الفصل10/11/12
الفصل العاشر
فى الصباح
كان الجميع يجلس على مائدة الافطار ولكن بدون رانسى:
الجد: امال فين رانسى لسة نايمة ولا اية
محمود: صحيح فين مراتك يا اياد
اياد بتوتر: نايمة
نجاة: معقول لسة نايمة لدلوقتى
منى بابتسامة: براحتها هى مش وراها حاجة عروسة بقى وبتكسل
نجاة بسخرية: اة عروسة
منى: ربنا يسعدهم يارب
ندى: يارب
حضرت رانسى وكان ترتدى سلبتة جينز ازرق وبدى ابيض نصف كم:
رانسى: صباح الخير
الجميع: صباح الخير يا حببتى
جلست بعيدا عن اياد
نجاة: مش تقعدى جنب جوزك ياحببتى
رانسى بقوة: حابة اقعد هنا يا طنط عند حضرتك اعتراض
ندى بانفعال: رانسى
رانسى بحزن: نعم
ندى: مالك على الصبح مش بتقعدى مكانك لية
اياد بابتسامة: بإجماعة براحتها مش لازم تقعد جنبى لانها دايما جنبى وجوة قلبى كمان مش كدة ياحببتى
رانسى بحزن: الحمد لله شبعت
منى: انتى ماكلتيش حاجة ياحببتى اوع يكون اياد مزعلك اجبلك حقك قوليلى بس
رانسى بابتسامة: اياد هو فى زى اياد يا طنط انا عاوزة اشم هوا عن اذنكم
اياد: وانا رايح الشركة مع السلامة
الجد: عملت اية فى مشروع القرية
اياد: شغال فية ياجدى
محمود: ربنا يوفقك يابنى
اياد: طب عن اذنكم بقى
*******
فى الجنينة
جلست على المرجيحة بالجنينة وتهز جسدها وتغمض عيناها بسبب اشعة الشمس الموجة عليها وفجاة اقتحم خلوتها ظل واقف امامها يريد أن يضمها لقلبة ويستنشق عطرها الذى يعشقة ويملس على شعرها البنى ويقبلها بحب كان يحلم بهذة اللحظة منذ أن كبرت وصارت انسة جذابة كان يريد أن يخطفها ويحتجزها داخل قلبة ولا احد يراها غيرة فهى من ممتلاكاتة الخاصة
تنهد بالم وجلس جانبها على المرجيحة
شعر بنفسة وفتحت عينها وجدت عيناة العسلية تطلع إليها بابتسامة
وقفت رانسى وكانت تريد أن تترك لة المكان
اوقغة صوتة القوى:
اياد وقف امامها: استنى يارانسى فى كلام بينا لسة ماخلصش
رانسى ببرود: افندم خير
اياد: اولا الاسلوب إللى حصل على الفطار مش يتقرر تانى وثانيا انتى مراتى ولازم تتعاملى على الاساس دة واى حاجة خاصة بينا مافيش مخلوق يعرف بيها
ثالثا ممكن اسمحلك تاخدى الموبيل بس مافيش خروج غير باذنى انا وبس مافيش استئذان من جدى تانى
رابعا بقى لازم تتاقلمى على انى جوزك وقدرك هو قدرى ومافيش طلاق وانهاردة ترجعى اوضتك تانى واللى انتى عارفة اية ممكن يحصل
خامسا: انا ماشى سلام يا رينو وقبلها فى خديها ولم ينتظر منها أى رد وتركها فى ذهول:
رانسى بغضب: هو عاوز يتحكم فية وبس يظهر كنت غلطانة لم فكرت اياد غير أى حد لكن هو زى عمرو كلهم صنف واحد قذر وانا وانت والزمن طويل يا اياد ومش هتقدر تكسرنى كفايا لحد كدة وهخرج وبراحتى كمان ومش هسمع كلامك مش حد هيتحكم فية تانى
**********
دخلت غرفة المكتب إلى جدها بعد أن طلبها ليتحدث معها.
