللي يشتاق لامه يتركها يابتال!!
بتال بضيقة على امه وبضعفه قدامها ولأول مرة وهو يدفن نفسه فيها:والله يمه غصب غصب عني ماهو بيدي
ام غازي وهي تحبس دموعها اول مرة تشوفه او بالأصح تحس به بهالحالة وهي تمسح على ظهره:لك الله ياقليب صابر على الشقا لك الله
بتال بلع غصته
ام غازي فكته ومسكته بيده ومشت
بتال وقف وهو يمسك يد امه يوقفها:يمه جدي وعد عقب ماازين النخل والقنو يقولي
ام غازي مسكته من يده:محدن بيعلمك بالسالفة غير امك
بتال اتسعت عيونه
ام غازي مشت وهي تسحبه وراها:امش معي الحين امش
.
..مــكــة..
الجد بادي يكلم سعود بالجوال وبعد السؤال عن احواله وعن خواته نطق بتردد:ولد ياسعود
سعود:سم ياجد
الجد بادي:مامركم احد؟
سعود باستغراب:وشلون ياجد؟
الجد بادي:أحدن نشد عني منّا ولا منّا؟
سعود:لا ياجد
الجد بادي بنرفزة:ماودي من اهل الديرة الغبرا مير اقصد خلقن(ناس)من برا؟
سعود زاد استغرابه:انت تحتري احد ياجد؟!!
الجد بادي زفر:مابه احد؟
سعود:كود به ضيفن ناصيك ياجد علمني حتى اغدي يمه
الجد بادي:مابه احد مابه مير تحرص على خواتك وانا جدك
سعود:أبشر ياجد
الجد بادي:فمان الله ياسعود فمان الله،،قفل وبنفسه وهو يفكر بولد جميلة،،الظاهر عادل يوم اهدر دمه من شان ضناش ياجميلة مااوجسه عبث!!
.
>
>
بادي جالس بوسط حوش بيته
متعب متجه له بالدلة ووقف قباله وهو يمد له الفنجال:سم
بادي بابتسامة:سم الله إعداك
متعب جلس على يمين بادي
بادي التفت له:وينها عيني؟
متعب ابتسم:ذالحين تدني
بادي بصوت عالي وهو ينزل فنجاله :ام سعود بنت يا
جميلة قاطعته بدخولها مع الباب بثوبها الاصفر المنقش برسمات ورد صغيرة باللون الاخضر وطرحتها الطويلة اللي لتحت ركبتها ونقابها الطويل الواصل لتحت صدرها
بادي ابتسم وهو ملتفت لها يطالعها:أقبلت أقبلت ام بريقع ياحياها ياهلا ياهلا
جميلة وقفت قبال ابوها بدموع ملت محاجر عيونها وبرجفة صوت وسط انكسارها:ماودك تنشد ام بريقع وشو له هالبريقع ملازمها(ماتنزله)؟!!
بادي قطب جبينه وسط تكشيرة ارتسمت على وجهه
جميلة بغبنة:مانشدت روحك من متى وهالبريقع ملازم وجهي ووشو له ملازمني حتى في بيتك؟!
متعب وقف
بادي بحدة:اقعد يامتعب خلك شاهدن على هالعلوم اللي ماتخلص!!
متعب جلس بدون لاينطق حرف
جميلة ضحكت بغبنتها:مير اني مااوجست حرف من عقب ليلة عرسي!!وش انهي العلوم اللي ماخلصت يبه؟!!
بادي:مايحتاج توجسينه ياجميلة!!عيونش توجس اللي بصدرش كله!!
جميلة:وشو اللي توجسه عويناتي يبه؟علمني!!
بادي زفر:أوحي العلم ياجميلة ودخليه براسش وأذونش وصكي عليه!!علمتش زوجتش فاهد وعادل ماهو بمكتوبن نصيبن لش!!وش ذا الخاطر اللي معش لذالحين تصيحين عليه حتى وهو معيّل(عنده ولد)!!
جميلة:منعت الطريا والعين يبه من عادل من اعرست على هالفاهد اللي ماالله أصلحه
بادي بصوت عالي وحدة:اعقبي يامرة!!رجلش!!
جميلة بصوت عالية وبنبرة اهتزت من القهر:مير انه ياابو نشمي طاوعناك ووطينا(دعست)عالقليب وراعيه
بادي بحدة:اعقبي توجسين به وانتي على ذمة رجلن غيره!!استحي يامال الصرايم!!
جميلة:أعلمك يبه وشو له هالبريقع ملازمني ببيتي وببيتك وبكل بيوت الديرة؟
بادي كشّر بوجهه
جميلة شالت النقاب عن وجهها بقوة
متعب صد بوجهه عنها
بادي اتسعت عيونه
جميلة نزلت الطرحة ورمتها عالارض
بادي شهق شهقة وسط وجهه اللي شحب وهو يطالعها
جميلة بجسمها النحيف وبوجه ذبلان كله كدمات وشعرها اللي ينضرب به المثل وسط حريم الديرة مقصوص وملعوب فيه وواضح بقصد ابتسمت وهي تشوف وجه ابوها:هاذي تالي فعوله اللي اوجسته لك من اول ماعمل مير انك الجمتني كفن(كف)على عينه(قدام فاهد)وبديته علي ومن عقبه ماحصلت غير المهانة من وراه!!
بادي وقف ومشى لها ثم وقف قبالها ومد يديه لوجهها بحسرته عليها
جميلة رجعت بخطواتها لورا مبتعدة وبدموعها:كل ماراعاني يبه يوجس بيت شعرن من اقواله ثمّن مد يده ولايتريح الى منه يراعيني ماارف(ماتحرك)لو هو شعرة(تقصد فاهد يتغزل بشعر فيها مـن اشعار عادل ويطلع حرته فيها)
بادي احتدت ملامحه وارتسم على وجهه الشر وعطاها ظهره وهو ناويه
جميلة التفت:وين غادين يمه؟
بادي التفت لها وبحدة:يم هالخسيس اللي مابه مرجلة
جميلة:ماأحويلك أحد
بادي قطب جبينه باستغراب:وش العلم؟!!
جميلة:العلم انه غدا يمي بوجهن ماهو ساطي(فيه شي غريب)ويوم اني نشدته وش علمك زيّن فعوله مثل دايم(ضربها)ثمن ولم(جهّز)غريضاته ورمى يمينه وتوكل بدربه(طلقها)
بادي اتسعت عيونه وبصدمة:وش هالعلوم ياجميلة؟!!
جميلة وهي تنحني لطرحتها ونقابها وتلبسها:تولم ياابو نشمي وعلّم عمي نشمي يتولم هو بعد الظاهر هالنوبة ماهي بشين هين،،مشت،،
بادي استغرب كلامها ويطالع هدوءها الغريب:وين غادية وانتي مانش بحليلتن له!!
جميلة مرت من جنب ابوها:البيت بيتي وهو ماله به وَذَا عهدن بيني وبينه
بادي طارت عيونه ومشى وراها ومسكها من يدها وسحبها
جميلة التفت مع سحبت ابوها وهي تتوجع
بادي:وش هالعلوم اللي ماتطري عالبال!!
جميلة وهي تكتم وجعها وترسم القوة على تصرفاتها قبل ملامحها المخفية:بيت رجلي اللي توجس اقضبه من اول الحين ابقضبه صحيح ولاني بكابته عقب ماغدا بيتي
بادي مانطق حرف لكن يده نطقت وضربها على وجهها بقوة
جميلة وهي تحبس دموعها:خيرك سابق ياابو نشمي بيض الله وجهك،،عطته ظهرها ومشت،،
بادي بحدة وصوت عالي:جميلة!!
جميلة ماوقفت لابوها ومشت بخطواتها البطيئة وهي تخفي ألم جنبها وصلت للباب ومدت رجلها بتخرج
بادي مشى وراها بخطواته السريعة ومد يده ولحق طرف طرحتها ومسكها وسحبها بقوة
جميلة طاحت من السحبة عالارض وارتفعت طرحتها ووضح السبب اللي لبست عشانه الطرحة وتخفيه
بادي بحدة وهو يطالعها:وصريمة تصرم عمرش ياجميلة،،اتسعت عيونه وبردت عظامه وهو يشوف ثوبها الأصفر يكتسي باللون الأحمر من جنبها اليمين،،
جميلة بدموع وشهقات وهي تطالع ابوها:لي عشرة ايام وانا ادسه(تخبيه)عنكم لاترعونه(تقصد الجرح)!!يبه هالفاهد ماهو بعقله به شين عجزت اعرفه!!يبه فاهد باغين لي الموت يوم درا اني شايلتن ولده يتحلف ويوجس انه مو بله يبه!!يعريني(يتهمها بشرفها)يبه وانا على ذمته!!يعري عرضه يبه ولارحمني ابد!!
>
الجد بادي غرقان بوسط هالذكريات وهو يحس بتأنيب ضميره خرج جواله من جيبه وهو يضغط رقم 3ويعلق عليه واتصل على نشمي(صاحبه)ووصله صوت كله صدمة وفرحة
الجد نشمي بصدمته:ياهلا ياهلا ياحي هالصوت ياحيه!!
الجد بادي شهق:ماانت بسعود!!،،قفل بوجهه ثم زفر وهو يلوم نفسه للحين صاحبه مثل ماهو حتى الرقم مثل ماهو من سنين تمدد وغمض عيونه وبينه وبين نفسه بحرقة،،الله لايحرمك يافاهد لاعلى وجه الارض ولاباطنها،،زفر بصوت وهو يطرد أفكاره،،علامك يابادي غادين قلبك رهيف!!وش غادين بك ماعليك ملامة وانت فعولك جزيلة!!
.
..بيت عادل..
ام غازي واقفة قبال باب الحمام اللي على يمينه غرفة فيصل ويدها بيد بتال ماتركته والتفتت لبتال:ادخل تروش وانا بأطرد فيصل برا
بتال زفر:يمه ابوي ان شافني
ام غازي:وهي بقى فيها ابوك!!امش بس يالله خلص انت وانا بروح لدولابك اجيب لك غيار وأفضي الغرفة لنا
بتال ظل يطالعها بتردد
ام غازي وهي تدفه للحمام:يالله وش تطالع!!
بتال دخل
ام غازي اتجهت لغرفة بتال وجسار خرجت بنطلون وتيشيرت من دولاب بتال ثم اتجهت لغرفة فيصل ودخلت:فيصل قم
فيصل بنوم وهو مارفع راْسه:وش فيه؟!
ام غازي بعصبية:بتقوم ولا انادي لك غازي!!
فيصل جلس وباستغراب وهو اول مرة يشوفها تعصب وبصوت كله نوم:قايم قايم ليش التعصيب بس!!
ام غازي:رح نام مع جسّار!!
فيصل بصدمة:جسّار فيه!!
ام غازي بنرفزة:رح ولاتطول الهرجة!!
فيصل وقف وهو يسحب عكازه باستغراب من تصرفات امه وخرج من الغرفة
ام غازي خرجت وراه ووقفت على باب الحمام وهي تدق على بتال وأعطته ملابسه ثم رجعت للغرفة وجلست على سرير فيصل تنتظره
بتال وقف عالباب والمنشفة ع كتوفه وطالعها وابتسم رغم ضيقته اللي يخفيها
ام غازي وهي تأشر عالسرير بابتسامة:تعال ماودك تعرف من اهل امك؟
بتال بسخافة رغم وضعه:اعرفهم
ام غازي اتسعت عيونها
بتال:مالها احد
ام غازي كشرت بوجهها
بتال بابتسامة ذبلانة:غير ولد اخوها
ام غازي بزعل:انت ولدي قبل لاتكون ولده انا اللي شلتك وربيتك واوجعني قليبي عليك محد غيري يابتال!!
بتال ضحك بحزن:وهو مادرا عني!!
ام غازي:الله يرحمه يابتال مهما يكون هذا ابوك!!،،اشرت بيدها عالسرير،،بتجي ولا اروح!!
بتال بابتسامة:ابشري ياعمة يوووه مااذكر اخر مرة نطقتها،،يحرك حواجبه لها فوق وتحت،،ياعمة
ام غازي بعصبية:عمت عين العدو وش اللي جاب الطاري!!انا امك امك يابتال لو تنطبق السما على الارض امك!!
بتال ابتسم براحة وهو يشوف يزعلها ومشى لها بسرعة وانحنى وهو يبوس جبينها وجاس جنبها:لاتزعلين ياعمة
ام غازي قرصته بقوة من جنبه وهي زعلانة صدق:عمى يعمي عدوينك قل امين!!،،وقفت،،خل غيري يقولك!!،،بتمشي،،
بتال مسك يدها وبترجي وضيقة وضحت على وجهه اخيرا بعد التصنع:يمممه!!
ام غازي جلست جنبه
بتال باس يدها اللي ماسكها للحين ولاتركها ثم حطها على خده:الله لايحرمني منك يالغالية
ام غازي ابتسمت:تراني زعلت صدق جت في قلبي كلمتك يابتال
بتال باس راسها ويدها:سامحيني يمه تدرين بخاطري اليوم ماهو زين
ام غازي زفرت:هات وش عندك؟وش اللي تبي تعرفه يابتال؟
بتال طالعها بنظرات رجى تجمعت فيها اخر لحظات امله وبيأسه:كل شي يمه كل شي
ام غازي بلعت ريقها وهي مضطرة تخبي عنه بعض الأمور ثم زفرت وهي تمسح على يده:ايه يابتال من وين ابدا عشان ابدا
بتال:ابدي من اللي تحبين كـلـي لك يمه
ام غازي تسترجع اهم الذكريات واخذت نفس
>
>
..ام جلاجل..
نشمي جالس جنبه:مير الله يسود وجه ويسلط عليه الله لايرده سويد الوجه ناكر الجمايل،،بخجل وهو يطالعه،،السموحة وانا اخوك السموحة يشهد علي الله مالي العلم بسواياه هالشين!!
بادي وهو صاد بوجهه عنه:وش يفيد ذالحين وهو ذوق بنيتي المر يانشمي
نشمي:على ماتحب امر يابادي وتامر جميلة
بادي ابتسم بحزن على وضع بنته:بنيتي ليتها تسلم من اللي حاصل لها هذا اللي اريده
نشمي:أبشر نغدي بها يم مسفر هو يخبر المستوصف الزين يمّه
بادي اتسعت عيونه:اطش بنتي يم ديار مابها وليتن(والي)زينة!!مابها احدن يخاف الله!!(دولة اجنبية)
نشمي:مسفر معها ماهو بكابّها
بادي بصدمة منه: وش وليته(وش يصير لها)؟!!وش صابك يانشمي!!تساهلت الأمور بعينك من غديت تنزل يم المدينة وتعود!!
نشمي:كل اللي بخويطري جميلة والله انها قطيعة من قليبي مثلي مثلك وأريد لها العويفية(العافية)
بادي بعتاب:وليه جوزتها فاهد وانت خابرن علومه؟!
نشمي:مير انت ارعيته اعتدل ماعاد ذاك الحمق(حق مشاكل)اللي يتصيد الخليقة وغدا معاون اهل الديرة كل ابوهم
بادي زفر:الشكوى لله كود انه راسم هالنية من الاول!!
نشمي يطالعه بفجعة:عوذا منه كان هاذي نواياه!!يشهد الله مااوحيت شين ابد كل اموره زانت وخاوى عادل وصار له اقرب من مسفر عضيده!!
بادي بحدة كان يحبسها وخرجت:والله يانشمي كود انك مزينها مع ولد اخوك وناوين على بنيتي
نشمي بحدة وهو يقاطعه:اعوذ بالله وش توجس يابادي!!جميلة بنيتي وانت اخبر بغلاتها بقليبي!!ولولا اني ابي لها الزين مابديت فاهد على وليدي عادل لعيونها يابادي!!
بادي بحدة:وهذا انا وراك بديته على عادل بشورك وراع وش عمل ببنيتي!!
نشمي:انا ارعيت الظاهر وعادل دامه تنازل عنها لفاهد معناته فاهد يستاهلها ماظنيت انه بيغدي هالعلم يابادي!!
بادي زفر بضيقته وهو يصد عن نشمي:حسيبه الله منين ماأدّا(راح)
نشمي:بادي يعلم الله مادريت انه بيغدي لعلومه الاولة الردية!!
بادي بهمه:يالله انها عليك
نشمي:الله لايرده مردّه يقضبونه(يمسكونه)والله لايفكه من يديهم
بادي التفت له وبقلق:الدبرة يانشمي الدبرة ذالحين؟!
نشمي ساكت يفكر
بادي بهمس:والله ان دروا انها شايلتن وليده ان يذبحون بنيتي قبل تشرق الشمس
نشمي طالعه:تطاوعني يابادي بشوري؟
بادي:اوجس واللي يرحم لي والديك اخلص علي
نشمي:الاولة لاتوجسون علم جميلة لاحد اوجسوا علم اليمين
بادي كشر بوجهه:وثمّن؟
نشمي:نغدي بجميلة يم ديار عادل
بادي اتسعت عيونه وبعصبية:هذا وقت هالطواري يانشمي!!نعود ياطير ياللي!!
نشمي:علامك انت شاب ضو!!قل لااله الا الله واوحني اصبر علامك مطيور!!
بادي زفر:لااله الا الله وش بتوجس ها هذاني اوحيك
نشمي:نغدي بجميلة يم عادل ونكبها عنده
بادي برفض تام:وش هالعلم صاحي انت!!لا لا ماادخل بنيتي على بيت مرة ابدن الحسرة شينة يانشمي!!وهي ذاقت الحسرة ولاتريدها لغيرها!!
نشمي اتسعت عيونه:ومن اللي اوجس نجوزها عادل!!
بادي:اجل وشو له تقعد وهي ماهي من اهل البيت!!
نشمي زفر:وش رايك تنزل يمّنا؟(يقصد يسكن المدينة)
بادي:لا لا مانتخارج(مانصلح)انا راعي بر ماتهنى لي الغلقة(الضيق)
نشمي:هماك توجس انها كسيفة(يقصد جميلة تعبانة)ولازمن يراعونها كل شوين
بادي تنهد:اَي بالله
نشمي:اجل طاوعني هذاني ابنزل قريّب وعادل من اول قاضين اموره ومسفر على وصول انزل معي ونتجاور مثل ماتجاورنا هنيا
بادي:والله لو اني احرز طاوعتك يانشمي مير قلبي متولعن بدياري ولاهو بصاخي على كبّها مااقدر على فراقها ولافراق عيالي
نشمي:والدبرة اجل يوم انك معيي توحي لي رأي؟!!
بادي:اجل هاك العلم يانشمي
نشمي:اسلم
بادي:خذ جميلة معك ولاتنزل ببيت عادل ابدن تنزل ببيتك انت
نشمي:أبشر
بادي:ولا منها تريحت(ولدت)الى وقتها نراعي الأمور
نشمي:على خير على خير مثل ماتحب يابادي،،يحاول يضيع تفكير بادي عن فاهد وجميلة،،الا وينه نشمي ماارعيته من جيت!!
بادي زفر:غدا يم الديار الشينة
نشمي بفجعة:اعوذ بالله!!
بادي بغبنة:كبّ الحلال يانشمي وكب ابوه وخواته وشب قنقه(عناده)وعيّا يظلي بهالديرة!!هج يم ديرتن مافيه مسلمين كل ابوهم كلاب
نشمي:علامه؟!!وش اللي غدا به وطيّره؟!!
بادي:من كم شهر وأموره ماهي بمضبوطة
نشمي قطب جبينه
بادي:وقبل أسبوع بالليلة اللي رحلت بها واندرت(نزلت)منيرة والبنيات لافى يمي ورأسه شايش وحالفن مايقعد بهالديرة ابدن
نشمي عقد حواجبه باستغراب:بِسْم الله!!وش غدا به وهو يموت بهالديرة ووديانها(جمع وادي)
بادي:الولد انهبل عجز يقرّ بمكانه الى منه غدا
نشمي:بيعود؟
بادي:ايه ماهو بمبطين عنا يوجس يلفينا ماهو بقطيعة،،احتدت ملامحه،،والله لاقطعه قبل يعملها
نشمي زفر:مير انه غدا الحين الله يصلحهم بس
بادي:الا مبروك مبروك ماعملتوا لعذبة
نشمي انصدم:هاه،،ضحك،،ايه ايه الله يبارك بك وعقبال ماتفرح بنشمي
بادي:والله اني اغتظت(زعلت)منك يوم علمني نشمي ورا ماعلمتني حتى اشد ظهرك وانا اخوك لكن ماشفع لك ووهدا شياطيني غير ان السالفة لعذبة عساها موفقة
نشمي:ايه عملناه بمعاجل(بسرعة)حتى هي اغتاظت مافرحت مثل البنتّى(البنات)
بادي:عاد كان الخاطر يوجس ان عذبة لنشمي مير الله ان يوفقها ويفتحها بوجهها والله ان غلاتها من غلاة بنياتي
نشمي:تسلم تسلم والله يرزقه باللي احسن منها
بادي:من هو الرجل
نشمي بربكة:ماهو من الديرة
بادي:من مَن؟(من وين)
نشمي:من خوالي بعيدن عنا ماتخبرهم وراعني مزوجهم من مبطي حول الشهرين
بادي ارتفعت حواجبه:هاه!!وش هالعلم!!كل شين دسيس(مخبينه)
نشمي:ياابن الحلال الرجل عسكري وديرته يم عادل واهله مير انه غدينا بها يم عادل وأخذها رجلها
بادي:اااه الله يبارك لكم وعساه خيرن عليكم
نشمي:وظلت(بقت)عند اخوها لامن رجلها يزين بيتهم
بادي هز راْسه وهو يزفر بهم:مير الله يسعدها ويوفقها
نشمي مسك يد بادي وشد عليها:جميلة بعويناتي والله روحي دونها يابادي
بادي ابتسم بهم:من طيب اصلك يانشمي ماتقصر
نشمي:مثل ماأوجست لك علمهم البنت معيونة والشيخ يم المدينة ومابه احدن الا انا وانت وانا وانت واحد ومحدن يوجس كلمة يمّنا
بادي:على ماتوجس يانشمي على ماأوجست يااخوي
،،نزل نشمي واهله للمدينة ببيته الجديد ونزلت معهم جميلة وأسعد الخلق بنزوله وخبر طلاقها عادل رغم انه يخفي هالسعادة عن امه وابوه لكن كان مفضوح قدام جميلة ووسمية ومرت شهور حمل جميلة اللي ماكانت سهلة ابدا بوضعها الصحي وجميلة ماعادت جميلة اللي قبل تغيرت بعد اللي شافته من فاهد،،
.
