جرح القريب غريب - 186/187/188/189/190 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 14* *الفصل (186/187/188/189/190) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب غريب😔💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعة 🥹💗⃟🎀* منصور: بس مش من حقهم يتهابلوا عليهم كمال ويده عند صدره: عارف والله، وأعتدر لك ولهن بالنيابة عن أصحابي دونه (وتقدم لعند شيمَاء ولمار) وأعتدر لكن أكتر، بس سامحوهم هم بس كدا من باب المزح بس منصور باين اقتنع وشيماء ولمار لجمهم كلام كمال المعسول: طيب بسامحهم لأنك باين مأدب عكسهم، لكن مرة تانية شوفنا بخمدهم كمال: لك يلي تشتي، بس سامحنا منصور هز رأسه:  هيا مشينا يا بنات تأخرنا وراحوا ولمار وشيماء يشوفين له بإعجاب حسام يقرح أصابع يداته: قال نتهابل يا عيال أيهم يحرك رقبته ويعصرها: وفوقه يعتدر بالنيابة عننا كمال بلع ريقه بخوف وهو مقفي منهم، خلونا نعلمه كيف الهبال حقنا يا عيال جراح: حرام عليكم يا عيال كمال لفت لهم: يا عيال اسمعونا حسام لف يده: هيا نهب له درس يا عيال أيهم وصقر: نهب له كمال: ي..يا عيال لحظة اس... وهم قفزوا فوقه يرفسوه ويضربوه وهو يصيح وجراح يضحك عليهم وجواله رن وهو رد _  حيا رغودة رغد: جراح فينك، أمي تشتينا نروح البيت تقول قده مغرب جراح: فينكم انتم؟، خلاص بجي الآن وغلق وشاف للعيال وضحك داخل سيارة منصور، كانت نجوى تصيح وهي تشوف لشيمَاء ولمار: قد قلت لكن لا تروحين بعيد، وانتين طوالي نشتي نركب الخيل! شيمَاء: يا اماه عادي أيش فيبه، قد كانوا الحريم أيام النبي صلى الله عليه وسلم يركبين خيول بشار: وكمان قال " علموا أولادكم  السباحة والرماية وركوب الخيل " كريمة: هاو قال لك يركبين خيل، دي عاده ما استوتش بعدن كله لمار: هو فيها ايه لو ركبنا يعني، ايه التخلف دا، ناس مش مثقفين كريمة: الآن يا بنت اهدري معي كما الناس عشان افهمك، (ولفتت لنجوى يلي قدامها جنب منصور) أيش تقول دي يا نجوى! منصور: خلاص بس قد حلينا المشكلة، لو ما أعتدرش داك الليد بدلهم كنت هبيت لهم درس مرتب سامر: ليتك كلمتنا يا اباه كنت جيت وهبيت لهم الدرس معك بشار: وأنا كمان يا بابا منصور: قلنا لكم قد حليناه خلاص، الليد داك عجبنا الصدق، باين عاقل عكس أصحابه لمار: أيوة، وشكله مثقف اوي شيمَاء: ليد محترم والله، ااااه فيبي جووووع بشار ومُنى: وأنا كمان منصور: خلاص ولا يهمكم، بوديكم أحسن مطعم بعدن كله، ونروح نتعشى هناك مُنى وبشار صاحوا: هيييييي كريمة: خلونا نروح نصلي أول بعدين سهل العشاء سامر: نتعشى أول يا جدة بعدين سهل الصلاة كريمة: دي صلاة يا ابني ما فيبوش سفاط منصور: خلاص نمر الجامع نصلي وانتين بشوف لكن مكان . . وروح كل واحد لبيته، ونوال دخلت بسرعة: يا اماه، اماااه ودخلت وشافتها تسبح فوق السجادة: ما لك تصيحي يا بنتي؟ نوال تحاول ما تبين فرحتها: ا.. أبي  فينه يا اماه؟ _ عاده ما رجعش من المسجد، خير ليش كدا وجهك أيش في؟ _ م... مش وقته الآن يا اماه،  بروح أصلي وارجع لك وخرجت وراوية مستغربة وشافت لجراح ورغد يلي دخلوا: ما له أمكم كدا بتطير من فرحته؟ رغد رفعت اكتافها وجراح ابتسم: خليه تفرح يا جدة، من سبع سنين ما شفته فارحة كدا ونوال دخلت وسجدت لله شكر وهي تبكي وباينه فارحة بجد . . أسماء تقضم أظافرها بخوف _ يا ربي، م...معقولة صقر كلم أيهم على يلي شافه، لا يا ربي لا، و..والله بيقتلني أيهم لو عرف، يااا رب إن صقر ما كلمه يا رب جت رزان: أسماء تعالي جاء المسلسل أسماء: ل..لا ما اشتيش أشوفه رزان: هه، قدك تموتي عليه مش معقولة ما تشتي تشوفينُه أسماء: أقول لك ما اشتيش رزان: طز فيبك وخرجت بينما أسماء بدأت تبكي: ياااا رب إن صقر ما كلمه يا رب (واتصل لها سامر وهي ردت) حيا سامر سامر: ها حبيبتي كيفك؟، روحتي وما عاد شفتك أسماء: ا..أيوة خفت من ابن خالتي داك، فجعانة يا سامر لو يكلم أخي سامر: ولا عليك شي يا قلبي، بعدين لو كلمه عادي قولي له يلي قلتيه لأبن خالتك داك، إن انا زميلك أسماء: لو الموضوع بدي البساطة يا سهلتاه، بس أنته ما تعرفش أخي، داك عصبي بأمور زي دي حتى لو قلبه حنون سامر: لا ما عليك شي إن شاء الله، المهم أنا برقد لي قليل تاااعب من رحلة اليوم، بكلمك الصباح تمام أسماء: تمام، مع السلامة وغلقت الجوال وهي تتأفف، وسمعت صوت أيهم ووقفت بخوف: هيييييي، رجع أيهم (وهزت يداتها) واي يا ربي واي اهئ اهئ، يا ربي صقر ما كلمه يا ربي، ويلك يا أسماء ويلك أيهم دخل: حيا اباه رجعت؟ أكرم: لا عاده بالشغل، قلت لك اعمى ما صدقتناش عبد القادر ضحك وباس رأسه: فديتك مله، أيوة رجعت يا روح ابوك، كان معي شغل وتأخرت، عمتك وأسرته طلعوا رحلة وما حبيت اشغله . البـارت 187 ◇ جُــرح القـريب غـريب 💔 أيهم جلس عندهم: اباه متى بتجيب خواتي نتعرف عليهن؟ عبد القادر: بوديكم بيت زوج عمتكم وقد بتشوفهن هناك، أيش رأيك يا سوسن سوسن: والله حلو، ولو تجيبهن لهنا أحسن، بس بيني وبينك قد واجب اروح اشوف نجوى وأسلم عليه، فودينا هناك أحسن رزان: أيوة أيوة يا اباه خلنا نروح ونشوف البيت حقهم، قلت لنا أنه حسين عبد القادر ضحك: أيوة مرة مليح أكرم: بزنا كلنا يا اباه إلا رزان دي، شوفه بتفضحنا رزان مطت يدها وطبعته: والله ما بتفضحنا إلا أنته.. وعبد القادر والبقية يضحكوا، أيهم يشوفها مش موجودة: فينه أسماء؟ عبد القادر: قالن رأسه يعوره وتشتي ترقد له قليل.. أسماء سمعته يسأل عليها وقلبها اشتعل خوف: واي يا ربي واي، يسأل عليا، ويلك يا أسماء ويلك، يااا رب صقر ما قال له يا رب (ووقفت مشي) خليني أكلم صقر أول يمكن ما قاله له وراحت وسحبت الجوال، وطلعت رقمه، اتصل له أو كيف اسوي؟، أحسن شي ارسل له رسالة، يا ربي أيش اسوي؟ . . رضوان رجع ودق الباب وجراح راح يفتح ونوال خرجت من غرفتها جري وهي لابسة العباية ومجهزة نفسها للخرجة ودخل رضوان: السلام عليكم.. جراح: وعليكم السلام حيا جدو.. نوال راحت لعنده جري: اباه اباه.. شافوا لها: ما لك خير يا بنتي وليش لابسة العباية فين بتروحي؟ نوال مسكت بيده: ا... امش بنخرج قليل يا اباه.. وهم استغربوا: لفين تخرجوا يا اماه؟ شافت له: بعدين يا جراح بعدين (وشافت لأبوها)  اباه هيا امش نخرج.. وكانت تدهفه للخارج: م.. مله لحظة لفين بنروح فهمينا.. وخرجوا للخارج: هيا يا اباه بعدين بفهمك كل شي.. ومشوا وجراح يشوف لهم بإستغراب: ما لهم فين راحوا؟ من لمن أجينا وأمي فارحة ومتغيرة، مله أيش في؟ عبد الفتاح: أيوة قال لي نشوف دكتور تاني قوي.. سامية: ياااا رب الشفاء بيدك مش بيد غيرك،  اشفي لي ابني يا رب العالمين.. صقر: اللهم آمين يارب العالمين(ووقف) أنا تاعب وبروح ارقد لي قليل، تصبحوا على خير.. أمه وابوه: وأنته من أهله.. ودخل لعند صفوان وباس رأسه وفرك شعره: يا روح اخوك وقلبه.. وخلع الجرم وانسدح جنبه ويداته تحت رأسه، تذكرها كيف تهادر داك الليد الغريب، قلبه اشتعل وصك اسنانه وهو يتذكر الموقف: _ ااااااخ يا أسماء، معقولة انتي البنت العاقلة توقفي مع ليد وتهادرينه كدا لوحدكم! والله لو بيدي كنت قتلته وسفكت دمه فوق الرمل.. وسحب جواله وفتح الوتس، وجلس يشيك على الرسائل، وخلص استلام ووصلته رسالة أول ما شاف اسم المرسل جلس بسرعة: د..دي أسماء.. وفتح الرسالة، أسماء شافته متصل: هييي متصل، ي...يا رب ما قال له يا رب.. صقر شاف محتوى الرسالة ويلي كان " مساء الخير ابن خالتي كيف حالك؟ صقر امانة لا تفهمش الموضوع غلط وسامحني لأن صايحتك اليوم، والله مش كان قصدي.. صقر شافها متصل ورد: هلا أسماء مساء النور والعافية، انتي كيف حالك؟ لا عادي ما ازعلش منك، بس الموضوع ازعجنا لأنك تكلميه.. أسماء تقضم اظافرها وقرأت الرسالة وردت بسرعة.. _ عارفة، بس أول وآخر مرة اسويه والله، المهم أنته كلمت أخي أيهم على يلي شفته؟ وتنهدت بخوف وهي تشوفه وقلبها يرجف بقوة ويداتها تثلجوا وقلبها تحسه بيوقع أول ما تشوف رده.. _ لا الله المستعان ليش أقول له، أنا عارفك بنت عاقلة ورزينة، بس المرة التانية لا تكلميشه كدا قدام الناس تعرفي كل واحد يعجن كلام من عنده، إدا نقصه درس أو ما فهموش يروح عند أصحابه أيش دخلك انتي يسألك! أسماء قرأت رسالته وطارت من الفرحة لدرجة إنها دمعت، واااااااااي يا صقر الله يفرح قلبك مثل ما فرحت قلبي، اقسم بالله إنني من لمن روحت وقلبي نار خفت إنك قلت له وبيجي يصايحني.. صقر ضحك ورسل لها ايموجي يضحك، عقلكن خفيف يا البنات صدق، قدك تعرفينا يا بنت الخالة إن انا مستحيل اسوي كدا شي، المهم زي ما وعدتينا لا تعيديه مرة ثانية.. ( ملاحظة: صح ننطق حرف الثاء تاء،  بس بالكتابة لا، تبقى كما هي، عشان كدا محتوى الرسائل بكتبه لكم بالأحرف العادية) أسماء بفرح كتبت له، وعد والللللللله وعد يا صقر، شكرًا شكرًا فديتك مله.. بعدين شهقت: هييييي كتبت له فديتك، واي يا ربي أيش سويت.. صقر فتح فمه وهو يبتسم ويده عند شعره، وجلس يقرأ الرسالة وفزز: فديتك مله!! واااي يا ربي ورسل لها ايموجي حق القرد يلي مغطي عيونه، يفداك الغالي والنفيس والكون بما عليه يا بنت الخالة، ويا رب كدا فرحانة واصل.. أسماء انحرجت، إن شاء الله يا رب واياك، طيب برقد لي، تصبح على خير (وغلقت) أسماء تنهدت براحة وفرح، والباب اندق ودخل أيهم: اسومتي أسماء: هاه عيونها أيهم: أيش قال أبي يوجعك رأسك، كيف الآن؟ أسماء: الحمدلله بخير يا قلبو . البـارت 188 ◇ جُــرح القـريب غـريب 💔 أيهم: أيش قال أبي يوجعك رأسك، كيف الآن؟ أسماء: الحمد لله بخير يا قلبو أيهم: الحمد لله، هيا تصبحي على خير.. أسماء ضحكت: وأنته من أهل الخير وأصحابه أيهم ابتسم: أيش دا، معانا نغمة جديدة.. أسماء ضحكت: منك نتعلم.. أيهم ضحك وخرج، وهي تنهدت بفرح: لك الحمد والشكر يا رب.. . . جراح جالس مع جدته ورغد: فين خرجوا يعني فهمني يا ابني.. جراح: والله العظيم مش عارف يا جدة، ما قالوا لي.. رغد: تقول حصل شي؟ جراح توتره منعه عن الرد، والباب اندق وهم فزوا وراحوا كلهم للباب وفتح جراح ورضوان دخل يضحك ونوال تضحك وعيونها محمرين الواضح كانت تبكي من فرحتها.. رغد: اماه جدو فين كنتوا؟ رضوان ونوال توتروا: ا..اااا ل..لا بس ا..أمك نست شي مهم ببيته لحسن ورحنا نجيبه.. جراح: وليش ما كلمتينا أنا اروح اجيبه معك يا اماه؟ نوال تلعثمت: ه..هاه، ل..لا يا ابني أنته كنت بتصايحه ويمكن تضربه لأنه طلب يدي، ب..بس جدك يحترمه.. راوية: وأيش يلي نسيتيه هناك؟ _ ه..هاه يا اماه، س..ساعته ل..لمحمد يا اماه، قدم عارفة أنه دكرى منه ومستحيل اسيبه.. جراح باين ما صدقها، رغد راحت لعندها: دامه غالية عليك ودكرى من أبي كيف نسيتيه يا اماه! رضوان: داك اليوم كنا مستعجلين يا بنتي، وأمك مزاجها كان مقلوب ونسنه هناك، هيا تعالوا ندخل هيا.. نوال مسكت بجراح: تعال يا ابني تعال.. ودخلوا للديوان وراوية تنهدت: باقي ابني خالد مهلوش، مله فينه يا رضوان عاد رد عليك والا لا؟ رضوان: مادارنا يا مرة، كل ما اتصل له يطلع مغلق.. نوال جالسة بينهم بس ولا تتكلم، يمكن عند أصحابه.. رضوان: مش عارف يا ابني، أهم شي أنه بخير.. رغد وقفت: اني فيبي نوم بروح ارقد لي قليل، تصبحوا على خير.. الكل: وانتي بخير.. جراح وقف: وأنا معي سمنار بكرة، تصبحوا بخير.. الكل: وأنته بخير.. وراح وراوية شافت لنوال: ما لك يا بنتي ما تهادرينا من لمن رجعتي! نوال شافت إن جراح ورغد خرجوا وبخوف وهلع: م...مصيبة يا اماه مصيبة.. راوية خافت: أيش من مصيبة اعود بالله.. نوال: ا...اليوم يا اماه ل..لمن رحت البحر مع جراح.. راوية بهلع للتكملة: أيوة.. نوال بلعت ريقها بغصة: ش..ف...شفت منصور هناك.. راوية: ايششش!! رضوان تنهد: نوال كلمتنا، بس خفنا نبين خوفنا قدام العيال.. نوال بدأت تبكي وراوية خافت: منصور!!، ك...كيف شفتيه و...وأيش جابه لهناك! نوال: م.. مدريش يا اماه.. راوية: واي يا ربي واي، ليكون شافك؟ نوال: اهئ اهئ، ل..لا يا اماه ما شافنيش، ب...هئ هئ، بس كان يهادر جراح يا اماه اهئ اهئ.. رضوان وراوية ماتوا رعب رغم أنه عرف بيلي حصل: ك..كيف هادره م..من جدك تتكلمي انتي؟ نوال: ا..أيوة يا اماه، ب..بس الحمد لله منصور ك..كان لابس كمامة وما تعرف جراح عليه، و..وما تهادروش كتير.. راوية تلطم خدودها: الحمدلله يا ربي الحمدلله، ب...بس داك أيش جابه لهناك أيش، لا وفوقه بنفس اليوم يلي رحتي فيبه للبحر! نوال: مش عارفة يا اماه مش عارفة اهئ اهئ، اتخيلي لو كان جراح شاف وجهه وعرفه، وااااي يا اماه اهئ اهئ اااااا.. رضوان بلع ريقه: ا..الحمدلله يا ربي، د..داك شكله بيستقر هنا باليمن، أهم شي ما يعرف فين مكاننا لأن بيسوي لنحنا مصيبة.. نوال: أني خايفة على عيالي يا اباه لو يأديهم زي ابوهم، مش قادرة اتحمل يا اباه مش قادرة.. رضوان باس رأسها وضمها: لا تبكيش يا روح ابوك لا تبكيش، إن شاء الله ولا بيعرف شي إن شاء الله.. وهي تبكي بين احضانه وراوية تربت على ظهرها وهي تبكي بخوف.. شيمَاء ولمار يتهادرين، تصدقي، مش قدرت انسى وجه داك الليد وكيف وقف قدام أبي وقال له يلي قاله.. لمار: دا الواضح عليه محترم اوي، مش زي أصحابه شلة المقنزعين.. شيمَاء: تقولي أيش اسمه؟ _ مش عارفة، بعدين أيش دا الإهتمام المفاجئ.. شيمَاء رمت نفسها فوق السرير ومدت يداتها وهي تبتسم: ااااااااه، مش عارفة يا لمار، بس كدا مش قادرة انسى موقفة البطولي داك وكيف سكت أصحابه كلهم.. لمار: ربنا يكتب له الخير.. شيمَاء: آمييييييين . . حسام كان خارج البيت، هو متعود يرجع متأخر عشان ما يشوف وجه رُبا وزيد ويكونوا راقدين، ودق الباب وفتحت له رُبا وهو كشر.. رُبا بفرح: حسام رجعت.. حسام دخل وبضيق: لا، مله قدك لتشوفينا أيش عمياء؟ رُبا: لا ب...بس كدا قلت اتطمن عليك.. حسام دخل وهي لحقته: حسام تشتي عشاء؟ حسام: لا رُبا: اممممم طيب تشتي أجيب لك شاي حليب غزل سو.. حسام لفت لها: أقول لك ما اشتيش شي افهمي.. وراح الغرفة وهي تفطر لجنب الجدار وجلست وضمت ركبها وجلست تبكي وشعرها منثور حولها، وتبكي وتنشج بقوة غزل خرجت من الحمام وشافتها وراحت لعندها وجلست وبخوف: . البـارت 189 ◇ جُــرح القـريب غـريب 💔 غزل خرجت من الحمام وشافتها وراحت لعندها وجلست وبخوف: _ رُبا يا عيوني ما لك ليش تبكي؟ رُبا وهي بنفس الوضعية: ح...هئ هئ اهئ اهئ، ح..حسام هئ هئ.. غزل: أيش فيبه حسام حصل له شي؟ رُبا هزت رأسها بالنفي: ح...هئ هئ حسام ما يحبنيش ااااا اهئ اهئ.. غزل بلعت ريقها: م..من قال لك كدا يا قلبي؟ و..والله هو يحبك بس.. رُبا رفعت رأسه: إلا ما يحبنيش هئ هئ، و...واصل م..هئ هئ ما يكلمنيش، و..ولمن اسوي له ش..هئ هئ شي يصايح ويتجاهلني اهئ اهئ.. غزل ضمتها: لا يا قلبي لا تقوليش كدا، ح..حسام بس كدا عصبي ومدريش ماله (وباست رأسها) هيا يا عيوني تعالي معي نروح نرقد.. وحملتها وودتها الغرفة، ورقدتها جنب زيد يلي يشخر، وهدهدت لها وهي تشهق وعاده تفهق قليل، باين بكاءها من اعماق قلبها، غزل وقفت وبغضب راحت غرفة حسام ودقت الباب، وهو صيح للطارق يدخل.. وهي دخلت تمشي بغضب وكان حسام راقد ويداته تحت رأسه، وأول ما شافها إبتسم وعدل جلسته: _ حيا غزلي غزل وقفت قدامه وبغضب: أنته ليش كدا! حسام قوس حواجبه: أيش في ليش كدا مقرحة؟ _ أنته ليش كدا تعامل رُبا وزيد ومطنش لهم، ليش يا حسام وهي تحبك وتموت عليك.. حسام قلب عيونه: شكلك نسيتي ابوهم أيش سوى بأبي، إدا انتي نسيتي يا غزل فأنا لا.. غزل: لأنك انسان حقود.. حسام فزز: أيش؟ غزل: أيوة حقود وقلبك اسود يا حسام، أنته كيف تقدر تكلم طفلة صغيرة كدا مش فاهمة، ليش انقلبت كدا يا حسام ليش.. حسام وقف قبالها ونزل رأسه لأنه اطول منها: لا شكلهم غسلوا لك دماغك، أنا ما نسيت يلي استوى من زمان، ورُبا وزيد ما أحبهم تسمعينا (غزل فززت، أيوة ما أحبهم) اكرههم زي ما أكره عمي ويمكن أكتر كمان.. غزل: ليش يا حسام ليش، أنته عارف أنني وافقت ارجع مع أنور وتحملت يلي استوى لي بسببه بس عشان ابعد عن رُبا وزيد وما يحسوا بالغيرة لمن أكون معك ويشوفوك تحبني وتحن عليا عكس يلي تسويه معاهم، ليش يا حسام ليش (حسام يقلب وجهه ويفركه) أنته حنون وقلبك طيب يا حسام، رُبا وزيد يحبوك كتير، وخاصة رُبا، ما تشوفه تسوي أي شي على شان تسعدك وأنته مطنش له، لا وفوقه حرقت يده.. حسام بغضب: بسسس بس، لا عاد تقوليش كدا شي قدامي، أنا مش قادر انسى يلي حصل افهمي يا غزل افهمي، وإدا رُبا تحبنا زي ما تقولي هي وزيد، فخليهم يبعدوا مني، أنا مش قادر اتقبل وجودهم بجنبي تسمعينا، أكرههم ، وأكره الأرض يلي وجدوا عليها، لو يموتوا الشعرة الوحدة ما بتنهز لي، تسمعينا.. خلص كلامه وعيونه كفيلة لتثبت صدق ما يقوله، خلص كلامه وغزل بدأت قطرات الدموع تسيل على خديها، بينما كانت شلالات تنهمر من عينيّ تلك الواقفة خلف الباب، كانت رُبا تتسمع لهم وشلال دموعها يصب في الأرض، عيونها مفتوحين مش مصدقة يلي تسمعه، وطوالي راحت.. غزل: أنته كداب يا حسام.. حسام لف وجهه منها وهو يمسح وجهه، وغزل تبكي، أيوة تكدب يا حسام، اني يلي عارفة بطيبتك وحنيتك عارفة إنك كداب، اني بنت كبيرة مع دلك تعاملني بحنية وعمري ما حسيت بموت أبي وفقدي له لأنك دائمًا موجود وما عمرك حسستني بدا الشي هئ هئ، ا..اني يلي عرفت حنانك ورقتك عارفة إنك مستحيل تكره طفلة صغيرة وطفل عمره ست سنين بس، عارفة إنك تكدب يا حسام وإنك تحبهم.. حسام لفت لها وبغضب وقهر ودموعه على خده: أيوة اكدب، ايوة أنا كداب يا غزل كداب، أحبهم، أحبهم وأموت عليهم.. ورجفوا شفايفه وغزل دموعها تسيل بعدم تصديق، ا...أيوة أحبهم، ب...بس مش قادر أقوله يا غزل، هئ هئ مش قادر (وأشر لعند صدره) دونه اخوتي يا غزل اخوتي، أ..أنا مستحيل اكرههم يا غزل مستحيل هئ هئ، ب..بس في شي داخلي مانعنا إن انا اروح وأقول لهم دا الكلام، شي يمنعنا من إن انا اروح وأضمهم وأقول لهم يا قلب اخوكم اهئ اهئ.. غزل تنشج بقوة وتشوف قهر حسام وكلامه النابع من قلبه، وأول مرة كانت تشوفه بدي الحالة، انتي ما تعرفي يلي اعانيه يا غزل ما تعرفيش هئ هئ، ما تعرفيش شعوري لمن يجي زيد ويقول لي أخي حسام اعطنا جوالك العب فيبه وأنا ادفعه واصيح فوقه ويروح وهو يبكي، ما تعرفيش شعوري لمن انكب الشاي فوق رُبا وهي جالسة تصيح وتبكي وتقول أنه وقع من نفسه عليها (وبكى أكثر وغزل غطت على فمها بكلتا يديها) ما تعرفيش شعوري لمن تجي تشتي تحضني هي وزيد وأنا ابعد، كنت انقهر وقلبي ينزف يا غززل، ينزف لمن أموت، دموعي تنشف وأنا ابكي والليل ما ارقده بسبب يلي اسويه هئ هئ (غزل ترجف وتبكي) ما تعرفيش بيلي احس فيبه ولا عمرك بتعرفي.. غزل مسحت دموعه: اني فدالك يا حسامي خلاص، حاول تغير من طباعك وبس.. حسام مسح دموعه: بحاول ولو أنه صعب يعني.. ودكى ظهره للجدار ورمى نفسه للأرض وحط كوع يداته فوق ركبه وغطى على وجهه بيداته وجلس يبكي . البـارت 190 ◇ جُــرح القـريب غـريب 💔   غزل راحت لعنده ووقفت قدامه: _ ح..حسام يا روح اختك، هئ هئ حاول لأني حاسة فيبك وبقهرك، ا...اني أكتر وحدة تحس فيبك، بس يا روحي لا تبكيش أمانة يا حسام لا تبكيش لأن دمعة واحدة منك هي جبل من النار توقع فوقي وتحرقني (ومسكت يداته) حسام بس يا قلبي بس لا تبكي.. حسام ما تحمل وطوالي ضمها وانهال بكاء وهو يغطي رأسه بكتفها عشان ما يطلع صوته، وهي ضمته بقوة، لطالما كان حضن الأخت هو ذاك الجزء من حضن الأم ، الأخت في حد ذاتها أم، سند وعزوة، تقويك وتوقف معك، لا يمكنك نكران الثقة والحنان والقوة يلي تستمدهم  منها، الأخت ضلع، الأخت كتف وإن مالت اكتاف العالمين بقي كتفها مستقيمًا لك وحدك، وغزل وحدها كانت سند حسام وعزوته، من لمن تزوجت أمه عمه عارف وهو علاقته فيبها بدأت تنحسر، وكرس كل حياته لغزل، وكانت أمه الثانية وأخته الوحيدة وكل دنيته، كانت احضان الأمان له وذاك السند يلي يقويه لمن يضعف ويتصايح مع عارف ويروح الغرفة يبكي وتجي تطبطب عليه لين يهدأ ويضمها وتمتص كل احزانه ما عمره نسى دا الشي بالرغم من كونه شاب كبير وواعي، قوي وصارم قدام الكل والكل يخاف منه، لكنه ضعيييف جدًا بمشاعره قدام غزل، لأنه تعود على غزل وحبها وسندها له، وتعود تكون له تلك الأم وهو الطفل الذي يهرب من احزان العالم وهمومها إليها.. رُبا كانت تنشج بقوة وهي متدثرة بالغطاء، طفلة وما قدرت تتحمل سماع كلام الكره والحقد من اخوها لها، يلي تظنه طيب ويحبها وطلع يكرهها ويتمنى موتها، بس في خوالجه كان العكس، ودخلت في حالة بكاء طويل.. . وطلع صباح يوم جديد، يوم جميل بغيومه يلي تملأ سمائه، سامية خرجت من المطبخ ومعاها كيس مدته لصقر،  زي ما وصيتك،  وصل خلية النحل دي لبيت خالتك سوسن تمام؟(طبعًا للي ما يعرف خليه النحل هي عبارة عن عجين يتم حشوة بالجبن إدا كانت مالحة، أو شوكولاته إدا هي سكر وتنحط بالفرن) صقر: تمام يا اماه قد صرعتينا توصيات تقول تشوفينا جاهل.. صفوان يتصبح وهو يضحك: صقر الجاهل.. صقر شاف له وكيف باين شاحب وتاعب وابتسم له: عادك تحانكنا أنته كمان هاه، هيا تمام، خلاص يا اماه الآن بوصله طيب.. سامية: هيا شاطر ابني.. وهو شاف لها بفتور وهي ضحكت وطبعت كتفه وصفوان صاح ضحك.. صقر: الله يسامحكم بس، وأنته خل لي منه لمن ارجع، قد كانت أمك تراعي لمن آكل بس هي تشتينا اقوم وما اخلص أكل.. سوسن: يا ابني قد في مليان منه، اشتيك توديه وعاد الجبن داخلته حامي.. صقر: تمام تمام خلاص.. وخرج وغلق الباب رغد ودعت أمها والبقية وخرجت، وجراح بعد شويات كمان جهز نفسه: _ خدمات لكم يا اماه؟ _ لا يا روح أمك تسلم، بس جزع لجدتك دواء الضغط، راعي اجيب لك الشريط حقه.. _ لا مش داعي قد معي صورة له، هيا مع السلامة.. _ الله معك يا روح أمك.. وخرج وأيهم رسا بسيكله جنبه: صباحو الدكتور حقنا.. جراح طبع يده بيده: صباحك يا أيهم، أيش السر لاقيتنا هنا.. أيهم: يا أخي ضروري تسوي لنا سر من كل شي، يا أخي صاحي مزاجي حلو قلت اجزع لك على طريقي.. جراح ركب خلفه وهو يضحك: إن شاء الله دائمًا كدا فرحان، بس أيش السر يعني، لتكون تحب وحدة من ورانا زي صقر.. أيهم ضحك: يا أخي ولا واحد يقدر لك، خلنا نروح للمكان يلي بيلاقينا فيبه حسام.. واتحركوا بالموتور.. . . حسام يمشط شعره ودخلت غزل وبابتسامة: _ صباحك يا روح أختك.. حسام شاف لها بإبتسامة حب: يا صباح النور والسرور.. غزل قربت منه: لا تنساش يلي وعدتني فيبه تمام.. حسام يعضعض شفايفه وهز رأسه: طيب بحاول اعاملهم بطيبة، بس بشويش بشويش، مش كدا طوالي اغدقهم بالحنان.. غزل بفرح: أي شي عادي، أهم شي تحسسهم إنك تحبهم زي ما قلت لي.. حسام هز رأسه وفرك خدها: عيوني يا غزل اخوك.. غزل فرحت وخرجت، ورُبا كانت تحط الدفاتر بشنطتها، وزيد جالس يشوف لها.. _ بس إدا عرف أبي بيصايحك.. رُبا وهي تحط الأقلام: أصلًا ما بيصايحني إدا ما قلت له (وشافت قبعة حسام وحطتها داخل الشنطة ووقفت وشافت لزيد وهي ماسكة خطام الشنطة) بس زي ما وعدتني يا زيد، انتبه تقول لأحد على يلي قلت لك عليه تمام؟، خاصة حسام.. زيد فكر قليل: وتجيبي لي لعبة الطقم زي ما وعدتينا؟ رُبا: اوووووف تمام تمام بشتري لك.. زيد هز رأسه ومدت له ورقة وهو حطها داخل غلاف الأيباد وهي خرجت، وحسام وغزل خرجوا وعارف كمان: خلاص طيب، وإدا عاد في شي ناقص اتصلي لي.. وداد: دكرتني الرصيد ما فيش معي.. عارف: خلاص تمام، هيا يا رُبا مشينا.. غزل شافت لحسام ودكعته، ورُبا تشوف لحسام  يلي قلب عيونه وباين متردد، أ...(وشاف لغزل) والله صعبة دي (غزل شدت يده) خ..خلاص أنا بوديه...