21&22
البارت الواحد والعشرون والثاني والعشرون -
حس بشي غريب ب الشغل ..
الحسابات غلط ب غلط ..
مبالغ كبيره تم اختلاسها ..
الوضع م يطمئن ابد فيه شي غريب ..
وقف وقرر يسوي اللي يخطط له ..
اخذ معطفه وجوالاته ونزل ..
وهو ياخذ كل درجتين بخطوه ..
فهد ب استغراب : وش فيك !
فيصل بدون م يناظر له : بروح غلاسكو انتبهه لنفسك ولامي
فهد : ليش ! فيه شي !
فيصل هز راسه بالنفي : لا بس هناك اوراق لازم اخلصها هناك ومقابله مهمه لاتشغلون بالك واذا وصلت باكلمك
وفتح الباب : بحفظ الله
فهد مو مرتاح حاس فيه شي : الله يحفظك وانتبهه لنفسك
- بعد 6 ساعات تقريبا -
كان يملاها التفكير ب المجهول ..
الشخص اللي خلف كل هالاشياء ب الشركه ..
قطع تفكيره ووقف امام اضخم شركات غلاسكو ..
بسرعه نزل من السياره متوجهه لمكتبه ..
دخل وتفاجاء ان الباب مفتوح ..
دخل بخطوات حذر ..
استغرب من اللي جالس ع كرسيه ويمتلك كل هالجرأه ب اخذ مكانه..
قرب وانصدم من الشخص..
توقع كل الاشخاص الا هالشخص
وبصراخ : هـنررررررررررري
التفت له ووقف ب رعب من صوته..
فيصل حس الدم متجمع بوجهه من العصبيه : ماذا تفعل هنا اياه الاحمق
هنري ب تلعثم : ااء لم افعل شي لكني كنت ابحث عن نسخه من الاوراق الضروريه ولكن لم اجدها ضمن الملفات التي جلبتها لي ..
فيصل رافع حاجب وكاتم غضبه : اي اوراق
هنري بربكه : ااء هي اوراق تخص اخر صفقه مع شركه الرائد
فيصل : شركه الرائد تم الانتهاء من العقود والصفقات التي بيننا ولم يعد هناك شي مهم يخصها ب الوقت الراهن
هنري ب خبث : اعلم ذلك لكني احببتت التاكد من بعض الاوراق
فيصل فهم الي بباله رغم خبثه وحب يمشي معاه ع اللي باله : اها شكرا لك انصرف الان
هنري بابتسامه خرج ..
وفيصل جلس بهدؤ ع كرسيه ..
يفكر بالي يصير ..
وبعد فتره قضاها ب التفكير ..
قرر قرار وبحزم قرر يسويه من بكرا ..
- ي ترى وش هو ! -
**
--
صحت من نومها ع صوت جوالها ..
رفعت الجوال بس كان رقم غريب ..
طنشته وقامت للحمام * وانتوا بكرامه * ..
توضت وبدلت ملابسها وصلت ..
شد انتبهاها جوالها وصوت رسايله المتكرره
فتحت اول رساله : *بسك نوم اصحي*
قفلتها وفتحت الرساله الثاني وهي مستغربه الرقم : *ردي علي وش فيك !*
فتحت الثالثه بفضول اكبر : *اسف م اعطيتك رقمي . بدر *
سندت راسها ع السرير وهي تتذكر امس ..
* طلع من جيبه علبه بيضاء صغيره ..
نزلها بحضنها ..
وهمس ب اذنها : افتحيها
اخذت منه العلبه بيدين ترجف وفتحتها وبشهقه : ااآ ساعتي
هز راسه ب الايجاب
افنان منزله راسها : كيف لقيتها !
بدر بضحكه : لما طحتي عند الباب باليوم الي ضاعت منك
افنان رجفت من هالطاري خافت يفهمها غلط : والله صدمت فيه ب الغلط ولا اعرفه ولاشي قسم بالله م اكذب
وبدا صوتها يتغير والغصه تسد ححلقها ..
تحارب دموعها م تنزل ..
بدر ضمها من اكتافها يهديها : انا الي صدمت فيه
بشهقه : جججد
: والله *
رجعت تناظر جوالها
وبتفكير : ي ربي وش ارسله
: ترسلين لمين
افنان : اآآ ولااحد
جلست ع السرير : بدر !
افنان لارد
رنا ضحكت : طيب وش ارسلك
افنان ناولتها الجوال بدون م ترد
رنا اخذت منها الجوال وبابتسامه واسععه : امم شوفي لا تقولين له حبيبي وكذا من اول مره طيب
وارسلي له * صباح الخير اسفه والله م قدرت ارد لاني م ارد ع ارقام غريبه *
افنان اخذت الجوال وبدت تكتب له نفس م قالت
وبنفس الدقيقه رن الجوال بيدها
ارتبكت : وش اقوله حطيتني بمشكله
رنا تهديها : ريحي نفسك بعدين اعتبري كانها مكالمه عاديه لاتتوترين اكيد ب اول مكالمه بتكونين كذا
افنان : يعني ارد !
رنا وقفت : اي
خرجت وقفلت الباب وراها..
