وبثاني يوم راحت جنان عالمدرسة وكل الوقت شاردة ومو على بعضها لحتى صار موعد حصة سوار فات سوار عالصف أول ما فات اجا نظرو على جنان لاحظ عليها كيف شاردة وذبلانة فجأة خطرت ببالو فكرة وجه كلامو لكل اللي بالصف وقال ؛ سوار : اليوم ما راح ناخذ درس بدنا نعمل شغلة أو فينا نعتبرها لعبة كتغيير روتين يعني. سوار : كل وحدة منكن راح تطلع ورقة وتكتب شوفيني إيجابيات وشوفيني سلبيات وبكل صدق وبالتالي بنجمع الأوراق بشكل عشوائي وبدون ما تكتبوا أسمائكن طبعاً كرمال ما تنحرجوا وبعد هيك راح اقرأ الملاحظات بالعلن ونتناقش فيهن. طلعوا الصبايا أوراقهن وبلشوا كتابة ملاحظاتهن وخلصوا كتابة وجمعوا البنات الأوراق وعطوهن لسوار؛ حكا بصوت عم يتصنع فيه الحدة؛ سوار : جنان. جنان : نعم إستاز. سوار : حاسس حنجرتي عم توجعني ومو قادر اقرأ تعالي لجنبي واقرأيهن كلهن. اجت جنان بدها تعترض؛ جنان : بسس. قطعها سوار بنبرة عالية وتحمل العصبية نوعاً ما هالشي اللي خلا جنان تجفل بمكانها [ يا حرام دائماً عامللها فلم رعب للبنت 😅]؛ سوار : لا بس ولا غيرو أنا انضربت على قلبي قلت تعالي يعني تعالي ما بدي أعيد كلامي مرتين. جنان : حاضر 🥺. طلعت وقفت جنبو وهو أخذ ورقة بشكل عشوائي وأعطاها إياها ؛ سوار : اتفضلي فيكي تبدأي. فتحت الورقة وبدها تبلش قرائتها؛ جنان : الإي.... 😵💫 بدها تكمل كلمتها ما حست عحالها إلا راسها فتل وداخت وقبل لتوقع عالأرض لقيها سوار بحضنو بسرعة بحكم أنو كان واقف جنبها مباشرةً وقعدها على الكرسي؛ سوار : جنان ردي عليي جنان اصحي جنان جنان لك على شو عم تتفرجوا بسرعة شي وحدة تعطيني مي. أعطتوا تالا قنينة مي صغيرة وهيي عم تبكي من خوفها على جنان صار يرش على وجها لجنان بس ولا صحيت حس بالذنب إتجاها وحمل حالو المسؤلية أنو هيي ما وصلت لهالحالة إلا بسببو حملها وركض فيها برا المدرسة ولحقتو تالا وقف تكسي ركبت تالا من ورا سطحها على رجلين تالا وركب هو جنب الشوفير؛ سوار : بسرعة امشي على أقرب مستشفى. وصلوا على المستشفى وبسرعة فوتوها على غرفة الفحص اجا دكتور فحصها وأخذ منها عينة دم وعلقلها سيروم. الدكتور : لو سمحت ممكن تلحقني على مكتبي وهيي بتهتم فيها الممرضة ما راح تصحى هلأ . رد عليه وعيونو معلقة على جنان بخوف؛ سوار : طيب اتفضل. راحوا على مكتب الدكتور وبقيت عندها تالا والممرضة؛ قاعدين سوار والدكتور بالمكتب الخاص بالدكتور ومانو عرفان كيف بدو يخبرو من بعد ما شاف لهفتو وخوفو عليها؛ سوار : كرمال الله دكتور طمني شبها جنان.؟ الدكتور : بدي أخبرك المريضة بدها عملية بأسرع وقت. احتلت الصدمة ملامح سوار؛ سوار : عملية! عملية شو دكتور اللي عم تحكي عنها.؟ الدكتور : استئصال ورم متواجد براسها وهالورم عم يضغط على الدماغ ومو لصالحنا أبداً يبقى هالورم مدة طويلة هلأ هو ببدايتو والحمد لله أننا قدرنا نكشفو من البداية لازم ما نسمح أنو يتطور أكثر من هيك. حكا بصوت مخنوق والحزن واضح عليه؛ سوار : طيب دكتور بدي اسألك هالعملية فيها خطورة على حياة جنان.؟ الدكتور : ما بخفيك للآسف في خطورة على حياتها واحتمال كبير تفقد نظرها لا قدر الله لأن الأعصاب البصرية قريبة من الورم بشكل كبير لكن بنخلي أملنا بالله. سوار : والنعم بالله بس بدي منك ما تجيب سيرة قدام جنان. الدكتور : تمام مثل ما بدك أساساً هيك أفضل لصحتها ونفسيتها. اندق الباب وفاتت الممرضة لعندهن ؛ الممرضة : لو سمحت حضرتك السيد سوار.؟ وقف سوار على حيلو بفزع وخوف وحكا؛ سوار : أي أنا سوار خير في اشي جنان فيها اشي. الممرضة : لا أتطمن استاز بس زوجتك عم تستعيد وعيها وعم تهدس باسمك. رغم توتر لكن فرح من كلام الممرضة وحس بشعور لطيف داعب قلبو وخصوصاً لما سمع كلمة زوجتك؛ سوار : يلا جاي شوفها. الدكتور : روح شوفها واتطمن عليها أنا في عندي مريض بدي أكشف عليه وألحقك كرمال أتطمن على وضعها وأكتبلها على بعض الأدوية. عند جنان كانت تالا رايحة من عندها لأنها ما بتقدر تتأخر والممرضة فكلتلها السيروم بعد ما خلص وطلعت لساتها مغمضة عيونها وعم تهدس؛ جنان : سوار وينك حبيبي أنا بحبك سوار أنا ما راح أسمح أنها تحبك وتحبها أنتَ إلي وحدي إلي وبس حبيبي سامحني لأني زعلتك. واقف وفرحان أنو سمع اعترافها واتأكد أنها بتحبو حتى ولو أنها غايبة عن الوعي بس بذات الوقت مستغرب مين هي اللي عم تحكي عنها أنو ما راح تسمحلها تحبو بعد شوي بلشت جنان تصحى وتفتح عيونها شوي شوي اتضحت الرؤية عندها وشافت سوار قاعد جنبها ومبتسم سألتو بتعب؟ جنان : وين أنا شو جابني لهون وشو صار معي و. قاطعها سوار عن كلامها؛ سوار : هوب هوب هدي شوي وحدة وحدة راح أحكيلك شو صار أنتِ هلأ بالمستشفى فقدتي وعيك بالمدرسة وجبتك لهون وهلأ الحمد لله أمورك بخير. ابتسم وأعطاها نظرة مليئة حب ودفا واسترسل بكلامو؛ سوار : الحمد لله على سلامتك حبيبتي. وكأنو هالكلمة خلت جنان تركز واتذكرت شو صار ردت عليه بنرفزة ونتورة؛ جنان : مو حبيبتك أنا ولا تحلم بيوم من الأيام أني كون حبيبتك عم تفهم. سوار : هههههههه بالله جد بس من شوي كنت عم اسمع كلام غير هالكلام. وحكالها كل الكلام اللي كانت عم تهدس فيه وهو عم يقلدها؛ سوار : صحيح مين هي اللي ما راح تسمحيلها تحبني 😉.؟ جنان بنفي : لا مستحيل أنا احكي هيك كلام شكلهن أذنيك فايتة فيهن ذبانة وعم تسمع بالغلط نصيحة روح لحق حالك وافحصهن. سكتت وتابعت كلامها بقلبها بينها وبين حالها؛ جنان : ما أغباني شو كنت عم خبص أنا 🤦🏻♀️. سوار : بسست شو وين سافرتي. جنان كانت متضايقة لأنو سمعها شو كانت عم تهدس ما كانت بدها إياه يسمع كانت حابة بالبداية تمرمر قلبو وكمان كانت حابة تحكيلو هالكلمة ويسمعها منها أول مرة وهي عينها بعينو ردت عليه بنرفزة ؛ جنان : على جهنم الحمرا اللي تاخدني إن شاء الله خير شو بدك .؟ عصب سوار من أسلوبها وضرب الطاولة اللي جنب السرير بإيدو بعصبية ؛ سوار : وبعدين معك جنان وبعدين معك لإيمتا بدك تبقي تكابري وتخفي مشاعرك حاجتك بقى لك عيونك فاضحينك وأنتِ لساتك عم بتكابري وتخفي مشاعرك كل هاد كرمال شو كرمال سوء تفاهم صغير وإعتذرت منك وبرجع بعتذر بس أنك تبقي تنرفزي بخلقتي هالشي ما بقبلو أبداً مهما وصلت المواصيل ومهما كانت مكانتك بقلبي أنا رجال وإلي كرامتي وما بسمح لكرامتي تنكسر أكثر من هيك كل