الفصل1/2
*🦋رواية كسرة جميلة🦋*
*🤎الحلقة الأولى🤎*
انا عاوز أتجوز رحمة يا جميله و قبل ما تقولي حاجه انتي مأثرتيش معايا والله العظيم بس انتي عارفه اني بحبها من زمان وما صدقت انها رجعتلي.. كنت فاكر اني قدرت اتعالج من حبي ليها لكن طلعت لسه بحبها ومكانتها عندي زي ماهي.
جميله بهدؤء: وانا موافقه اتجوزها يا حسام اتجوزها و خليها تكسرك وتذلك تاني اتجوزها وخليها ترميك وتروح لغيرك تاني بس دي غلطتي اني عارفه انك بتحب واحده غيري ورغم كده وافقت اتجوزك وأبني معاك حياة جديدة
حسام بتوتر: بس هيا ندمت يا جميله وعرفت قيمتي… وان عمرها ما هتلاقي راجل زيي وانها كانت عاميه لما سابتني وانا سامحتها وعايز ارجعلها
جميله بانهيار: ندمت اييي وسامحت اييي مش كفايه كل اللي حصل مش كفايه انك بتناديني ب اسمها وتقولي اسف مش كفاية انك بتنام وتقوم تحلم بيها… انت قتلتني الف مرة وأنا زي الغبية باجي علي نفسي وبستحمل عشان بحبك وباقيه عليك و كانت فاكرة انك خلاص بتحبني زي ما قولت
حسام بلهفة: والله العظيم يا رحمة انا بحبك و.. سكت بصدمة..
جميله بسخرية: شوف اهو بنفسك لسه بتغلط في اسمي وبتقولي يا رحمه خلي عندك انت رحمه وكفاية تأذيني.
حسام بندم: انا اسف ليكي يا جميلة ومقدر ان انتي الوحيدة اللي وقفت جنبي بس غصب عني يا جميله ولو خيروني بينك وبينها هختارك.
جميله بهدؤء: مانا عارفة انك هتختارني بس مش هتكون مبسوط… اسمع يا حسام اتجوز رحمة بس انا هكون بعيده عن حياتكم مش هقولك نتطلق لا انا هفضل معاك مش عاوزة احس انك اتجوزت عليا دا طلبي ممكن.
حسام بابتسامة: حاضر ودا وعد مني يا جميله هروح ابلغها اننا هنروح نخطبها تحبي تيجي معايا؟
جميله بجمود: محبش وياريت تسبني دلوقتي لوحدي محتاجة اكون مع نفسي شويه.
حسام بحنان: لا انا هقعد معاكي شويه عشان ميهونش عليا اسيبك وانتي كدا.
جميله بصريخ: انت هتجلطني.. منتا السبب في الحالة اللي انا فيها ديييي…. سيبني واطلع برا ملعون اللي تتقي ربنا في واحد مبيحبهاش ودايما كاسرها وذلالها اطلللع
سابها وطلع وهيا قعدت تعيط علي اخرها
جميله بدموع: منك لله يا رحمه حسبي الله ونعم الوكيل فيكي وفي كل واحدة تخطف واحد من مراته
تليفونها رن مسحت دموعها بسرعه..
امها بتعب: جميله انتي كويسه يا بنتي حاسه قلبي مقبوض عليكي.
جميله بتحاول تبان طبيعيه: لا لا يحبيبتي دنا كويسه زي الفل و حسام حتي نزل يجيب لينا تسالي علشان نسهرو سوا زي كل يوم وهيرجع بليل وانا هاجي لك كمان اطمن عليكي وخدي علاج القلب بتاعك متنسيش.
امها بحزن: ماشي يا حبيبتي طب اختك مبقتش تكلمني لي هيا لسه زعلانه مني .
جميله بحنان: هكلمها واهزقهالك البت دي واشوف ازاي متكلمكيش يا قمر انتي
امها بحزن : لا متكلمهاش عشان هتتقمص وتزعل ومترضاش تنزل من السفر.
جميله بحزن: حاضر يا حبيبتي مش هكلمها.. هروح بقا عشان اخلص الاكل ل حسام.
امها بابتسامة: ماشي يا حبيبتي ربنا يسعدكم يارب ويسترها عليكم.
قفلت معاها بحزن..
جميله بدموع: لازم اكمل معا حسام وابين اني مبسوطه امي مش هتستحمل لو عرفت ان حسام هيتجوز عليا وانا هتطلق منه… دي لحد دلوقتي مش قادره تصدق ان اختي ماتت وكل يوم ترن عليها علي امل انها ترد عليها
بعد شويه عند حسام..
رحمة بابتسامة: اي يا حبيبي اكلم بابا انك جاي ولا مراتك موافقتش بصراحه لو رفضت حقها وانا هتمنالكم السعادة وهبعد
حسام بابتسامة: لا وافقت يا حبيبتي بس هي ليها شرط.
رحمة بحنان: تشرط براحتها يا حبيبي حقها اي بقا الشرط دا.
حسام بهدؤء: مش عاوزة تحس اني اتجوزت عليها وانا بصراحه مش عاوز كدا انا كمان علشان ميهونش عليا زعلها.
رحمة بهدؤء: ماشي يا حبيبي ولو عليا انا لا ليا دعوة بيها ولا حاجه وانت لو عاوز تكون معاها اربع ايام ومعايا تلاته انا هكون راضيه طالما هكون جنبك.
حسام بحب: هو انا بحبك من شوية انتي طيبة وحنينه اوي.
رحمة بابتسامة: دا انت اللي طيب يا حبيبي تحب تاكل اي سمك ولا فراخ.
حسام بهدؤء: انا مش بحب السمك والفراخ باكل لحوم بس احفظي بقا.
رحمة بهدؤء: حاضر هحفظ مفهاش حاجه لما انسي يعني الله هو انا مخي دفتر ياخويا.
ضحكت و حسام سرح في حاجه..
فلاااااااش بااااااااااكككك.
في مطعم ما..
المتر: تحب تطلب اي يا فندم.
جميله بابتسامة: هات له استيك بس مش مستوي اوي يعني وحط عليه بقدونس علي الوش و هو بيحب الرز الابيض و السلطات بقا و اه هات كوفته مشوية وانا هاخد زيه.
المتر بهدؤء: تمام يا فندم شرفتونا.
حسام بابتسامة: احبك وانتي حفظاني اوي كدا يا حبيبتي.
جميله بضحك: لو مش هحفظك يا حبيبي هحفظ مين.
بااااااااااااااااكككك.
رحمة باستغراب: اي يا حبيبي مالك عمالة اكلمك وانت سرحان.
حسام بهدؤء: معلش انشغلت شوية
عند جميلة..
جميلة بابتسامة: متخفيش يا حماتي هو قالي هيتاخر برا.
سهير بجمود: انتي بتكدبي عليا وباين علي وشك اهو..هو قالك علي الجوازة الزفت.
جميلة بابتسامة: اه وانا معنديش مانع والله يا حماتي خليه يشوف حياته طالما هيرتاح.
سهير فتحت دراعتها: تعالي غي حضني يا حبيبتي متكتميش جواكي حاجه تاني انا حاسه بيكي.
حضنتها جميلة بدموع..
سهير بحنان: حقك علي راسي يا بنت الاصول ابني مترباش ومش لاقي اللي يحكمه… والله انا حاولت امنعه بأي طريقه وازعق معاه لكن مفيش فايده هيضيعك ويندم .
جميلة بدموع: ابنك كسر قلبي ومراعاش العشرة وفوق كل ده حرمني من الخلفة بحجة انه مش جاهز دلوقتي وكله بيسألني وانا اقول ربنا لسه مأردش.
سهير بحنان: عارفة يا حبيبتي هو لازم له واقفه من ابوه عشان يفوق من اللي هو فيه.
جميلة بهدؤء: اللي عاوزين تعملوا اعملوا انا طالعه انام شويه.
سهير بحنان: روحي يا ضنايا.
طالعة وحسام داخل مبسوط..
حسام بابتسامة: جميلة رايحه فين اول مرة تطلعي فوق بدري كدا وتسيبي امي لوحدها
جميلة مردتش عليه وطلعت..
حسام باستغراب: هيا مبتردش عليا لي دي مالها يا ماما.
سهير بقرف: اسال نفسك يا قلب امك وانت تعرف ياريتني كنت خلفت دكر بط.
حسام بغضب: في اي يا ماما مش خلاص خلصنا وهي وافقت مالك بقا.
سهير سابته ودخلت وقفلت الباب في وشه…
حسام بغيظ: هم مالهم دول محدش طايقني لي كدا دا بدل ما يباركوا لي.
عند جميلة..
خدت هدومها وراحت اوضة الاطفال..
حسام بهدؤء: اي دا هو انتي هتنامي هنا لي.
جميلة ببرود: مش عاوزة يكونفي كتمة يا حسام وجودك معايا بقا كتمة بقيت بتخنق.
حسام بصدمة: للدرجة دي مش طايقاني.
جميلة ببرود: اه يا حسام و علي فكرة انا وانت هنعيش زي الاخوات و اللي مخليني قاعدة معاك ومستحمله كل ده هو تعب امي.
حسام بغضب: لا طبعا دا مش هيحصل انا متعودتش علي بعدك و لا المعاملة دي.
جميله ببرود: بس انا اتعودت ومن النهارده نفسي اللي انا فضلتك عليها هتكون فوق كل حاجه يلا تصبح على خير.
دخلت تنام وهو متغاظ علي اخره ودخل هو كمان ينام
بعد ساعه بيحاول ينام ويتقلب يمين وشمال مش عارف
قام بغضب واتسحب ودخل عندها الاوضه ونام جنبها براحه من غير ما تحس…. فتحت عنيها بابتسامة وهيا شيفاه وكملت نوم …
تاني يوم..
حسام بابتسامة: اي يا جوجو فين الفطار عشان مستعجل اوي.
جميله وهي بتحط مناكير: معملتش ليك فطار لو عاوز تاكل التلاجه قدامك اهي طلع اللي انت عايزو وكل.
حسام بغيظ : نعم ياختي دا انتي كنتي بتجيبي لي الاكل لحد السرير وتكوي الهدوم اي اللي حصل
جميله ببرود: اعتبرها راحه لحد اما ارتاح نفسيا و اه انا خارجة مع البنات اصحابي
حسام بهدؤء: لا لما اجي انا هخرجك شوية.
جميله ببرود: لا يا حسام شبعت من الاسطوانه الفارغة دي متخرجيش متروحيش وانا هخرجك ومبخرجش… لكن لا يا حبيبي خلاص هشوف نفسي اللي اهملتها عشانك.
دخلت المطبخ ببرود.
حسام بغيظ: ماشي يا جميله براحتك علي الاخر.
عند رحمة..
كانت بتتكلم في التليفون..
رحمة بدلع: وحشتني اوي يا حبيبي انت نسيتي ولا اي.
الشخص بخبث: وهو حد ينسا طليقته بردو ها الخطة ماشية ازاي.
رحمة بمكر: زي ما احنا رسمينها بالظبط يا جمال هيتجوزني و بعدها هاخد منه كل حاجه بيته وارضه و عربيته ونصيبه في الشركة و اخلعه وبعد كده هخلعه
جمال بخبث: هي دي حبيبتي اللي ليا عاوزاك تبيني له الحب والطاعه اللي مشفهمش قبل كدا ولا هيشوفهم.
رحمة بغيظ: طب ومراته هنعمل معاها اي قال اي مش عاوزة تحس انه اتجوز عليها.
جمال بخبث: سيبها لي انا هتعامل معاها روحي كلميه ووريني شطارتك.
رحمة بخبث: عنيا يا روحي اوعا تلعب بديلك كدا ولا كدا.
جمال بسخرية: هو انا اقدر بردو يا حياتي يلا باي
يتبع…..
🦋🤎🦋🤎🦋🤎🦋🤎🦋🤎🦋🤎🦋
🤎🦋🤎🦋🤎🦋🤎🦋🤎🦋🤎🦋🤎
*🤎الحلقة الثانية🤎*
وحشتني اوي يا حبيبي انت نسيتي ولا اي؟
جمال بخبث : وهو حد ينسي طليقته حبيبته بردو.. ها طمنيني الخطة ماشية ازاي.
رحمة بمكر: زي ما احنا رسمينها بالظبط يا جمال هيتجوزني و بعدها هاخد منه كل حاجه بيته وارضه و عربيته ونصيبه في الشركة وبعد كده هخلعه
جمال بخبث: هي دي حبيبتي اللي ليا عاوزاك تبيني له الحب والطاعه اللي مشفهمش قبل كدا ولا هيشوفهم.
رحمة بغيظ: طب ومراته هنعمل معاها اي قال اي مش عاوزة تحس انه اتجوز عليها.
جمال بخبث: سيبها لي انا هتعامل معاها روحي كلميه ووريني شطارتك.
رحمة بخبث: عنيا يا روحي اوعا تلعب بديلك كدا ولا كدا.
جمال بسخرية: هو انا اقدر بردو يا حياتي يلا باي.
بعد شويه..
.. كانت جميله قاعدة في كافية مع صحبتها..
صحبتها بابتسامة: عاش من شافك يا جميله كل دي غيبة علينا.
جميله بابتسامة: معلش الدنيا تلاهي اخبارك اي وابنك عامل اي.
صحبتها بهدؤء: كويسين الحمدلله هو صحيح اللي سمعته ده؟ معقوله جوزك هيتجوز البت رحمة الصفرا دي؟.
جميله بهدؤء: اه حب عمره بقي وهو عاوز كدا فا براحته هو اللي هيندم
صحبتها بحزن: وانتي اللي غاصبك عالهم ده يجميله انا لو مكانك اسيبه وأشوف مستقبلي دا أناني ميستاهلكيش.
جميله بهدؤء: عيب يا سمر دا مهما كان جوزي ومينفعش تتكلمي عنه كده
صحبتها بهدؤء: خلاص سوري متزعليش مش قصدي انا زعلانه عليكي ونفسي أشوفك فرحانه كده
جميله بهدؤء: مش زعلانه يا سمر متقلقيش انا عارفه انك خايفه عليا .. انا رايحه التويلت وجاية عن اذنك.
قامت و هي ماشية خبطت في شخص وفونه وقع.
جميله بخضة: اسفه انا مش قصدي اخبطك… تليفونك حصله حاجه؟
جمال بخبث: لا جت سليمة الحمد لله..اي ده لحظه بس هو احنا اتقابلنا قبل كده؟.
جميله بهدؤء: مش عارفه مظنش اني اعرف حضرتك عن اذنك.
جمال بغيظ: استني افتكرتك انتي جميله صح؟ انا جمال.. كنا دفعة واحده في الجامعه انتي مش فاكراني ولا اي
جميله باستغراب: سوري مش واخدة بالي عن اذنك.
سابته ومشيت..
جمال بغيظ: هتقعي يعني هتقعي يا جميله مبقاش جمال لو مجبتكيش راكعه تحت رجلي.
في الحمام…
كانت بتسمح دموعها بحزن ايد اتمدت ليها بمنديل: اتفضلي امسحي دموعك عشان محدش يضحك عليكي.
بصت ليها بصدمة: انتي بتعملي ايه هنا.
رحمة بطيبه مزيفه: دا المكان المفضل ليا و ل حسام انا شوفتك وكنت جاية اقعد معاكي خوفت تحرجيني جيت هنا عشان اعرف اكلمك.
جميله بسخرية: انتي مش هتضحكي عليا بالكلمتين دول محدش عارفك قدي ف من الاخر بطلي تمثيلي.
رحمة بحزن: اخص عليكي انا همثل لي يعني يا جميله يعلم ربنا غلاوتك عندي انا فعلا بحب جوزك وعاوزة نعيش انا وهو في امان ومعنديش اعتراض انك تكوني موجوده.
جميله بجمود: مش مكسوفة من نفسك وانتي بتقولي بحب جوزك اخييييي علي القرف اللي انتي فيه.
رحمة بغيظ: انا مراعية ظروفك وعشان كدا مش هرد عليكي عن اذنك يا ضرتي المستقبلية.
جميله مسكتها من دراعها: استني بس احنا لسه مخلصناش كلامنا اسمعي الكلام دا وحطيه حلقه في ودنك مش انا اللي واحدة رخيصة زيك تقهرني ولا تفكر تأذيني او تاخد حاجه مني واسكت ولو فاكرة انك هتقدري تعملي حاجه ليا واعديهالك تبقي غلطانه وبما انك جاية تغيظيني فا تعالي.
شدتها من دراعها علي برا بغضب وسط الكافيه…
جميله بغضب وزعيق: انتي اللي زيك مكانها السجن نصابة و مقرفة اشهدوا يا ناس الحلوة جاية تقولي انا بحب جوزك وهتجوزه مع انها رمته زمان واتجوزت الاغنى ولما اترمت واتطلقت جايه تاخد جوزي مني وتشمت فيا ده غير تمثيلها انه قلبها عليا وبتحبني
سهر بسخرية: هتستني اي من واحدة حقيرة زيها كل همها تاخد اللي مش ليها.
رحمة بغيظ: دا حبيبي وبيحبني انا مش انتي يا خطافة و جوزك هو اللي كان بيجري ورايا ولما يعرف سرك مش هيطيق يبص في وشك.
جميله ببرود: معنديش اسرار يحبيبتي كلها مكايدة منك ولعلمك انا سبتهولك ب مزاجي ف متجيش وتعمليلي ملاك.
مشيت ببرود.
الناس بتبص ل رحمة بقرف..
جمال كان بيتفرج من بعيد ضحك: لا البت دي فظيعه بجد فضحت البت وسط الكل عجبتني قطة شرسة وتنفعني..
عند حسام..
دخلت جميله الشركه بغضب..
جميله فتحت الباب بهمجيه: اسمع انا مش عشان وافقت تتجوز تبعت لي المحروسة تكيد فيا انا مش هسمح لاي حد يهني انت فاهم
حسام كان في اجتماع مع أمجد ..
حسام بغيظ: مينفعش تدخلي كدا اهدي وارتاحي برا وانا هاجي لك.
أمجد بهدؤء: ازيك يا مدام جميله تعالي اتفضلي
جمبله بجمود:كويسه يا أمجد عايزه بس اتكلم معا حسام دقيقتين مش هعطلكم
امجد بأبتسامه: خلاص اتفضلي انا هكلمك بعدين يا حسام.
حسام بتوتر: اسف يا امجد بيه ان شاءلله نكون عند حسن ظنك.
بيخرج أمجد
حسام بغضب: اي العبط اللي حصل دا وازي تدخلي كدا.
جميله بجمود: زعلان اني بوظت لك اجتماع وانت حياتي اللي دمرتها عادي لاخر مرة هقولهالك ابعد الزفته بتاعتك دي عني… انت وهيا لحد دلوقتي مشوفتوش غيى الوش الحلو ي يابن سميرة وياويلك من قلب واحده حبتك من قلبها وانت جيت عليها… اتفرج لما تدوس عليك وبكره تشوف.
حسام بصدمة: انتي كرهتيني يا جميله.
جميله بجمود: هبقا كدابة لو قولت اني كرهتك بس بردو مش حاسه بنفس الحب اللي كنت بحسه ليك عارف انا عمري ما هسامحك.
حسام بلع ريقه بحزن: طيب اهدي وانا هتكلم معاها تعالي اوصلك انا مروح.
جميله بهدؤء: تمام هستناك تحت في العربية.
نزلت وهو قعد بحزن..
تليفونه رن..
رحمة بغيظ: عاجبك اللي مراتك عملته دي فرجت عليا الكافية خلت الكل قاعد بيتكلم عني.
حسام بهدؤء: اي وداكي ليها اصلا وجيتي ناحيتها اصلا لي.
رحمة بتوتر: دي كدابه… دي هي اللي جت الكافية اللي بنحبه و انا شوفتها زعلانه روحت اقعد معاها اطيب خاطرها في الاول والاخر احنا ستات زي بعض وانا حاسه بيها ملحقتش اتكلم لقيتها قامت زعقتلي وفرجت عليا الكافيه كله دا جزاتي يعني؟.