ناظرت بالجوال ابتسمت لما قفل ..
وسرعان م تلاشت الابتسامه الي تحولت الى ربكه..
اخذت شهيق وزفير طويله ..
ورفعت الجوال وردت : الو
: اهلين حي الله هالصوت
بصوت شبه مسموع : الله يسلمك
بدر بضحكه : قربي السماعه عند فمك عشان اسمع صوتك عدل
افنات : ان شاء الله
بدر : كيف الحلو اليوم !
افنان : الحمدلله كيفك انت !
بدر بابتسامه : الحمدلله بصوتك
وسكتوا شوي
بدر : اسالك سؤال !
افنان بفضول : امر
: مايامر عليك عدو بس لما اعطيتك الساعه امس حسيت ب الفرحه بعيونك لدرجه استغربتها وش سر هالساعه
افنان بابتسامه ع ذكرى الساعه : الساعه من جدتي الله يرحمها اهدتها لي قبل م تموت ب شهرين
: الله يرحمها بس حسيت ان لك مكانه عظيمه عندها لان الساعه فيها الماس ومنحوت عليها اسمك
افنان دمعت عينها : كانت تقول انتي تشبهين امك حنونه وطيبه تعاملها الطيب معي حتى كانت تفضلني ع بنات اعمامي كلهم
بدر : تستاهلين ي عيني
افنان بخجل وهمس : شكرا
بدر تذكر شغله : يلا استاذنك الحين عندي شغل
افنان : الله يحفظك
بدر : ويحفظك ي روحه وقفل
**
--
اكثر من نص ساعه وهو جالس ينتظرها
وجلس يتكلم مع نفسه * معقوله م لبست للحين انا شفتها لبست وحطت روج وكحل واخذت شنطاتها *
وقف من دون تردد واتجهه للغرفه ..
ناظر الغرفه ب استغراب : وينها
اتجهه للحمام وانتوا ب كرامها م كان فيه احد
كان مصدوم من تفكيره * معقوله هربت * ..
اتجهه لغرفه التبديل وكانت اخر محطه امل له لانها م خرجت من الغرفه ..
نزل يده م مقبض الباب ..
وبتردد من انه ينصدم فيه ..
تركك مقبض الباب بس سرعان م رجع وفتحهه..
: هـ هـ همس وش فيك
كانت متكوره ع نفسها ب زوايه الغرفه ..
وتبكي ولما سمعت صوته تعالت شهقاتها اكثر..
جلس جنبها : وش فيك !
همس من بين شهقاتها : فـ فـ فيني ااءءء انت
ورجعت تبكي بصوت عالي
ضمه لصدرها يمكن تهدا
حاولت تبعد بس م تركك لها فرصه رفعت وجهها ونظرات برقبته بنظرات غريبه م قدر يفسرها
رجعها يبيها تهدا ..
بس
صرخت بوجهه : اتركني ي قرف
استغرب وش تقصد بس سرعان م اشرت ع رقبته..
ناظر فيها بنظرات استحقار ..
تركها ورمها بعيدعنه وكانها شي مقرف : وصارت الحروق شي يقرف
وبسخريه تكلم وهي يدوس ع قلبه الي يرفض انه يتكلم : لعلمك انتي القرف بس وش اسوي قلبي رحيم م اقدر اخليك كذا والا انتي م ينطل بوجهك
عصبت : طيب ليش كنت تموت علي
ضحك : انا انا اموت عليك لا خفي علينا ي الواثقه
وناظر ب ساعته
: اوف تاخرت
وبدون م يناظر فيها وهو يتجهه للباب : هي دقيقتين م جهزتي فيها اروح عنك واقول لاهلك رفضت تجي معاي تقول م تبيكم تبي تجي
وششد ع الكلمه : تبي تجلس ببيتها
وقفت : من قال لك اني برجع لك تحلم بس انا بقول لاهلي عن كل شي
محمد بتحدي وثقه : فيك خير قولي لهم بس كلمه وحده والله لاقلب السالفه عليك واخليك تندمين طوال عمرك وتخسرين اهلك عاد بكيفك !
وخرج من الشقه وتركها
ناظرت ب المرايه ومسحت دموعها وعدلت كحلها ونزلت وراه تخاف يروح ويتركها
- ي ترى بيجلس حالهم كذا ! والا يطلقها ! -
عذري اني احبك لو تموت الاعــذار وعذرك انـك تحس وتدري اني ابيك المهم أن غيرك ماله اي اعتبار كل قلبي خذيته انت مالك شريك صرت من زود حبك من محبتك اغار شفت وش كثر احبك حسبي الله عليك
**
--
**
تحضر مع الخدم وتجهز مستانسه بجيه اختها ..
جلست ع طاوله الطعام ..
وبتنهيده تعب : اوف م بغيت اخلص
دخلت ام نواف وبابتسامه : رغوده
رغد ب ابتسامه عريضه : لبيه
ام نواف جلست جنبها : الله يرضى عليك
وسكتوا شوي ..
رغد استغربت حركات امها : يمه فيك شي مو ع بعضك !