ما عم حاول أتقرب منك بتتجاهليني شو لسا بدك لأعملك ااه بس قليلي شو أعمل. حكا كل هالكلام سوار وجنان دموعها مثل الشلال وجها حمل حالو سوار ووقف : سوار : من اليوم ورايح ما راح تكوني أكثر من طالبة بالنسبة لإلي كرامتي فوق كلشي كرمالها مستعد أدعس على قلبي. فتل وجهو ناح الباب ومشي قبل ما يوصل عالباب ركضت جنان لناحو وضمتو من ظهرو وصارت تحكي وهيي عم تبكي؛ جنان : لا بترجاك ما تتركني أنتَ معك حق بكل كلمة حكيتها أنا عنجد حبيتك ومو بس حبيتك وصرت بعشقك كمان ما شفتك حسيت بإحساس بحياتي ما حسيت مثلو ولما كنت بدي أعترفلك صار هذاك الموقف بس مانو سوء تفاهم صغير مثل ما أنت مفكر بوقتها أنتَ جرحتني كثير وما حبيت تكون بداية علاقتنا مبنية على عدم الثقة أنا كنت بدي أعلمك درس مشان ما تفكر لو للحظة تشك فيني. فتلها لعندو ومسحلها دموعها وحاوط وجهها بكفوف إيديه بحنية؛ سوار : خلص بيكفي دموع أنا آسف لأني عصبت عليكي و بعتذر على شكي فيكِ طول ما أنا عايش ما بقى بدي شوف هالدموع أبداً هالعيون خلقو ليضحكو مو ليبكو. جنان : بتعرف بشكر الله على الصدفة اللي جمعتني فيك وعلى اللحظة اللي عرفتك فيها سوار أنا بحبك. حس سوار أنو ملك الدنيا وما فيها بسبب الكلام اللي سمعو من جنان باسها من جبينها وضمها لصدرو؛ سوار : لك يا روحو و قلبو وعيونو لسوار وأنا كمان بحبك وبموت فيكي. جنان : سوار. سوار : بتعرفي ما كنت بعرف أنو اسمي حلو لهالدرجة إلا لما اسمعتو منك قولي حبيبتي شو بدك.؟ جنان : يالله منك عم تخجلني. سوار : أويلي فديت اللي بيخجلو يا ناس. جنان : لك خلص 😊. سوار : ههههههههه طيب قولي شو بدك. جنان : بدي توعدني أنو ما تحلق دقنك أبداً. سوار : هلأ هيك أي لا تخافي ما بحلقها عندي إياها أغلى منك. جنان بزعل : والله هلا هاد اللي طلع معك خلص أنا هالحب كلو ما عاد بدي إياه بنوب. سوار : هههههه لك عم أمزح معك يا مجنونة أنا ما صدقت إيمتا تنطقي هالجوهرة وهلأ قال ما بدك هي على كيفك لأنو لك أنتِ ما بيغلى عليكي غالي ما عندي أغلى منك. جنان : أيوة هيك أنتوا الرجال ما بتجوا إلا بالعين الحمرا. قطع عليهم حديثهم الدكتور؛ الدكتور : أنا آسف إستاز سوار اتأخرت عليك بس من بعد ما خلصت كشف عالمريض اجتنا حالة إسعافية لهيك إضطريت إتأخر. سوار : مو مشكلة ولا يهمك دكتور. فحصها الدكتور لجنان وطمنها أنو ما في شي بيخوف هيك كان متفق مع سوار ما بدو يخوفها كتبلها على شوية أدوية بالوقت الحالي وطلعوا سوار وجنان برا المستشفى؛ سوار : حبيبتي. جنان : عيونها. سوار : لك يسعدلي العيون وصاحبة العيون ربي ما يحرمني منهن، المسا بدي اجي أنا وأمي نطلب إيدك من أهلك شو رأيك .؟ جنان : حياتي عنجد عم تحكي وإلا عم تمزح. سوار : والله عم بحكيكي عنجد أنا رايد الحلال وما بدي أيا شي بيناتنا يغضب رب العالمين بدي علاقتنا بالحلال أحلى بقى شو رأيك.؟ جنان بفرح : يالله يا سوار بتعرف أنك عم تكبر بعيني أكثر وأكثر راح كون بإنتطاركوا المسا وهلأ صار لازم ارجع عالبيت بشوفك المسا باي. سوار : راح اشتقلك من هون للمسا. رمتلو جنان بوسة بالهوى ورجعت عالبيت ما خبرت حدا من أهلها عن زيارة سوار وأمو إلا أختها ليان المسا كانت جنان قاعدة بغرفتها سمعت الباب اندق صار قلبها يدق مع الباب استقبلتهم أمها لجنان ؛ أم جنان : أهلا وسهلا اتفضلوا. أم سوار : يزيد فضلك حبيبة قلبي. فاتو وقعدوا بالصالون وقعدوا طلع أبوها لجنان من غرفتو؛ أبوها لجنان : يا مية أهلا وسهلا شرفتونا. سوار : تسلم عمي يزيدك شرف. أم سوار : أي أخي أبو..؟ أبو جنان : أبو أدهم. أم سوار : أي أخي أبو أدهم أنا ما بعرف لا لف ولا أدور الصراحة المستورة بنتك بتدرس عند ابني بالصف الحادي عشر وهو حكالي عن أدبها وأخلاقها العالية وابني واعي ومو مثل شباب هالأيام لهيك حب يدخل من الباب ويطلب إيد بنتكن على سنة الله ورسوله. سوار. عمي أنا بابا متوفي من سنتين وما عندي أخوة أكبر مني لهيك اجيت بس أنا وأمي يعني كرمال ما تفكر أنو ليش ما إجا معنا شي رجال كبير لهيك أنا بيشرفني أطلب إيد بنتك جنان على سنة الله ورسوله وشو ما بدكن بيحضر وإن شاء الله إذا رب العالمين تمم على خير لحطها جوا عيوني. أبو جنان : فيك الخير والبركة يا ابني أنتَ والست الوالدة بس بدي منك تمهلني لبكرا المسا وبردلك خبر والله ييسر اللي فيه الخير إلك وإلها. الكل : آمين يارب العالمين. طلعت جنان تضيف القهوة وكانت بتاخد العقل كانت لابسة فستان زهر طويل بأكمام وعليه فراشات بيض مع مكياج خفيف طيرتلو عقلو لسوار وأم سوار حبتها كثير واتمنت يتم النصيب وتكون كنتها أما جنان ذابت من الخجل بسبب نظرات سوار لإلها من بعد ما راحوا سوار وأمو من عند أهلها لجنان قامت جنان بدها تفوت على غرفتها استوقفها صوت أبوها؛ أبو جنان : استني جنان. جنان : نعم بابا. أبو جنان : اقعدي. قعدت جنان وأبوها صار يتطلع فيها نظرات تفحصية؛ أبو جنان : أنتِ شو في بينك وبين هالشب.؟ جنان بتوتر : ما في شي شو بدو يكون في يعني. أبو جنان : بس أنا شفتو كيف أكلك أكل بعيونو نظراتو لإلك بتوحي أنو في اشي بيناتكن. جنان : بصراحة بابا هو اليوم اعترفلي بحبو لإلي وحب كلشي يكون بيناتنا ضمن الأصول وبالحلال. أبو جنان : أممم بس هيك.؟ جنان : والله هاد اللي صار. أبو جنان : وأنتِ شو رأيك .؟ جنان : الرأي رأيك بابا بس بدي قلك أنو سوار ما في منو. حملت وركضت على غرفتها بخجل متفاجأة من حالها كيف حكت بهالجرأة مع أبوها عند سوار قاعد هو أمو بالبيت؛ سوار : أي أمي كيف شفتيلي هالعاروس .؟ أم سوار : اسم الله عليها قمر ومصور تقبر قلبي شو مزوق. مسك إيدها وباسها؛ سوار : بعيد الشر عن قلبك يا ست الكل ريت القبر لأعدائك. أم سوار : الله يرضى عليك ويتمملك فرحتك على خير. سوار : الله يسمع منك كثريلي منهن هدول ميمة. ثاني يوم كان يوم الجمعة يعني عطلة عند سوار وجنان كانت جنان نايمة حست على رنة موبايلها نفخت بإنزعاج وأخذت الموبايل و فتحت خط من دون ما تعرف مين ردت بصوت ممزوج بنعس وهيي عم تثاوب ؛ جنان : ألوو 🥱. سوار : لك أحلى ألو بسمعها بحياتي ربي ما يحرمني من هالصوت صباح الياسمين للي بصماصيم قلبي ساكنين وعيني تشوفهم أجمل وأرق من زهر البساتين. ابتسمت جنان وردت عليه : جنان : صباح العنبر لأحلى قمر هو اللي بحياتي ضوا ونور أيامي بوجوده أحلى من السكر وحبه بقلبي مثل الخمر اتجرعه وأسوح بعالم عشقه من آثر السَكَر. سوار : لا لا هيك كثير على قلبي أنا ما بتحمل كل هالكلام الحلو الله يكون بعوني أنا هيك كل يوم على هالحالة لازم صير أخُذ دوا سكري من هلأ. جنان بخوف : ليش أنتَ معك السكري .؟ سوار : لا بس شكلو راح يصير بسببك. جنان : بسببي أنا ! ليش . ؟ سوار : كل يوم راح شوف قدامي حلو واسمع كلام حلو،. اتنهد وتابع كلامو؛ سوار : وأكيد على هالحالة لازم أكُل من هالحلو بالذات. سكتت جنان واحمروا خدودها من الخجل؛ سوار : ألو ألو. جنان : أ أ أ أمي عم بتناديني. وفصلت الخط بسرعة سكر سوار الموبايل وصار يضحك على خجلها إجاه صوت أمو وهيي حاملة صينية القهوة؛ أم سوار : لك إن شاء الله دوم هالضحكة يا قلبي .... أم سوار : ربي يديم الضحكة على هالوجه الحلو. سوار : ويديمك تاج فوق راسي يا حنونة. أم سوار : فرحان يا عمري.؟ سوار بإبتسامة : فوق ما بتتصوري جنان بالنسبة لإلي فرحة العمر الهني. اتلاشت ابتسامتو وبان الحزن على ملامحو؛ سوار : بسس 🥺. أم سوار : بس شو لك أمي احكي شو في. سوار : بس جوا هالفرحة في في غصة خايف فرحتي ما تتم يا أمي. أم سوار : والله خوفتني لك ابني احكيلي شو صاير معك. سوار : جنان معها ورم براسها وبدها عملية بأسرع وقت بس العملية خطورتها كبيرة يعني احتمال كبير أنو. ما قدر يكمل كلمتو مجرد التفكير بأنو راح يخسرها هالفكرة لحالها بتخلي قلبو ينفطر، ضمتو أمو لصدرها بحنية؛ أم سوار : يا عمري، بتحبها؟ سوار : كثير لو يطلع بإيدي شيل من عمري وحط بعمرها ما بتأنى لو للحظة. أم سوار : يا قلبي إن شاء الله رب العالمين بيشفيها وتكمل فرحتك فيها وتتزوجوا وتعملوا أحلى عيلة وتكفوا كل عمركوا مع بعض. سوار : إن شاء الله الله يسمع منك. أم سوار : بيقولوا قلب المؤمن دليلو وأنا قلبي حاسسني أنها راح تتشافى وتكمل فرحتك. سوار : بتمنى يطلع إحساسك محلو يا أمي. أم سوار : آمين خلي أملك بالله كبير وهلأ قوم اتحمم لبينما اجهزلك الفطور مشان تفطر وتلحق صلاة الجمعة. قامت متجهة عالمطبخ كرمال تحضر الفطور استوقفها صوت سوار؛ سوار : أمي. أم سوار : عيونها. سوار : شكراً لإلك دائماً بتريحيني بكلامك وبتعطيني جرعة أمل عنجد شكراً. ابتسمتلو ابتسامة دافية وراحت عالمطبخ المسا رد خبر أبوها لجنان لسوار أنو موافق وسوار طلب منو يشوفو برا البيت على انفراد بدون ما تعرف جنان بالليل بمقهى هادي قاعدين سوار وأبوها لجنان؛ أبو جنان : خير ابني ليش طلبت تشوفني برا البيت.؟ سوار : كل الخير عمي بصراحة ما بعرف كيف بدي أخبرك بتمنى تسمعني منيح وتركز معي. أبو جنان : احكي لك ابني خوفتني. سوار : جنان معها ورم براسها وبدو عملية بأسرع وقت والعملية فيها خطورة وإذا بقي الورم خطورتو أكبر أنا ما ارضيت احكي معك بهالموضوع بالبيت مشان ما تعرف جنان ما بدي إياها تخاف من شي والدكتور أيدني بهالشي. حكا بصدمة وعيونو مدمعة؛ أبو جنان : وأنتَ كيف عرفت.؟ سوار : مبارح أثناء الدرس فقدت وعيها أسعفتها عالمستشفى هنيك عملولها التحاليل والصور المناسبة وخبرني الدكتور عن هالشي. أبو جنان : بس هيي ما خبرتني أنو صار معها هيك شي. سوار : لأنو الدكتور خبرها أنو اللي معها فقر دم فهيي شافتو سبب مو مستاهل تخوفكو مشانو لهيك ما خبرت حدا وطلبت مني ما أبينلكوا أنو صاير معها اشي. نزلو دموع أبوها لجنان بحرقة قلب على حال بنتو وسأل سوار؛ أبو جنان : يعني جنان راح تموت.؟ حس سوار هالكلمة غرزت مثل السكين بقلبو. سوار : لا عمي بترجاك ما تحكي هالكلمة جنان راح تعمل العملية وتعيش مستحيل يصرلها اشي بفديها بروحي وبدفع كل عمري بس ما يصير عليها اشي راح نعمل العملية لجنان بعد شهر بس بدي منك طلب. أبو جنان : اطلب يا ابني. سوار : أنا بدي العرس بعد أسبوعين وبخصوص الخطبة بدي إياها بعد بكرة وشو بتأمرني أنا جاهز. أبو جنان : بس يا ابني قاطعو سوار؛ سوار : بترجاك عمي أنا بدي أعيش جنان أجمل اللحظات خلال هالشهر. أبو جنان : مثل ما بدك وأكيد ما راح لاقي لبنتي مثلك. واليوم التالي الكل كانوا مشغولين بتجهيزات الخطبة جنان وليان نزلوا عالسوق اشتروا الفساتين والأغراض اللي بتلزمهن كرمال الخطبة وأم جنان وأم سوار عم يعزموا قرايبينهم وأصدقاء سوار وجنان وسوار ومهند حجزوا الصالة وعند الحلاق واهتموا بباقي الترتيبات تبع الخطبة بصباح اليوم التالي عجزت ليان وهيي عم تفيق جنان؛ ليان : جنان جنان لك يالله منك. جنان بنعس : لك أمانة خليني نايمة كمان شوي. ليان : لك.. قاطعتها رنة جوال جنان فتحت ليان الجوال بعد ما شافت مسجل نبض قلبي وعرفت أنو سوار؛ ليان : ألو. سوار : صباح الخير. ليان : صباح النور. سوار : لو سمحتي وين جنان.؟ ليان : لك آاااخ والله انبح صوتي وأنا عم فيقها وما كانت تفيق. سوار : ههههههه أعطيني إياها راح أخليها تفيق. أعطت ليان الجوال لجنان من بعد ما خبرتها أنو سوار عالخط وطلعت ردت عليه جنان بصوت واضح عليه النعس وعيونها مغمضين؛ جنان : صباح الخير. سوار : صباح الورد يلا فيقي يا كسلانة في عاروس بيوم خطبتها وبتضلها نايمة للظهر. جنان : لك والله مبارح هلكت وتعبانة خلوني أنام بليز. سوار : أي قومي قومي حاجتك كسل بدك تلحقي تجهزي حالك للخطبة. جنان : خلص اعملوا الحفلة والخطبة بدوني ما ضروري أحضر. سوار : عنجد. جنان : أي. سوار : خلص ولا يهمك كملي نومتك حبيبتي وهلأ بشوف عاروس ثانية أكتب كتابي عليها. صحصحت جنان وصرخت صوت صرعلو أذنو؛ جنان : سواااااار. بعد الموبايل عن أذنو وهو حاسس جوا أذنو عم يعمل طنننن 😅؛ سوار : لك شبك فتحتي طبلة أذني لسا قبل شوي صوتك ما كان ينسمع. جنان : بذبحك وبذبحها دير بالك. سوار : مين هي.؟ جنان : هيي اللي بدك تكتب كتابك عليها. سوار : هههههههه بتغاري عليي، لك صحيح مين هي اللي كنتي عم تقولي أنك ما راح تسمحيلها تحبني لما كنتي فاقدة الوعي بالمستشفى .؟ جنان : لا تذكرني مشان الله هي هالشاضومة سلام اللي قاعدة قدامي اسمعتها عم بتحكي لرفيقتها أنها بتحبك وناوية تطبقك. سوار : هههههههه لك مجنونة أنا شايفك ومو مصدق مستحيل أفكر لو تفكير بغيرك. جنان : أسترجي فكر خليني أطلع دماغك من مكانو وافرمو كفتة وأكلو. سوار : ولي شكلي راح أتزوج سفاحة وما معي خبر. جنان : هلأ هذا اللي طلع معك سفاحة 😒. سوار : أي وإذا بدك دليل تعالي شوفي قلبي شو عملتي فيه مرمطتيه بحبك ذبحتيه بغرامك. المسا كانت جنان عند الكوافيرة وناطرة ليجي اشي حدا ويروح فيها على الصالة مشان تطل على الناس بأحلى إطلالة مثل الملكة اللي ناطرينها شعبها ليشوفوها لابسة فستان من عند الصدر لونو فضي ولتحت لونو خمري مفصل جسمها من فوق لعند خصرها ومن تحت كلوش وعاملة شعرها كيرلي من دون ما ترفعو لياخذ حريتو على ظهرها وحاطة تاج ألماس أبيض وفيه ألماسات ناعمين باللون الخمري وعاملة مكياج مناسب الفستان واسكربينة باللون الفضي وليان لابسة فستان زهر لفوق الركبة وتالا لابسة فستان أزرق طويل والو فتحة لعند الركبة وطبعاً سوار ما بيقل جمالو عن جمال جنان كان لابس قميص خمري وفوقو جاكيت سبور أبيض مايل للفضي وتاركو مفتوح وبنطلون على لون الجاكيت وبوط أبيض مع ساعة فضية ورش من عطرو المعتاد ومع دقنو اللي زايدتو هيبة ورجولة طلع بيشل على كثر مو طالع حلو وشخصية إجا خالها لجنان وأخذها من عند الكوافيرة وهنن راكبين بالسيارة. جنان : شكراً إلك خالو أنتَ من مبارح لليوم تعبت كثير الله يعطيك ألف عافية إن شاء الله بردلك إياها بعرسك. خالها ( مجد) : معناتو شمريلي عن زنودك بعدين إذا لحبيبة قلبي ما اتعبت لمين بدي أتعب. جنان : حبيبي يا خالو لأني بحبك حضرتلك مفاجأة. خالها : عنجد وشو هيي.؟ جنان : نو نو نو خليها سربرايز أحلى. خالها : أي مثل ما بدك هي وصلنا انزلي. نزلوا من السيارة ولقوا سوار ناطرهم بباب الصالة والكل واقفين معو؛ سوار : لك يا ربي شو هاد شكلو القمر نازل من السما وواقف قدامي 😍. ما قدر سوار يتحمل أكثر من هيك ركض عليها حملها وصار يفتل فيها نزلها وباسها من راسها؛ سوار : لك شو عم تعملي فيني يا بنت خفي على قلبي المسكين شوي ذبحتيني بجمالك. خجلت جنان ونزلت راسها بخجل كل الموجودين صفقولهم بإعجاب شبك إيده بإيدها وفاتوا عالصالة وفات الكل وراهم كتبوا الكتاب وشغلولهم أغنية ليرقصوا عليها رقصة السلو صاروا يرقصوا وجنان تهمسلو بكلمات الأغنية؛ جنان : أعطيني وعد للموت روحي بروحك اتشدني قلي راح أضل وياك بس الموت يبعدني وإذا يمك طلبت أرتاح قلي أبشر ولا تردني. لزقها فيه سوار لدرجة حست جنان أنو جسمها وجسموا راح يغرقوا ببعض مسك إيدها وحطها على قلبو وقاللها وهم عم يرقصوا؛ سوار : بوعدك هالقلب ماراح ينبض لغيرك راح ينبض بس كرمال سعادتك وراحتك وما راح أسمح لاشي يفرقنا طوال ما فيني نفس. كملوا الرقصة أما بالنسبة لمجد ضربت عينو على طاولة من الطاولات ما صدق عيونو فكر حالو عم بيتخيل فركهن منيح ورجع اتطلع لنفس الجهة وحكا مع حالو والفرحة غامرتو؛ مجد : لك هي هيي ما عم أتخيل. حمل حالو وراح لجهتها؛ مجد : شو يا حب جاية لتفرحي معي. نقزت والتفتت لوراها اتفاجأت بوجود حبيبها مجد؛ ولاء : حبيبي شو عم تعمل هون.! ؟ مجد : العاروس بنت أختي أنتِ شو عم تعملي هون.؟ ولاء : مبارح جنان بنفسها اجت لعندي وعزمتني بدك الصراحة أنا استغربت لأنو ما في بيناتنا صداقة قوية مجرد بنلتقا بالمدرسة هيي بشعبة الأدبي وأنا بشعبة العلمي بس هلأ شكلي افهمت ليش عزمتني وأصرت عليي أحضر كمان. مجد : أبوس روحها شو مزوقة طالعة لخالها. وضم ولاء لصدرو وباسها من راسها صار وقت تلبيس المحابس لبسو المحابس وهم مشغلين أغنية عم أعشق أنا عم أخلق من أول وجديد عاسمك أنا عم البس خاتم عمري بالإيد وصورهم أحلى الصور اللي بتعبر عن مدى فرحتهم وحبهم لبعض ؛ سوار : مبروك يا عمري. جنان : مبروك لإلنا الاثنين. ضيفوا الحلو وأعطوا جنان وسوار قطعتين حلو كرمال يطعمو بعض طعمو بعض الحلو واجت نقطة كريمة على طرف خدها لجنان بجنب ثمها أعطتها ليان محرمة لتمسحها لكن بحركة سريعة أخذ سوار المحرمة ورماها لبعيد ومسح الكريمة ببوسة خفيفة منو؛ سوار : أطيب حلو بذوقو بحياتي. قرصتوا جنان بدون ما حدا ينتبه عليها وخدودها احمروا من الخجل؛ جنان : منحرف شوف الناس كيف عم يتطلعوا علينا اشي بيخجل عنجد. سوار : ويتطلعو مرتي وأنا حر فيها لو هلأ باخذك على بيتي ما حدا إلو عندي. جنان : مجنون. سوار : فيكي. شغلوا أغنية ليرقصوا سلو وقفوا العرسان بالنص وحواليهم كل اثنين مع بعض مشكلين ثنائي ¬ ليان ومهند، مجد و ولاء، ميس (أخت سوار ) فؤاد ( زوجها ) ~ كانت تالا قاعدة على الطاولة سمعت صوت رفعت رأسها وكان وسيم واقف فوق راسها؛ وسيم : لو سمحتي. تالا : عم بتحكي معي.؟ وسيم : بعتذر ما في قمر غيرك هون. تالا بخجل : تسلم. وسيم : الله يسلمك، بصراحة حابب شارك بهالرقصة وما في حدا هون يشاركني فيها لقيتك قاعدة لحالك ممكن تشاركني هالرقصة لو سمحتي.؟ تالا : أي ليش لأ. مدلها وسيم إيدو وهيي أعطتو إيدها وراحوا انضموا للرقصة وكانو ثنائي بيجنن صاروا يرقصوا على أغنية عمري وغلا أنتَ؛ وسيم : شو اسمك.؟ جاوبتوا وهيي ذايبة بين إيديه؛ تالا : اسمي تالا. وسيم : اسمك حلو كثير وصاحبتو أحلى منو وأنا اسمي وسيم. تالا : وأنتَ كمان اسم على مسمى. كملوا الحفلة والكل فرحانين ومبسوطين بس بقلوب البعض منهم غصة وخوف من اللي جاي عم تغلب فرحتهم وخصوصاً سوار ثاني يوم الصبح قامت جنان بكل نشاط وحيوية غسلت ولبست أواعيها وراحت على المدرسة فاتت على الصف وهيي حاسة في اشي مو طبيعي كل البنات عم يتطلعوا عليها بنظرات غريبة وبيتهامسوا بين بعض قعدت بمكانها ومو فهمانة اشي وتالا كانت غايبة؛ سلام بكيد : أوووووه عاروستنا الحلوة ألف مبروك والله وطلعتي شاطرة وقدرتي تكسبي الإستاز سوار عنجد أنك موهوبة. جنان بعدم فهم : شو بتقصدي بكلامك هاد عم أفهم عليكي .! ؟ سلام : يا حرام شو بريئة زعلتيني عليكي عنجد. تابعت كلامها بنبرة مشحونة لؤم وغل؛ سلام : لا تتغشمني جنان كلنا بنعرف أنو الإستاذ سوار بدو يتزوج ليصلح اللي عملتوه بالغابة. صاروا بنات الصف كل وحدة ترمي كلمة شكل على جنان وهيي من أثر الصدمة عاجزة ترد على اتهاماتهن الباطلة؛ بنت 1 : يا عيب الشوم عليها. بنت 2 : وعاملتلنا حالها قمة الأخلاق والأدب. وصاروا يحكوا أشكال ألوان على جنان وهيي حاطة إيديها على أذنياها ما بدها تسمع اشي من اتهاماتهن وعم تبكي صرخت فيهن صوت؛ جنان : خلص بيكفي مشان الله اسكتوا اسكتوا هالحكي كلو كذب وما إلو أي أساس من الصحة صدقوني... *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖
