*_أسـڪريـبـت🥺💗🎀:)* _غيبوبه عليا الطلاق متجوز غيبوبه مش بني ادمه لا _اطفي النور دا واطلع برا بقي _مش طفي انوار ومش طالع برا وقومي يا رقيه احسنلك _تمام براحتك حطيت الغطا على وشي _لا بقي دا انتي بتستعبطي شد الغطا من على وشي _يوووه سبني انام بقي _مش هسيبك غير لما تقومي يلا بسرعه علشان انا جعان اتكلمت بعصبية _هو انا منعاك انك تاكل متروح تاكل وتسبني في حالي _مش هعرف اكل لوحدي انا عقبال ما احضر الفطار تكوني فوقتي كان بيتكلم وهو ماشي ناحيه الباب خرج من الاوضه وقفل الباب ____ _انا متجوزه غيبوبه فعلا امك مش بتكدب _اطلعي برا واقفلي الباب _لا ما انت مش هتقضي يوم اجازتك كله نوم اصل _بقولك اطلعي برا يا رقيه وسبيني انام _لا مش هسيبك تنام واطلع برا يا رامي علشان انا جعانه وعايزه اكل واكيد مش هاكل لوحدي يعني قوم بقي علشان تاكل معايا كنت بحاول اشيل الغطا من عليه وفي لحظه مسك ايدي جامد وبصالي بعصبية _اه سيب ايدي يا يا رامي _بعد كده اوعي تفتحي باب الاوضه عليا تاني او تدخلي من غير اذني وتصحيني قولتلك ألف مرة انا اتجوزتك علشان ارضي اهلي وبس ف مش معني كده أن يبقي في تدخلات منك في حياتي او العكس عايزه تاكل الاكل عندك انا مش ماسك ايدك انك تاكلي اخرجي برا واياكي تدخلي هنا تاني فاهمه هزيت راسي ب اه ب خوف و حزن ساب ايدي _اتفضلي اطلعي برا خرجت وانا بمنع دموعي انها تنزل _____ بعد شويه كنت رايحه ناحيه الباب علشان افتحه لقيته فتح هو وقفت مكاني _اخيرا فوقتي يلا بسرعه علشان هموت من الجوع راح ناحيه السفره وانا روحت قعدت _دا انا بقي محضرلك فطار انما ايه عظمه قعد وبدأ ياكل وانا مكانش ليا نفس اني اكل وكنت سرحانه اتكلم وهو بياكل _الاكل مش عجبك ولا ايه _مش جعانه _هتكسري بخاطري ومش هتاكلي الاكل اللي انا عامله يعني _رامي _خير _هو مش عدا وقت كبير على وفاه طنط الله يرحمها _الله يرحمها كنت بحبها اوي وهي كمان كانت بتحبك وكانت دايما تقولي حطها في عينك يا واد يا رامي مش هتلاقي حد يحبك قدها يا واد يا رامي اوعي في يوم تزعلها يا واد يا رامي ابقي نفذلها كل اللي تطلبه منك يا واد يا رامي _طب انت هتطلقها امتي يا واد يا رامي _لا مهي قالتلك اعملها اي حاجه هي عايزاها الا الطلاق _بجد والله؟! _اه والله يرضيكي ازعلها في تربتها _بس احنا كنا هنطلق يوم ما طنط الله يرحمها ماتت _كنا وربنا مكانش عايز اننا نطلق وبعتلنا موت ماما اشاره علشان يخلينا نفهم اننا ملناش غير بعض _بس انا مش عايزه اني اكمل معاك _ليه مش انتي بتحبيني _الحب مش كل حاجه يا رامي علشان نقدر نكمل مع بعض انا وانت مننفعش نعيش مع بعض لاننا مش مناسبين ل بعض مش دا كان كلامك؟! _احنا ممكن نحاول نفهم دماغ بعض ونكمل حياتنا مع بعض مش دا بردو كان كلامك؟! كنت هتكلم بس هو سبقاني _متتعبيش نفسك يا رقيه طلاق مش هطلقك لان انا لو طلقتك هغلط اكبر غلطه في حياتي علشان هتخلي عن الانسانه الوحيده اللي وقفت جمبي يوم موتي الله يرحمها ارجوكي بلاش نتكلم في موضوع الطلاق دا تاني سابني وقام فضلت باصه عليه لحد ما مشي خالص من قدامي انا بجد تعبت من معاملته ليا دي انا مش تحت امره لما يحب يطلقني ويكسر قلبي امشي وراه وتحت امره ولما يحب يخليني على ذمته ويغير معاملته كلها ليا كأني عدوة ليه تعبت من معاملته دي مبقتش قادره استحمل اني اعيش معاه بالطريقة دي انا اه حبيته واعترفتله بحبي دا اكتر من مرة وعملت كل حاجه اثبتله بيها حبي ليه وكنت بعافر علشان احصل على حبه دا بس من غير اي فايده حبي ليه مبقاش ليه فايده _____