ام نواف: الصراحه ابيك ب موضوع بس مو هنا
رغد ضحكت : لهدرجه خطير يمه
ام نواف بضحكه : يقطع بليسك
ووقفت : قومي معاي
قامت معاها واتجهوا لغرفه ام نواف
دخلت رغد وام نواف قفلت الباب
رغد ب استغراب : الوضع م يطمن
ام نواف جلست ب جنبها : اتركي عنك الهبال وب اكلمك ب موضوع جد
رغد : تفضلي يمه
ام نواف : يمه انتي موصغيره كبرتي الحين وحالك حال خواتك ولازم كل وحده تروح لبيت زوجها وفيصل ولد عمك خطبك
رغد فهمت الموضوع وانصبخ وججها احمر وبنفسها * الا فيصل يمه *
ام نواف ب ابتسامه : ها يمه وش قلتي
رغد بفهاوه : ب وشو
ام نواف : بتوافقين
رغد وقفت : اسف يمه بس مو موافقه
ام نواف بصدمه : ليش !
رغد : كذا مو موافقه وم بتجبروني
ام نواف جلست بصمت
ورغد طلعت وهي تفكير ب الموضوع بس مقتنعه برايها * مستحيل اتزوجه لايكون يبي يعاقبني ع طلعتي وياه هه والا المصادفات الي صارت انا مو غبيه عشان اوافق ي فيصل *
**
--
متلحف وجالس ع الكنبه وبحضنه الاب ..
يتصفح الاسهم واخبار الشركات ..
انتبهه لشاشه جوال تنبهه ان فيه مكالمه..
لانه كان ع الصامت اخذه ومن شاف الاسم بدون تردد ..
رد : الو . اهلن بك . حقا . شكرا لك
رجع للاب بسرعه وشغله كان مركب كميرا مراقبه بمكتبه ..
ويشوف كل الاحداث من الاب تبعه ..
شهق بصدمه : ي ..... ي.....
فهد فز : وش صاير
فيصل ناده ..
وكانوا يناضرون مصدومين من الي يناظرونه
التفت فهد ل فيصل : هذا ال. . من وين طلع
فيصل بتحدي : هو الي بدا والبادي اظلم
فهد بعصبيه : م كفاه الي سواهه
فيصل بابتسامه : م في داعي للعصبيه بيندم وبتشوف
فهد : وش فيك بارد ترا هـالـ.... هذا بشركتنا وسكرتيرك معاه وصرخ بوجهه
فيصل بضحكه : الشر م بيدوم بعدين قلت لك لاتعصب م في شي يستاهل
وقام من عند فهد ..
الي كان مصدوم من حركته وبرودهه ..
فيصل خرج الحديقه وهو يكلم بجواله : هلا والله . الحمدلله . كيفكم انتوا ! . اسف والله هالايام مشغول ب الشركه . امين ي رب . هههههههههههههههههههه . جد . الله يبارك فيك . خلاص اتفقنا بكره . يلا بحفظ الله
رجع ركض للقصر وهو ينادي ع امه وفهد
فزو وبخوف وصوت واحد : وش فيك
فيصل ب ابتسامه : باركوا لي
فهد رافع حاجب : ع وشو
ام فيصل : مبروك يمه بس ليش !
فيصل : وافقت
فهد بفرح : ع البركه ي الغالي ع البركه
: يبارك فيك
ام فيصل : مبروك يمه مبروك
وبدت تبكي
التموا عليها : يمه ليش البكا الحين
ام فيصل من بين دموعها : من فرحتي والله
فيصل بضحكه : لو اعرف ان دموع الفرح بتنزل عشان هالخبر سويته من زمان
فهد بضحكه : طيب وانا ي الغاليه ابي اتزوج طبعا الصدق غيران من فيصل
ضحكت ام فيصل وفيصل ع شكله
ام فيصل بابتسامه : لاتخاف يمه انت الحين قوم ب السلامه والعروس جاهزه
فهد بضحكه : ترا امزح والله
ام فيصل : مو ع كيفك ي الشايب بتتزوج غصب عنك
فهد : الي تامرين فيه بس ترا جرحتني لاني بعز شبابي مو ب شايب
فيصل بضحكه : ي واثق
بهالمناسبه عزمهم فيصل بمطعم و خرجوا يتمشون
- كيف وافقت رغد وهي رافضه ! -
**
--
**
نزلت من السياره وبسرعه دخلت الفلا ..
وهي تركض صعدت لغرفه اشتاقت لها كثير ..
بس مو قد الي يسكنون فيها..
فتحت الباب وراحت تضمها وهي تبكي
: همس يمه
همس ووجها كله دموع : اشتقت لك يمه
ام نواف دموعها تنزل بصصمت وكل شوي تضمها اكثر : كيفك يمه ! مرتاحه
همس تنههدت وخافت تقول لها وينفذ محمد تهديده : لا اةبالعكس الحمدلله بس اشتقت لكم ابيك م ابي اتركمم
ام نواف بشك : يمه اذا فيك شي قولي لي عادي ان امك
همس بابتسامه مصطعنه : ريحي بالك يمه
وقفت : الحين بروح اشوف رغد والبنات مشتاقه لهم
وخرجت تحت انظار امها الي مو متطمنئه عليها
: هههههمس
التفت وبشهقه : ر غ د
ضمتها رغد وهي تبكي : اشتقت لك ي روحي
همس وهي تشد عليه : مشكوره ي رغد ع اللي سويتيه الله لايحرمني منك
رغد تركتها وهي تناظر فيها ب ابتسامه : ولامنك
وسحبتها من يدها : تعالي نروح للبنات
توجهوا لدرج
: همس
التفت ودمعت عيونها لما شافتها
بس التفتت للجهه الثانيه
: تو م نور البيت كيفك!
صدت عنه وكانت بتنزل
شد ع يدها : وين !
همس ب شهقه بكا : حرام عليك الي سويته رمتني وشكيت فيني وظلمتني ي اخوي ظلمتني
نواف : كل واحد ب مكاني بيسوي كذا واكثر يعني رده فعل طببعيه
همس مسحت دموعها بطرف اصابعها : تقولها ب كل هالبساطه ي برودك دمك
ناظر ب رغد : روحي ابي همس بكلمه
تركتهم ورجعت لامها
التفت لها : امشي معاي نتفاهم
صدت عنه وكانت بتنزل : اسف م بينا تفاهم بعد كلامك
نواف : وانا وش قلت
همس خانتها دمعه قهر من بروده : لا ولاشي ي اخوي شكيت فيني كانوا يفهمونك لكن كنت مصر ع اني سويت اللي بالك رميتني وكاني م عشت معاكم كل هالسنين وم كانكم انتوا الي ربيتوني
وبصراخ : يكفي حرام عليك
لف يدها خلفها ومن بين اسنانه : لا ترفعين صوتك علي فاهمه
همس ب الم : فك يدي تالمني
نواف : تستاهلين وثاني مره م ترفعين صوتك علي ولاتتجاوزين حدودك والا
: والا وشو
صرخت ب المم : اترك يدي وطاحت وهي تتاوه من الالم
ركض لها : اتركهها وكف شرك كفايه م شفنا منك
نواف بسخريه : وطلع لك لسان ي محمد
محمد من عصبيته حس الدم متجمع بوجهه : لساني م ينطق الا لحاجه
وناظر فيه نظرات م فهمها : مو زي بعض الناس م سلم احد من لسانهم لا كبير ولاصغير
نواف من بين اسنانه : احترمم نفسك
محمد وقف همس : محترمها من قبل م اشوفك
واخذ بيدها واختفوا من انظار نواف المقهور
: تحسين ب شي
متكوره ع نفسها : اتركوني
مسك بيدها بس صرخت بوجع : اه آهآآه
ترك يديها : وين الي يالمك
دفنت وجهها بيدها وهي تبكي وم ردت عليه
مسك يدها بخفه ورفع عنها جاكتيها
وعيونه مفتوحه ع الاخير : قومي نروح المستشفى شوفي كيف لون يديك
ساعدها توقف ورفع شالها ع راسها وهو ضماها له وخرجو..
لا أعلم أيهما أفضل
البقاء بقربكك , او مغادرتك
بذاكرة تملوها أنت بكل تفاصيلك !
ولكن في كلآ الحالتين
بك آنا دوماً متعب
**
--
**
دخلت المطبخ و جلست ع الطاوله ..
رفعت يدها لقلبها الي تتسارع نبضاته كل شوي ..
تحس فيه شي غريب صاير ..
خايفه م تعرف ليش استودعت الله ومسحت ع وجهها..
: ر رغد
التفت لها : هلا
جلست جنبها وبحنان : فيك شي يمه !
هزت راسها ب النفي : لايمه
ام نواف بتردد : رغوده بقولك شي بس لاتتضايقين
رغد تاكدت انا شكوكها ب محلها وبخوف : صاير شي يمه
ام نواف بكلمات سريعه : ابوك اعطى فيصل موافقتك
وقفت بصدمه : ببس انا م وافقت
ام نواف جلستها : فيصل مشاء الله عليه ولد م ينرد وكل بنت تتمناه
رغد دمعت عيونها : حرام يمه ليش تجبروني اخذ واحد م ابيه
ام نواف ب ابتسامه : يمه ابوك يبي مصلحتك واكيد انه شايف انه الانسان المناسب لك
رغد والدموع تملا وجهها : ابوي وافق عشاني والاعشان عنده فلوس
ام نواف ب شهقه : وش هالكلام
رغد وقفت وتحس هموم الدنيا كلها ع راسها : لا هذا الصدق بعدين يمه انتوا مو فاهمين شي
قطع كلامها كف قوي طيحها ب الارض
: ي قليله الادب تقولين عنا كذا بعدين وشو الي مو عارفينه هاه
ام نواف وقفت : ي ابو نواف هد حالك بعدين الله يهديك البنت صغيره م تعرف مصلحتها
ابو نواف بعصبيه : بكره بيجونا هو وامه جهزي نفسك والا والله م تشوفين خير
وبصراخ : فاهمه
خرج بدون اي شعور ورغد بعد محاولات ..
وقفت وهي ترجف حطت يدينها على وجها تمسح دموعها..
سحبت هواء وطلعته بشكل متكرر..
