196/197/198/199/200
*روايات يمنيه عربيه مميزه 🇾🇪*
*بإدارة : شـٰٓمـُـس⁞♩⁽📚🖊️₎⇣℡*
*رقم الروايه 14*
*الفصل (196/197/198/199/200) ☆*
* جرح القريب غريب😔💔*
*تفاعلوالنستمر😍* *قراءة ممتعة 🥹💗⃟🎀*
حسام بصدمة: كييف؟
زيد: ه.. هالن لي كدا..
عارف سحبه بالجرم: متى قالن لك كدا وليش ما قلت لنا من أول يا حمار..
زيد بدأ يبكي: م... مش داري ه.. هي قالت لي ما اقولش لأحد و.. وهي بتشتري لي طقم، و.. وقالت اعطي حسام دي الورقة..
حسام: أيش من ورقة؟
وداد بخوف: واي عليك يا بنتي واي..
وطلعها من غلاف الايباد وحسام سحبها وقرأها بسرعة وعيونه تنهش بين السطور وبكل حرف عيونه تتوسع أكثر حد الخروج وهم يشوفوا له بخوف..
وداد: أيش في يا حسام أيشش..
حسام وقف وطوالي خرج جري ووقع الورقة، غزل وقفت وجرت للباب وتشوف لحسام يجري بقوة:
_ حسام راعي ايش في حساااااام..
بس حسام اختفى وهي رجعت تشوف أمها وعارف يقرأوا الورقة ووداد صاحت:
_ ويلي عليك يا بنتيييييييييييييييي، رُباااااااااااااااا..
وعارف رمى نفسه للأرض ونزلت دموعه وفرك رأسه بقوة وزيد طلع صوت بكائه..
_ أيش في يا اباه أيش فييي..
وراحت جري وسحبت الورقة وقرأت الخط يلي بالكاد مفهوم وواضح وطالع خارج من السطور وكان الكلام في الرسالة موجه لحسام يلي يجري ويجري ويقطع الخط ودموعه تنزل وهو متذكر يلي قرأه ومتخيل رُبا وهي تكتبه ويسمع صوتها..
" حسام يا أخي، اني أحبك كثير، بس أمس سمعتك تقول لغزل إنك تكرهني وما تشتيش تشوفني اني وزيد..
وحسام يقطع الشوارع المزدحمة بالسيارات وهم يزمروا ويسبوا له وبعضهم كان بيصدمه بس هو مش مهتم، الرسالة صّمت له اذونه وعمت عيونه..
.... سمعتك، تقول له إنك تكرهنا ومتمني نموت، عشان كدا اني بخلصك مني وما برجعش للبيت، وبهرب منه وبخلي الكلب يأكلني عادي دامك تكرهني، بس اني أحبك وسامحتك لمن تصايح عليا وحرقت لي يدي، سامحتك لاني أحبك وأنته تكرهني، مع السلامة..
ومسك رأسه لمن تذكر دا الكلام وصاح بكل قوة: رُبااااااااااااااااااااااااااا..
@rewayatyamania المصدر الأول للروايات
رُبا كانت ماسكة بشنطتها وتمشي بجانب الخط ورأسها يشوف للقاع، ومرت بجانب مطعم وشافتهم يأكلوا، وبلعت ريقها بتلذذ ورجعت تروح..
_ يا ترى حسام يدور عليا وخايف لو يحصل لي شي او لا؟، أصلّا يكرهني ليش يخاف عليا، يشتيني أموت، عادي بموت، خلي كلب مزعور يجي يأكلني..
وجلست تحت شجرة، ومسكت بطنها، واااي اني جاوعة وفيبي ظما، اني فقدانة لك يا اماه انتي وأبي وغزل وزيد، إلا حسام مش فاقدة له، ليش تكدبي يا رُبا وانتي تفقديه أكتر واحد، اووووف يا ربي..
.
.
ووصل عبد القادر وأسرته لبيت منصور يلي استقبلهم بحفاوة وترحيب..
سوسن: هيييي شوفوا على فله يا رزان..
رزان: واااي والله زي يلي يظهروا بالتلفزيون..
بشار: شوفين الدرج يا بنات..
