ورثة الدم / موت
الشابتر الثاني
كعد علي وباوع الهة مستغرب كال " شكو ؟ شبيج "
سوت روحة مقهورة وكالت " لك امي مريضة حيل واريد اروحن الهة لا تموت وخاف ما اشوفهة "
استغرب بس قبل وخلاها تروح ، لمن شاف امير زوجة عمة طلعت من البيت تسودن وركض ل عمة عرف انهم سمموه
دخل وكعد يمة وهو يبجي ويصيح " سمموك سمموك عمي راح اتموت وتعوفنة لك مرتك اتفقت وي ابوي وسمموك "
سمع علي هذا الحجي وصفن شوية انوب كله " شوف امير اني ميت ميت واريدك تحفض الي شفتة وتخلي بعقلك وانته ردلي حقي انت الوحيد الي يدري واكيد راح يعادوك وراح يجذبوك بس انت اصبر وخلي عندك ايمان ان ربنا ما يضيع لا حقي ولا حقك "
كال وضل امير يبجي شوي وبدا يلوة من الوجع وفعلا ما ضلة شكم دقيقة ومات طلع امي يصيح ويبجي " عمي مات عمي مات "
اجة راجي يركض مسوي نفسة حزين علئ اخو ركض وهو يصرخ " اخوية حبيبي لا تموت " وهو يركض للبيت
مرتة شردت وما شافوهة بعد وب الفاتحة لكو الورقة الي جان ضامهة راجي فتحوهة وكال راجي " هذي وصية المرحوم "
وهو مسوي نفسة متأثر ويبجي ، لكو ب الوصية ان كل الاراضي باسم راجي استغربو وضاجو وصارت مشاكل
ومشكلة ورة مشكلة وامير بس يباوع ويردد " مات مسموم عمي مات مسموم "
بس منو يصدكة كلهة ما صدكتة وانغسل عقلهم من كلام راجي ، بعد ايام زادت المشاكل وراجي يومية طالعلة بسالفة لحد ما كتل راجي ولد من كل اخ عندة والاخوة تسودنو وطلعو من القرية بس كتبو علئ حايط القرية " مطلوبين دم "
مرت السنين وصار عند امير اخوان وكبرو اخوانة وتزوجو ، وامير تزوج ب هدئ بنت ماكو الطف منها ب القرية
بعد ما صار عند امير واخوانة اطفال وكبرو انولدت اني رون الاخ الرابع بعد حيدر اخوي الجبير وعلي اخوي الثاني واختي فاطمة الثالثة والاخت الجبيرة، كلشي جان زين وماكو اي مشاكل
وكان حياتنة حلوة وكان جدي راجي مختفي منهة بس كلشي تغير وبدت المشاكل لمن امي حملت باختي الصغيرة زهراء
جانت ب اشهرهة الاخيرة ، ابوي اشترئ من اخوه احمد ثلاث اراضي ' احمد هو الاخ الثاني ل امير يكره امير بشكل مبالغ فيه وهذا الانه يعتقد ان امير مغرور وميستاهل ، بعد ما باع الارض ادرك انو هوة خطا وراح الجدي راجي كلهة علئ كلشي
جدي بدل ما يوقف وي ابوي وقف وي احمد واجة هو واحمد وفيصل ( ابن راجي السادس)
اجو هادين علئ بيتنة جدي يضرب الباب واخواني حيدر وعلي مو هنا وي اصدقائهم بمزرعة عمي سلطان ( الابن الرابع الراجي )
وميدرون شنو السالفة ، جنت كاعد اللعب وي اختي رقية مستمتعين لمن سمعنة صوت الباب ينظرب وصراخ ، كمزت خايف وامي سمعت اجت تركض واشرت الاختي فاطمة
فاطمة لزمتني من ايدي وشالت رقية تركض دخلت للغرفة
شفتها تسكت برقية الي ضلت تبجي واني رحت يم الباب " رون لتطلع رون " كالت وهي تباوع علي اني هزيت راسي ب اي وضليت بس اباوع
شفت امي راحت للباب وسدتة وجدي واعمامي يدفعون واني اسمع صوت عمي رحيم ( الابن الخامس الراجي)
وهو يحاول يوخرهم وعمي سلطان يوخر بعمي فيصل
وامي تصرخ " تهدون علينة لان اشترة ارض منكم ليش مو ابنك هوة ليش تكرهه ليش تهد علئ بيتة انتم عائلة اسون هيج "
وهي تدفع الباب ، ابوي جان باخر غرفة ب البيت متعود يصلي بيها وهذي الغرفة بابهة ثگيل ميخلي اي صوت يمر اوبي يحب يصلي بيهة لان محد يزعجة
صاح جدي علئ امي وهو يدفع الباب " لج انتي مرة اطلعين لعد وين زلمة البيت وين رجلج وين خاتل يخلي مرتة تطلع"
صاح واندفع الباب " يدة الباب جانت مكسورة وامي انعصرت ورة الباب وطبت اليدة بطنهة من قوة الدفعة
طب عمي فيصل وصاح علئ امي " لج ما تستحين اتسدين علينة الباب "
لزمهة وضربهة وجدي طب يدور علئ ابوي " لك وينك وين لابد الزمك اليوم الزمك واخذ الارض منك "
اني صرخت اريد اطلع بس اختي لزمتني متخليني جانت تبجي وتكول " لا تطلع متتحمل تعال طب ابوي يحلهة "
حيدر : كاعدين ب مزرعة عمي سلطان واجة كرار يركض ويصيح " لك هدو علئ بيتكم جدي واعمامي لك الحك امك انظربت وابوك ماكو "
صاخ والغضب مالي عيونة ركضت واني مصدوم واحس اني اريد اكلهم صاح علي من وراية " وحق لا اله الا الله اذا ما اشرب من دمهم شلون يسون هيج "
كال وبدينة نركض للبيت ، شفت امي واكعة وعمي فيصل يضربهة وجدي يصيح
طبيت اركض وعلي يوخر بعمي فيصل وعمي سلطان واكف متجمد بمكانة
صرخت علئ جدي " لك ليش تهدون علينة شفتو محد بلبيت وهديتو انتو هم زلم "
كلت واجاني راشدي من عمي احمد وصاح بية " من تحجي احجي عدل لصير غبي"
كال واني وجهي اشتعل نار من القهر اجيت احجي وسمعت صوت ابوي
" هاي شكو "
يتبع ....