تغيرة حياتي يوم زفافي - الفصل16/17/18 - بقلم ثرياء - مكتملة | روايتك

الفصل السادس عشر ظلت تبكى طوال الليل ولم يغفل لها جفن تشعر بالندم والخيانة هدمت حياتها وسعادتها بسبب تفاهتها تشعر بالملل فى بعد زوجها فهو يعمل من أجل راحتها وامانها وهى تخذلة بهذة الطريقة: جاء الصباح ارتدت ملابسها وحضرت شنطة ملابسها وملابس ابنها وتركت منزلها التى عاشت بة اسعد لحظات حياتها الان تترك بيتها وعشها الصغير من أجل خيانتها: . اوقفت تاكسى وتوجهت إلى بيت ملك بعد فترة علا: استنى هنا خمس دقايق ورجعالك السائق: تحت امرك ياهانم صعدت إلى شقة ملك ودقت الباب فتحت لها ملك بصدمة من منظرها المحزن اثر البكاء وعيناها المنتفخة ووجها الشاحب دليل على قلة النوم ملك بقلق: علا مالك فى اية حصل اية ارتمت علا باحضان ملك تبكى بندم وحسرة على بيتها الذى هدم علا بانهيار: خالد طلقنى يا ملك طلقنى ملك بصدمة: طلقك لية حصل اية علا بدموع: قصت ما حدث بالأمس ملك: مش عارفة اقولك اية انتى فعلا غلطتى ودى النتيجة علا: عارفة انا السبب فين مروان ملك بصدمة: مروان خالد كلم ماجد بالليل واصر ياخد مروان حتى ماجد قالة نام قال واحشنى واخدة هو مش رجعو البيت علا بانهيار: ابنى خالد اخدة يبق مش هشوف ابنى تانى يا ملك انا عاوزة ابنى ابنى يا ملك ارجوكى اتصرفى خلى ماجد يتصل بية عاوزة ابنى هاتولى ابنى ملك: طب هنزل معاكى وابق اكلم ماجد من البيت عند جدو هغير وانزل معاكى ونتصرف . نزلت ملك وابنتها مع علا واوصلهم التاكسى إلى فيلا العميرى . ************ ذهب إلى مكان بعيد يحاول استرجاع حياتة السابقة وما حدث معة يعيد ترتيبات حساباتة واخذ معة الصغير . قطعة منة ومنها يحمل ملامحهم الاثنان معا . اغلق هاتفة وهو الان فى اجازة عمل سوف يقضيها مع ابنة فقط: سوف يعلم زوجتة درسا لن تنساة فهو يحاول ان يعلمها كيف كانت تشعر بالامان فى حياتها مع زوجها وابنها الصغير هى الان حرة ليس مقيدة بزوج او طفل فلتعيش حياتها كما تشاء . ************* فى السخنة فى المشفى استيقظ اياد على رنة هاتف رانسى فهو معة من الأمس بسبب اتصال عمتة تفاجأ اياد بأن المتصل جدو. اياد: ايوة ياجدو الجد: اياد معلش يابنى تعالو بسرعة اياد بقلق: خير ياجدى حصل حاجة حد جرالة حاجة الجد: هات مراتك وتعالى الاول والشغل سيب أى حد يتابعة احنا محتاجينك دلوقتى لم تنزل هتعرف كل حاجة اياد: حاضر ياجدى . اياد لنفسة: ياترى فى اية هو انا ناقص ما رانسى حالتة ازى أعمل اية بس يا ربى. اياد تصفح هاتفها وجاء فى بالة ان يعلم من المتصل الذى أشعل نار الغيرة داخلة وفقد سيطرتة على نفسة وادى به إلى هنا . فتح المكالمات الوارد والصادر وبحث فى الوارد وتذكر بعد مكالمة عمها جاءها الاتصال المشئوم وجد رقم خارج القاهرة رقم دولى مسجل باسم ابية يحيى. ظل يبحث لم يجد اتصال غير من عمها وابن عمها فقط شعر بالندم والصدمة اياد بحزن: يعنى كان ابن عمها ياغبى انا إللى انا عملتة دة بس هى الغيرة عمتنى اوى كدة ولا الشيطان الملعون إللى سيطر عليا يارب اعمل اية هى ممكن تسامحنى على إللى انا عملتة فيها طب ازى بس يارب ساعدنى يارب . . فاق من شرودة على دق الباب اياد: اتفضل دكتورة منة: صباح الخير اياد: صباح النور منة: هى لسة نايمة اياد: اة باين كدة هى تقدر تخرج عادى تستحمل سفر القاهرة ولا خطر عشانها منة: عايز تسافر القاهرة ضرورى يعنى اياد: واضح فى مشكلة ولازم ننزل ضرورى بس هى تتحمل سفر منة: هى عادى تتحمل هى صحتها الجسدية كويسة مجرد كدمات وهتتعافة بكريم لكن هى تعبانة نفسينا واحنا قولنا حلها اية وممكن تنزلو القاهرة عادى بس بلاش اى ضغط على أعصابها من أى نوع وان شاء الله أسبوع والدكتورة هتكون فى القاهرة تقدر تتابع معها وانا هتصل بيك اياد: شكرا يادكتورة ممكن انزل احاسب وحضرتك تتكلمى معاها سيبلك المهمة دى منة: اة اتفضل خرج اياد وتوجة إلى الحسابات لدفع حساب المشفى . ******** قربت منة من الفراش وجدتها تفتح عيونها منة بابتسامة: صباح الخير رانسى: صباح النور انا سمعت كل حاجة منة: طب تمام ماتخفيش هو مش هيعملك حاجة وخليكى قوية بلاش ضعف او استسلام رانسى بحزن: شكرا منة: لازم تقعدى مع دكتورة عشان اعصابك ونفسيتك كمان لازم تتحسنى وانا معاكى ماتخفيش من أى حاجة رانسى بحزن : مش عايزة مش محتاجة دكتورة ولا دكتور انا كويسة اوى كمان منة: طب لية اليأس فى صوتك واوعى تفتكرى ان لو روحتى لدكتور نفسى تبق مجنونة الكل بيفهم كدة غلط كلنا بنبق محتاجين وقت فية اعصابنا تتعب مش بتتحمل أى ضغوط الحياة ومشاكلها فنحتاج نتكلم مع حد متخصص يسمعنا ويفهمنا وكمان يوجهنا للصح يعنى لا عيب ولا غلط ولا جنان ههه رانسى بحزن: بس انا مش عايزة اتكلم مع حد ولا حد يسمعنى ولا حتى يفهمنى منة: لية كدة انتى مش عايزة تساعدى نفسك انتى بجد عندك حالة لازم تتغلبى عليها وتكملى حياتك عادى وتعيشى كمان سنك رانسى: مش فارق معايا حياتى انا عاوزة هدومى ممكن منة: اتفضلى الهدوم إللى دخلتى بيها تحبى اساعدك رانسى بخوف: لا شكرا منة: اوكية عن اذنك ************** دفع حساب المشفى وتوجه إلى غرفتها: كانت ترتدى ملابسها دخل دون استئذان وجدها ترتدى ملابسها غادر الغرفة بصمت خوف من ان تصرخ أو تنهار ظل أمام الغرفة فترة بعد ذلك دق الباب ودخل. اياد: جاهزة يا رانسى عشان نتحرك اصل جدى اتصل وقال لازم ننزل رانسى تتصنع القوة: جاهزة سارت بجانبة توجهت الى السيارة اياد: مش لازم نرجع الشالية بعدين هبق اجيب الشنط بتاعتنا لم ترد علية قاد السيارة وتوجة إلى طريق القاهرة . ************ فى فيلا العميرى الجد: اهدى بقى وبطلى عياط عاوز افهم حصل اية بينك انتى وجوزك يخلية يطلقك وياخد الولد علا بانهيار: انا السبب انا السبب ندى: يابنتى فهمينا حصل اية لكل دة نجاة: حصل اية عاوزة افهم اية يخلى جوزك يطلقك انطقى ملك: ممكن تسبوها ترتاح شويا وبعدين نعرف حصل اية علا بانهيار: عاوزة مروان عاوزة ابنى يا جدو ارجوك يا بابا عايزة ابنى عاوزة مروان اةةة ياحبيبى يابنى ... ظلت تبكى بانهيار . ******** طوال الطريق لم تتحدث طوال الطريق وهو يتطلع إليها من حين لآخر بعد مايقارب الساعتان وصل امام فيلا العميرى . اياد: رانسى رانسى: اطمن مش هحكى لحد على انت عملتو اياد بعصبية: مش قصدى كدة بس مش مهم نتكلم بعدين لم