وأسماء باين بعالم تاني، هي تحب سامر وما تحب صقر، وما عمرها فكرت أنه يحبها أو يكن لها أي مشاعر، ودخلوا وهم يتفرجوا على جمال البيت، ونجوى جت ترحب فيبهم:
_ يا حيا ومرحبا بزوجة أخي وعياله، يا حيا ومرحبا..
وسلمين على بعض: حيا بك يا نجوى نورتي عدن وشرفتي نحنا..
نجوى: النور نوركم يا قلبي، واه فديتهم عيال أخي، دونه هم صح؟
سوسن: أيوة، دي أسماء الكبيرة، ودي رزان ودا أكرم ، وأيهم ما قدرش يجي..
وهي سلمت عليهم وباستهم: فديتهم عيال أخي، حيا ومرحبا حيا..
أسماء: دي عمتي نجوى أو وحدة اجنبية..
رزان تشوف لها، امرأة جميلة بيضاء شعرها مسوى بقشة كبيرة وضاربة آخر شياكة وجلبية بنية بأكتاف مكشوفة بس عليهم شبك لين المعصم، ومطرزة من عند الصدر لين تحت، ومنقشة بنقش حناء ابرز جمال يديها البيضاوين..
_ حيا بكم ادخلوا الديوان عند أمي والبقية حيا..
ودخلين الديوان كلهن مع منصور وعبد القادر، وسلموا على جدتهم..
أسماء جلست جنبها: واي على اسومتي فديته..
نجوى: كبرن وصارن عروسة، كل عيالك حلوين وجميلين ما شاء الله..
سوسن: تسلمي الله يحفظك، فين هي مُنى ولمار وشيمَاء؟
كريمة: عادهم فوق الآن بيجين..
منصور: شرفتي يا سوسن انتي وعيالك، حيا بكم..
سوسن: تسلم الله يحفظك، ونورتوا عدن وشرفتُوّنه..
منصور ويده على صدره: بنوركم بنوركم..
عبد القادر وقف: أنا بطلع اشوف البنات..
وراح بينما شيمَاء تصايح لمار، يا بنت عيب عليك انزلي شوفي خالتك واخوتك هيا..
لمار: هو انتي مابتفهميش والا ايه، أنا مش عايزة اشوفهم افهمي..
مُنى: بس أنا عايزة اتعرف على خالتو ورزان وأسماء، ماعرفهومش غير في التلفون..
لمار: روحي هو حد ماسكك يعني..
شيماء: يا لمار عيب عليك تجلسي هنا وهم تحت ما يصلحش كدا..
لمار ويد فوق الثاني: لا ومليون لا، روحوا لحالكو..
شيمَاء تنهدت: براحتك، هيا تعالي نروح يا مُنى..
مُنى بفرح: يلا بينا..
وخرجين ولمار تقلب عيونها بضيق وزمت شفايفها وعلى وشك البكاء، وهن نزلين الدرج ولاقين عبدالقادر طالع..
.
البـارت 197 ◇
جُــرح القـريب غـريب 💔
_ اهلين خالي، جت معك خالتي سوسن والبنات؟
عبد القادر فرك رأسها: أيوة يا روح خالك كلهم تحت، فينه لمار؟
مُنى: هي قالت مش عايزة تتعرف على خالتو واخواتي..
عبد القادر: أيشش، جنت دي أو ما له..
شيمَاء: حاول تقنعه يا خال واني بروح مع مُنى نتعرف عليهم..
عبد القادر باس خد مُنى: هيا روحي يا قلب ابوك وتعرفي على خالتك واخوتك، قد مراعيين لك ونفسهم يشوفوك..
مُنى هزت رأسها بفرح ونزلت مع شيمَاء، بينما هو مسح وجهه وراح لعند لمار يلي مسحت دموعها لمن سمعت الباب يندق، ودخل عبد القادر وجلس جنبها وهي قفت منه:
_ ليش ما تشتيش تتعرفي على خالتك واخوتك يا لمار؟
لمار شافت له بغضب: أنا ماعنديش اخوات غير مُنى يا بابا، وأنا قلت لك دا الكلام مليون مرة..
عبد القادر: اااااه، بس دا مش صح وانتي عارفة، سوسن دي خالتك زوجة ابوك، وأسماء ورزان وأيهم وأكرم اخوتك كلهم، عجبك عجبك ما عجبك طز..
لمار وقفت: أنته جبتنا هنا ليه، أنته تعرف كويس إننا لا يمكن أحبهم واتقبلهم..