عادل داخل لبيته المتواضع بوسط ابتسامة عريضة ع وجهه شايل بيده ذَاك الصغير بلفته اللي توه كمل اسبوع اسرع بخطواته وهو يسمع صياح صغير ثاني بلفته موجود ببيته طالع غازي(3سنوات ونص)اللي يمشي له بابتسامة وانحنى له بمستواه على ركبه وهو يقرب بتال اللي بلفته بين يديه لغازي وبابتسامة:هذا اخوك اللي اوجست لك بجيبه
غازي بابتسامة:كلللللهم عيال
عادل ضحك بخفة:من كبرك الحين كل ابوهم عيال وين امك؟
غازي:عند النونو الثاني
عادل اعتدل بوقفته شايل بتال بيده اليسار وماسك غازي بيده اليمين يمشي معه دخل لغرفتهم الصغيرة وبابتسامة:وسمية
وسمية على فرشتها عالارض بحضنها جسّار شالته بعد مابكى وترضعه
عادل وعينه عليهم:ياقليبي انا عالمزايين
وسمية ابتسمت والتفتت واختفت ابتسامتها وهي تشوفه بحضنه
عادل ترك يد غازي وتربع بجلسته جنبها وهو يحط بتال على رجوله وسحب جسّار منها اللي لازال يرضع من امه
جسّار بكى من السحبة اللي جته
عادل وهو رافعه ويبوس خدوده وكله فرح:الله يسعد هالوجه قل امين
بتال بكى
عادل ضحك:يمه يالغيرة،،ضم جسّار لصدره وهو يطالع بتال اللي ع رجوله،،اخوك اخوك ماتصلح الغيرة بين الإخوان
غازي بزعل:يبه وانا؟!!
عادل:ياقليب ابوك انت،،ثبت جسّار ع صدره بيده اليسار ولازال بتال ع رجوله والاثنين يبكون ومد يده لوجه غازي ومسكه وقربه منه وطبع بوسة ع خده وتركه،،انت أخوهم بعد والكبير فوقها سابقهم لك الغلا كله
غازي ابتسم ثم سد أذنيه بانزعاج:يبه قلهم يسكتون!!
عادل ضحك:مالي شغل امك تعرف لهم
وسمية مدت يديها واخذت جسّار لحضنها ورجعت ترضعه:جسّار ماله اخو غير غازي
عادل كشّر بوجهه:وش هالعلوم؟!!
وسمية:ودّه لامه هي اخبر به!!
عادل بحدة:وسمية!!
وسمية:ماني بملزومتن به
عادل بنرفزة:امه مريضة الله يرفع عنها ماتقدرين تكسبين اجر هاليتيم!!
وسمية:الله له هاليتيم انا مالي قدرتن به
عادل صرخ:وسمية!!
وسمية:اغد به يم
عادل ناظرهها بحدة:انا وش قايلن عن هالهرجة
وسمية:رح به يم اختك ترضعه مع ولدها
عادل نزّل بتال ع فراش جسّار ثم وقف:هالولد لو يموت جوع اليوم مايرضع من غيرش ياوسمية،،مسك يد غازي وخرج من الغرفة وقفل الباب بالمفتاح،،
وسمية بكت وسط المكان اللي امتلى ببكى جسّار وبتال وغطوا على صوت بكاها وبقهر:حسبي عليك من اخو يافاهد ماعينت من وراك غير الغبينة حسبي عليك!!
.
،،مرت ثلاث شهور على ولادة جميلة وصار عمر بتال ثلاث شهور وكان بادي ينزل ويسلم على
سعود بحدة:يتعبد ربه مال بد به وثم مير ان هو ابطى ولا عجّل مايتبعك من وراه لوم
هلال:وعلامك طايرن بي!!نشدتك مارجيت من وراك شي
سعود بتهديد:ولاني بمدعيك ترجي من وراي شي!!وثمن خابر العلم وموجسينه لك كم مرة امنعنا منك كود نمنع ارواحنا عنك!!
هلال زفر:هيه مير ياخسارتك ياسعود!!شينت جمايلك بفعولك!!
سعود ابتسم:ياعلكم بالخساير وأردى
هلال اتسعت عيونه وبحدة:سعود!!
سعود بنفس الابتسامة:مير انك غادين يمي من راسك وثم ماودك توحي هرجتن توجعك!!تحمل ماياصلك دام خابرن سواد وجيهكم!!
هلال:تخسي محدن غيرك سويد وجه بهالديرة!!
سعود بنظرات تنطق شر مثبتها عليه وهو يوقف ويمشي له:حشمنا وأرعيناكم ماتحشمون
هلال يطالعه بحدة
سعود:مير غادين يمي وتخسيني وتوجس هرجتن مالها قاع!!هذا اللي والله غادين يم موته برجوله!!،،وقف قباله وهو يبتسم،،
هلال:اخر الدهور يوم انه وغيد يتهددني!!
سعود بابتسامة:زين زين كود اني وغيد!!كل اللي اعمله ماعلي ملامة من وراه!!وغيد أنا!!
،،داخل البيت،،
ام غيث جالسة قبالها بعبايتها ونقابها
بخوت مدت لها فنجال القهوة بملامح جامدة
ام غيث:البارح العشا علامكن مالفيتن يمّنا!!ولا هونتن!!
عباير خرجت من غرفتها بوجهها الشاحب عقدت حواجبها وهي تشوف ام غيث
بخوت بحدة:مامن احدن موهن عن حقه
ام غيث كشرت بوجهها
عباير وقفت عندهم وهي ترفع يدها وتلامس جنبها الايمن(تتخصر)بوسط ابتسامتها:مير اللي اوحيناه العشا ماهو بمعمولن لنا لضيفانكم
ام غيث:ايه للضيفان وأنتم ضيفاني!!
عباير:لا لا العلم ماهو بهالطريا!!اللي عملتيه البارح كود ترضى عنش ثريا وبنيتها
ام غيث عضت شفتها وهي تغلي
عباير:مير بشرينا عسى رضين عنش؟!
بخوت:عباير!!
ام غيث:ماغدت البارح مير انها معذورة
عباير ضحكت
بخوت حزنت عليها:هالايام ماهي بجايزتن لنا ثمن كبيها لوقتن ربش يسرها
عباير بحدة:لاااا تجيز لنا هالايام وماهو برادنا عن حقنا غير الموت ياام نوفة
بخوت:عباير!!
ام غيث بدموع ملت عيونها من هالاهانات اللي ترتمي عليها من كل مكان وقفت:الشكوى لله مير الأيام دوراة وتفطني لها زين ياعباير
عباير بحدة:هاذي هي دارت بش وغدت بش يمّنا من جديد
بخوت انجلطت من رد عباير ووقفت وهي تطالعها بحدة
ام غيث:وش اوجس وانتي ماتحشمين احد!!
عباير:لاتدورين الحشمة وانتي مانش من أهلها!!
ام غيث بقهر:الله حسيبش
عباير:والحمدلله هذاني أراعي اخرة الظلم بعيوني!!
ام غيث عضت شفتها:الله يذوقش الردى
بخوت بحدة:اقضبي لسانش ياام غيث!!
عباير:الردى ذقناه من وراكم وهذا انتم تجازون بفعايل يديكم!!
ام غيث:مالكم حقن ابد بعد هالعلوم الشينة
عباير:تعقبين!!
ام غيث بحدة:مايعقب غيرش ياللي محدن عرف يقضبش!!
بخوت اتسعت عيونها:البيت يتعذرش ياام غيث
ام غيث:مايحتاج توجسينه مالي به الله لايعيده
عباير بابتسامة:مير تولمي بكل بعزيمة بتراعيني قبالش وبتراعين وشلون الناس يراعونش بعيونهم اللي توجس يمش يالكذوب
ام غيث:محدن كذوب غيرش ياقليلة الحيا
بخوت وهي تأشر عالباب:البيت يتعذرش ياام غيث
ام غيث مشت بخطوات سريعة:حسيبكن الله يالمقويات حسيبكن،،خرجت،، .........****..........
..بيت الشعر..
الجد نشمي متربع عالارض وهو قافل قبضتينه وممدد يديه بحيث تلامس نهاية ذراعه وبداية قبضتيه لركبه وهو يطالعه بجدية:وش اللي تبي تعرفه يابتال؟
بتال بجدية:كل شي عن اهل امي وابوي وش سالفته معهم وهالمرة ماابي اَي شي تسكتوني فيه ابي الصدق ياجد الصدق ماغيره
الجد نشمي زفر:لاتلومني يابتال كود أوحيت علمن مايسر!!
بتال تسارعت نبضات قلبه بتوتر وهو يستوعب جدية الموقف اخذ نفس:اسلم ياجد؟
الجد نشمي زفر:ابوك كان موذي يابتال
بتال رمش يستوعب
الجد نشمي:مابه ادمي ولاحيوان ولاشين يطري على بالك بذيك الديرة ماتسبب به راعيته وتحرصت عليه بالأول لكن عجزت عنه
>
>
نشمي بوسط حوش بيته وخيزرانته بيده يضرب فاهد وبصراخ:الله يسلط عليك من ولد ذبحتني فضحتني وسط الناس وجيهي ماعاد به سحى(حيا)
عادل ومسفر فكوه من يد ابوهم
نشمي ضرب عياله معه ومسك فاهد من جديد:اعقب حتى اليتامى تاخذ عيشتهم من يديهم لابارك الله بك وش مقصرن به عنك الله يقصر بعمرك
فاهد(20سنة)دف عمه عنه بقوة وبصراخ وهو يطالعه:علامك انت علي علامك!!ارعيتني اتصدد عنك ولااوجس لك كلمة!!تراك ماانت بملزومن بي انك عمي عمي ماانت بابوي!!
عادل ومسفر انصدموا
نشمي:وشو!!
فاهد بعصبية:ويوم انه غادين مابك سحى وشو له تمد يدك علي كمل جميلك وخلك ساكت!!
نشمي مسكه من رقبته ومشى فيه ورماه برا بيته وبحدة:دام ذي علومك صرف عمرك برا بيتي وفكني من سواد وجهك
فاهد بصدمة:تطردني ياعم!!
نشمي:الحين غديت عمك!!
فاهد:ابي التركة(الورث)
نشمي:اغد يم الشبك(مكان الحلال)وتخير مابدا لك وطس الله لايردك
فاهد بصراخ:وسمية ادني يامال العمى
نشمي بحدة:تعقب مالك بوسمية بد!!
فاهد:اختي!!
نشمي:خاوتك الصرايم قل امين مالك بها أوحيت
فاهد:معصي
نشمي اتسعت عيونه:وشو!!،،صرخ،،وسمية وسمية وعمى
وسمية بعبايتها خرجت من احد غرف البيت الصغير ووقفت على بعد خطوات منهم
نشمي بحدة:اخوش ولا عمش؟
وسمية تطالعهم بتردد
نشمي صرخ:اوجسي يابنت
وسمية فزت من صرخته وغمضت عيونها ماتبي تشوف ردة فعله:عمي عمي
فاهد اتسعت عيونه
نشمي:أوحيت العلم طسّ الله لايردك!!
فاهد احتدت نظرته وهو يطالعها:وشو!!
وسمية فتحت عيونها وطالعته بلعت ريقها وهي تشوفه
فاهد اسرع بخطواته لها
وسمية ضاقت انفاسها وهي تشوف نظراته الحادة
عادل اعترض طريقه ووقف بوجهه:تعوذ من ابليس يافاهد
فاهد بحدة وهو يدفه:طسّ عن وجهي،،ماحس الا بسحبة عمه المعروف بقوته وحذفه بعيد اختل توازنه وهو يرجع ورا لكن ماطلع ابد واعتدل بوقفته وهو يطالعهم بشر،،
نشمي بحدة:طسّ يم الشبك وتخير مابدا لك من الحلال وبيتي هذا يتعذرك مالك مكان به تقلّع عيني لاتراعيك الله لايردك يالموذي
فاهد عض شفته وهو يطالعهم بشره وخرج
>
>
بتال بهدوء:وبس!!
الجد نشمي:ومن قال السالفة خلصت!!عقب اللي صار ماعاد أرعيناه بالديرة ابد وقضت(مرت)تسع اشهر مااوحينا له طريا ولااحدن يخبر له مكان والصدق ان الناس متريحة ومستانسة ومعينة خير الله عقب ماهو ماذيهم ولا به رحمتن بأحد
بتال حزت بخاطره الكلمة لكن اخفى هالشي كعادته
الجد نشمي:وبليلتن وانا راقدن بوسط الحويش ليلتن لاحت بها بروق الخير والناس رقود دق الباب بتالي الليل وانا افز
>
>
نشمي وهو جالس ع فراشه بوسط الحوش والمطر يرش عالخفيف وسط نسمات هادية وبصوت مبحوح وهو توه صاحي من نومه:يالله أجعله خير،،وقف واتجه للباب،،لافيك لافيك ياللي غادي لافيك،،فتح الباب واتسعت عيونه،،
فاهد واقف عالباب
نشمي كشر بوجهه وهو يطالعه لكن استغرب من منظره
فاهد بلحية وبجسم أنحف من قبل بثوب قالب لونه وهو اللي مايتحمل يلبس بثيابه لمدة طويلة واقف قباله يطالعه بعيونه غرقانة دموع
نشمي بحدة:خير وشو له غادين يمي تبيني أسفل بك من اول وتالي!!
فاهد انحنى بجسمه وهو يسحب يد عمه ويبوسها بين دموعه اللي هلت واختلطت بالمطر اللي زاد وبترجي:السموحة ياعمي السموحة تكفى سامحني
نشمي سحب يده من وهو يدفه وبحدة:وش عقبه غادين يمي؟وش عاملن ولافي تبّلانا به!!
فاهد بحرقة قلبه:والله ماعملت شين مير انعمل بي ياعم
نشمي قطب جبينه
فاهد:اخذوا ماوراي ودوني وكبوني ياعم
نشمي:وش توجس ياولد!!
فاهد:من طردتني تخطفوني وهم كل واحدن يضيفني(ضيف)عنده أكرموني ماخبرت بالنية القشرا
نشمي بحدة:ووشو له تغدي يمهم كم مرتن معلمك لاتغدي يمهم هالناس ماينقربون!!مالهم خوة(صحبة)!!
فاهد برجفة صوته:طشوني ياعم يوم اخذوا العازة اللي غادين من شانها
نشمي:معك شهود حتى نغدي يمهم
فاهد:ومن يشهد لي ياعم وانت خابرن علومي
نشمي زفر بضيق وهو يطالعه بحزن على حاله:اقلط الحين ومن اصبح افلح
>
>
بتال:تقول انه موذي وشلون سامحته ياجد!!
الجد نشمي:بعد ذيك الليلة غدا فاهد ماهو بفاهد اللي نخبره يفزع للمحتاج ويبدي الخلق على روحه وامور اهل الديرة بيده يحلها على احسن ماقيل ومحدن يتعرض اهل ام جلاجل ابد وهو بها
بتال:ونسيت اللي سواه كله عشان كم شهر!!دايم تقوله ياجد الموذي طول عمره موذي!!
الجد نشمي كشر بوجهه:صدقت الموذي طول عمره موذي
بتال قطب جبينه وهو يشوف الكره واضح على ملامح جده
>
نشمي:ها يافاهد اوجس وش عندك؟
فاهد:ياعم انا غادين يمك وساطة
نشمي شهق:وش غادين يافاهد عسى ماخلاف؟!!
فاهد ضحك بخفة:خير خير مير اني غادين اخبرك ان عادل هون يوجس مايبي بنت بادي
نشمي وقف وبحدة:وشو!! فاهد مسك يد عمه:اوحني ياعم اصبر لاتفضحنا!!
نشمي وهو يسحب يده وعصبية:وعقب رداة هالوجه وش اوجس ها وهي محيرة له من سنين!!
فاهد:ياعم عادل باغين وسمية اختي وسمية من مدة يرد بنت بادي وهو خابرن وش بيحصل لاوجس كلمة
نشمي:ياعله لابغاها ياخذها ورجله فوق رقبته!!
فاهد:ياعم علامك شبيت اصبر اوح الدبرة!!
نشمي:مامن دبرة حسبي عليه!!بادي بيشبها كود يأخذ بنتي على بنته!!
فاهد:وليش يعرس عالثنتين ياعم
نشمي طالعه باستغراب
فاهد:علمتك اوحني!!كب عادل على هواه يأخذ وسمية وجميلة أبشر ياعم مالك الا اللي يحفظ سحاك انا لها
نشمي:عادل صدق يبي وسمية يافاهد
فاهد:اوجس لك وساطة ياعم من اللي غدا بي يمك!!مير لاتوجس له شي خله على ماهو لاعود من المدينة انا اعلمه >
الجد نشمي زفر بضيقة:ليتني ماطاوعته عرفت رداه وأنه على ماهو يوم ارعيت حرقة عادل على جميلة بيوم العرس
بتال:يمكن ابوي يحب امي ياجد ليش تظلمونه!!
الجد نشمي طالعه وبنرفزة:اوجسته بخويطري يمكن انه يبيها وهاذي حيلته وسكت عنه كسرت قليب وليدي من شان خاطره!!وليتني ماعملتها ظلمت عادل وجميلة ووسمية معهم
بتال ساكت يسمعه
الجد نشمي:ليته يحبها الا مايبيها فاهد مثل ماهو مافت(تحرك)اشعرة عن شينة والله اعلم كود ان هاذي طواريه من اول وصبر حتى يعمل اللي بنيته
بتال:ياجد انا ابي اعرف عن اهل امي جدي بادي وشو له مقاطعكم؟وليش إنتوا ماتبوني أقابلهم؟!
الجد نشمي بعصبية:وليش مايعمل هالعمايل!!وثمن ابوك خلا به وصل!!ابوك موذي يمسي بها ويصبح بكفوف مستقوي عالضعيفة حتى شعيراتها قصصهن ماكب منه شي ويوم خبرته انها عازّتن بك(حامل فيك)اول شي عمله طعنها بخنجره وثم عراها،،طالع بتال اللي مو فاهم عراها بنبرة عالية،،اتهمها بالكبيرة يوجس انك ماانت بولده
بتال انصدم ووضح عليه
الجد نشمي بنفس عصبيته:عقب كل هالسوايا طلقها وكب الديرة وشلون تبي بادي يبي لك شوف بعد اللي درا به زين ماجرّ اميمتك وغدا بها يم الخلا(وادي)لأجل تسلب(تجهض)وعاد عقب كل هالتعب اللي حصلته جميلة وهي عازّة مرضت عقب ماتريحت(ولدت)وعافتك عوف مابعده ماتبي لك مراعاة(تشوفه وتسمع صوته)وهالعادل المسيكين غدا هو امك ترضعك وسمية ولا عذبة وهو يلبس وينظف ويسهر ولا غدا يم دوامه حطك عند منيرة وحلّفها محدن يعمل بك شي الى منه جا ذاك اليوم
بتال ميل فمه بابتسامة خفيفة
الجد نشمي:اللي بادي غادين به يمّنا ناوين يأخذ بنيته يمه،،زفر وسكت وهو يطالع بتال،،
بتال بسخرية:وش قال؟مانبي الولد!!
الجد نشمي اتسعت عيونه:من علمك!!
بتال ابتسم بهدوء
الجد نشمي:هاذي قولة بادي ووكدت العلم جميلة!!
بتال زم شفايفه وهو يبللها ويقفلها بقوة
الجد نشمي:مير انه عادل ماطاوعه قليبه ابوك وغدا واميمتك بعد!!غدا بك يمهم وعقبها لان قليب امك لكن جدك تسلط!!ويوم انها عيت تعود معها كبها وقطع كل شين بينا وبينه!!
بتال:ووش ذنب امي!!حتى لو انه مايبيني ليش يقطع امي!!
الجد نشمي وهو يكتم الموضوع:هذا العلم عنده ماهو بعندي يابتال والحين عقب ماعرفت تريح راسك ولا ودك تدق باب اهل الديرة باب باب!!
بتال:ماابي اهل الديرة هو باب واحد اللي بأدقه واعرف وشو له الغيظ اللي اشوفه بعيونكم!!،،وقف،،
الجد نشمي:بتال
بتال:سم ياجد
الجد نشمي:أعيدها لك مثل اول تحرص من اهل هالديرة يابتال!!
بتال قطب جبينه:وشو عشان ابوي؟!!
الجد نشمي:ايه لاحدن يدري انك ولده منهم
بتال زفر:على امرك ياجد على امرك،،خرج،،
.
..بيت عادل..
ابو غازي مشغل العيال وكارفهم وهو جالس عالكرسي ع مدخل الباب وعينه ع بيت الشعر:جسّار
جسّار مشغول ماسمع مع الإزعاج
ابو غازي التفت لجهة البيت وبحدة:جسّار وعمى!!
جسّار جرى له ووقف عنده:سم يبه
ابو غازي اشر له بيده:اقرب
جسّار انحنى باستغراب
أبو غازي بهمس:عينك على اخوك الليلة لاتغفل عنه دقيقة
جسّار عقد حواجبه:اَي واحد؟!!
ابو غازي كشر بوجهه ومسك جسّار باذنه وبعصبية:انت متى بتترك الثوارة عنك!!
جسّار وهو يشوف بتال خارج من بيت الشعر قبالهم:ااااه اااه خلاص طيب طيب يبه عرفت عرفت
ابو غازي تركه وهو يشوف بتال
جسّار اعتدل بوقفته:شي ثاني يبه؟
ابو غازي وعينه ع بتال:اذلف لشغلك
جسّار مشى وهو يتحلطم بينه وبين نفسه
ابو غازي قطب جبينه باستغراب من هدوء بتال وهو اللي قبل شوي قوم الدنيا وقف
بتال وقف عنده وبابتسامة:ها يبه وش اللي علي اليوم؟
ابو غازي ارتفعت حواجبه باستغراب:ابد ماعليك شي!!ماهو انت زعلان!!
بتال:ايه زعلان وماني براضي لكن اختي وهاذي فرحتها ولايطيب خاطري اخرب عليها فرحتها
ابو غازي زفر وهو يميل فمه:رح لغازي اكيد عنده شي،،مشى وتركه،،
بتال اتجه لغازي
ابو غازي وقف وراه وهو يطالعه بشك واتجه بخطوات سريعة لبيت الشعر دخل:يبه
الجد نشمي طالعه:اسكت ياعادل
ابو غازي تنهد
الجد نشمي:للحين عقلي براسي ماني بمهبول اطشه للموت بيديني
..........****..........