نشوف جدو عاوز اية . دخل الفيلا وتفاجا من انهيار علا علا بانهيار: انا إللى ضيعت ابنى منى وجوزى بغبائى انا السبب تربيتك ليا السبب ودلعك فى عمرو السبب هو يضحك على بنات الناس اهو إللى بيعملو فى البنات اترد لبنتك داين تدان يا ماما انتى السبب فى كل حاجة وكمان كنتى عايزة تهدمى حياة رانسى واياد بعد ماابنك سابها يوم فرحها انا سمعتك بتتكلمى معاة اهو حياة بنتك هى إللى دمرت ياماما إللى كنتى عايزة تعملية فى رانسى ارتد لبنتك يارب تقتنعى وتهدى بقى شوفتى حصلى اية انتى السبب وابنك السبب عمرك ماقولتى دة صح ودة غلط شوفتى ابنك وصل لفين وانتى هدمرية كمان زى مادمرتينى اياد بصدمة: فى اية يا علا حصل اية علا بدموع: اياد حبيبى انت إللى هتجبلى ابنى مش كدة يااياد انت إللى هترجع مروان لحضنى يا اياد صح اياد: طب اهدى وفهمينى مروان ما لو علا بانهيار: خالد طلقنى وخد مروان منى ارجوك عشان خاطرى رجعلى ابنى اياد بصدمة: طلقك وخد ابنك ازى مش فاهم اية السبب علا بانهيار: انا السبب انا السبب ضيعت ابنى منى وخارت قوها بين أحضان اياد فاقدة الوعى. اياد بقلق: علا علا فوقى وحملها وصعد إلى غرفتها وضعها بالفراش اياد: اتصل بدكتور ياعمى بسرعة يجى يشوفها ظلت رانسى فى حالة صدمة من حديث علا وانهيارها وظلت جانبها هى وملك إلى أن حضر الدكتور وتم الكشف عليها . خرج الدكتور من الغرفة الجميع بقلق : خير يادكتور الدكتور: اطمنو كل خير هى ضعيفة ومحتاجة راحة واضح انها فى بداية الحمل لازم تتابع مع متخصص عشان الانفعال مش كويس عشانها وابعدو عنها أى توتر وراحة تامة وانا اديها حقنة وهتفوق بعد ساعة نجاة: انت بتقول حامل يعنى متاكد الدكتور بابتسامة: ايوة ياافندم متاكد سمعت نبض الجنين يعنى ممكن تكون حامل فى شهرين كمان الجد: شكرا يادكتور وصل الدكتور يا اياد اياد: اتفضل يادكتور احمد: طب خالد لازم يعرف محمود: كدة ممكن يرجعها عشان ولادهم حرام يتربو بتشتت بين الاتنين ندى: ربنا يقدم إللى فى الخير ونحاول نصلح بينهم ونفهم اية إللى حصل اياد بعد أن اوصل الدكتور للخارج صعد إلى الأعلى اياد: اية ياجماعة اطمنو علا بخير وياريت تسبوها براحتها دلوقتى بلاش حد يفتح معاها أى كلام وانا هعرف منها كل حاجة لم تهدى ان شاء الله محمود: تعالى يااحمد انزل الشركة واياد موجود مش تحمل هم احمد بحزن: معلش مش هقدر يامحمود اعمل حاجة الجد: تعالو انتو الاتنين مافيش شركة تعالو نخرج برة البيت نتكلم شويا بقالنا زمن ماخرجناش محمود: والله فكرة حلوة يا بابا يلا بينا اياد: ماما خدى طنط وعمتى وانزلو تحت وانا هدخل اطمن على علا منى: طيب يابنى ********* دق الباب ودخل وجدها نائمة والدموع تتساقط على وجنتيها وبجانبها رانسى حزينة عليها وبالجانب الاخر ملك. اياد: لسة مافقتش ملك: لسة زى ماانت شايف علا بتعب: مروان رانسى بحزن: اطمنى مروان بخير هو مع باباها ماتخفيش علية اياد: علا عاوزة اعرف سبب الطلاق اية ولية خالد خد مروان واوعدك ارجعلك ابنك واقف جنبك بس اعرف حصل اية ملك: مش وقتة يااياد انت سامع الدكتور قال اية اياد: اسكتى ياملك انا بتكلم عشان مصلحة علا ومصلحة ولادها