عبد القادر وقف مقابلها: بتتقبليهم لمن تتعرفي عليهم، هم طيبين وبيحبوك، وخاصة خالتك سوسن..
لمار: أنا عارفة أنته عايز ايه، عايزني أحبها زي ماما، بس دا الشي مش هيحصل خالص..
وأخذت مقرمة قصيرة ونزلت وهي لابسة فنيلة لين الركبة وبنطلون جينز ازرق، وشعرها الأشقر بارز من الخلف، وعبدالقادر تأفف ومسح وجهه ولحقها، مُنى سلمت على الكل هي وشيمَاء وجلست عند سوسن يلي باستها
_ واي على القمر دا، فديتك يا روحي..
مُنى: خالتو سوسن أنا بحبك اوي..
سوسن باستها وحضنتها: واي يا روح خالتك واني اموووووت عليك يا قلبي انتي..
كريمة: قد الفن عليك واصل تكلمك بالميمو داك..
نجوى: اسمه ايمو يا اماه ايمو..
والكل ضحك، وشيمَاء جلست عند رزان وأسماء، ما شاء الله حلوات على الواقع أكثر يا أسماء، قد كنت واصل نفسي التقي بكن والله..
أسماء: فديتك يا بنت عمتي، والله ونحنا كمان نفسنا من زمان ترجعوا لعدن ونتعرف عليكم أكتر (أسماء اشرت لمُنى) تعالي يا مُنى تعالي..
كريمة: روحي روحي عند اختك..
مُنى راحت جري وأسماء ضمتها وطلعتها لفوق رجلها، محسنك يا مُنى، فرحانة إنك شفتينا؟
مُنى: أيوة، دنا بحبكو اوي..
رزان باستها: ونحنا نحبك كمان، وداك أكرم يلي واصل تتصايحوا انتي وهو..
مُنى شافت له: شكله بالايمو أحلى..
والكل صاح ضحك، والله إن انا احسن منك يا بطة..
مُنى: متسكت بقا يارأس الديك (هو شعره منحل وكثيف قليل من فوق وباين زي عرف الديك وتسميه مُنى كدا)..
وهم ضحكوا ولمار دخلت والكل شاف لها، أسماء ورزان وأكرم وسوسن ما يعرفوها لأن واصل ترفض تكلمهم أو تراسلهم..
نجوى: حياك يا لمار تعالي..
سوسن: دي لمار؟
كريمة: أيوة هي يا بنتي..
رزان: شوفي على قامة عليه يا أسماء..
أسماء: تشوف لها كم هي حلوة وانيقة، وعبد القادر دخل بعدها، هيا ادخلي سلمي على خالتك وخواتك..
وهي دخلت من غير نفس وأسماء وقفت ورزان شافتها توقف ووقفت معاها، وهي صافحتهن باليد بس..
_ كيفك يا لمار؟
لمار شافت لها وطنشت، وصافحت رزان بطرف الأصابع وراحت، وكمان أكرم والكل يشوف لتصرفها غير اللائق، ووقفت عند سوسن يلي وقفت وتشتي تضمها:
_ كيفك يا روحي لما..
لمار رجعت للوراء ومدت لها يدها بس، وكريمة يدها على فمها وعبد القادر يده على خصره والثاني غطى على عيونه..
_ ازيك يا سوسن، أو عايزاني اناديك خالتو..
سوسن خجلت: ع...عادي أي شي منك مقبول..
وصافحتها ولمار بسرعة سحبت يدها: مادامه كدا، أنا حابة اناديك سوسن كدا حاف..
وجلست جنب نجوى وسوسن خجلت، ومنصور تنهد: طيب انا بروح الديوان أنا وعبد القادر وانتوا كملوا هدرة براحتكم، تعال يا أكرم عمك..
أكرم راح لعنده ومنصور حط يده فوق رقبته: قده رجال ما شاء الله، أيهم فينه ما جاش؟
عبد القادر: قال تعبان قليل، بيجي يوم تاني..
منصور: رحنا المجلس نراعي له..
وراحوا وبشار وأكرم يتهادروا، ولمار تشوف لأسماء ورزان، وترجع تشوف لسوسن بحقد وكراهية..
رزان: ما له كدا بتأكلنا بعيونه..
