احنا محدش فينا اختار عيشته لكن نقدر نختار عيشتنا لو حبينا نعمل ده... ________________________ _أنا تعبت من المذاكرة _معلش هانت . أتكلمت بأرهاق وانا وبقفل الكتاب _عارفة إيه إلى يخوف يا نور اني بعافر فى حاجة معرفش هتكون اخرتها إيه معرفش بعد كُل التعب ده هوصل لحلمي ولا لاء ،أنا بعافر فى المجهول . مسكت ايدي _متخافيش يا شذى اكيد ربنا فى الآخر شايل لينا الخير و الافضل لينا ممكن نكون نفسنا فى كلية معينة لكن مش هتبقي الخير لينا ،اعملى العليكِ لأن تدابير ربنا اجمل بكتير من إلى نفسنا فيه. ابتسمت ليها و ضمتها _عندك حق شُكرًا لكلامك إلى على طول بيريحني . تالتة ثانوي بدايتها كانت لطيفة معايا لكن دلوقتي خلاص الامتحانات على الابواب و جويا خوف تملكني لو مدخلتش صيدله هعمل إيه فقدت شغفي و حاسة اني بحارب فى لا شئ بس كلام نور خلاني افتكر حاجة كانت غايبة عن بالي إن ترتيبات ربنا افضل بكتير من إلى نفسنا فيه . وقت الامتحانات فى منه إلى جه كويس وإلى كان صعب بس كنت بعمل حاجة حلوة اوي الامتحان يخلص أصلى فى جامع قريب من المدرسة مراجعش وكنت بشكر ربنا أن اليوم عدى على خير استمريت على ده لغاية ما وصلت ليوم 17/7/2024 اخر مادة وبكده حكاية تالتة ثانوي هتكون خلصت خوفى ذاد مقدرتش اخفي ده علشان هيكون فاضل ايام و النتجية تظهر و تحدد مصيري بس أنا عارفة أن ربنا مش هبخذلني ،نزلت امتحان و كان فى. احتفال لأن خلاص فركش تالتة ثانوي . _قلب ماما حابه دلوقتي تعملى إيه بعد ما خلصتي امتحانات اعملك معكرونة بالبشاميل ؟ اتكلمت بنعاس _حابه فى الأوقات الزي دي انام يا ماما انام .