انتى عارفة انك حامل علا بصدمة: حامل ملك: ايوة الدكتور قال حامل يمكن خالد لم يعرف حاجة زى دى يرجعك تانى رانسى: طب عن اذنكم علا : استنى يارانسى انتى اختى ومش غريبة انا هقولك إللى حصل يااياد وبدأت تقصى على اياد تعارفها على الشاب الى ان قررت تركة وعلم زوجها بم حدث وطلقها واخذ ابنها . اياد بعصبية: بقى بتعرفى راجل تانى على جوزك وعايزة يعمل اية يصقفلك مثلا ولا ياخدك بالحضن دى اقل حاجة يعملها انا لو مكانة كنت قتلتلك رانسى بدموع: انت قولت هتقف جنبها وتسمعها حاول ترجع ابنها حتى لو غلطت انت اخوها الكبير اتصرف وفهمها الصح من الغلط مش تحكم وتنفذ الحكم وخلاص تركهم اياد بعصبية واتفعال لم يصدق ماسمعة من ابنة عمة الذى يعتبرها شقيقتة لن يصدق أن تخون زوجها وهو من مجرد شك فى زوجتة فعل مافعلة وهى بريئة من اى شئ فهو يلتمس العذر لخالد على اخذ ولدة فهو الان فى موقف لا يحسد علية حاول الاتصال على خالد لكن الهاتف مغلق . الفصل السابع عشر ذهبت رانسى الى غرفة اياد تتحدث معة بخصوص علا . دقت الباب ودخلت بتوتر وجدتة يجلس على الفراش يضع يدة على خديها وينظر للاسفل يفكر فى حل للهذة المشكلة . وجد رانسى تقف امامة اياد: عايزة اية يارانسى رانسى بحزن: تقف جنب علا ماينفعش تسبها لوحدها لازم تساعدها انت الكبير اتصرف واعمل حاجة بلاش تحملها الذنب حتى لو هى غلطت فبلاش تتحرم من ابنها حرام خلى خالد يرجع مروان وانت شايف حالة علا ازى من غير ابنها انت وعدت هتسمعها ومش هتسيبها اوفى بوعدك ليها ارجوك بلاش تحكمو كلكم عليها من غير ماتقف جنبها وتسمعها انا عارفة انها غلطت لكن فاقت وعرفت غلطها يمكن متاخر بس فاقت المفروض انت اخوها ساعدها فى مشكلتها وبعدين عاقبها بس رجع مروان اياد: خلصتى كلامك اتصلت بخالد قافل الموبيل هفضل ورا واتكلم معاة بس مش عارف باى حق هطلب منة يرجع مروان وانت عارف اختى عملت اية رانسى بدموع: انا رايحة اشوف علا وانت اعمل إللى فى مصلحة اختك . *********** فى مكان هادى فى النادى جلس محمد العميرى ومعة اولادة محمود وأحمد محمد: احمد عارف انك زعلان على بنتك وابنك كمان بس دى غلطتك انت سبت نجاة تربى الاولاد لوحدها وانت فضلت الشغل وادى الدلع وصل عمرو لفين صايع ومش قادر علية وعلا اهى امها السبب فى خراب بيتها وماحدش عارف اية إللى حصل احمد بحزن: كنت بشتغل يا بابا عشانهم اعمل اية يعنى ماهو محمود كان معايا وبيشتغل زى بس ولادة اتربو كويس من غيرة محمد: محمود كمان بعد عن ولادة وساب منى هى إللى تربى بس فرقت تربية منى عن نجاة شوف اياد ماسك الشغل ازى وهو ماسك مشاكل العيلة وانا واثق انة هيحل مشكلة علا بدون تدخل أى حد راجل يعتمد علية وملك كانت قرببة من منى وواعية وعاقلة المهم انا مش جاى احسبكم على تربية اولادكم دلوقتى انا عاوز اقولك قرب من علا هى محتجالك دلوقتى حسسها بانك سندها وضهرها ولو جوزها اتخلى عنها فانت ابوها عمرك ماهتتخلى عنها حتى لو غلطانة خليك فى ضهرها وعلمها غلطها بعدين ايدها الحب والحنان مش الفلوس والدلع بس والكلام نفس الشئ لعمرو الواد بيضيع فعلا من بين ايدينا شوفو بيتعاطى حاجة واطمن علية وقرب