أسماء: ما عليك منه، أبي قال قد طبعه كدا..
شيمَاء: هي حبوبة كتير، بس كدا عاده مش متقبلة أن معه خالة واخوه..
أسماء هزت رأسها وهي تشوف لها، وجلسوا يتكلموا بينما هي تلتزم الصمت..
صقر يتأفف وكل ساع يشوف لجواله ولا في أي رسالة، وصفوان منسدح جنبه ويداته تحت خده..
_ صقر..
_ عيووونه صقر..
_ أنته تحبنا!..
_ مله أحبك وبس، أنا اعشق الارض يلي تمشي عليه..
صفوان يتوجع: و..وإدا مت بتزعل عليا؟
صقر رقد على جنبه اليمين وشاف لعيون صفوان: من قال إنك بتموت أصلًا، أنته بتعيش وتكبر، وعاد انا اشتيك ترقص على زواجي وتلبس بدلة طقم من جيزي..
.
البـارت 198 ◇
جُــرح القـريب غـريب 💔
صفوان ضحك: ليش تشتي تتزوج؟
_ أيوة، وتشتي تعرف من هي؟
صفوان هز رأسه بفرح: بس سر هاه، لا تقولش لأحد، اسمع إدًا أنا اشتي اتزوج أسماء بنت خالتي (صفوان فتح فمه بفرح) وصقر هز رأسه كيف تشوفه؟
_ حسيييينة، وكمان تحبني وأنا أحبه، وواصل تلعب معي..
_ يا أخي أنا أحبك وأحب يلي يحبوك، وإدا وافقت علي بنروح أنا وأنته الملاهي نحتفل..
_ ونبز أسماء معانا صح؟
_ ولا يهمك نبزه معانا..
جواله وصلت له رسالة وهو بسرعة وقف وسحبه يشوفها وشاف رسالتين من أيهم وشاف لصفوان..
_ دا أيهم يا صفوان أيهم..
صفوان دس رأسه من عند يد صقر يقرأ الرسالة، وصقر فتحهم بفرح وبسرعة كشر ووقع قلبه، صفوان شاف له:
_ أيش قال لك ما اشوفش..
صقر عقد حواجبه ونزلوا دموعه للقاع..
" العفو منك يا صاحبي، بس الحياة قسمة ونصيب، وأسماء مش نصيبك، سامحني يا صاحبي، لو بيدي بجيبه لك الآن غصبًا عن الكل وبعقد لك عليه، بس هي رافضة وقالت ما تشتيك"
صقر دموعه تنزل أكثر
صقر أيش قال لك ليش تبكي؟
صقر بسرعة اتصل لأيهم يلي طبع بين عيونه، اووووف يا ربي، الله يقلع ابليسك يا أسماء احرجتينا الله بس أيش اقول لك، اووف يا ربي ( وفتح) ، ه..هاه صقر..
_ أيش دا يا أيهم، يعني انا أيش فيبي عشان ترفضنا!
أيهم جلس ومسح وجهه: والله أنته ما فيبك شي واتحدى واحد يقول كلمة، ب..بس أسماء رافضة ما أعرفش ما له، كلمته وقالت أنه م..ما...
_ما تشتينا صح، عادي قوله ليش مستحي..
أيهم بلع ريقه وفرك شعره: أسماء مش مكتوبك يا صقر، ما عليك منه والله هي الخسرانة مش أنته، لا تزعلش يا صاحبي امانة عليك..
صقر نزلوا دموعه أكتر بس وجهه صارم وعصي على البكاء: عادي، عادي، على العموم أنا عارف ليش رافضة لي شكرًا لك..
وغلق، الو صقر، صقر، اوووووف، الله يقلع ابليسك يا أسماء احرجتينا معه، بس أيش قصده لمن قال عارف ليش رفضته؟، معقولة في شي؟
وقلب عيونه وجلس يتأفف ومتضايق، صقر كان يطلع الملابس ويرميهم ويدور شميز، صقر ما لك ليش كدا تقلب الملابس؟
بس صقر ولا رد له كلمة، وسحب شميزه البني وخرج وصفوان يلحقه:
_ صقر راعي ما لك؟
وخرج وسامية خرجت، صقر فين رايح؟
_ قليل وبرجع يا اماه..
صفوان: صقر وعدتني نروح الملاهي والبحر..
