- وقابلت أنت لقيتك بتغير كل حياتى 🎶💙 _ي ماما خلاص كفاية عياط هو أنا مهاجرة؟ ردت بدموع_ي بنتي ماتخليكي هنا جنبي أنا ماليش غيرك _ي ماما أنا حابه أبعد والحمدلله التكليف في الأرياف _خلي بالك من نفسك كويس وكلميني كل شوية _حاضر يلا في حفظ الله ركبت عربتي وسافرت لقريه"..." التكليف جالي فيها وأنا حقيقه فرحت عاوزة أبعد عن كل الناس الي أعرفهم، عن كل الناس الي إتوجعت منهم! حقيقي إحساس الخيانه دي بشع جداً ،أنا مكنتش بحبه أنا كنت شايفاه إنسان محترم هيصوني ويحميني بس ليه؟! عيبي أيه علشان يخوني وأحنا حتي لسه مخطوبين! طب كان يقولي نسيب بعض وكل واحد يروح لحاله مكنتش هعترض بس علي الأقل يصون كرامتي ! صوت خبطه جامدة في العربيه من ورا خرجتي من سرحاني وقفت العربيه بسرعه ونزلت منها لاقيت الشنطه فيها خبطات خفيفه جدا _ ي نهار مش فايت إنزل ي أستاذ وفهمني أيه دا؟ زعقت لصاحب العربيه التانيه الي خبطني وأنا علي أخري نزل شاب طويل نوعا ما..أحم.. أنا عند كوعه تقريباً ! قلع نضارته ببرود جدا وربع أيده حواليه صدره وبصلي... _أفندم ! _أنت أيه الي عملته دا؟ البعيد مابيشوفش ولا أيه؟ _أيه ؟ كملت وهو لسه مذهول من طريقتي_لما مبتعرفش تسوق بتركبوها ليه عاوزة أفهم؟ _أنتي مجنونه ي بني آدمه أنتي الي مبتعرفيش تركني؟ _مجنونه ؟ ومبتعرفيش تركني؟ أنت أساساً الي مبتعرفش تسوق عربيه دا حمار الي علمك السواقه ! ييس نرفزته نرفزته... _إحترمي نفسك ي أنسه أنا مش عاوزة أغلط فيكي؟ رفعت حاجب واحد بتحدي_لا أغلط لا بجد تعالي أغلط لا لا أستني أوسعلك تغلط براحتك بقي ! إستغفر في سره _أنتي عاوزة أيه دلوقتي إخلصي؟ _صلحها بسرعه ضحك بسخرية_صلحها وبسرعة! جميل ولو رفضت ؟ _رفضت؟ _اه فكرت شوية ومش عارفه أقول أيه... _هعيط ضحك _لا بجد وأيه كمان ؟! _و..و اه..وهدعي عليك كمان ودعوتي هتجيبك الأرض ضحك وراح ركب عربيته وسألني واقفه مكاني ،ساقها ومشي من جنبي _طب أبقي إدعي كتير بقي ي طفلة ومشي وأنا خبطت في مكاني من الغيظ _مستفزززز ...... روحت المركز الطبي الي في القرية علشان أستلم شغلي الجديد وخلصت الإجراءات وروحت السكن أنام شوية إستلمت شغلي بقالي شهر بس..أنا مقلقه من البلد الغريبه ! الناس كلها بتصحي في وقت واحد وبتنام في وقت واحد ! ليه يعني؟ أيه النظام دا؟ والبلد ليها عمدة! زي أفلام زمان كدا لا والغريب أكتر أنها ليها قوانين مخليها مفصوله علي العالم الخارجي ..بس أنا شايفه الناس طيبين وكويسين يمكن العمدة دي يكون حاكم كويس وعارف يدير شئون بلده البنت الي بتيجي وتنضف المركز ضمن فريق النضافه حكتلي كل دا هو كان أسم العمدة أيه ؟ اه.."سليم " سمعت صوته دوشه برا ،واحد من حراس بيت العمدة تقريبا جيه وبينهج جامد _ي دكتوووورة ي دكتوووووة رحمة _أيوا أيوا يابني في أيه؟ _أبن سليم بيه تعبان أوي تعالي بسرعه علي الفيلا _طيب ..طيب هجهز شنطتي وجايه أهو جريت علي الفيلا مع الحرس الي وصلني ليها لقيت ست كبيرة باين عليها الخوف ! _ايوا ي طنط فين المريض مسكت أيدي وبتجري_يلا يلا بسرعه ي بنتي دخلت الأوضه لقيت ولد صغير في حدود من ٦ ل٧ سنين نايم علي السرير بيترعش ،كشفت عليه _بصي ي طنط دي حرارته عاليه نتيجه نزله معويه هتديله من العلاج دا تلت مرات بس دلوقتي لازم يستحمي بمايه فاترة علي الأقل علشان الحرارة تنزل ،وتخلي مامته تخلي بالها منه كويس تديلوا أدويته بأنتظام الست وشها إتغير _أمه مطلقه من أبوه ومسافرة أنا هعمله كل حاجه _ أحم طيب مفيش مشكله اه وكم.. قطع كلامي الباب الي إتفتح بسرعه جدا وواحد دخل بيجري مخضوض راح عند الولد الي نايم وفضل يبوس أيده ووشه من القلق ..رفع وشه للست الكبيرة _ماله إبني ي أمي في أيه ؟ ي نهااار مش فايت دا..دا صاحب العربية إبني؟! أمه ؟! هو دا العمدة سليم ؟! رفع وشه وبصلي واتفاجئ بيا ساب أبنه وجيه وقف قدامي _أنتي بتعملي أيه هنا؟ _أن..أنا ..أنا زعق_أنتي لسه هتهتي أنا عاوز أعرف بتعملي هنا أيه؟ _سليم إلزم أدبك دي الدكتورة رحمه الي شغاله في المركز الطبي.. بصلي من فوق لتحت باستنكار _أنتي دكتورة؟ لا احد هنا بقي وهطلع جعفر الي جوايا يتصرف هو.. _نعم بقي منفعش ولا أيه حضرتك ؟ _ بطولك دا !! ي ربي قلة الذوق دي _علفكرة بقي أنا مش قصيرة أنت الي طويل جداً _ بس بس أنت وهي أنتوا عيال صغيرة ؟! _ي طنط _ي أمي _بس ولا كلمة سليم وصل الدكتورة يلا بصلي بخبث_من عنيا ي أمي ياماااا أيه بصه حمدي الوزير دي !! _ لا لا ي طنط مالوش لزوم خلي بالك بس منه يمشي علي العلاج مظبوط ولو الحرارة إرتفعت تاني إعمليله كمادات بعد أذنكم خرجت وأنا مستغربة جدا هو فيه عمدة سنه صغير كدا؟ انا كنت فاكرة بقي هيبقي راجل كبير بجلابيه وعِمه لا دانا هشوف العجب هنا.. ... أوف وانا هفضل قاعدة كدا أنا عاوزة أخرج ..أنزل أتمشي شويه ؟ بس الساعه ٩ وكله نايم ! خلاص نص ساعه بس أشم هوا أرجع علطول... خرجت لقيت البلد فاااضيه جدا بس و.. _أنتي بتعملي أيه في الوقت دا؟ إتنفضت بسرعه من مكاني ولفيت لاقيت سليم في وشي _ي أخي حرام عليك أنت أيه؟ _أنتي أزاي تخرجي من بيتك في الوقت دا ؟ _وفيها أيه بقي ؟ إتعصب _فيها أنك كدا بتقولي للناس أني مش محترمه ي دكتورة بصتله بشر_أخرس قطع لسانك ولسان أي حد يجيب في سيرتي بكلمه واحدة..