رانسى: جدو حضرتك طلبتنى
الجد: تعالى ياحببتى اقعدى عاوز اتكلم معاكى كلمتين
رانسى: اومرنى ياحبيبى
الجد: انتى عارفة غلوتك عندى قوليلى من غير ماتخبى عنى حاجة وخليكى صريحة معايا اتفقنا
رانسى بابتسامة: اكيد ياجدو
الجد محمد: انا قصرت معاكى ياحببتى قولى من غير كسوف مش هزعل
رانسى بابتسامة: لا ياجدو حضرتك عمرك ماقصرت معايا والله انت اغلى حد عندى والله ياجدو وكل لم اطلب من حضرتك طلب بيتنفذ
الجد: طب كلامك امبارح مع والدتك مش عجبنى وزعلنى عليكى ومنك فى نفس الوقت مش كان مفروض تكلمى ماما كدة هى بتحبك وضحت عشانك كتير ورفضت تتجوز عشانك وعشان كانت بتحب مراد الله يرحمة ومافيش راجل قدر ياخد مكان ابوكى فى حياتها وكانت ليكى الام والأب وانا معاها ربيناكى وكبرناكى
رانسى بدموع: انا اسفة ياجدو بس هى اول مرة تمد اديها علية وانا كنت موجوعة اوى ياجدو وانا كمان زعلانة منها
الجد: عارف يابنتى بس هى ام وخافت على بنتها بعد أيام من الجواز تطلب الطلاق مش سهل تسمع كلامك كدة عادى وزعلت عليكى لم قولتى مالكيش حد بعد موت ابوكى الله يرحمة ازى تقولى نبيع ونشترى فيكى يابتى دة انتى اغلى عندى من ولادى
رانسى بدموع: والله ياجدو مااقصدش حضرتك بس عمرو واياد جرحونى اوى ياجدو كسرو فرحتى ياجدو الفرح إللى أى بنت بتتمناة كان بالنسبالى حلم لا كابوس وصحيت منة على واقع اليم ومين ياجدو يعمل فية كدة ابن خالى يعنى من دمى ياريت غريب ياجدو ياريت ماكنتش اتوجعت كدة ياريت قلبى كان وقف ولا حب واحد زى عمرو وامان لية يوم من الأيام بس انا كنت معذورة ياجدو عمرو اول واحد يقرب منى ويرسم علية الحب والرومانسية غصب عنى قلبى مال لية بس كنت غلطانة عشان مشيت ورا الكلام اللى كان كدب فى كدب كان بيلعب بية وبمشاعرى لكن ماكنش حب حقيقى ومافوقنش على الحقيقة المرة غير بعد ماسابنى اكتشفت انى مش بحبة بس صدقت كلامة واستغربت جوازى من ابية اياد إللى طول عمرة يبق اخويا الكبير وصاحبى وسندى واول حد احكيلو كل حاجة تحصل معايا فجاة اتجوز اخويا واعاملو على اساس جوزى طب ازى وكمان يجرحنى ياجدو ويكسرنى هو كمان عشان كدة طلقنى ياجدو مش عاوزة انكسر تانى ياجدو كفايا اوى كدة ياجدو
الجد بحزن قرب إليها واحتضنها: فى اية يابنتى اياد عملك اية
رانسى: بلاش تسأل ياجدو
الجد: طب بلاش اعرف تعالى نتكلم بحكمة
اية رايك تجربى اياد
رانسى بابتسامة: اجربه ازاى ياجدو
الجد: ههههه اسمعى كلامى الاخر قصدى تكملى معاة كمان كام شهر بلاش تحكمى علية دلوقتى اياد راجل وبجد لايق عليكى هو إللى هيقدرك ويستاهلك صدقينى هو بيحبك وبيخاف عليكى حاولى تقربى منة وانسى خالص انة كان اخوكى الكبير واتعاملى معاة من اول وجديد ادى نفسك فرصة تتعرفى على اياد وتشوفية من منظور تانى جوزك وصدقينى هيجى يوم مش هتقدرى تستغنى عن اياد هيكون جوزك وحبيبك وسندك وهتيجى تشكرينى كمان لو يعنى كنت لسة موجود:
رانسى: بعد الشر عليك ياجدو ربنا يديك الصحة
الجد: توعدينى تنفذى كلامى
رانسى بابتسامة: عشان خاطرك هحاول بس مايمنعش انى اعند معاة شويا واجننة ماشى
الجد: ههههه ماشى المهم تفضلو مع بعض وانسى عمرو باللى عملة واول لم يرجع البيت انا هعاقبة العقاب إللى يناسبة همنع عنة المصروف واسحب الفيزا والعربية ويورينى هيعش ازى ويصرف ازى الصايع بتاع البنات لازم اربية مدام احمد ونجاة مايعرفوش يربوة انا هربية من جديد
رانسى بابتسامة: ربنا معاك ياجدو وياريت تخلى عمرو بعيد عنى ومش عاوزة اتكلم معاة ولا اشوفة
الجد بحزن: حقك عليا ياقلب جدك ولازم تصالحى ندى
رانسى بابتسامة: حاضر ياجدو والله هصالحها ايدك بقى عاوزة فلوس عشان اخرج هروح النادى واقابل لينا
الجد: مش بتطلبى من جوزك لية
رانسى: لا ماليش دعوة بجوزى انا عاوزة منك انت ياعسل
الجد: هههه ماشى ياحببتى بس لازم تكلمى اياد وتعرفية انك هتخرجى
رانسى: لازم
الجد: ها قولنا اية
رانسى: حاضر ياجدو:
********
فى شركة العميرى
كان يجلس على مكتبة يتابع التصاميم الهندسية لمشروع جديد وجاءة اتصال من غزالتة الصغيرة
فهو أطلق عليها غزالة نسبة إلى معنى اسم رانسى تعنى الغزالة الصغيرة وهى بالنسبة له الغزالة الصغيرة البرئية:
(تتصل بك غزالتى الصغيرة)
اياد بابتسامة: الو ياحببتى اية واحشتك صح
رانسى بجدية: بقولك اية انا خارجة هروح النادى واقابل لينا وانا يعرفك ماشى سلام
وأغلقت الهاتف
اياد بابتسامة: مجنونة بس ماشى هستحمل جنانك وهسيبك شويا براحتك بس مش كتير واذا كنتى غزالة فانا الفهد إللى هيروضك هههههه
. . . . .
وجدت والدتها جالسة فى المطبخ تطهى الغداء ومعها زوجة خالها أى حماتها منى
رانسى: بتعملو اية
منى: بنعمل بشامل عشان الغدا تحبى حاجة تانى
رانسى: اى حاجة من ايداكو تسلم ايدكو ماما عاوزكى شويا ممكن
خرجت ندى فى صمت
وقفت عند السفرة
ندى: عاوزة ايه
رانسى: انا اسفة حقك عليا سامحينى وخلاص تراجعت عن موضوع الطلاق بس بلاش تزعلى منى وبعدين حضرتك اول مرة تضربينى
ندى حضنتها: حقك عليا انتى حتة منى بس كلامك عصبنى
رانسى: المهم انك مسمحانى
ندى بابتسامة: ماقدرش ازعل منك انتى حتة من قلبى
رانسى: أيوة بقى ربنا يخليك ليا يا ست الحبايب ياحبيبة ههههه
ندى: ربنا يسعدك ويهدى سرك يارب وافرح باولادك يارب
رانسى: هههههه كل دة طيب ماشى انا رايحة النادى هقابل لينا سلام بقى
ندى: خلى بالك من نفسك
رانسى: اوكية باى
. . . . . . . .
ذهبت إلى النادى وقابلت صديقتها وظلت تقصى عليها ما حدث بعد رجوعها من الغردقة
لينا بصدمة: بقى توصل الحقارة بعمرو يقول عليكى كدة وكمان اياد يصدقة لا مش مصدقة امال لو مش ولاد خالك
رانسى بحزن: تصدقى دة إللى واجعنى اكتر إللى حصل يبق من ابن خالى وكمان اياد جرحنى اكتر لانة هو المفروض واثق فية وعارفنى اكتر من نفسة بس وربنا ماانا ساكتة لازم ازلة زى ماوجعنى وكسرنى
لينا: أيوة مش تسكتى عن حقك بعد كدة عامليهم بالمثل وانا معاكى لازم تخلى اياد يبوس القدم ويبدى الندم على غلطتة فى حق الغزال هههههه
رانسى: هههههههه.
*************
فى شقة الرائد خالد حمدى
احست بفراغ بعد أن نام طفلها الصغير ذو العامين:
فتحت حسابها الشخصى على موقع التواصل الاجتماعي الفيس بوك
وفتحت الشات وبدات فى مراسلة شخص ما
وبعد عدة ساعات من المحادثة
سمعت صوت فتح باب الشقة شعرت بالتوتر وأغلقت اللاب بسرعة .
وجدت زوجها
خالد: مساء الخير ياحبيبى ممكن تجهزيلى شنطة هدومى عندى سفرية مهمة تبع الشغل يومين تلاتة ممكن تروحى تباتى عند عمى بلاش تفضلى لوحدك فى البيت
علا بقلق: لا هفضل هنا فى شقتي عشان لم تيجى فى أى وقت تلاقينى ياحبيبى
خالد: لا مش هقدر اسيبك لوحدك هقلق عليكم لازم اكون مطمن عليكم وحضرى حاجتك هوصلك فى طريقى
علا: حاضر ياحبيبى
خالد: مروان فين مش سامع صوتة
علا: نايم يا حبيبى
خالد: بجد طب كويس تعالى عاوز اقولك كلام كتير قبل مااسافر اصلك هتوحشينى اوى اوى
علا: وانت كمان هتوحشنى اوى ياحبيبى
خالد: طب اية بقى تعالى قبل ماالواد يبوظ اللحظة دى
علا: ههههه
************
فى فيلا العميرى
تحدثت مع ابنها
نجاة: انت فين ياموكوس هتفضل كدة مش نافع فى أى حاجة
عمرو: الله فى اية بس مش انتى قولتى افضل يومين فى اية
نجاة: مصيبة لازم تيجى حالا
عمرو: مصيبة اية تانى
الفصل الحادى عشر
تركت صديقتها وودعتها وذهبت إلى فيلا العميرى.
وصلت الفيلا والقت السلام على الجميع وتفاجات بمروان يرتمى بحضنها
استقبلتة بحب ولهفة ومالت علية وحملتة وظلت تقبل بة تحت نظرات اياد والجميع
منى: عبقال ماتشيلى ابنك ياحببتى
رانسى بابتسامة: علا وحشتينى وقبلتها
علا: وانتى كمان يا حببتى
رانسى: هى ملك مش هنا
علا: كلمتها وجاية فى الطريق
رانسى بابتسامة: اشطة جدا
علا: انما اية الجمال دة هم إللى يتجوزو بيحلو كدة هو اياد عمل فيكى اية ههههه
اياد: دة تكات وحركات بينا احنا بس اطلعى انتى منها
علا: ياساتر عليك دايما فاصلنا
رانسى تداعب مروان وهو يضحك بصوت عالى
قرب عليهم اياد: اة ياواطى بقالى ساعة بضحك فيك واول لم رينو تشيلك تكركع كدة
رانسى بثقة: دى قدرات مش أى حد طبعا
اياد بغمزة: يهمس لها طب ماتورينى قدراتك وانا احكم ههههه:
رانسى: ظريف
حضرت ملك والبدا الأطفال فى اللعب وجلست الفتايات يتهامسو ويتحدثو فى جميع الامور.
واياد وماجد يجلسو مع الجد
والنساء يتحدثو فى اصناف الطعام
*************
نجاة بعد مكالمتها مع ابنها وطلبت منة الحضور.