_ مش وقتك الآن يا صفوان مش وقتك..
_ بس أنته وعدتنا اركب الخيل..
صقر صاح وهو يلفت له: أقول لك مش وقته يا صفواااان..
صفوان فز وسامية كمان، وصقر وعى على صياحه، ومسح وجهه وصفوان صاح بكاء من صياحه ولأنه كان يتوجع كمان من قلبه، وهو راح لعنده..
_ ص..صفوان يا قلب أخوك اسمعنا..
صفوان حشر نفسه باحضان أمه بتجاهل، وصقر يسحب يده وهو يسحبها ويبكي، صقر يا ابني ما لكم أيش في؟
_ صفوان اسمعنا، ا..انا آسف سامحنا..
بس صفوان رافض وهو وقف وخرج مقهور، وسامية تربت على ظهر صفوان: ما لك يا ابني ليش تبكي؟
بس صفوان يبكي وينشج بقوة، ما عمره صايحه أو رفع صوته عليه، ودي كانت أول مرة، وانقهر وبقوة منه..
@rewayatyamania المصدر الأول للروايات
اتغدوا كلهم ببيت منصور وجلسوا بالديوان والفواكة أنواع قدامهم والحلويات والشاي، وأسماء تراسل سامر:
_ أقول لك ضروري تجي تتقدم لي يا سامر..
_ يا قلبي عاد انا مش جاهز، بعدين عاد انا اشتي نلتقي أكثر ونتهادر..
_ بلا جنان أيش نتهادر خلاص أنته تحبني واني أحبك، خلاص اتقدم لي، بعدين ابن خالتي يشتيني وأخاف يزوجوني له..
_ أيش يزوجوك له والله ما بوافقش..
_ خلاص اسرع إدًا ما فيش وقت..
نجوى: مله كلمينا يا أسماء ما لك كدا ساكتة من لمن جيتي..
أسماء حطت الجوال: ه...هاه، عمة، ا..آسفة ب..بس دي صديقتي عبير كنت اكلمه..
سوسن: وانتي يا لمار اتكلمي..
لمار قلبت عيونه: منا جالسة اتسمع ليكو، مش عايزة اتكلم..
ورزان ومُنى كانوا يلعبوا مع بعض وكل وحدة تطبع يد الثاني..
وجوال أسماء رن وهي سحبته وشهقت لمن لفتوا لها كلهم، وهي شافتهم..
_ ع..عفوًا، بخرج اتصل وارجع (وخرجت وهي تنفض يداتها) واي يا ربي واي، ا...أكيد أيهم كلمه، واي يا ربي ساعدني (وبلعت ريقها وهي ترجف وصوتها يرتعد) ا..أيوة صقر...
صقر وهو يمشي وبغضب: أنا جاي لبيتكم، اخرجي خارج اشتي اكلمك..
_ ا..أيش تقول أنته مجنون!
_ أقول لك بجي اكلمك اخرجي، والله إدا ما تخرجيش يا أسماء إن انا بدخل اكلمك وما بيحصلش خير..
_ ما لك كدا تصايحني، وبعدين اني مش بالبيت..
_فينك؟
_ رحنا زيارة بيت عمتي يلي جت من مصر..
_ وفين بيتهم؟
_ أيش تشتي ببيتهم؟
_ بجي لك وانتي اخرجي وكلمينا..
أسماء يدها على فمها تشوف يمين ويسار: صقر أنته بعقلك أو بدون عقل تتهابل صح..
_ أنا قلت يلي عندي، بترسلي لي مكان البيت وبجي واسوي لك رسالة، أول ما توصلك تردي عليا طوالي وتخرجي سمعتينا...
.
البـارت 199 ◇
جُــرح القـريب غـريب 💔
_ صقر بطل الجنان ما لك كدا مقرح!
_ أنا قلت يلي عندي وكلامي وصل لك..
وغلق وهي مسحت وجهها، واي يا ربي ما له دا جن، واي لو يجي لهنا ويشوفوه ويسوي لنا مصيبة، واي يا ربي ما له جن كدا!
.
.
دخل وضرب له التحية، ادخل يا كمال اجلس..
كمال راح وجلس مقابله: خير يا فندم ليش طلبتنا؟
_ اسمعنا يا كمال، أنته عارف إننا مشتبهين بواحد أنه يكون يوزع مخدرات ونراقب بيته من اسبوعين صح أو لا؟
_ أيوة يا فندم، ليش ثبتت التهمة عليه؟
_ تقريبًا أيوة، وكل يلي رسلناهم يراقبوه ما أكدوش أنه يبيع أو يحشش، بس لازم نتأكد، والمشكلة أنه يهرب واصل ويختفي، ووصلتنا اخبار أنه ببيته الآن، اشتيكم تداهموا البيت وتجيبوه لي..
كمال وقف: على طول يا فندم تأمر..
_ كمال (كمال شاف له) اشتيه حي يا كمال، حسكم عينكم تقتلوه، دا يمكن يلي بيوصلنا للي يقولوا له القائد، ويلي ما نعرفش اسمه الحقيقي ولا شكله للآن..
_ أمرك يا فندم، بس قد عدد من يلي القيتوا القبض عليهم قالوا لكم باوصافه..
_ كلهم يعطوا اوصاف مختلفة، شكل يلي اسمه القائد دا دكي، لأن كان يقنع كل يلي يقابلهم بأنه القائد، بينما أعتقد أنهم مجرد رجال من يلي يوتق فيبهم ويخليهم ينتحلوا شخصيته..
كمال: اهااااا، والله وطلع عدونا دكي يا فندم زي ما قلت، على كدا صعب نلاقي وصف دقيق له..
عزام شبك اصابعه ببعض: أيوة للأسف، لكن لكل حصان كبوة زي ما يقولوا، ولا بد يوقع ونمسكه، المهم ركز الآن على مهمتك ولا تخلي شي يشوشك..
كمال هز رأسه وضرب له التحية وخرج وغلق الباب وتنهد وراح للمهمة..
زينة تبكي وتبكي وهي تطبع أمها: اشتي اشوف ابيييييي، اتصلي له اتصلي يا امااااااه، اهئ اهئ..
رضية تغطي اذونها: يا بنتي بس صرعتينا بكاء من الظهر بسسس..
زينة: اسكتي انتي، اشتي اشوف ابييييي اهئ اهئ، اتصلي له اتصلييي..
سارة: يا بنت بس بلا جنان، قد سمعتي خالك أمجد ايش قال، لو اتصلت لأبوك بيقتلنا..
زينة تفحر رجولها بالقاع: عاديييييي اتصلي له اتصلي، اتصلييييييي..
رضية: خلاص اتصلي له يا سارة اتصلي..
سارة: ب... بس يا اماه لو عرف أمجد بيسوي لنحنا مصيبة قدك عارفة بابنك وجنانه..
_ يا بنتي قد ولا أحد بيقول له، واني بغلق الباب عشان لو جاء نسمعه..
زينة مسكت بجلبية أمها: أيوة يا اماه أيوة اتصلي ل...هئ هئ له، ف..فقدت له واشتي اكلمه..
سارة تنهدت وطلعت جوالها واتصلت له: رن رن يا اماه..
رضية طوالي راحت وغلقت الباب وجلست جنبها، وزينة قربت بسرعة وهي تشهق، خالد جالس يدخن ومخزن جنب المحششين والمحببين، وجواله يرن وهو سحبه وفز بسرعة وجسده كله تحرك:
_ س...سارة!
وطوالي وقف وخرج ورمى السجارة ورد، ا..الووو..
سارة إبتسمت وتعابير وجهه على وشك البكاء، الو سارة تسمعينا..
وزينة تكلمت قبلها: الو اباه..
خالد فزز: زينة!
سارة فتحت المكبر، الو زينة يا قلب ابوك..
زينة تزم شفايفها يلي يرجفوا: اب...اباه اهئ اهئ ااااااااااا اباااااااااه..
سارة طوالي بكت ويدها على فمها، فقدت لك يا اباه اهئ اهئ ااااااا..
_ ز...زينة وينك يا قلب ابوك ف..فينك قولي لي فينك يا قلبي..
_ اباه تعال بزني من هنا اهئ ااااا ما اشتيش المكان دا بزني معك عند جدتي اهئ اهئ، اباه امانة ج..جي لهنا وبزني معك م..هئ هئ اهئ اهئ..
وسارة تبكي بغصة ورضية تربت على كتفها وهي تدمع: فينك يا روح ابوك ك...كلمينا و..وأنا والله بجي اشلك..
وهو طلع كل القات من فمه عشان يقدر يتكلم، اباه تعال لي يا اباه..
_ ف..فينكم يا بنتي فين (وكان يبكي) زينة انا افدا لك يا روح ابوك كلمينا فين انتوا فين وديك خالك داك الله......*
_ م..ما ادريش فين هئ هئ ه..هو يحبسنا وما يخلينا نخرج، اباه جي لي يا اباه اشتي اشوف جدتي راوية و..وجدي رضوان ورغد وجراح اهئ اهئ..
_ ه..هاتي أمك اكلمه فينه..
_ اندكه هنا..
سارة تبكي وتشهق، ورضية ربتت على كتفها وهزت لها رأسها وهي تكلمت:
_ ا..الو..
_ س..سارة كلمينا فينكم يا سارة حرام عليك، أنا محروم منك ومن بنتي يا سارة، قلبي يتقطع عليكم لا تكونيش كدا قاسية وكلمينا فين انتوا..
_ اهئ اهئ خ...خالد تعال لي يا خالد اهئ اهئ..
خالد انصدم من كلامها، هي واصل كل ما تتصل تصايحه وتشتي بيت ومدري أيش وأول مرة تطلب يرجعها مع أنها واصل ترفض ترجع معه..
_ ا..اني ما اقدرش اتحمل يا خالد تعال بزني من دا السجن اهى اهئ..
خالد نزلوا دموعه أكتر: ط...طيب فينكم، و..والله لو عارف فين انتوا إن انا بجي لكم..
_ م..مش عارفة يا خالد مش عارفة، ا..اني غلطت لمن سبتك عشان طمعت بالبيوت حق الناس وهي حلوة وكنت اشتي متلهم وما قدرتش ظروفك وظروف أهلك هئ هئ، ا..اني غلطانة يا خالد اهئ اهى..
https://t.me/+Ecxq_OzMYh40M2E0
.
البـارت 200 ◇
جُــرح القـريب غـريب 💔
ورضية وزينة يبكين: ل..لا لا تبكيش يا روح خالد، ا..أنا عارف ان دا كله من أمجد اخوك، و..وأنا كمان مقصر بحقك وما كنتش زوج قد المسؤولية، لكننا بعوضكم وعد مني، حاولي تتدكري فين البيت يا سارة..
_ و..والله مش عارفة، أصلًا السيارة كانت مغلقة الزجاج وفيبه عواكس ما شفت المكان، ا..اني فقدانة لك يا خالد تعال لي اهئ اهئ..
_ الو سارة، سارة تسمعينا..
زينة: اووو طُفي..
وسارة انهالت بكاء ورضية ضمتها، اهئ اهئ يا اماه فقدت له اااا اهئ اهئ، اشتي ارجع لزوجي يا اماه اهئ اهئ..
_ بترجعي لي يا اماه بترجعي له، لا تخافيش يا روح أمك..
.
.
جراح: حيا حسام..
_ ج..جراح فينك؟
_ بالبيت اتصلت لصقر قال ما بيروحش للفرشة وجلست بالبيت، فينكم اليوم؟
حسام مسح وجهه: أختي ضاعن يا جراح..
_ أيش، غزل؟
_ لا رُبا، جالس أدوره وما حصلته يا جراح ما حصلته..
جراح وقف: طيب م..من متى ضايعة وفين أنته؟
_ جنب المدرسة حقه، ما رجعتش من الظهر كلمتنا برسالة أنه بتهرب من البيت ل...لأن (وغطى عيونه ودموعه تقطر للقاع) ق..قلت له إن انا اكرهه وما أحبه..
جراح مسح شعره: ط...طيب راعي بجي وادور معك، اتصل بالعيال عشان يجوا يساعدوا نحنا هيا
وغلق ولبس بسرعة وخرج..
بينما صقر وصل للفلة حق منصور، وعمل لأسماء رسالة وهي فزت بخوف وتشوف أمها والبقية وهن يهدرين، عدا لمار يلي مش موجودة، وهي وقفت..
_ ا...اني بخرج اتصل وارجع..
كريمة: مله أيش معك واصل تتصلي يا بنت..
_ صاحباتي يا جدة تبع المعهد..
وبزت عبايتها والمقرمة وخرجت، وطوالي خرجت الله يبزك يا صقر أنته والجنان حق دا..