منة خلية يحس انك اخوة وسندة وواقف فى ضهرة مش يخاف منك حاول تصلح إللى بوظتة نجاة قبل الندم يابنى ابنك هيروح مننا واحنا واقفين نتفرج وانت يامحمود قرب من اياد حاسس انة مهموم وانا بعرفة من نظرة عنية اقف جنب ابنك وقدملة الدعم إللى محتاجة بلاش يكون ماكنة شغالة 24 ساعة ريحو شويا واتكلم معاة زى الاصحاب اعرف حزنة قبل فرحة يابنى محمود وأحمد: حاضر يابابا ************* مر يومين وعلا حبيسة غرفتها تبكى على فلذة كبدها . . ويحاول اياد الوصول إلى خالد وعلم انة فى اجازة عمل ولم يذهب إلى عملة وظل يحاول الاتصال بية ولكن لم يحدث جديد . فضلت ملك ان تظل بجانب علا لتخفيف عنها . اما عمرو كالعادة لم يهتم لم يحدث فى بيتة وخارج البيت باستمرار . كان الجميع على مائدة الطعام يتناول طعام الغداء وهى تنظر إلى وجة كل شخص وتشرد رانسى بشرود: جدى عمود العيلة مجمع الشمل حوالية مهتم بيهم ويفكر فى مستقبلهم ويكبرو شركاتهم واسم العميرى يعلى ويعلى . وخالى احمد حزين بيفكر فى حال بنتة وابنة وخالى محمود مبسوط بولادة اياد راجل أعمال ناجح طبعا وبيكبر الشغل والشركات والفلوس وامى بتفكر فى اية مرض جدى وتهتم بصحتة لكن ماسالتش عن صحتى حتى مالاحظتش انا متغيرة فية اية طبعا مش جوزتى لاياد إللى وافق واتكرم اتجوزتى وانقذ شرف العيلة طبعا مطمنة هتفكر فى اية تانى اتاكدت ان مافيش طلاق زى علا طبعا احسن الناس تتكلم عنى طبعا يهمها كلام الناس مش مهم انا واللى يحصلى ماانا رضيت بالذل هنا والكل يعمل إللى هو عاوزة عادى اتكسر واتظلم واتوجع عادى كرامتى تضيع وسطيهم عادى بردو لازم اتكتم طبعا احسن المعونة تتقطع عننا لكن ماحدش يهتم بمشاعرى وكرامتى وطلباتى قد اية بقيت اكرهكم كلكم انتو إللى ساهمتو فى كسرى وجرحى امى جدى وخالى وابن خالى كلكم واياد قضى عليا. كان ينظر لها وجدها شاردة وتتطلع لكل شخص فترة من الواضح انها تفكر فى شيئا ما ولكن لن يستطيع فهمها منذ عودتهم وهى بعيدا كل البعد عن الجميع اصبحت جسد بلا روح ولم تترك علا من الواضح انها تضعها حجتها لتبعد عن الجميع . تلاقت العينان وفاقت من شرودها على نظرة اياد لها رانسى: الحمد لله هشوف علا ملك: رافضة تاكل بردو رانسى: هاتى الاكل انا هحاول معاها تانى ملك: ياريت يا رينو ياجامد تاكل منك بقى همتك ياعم اخذت رانسى الاكل وتوجهت إلى غرفة علا رانسى: الاكل ياجميل علا: مش قادرة يارانسى بجد رانسى: لية كدة يالولو عشان حتى النونو ياكل حرام عليكى كدة تجوعية يامفترية علا بدموع: هاكل ازى من غير مروان وانا عارفة خالد مابيعرفش يتصرف معاة رانسى : مروان مع ابوة واكيد مش هيسيبة جعان يعنى كلى عشان لم مروان يجى تكونى كويسة وبلاش دموع الواد يخاف منك كدة مروان راجع اطمنى خالد عندة شغلة هو بس تلاقى هيقضى معاة كام يوم بس ويرجعة عشان زى ماانتى بتقولى مش هيعرف يتصرف مع مارو عشان مارو متعلق بمامى كلى بقى عشان خاطر ولادك طب نفسك تجيبى ولد زى مارو قمر كدة ولا نفسك فى بنوتة حلوة وزى القمر زى انا علا بابتسامة: ياريت تبق زيك فى الشكل والصفات يارينو بدل انا مااكون اختك الكبيرة وقدوة انتى إللى بتنصحينى وتقفى جنبى وانا مش ينفع اكون قدوة حتى رانسى: انتى اختى وقدوتى كمان لية بتقولى كدة مش معنى انك قدوة ماتغلطتيش المهم تفوقى وتصلحى غلطلك المهم نفوق قبل فوات الأوان كلنا جنبك ياعلا ومعاكى ولازم تحافظى على الروح إللى جواكى وابنك هيرجع لحضنك انا واثقة فى ابية خالد مش هيهون علية يبعد ابنك عنة هو يمكن مجروح بس هيفوق ويرجع ابنك وابقى قولى رانسى قالت كلى بقى عشان خاطر مروان وبنوتك بقى هتسميها اية بقى فكرى فى الاسم من دلوقتى . ********** جاء اتصال إلى اياد ذهب بسرعة وترك المنزل متوجة إلى. . ********* فى شقة خالد وصل اياد وصعد إلى الشقة فتح خالد واستقبلة بالصالون اياد: عامل اية ياخالد خالد: كويس الحمد لله شوفت اتصالات منك كتير انا لسة جاى من اسكندرية اياد: اسكندرية خالد: ايوة كنت محتاج اغير جو انا وابنى بس مروان قال عايز ماما وانا ماعرفتش اتصرف معاة نزلة عشان خاطر ابنى بس واتصلت عليك عشان تاخدة لامة اياد: علا حالتها صعبة اوى ومنهارة مش بتقول غير عايزة مروان خالد بحزن: دلوقتى حست بابنها اياد: علا حكتلى كل حاجة وانا عارف انها غلطانة وحقك تعمل اكتر من كدة ماحدش يقدر يلومك بس فى حاجة لازم تعرفها علا تعبت يوم ماسبتها والدكتور قال انها حامل خالد بصدمة: حامل اياد: ايوة تقريبا شهرين لازم تراجع قرارك وتفكر كويس عشان خاطر ولادك حرام يتشتتو بينكم خالد: هى إللى هدمت البيت مش انا انتى مش عارف النار إللى جوايا مش عارف الجرح إللى فى قلبى ماحدش هيحس بية غيرى انا موجوع ومقهور اوى جوايا نار عارف يعنى اية نار اياد: انا معاك صعب الاحساس إللى انت عشتة وبتعيشة بس ممكن تعاقبها وهى معاك صدقنى دة أكبر عقاب ليها هى اختى بس غلطت وانا عاوزك تعاقبها رجعها عصمتك تانى عشان ولادك وكمان تعاقبها ببعدك عنها وجفاك ومش تسامحها بسهولة هيكون اصعب عليها من البعد فى المكان وهتندم على غلطها مليون مرة خالد: صعب افكر دلوقتى اياد : معاك سبع شهور تقدر ترجعها فى أى وقت قبل ماتولد انت حر بقى خالد: ربك يسهل خد مروان اهو وقولها ماقدرتش احرم ابنى من امة رغم إللى عملتة اياد: حمل الصغير وقبلة: وقت لم تحب تشوفة اتصل عليا هجبهولك فى أى وقت حتى لو عاوز يبات عندك كمان ماتقلقش وفكر فى كلامى عشان ولادكم وعشان الحب والعشرة اللى كان بينكم خالد: ربنا يصلح الأحوال اياد: ماشى سلام بقى ******** وصل اياد الفيلا بعد نصف ساعة اياد: علا ياعلا... تعالى شوفى مين هنا جاء الجميع على صراخ اياد فرحت علا برؤية ابنها وهرولت الية تحضنة بشوق وتقبلة بلهفة فى جميع أنحاء جسدة وفرحت رانسى بوجود الصغير وصعد الجميع لكى ينام وظلت هى تفكر فى امر ما . الفصل الثامن عشر بعد ان تأكدت من ان الجميع ذهب فى سبات عميق . كانت تضع شنطة ملابسها فى الجنينة خوفا من ان يراها أحد لكى تترك المنزل بهدوء اوقفت تاكسى ليقلها إلى المكان التى قررت الذهاب الية . *********** بعد وصول التاكسى إلى المكان المنشود حاسبت التاكسى وترجلت امام العمارة وصعدت إلى شقة بالطابق الثالث ودقت الباب إلى أن جاءها الرد فتح لها الباب واستقبلها بالأحضان . رانسى بابتسامة: واحشتنى اوى مش مصدقة انى شوفتك يحيى: وانتى يارينسو واحشانى اوى تعالى اعرفك على سلمى مراتى يحيى: سلمى تعالى اعرفك رانسى اختى الصغيرة بنت عمى مراد الله يرحمة سلمى بابتسامة: اهلا وسهلا ياحببتى وقبلتها رانسى بتوتر: ممكن اقعد معاكم كام يوم ولا اديقكم ياابية يحيى: نعم تدايقى مين يابت دة انتى تقعدى مش كام يوم بس اقعدى سنة اكتر زى ماانتى عايزة انتى واحشانى اوى سلمى ممكن تجهزى العشا انا واقع سلمى بابتسامة: حاضر يحيى: مالك لم كلمتك حسيت انك زعلانة وحسيت كمان من صوتك انك متلهفة عشان انزل مصر مالك فى اية رانسى بدموع: واحشتنى ونفسى اشوف حد من عيلة بابا وعمى دايما مسافر بجد واحشتونى يحيى: وانت كمان بس غيرو انطقى فى اية لم اتصلتى بية طلبتى العنوان وانك عايزة تيجى تقعدى معايا ومش تعرفى حد انا بجد قلقت عليكى فى اية زعلانة مع مامتك ولا جوزك ولا اية. رانسى: ينفع ماقولش حاجة دلوقتى بس انا بقالى فترة مانمتش ممكن انام وبس وبعدين نتكلم بس بلاش حد يعرف انى هنا يحيى: اطمنى ماحدش يعرف ان نزلت مصر غيرك انا لسة واصل امبارح رانسى: ولا عمو عشان مايكلمش ماما وتعرف بليز. يحيى: حاضر يابنتى ادخلى الاوضة دى نامى وارتاحى وهجبلك الاكل الاول رانسى: لا هنام مش محتاجة غير انى انام يحيى: تصبحي على خير يا غلبوية . ********* جلست على الفراش وتذكرت مكالمتها مع يحيى التى تفاجات بوجودة بالقاهرة وطلبت الذهاب الية لتجلس معة فترة وافق على طلبها واعطاءها العنوان انتظرت عودة مروان والاطمئنان على جو البيت وبعد ذلك تتركة لم تتحمل الصبر والمكوث اكتر من ذلك فهى تحس انها سجن لها وليس منزل وأصبحت تكرة الجميع والفضل يرجع إلى اياد . وذهبت فى سبات عميق من شدة التفكير كانت مرهقة ولم يغفل لها جفن بعد عودتها من العين السخنة. . ************* سلمى: هى بنت عمك هتقعد عندنا كتير يحيى: براحتها ياسلمى دى بيت اخوها وتقعد براحتها فاهمة سلمى: مش قصدى يعنى هى زعلانة مع جوزها دول لسة عرسان جداد يحيى: ماعرفش ممكن تقفلى على السيرة دى وبلاش تديقها رانسى حساسة وممكن تزعل وتسيب البيت ماشى خلى بالك من كلامك معاها سلمى: شور طبعا . *********** فى الصباح فى فيلا العميرى. جلس محمد العميرى وبجانبة اولادة وأحفاده على مائدة الافطار ولكن بدون رانسى: محمد: فين رانسى اياد: باتت مع علا امبارح معقول لسة نايمة علا: لا هى لعبت مع مروان وبعد كدة قالت هتروح تنام بس مابتتش معانا اياد بقلق: ازى انا هطلع اشوفها فين صعد اياد يبحث عنها فى كل مكان بالفيلا ولم يجدها. والجميع فى حالة صدمة اين ذهبت. ندى بخوف: بنتى هتكون راحت فين اياد: طب مين اصحابها ندى: لينا انا هتصل بلينا علا: يمكن عند ملك اياد: هكلم ملك اتصل اياد بملك ولكن لم تذهب الى هناك. واتصلت ندى بصديقتها لينا وايضا لم تذهب . ندى: مش عند حد هى مالهاش حد هنا وعمها وولادة مسافرين يعنى هتروح فين محمد: حصل حاجة بينكم يابنى هى مش طبيعية من ساعة مارجعتو من العين السخنة حتى حاولت اتكلم معاها كانت بتصدنى وانشغلنا بموضوع علا بس انا لاحظت هى كانت متغيرة مش حفيدتى إللى انا اعرفها اياد: عادى ماحصلش حاجة ندى