حضر عمرو ووجد الجميع
عمرو: مساء الخير
محمد: كنت فين من امبارح يا استاذ هو هنا اية زربية تيجى وتمشى كدة مالكش كبير
عمرو باحراج: ابدا ياجدى كنت تعبان بيت عند صاحبى
محمد: طب هات مفاتيح عربيتك والفيزا وانا هربيك من اول وجديد
عمرو بصدمة: نعم لية كل دة
محمد: من غير لية اسمع الكلام من سكات
نجاة: نفذ كلام جدك ياعمرو
عمرو: بس كدة ظلم
محمد: لو عاوز تفضل فى بيتى تسمع الكلام من سكات
عمرو بغضب: اتفصل المفاتيح اهى والفيزا كمان
محمد: ايوة كدة
علا: ازيك ياعمرو اية احنا هوا مش شايفنا
عمرو: اهلا منورين عن اذنكم طالع ارتاح
محمد: استنى هنا اقعد مع اخواتك وصفى نيتك السم دى
عمرو: اوف وادى قعدة
كان اياد لا يريد أن يضل جالس ولكن ماجد امسك بة:
اما رانسى عندما رات عمرو انطفت ضحكتها وفضلت المغادرة:
رانسى: علا طبعا معانا كام يوم مش كدة
علا بابتسامة: اة كدة هههه خليكى ياملوكة انتى كمان
رانسى بابتسامة : أة ياريت ممكن ياابية ماجد تسبلنا ملك وجنا يوم ولا اتنين كدة
ماجد بهزار: يوم بس خديهم علطول عادى ههههه
ملك: بقى كدة ياماجد مستغنى عنى بسهولة
ماجد: بهزر ياحببتى هو انا اقدر
علا: خلاص تفضل معانا عشان نرجع زمن الفن الجميل
رانسى: ههههه دة احنا هنخربها
ملك: طبعا ودى عايزة كلام
ماجد: اوكية عشان خاطركم موافق بس يومين مش اكتر انا مااقدرش استغنى عن مراتى وبنتى
اياد: لا يا راجل
ماجد: طبعا ياعم عندك شك هههه
رانسى: طب تعالو نطلع فوق شويا
ملك: اوكية يلى بينا
خلى بالكم من الولاد يا ماجد
اياد بابتسامة: ماتقلقيش
**********
صعدو إلى غرفة ملك
وجلست علا على الفراش
علا: ها يارينو عاملة اية مع يدو
رانسى: هعمل اية يعنى
ملك: هههههه اخبار الحب والذى منى واية النظام
رانسى: انتو فاضين بقى
علا: اة اتكلمى حصل ولا لسة
رانسى: هو اية دة إللى حصل
علا: ههههه ياخيبتك مش فاهمة
ملك: هههه بقيتى مدام ولا لسة انسة انا عارفة ان موضوع جوازكم غريب واكيد مش هيحصل بسهولة صح
علا: بس اية إللى يمنع انكو تكونى مع جوزك سوى سوى وبعدين اياد بيحبك وربنا نجدك من عمرو اخوكى بصراحة
ملك: هههههه صح
رانسى بكسوف: بطلو قلة أدب بقى انا عاوزة انام باى
علا: استنى يابت تعالى هنا لازم نديلك دروس
ملك: ياعينى عليك يااخويا
رانسى: والله ماانا معبراكم سلام بقى
علا: هههههه مكسوفة المجنونة
ملك: هنغضل وراها بردو ونديها دروس ونصايح بقى هههههه. .
************
غادر ماجد وصعد اياد يحمل جنا فقد غفت على كتفة ودق باب غرفة ملك:
ملك: اتفضل
اياد: بنتك نامت وماجد روح
ملك: طب نيمها براحة
اياد: طيب فين رانسى
علا: هههه البت بقت تتكسف يااياد عملت فيها اية انطق ههههه
اياد بابتسامة: عملتى فيها اية يامصيبة
علا: انا دة انا بريئة خالص صح ياملوكة
ملك: اة خالص خالص ههههه
علا: الله فين مروان
اياد: لسة فاكرة تسالى على ابنك ياختى نايم هو كمان انزلى خدية بقى انا رايح لمراتى
علا: ايوة ياعم هنيالك ياكبير
اياد: طب قفلى بقى .