ضاقت بها الدنيا وهي تسمعهم يخططون لبكره وملكتها الا غصب بتصير ..
صدت عنهم كلهم وراحت لــ الدرج تركض...
تبوني اموت وأنا اسمع خططكم وتجهزاتكم..
تبوني أصبر لاهاناته عشان مره انقذني فيها ..
لا والله...
- تتوقعون بيستمر بيتم زواج رغد والا ! -
**
--
**
جالسة في غرفتها مركزة عيونها في الفراغ..
وما أنتبهت لبنتها الي نامت بحضنها ..
عاشت بذكرياتها مع نواف الي اغلبها قسوه ..
خذاها الخيال لبعيـــــــد لو كانت حياتها بدون قسوته ..
هتفت بحسرة بداخلها * حرام عليك يا نواف تعذبني* ..
ياما تخيلت هالشيء..
وقلت بكرة بأصحى وألقى كل شيء كذب..
ويمر يوم بدون قسوتك ..
اتمنى انك تحن علي زي امي وابوي الي فقدتهم..
وبدت تبكي بنحيب ..
هذا حالنا لما نفقد غوالي..؟؟
نظل ننتظرهم لما يرجعون..
ولو بالحلم نبيهم يرجعون ..
او نلاقي ناس ب حنانهم ..
ونأمل نفسنا..
ونعيش لحظات معهم من صنع خيالنا..
ونردد من غير وعي..بكــرهـ يرجعون ..ونشكي لهم مرارة فقدانهـ ..
شهقت ب الم : الاموات م يرجعون وابوي وامي م بيرجعون حتى نواف م بيتغير
اهلي ماتوا..
وم بقى لي احد..
يارب إرحمهم وأفتح لها أبواب الجنة..
رفعت يدها على فمها تمنع شهقاتها ..
نزلت ايان على سريرها الكبير..
وحاوطتها بوسادات عشان اذا تحركت لا تطيح ع الارض ..
وتوجهت للحمام وانتوا بكرمه واخذت لها دش سريع وتوضت ..
وفرست سجادتها وبدت تصلي..
تبي تنسى همومها ..
**
--
**
من خرجوا من المستشفى والجوا كل شوي يبرد ..
والثلج بدا يطيح ..
نزل جاكيته من ع ظهره ولحفها فيه ..
محمد : الجو بارد ويدك لازم تتدفا
همس لارد
سكتوا فترهه ..
بدون م تلتفت عليه : كم بقى ونوصل !
: تقريبا نص ساعه
جت بباله فكره : وش رايك بهالنص الساعه اسالك وتساليني عن اي شي بقلبك !
: طيب
محمد بابتسامه : طيب ابدي انتي !
همس بتفكير : اءء مم طيب وش سبب الحرق اللي برقبتك !
محمد سكت يسترجع الذكرى المرهه لسبب هالحرق : مم تقدرين تغيرين السؤال
همس ب فضول : م عندي سوال غير هالسوال
محمد سكت شوي : اتمنى اذا قلت لك السبب م يعرف انسان ع وجهه الارض لان م احد يعرفه غير امي فقط
ب استغراب : ان شاء الله
لف وجهها له : توعدني !
نزلت عيونها من عيونه الي التقت لللحضات : وعد
ضم يدينها البارده وتنهد : قبل زمن يمكن وعمري 11 وانا ب خامس او سادس ابتدائي كنت اروح دائما لجيرانا ب الحي الي كنا ساكنين فيه قبل تذكرينه
هزت راسها بالايجاب
تنهد تنهيده الم وكمل: كانت جارتنا معاملتها لي طيبه مررهه وكنت اذا ضايقوني عيالها اقولها وهيي تضربهم او تهزئهم وكان عندها ولدين واحد اكبر مني كان بالثانوي واحد بعمري المهم نادني الكبير وقال لي تعال غرفتي ونلعب وكذا قلت طيب بحسن نيه وبراءه طفوله
شد ع يدنها : و
قاطعته : اسف ذكرتك والسالفه شكلها اليمه اذا بترجع لك سالفه قديمه م تبي تذكرها انا اسفه وقفل السالفه
ضمها له : تعرفين انا م قلت لك السالفه الا لاني احبك م ابي اخبي عنك شي وانتي وعدتيني تضل هالسالفه بينا
همس : وانا عند وعدي
: وين وصلت
وتذكر : ايه ايه المهم طلعت معاه ولما دخلت الغرفه قفل الباب مرتين
استغربت ليش قفله وسالته بس م رد علي الا ااءءنه
همس : وشو !
قفل عيونه وبالم : شد بنطلوني وكان بينزله بس صرخت وم سمحت له وكنت اصعد ع السرير واركض وهو يلاحقني اخذ حديد المدفاءه وكان يلاحقني فيها يههددني بس انا م وقفت له وركضت للباب وفتحته ولما كنت ب انزل رمى عليالحديده وجات ب رقبتي ومن هذاك اليوم لليوم م اعرف عنهم شي
سكتوا شوي واستغرب سكوتها..
التفت عليها وشاف اادموع بعيونها : وش فيك
: اسفه ذكرتك والله ترا م احب اجرح احد اوكذا ولما قلت لك عن الحرق الي برقبتك يعني
قاطعها : عادي عادي بس زي م وعدتني خلاص
همس : ان شاء الله
محمدب ابتسامه : يلا وصلنا الفلا مسحي دموعك
مسحت دموعها بطرف يدها اليسار. .... وفتح لها الباب ونزلت
دخلت بهدؤ..
: هـ هـمس
التفت وبابتسامه راحت تضمهم
بس شدوا ع يدها صرخت : آآه ابعدوا
شالت جكيت محمد من ع يدها..
رغد بشهقه : وش هذا
ميهاف فاتحه عيونها ع الاخير : لايكون مـ محمد
همس صدت عنتم تحس بتعب تبي تجلس
جلست بهدؤ ع اقرب كنبه : نواف
رغد بصدمه : نواف ! ليش !
همس بنبرات تعب : ابي ارتاح تكفون بلا هالاسئله
ريم بحنان : طيب اصعدي غرفتك ارتاحي مو هنا وبجيب لك كاس مويه ومهدي اذا تالمك
همس ب ابتسامه : ي لبى لاتسلمين بجلس معاكم احس ان لي شهور م شفتكم
: همسوهه
التفتوا لها وهما يضحكون
ركضت لهمس وضمتها
همس بالم : اه وجع
لمى فزت وب استغراب: وشفيك
همس تاشر ع يدها
لمى فاتحه عيونها ع الاخير : ممستحيل يسوها محمد ! محمد يحبك !
همس : مو محمد ولاتسالوني ليش بليز
لمى سحبت طاوله صغيره وجلست مقابلها : هاكيف الزواج ! وكيف محمد !
وغمزت لها : قولي لنا ب اهم الاحداث
همس احمرت خدودها وم ردت
ريم بضحكه : يومين تغيرتي فيها صرتي تستحين وضحكت
همس وهي تخبي وجهها : وجع
ميهاف : لا جد جد كيف الزواج اعطينا نصائح لان فيه ناس مقبلين ع الزواج وكذا
خزتها رغد لانها عرفت انها هي المقصوده وقامت تركض لغرفتها ..
وواضح انه انعفس وجهها ودموعها الي م تخبت عنهم..
همس ب استغراب : ميهاف وش صاير ل رغد
ميهاف ب ابتسامه : ولاشي
قطع عليهم صوت تلفونها : الو . هلافيك. الحمدلله بخير . طيب بس وين . لوحدك ! . يلا
وقفت وهي تناظر ب ميهاف : برجع استجوبك وش سالفه رغد
ميهاف بضحكه : روحي لحبيب القلب وانتي ساكته
ريم : ولاتسون حركات من هنا ومن هنا ترا انتوا ب مكان عام
لمى بضحكه : ايه يمكن اي احد يشوفكم وتعرفون الاغلبيه عزابيه راعوا المشاعر
خرجت همس ووججها كلها احمر من كلامهم..
وقفت ب الحديقه بس م ككان موجود
: هه تنتظرينه
التفت له ولا تكلمت ب كلمه
نواف : والله ي همس وفضلتيه ع اخوك الي من لحمك ودمك
همس : تكفى اتركني م ابي مشاكل
نواف بسخريه : يعني بتقنعيني الحين ان م عندك مشاكل من قبل
همس جلست وم ردت تحاول تتجاهل ..
ناظر ب محمد الي متجهه لهم : شرف الاخ
وجلس محمد ولا كانه احد واقف : كيف يدك
همس : الحمدلله بخير
انقهر من حركة محمد ودخل الفلا وهو معصب..
محمد ب ابتسامه : عسى بس م ضايقوك البنات
همس : لا ليش
محمد بضحكه : اي صدقت م قالوا شي ولاسمعت شي
همس انصبغ وجهها احمر : سمعتهم !
محمد هز راسه ب الايجاب
همس : ليش تشوف البنات
محمد غمز لها : تغارين !
همس : رد ع سوالي
محمد : والله م شفت احد بس وانا طالع سمعت صوتكم خاصه لمى
همس شهقت وخبت وجهها بيدينها
ضحك محمد ع حركتها : كل هذا خجل !
همس لارد
ضمها وهمس ب اذنها : احبك
: ها وش قلت لك ي همسوهه
فزت همس وم ناظرات فيها
محمد بعصبيه : وجعع
لمى : اوه قطعت عليكم الجو اسفه والتفت لهمس
وغمزت لها : وش قلنا لك قبل م تخرجين
همس لارد
محمد وهي يستهبل بصوته : لاتسون حركاتك ترا فيه عزابيه راعوا مشاعرهم
لمى شهقت واحمر وجهها من الخجل : م قلته
محمد بضحكه : اكذب اذوني
لمى انصبغ وججها احمر ..
ورجعت للفلا بدون م ترد ..
كثرْ المططَر ر ر ,
كثرْ الششّجر ,
كثر الضّيآعْ بسسَآحة الْع م ر ,
كثر المَللْ ,
كثرْ الغيآ آ آ بْ اللّيْ رسسَى فيْ موططنيْ ,
كثرْ الآمآنيْ الليْ تطُوفْ بممَرسسميْ ,
كثر ال آنآ فيْ ضحكتيْ ,
كثرْ الرّحيْل فيْ بسسْمتك ,
آ ح ب كْ . . . . !
واعشششششقك ,
**
--
تحس ب هموم الدنيا ع راسها ..
القرار الي اتخذه ابوها عنها حمل كبير عليها
خاصه من فيصل ..
: وش في الحلو زعلان
رغد بتنهيده : ولاشئ
جلست جنبها وضمتها : انا ميهاف الي م تخبين عنها شي
رغد بلاشعور ضمتها وبدت تبكي
ميهاف بخوف : رغوده وش فيك
رغد لارد وكانت ع حالتها
ضمتها ميهاف بقوه وهي تقرا عليها
: وش فيكم !
ميهاف والدموع بعينه : رغد م اعرف وش فيها
لمى بخوف : رغوده حبيبي
رغد لارد ع حالها
اخذتها لمى ب الغصب للحمام * وانتوا بكرامه *
وغسلت وججها وسمت عليها ..
جلست رغد ع السرير ..
ولمى مقابلها وميهاف جنبها..
لمى ب ابتسامه : قلبي رغوده وش فيك !
رغد ب همس : بيجي فيصل وامه بكره
ميهاف بفرحه : وافقتي
رغد هزت راسها ب النفي
لمى ب استغراب : كيف يجون وانتي م وافقتي !
رغد بشهقه بكا : ابوي بلغهم موافقتي وانا م وافقت وجبرني
لمى : ليش م تبينه مشاء الله كل شي حلو فيه
رغد ودموعها ب ت تنزل : اء هو يبي يعاقبني لما خرجت معاها ولما صادفته وسولفت معاه متاكده
ميهاف فاتحه عيونها : لو تتجاهلين تفسيراتك بتكونين بخير لان مو هذا اللي بباله
لمى بحنان : رغوده صح انتي م وافقتي بس عسى ان تكروا شيئا وهوخيرا لكم واذا تبين الصدق فيصل م فيه منه بس انتي مخرب عليك الموضوع تفكيرك
ميهاف ب ابتسامه : قسم ب الله كلامك بمحله
لمى : طيب حددد معاهم شي
رغد هزت راسها ب الايجاب
لمى : متى!
رغد ناظرتهم بعيون كلها دموع : بكرا
ميهاف بنفسها * م الومك ع الي سويتيه الله يعينك * : اي عادي نجهزك
لمى ب ابتسامه : اصلا حلوه م يحتاج لها تجهيز صح ي رغيد
رغد ابتسمت من بين دموعها : وجع اسمي رغد
ميهاف ولمى ضحكوا ..
ميهاف : يلا ي قميل ابتسامه عشان نحس اننا سوينا شي
لمى فزت بحضن رغد: اي يلا
ضحكت ع اشكالهم
لمى باستها : ي لبى ي لبى وضحكتي
ميهاف : يلا نختار لك لبس
لمى بصراخ : لالا انتظروا اقولكم وش صار معي مع همس ومحمد
وبدت تحكي لهم..
**
-
**
جالس بحديقه الممشى يناظر الي يمشون ..
ابتسم ع اشكالهم الي يلعب مع عياله ..
والي شابكك يدينه بيدين حبيبته ويمشون ..
والي يمشي ب امه الكبيره ب السن والمقعده..
شد انتبهه شخص شبهه عليه
بس من قرب تاكد
وبصراخ : رائد رائد
يسمع اسمه بس م يعرف من وين ..
وكل م قرب زاد وضوح الصوت..
: رائد
التفت له : فهد
فهد ب ابتسامه : تعال
رائد : وش فيك جالس هنا لوحدك
فهد يلعب ب الععشب : الطفش وانا اخوك
ورفع نظره ل رائد : اجلس الا اذا انت مشغول
رائد ب ابتسامه : اي شغل الله يهديك
سكتوا فتره..
فهد بتردد : مم رائد
: هلا
فهد : اذا كنت تحب شخص ب الحيل وقضيت معه سنوات مو سنه وخانك
رائد جلس مقابله وبحماس مع السالفه : هالشخصين زوجين
فهد هز راسه ب النفي
رائد : م يبي لها اي تفكير بما انه خانه بعد السنوات هذي ولايفكر اصلا فيه البعد منه راحه لانه اذا فكر انسان يرتبط اهم شي يتاكد ان هالشخص مخلص
فهد تنهد : الله كريم
رائد بتردد : انت
فهد لارد
رائد ربت ع كتفه : شوف وانا اخوك كل واحد بيواجه بهالحياه عقبه كبيره واكبر من كل عقبات حياته لابد انه يتجاوزها ولايفكر فيها بقلبه يفكر فيهابعقله
فهدابتسم له : الله يريحك قد م ريحتني بكلامك
رائد : ترا م فيه الم قد الي يضحي بانسان يحبه عشان مصلحته وكل الطرفين يتعذبون
فهد بعد صمت طويل : رائد انت تحب صح
رائد ب ارتباك : لا
فهد ب ابتسامه : والله تحب لاتكذب واعرف مين كمان
رائد بحزن واضح بعيونه : الله يستر عليها خلاص كل واحد الحين بطريق
فهد : ليش كل واحد بطريق للحين م انهيت الموضوع بشكل رسمي
رائد : قريب ان شاء الله
فهد ب ابتسامه : اقولك شي ي رائد اعرف انك م ققدت الذاكره والدليل كلامك هذا
رائد رفع عيونه بعيون فهد مصدوم : هالشئ بيني وبينك
فهد : اوعدك بس وش سالفه التظاهر ب انك فاقد الذاكره
رائد نزلت دمعه من عينه :آآءء لآني
- ي ترى وش في رائد ! ليش يتصنع فقد الذاكره ! -
**
--
من فتره والتلفون يدق و م احد يرد ..