بدموع: يارب نجيها يارب ورجعها بالسلامة يارب ماليش غيرها يارب اياد: انا هقلب عليها الدنيا ومش راجع من غيرها . أجرأ بعد الاتصالات بالعمل وبلغ ماجد يدير الشغل وقرر الذهاب إلى خالد ليساعدة فى البحث عن زوجتة. ****** فى منزل خالد تحدث اياد بقلق: اتصرف يا خالد نوصلها ازى خالد: هو انت مزعلها اوى لدرجة دى اياد بحزن: ايوة جرحتها وظلمتها اوى ومش عارف هتقدر تسامحنى ولا اية خالد: اطمن هنحاول نوصل لرقم موبيلها ونحدد مكانها اياد: ماعتقدش ان رانسى غبية دى اكيد مقررة تعمل اية خالد: يبق ندور فى كل مكان ممكن تكون بتتردد علية وندور فى المستشفيات كمان ولو مش وصلنا لحل نحاول نوصل لحد من شركة الموبيل ونعرف بس دة بيكون محتاج اذن نيابة لو غابت اكتر من يوم نقدر نتواصل من الشريحة حتى لو مغلق اطمن اياد: يارب انا بتعبك معايا يا خالد وانت مش ناقص مشاكل كفايا إللى انت فية خالد: عيب احنا اهل مهم حصل ورانسى دى اختى وانا قلقان عليها وهنوصلها ان شاء الله. ******** فى بيت يحيى السمرى استيقظت بكسل وابدلت ملابسها وخرجت من غرفتها: يحيى: صحى النوم ياكسلانة رانسى بابتسامة: صباح الخير سلمى ببرود:صباح النور احضرلك فطار اصل احنا فطرنا من بدرى متعودين نصحى بدرى رانسى: لا ميرسى هعمل نسكافية حد يشرب معايا يحيى: حبيبة اخوها اعمليلى معاكى رانسى: حاضر وانتى ياسلمى اعملك سلمى: لا مش عايزة ميرسى دخلت رانسى المطبخ تحضر النسكافية. سلمى لنفسها: بتعزم عليا فى بيتى كمان حاجة تخنق سلمى: يحيى حبيبى مش كنا ناوين نقضى اليوم عند بابا اصلهم واحشونى اوى يحيى: اة طبعا ياحببتى بس مش هقدر اسيب رانسى كتير هاجى معاكى بس مش اتأخر هناك عشان رانسى هتكون لوحدها سلمى بغيرة: هى رانسى صغيرة ولا اية وبعدين انا اتخنقت هنا كنت فى ايطاليا احسن من هنا يحيى: مش انتى اصريتى على النزول عشان تبدا من هنا وتكبرى اسمك فى بلدك ولا اية يادكتورة رانسى: النسكافية وصل يحيى: تعالى هنا جنبى احكيلى بقى كل حاجة سلمى بغيرة: انا هدخل اجهز عشان نروح عند ماما يحيى: ها احكيلى يارينسو فركشتى مع عمرو ازى رانسى بدموع: لا مش فركشت هو إللى سبنى وخلع يوم الفرح اتخلى عنى وابية اياد بقى الشهم إللى اتنازل واتجوزنى عشان العيلة واسم العيلة وشرفها وطبعا سمعتى بقى يحيى بصدمة: اية كل دة حصل وطنط ندى فين من دة كلة رانسى بدموع: انا مش عايزاهم تانى انا تعبت هناك واتكسرت واتجرحت كفايا مابقتش اتحمل اقعد معاهم تانى وماما كمان مش بتقدر تتكلم وحقى ومشاعرى كل بيضيع تحت رجليهم من واحد لاتانى انا عاوزة اطلق من اياد واعيش انا وماما فى شقة بابا الله يرحمة عايزة نعيش حياتنا زى أى حد وأكمل دراستى مش عايزة حد يتحكم فية تانى ياابية ارجوك يحيى: اطمنى انا موجودك معاكى ماتخفيش من حد انا ضهرك وسندك ودة بيتك هتفضلى هنا وماحدش هيعرف بوجودك غير لم انتى تقررى وانا هكلم محامى اشوف نعمل اية مش عايزك تقلقى طول ماانا عايش فاهمة رانسى بدموع: ربنا يخليك ليا عشان كدة ماصدقت انك جيت ياابية . ********* بعد جولة بحث فى المستشفيات لم يعلم أحد عنها شئ. جاء اتصال إلى اياد اياد باستغراب .