حسام بحنان: لا مينفعش طبعا..انا هبقي اتكلم معاها وهخليها تعتذر لك بس بعد كده ملكيش دعوه بيها تاني هي في حالها وانتي في حالك.
رحمة بدلع: حاضر يا حبيبي ومتخلهاش تعتذر انا لو مكانها كنت هعمل اكتر من كدا ما اصل اللي يحبك ويعيش معاك يبقا عليه مية عفريت لو حد بص له.
حسام بابتسامة: ماشي يا حبيبتي هروح انا وابقا اكلمك و اه متنسيش تحددي لي معاد مع ابوكي في اقربوقت.
رحمة بخبث: انا اتكلمت معاه وحدد بكرا خير البر عاجله بس هو له شرط.
حسام باستغراب: شرط اي متقوليش اني اطلق جميله دا مش هيحصل.
رحمة ببرود: لا طبعا هو عاوز يشوف مراتك ويتكلم معاها عشان يطمن عليا اني مش هعيش في مشاكل.
حسام بصدمة: لا طبعا كدا انا هأذي جميله واجرح مشاعرها.
رحمة بتمثيل الدموع: طب ما تضحي عشانك مره… ابويا مش هيوافق عليك غير لما يطمن من ناحية مراتك الاولي
حسام بهدؤء: هشوف وارد عليكي يا رحمة سلام عشان هي مستنياني تحت.
قفل وهي اتغاظت…
تحت عند جميله كانت واقفه بحزن..
امجد كان هيمشي لاقها ابتسم راح عندها.
امجد بهدؤء: عايز أعرف كان اي سبب عصبيتك دي يا جميله .
جميله بجمود: امجد ابعد عن وشي الساعة دي احنا مش خلاص حكايتنا خلصت من زمان.
امجد بهدؤء: عارف انه حكايتنا خلصت انا جاي اشوفك عشان مكنش ينفع اسيبك كدا هو هيتجوز عليكي صح.
جميله دموعها نزلت..
امجد بغصب: غبي هيضيعك من ايده زي مانا ضيعتك زمان بس العيب عندك انك بتدي مشاعر كتير لدرجة انه بقي ضامن وجودك ويدوس عليكي
جميله بسخرية: طب كويس انك عارف ممكن تمشي مينفعش حسام يجي ويلاقيني واقفه معاك كدا وهو لاني حكياله ان كان في كلام بينا قبل ما اتجوزه.
امجد برفع حاجب: يااه هو انتي قولتي له عني كمان.
جميله بهدؤء: اومال اخبي عنه اني كنت مخطوبة لشخص و الشخص دا سابني وسافر عشان فرصة متتعوضش.
امجد بحزن: طلعتي انتي اللي متتعوضيش يا جميله مش الفرصه.
جميله بسخرية: تشكر يا امجد امشي بقا انتو اي بتحبوا تخلوني اتعذب وخلاص معندكوش دم للدرجة دي.
امجد بهدؤء: ماشي انا همشي بس لو احتاجتيني ك أخ حتي انا موجود.
جميله بهدؤء: ولا حتي كا أخ… لانه مش انا الست اللي تكلم راجل علي جوزها حتي لو جوزها ده ميسواش.
بينزل حسام باستغراب: اي دا امجد بيه انت لسه موجود هنا غريبة.
امجد ببرود: عادي كنت بعمل حاجه عن اذنكم اه خد بالك يا حسام ومتغلطش غلطة اللي قبلك هتعيش عمرك كله ندمان.
حسام باستغراب: قصدك اي انا مش فاهم حاجه.
جميله ببرود: هفهمك انا يا حسام دا امجد اللي كنت بحكي لك عنه اللي كان خطيبي قبلك وسابني وفسخ الخطوبة عشان فرصة السفر وكان واقف بيوسيني عادي.
حسام بغضب: نعمم اومال مقولتليش ليه ان شاءلله.
امجد ببرود: اقولك اي؟ اقولك اني كنت خطيب المدام انا معرفش غير لما هي دخلت دا اولا تاني حاجه الشغل اللي بينا ملغي.
حسام بغضب…