جرح القريب غريب - 180/181/182/183/184/185 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 14* *الفصل (180/181/182/183/184/185) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب غريب😔💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعة 🥹💗⃟🎀* جراح: يا أخي بس قطعت قلبي، وفين بنجي بدا السكريم كله.. كمال: بز لأمك وأختك منهم يا جراح.. جراح: طيب (وبز ثلاثة) راعوا برجع.. وراح وهم جلسوا يأكلوا سكريم ورجلينهم داخلت الماء، جراح مد لأمه السكريم: _ دا لك يا ااماه.. نوال: شكرًا يا ابني.. جراح: فينه رغد؟ نوال: اندكه هناك تلعب بالماء.. جراح ضحك: فارحة كأنه ولا عمره شافنُه وراح وأعطاها السكريم وراح، سامر وصل وكان يتصل، وشافها جالسة وحدها عند بائع السكريم والناس حوله، انتي دي؟ أسماء: ا... أيوة اني يلي رافعة يدي.. وهو غلق وراح وهو يبتسم وهي تنفض يداتها:  واااي يا ربي رجولي وجسمي مش راضيين يوقفوا رجفان.. وجاء ووقف قدامها بجسمه الطويل وشميزه المفتوح لأن كان يسبح.. _ حياااااا باسومة قلب قلبييي.. أسماء انحرجت وترجف: س..سامر.. سامر: يا عيون سامر وروحه، مله مش مصدق إن انا شفتك أخيرًا يا اسومة وسلى قلبي.. أسماء انحرجت وهو يشوفها ويبتسم ويشوفها من فوق لتحت، منصور راح يدخن فوق حجر وحيد منعزل عشان ما يشوفه أحد، وينفث الهواء بالجو ويشوف للبحر وامواجه الهادئة يلي تتكسر فوق الصخور، جنبه بقليل، كان واقف يدخن، ووقف ومشى واندكع فيه شويه، منصور شاف له.. _ ما لك أنته ما تشوفش؟ رعد لفت له وهو يعد فلوس بيده: عفوًا.. منصور وقف وخلع نظارته: أنته! رعد يشوف له من فوق لتحت: امممممم، هو أنته داك يلي جالس كل من صدمه يرمي له حزمة فلوس كما الشاة هاه..😂 منصور: انته أيش،  فين ما رحت تطلع لي، أيش تراقبنا.. رعد: وليش اراقبك!، حضرة الوزير وما اعرفش.. منصور: اتكلم معي بأدب أحسن لك.. رعد طنشه: اسمع، أنا فارح اليوم بعت بضاعة لهنا (وأشر لدقنه) ومش فاضي اصايحك، والمربط يلي جدلتنا فيبه أمس، شكلك جلست تجمعه سنين، شوفنا جمعت أكتر منه بخمس ساعات، يااا،  حضرة الوزير.. وقفي منه وراح، ومنصور تشطط غيظ، أيش حكايته دا، اوووف (وجلس وسحب نفس من السجارة ورجع رماها)، نزع لي مزاجي الله ينزع روحه.. ووقف ومشى، وطلع تلفونه لمن سمع صوت الرسالة، ومشى وهو يرد عليها نوال تمشي شوية شوية وهي تشوف للبحر.. _ الله يا بحر عدن، شوفتك تنسي الهموم صدق.. كان يمشي قدامها بقليل، بضع خطوات والوقت كان يمشي على ظهر سلحفاة، شوي شوي يمشوا كل واحد بطريق الثاني بس عيونها تشوف بمكان مختلف، رفع رأسه وهي تشتي تشوف لقدام، والبنت الصغيرة وقعت لفوق الرمل وتملي وجهها رمل، ومنصور لفت لها ونوال شهقت وراحت توقفها ووقفتها وجالسه تمسح لها وجهها: دلا دلا لمن تمشي يا ماما ليش كدا مهرية، (ومنصور يشوف للمقفية دي، ومسكتها بيدها) تعالي اغسل لك وجهك هيا.. وودتها ناحي البحر تغسل لها، ومنصور يشوف لقفاها وبعدين اتصل له مدحت وكمل طريقه وهو يتصل له، ورجعت نوال تكمل طريقها وكل واحد يمشي مقفي من الثاني، فوقهم قليل، كان جالس يشوف لهم الأثنين ونظرات الشوق والغضب تفيض من عينيه.. شيمَاء تتصل وهي تمشي سريع: هااااا، أيوة أيوة اني يلي اجري ناحيك يا بنت، خلاص خلاص غلقي شوفيني جيت.. وغلقت وكملت تجري وهي ترفع العباية، بس طبعًا الجري خفيف، ووقفت وصاحت، وهي تفتح ذراعيها والابتسامة من الأذن للأذن.. _ رغددد.. رغد لفتت وشافتها وشهقت: هاااااااا، شيمَاء! . . وقف الطرادة وهو نزل ونزله، هيا يا بطل نتسابق من هنا لعند العيال، بس لا تجريش بسرعة عشان ما تتعبش.. صفوان: واحد تلاتةةة😂😂 وأخذ يجري، صقر ضحك وصاح: مله وقف عاد انا ما استعديتش.. وراح يجري ببطء عشان يسبقه صفوان يلي يضحك ويشوف له، وصقر يمشي شافها ما صدق إنها هي، إبتسم بفرح، وشاف لصفوان أنه وصل لعند العيال، وعدل شعره ومشى ناحيها وهو مبتسم، وقرب من هناك وشافها تضحك.. _ أيش جاب أسماء لهنا، معقولة جت مع خالتي سوسن؟ (ومشى ورفع يده) يا اسم... تحجرت كلماته لمن شافه واقف مدكي للعربة حق بياع السكريم، وهو مبتسم بفرح، ويشوفها كيف تضحك معه وتصنم مكانه وفغر فاهه... . . جراح يمشي وبيده السكريم، باقي دا ما قدرتش ااكله، فين بحطه؟، اوديه لصقر أحسن.. ومشى ونوال شافته: جراح (بس هو ما سمعها وكمل مشي) جراح يا اما، ه ما له ما يسمعش، جراح يا اماه مله راعي.. ولحقته، وهو كمل مشي وشافها تلعب، طفلة صغيرة وشاف للسكريم وإبتسم، وراح لعندها وجلس مقابلها.. _  يا نينوه تشتي سكريم؟ شافته وابتسمت وأخذته بفرح، وشافت لعيون جراح: شكرًا.. جراح فرك رأسها: العفو.. _ أيش معك هنا.. صاح صوت وهم لفتوا، له، والصغيرة طوالي راحت تحضن رجوله وهي تصيح: _ عمو منصووور.. منصور فرك شعرها وشاف لجراح يلي وقف وشافت له، بينما هي صنمت وجسمها ارتجف بقوة لمن شافتهم يشوفوا لبعض...نوال بصوت مرجوف: م...من...منصور! و..واي أبني (وجرت) . البـارت 182 ◇ جُــرح القـريب غـريب 💔 لَآ يَخِلَدٍ فُيَ ذِآکْرتٌنِآ إلَآ آوٌلَئکْ آلَذِيَن تٌرکْوٌآ بًصّمًةّ فُيَ قُلَوٌبًنِآ، مًنِهّمً مًنِ يَکْوٌنِوٌنِ آثًرآ جميلًا،  وٌمًنِهّمً مًنِ يَکْوٌنِوٌنِ شُرخِ يَقُبًعٌ فُيَ ذِکْرآنِآ لَلَأبًدٍ..( بًقُلَمًيَ) صقر يشوف لأسماء بإستغراب، أيش معه دي هنا! وراح ناحيهم، وهي كانت تكلم سامر يلي الإبتسامة ولا تركت شفايفه.. _ والله ما توقعت إنك كدا دمك حالي وخفيف يا اسومتي.. أسماء خجلت: و...وأنته كمان يا سامر، شكلك بالواقع أطيب.. سامر: فديتك مله، بس يا ليتك كنتي فاتشة كان أحسن.. أسماء: لا أيش فاتشة، أصلًا أخي ما يحب إننا نفتح وجوهنا كدا، ولو شاف نحنا فاتشات بيصايح نحنا كتير، لدلك هو مخلينا نلبس البراقع، بس أختي عاده صغيرة عشان كدا هي فاتشة عكسي.. سامر مد شفايفه بزعل: همممم،، هيا سهل، لمن اخطبك وقد بشوف وجهك العسل دا.. أسماء خجلت من كلامه: ي..