***********
ذهب إلى غرفتة ولم يجدها ذهب إلى غرفتها وجد الباب مغلق دق الباب
رانسى: مين
اياد: افتحى يارانسى انا قولت اية الصبح
رانسى: انا عاوزة انام
اياد: هتفتحى ولا اكسر الباب وألم عليكى البيت كلة اخلصى
رانسى: اوف طيب فتحت الباب وظلت واقفة تمنع دخولة
رانسى: افندم
حملها اياد بدون أى مقدمات وهى مصدومة من فعلتة ودخل غرفتة واغلق الباب ووضعها بالفراش:
اياد: دى اوضتنا ومش هتسبيها تانى وكلامى يتسمع ماشى
رانسى: انت ازى تشلنى كدة
اياد: اية مراتى وعادى فيها اية انا مسموحلى اعمل اكتر من كدة كمان
رانسى دثرت نفسها بالفراش وغطت وجهها وجميع جسدها
اياد بابتسامة: انتى فاكرة كدة بتستخبى منى هههههه
بكرة هنسافر هنقعد يومين فى السخنة منها نقضى اسبوع عسل ومنة شغل كمان تجهزى بكرة ماشى
رانسى بصدمة: نعم لا طبعا مش هسافر معاك بلا عسل بلا بصل
اياد: هنشوف ياغزالتى مين كلامة هيمشى نامى وارتاحى عشان السفر الصبح
رانسى: قولت مش مسافرة
اياد قرب لها وهمس فى اذنها: هنسافر نقضى اجمل ايام فى حياتنا الزوجية مع بعض ومافيش نقاش
رانسى بتفكير: طب انا هكسر دة ازى بس بالغيرة ممكن اجننة طيب هسافر ونشوف مين هيغلب مين
رانسى بهدوء: اوكية انا موافقة عاوزة اغير جو
اياد بصدمة: موافقة كدة علطول غريبة
رانسى: واية الغريب فى كدة موافقة على السفر بس مش على حاجة تانية فى دماغك
اياد بابتسامة: واية بقى الحاجة إللى فى دماغى مش فى دماغك زيها مثلا
رانسى: تصبح على خير
اياد: هههه
اياد لنفسة: شكل بتخطط بحاجة دة الهدوء إللى يسبق العاصفة مش متعود على الاستسلام منك لازم تشاكسى وكمان تعندى ربنا يستر بس هنكون براحتنا بعيد عن هنا خالص واروضها على حق هههه
نام جانبها واحتضنها بتملك
حاولت الأبعاد ولكن كان ذراعة الاقوة ويحاصرها بقوة إلى أن استسلمت لسلطان النوم . .
الفصل الثاني عشر
فى الصباح
ودعت العائلة وتوجهت بصحبة اياد الى العين السخنة.
بدأ القيادة وهى بجانبة وبعد طول صمت قطع عليها أفكارها.
اياد بابتسامة: رانسى مالك بتفكرى فى اية
رانسى: عادى مابفكرش بتفرج على المنظر الطبيعى عاجبنى
اياد: ولسة لم توصلى السخنة هتشوفى جمال الطبيعة على حق تعالى ننزل فى الاستراحة دى
رانسى: اوكية .
************
فى الحديقة كانت الأطفال تلعب وتمرح وبجانبهم علا وملك يتابعوهم عن بعد .
ملك: قوليلى يالولو اخبارك اية مع خالد لسة بتحسى بملل
علا بتوتر: عادى ياملك طبع شغل خالد كدة وبصراحة بزهق من الوحدة
ملك: وحدة اية مع خالد بيسبك تيجى هنا فى غيابة
علا: ماهو دة فى لم يسافر لم يكون بيشتغل هنا بيقضى طول اليوم بعيد ويجى على النوم وساعات بيكون نبطشية كمان بكون انا زهقت طول اليوم مع مراون وهو يرجع تعبان من الشغل ينام حتى مابيلعبش مع الولد حياة ممللة بجد
ملك: معلش شغل جوزك كدة واستحملى وبعدين لية تفضلى لوحدك تعالى ابق اقعدى معايا او نخرج مع بعض روحى زورى حد من صحابك اشغلى وقتك يعنى تعالى هنا اية رايك نبق نروح النادى ونكلم شلة الجامعة ونتقابل واهو نشغل وقتنا ونتسلة مع بعض
علا : فكرة كويسة بس اكيد مش هيكون كل يوم
ملك: حتى لو مرة فى الاسبوع اهو تغير المود
علا: اممم ماشى كلميهم وانا معاكى
ملك: تعالى نلعب مع العيال بقى
علا: طب هكلم خالد واجيلكم.