أم جـلاجــل
.
..مجلس الشيخ..
،،سعود مامد يده على هلال لكن مسكه من ياقة ثوبه ومشى به وسط بيوت أهل الديرة وهو يجره بيد وحدة وراه والكل يطالعهم ولاأحد تدخل وماقدر هلال يفك نفسه من سعود رغم محاولاته وبعد مااخذ سعود فيه لفة بين البيوت رجع لمجلس الشيخ وحذفه،،
سعود جالس ع يسار مناور باخر المجلس ويطالعهم بابتسامة
هلال جالس ع يمين مناور وهو يطالعه وكله حقد
مناور يطالع هلال:ياابو هليّل صحيح كلامه؟!!
هلال بعصبية:ايه صحيح مير انه يستاهل ماجاه!!
سعود:ياشيخ لولا ان الجبر صعب عليه كان اخذت حقي منه
هلال بحدة:معصي
سعود وقف وعينه على مناور:انا ماغديت يمك حتى أوحي شين مايسر انا غادين يمك ابي العلم يوصل للي ماهم لافين المجلس بهالساع،،بتهديد،،أوحوني زين وعلمهم اللي يوجس كلمة مااحتريته ينهيها واللي عويناته توجس شيّن شين عز الله بيبطون وهم مالقوا له دوا،،مشى،،
مناور طالع هلال وبحدة:انت ماتقر!!اخلص من الوغدان تلفيني انت!!
هلال بحدة:علامة منكعم عنه!!
مناور:غازي يمّه ومغتاظ!!
هلال:انت ماراعيت. وش عمل بي!!هالخسيس مالقى له والي
مناور:واحلالاه من يتولاك انت ياهلال
هلال بحدة:مناور!!!
مناور بحدة:الشيخ ياهلال الشيخ مناور
هلال انصدم وطالعه مو مصدق كلامه
مناور وهو يمرر نظره عالموجودين:محد يتعرض بيت بادي واهله الى من ربي يرد إعداهم بنحورهم اوحيتوا؟!!
هلال بغبنة:على امرك ياشيخ على امرك،،وقف وخرج بخطوات سريعة،،
..........****..........
المغرب
..........****..........
،،جهز ابو غازي وعياله كل شي خصوصا ان هالمناسبة عائلية ماعدا الجيران وصحبات رهايف وبإصرار منها انها تكبرها قد ماتقدر رغم معارضة ابوها والتنسيق كان من شغل منسقة كالعادة ورجعت رهايف وامها واخيرا من المشغل،،
رهايف تطلع الدرج البيت البسيط
راشد خارج قبالها من البيت وقف وبينهم مسافة ابتسم:الـسـلام عليكم
رهايف وقفت:وعليكم السلام والرحمة
راشد:مبروك مبروك الله يوفقك ويتمم لك
رهايف استحت وبهمس:الله يبارك فيك وعقبالك
راشد:اووووه اخر زمن البزران يتزوجون قبلنا!!
رهايف كشرت:بزر بعينك محد غيّرك البزر
راشد ضحك وطالع ام غازي اللي تطلع الدرج:كيفك ياخالة
ام غازي بابتسامة:ياهلا براشد ياهلا الحمدلله كيفك انت ياعيني وكيف امورك؟
راشد:بخير جعلك بخير مبروك ياخالة مبروك عقبال امجاد والخمة اللي معي
ام غازي ضحكت:الله يبارك فيك والفال عندك
راشد:عاد استأذنكم امي تنتظرني ومبروك الله يتمم لهم على خير
ام غازي:ربي يبارك فيك رح درب التوفيق وحافظة الرحمن ياعيني
راشد مشى لبيتهم
رهايف نزلت الغطا وهي تتأفف وفتحت الباب ودخلت
ام غازي دخلت وراها
رهايف اتسعت عيونها وهي تشوفهم
،،غازي وبتال وجسّار وفيصل جالسين بالمدخل وعندهم ثلاجة قهوة وساحبين صينية من صواني الحلا اللي بالاستقبال ويتقهوون ويحلون،،
رهايف صرخت:ومــغــص!!!
،،بتال وجسّار ابتسموا بنفس اللحظة وهم يوقفون مع بعض،،
بتال بابتسامة:اعوذ بالله من الفتن!!
رهايف رمشت باستغراب
جسّار:الله الله الزين اليوسفي!!
رهايف خجلت
بتال وهو يمشي لها:اللهم الثبات لقلبي الصغير وش هالفتنة المضلة!!
جسّار وهو يمشي جنبه:وش هالجمال ياربي صدق من قال ماتلقى الجمال اليوسفي غيّر عندها!!
رهايف وهي ترجع خصلات شعرها الملفوفة لورا اذنها بخجل:يعني
بتال قاطعها وهو يمر من جنبها ويدفها على جسّار عن طريقه:وخري بس
جسّار كمل يدفعا عن طريقه بعد:نشبة طول عمرك وخري عنّي
رهايف بصدمة وهي تمشي مع دفاتهم والتفتت عليهم تطالعهم
بتال وقف عن يمين امه
جسّار وقف عن يسار امه
بتال وهو يسلم على راْسها وبصراخ:تبااااارك الرحمن
ام غازي فزت وضربته ع كتفه
جسّار سلم عليها هـو بعد:ارحموا من فالأرض يرحمكم من فالسماء
بتال:ياربي فتنة فتنة ليتني شاعر حتى اتغزل بالفتنة اللي قدامي
ام غازي ضحكت بخفة وسط خجلها
جسّار بعصبية:لاتضحكين
ام غازي ارتفعت حواجبها
جسّار باابتسامة:محد يشوف جمال الضحكة غيري
بتال ضرب جسّار ع كتفه وبعصبية:وجع امي!!،،سلّم على راسها ويدها،،غلطانة غلطانة وكلك غلط
ام غازي:وش فيه؟
بتال:ليش تحرمينا من الجمال ذا كله يمه ليش مالك حق!!
رهايف بعصبية:تحقحقت عظامكم يالمفاجيع من سمح لكم تأخذون صينيتي ها؟!!
جسّار التفت لها يطالعها:احنا مانعرف بنات خلي عنك صينية عاد!!
رهايف وهي تتكتف وبعصبيتها:ها ها ها ماتضحك يالسخيف!!
بتال وهو يضم امه بحضنه:يمه يالغيرة!!،،ينفث على امه،،قل اعوذ برب الفلق ناس ماترحم اعوذ بالله
رهايف بغبنة:لو ماهي امي عرفت ارد عليك
بتال:ايه لانك دارية هي الأصل وانتي التقليد،،باس راس امه،،بِسْم الله عليك حصنتك باسم ربي من عين الغيّارة!!بِسْم الله بسم الله
رهايف:انتوا يالاثنين من سمح لكم تأخذون الحلا ها؟!!
جسّار:اعوذ بالله من الظلم والاثنين ذويلك مالهم شغل يعني ولا بس انا وبتال!!
رهايف:ايه لان هالحركات ماتطلع الا من ورا روسكم
غازي وهو ياكل قطعة من الحلا:صدقتي جينا انا وفيصل وهم يبلعون
رهايف التفتت يسارها تطالع غازي بعصبيتها:وانت بطيني تشارك معهم!!
غازي:باسكت لك لان اليوم ملكتك
رهايف:غصب عنك تسكت مشارك بالغلط وتتشكى بعد!!،،التفتت لجسار وبتال وبصراخ،،والحين كيف بتصلحون اللي خربتوه!!