بس أقول أيه أنسان عديم الذوق سبته ومشيت كام خطوة لقدام بعصبية _إستني عندك _أفندم _أنتي أزاي تتكلمي معايا بالطريقه دي أنا هنا عمدة البلد وليا هيبتي ومركزي ومحبش أن أي حد يقلل مني أبدا إبتسمت_طب كويس أنك عارف أني قللت منك لسه هيرد سمعنا صوت حد بيستغيث والناس ملمومه جري وانا تلقائي جريت وراه بسرعه.. _في أيه ي حج محمد أيه الي حصل؟ _إلحقني ي سليم بيه حبيبه بتولد والدكتور مش موجود سافر النهاردة هتموت مني ي بيه إلحقني.. إدخلت بسرعه _طب ي حج أنا أقدر أولدها يلا بسرعه وريني مكانها فين؟ _بجد ي بنتي هتعرفي الله يجبر بخاطرك _دقيقه ي حج محمد ،تعالي ي دكتورة مشيت وراه بعيد لقيته بيتكلم بصوت واطي _أيه الي بتهببيه دا بس؟ _في أيه تاني الست هتموت هو دا وقته؟ ضحك_أنتي عارفه هي أيه الأول _هتكون أيه ؟ست عاديه _لا ي ذكيه دي فرسة _أيه!! ضحك علي منظري المذهول_بس والله ماهنرجعلك كلمه _لا لا مستحيل _يلا ي رحمه أومال.. خفت أوي_ لا أنت إتجننت مش هعرف بصلي بجدية _دكتورة أنتي اه دكتورة بشريه بس أكيد عندك خلفيه وأزاي هتساعديها أنتي عارفه لو ملحقناش هيحصل أيه؟ رديت بتلقائيه وعيوني دمعت_هتموت!! _بالظبط يلا بسرعه _مش هقدر _هتقدري _هتساعدني؟ _هساعدك رجعنا ودخلنا أنا وسليم والمنظر رهيب بجد معجزة إلهية بتحصل قدامي ،اه ممكن اكون ولدت قبل كدا بس عمري ماشوفت ولادة فرسة وللقدر أنا الي هقوم بالمهمه دي!! كانت نايمه علي الأرض علي جنبها ورجلين المهرة بانت ! قعدت في الأرض أنا وسليم قولت بجدية_سليم بسرعه وفي نفس الوقت براحه لازم نشد المهرة لبرة علي مراحل من غير ما نأذيها تمام _تمام وفعلا فضلنا نشد ونسيب علشان الفرسة متتعبش أكتر والحمدلله إتولدت المهرة ! طبعا إتبهدلنا جامد وأنا تعبت جدا وطلعت برا وانا بتسند علي أي حاجه تقابلني مش من المجهود من الضغط العصبي بس.. _لولولولولولي الله أكبر الله أكبر ربنا يباركلك ي دكتورة رديت بتعب_تسلمي ي حاجة ألف مبروك سليم وقف جنبي_رحمه أنتي تعبانه تحبي أروحك؟ هزيت راسي ولسه هنمشي _يمين بالله لتتعشوا معانا النهاردة أنا وسليم بصينا لبعض برفض _لا ي حج تسلم ورانا مصالح _طب علشان رحمه حتي ولا أيه دكتورة رحمه؟ يعني أيه رحمه ودكتورة رحمه في نفس الجمله !! رديت_ لا أنا _رحمه مش أنتي دكتورة _أومال مين؟ رد بثقه_المهرة معقول !! بصتلهم بفرحه وعيوني دمعت _سليم دا بجد؟ ضحك_لا حقيقي خلاص ي حج محمد هنقعد نتعشي جابوا لينا هدوم ،لبست عبايه وطرحه كان شكلي مضحك أوي بسبب أن العبايه واسعه وطويله ! سمعت صوت لقيته تقريبا هيقع من الضحك علي منظري !! _لا مش قادر ي أوزعه شكلك مسخرة ضحكت_طب قبل ما تتريق بصيت في المرايه علي نفسك؟! كان لابس جلابيه عاديه بس بسبب طوله الرهيب كانت بعد الركبه بشويه! _أحم لا عندك حق قعدنا وأكلنا وفضلنا نضحك نهزر وحقيقي كبر في نظري أوي النهاردة كان خايف يمكن أكتر مني علي الفرسة بس بيحاول ميباينش وكان حذر جدا في الولادة لما نزلت المهرة فضل يطبطب علي الفرسة كأنه بيقولها أحنا أسفين علي تعبك وألمك دا ..كانت صعبانه عليه أوي! غيرنا هدومنا ومشينا والنهار كان قرب يطلع.. _أنتي غيرتي فكرتي عنك النهاردة؟ _إزاي؟ _يعني وأسف طبعاً كنت فاكرك بقي جايه من القاهرة ومش هتحبي البلد أو هتبقي متكبرة وتعاملي الناس من فوق إبتسمت_ودلوقتي؟ إبتسم_لا دلوقتي إتغير كل دا خالص يعني أثبتي أنك قويه جدا الأول كنت خايفه بس أول مابدأتي تولديها شفت تركيزك القوي عليها أنك بتتعاملي بجديه كبيرة وركنتي مشاعرك كلها علي جنب ودا شئ أحييكي عليه أنت فعلا شجاعه جدا أتكسفت جدا ووشي أحمر ! كنت وصلت لحد الباب بتاع السكن _طب مش هتقولي حاجه رديت بهزار_نعم! وأنت فاكر أني هقولك وانت كمان كبرت في نظري جدا وأثبت أنك شخص مسئول وشفت حب الناس ليك ؟! لا لا مش ممكن يستحيل يلا سلام إبتسم _سلام ..اه ثانيه واحدة أداني كرت فيه أرقامه علشان لو أحتجت حاجه ومشي ......... _اه ي دنيا والله _لا ياباشا بقينا حرافيش ونسد في أي حاجه أهو ضحكت_قدراتي عاليه ي ماما ضحكت_بس كفاياكي نفشه في نفسك _أفورت صح _جدا المهم أعمل أيه مع أحمد ؟!ي بت مخاصمني من ساعتها _ ماأنتي الي باردة صراحه الراجل تعب منك ومن الحجج يقولك _كفايا كدب بقي وحجج .. تردي ببرود _دوق بقي التبريرات تجنن ... في واحدة عاقله تعمل كدا ؟! ضحكت_والله كنت بهزر طب قوليلي أكلمه أقوله أيه؟! _إدخلي قولي ماتحن ي واد ي جن بصي هيلين علطول _تفتكري طب ماشي يلا سلام _يخربيتك إستني دنيا ..دنيا ألوووو والله الاتنين أهبل من بعض ! لقيت حد دخل مكتبي .. _أزيك ي رحمه ؟ _طنط الحجه عامله أيه ؟ _الحمدلله وشاورت علي بنوته من سني كدا _دي بنتي فاطمه أخت سليم الصغيرة _أهلا ياحبيبتي _أحنا جايين الأول نباركك _علي أيه؟ _علي محبه أهل البلد ،الي عملتيه في بيت الحج محمد كل البلد عرفته وكبرتي في نظر الكل ي بنتي _أحم..والله أنا معملتش حاجه الحمدلله عدت علي خير _المهم أحنا جايين نعزمك علي كتب كتاب فاطمه بنتي _بجد ! ألف مبروك ي جميلة _الله يبارك فيكي ،هتيجي صح؟ _بأذن الله _طب عاوزة أنبهك لحاجه عندنا في البلد الستات لما بتتجمع بتلبس عبايات كبيرة واسعه وأغلبها بتكون سودة و..يعني.. _قصدك ألبس زيهم علشان يحسوا أني بقيت زيهم وكدا _اه _طيب خلاص متقلقيش ......