**********
فى غرفة مكتب الجد
محمد: اقعدى ياندى مالك زعلانة لية
ندى: مش عارفة يا بابا انا ظلمت رانسى معايا هى كان عندها حق فى كلامها معايا انا زعلانة من نفسى اوى حاسة بتقصير بس انا حاولت اكون ام واب وحضرتك كنت معايا وعوضها عن غياب والدها اعمل اية غلط ان قعدت معاكم عشان تربيها معايا بدل ماحد يقول تربية امها حاولت تكون وسطكم وانت ساعدتنى فى كدة
محمد: هونى على نفسك يابنتى خلاص رانسى مش بقت البنت الصغيرة هى كبرت خلاص وبقت متجوزة واطمنى هى فى ايد أمينة وانا اتفقت معاها تصبر على اياد وتحاول تشوف انة جوزها مش اخوها الكبير إللى كانت دايما شيفاة سندها هو بيحبها وهيحافظ عليها
ندى: يارب يارب انا مش عاوزة غير سعادتها
محمد: هى بنتك حساسة يا ندى ماكنش مفروض تضربيها كنتى تخديها فى حضنك
ندى: غصب عنى يا بابا ماكنتش عاوزة تبق مدلعة عاوزها تعقل وتصرف نظر عن الطلاق
محمد: حصل خير بلاش تزعلى بقى مش اتصالحتو خلاص
ندى: ايوة بس حاسة بالذنب يابابا
محمد: هى بنتك حساسة دى كانت وهى صغيرة تطلب فلوس منى ولم اقولها قولى لخالك محمود يديكى إللى انتى عايزة كانت ترفض وتقول خلاص مش محتاجة دلوقتى طول عمرها نفسها عزيزة ماتقولش غير ليا انا طب تصدقى لسة طالبة منى امبارح فلوس ههههه بقولها اطلبى من اياد قالت لا ماليش دعوة انا عايزة منك انت هههههه
ندى: ربنا يخليك لينا يا بابا عمها اتصل بيا يطمن عليها وقولتلة انها فى شهر العسل
محمد: هو عرف انها اتجوزت اياد مش عمرو
ندى: اة وكدبت علية وقولت انها فسخت خطوبتها من زمان وموضوع اياد جى فجاة وهى موافقة
محمد: طيب يابنتى هو بردو عمها طب عرفى رانسى المكالمة عشان لو اتصل بيها مش تتلخبط
ندى: ايوة صح هو قالى هيكلمها بعدين يباركلها
محمد: هو هيفضل متغرب كدة مش ناوى ينزل
ندى: شكل الحياة هناك اتعودو عليها وابنة معاة كمان هينزل لية .
***********
فى الاستراحة
اياد: تشربى اية
رانسى: ايس شكولات
اياد: اممم
جاء اتصال إلى رانسى
اياد: مين ردى
رانسى: دى ماما اطمن
اياد: انا بسالك عادى على فكرة
رانسى: ولا مش عادى براحتك
اياد: رانسى بلاش طريقتك دى فى الكلام معايا
رانسى: ايوة يا ماما
لا لسة مش وصلنا
اية طيب
حاضر ياماما فهمت
ماشى مع السلامة.
**********
كان الشر يتطاير من عينها
وتجلس فى غرفة ابنها تبخ سم الأفعى فى اذنة.