يعني بتتقدم لي عشان تخطبني؟ سامر: أكيد يا قلبو، أيش مفكرتينا أضحك عليك يعني.. أسماء: ل...لا بس.. _ أسماء! قال صقر وأسماء وسامر شافوا له بصدمة، وأسماء شهقت بخوف: _ هييييي ص..صقر! صقر مشى ووقف قدامها وشاف لسامر ورفع حواجبه بذهول: من دا؟ أسماء بدأت ترجف وجسمها يرتعش وبلعت ريقها بخوف: د...داا.. سامر: من أنته أول شي؟ صقر شاف لأسماء: من دا أقول لك يا أسماء؟ سامر: ما لك تصايح كدا أيش فيك؟ صقر صك اسنانه: انته يلي من أصلًا عشان تهادرنا كدا.. أسماء خافت بقوة، وصقر تقدم ناحي سامر بغضب، هاه، هادرنا من أنته وليش تتكلم مع أسماء.. اسماء شدت صقر من يده لعندها، وهو شاف لها وهي بعدتهم: _  ص...صقر لا تفهمش الموضوع غلط، د...دا ز..زميلي بالمعهد يلي أدرس فيبه.. صقر: زميلك!، وليش تهادريه لوحدكم، ومع من جيتي لهنا؟ سامر: من دا يا أسماء؟ أسماء: د..دا صقر ابن خالتي، صقر اسمع، ا..اني جيت م..مع صديقاتي، ب..بعدين جيت اشتري لهن سكريم، و..وسامر قال بيسألني على درس اليوم ل..لأنه ما حضرش، (ولفتت لعند سامر) ص...صح يا سامر؟ سامر يشوف لها بإستغراب وهي تحرك رأسها بمعنى قل أيوة، وهو هز رأسه: _ أيوة كدا، ص...صدفة حلوة إن انا شفتك هنا يا أسماء، ك..كنت بجي بكرة ومش فاهم الدرس حق اليوم.. صقر يرتعد من غضبه وغيرته على أسماء: تمام فهمنا، بس يا ويلك تهادره مرة تانية سمعتنا، المعهد كله عيال يعني ما لاقيتش غير أسماء تسأله! أسماء: صقر بس هدي قليل.. صقر شاف لها بغضب: ما بهدأش، هيا امشي قدامي يلا.. أسماء خافت وراحت طوالي، وهو راح ووقف قدام سامر وبيأكله بعيونه، وحط اصبعه على صدر سامر: _ اتحمد الله إنك تكلمه بمكان عام، لو كان بمكان تاني كنت قتلتك تسمعنا، وحسك عينك اشوفك مرة تانية تهادره.. وراح وسامر يبلع ريقه بخوف، أسماء تمشي وهي تلاعب اصابعها بخوف، وصقر صيح لها وهي خافت وتسمرت مكانها وتحس إنها بتموت، ولفتت له: _ انتي كيف تكلميه كدا لوحدك هاااه! أسماء بلعت ريقها بخوف: ق..قلت لك رحت اشتري سكريم وجاء هو بطريقي، بعدين أيش فيبه إدا كلمته يعني، زميلي ويشتي يسألني.. صقر بغضب: والله زميلك بالمعهد مش هنا، انتبهي اشوفك تهادريه مرة تانية يا أسماء تسمعينا.. أسماء: وأنته أصلًا من عشان تصايحني، أنته صح ابن خالتي واحترمك، بس اني معي أب واخ، وما بسمح لكش تصايحني كدا قدام الناس.. صقر مسح وجهه وهو يحاول يهدأ: شوفينا كلمتك وتحديرك معك، وأخوك وأبوك يلي تتكلمي عليهم راضيين إنك تسوي كدا؟ أسماء: ا...أيوة، ي..يعني ليش بيصايحوني وهو بس يستفسر على الدرس! صقر: يستفسر بالمعهد مش هنا، يسأل أي واحد من زمايله بالمعهد، وبعدين ليش انتي بالدات يسألك كه قولي لي.. أسماء توترت: الآن انته أيش قصتك يا صقر، ليش مضايقك الموضوع كدا؟ صقر: وعادك تسألينا ليش مضايقنا!، يا بنت افهمي لنفسك، بعدين فينهم زميلاتك يلي قلتي أجوا معك؟ أسماء تشوف يمين ويسار بخوف وأشرت برأسها: اندكوهم هناك، وبعدين أيش تقصد، إنني اكدب وجيت لهنا وحدي عشان أقابل سامر.. صقر: ل..لا مش قصدي كدا، بس.. أسماء: يا عيباه عليك يا صقر، دا واني بنت خالتك وأخت صديقك تتوقع مني كدا، يا عيباه عليك بس.. وراحت بخطوات غاضبة وهو شاف لها: ا...أسماء لحظة، أسماء راعي (بس أسماء راحت وهو فرك شعره) اووف يا صقر أيش سويت أيش.. أسماء تمشي وقلبت عيونها وحطت يدها على قلبها وجلست جنب سيارة: _ وااااي يا ربي واي، أيش كان بيحصل لو عرف أنني جيت لوحدي لهنا، وأن البنات دونه مش صديقاتي، واي يا ربي، هيييييي واي لو راح وقال لأيهم أنني هنا واي يا ربي واي(ووقفت وشافت لصقر يلي راح ناحي العيال، وهي تمط رأسها تشوف لهم وشافت أيهم يلي مستحيل تنكره وفزت بخوف) واي والله أنه أيهم، والله أنه أيهم أخي، اهئ اهئ يا ربي لو يقول له، يا ربي أيش . البـارت 183 ◇ جُــرح القـريب غـريب 💔 وطوالي راحت جري وخرجت من الساحل، صقر جلس وهو يرمي الرمل بغضب، حسام والعيال شافوا له، ما لك كدا رحت بوجه ورجعت بوجه تاني؟ أيهم: خاف الجن بدلوا نحنا فيبه..😂😂 وصاحوا ضحك، وهو شاف لأيهم: من جاء معك لهنا يا أيهم؟ أيهم: كيف يعني ما فهمتك؟ صقر: يا أخي اقصد من أهلك، أحد جاء لهنا، أو ابوك جاب أسرته لهنا.. أيهم: لا ما أحد جاء معانا، قد جيت معاكم أو نسيت، بعدين أبي معه شغل وما بيوديهم رحلة لهنا.. صقر عض شفايفه لمن حس إن اسنانه بيصطكوا ببعض، ليش أيش في؟ كمال طلع من البحر مع صفوان يلي يضحك، مله فين رحت وحنبتنا بأخوك.. صقر سكت وما رد، يا صقر ما لك هادرنا.. صقر: لا ولا شي، بس شفت هناك زي خالتي سوسن وأحسبه جت معاكم، شكله مش هي.. أيهم: شكلك تخيلت، بعدين يخلق من الشبه اربعين.. صقر هز رأسه وباين معصب ومزاجه انقلب مليون.. منصور يشوف لجراح الواقف قدامه، وجراح يشوف له، وهو شاف لمنى.. _ أيش دا معك؟ مُنى: دا آيس كريم جابهو لي الولد دا.. منصور شاف لجراح وخلع نظاراته، وعيونهم التقت ببعض، وأخذ السكريم من مُنى: _ كه هاتي دا، دا مضر للصحة يا مُنى (وشاف لجراح) إدا ما تشتي تضر صحتك لا تضرش غيرك.. جراح بإستغراب: ما فهمت أيش تقصد؟ منصور رمى السكريم لجراح يلي مسكه: قصدي دا، كيف تعطي طفلة سكريم زي دا تأكله، ما تعرفش أنه مضر للصحة! جراح: بس أنا ما قصدي شي، شفته جالسة وقلت أعطيه ياته بدل ما أرميه.. نوال وقفت مكانها لمن شافتهم يتهادروا ويدها على قلبها والثانية عند فمها من خوفها ورعبها، ليتك رميته أحسن من انك تعطيه ياته، دا سكريم منزلي، ومسحوق مضر ما تعرفش.. جراح انقهر: العفو منك إدًا.. منصور شاف له من فوق لتحت، ورجع شاف لمُنى، وانتي يا عمو لا تبزيش أي شي من شخص غريب كم مرة قلت لك.. مُنى: آسفة يا عمو ماكانش قصدي.. وحملها وشاف لجراح نظرة أخيرة وراح، ونوال قفت منه بسرعة وهو مر من جنبها وراح، جلست تشوفه ودموعها على خدها، وجاء بشار يجري.. _ بابا بابا، تعال نخش جوات