الفصل الثاني / الدم من صنع راجي
ورثة الدم
الشابتر الثاني
مرت السنين وصار عند امير اخوان وكبرو اخوانة وتزوجو ، وامير تزوج ب هدئ بنت ماكو الطف منها ب القرية
بعد ما صار عند امير واخوانة اطفال وكبرو انولدت اني رون
الاخ الرابع بعد حيدر اخوي الجبير وعلي اخوي الثاني واختي
فاطمة الثالثة والاخت الجبيرة، كلشي جان زين وماكو اي مشاكل
وكان حياتنة حلوة وكان جدي راجي مختفي منهة بس كلشي تغير وبدت المشاكل لمن امي حملت باختي الصغيرة زهراء
جانت ب اشهرهة الاخيرة ، ابوي اشترئ من اخوه احمد ثلاث اراضي ' احمد هو الاخ الثاني ل امير يكره امير بشكل مبالغ
فيه وهذا الانه يعتقد ان امير مغرور وميستاهل ، بعد ما باع الارض ادرك انو هوة خطا وراح الجدي راجي كلهة علئ كلشي
جدي بدل ما يوقف وي ابوي وقف وي احمد واجة هو واحمد وفيصل ( ابن راجي السادس)
اجو هادين علئ بيتنة جدي يضرب الباب واخواني حيدر وعلي مو هنا وي اصدقائهم بمزرعة عمي سلطان ( الابن الرابع الراجي )
وميدرون شنو السالفة ، جنت كاعد اللعب وي اختي رقية
مستمتعين لمن سمعنة صوت الباب ينظرب وصراخ ، كمزت خايف وامي سمعت اجت تركض واشرت الاختي فاطمة
فاطمة لزمتني من ايدي وشالت رقية تركض دخلت للغرفة
شفتها تسكت برقية الي ضلت تبجي واني رحت يم الباب " رون لتطلع رون " كالت وهي تباوع علي اني هزيت راسي ب اي وضليت بس اباوع
شفت امي راحت للباب وسدتة وجدي واعمامي يدفعون واني اسمع صوت عمي رحيم ( الابن الخامس الراجي)
وهو يحاول يوخرهم وعمي سلطان يوخر بعمي فيصل
وامي تصرخ " تهدون علينة لان اشترة ارض منكم ليش مو ابنك هوة ليش تكرهه ليش تهد علئ بيتة انتم عائلة اسون هيج "
وهي تدفع الباب ، ابوي جان باخر غرفة ب البيت متعود
يصلي بيها وهذي الغرفة بابهة ثگيل ميخلي اي صوت يمر اوبي يحب يصلي بيهة لان محد يزعجة
صاح جدي علئ امي وهو يدفع الباب " لج انتي مرة اطلعين لعد وين زلمة البيت وين رجلج وين خاتل يخلي مرتة تطلع"
صاح واندفع الباب " يدة الباب جانت مكسورة وامي انعصرت ورة الباب وطبت اليدة بطنهة من قوة الدفعة
طب عمي فيصل وصاح علئ امي " لج ما تستحين اتسدين علينة الباب "
لزمهة وضربهة وجدي طب يدور علئ ابوي " لك وينك وين لابد الزمك اليوم الزمك واخذ الارض منك "
اني صرخت اريد اطلع بس اختي لزمتني متخليني جانت تبجي وتكول " لا تطلع متتحمل تعال طب ابوي يحلهة "
حيدر : كاعدين ب مزرعة عمي سلطان واجة كرار يركض ويصيح " لك هدو علئ بيتكم جدي واعمامي لك الحك امك انظربت وابوك ماكو "
صرخ والغضب مالي عيونة ركضت واني مصدوم واحس اني اريد اكلهم صاح علي من وراية " وحق لا اله الا الله اذا ما اشرب من دمهم شلون يسون هيج "
كال وبدينة نركض للبيت ، شفت امي واكعة وعمي فيصل يضربهة وجدي يصيح
طبيت اركض وعلي يوخر بعمي فيصل وعمي سلطان واكف متجمد بمكانة
صرخت علئ جدي " لك ليش تهدون علينة شفتو محد بلبيت وهديتو انتو هم زلم "
كلت واجاني راشدي من عمي احمد وصاح بية " من تحجي احجي عدل لصير غبي"
كال واني وجهي اشتعل نار من القهر اجيت احجي وسمعت صوت ابوي
" هاي شكو " نزل من الدرج يركض يباوع عليهم مصدوم عرفت انه جان ب الغرفة الاخيرة صرخت وكلت" هدو علينة يابة وضربو امي شدخلهة هية المسكينة "
اجة ابوي وخر عمي فيصل وضربة ب الكاع وكف جدي يحامي العمي " لتلمسة اذبحك وحق الله اذبحك "
صاح عمي احمد برود وكان ولا شي صار " رجعلي ارضي اريد ارضي المرينة اريدهن هسة ودرهم واحد ما ارجعلك انة شنو تضحك علية وتطيهة المرتك ....تاخذ مني تلث اراضي واني اسكت "
ابوي اشتعل وجهة من الغضب وصاح " هوة اني بايكهن دفعت اللك حگ كل ارض وحق ضلع الزهراء ارض وحدة ما
انطي من ارضي علي ضربتكم الزوجتي اله ابجيكم دم واذا مو اني ولدي ولدكم "
صاح جدي علئ ابوي وكال" اكل تبن الارض ترجع الاخوك ما ناقصة ولا ترباية واشوف شلون ما اسوي "
كال وهوة يطلع وعمامي يطلعون ورا " اصبرلي امير اذا ما اخذ اراضيك وولدك فلا اصير راجي "
راح جدي وابوي يباوع الهم وعينة تجدح اجاه عمي يرجف
وهو يجر ايدة " مرتك دم دم من بطنهة ما كدرت اوخرهة خفت خفت خاف صار الهه شي روح شوف عليك الله"
عمي سلطان يخاف من الدم اول ما يشوفة يتجمد بمكانة من الخوف
راح ابوي يركض يشوف امي وهو يصيح " سيارة جيبو سيارة اوديهة للمستشفة"
جاب عمي رحيم سيارة وابوي اخذ امي وراحو واني وعلي
وكرار وعمي سلطان بقينة ، عمي باوعلنة وشاف الخوف
بعيونة وكال " لا تخافون انشالله كلشي ماكو واختك وامك كلشي ما بيهن"
كال منا وختي صرخت منئ ركضنة للغرفة وشفنة رون واكع وتحاول تكعد بي باوعتلي وهي تبجي" وكع وكع ميكدر يتنفس جيبو سيارة