غُلَطِتٌ وٌهّوٌيَتٌکْ
أيَشُ قُدٍ حًبًيَتٌکْ
ْكان آلَقُلَبً بًيَتٌکْ..
وٌآنِهّآر بًغُيَآبًکْ..
حراس كانوا عند البوابة الرئيسية وصقر جالس يمشي ويده على خصره والثاني يعض عليها عشان ينفس عن غيظه، أسماء خرجت ومشت لعنده..
_ الآن اهبل أو تتهابل يا صقر (صقر شاف لها) ما لك كدا جنيت يا اهبل..
صقر بغضب: أولًا أنا مش اهبل، قولي لي ليش رفضتينا؟ (أسماء رفرفت بعيونها) ليش اتكلمييي..
أسماء فزت وشافت خلفها: صقر صغر صوتك نحنا بشقة عمتي..
_ ما يهمناش، قولي لي ليش رفضتينا يا أسماء ليششش..
_ ا...اني م..مش نصيبك يا صقر..
_ طيب ليش أيش فيبي عشان ترفضينا..
_ و..ولا فيبك شي، ب..بس ا..
_ بس أيش انطقي..
_ بس اني ما أحبك، خ..خلاص كدا بس..
صقر بصدمة: ما تحبينا يا اسماء وأنا يلي مايت عليك!، ل..ليش كدا قاسية عليا أيش سويت لك..
_ ص..صقر أنته واني ما نصلحش لبعض، ا..ان..
صقر هز رأسه: هاااه، عرفت ليش ما نصلحش لبعض، عرفت (أسماء استغربت) لأنك عايشة بالنعيم دا وأنا أبي مجرد سواق باص وأنا اشتغل بفرشة صح؟
أسماء فززت: صقر ما لك جنيت..
_ لا بالعكس، أنا عقلت لمن عرفت الحقيقة، خايفة ما أعيشك العيشة دي نفسه صح..
_ صقر بطل هبالة مش دا قصدي، ب..
_ لا واضح واضح، (ونزلوا دموعه بقهر) إدا كدا ليش علقتينا فيبك، ليش خليتينا أحبك وانتي ما تحبينا ليييش..
أسماء بلعت ريقها بخوف وهي تشوف دموعه: ص..صقر اهدأ قليل، و..والله العظيم اني م...ما ادريش ب..بس كدا النصيب ما كتبش..
صقر بدموع أكثر: طيب وأنا أيش اسوي، كيف أقدر انساك وأنا يلي جالس ابني آمال وامنيات لي ولك مع بعض، و..وبالنهاية كدا بلحظة تهديهم..
_ صقر اني حاسة فيبك، ب..
_ والله ما تحسيش فيبي، عمرك ما بتحسيش فيبييي، لأنك انانية وما تفكري إلا بنفسك، و..وأنا يلي فكرتك تحبينا زي ما أحبك..
_ ب..بس اني عمري ما حسستك أنني أحبك..
_ ب..بس تصرفاتك، كلامك وضحكك معي أيش كان كل دا..
_ ع..عادي يعني أنته ا... ابن خالتي واكلمك واضحك معك، ب..بس دا مش معناته إنني أحبك واشتيك..
صقر قلب عيونه ومسح وجهه وهز رأسه: طيب، طيب، الحق مش عليك يا أسماء، الحق عليا يلي حسبتك تحبينا، قلبي كان يحرقنا وأنا اشوفك واقفة مع داك الليد، وكان نفسي اخنقه بيدي، كان دا الشي لازم يحسسك إن انا أحبك، بس شكل قلبك ما عمره نبض لي، بينما قلبي وهبنا الحياة بس لأن انا حبيتك (أسماء تجمع الدمع بعيونها) الحق مش عليك (ونزلوا دموعه وأشر لعند قلبه) الحق على دا لأنه خربط ونبض لك، بس انتي يلي وقفتيه يا أسماء، انتي وحدك..
أسماء نزلوا دموعها بقهر: ص...صقر اني..
_ خلاص انسي إن انا بيوم من الأيام كلمتك، وانسي إن انا تقدمت لك أصلًا وإن انا كلمت أيهم عشان ما اندل أكتر من كدا، الله يقويني وأقدر انساك، مع إن انا لو فقدت الداكرة لا يمكن انساك..
وأدار ظهره وراح..