الفصل الثالث / موت
الشابتر الثالث
ركض عمي. جاب سيارة واجانة اخذ رون من فاطمة وصعد ب السيارة
واني كعدت يم رون اريدة يعد واضربه علئ كيف علئ وجهه وهو ماكو ميكعد
وصلنا للمستشفئ واخذو للطوارئ واني حاير اروح لامي لو لاخوي وكلبي يتكطع علئ الاثنين
شفت علي وفاطمة اجو اثنينهم وفاطمة تبجي وعلي الغضب تارس روحة بس ضل هادئ
''''''''''''
رون: فتحت عيوني لكيت روحي علئ فراش ب المستشغئ باوعت يمنئ ويسرئ وكمت وخرت مال تنفس من انفي وكعدت
شفت عمي سلطان طب وكال " راحت روحي شصار ليش وكعت"وهو خايف علي
باوعتلة انوب باوعت الفاطمة الي طبت وحضنتني وكالت " خوفتني ردت اموت وراك "
باوعت الهه وكلت " امي شلونها امي وين " كلت خايف علئ امي
عمي سلطان وعلي ضلو ساكتين وحيدر باوع بعيد وفاطمة كالت "لتخاف هية زينه هسة ترجع "
كالت مبتسمة ما اتطمنت بس سكتت
""""""""
رون: رجعنة للبيت وجانت رقية نايمة متدري بلي صار وامي وابوي رجعو بعد ساعة
طبت امي لغرفتها وهي تبجي من الوجع اضلوعها تكسرن واختي تداري بيها وتجيب منا وتودي منا
ابوي ضل ساكت يروح للشغل ويرجع يكعد يم امي خايف عليهة وامي بس تبجي
جانت امي حامل ب اختي الصغيرة وبشهرهة 8 بنهايتة بعدلهة شوي وتجيبها
وامي جانت مقتنعة انها راح تموت وابوي بس ساكت واخوي حيدر يحلف انه اذا صار بامي شي راح يحركهم
وصدك بعد ما امي ولدت اختي زهراء ضلت حاضنة وهي تبجي وتكول " يمة حبيبتي يمة گليبي يمة ماراح اشوفج تكبرين "
وما ضلت بس ساعة وامي ماتت وهي حاضنة زهراء وابوي بس يبجي واختي تحاول تبين قوية علمودنة
وحيدر تسودن صار اعصاب وطلع يركض الجدي و عمي احمد صرخ عليهم وكال " كتلتوها والله الا اخذ حقهة من عيونكم لك هاي العزيزة هيج تسوي بيها "
وهوة يريد يهد عليهم ودموعة تجري و علي نفس الشيء
لو لا كرار و مرتضئ جان صارت مشكلة
وجدي يضحك كانه كاتله عصفور مو انسانة
ومن يومهة وابوي كام يجمع اولاد عمامي يحجيلهم علئ السالفة الي صارت بين راجي واخو
وانه يريد ياخذ حقة بس بعد ميكدر
وانهم همة واولادة الي راح ياخذون حق علي اخو راجي المكتول وزوجة امير
بعد سنة
حيدر: جنة كاعدين ب الحوش فاطمة تخبز وتحجي وي ابوي وتضحك وابوي شايل زهراء ويضحك وي فاطمة وعلي كاعد يم رقية يضحك وياهة ورون كاعد يم رقية همين
جنت كاعد احجي وي فاطمة وابوي لمن سمعت صوت كرار يصرخ برة
" لك حيدر علي" وهو يدك الباب فتحتله واني اهز بيدي " شبيك بابة فلشت الباب "
" هسة دعوف الباب " كال وهو يكح حتئ اسويلة مجال فاطمة جانت لابسة حجاب فعادي وهو طب راح يم ابوي سلم عليه
" شلونك عمي شلونها زهرة شلونكم " كال وهو يبوس راسة باوعلة ابوي مبتسم كله " الحمدلله عل الله وهاي زهرتي بخير شلونكم انتم"
"الحمدلله زينين"
كال وهو يبتسم وباوع علئ فاطمة وكاللهة " شلونج خيتي " جاوبت وهي تعدل حجابهة " الحمدلله علئ الله "
باوع العلي سلم وجتة رقية تركض شالهة يبوس بخدهة ويكرص بخودهة جنة ابوهة مو ابن عمهة
باوعتلة واني اريد اوخر رقية منه " شعندك جاي وعوف رقوش"
جرهة مني وهو يضحك وكال " دعوفهة هاي فلذة كبدي و اني جاي لان عمي رحيم مكسورة رجلة و بس احسين بطريس برة القرية ب المصف اروح نساعد حسين وي الولد "
" شوكت انكسرت رجلة محد كال " كلت مستغرب
نزل رقية وكال " والله ما ادري هسة امشي اراي وايليا ومهدي منتظرين هناك "
رون: اباوعلهم وهم يروحون كام علي راح وياهم وابوي يوصيهم خاف يسون شي غلط
باوعت الحيدر وكتلة " خليني ارح وياك "
باوع علي مرتبك شوي ميعرف شيكول بس رد " لا رون ابقة هنا بلة صار شي الابوي منو ياخذة فاطمة ؟"
لحيت عليه بس مقبل ادري بي جذاب لان كلبي بس سكتت ميفيد الحجي
راحو لليل يلة اجو جنت كاعد يم الباب منتظر لحد ما اجو وطبو تعبانين وهلكانين
طبيت وراهم بس ما تهنينة سمعت صوت جدي يصرخ وعمي احمد وراه يمشي طب البيتنة بعد ما دفر الباب
واني انصدمت من لمن دفرة علي عصب و حيدر يحاول يلزم روحة وابوي طلع وكف يم الباب وجهة بارد
" لك تاخذ ارض من اخوك سلطان تريد تخدعة شفتة غشيم "كال وهو يصرخ وابوي يرد ببرود
" اني ما اخذتهة ببلاش اخذتهة بفلوس واذا ما عاجبك طك روحك ب الحايط " كالهة وجدي تسودن طب يريد يضرب ابوي
وهو يغلط وابوي ولا يمة طب جوة لغرفتة وكال " عود سلملي علئ مرة عمي علي "
كالهة وجدي دفع حيدر حيل وكع علئ التنور وعلي تسودن لزم جدي يطلع بي وابوي طب حتئ ما باوع ليورة
وجدي يصرخ " لك انت ما تستحييي اجيك اطيح حضك يا مسودن "
ابوي قصد بزوجة علي هي زوجة اخو راجي الي سممت زوجهة بمساعدة جدي راجي وجانو متفقين
يتبع .....