عمرو: اوف انا مالى يسافرو يقعدو مش كفايا جدى سحب منى كل حاجة
نجاة: هديك الفلوس إللى انت عايزها بس تصحصح معايا
عمرو: عاوزة اية تانى مش قولتى هيطلقو
نجاة: لا دة كان كلام كدة واضح ان ابن منى قدر يضحك عليهم لازم تتصرف
عمرو: هعمل اية ماخلاص اتاكد انها كويسة وجى ضربنى وبهدلنى ومسافر معاها هعمل اية تانى خلاص انا بقيت كرت محروق اتصرفى انتى يا نوجة وفكك منى
نجاة: يبق مافيش قرش واحد هتاخدة منى بقى
عمرو: ماانا ممكن انزل احكى كل حاجة لجدى وساعتها هيقلب عليكى انتى ويسلمنى كل حاجة اية رايك بقى
نجاة: بقى كدة ياحيوان امشى غور من وشى
عمرو: انا فى اوضتى سبيلى الفلوس ماشى عشان هسهر مع صحابى بس صحيح فى اية بينك وبين عمتى لكل الشر دة
نجاة: مالكش فية والفلوس عندك اهى ياغبى
*************
عودة إلى الاستراحة على الطريق
رانسى: يلى نكمل بقى الطريق
اياد: اتفضلى
قاد السيارة وأكمل طريقهم إلى السخنة.
وبعد ساعة ونصف كان امام المشروع:
اياد: هنزل اشوف العمال الاول وبعدين نروح الشالية
تحدث مع أحد المهندسين وتابع العمل وبعد لحظات استقل السيارة وذهب إلى الشالية.
انزل الشنط من السيارة ودخل الشالية.
اياد: مالك واقفة لية ادخلى
رانسى: ماكنا نروح فندق احسن من هنا
اياد بغمزة: لا عشان نكون على راحتنا بقى عرسان
رانسى بسرعة: انا تعبت من الطريق عاوزة انام سلام
اياد: استنى هنا رايحة فين
وحاوطها من خصرها
رانسى: ممكن تسبنى
اياد: تؤ تؤ
رانسى بتوتر: اة
اياد بقلق: اية مالك حاسة باية
رانسى اسرعت وصعدت إلى غرفة واغلقت عليها بالمفتاح
اياد بابتسامة: ماشى يارينو لسة الايام بيننا ههههه
احست بالانتصار وظلت تبتسم وتردد yas
اياد: افتحى يارانسى خدى شنطة هدومك
رانسى: لا مش لازم ههههه
اياد : اوكية براحتك
ذهب إلى الغرفة التى جوارها وتفاجا بوجود باب بين الغرفتين وابتسم بمكر
اياد لنفسة: ايوة بقى دة احنا هنلعب لعب هههههه هتشوفى أيام عنب يا غزالتى بس الصبر حلو بردو.
جاء اتصال من عمها
استمع الى رنة هاتفها واسترق السمع
رانسى: عمو حبيبى واحشنى اوى
انا كويسة
نور الدين: انتى واحشانى ياحببتى عاملة اية الف مبروك يابنتى
رانسى: الله يبارك فيك ياعمو حضرتك عامل اية وطنط وياسمين ويحيى
نور الدين: كلنا بخير ياحببتى وياسمين خلفت كايلا عبقالك
رانسى بفرحة: بجد مبروك وهى عاملة اية سلملى عليها كتير اوى
نور الدين: اكيد يا حببتى ومامتها معاها ويحيى كمان هناك فى ايطاليا وانا هخلص شغلى هنا واروحلهم مش عايزة حاجة يابنتى ولا محتاجة حاجة انتى بنتى مش غريبة يعنى أى حاجة تطلبيها امر يابنت العالى
رانسى: ربنا يخليك ياعمو بس بوسلى ياسمين وكايلا اوى وياريت تنزلو اجازة نفسى اشوفكم
نور الدين: ان شاء الله يابنتى خلى بالك من نفسك فى رعاية الله ياحببتى
********
جاء اتصال
علا بقلق: الو انت بتتصل لية دلوقتى
الشاب: واحشتينى قولت اكلمك اية مش جوزك مسافر
علا: بس انا عند اهلى وقولت ماتتصلش انا هتصل
الشاب: بس واحشتينى وكفايا شغل المراهقة دة عاوز اقابلك
علا بتوتر: ماينفعش انت مجنون
الشاب: لية بس كدة ياقمر نفسى اشوفك بجد
علا: لا واقفل دلوقت
اغلقت الهاتف وجدت ملك تنظر لها بشك
ملك: بتكلمى مين يا علا