المية شوية.. نوال فززت عيونها ومسكت قلبها،  لا يا روح ابوك، قدك تشوفنا لابس بوط ما أحبش ابلله، بز مُنى معك وروحوا العبوا هيا.. بشار راح مع مُنى، ونجوى صيحت: يا منصور (نوال لفتت لها) تعال يا حبيبي تعال، خد لك من دي البسبوسة هيا.. نوال تنفست بصعوبة، وهو راح وجلس جنب نجوى وبعد الكمامة من على وجهه (يمكن قلتوا ليش جراح ما عرف منصور وقد شافه بالتلفزيون، دا هو السبب لأن منصور كان لابس كمامة، أما نوال فقد عرفته طوالي وبتعرفوا ليش مستقبلًا) وشافت نجوى تأكله بيدها قطعة من البسبوسة وهو يضحك معاها وكريمة تضحك جيزهم، وهي قفت طوالي ودموعها تقطر للأرض، حطت يدها على رقبتها دليلًا على اختناقها، شافت لجراح يلي يشوف للسكريم ورماه للأرض وراح، وهي انقهرت وراحت جنب عدد من السيارات المصفوفة وجلست تبكي وتبكي ويداتها على فمها عشان لا يفضحها صوت نشيجها، ولا تزال تلك العينان تراقبهما من بعيد.. انزلق الدمع على خديها ليتقاطر كاويًا يديها، حست بالضيق والكدر، سمعت خطوات خفيفة بالكاد تُسمع، وقف وجلس على يمينها، شافت له، استغربت من جرأته بأن جلس بجانبها والمسافة بينهما قصيرة ويده تكاد تلامس يدها، عقدت حواجبها وهي تشوف له، رغم أن ملامحه مش باينه لأن في مشدة تغطي وجهه، كان يشوف للأمام ويده اليمين تستريح على ركبته، نوال تشوف للغريب باستغراب: _ خير.. لفت لها: أ...أنا..... . . رغد وشيمَاء يتهادرين بفرح، مش مصدقة إننا التقينا يا رغودة   رغد: واني والله العظيم، بعدين ما شاء الله اللهجة العدنية عندك قوية.. شيمَاء: قد تعلمت منك ومن هيام والبنات بالجروب حق الواتس أو نسيتي، عاد نفسي التقي بهن، متى أقدر اشوفهن؟ رغد: اممم، نحنا كلنا ندرس الصباح، وفي معهد ندرس العصر فيبه، تعالي ادرسي مع نحنا.. شيمَاء بفرح: من صدق!، يا ليت والله.. رغد: قدك جالسة ما معك شي ادرسي جيزك جيزنا.. شيمَاء: والله فكرة، بكلم بابي وإدا وافق بكلمك.. رغد: تمام حلو.. جوال شيمَاء رن وهي وقفت بخوف: دي أمي أمي، الو اماه.. نجوى: مله فينك يا بنت؟ شيمَاء: ا..اني ق..قدامك يا اماه قدام قليل.. نجوى: مله فين ما اشوفك، هيا تعالي أبوك يسأل عليك.. شيمَاء: طيب يا اماه جاية (وغلقت) دي أمي تصايحني لأن أول مرة نجي البحر.. رغد وقفت: خلاص سهل، إن شاء الله بنلتقي مرة تانية.. شيمَاء ضمتها: قد بيننا تواصل يا قلبي.. رغد: إن شاء الله.. وودعتها وراحت، جراح جلس عند العيال ومتضايق قليل، حسام وكمال وأيهم شافوا له، وشافوا صقر جنبه وكل واحد وجهه مكدر أكثر من الثاني.. . البـارت 184◇ جُــرح القـريب غـريب 💔 حسام: الليييه، شكل أصحابنا لفخونّهم الجن يا عيال😂😂 أيهم: واضح والله، الآن ما لكم يا جن صافنين ومتكدرين كدا أيش في؟ جراح: هاه، لا ولا شي، (وشاف لصقر) وأنته ما لك تقول ماتن زوجتك.. صقر: يا أخي حرام تموته وعاد انا ما تزوجته.. كمال ضحك: اهاااا، صاحبنا طلع عشقان يا عيال.. حسام وقف وأيهم بعده وتجمعوا دائرة حول صقر يلي يشوف لهم: م..ما لكم تشوفنا كدا؟ جراح: هيا قل لنا من هي يلي شاغلن بالك.. أيهم: مله قلبك يدق وما قلت لنا.. صقر: م..ما لكم أيش تقولوا.. حسام شده من كتفه لمن شاف له: هيا اليوم، والله ما بنتحركش من هنا لمن تكلمنا.. صقر: أيش تقولوا انتوا تتهابلوا صح.. جراح: هيا اليوم هيا لا تخبيش علينا يا صقر كمال: هيا نفسي أفرح بواحد منكم صقر: أقول لكم ما في شي ليش كدا مصملين حسام لف يده عليه وهو يتشطط: ح..حسام خنقتنا يا جني ف...فك.. حسام: للعشرة، يمين لو ما تقول لنا إن انا بقتلك هنا وما بتشوف حبيبة القلب، واحد والعيال يضحكوا، وهو يختنق ويطبع يد حسام، ف..فك لي يا جني خنقتنا..   حسام: خمسة، ستة.. صقر خلاص وجهه احمر: يا حسام خنقته فك له.. حسام: امانة ما افك له لمن يجاوبنا يا جراح، سبعة.. صقر: خ... خلاص بقول لكم بقول لكم.. حسام فك له وهو يكح بقوة ويتنفس بصعوبة: الله ياخذك يا حسام اح اح احححح، هاااااا وااااه ياماه.. كمال: هيا اليوم اتكلم.. أيهم: مله خارج نحنا يا صقر.. صقر بلع ريقه: ا...الصدق أيوة، ا.. أنا شكلي أحب وحدة.. العيال صاحوا وشافوا لبعض وقفزوا لفوقه وهو يضحك وهم يضحكوا.. حسام: يا حمار ولا كلمتنا.. أيهم: والله إنك بلا أدب ما كلمتناش وأنا ابن خالتك.. جراح: من متى عشقان يا ليد؟ كمال: هيا قل لنا من هي سعيدة الحظ.. صقر: حبة حبة راعوا، أنا ما بقول لكم لمن اتأكد إن الحب من طرفين تمام.. حسام: بس على كدا بنموت فضول.. صقر: لا والله ما تموت هو أنته، أنته عزرائيل بيسحب روحنا كلنا وتبقى أنته.. والعيال صاحوا ضحك، وصفوان جاء: صقر صقر اشتي اركب الخيل صقر: عيونه صقر ولا يهمك.. حسام سحب فلوس من جيب أيهم وهرب وأيهم صاح: ما لك يا جني أيش سويت.. حسام: سلف سلف أجيب الخيل.. كمال ضحك: داك طلع عزرائيل وزبلوط (سارق) كمان أيهم: هيا آخر يوم أجيب معي فلوس كتير.. صقر: قد هي فلوس زوج خالتي ما عليك أنته.. جراح: خلاص اليوم كل شي على حسابك يا أيهم.. أيهم انسدح فوق الرمل: يا حظك الطايح يا أيهم.. وهم ضحكوا، شويات وأجا حسام فوق الخيل، ولمار صاحت: الله،  دا حصان حلو اوي وشيمَاء شافت له: الله شوفيه محلاه! لمار: تعالي نشوفه هيا ووقفين وراحين ناحي العيال، رغد اتصلت بامها يلي جاوبت _ هاه رغد _ اماه فينك انتي؟ _ جنب السيارة الزرقاء، اندكوني هنا (وأشرت لها بيدها) رغد شافتها: خلاص بجي لك وغلقت وراحت لعندها ونوال تمسح دموعها: خليك قوية ولا تضعفيش يا نوال، ا...أيوة لا تضعفيش وابتسمت بفرح وهي تبكي، ومسحت دموعها وبينت نفسها أنها شامخة ومش مهتمة بيلي شافته قبل لأن الغريب قد ملأ قلبها بشيء جعل احزانها تغادرها.. رعد كان يمشي جنب الساحل، لابس بنطلون جينز لون زيتوني ضاغط وفنيلة سوداء قصيرة الأكمام، ويمشي وهو يسجر، ولابس نظارته الشمسية، جواله رن وهو شاف أنه القائد ورد وهو يمشي: حيا قائدنا، أيوة بعته كله، ولا يهمك، بكرة وبعده بجي، إدا تقدر ترسل لي بضاعة عشان ابيعه هنا بالليل بيكون حلو، أيوة رسلت السلاح للبيت، خلاص تمام، الله معك وغلق ومد يداته باين تعبان وشاف للبحر وسحب يده وحس إنها ارتطمت بشي وهي صاحت: ااااااه.. رعد:  العفو منك ما شفتك والله.. شيماء انحرجت لأن صابها بالوجه: لا عادي، ا.. اني يلي آسفة لأن ما شفتك.. رعد يشوف لها: ع.. عادي سهل.. شيماء هزت رأسها وراحت مع لمار وهو شاف لها ورجع يكمل مشي.. رغد وصلت لعند أمها: اماه أيش معك هنا جنب السيارات؟ نوال: ل.. لا ولا شي،  بس حسيت بغاثي وجيت لهنا، اتصلي بجراح خلونا نرجع البيت قد بيأدن المغرب.. رغد هزت رأسها واتصلت له ونوال دموعها تجمعوا بعيونها وهي تبتسم وباين الفرحة متقنعة لوجهها.. . . صفوان راكب فوق الخيل وحسام يمشي به بشكل دائري وهو يضحك من اعماق قلبه.. كمال همس لجراح: مش مصدق أن طفل بعمره يمكن يموت.. جراح: الله يشفيه، والله لو حصل له شي أن صقر بيروح فيها.. كمال: الله يستر إن شاء الله ربنا يشفيه م يشوف شر.. جراح: إن شاء الله يا رب شيمَاء ولمار وصلين، لمار قربت من الخيل: الله! الكل شاف لهن، حسام: تشتي تمسكيه؟ شيمَاء: لا شكرًا بس نشتي نتفرج عليه صقر: التفرجة بفلوس يا روح أمك😂 لمار: ايه، فلوس!، أنته بتهزر والا ايه... . البـارت 185 ◇ جُــرح القـريب غـريب 💔 صقر: التفرجة بفلوس يا روح أمك😂 لمار: ايه، فلوس! أنته بتهزر والا ايه.. العيال شافوا لبعض وأيهم ضحك: الله على المصري😂 لمار: انتوا بتضحكوا ليه، هو أنا قلت نكتة يعني! حسام: لا شكله مصرية يا عيال ونحنا مش عارفين شيمَاء: ولو مصرية فين المشكلة يعني؟ كمال شاف لها وجلس يتفرج عليها لبرهة من الوقت، لا ما فيش مشكلة.. جراح: أهدأ يا صقر، ما عليكم منهم يا بنات.. لمار: أنا عايزة أأجر الخيل دا عشان اركبو.. أيهم وصقر وحسام: أيشششش وشيمَاء ولمار فزين، أيش تركبي الخيل؟ لمار: أيوة وفيها ايه يعني! أيهم شاف لصقر: ايهييييي علينا، كدا شكلهم رجال يا صقر ونحنا مش عارفين شيمَاء: نحنا بنات بعشرة رجاله، بعدين في المشكلة لو ركبنا الخيل؟ حسام: يا بنت اهدأي، ساع جدي وتشتي تركبي خيل! لمار: اية قلة الأدب دي، ماتسكت يا واد، هو أنته ما بتسمحش لاخواتك يركبوا الخيل؟ أيهم: والله لا، نحنا ما نخليش خواتنا يركبين حصان، أصلًا ما اسمحش لأختي تطلع بالعباية دي وشعره نصه ظاهر لمار عدلت عبايتها وغطت شعرها: هو أنته ايه ما بتستحيش على دمك أيهم: يا بنت اقصري الشر وروحي لك من هنا يا مامي، هيا روحي شيمَاء مسكت بيد لمار ولمار سحبتها: هو البحر مكتوب باسمك يعني عشان تقول لنا كدا، مفكر نفسك مين صقر حط يده على خصره: مفكرين نفسنا أصحاب البحر دا أيهم ضحك وجراح كمان، وصقر طبع يد أيهم  وهم يصيحوا ضحك، وكمال يراقب الوضع بصمت وعيونه على شيمَاء لا غير، مُنى تلعب شوية قريب منهم وسمعتهم يتصايحوا وراحت جري.. شيمَاء: بلا أدب صدق حسام: قلبن يمني يا عيال😂 صقر: كه حولي تركي امانة عليك😂 لمار بغضب: ايه قلة الأدب دي، انتوا عيال مش مربايين خالص شيمَاء: صدق ما تستحوش، هيا نمشي من هنا ما عليك منهم لمار ويد فوق الثاني: مش هنمشي من هنا يا شيمَاء غير لما اركب الخيل حسام شاف للعيال: قالن اسمه شيمَاء يا عيال أيهم: ههااااي، شي ماء أو شي شاهي وجراح غطى فمه يضحك وصفوان وكمال يشوفوا لهم، شيمَاء عصبت _ والله بلا أدب صدق، انتوا كيف تتمسخروا علينا كدا، يعجبكم أحد يتمسخر على خواتكم زيكم.. جراح: ما عليكم منهم نحنا نعتذر و لمار بمقاطعة: والله ِ أنا هشتكي بيكو عند بابا حسام: روحي عند السيسي أحسن وصاحوا ضحك، وطلع صياحهم والصراخ، منصور يشوف للمار وهي تمد يداته بغضب وتصايح وشيمَاء كمان بس مش فاهم ليش _ ما لهم دونه؟ نجوى: أيش في؟ منصور: مدريش، بس شكل البنات يتصايحين جت مُنى تجري: عمو يا عمو  الحق لمار وشيمَاء.. منصور: ليش أيش في؟ مُنى: العيال يلي هناك بيتخانقوا معاهم.. نجوى وقفت: ايشش منصور: خليك هنا عند عمتك يا منى، أنا بشوفهم وراح وكريمة خافت: واي يا ربي أيش تقولي يا مُنى! نجوى: قلت لكم مش داعي نخرج رحلة شوفي يا اماه قده صياح من أوله . . كمال: يا عيال بس بسس ( وهم شافوا له ولمار وشيماء كمان) بس عيب تصايحوا البنات كدا ما لكم انقلبتوا فجأة كدا لمار: أصحابك قليلين الأدب كمال: أيوة عارف مش داعي تقولي لي، وأنا اعتدر منك انتي وصديقتك بالنيابة عنهم.. صقر: من وكلك تعتدر كه قل لي.. شيمَاء: هو مش عاجبك اعتذاره والا ايه.. منصور جاء: خير خير ما لكم تتصايحوا.. شيمَاء ولمار راحين وشيماء ضمته ولمار مسكت بيده: عمو عمو، بابا بابا.. منصور: ما لكن أيش في؟ حسام فرك شعره: شكلنا تورطنا يا عيال.. جراح شاف له وعرفه أنه يلي صايحه قبل لحظات لأنه كان مكمم عشان ما أحد يعرفه.. لمار: العيال يلي شايفهم كانوا بيخنقونا وتريقوا علينا اوي.. شيمَاء: وكمان سمعونا كلام مش حلو.. العيال كل واحد يشوف للثاني: ا..أيش تقولين انتين.. منصور تقدم ناحيهم: أيش سويتوا للبنات يا بلا أدب.. حسام: البنات يكدبين نحنا بس رفضنا نخليهن يطلعين فوق الخيل.. لمار: دا بيكدب يا عمو، العيال محتاجين تأدبهم.. أيهم: ما لك يا تأدبهم، نحنا مأدبين من بيتنا مش محتاجين من يأدبنا.. منصور: شكلكم عيال بلا أدب جالسين تتغزلوا بالبنات وتهاوزوهم.. جراح: لا مش كدا لا تتهمناش زور.. منصور: أنته داك يلي أعطيت مُنى سكريم؟ جراح التزم الصمت.. منصور يأشر لهم: انتوا تشتوا تربية من جديد.. كمال تقدم: لحظة لحظة يا أخ، شف العيال دونه مأدبين بس حصل سوء فهم بسيط.. منصور: أيش من سوء فهم؟ الكل يسمع له بهدوء وانصات، القصة وما فيها إننا كنا نلعب فوق الخيل وكدا، وجوا بناتك ما أعرفش أيش يقربوا لك ويشتين يركبين الخيل، وعاد تعرف إننا ما شفناش بنات يركبوا خيل من قبل (الكل يستمع له) وللأمانة البنات قليل يتكلموا مصري فما فهمناهم وجلسوا العيال يتهابلوا قليل