اخذت التلفون بعصبيه وردت ..
: ننننننعم
بضحكه : حشى مو بنت اشك انك بويه
: هاهاهاها بدروه اخلص وش تبي
بدر : بدروه بعينك اسمي بدر وثانيا اسالي امي وش ناقص بالبيت عشان اجيبه
: طيب انتظر شوي ب اوصل لها التلفون
بدر : طيب انتظرك
- بعد دقيقه -
يضحك من قلب ع صراخ امه و مرح ..
: ي مسوده الوجهه وش مسويه عشان تركضين كذا اعرف ان وراك بلوهه
مرح تسترجع نفسها : ي تيته والله م سويت شي
: وش تيته تيته ! بعدين تكذبين علي
وسحبت عصاها
مرح من شافتها صرخت
وهي تكلمها من عند الباب : بدر يقول تبين شي او بالبيت شي ناقص
: بس ابيه يجي
مرح بضحكه : طيب ي تيته من عنيه
ام بدر : بنت ابراهيم بتجنني
- رجعت تكلم بدر وهي تضحك -
: تقول م تبي شي بس تبيك انت
بدر بضحك : طيب معسلامه ي فرحوه
: ططيب ي
وقفل قبل م تكمل كلامها ..
وهي تتوعد فيه ..
: وش فيك !
فرح : بدروه يقولي فرحوه
ضحك : وحده بوحده
: وانت بعد معاهم ! ي ليت مره بس وحده توقف معاي ي جدو
ابو بدر : كل مره اوقف معاك ويطلع الحق والحجه الكبيرهمعاهم
تنهدت وجلست ع الكنب
ابو بدر : وين امك و جدتك !
مرح : امي خرجت مع فرح وابوي المول وجدتي بغرفتها
: طيب جهزي حالك اذا تبين تجين نعاي انا وجدتك المزرعه
مرح فزت بوناسه : ججججد
ابو بدر ب ابتسامه : جهزي
وصعد غرفته يخبر ام بدر تتجهز عشان يخرجون المزرعه ليوم كامل بس ..
**
--
ضمت الصوره لصدرها ..
وتردد * ب ازورك ي روح ريم واحجز قبري جنب قبرك * ..
طاحت صورته من يدها ودخلت تحت سريرها ..
نزلت بسرعة تدور على الصورة ..
ومدت يدها تدورها بس تفاجاءت ..
ب شيء صلب لمسته ..
سحبته بدون تردد وتذكرته ..
صندوق خشبي صغير ..
فتحته بفضول تبي تعرف وش مخبي فيه ..
كان بوسطه دفتر عادي ..
طلعته وصارت تناظر فيه وتقلبه بيدينها ..
فتحه على ورقة كان القلم موجود عليها وهذي كانت اخر صفحة مكتوبة..
وقراءت المكتووب ودموعها تنهمر بغزارة..
ان عشتم غداً من دوني..
فتخيلوني أعيش معكم..
أفرح لفرحكم..
وأبكي لبكائكم..
أستمع لأحاديثكم ..
وأهذي بهذيانكم..
ان عشتم غداً من دوني..
فزوروا تلك الزاوية..
اللتي طالما أوتني بوقت الحرمان..
اسالوها كم ليلة بت أنا بأحضانها..
كم من حلم تبدد فيها..
وجراح ولدت بجوارها..
اسألوا تلك الزاوية ..
كم ليلة بكيت أنا فيها..
ورسمت اللقاء على جدرانها..
وبلحظة طيش لونتها با الفرااق الأبدي..
اطلبوا منها أن تكشف لكم ..
أحلامي اللتي أحرقتها..
وتحكي لكم عن أمنيات كم أنكرتها..
تلك الزاوية..
حيث نمت أنا كل ليلة..
أشتم راائحة الغاائب بوسادته..
وأقبل قميص كان يرتديه..
ان عشتم غداً من دوني..
فلا تبكوني
فدموعكم تحرق كياني..
فهد تؤم ريم ..
تبكي ب الم ومراره : يعني كنت حاس انك بتموت ي روح ريم
ورفعت يدينها لوجهها : الله يغفرلك ويرحمك
وجلست فتره تدعي لها ب الم و مراره
- الله يرحمه -
وبكذا انتهى البارت ولنا لقاء الاثنين الجاي
.
لاتنسوني من التقيم الايجابي طبعا :$
بحبكم ..
دمتم ب افضل حال
هتون الغيم ..