بتال ترك امه وبنظراته الحادة وهو يمشي لها:هيه انتي!!
رهايف بلعت ريقها وهي تطالعه
بتال وقف عندها وانحنى وسط تكشيرته:وش ذا؟
رهايف طالعت نفسها شيكت ع عبايتها:وشو؟
بتال بابتسامة:الزين ذا كله
رهايف ميلت فمها وبزعل:ايه واضح!!
بتال حضنها وباس راسها:مبروك يارهايف ربي يسعدك
رهايف حست بغصة وهي بين يديه
بتال:ويارب تطلعين روحه ونفتك منه
رهايف ضحكت:امين
بتال تركها من حضنه وهو يقيس طولها عليه:خلاص وقف طولك مافيه امل تطولين بتظلين قزومة للأبد
رهايف:هيه انت تراك مضيع!!لاتقيسني فيك وانت العملاق حق العايلة كلها!!
بتال:اااه نسيت!!الحين مايهمك طولك عندنا اهم شي وين توصلين عنده هو!!
جسّار اتسعت عيونه:ابوك يالجحدة!!هيه رهايف صدق كلامه
رهايف وهي ترجع شعرها بحركة غرور وسط رمشت عيونها وغنت:هو حبيبي للأبد ولاابي غيره احد،،ماحست الا وهي ترتفع عن الارض واعتلت صرختها المكان،،
بتال شالها ودار فيها
رهايف:يمممممهههههه!!
ام غازي بضحكتها:نزلها بتال حرام عليك!!
بتال:خليه يجي يفكك هالحبيب!!
رهايف بترجي وهي تمسك رقبته وتثبت نفسها:أمانة بتال أمانة وقف
جسّار وهو يتجه لإخوانه وجلس يتقهوى معهم:لاترحمها ماعندنا هالسوالف
بتال:هالحين ذكرتيني!!
رهايف:ماعندي حبيب اصلا انت الحب كله!!
بتال:والله؟!!
رهايف:تكفى بتال يخرب شعري أمانة
بتال نزلها وتركها
رهايف وهي تحس المكان يدور فيها ومو قادرة تتوازن وسط أصوات ضحكات اخوانها وطقطقتهم
بتال مسكها وهو يكتم ضحكته:ايه مقيولة وماالحب الا للحبيب الأولي الله يرحم أيام حبنا!!
رهايف سحبت يدها منه وبعصبية:الصينية وش اسوي بعد ماخربوتها لي!!
.
.
.
<اللهم صل وسلم على نبينا محمد>
.
.
.
.
لامارا غير متواجد حالياً رد مع اقتباس
قديم 24-07-20, 04:21 PM #37
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
،،الـجـزء الـخـامـس والـثـلاثـون،،
لااله الا الله وحده لاشريك له له الملك وله الحمد وهو على كل شي قدير
.
.
،،صلوا العشا ورجعوا الشباب للبيت وبعد ماجهزوا اتجهوا لبيت الشعر وهناك كان استقبال ضيوفهم من الرجال اما الحريم فكان المكان مثل ماهو متعارف عليه ببيت ابو العروس اللي هو بيت عادل،،
.
..بيت مسفر..
ام جواد بفستان عودي قطيفة ماسك ع جسمها باكمام طويلة وبفتحة متوسط طولها من ورا الفستان مكياج ناعم وبشعر كله ملفوف فير ومسدول ع ظهرها فتحت باب غرفته اتسعت عيونها وهي تشوفه
جواد نايم عالسرير وحتى الصلاة فاتته ماصلى
ام جواد دخلت وبنرفزة:لا اله الا الله وش هالنوم!!جواد!!وش ذَا!!قوم والله مو ابوك اللي بيجرك عمك اللي بيجي ويجرك!!
جواد:اوووف ابي انام
ام جواد:استغفر الله العظيم قوم لاتفضحنا مع بيت عمك قبل الناس وش بيقولون؟!!
جواد فز جالس وبعصبية:خليهم يفهمون يمه ماابيها ماابي مو غصب الموضوع!!
ام جواد زفرت:جواد يمه وعسى ان تكرهوا شيئا وهو خير لكم!!قوم ماتدري يمكن هي تربة بيتك الزينة!!
جواد:ايه صدقتي يمه التربة زينة وبتوكلني تراب مضبووووط
ام جواد:الحين قوم وخل الليلة تمر على خير وبعدها نتفاهم قوم يالله!!
شذى بفستانها البنك العادي حبالي ومخصر ع جسمها لنص الساق وكعب بينك بنفس الدرجة رافعة شعرها ذيل حصان وبف بسيط وساعة بيدها فضي اليمين ومكياج سموكي وبصوت زغروطتها اللي ملت المكان ودخلت وسط ابتسامة معتلية وجهها وهي تتمايل وتغني:ويامعيريس عين الله ترعاك والقمر والنجوم تشمي وراك
سهام دخلت وهي لابسة عبايتها الكتف ومفتوحة وواضح منها لون فستانها الأحمر وهي ترفع الطرحة اللي على كتفها ع راسها وترقص قبالهم بهدوء
ام جواد ابتسمت وهي تشوف بناتها
سهام مسكت امها وسحبتها حتى ترقص معها
جواد ابتسم وهو يشوف فرحتهم وحزت بخاطره انهم ماكانوا بذي الفرحة بملكته ع دانة واكتفى يطالعهم بهدوء وسط ابتسامة
شذى تحمست:وياام جواد تهنيتي نلتي ماتمنيتي وياجواد ياكبر راسك انتفخ من كثر نومك!!
ام جواد وقفت وطالعتها:روحي روحي لاأقص لسانك روحي بس
شذى بزعل:انتم قاتلين للمواهب!!
ام جواد:روحي بيت عمك لانشوفين القتل صدق
شذى مشت
سهام:يالله انا بروح اكيد امجاد محتاسة لوحدها،،مشت بتخرج ووقفت وهي تشوف شذى قبالها،،
ام جواد بتكشيرة:وش مرجعك؟!!
شذى طالعت جواد:مبروك جواد
جواد انصدم
شذى:الله يقدرك تسعدها هي غثيثة حبتين بس والله عسل لاتظلمها بعنادك،،مشت،،
سهام طالعته:مبروك جواد،،مشت،،
ام جواد طالعت جواد اللي مصدوم من خواته:مبروك يايمه الله يوفقك باي طريق تختاره لاتطول على ابوك وعمك ولاتطول علينا عشان تلبس عروستك الشبكة،،مشت،،
جواد ابتسم وهو يحس بقهر ليه التمييز الواضح له بين الثنتين اختفت ابتسامته وهو يفكر وشلون يحل الموضوع وخصوصا انه بيكون على ذمته ثنتين اذا استمر الوضع وقف وهو يزفر واتجه للحمام
.
..بيت عادل..
جسّار وهو شايل مسكة رهايف اللي باللون الأبيض راجع من محل الورد:وش ذَا البذخ!!كوشتين!!
فيصل مستند ع عكازه بيده اليمين وصينية حلا بيده اليسار ويمشي ورا جسّار:فلووووس فلووووس
جسّار دخل من باب البيت الرئيسي وهو يسرع بخطواته وقف وهو يشوفهم واقفين
ام غازي بفستانها البيج الطويل باكمام كت مزموم من تحت الصدر بحزام كريستال وباقي الموديل طايح واقفة عند بداية الدرج بالدور الأرضي
امجاد جنب امها بفستان كحلي ماسك ع رقبتها ومزموم ع خصرها بجهة اليمين بكرستالة فضية كبيرة ومخصر ومفتوح لنص ساقها
عذبة بفست