* - وطلعت فوق الجبل..قصدي اودعهم يالالي..لقيتهم سافرو والريح متبعهم يالالالي..💛💛🌸🎶 صحيت الصبح بستعد لأول يوم ليا في مستشفي العمري لبست هدومي وحضرت الفطار لجدو _صباحك فل ي جدو _صباحك ورد ي عيون جدك روحت علي المطبخ اجيب باقي الاطباق _أما أنا بقي عملالك شوية فول بالزيت الحار إنما أيه عجب هتاكل صوابعك وراه ضحك_ي بنتي هو أنا بقي فيا نَفس للأكل حتي ضحكت بغمزة_فشر دانت سبع الرجال أضرب الفول دا و ال١٥ بيضة دول وهتبقي زي الفل.. خلصنا أكل وقعدنا نتكلم شوية _أنتي واثقة ي مرام أنك هتقدري تشتغلي في المستشفي دي _متقلقش ي جدو دكتور سمير هو الي رشحني ليهم علشان علاقاته معاهم وكدا زي مانت عارف وبعدين أنت مش واثق في قدرات مرمر ولا أيه؟! مسك أيدي وإتنهد_خلي بالك من نفسك كويس دول ناس أغنيا عارف إن ممكن يكون اخلاقهم عالية بس متسمحيش لحد يقلل منك ولا يحسسك أنك ضعيفه انا عارف إنك طيبة وقلبك أبيض بس علشان خاطر جدك متحسسهمش أنك ساذجة ولا ضعيفة لازم تثبتي نفسك كويس هناك ي بنتي فاهماني؟ إبتسمت بقلق _خير ي جدو متقلقش _يلا في أمان الله _في حفظ الله قفلت باب الشقة وسمعته قال حاجة مش واضحة وأنا مهتمتش ومشيت بسرعه لاحسن أتأخر "ي تري ي بنتي هتقدري تقفي في وش الظلم وتجيبي حق الي راحوا ؟ ولا هتروحي زيهم!! " ....... التاكسي وقف قدام المستشفي وانا نزلت وإتسمرت مكاني مش معقول الجمال دا !! إزاي المهندس الي صمم الصرح العظيم دا إبداعه كان بالشكل دا! دخلت لجوا وأنا مازلت مبهورة أوي واااااه فتحت عيوني لقيتي علي الأرض والملف بتاعي إتبعتر رفعت رأسي للظل الي محاوظني بهالة غريبة و..جميلة! شاب في أواخر العشرينات طويل جدا ،شعره أسود بيدي لمعه خفيه مع الضوء بشرته خمرية وملامحه باين عليها الشدة والقسوة..والغرور _هاااااي أنتي ؟ طرق صوابعه قدامي علشان أفوق من تأملي فيه _ها ! نفخ بضيق_لا أنا مش فايقلك الممر ضيق قومي وسعي من قدامي كدا في ثانية عقلي رجع للواقع تاني..هو خبطني..وقعت علي الأرض..ورق إتبعتر..ومتأسفش وبيبجح!! قومت بسرعة من مكاني ولميت الورق ولقيته لبس نضارته ولسه هيمشي _أنت إستني هنا لف بإستغراب_أنت دي ليا أنا!! ربعت درعاتي ورديت بسخرية_أومال أقول أنتي مثلا؟ _إحترمي نفسك أنتي مش عارفة ببتكلمي مع مين ي شاطرة؟! _محصليش الأرف والله رد بذهول_أرف!! أنا... _وفر جملتك لنفسك وسع بقي من قدامي أصل الممر ضيق زي ما انت فاهم ولا أيه؟! مشيت من قدامه وانا مبسوطة يمكن في موقف تاني كنت قعدت أعيط بس كلام جدو شجعني منكرش إني خفت من شكلة وعروق رقابته الي برزت من العصبيه بس مش مهم..المهم مين دا فعلاً؟! دخلت وقابلت السكرتيرة وقالتي عشر دقايق وهتقابلي دكتور مراد العمري صاحب المستشفي _إتفضلي ي دكتورة _تمام خبطت سمعت صوت هادي سمحلي بالدخول فتحت الباب وماشية بالراحة خالص بحاول أتوازن من التوتر الي مسكني فجأه _طب مااجيلك أنا أسهل بدل النص ساعه مشي دي.. رفعت رأسي بسرعه ونبرة الصوت مش غريبة عليا _ي سواد السواد ي مرمر ي حزن الحزن قولتلها بسرعه من الصدمة وماختش بالي أنه سمعها غير لما سمعت ضحكته الرجولية العالية _مرمر! _أحم حضرتك دكتور مراد صح؟ رد بتريقة_سلامة النظر ي مرمر _لا دي وسعت أوي أنا مش هشتغل أصلا أنا ورايا محشي في البيت سلام عليكم جريت من قدامه بس هو سبقني ووقف قدام الباب _أنتي جبانه بقي ؟ _جبانه !! لا طبعاً _أومال خايفة مني لية؟ _وانا هخاف ليه؟ _يعني لاحسن أربيكي وآدبك واقص لسانك الطويل علي الي عملتيه من شوية _بلاش كلام فارغ _صح..صح وشك الاحمر من التوتر جيبنك العرقان إيدك الي بتترعش ..صح أنتي مش خايفة خالص سكت وهو مشي وقعد قدام مكتبه بكل غرور وجبروت وأتكلم بجمود_إطلعي برا إتفاجئت_أية!! _برا ي دكتورة أنا مبشغلش أطفال هنا يلا برا حطيت إيدي علي الأوكرا ووقفت لحظة إفتكرت وعدي لجدي إني مسمحش لحد يقلل ولا يتريق عليا ولا يستغل طبيتي إفتكرت أني لازم أكون قوية.. لفيت وبصيتله وشيلت نظرة التوتر والقلق من عيوني ورسمت بدالها نظرة ثقة وإبتسامة قوة.. مشيت لحد مكتبه وحطيت درعاتي علي المكتب وعيوني بتقابل عيونه في تحدي سافر.. _أنا الدكتورة مرام أحمد عبد الوكيل الدكتورة الجديدة الي هتمسك قسم الاطفال عندكم بالمستشفي إتفضل قوم وريني أنهي دور بسرعة علشان معنديش وقت بصلي بصدمة وبعدين إبتسم بتحدي_أوي أوي ي دكتورة مادام مش خايفة ولا هامك حاجه يبقي إستعدي يلا علشان وقت حضرتك ..... بقالي شهر أهو بشتغل وطبعاً يومي مبيخلاش من تحكمات مراد وغروره بس حقيقي حبيت ناقر ونقير الي أحنا فيهم دول.. إعمامه جم النهاردة المستشفي وإستغربت من طريقة كلامهم معاه جدا..كان صوتهم عالي جدا : عمه الكبير بعصبيه_أنت فاكر نفسك مين ها ؟ مراد ببرود_مراد العمري رئيس مجموعه مستشفيات العمري عمه_اه هو علشان جدك كتبلك معظم ألاسهم قبل مايموت هتتفرعن علينا صح دااحنا نفعصك مراد بتريقة_تشرب أيه ي عمي باين ريقك ناشف شوية صح؟ عمه كان هيمسك فيه بس إبنه مسكه وأتكلم بخبث يحيي_مراد فاهم ي بابا أحنا عاوزين نقول أيه ونقدر نعمل أيه وبعدين مشيوا وانا مقدرتش أمنع نفسي ودخلت مكتبه إتفاجئت .. قاعد كأنه عنده مليون سنة شايل الهم وحاطط رأسه بين أيديه حتي محسش بدخولي .. _مراد قولتها بتردد قلقانة من رد فعله بس هستحمله رفع رأسه ومترسمش علي وشه الغرور ولا الجبروت زي العادة!! _نعم ي مرام _أنت كويس! _إنتي شايفه أيه؟ _مش عارفه _ولا أنا سكت شوية وبعدين وقف وقعد علي مكتبه قال بضيق_إنتي سايبة شغلك وبترغي معايا يلا من هنا بصتله لثواني كدا حاسة أنه عنده إنفصام مثلا! وبعدها ضحكت.. فضلت أضحك وأضحك وهو بيفترج عليا ومبتسم _بتتضحكي علي أيه؟ _عليك _نعم!! _أنت ليه بتعمل كدا؟ _بعمل أيه؟ _بتتغير..بتتحول..بتتلون علي حسب الموقف ليه مش طبيعي ؟! بصلي وسكت شوية _مش بمزاجي للأسف _يعني أيه للأسف قام وقف بعصبية ومسك دراعي بعنف _أنتي بتتكلمي علي أساس أيه ها!! أنتي مين أصلاً ؟ تعرفي عني أيه ؟ عاوزة توصلي لأيه؟ عينك عليا مثلاً؟ عاوزة توقعيني في شباكك صح! بتترسمي عليا البراءة والطيبة وفكراني مغفل مش كدا ؟ _........ رد بعصبية اكتر_ردي عليا مش صح!! رديت بهدوء_سيب دراعي _مش قبل ما تردي عليا عيوني دمعت_دراعي وجعني سيبه.. كأن تعبان قرصه..إتنفض بعيد عني وبيبص علي دراعي الي بدلكه بهدوء وماسكة دموعي بالعافيه إديته ضهري ومشيت ناحية الباب وقبل مااخرج قولت _بتكلم علي أساس إني شايفه إنسان بيحاول يمثل علي الكل القوة والجبروت وهو أضعف خلق الله انا مين أنا إنسانه عادية جدا مفرقش معاك في حاجه كل الحكاية كنت محتاج حد يهون عليك وانا كنت مستعدة أسمعك أعرف عنك أيه..اعرف إنك بني أدم كويس فيه خير بس بيحاول يدارية جوا غلاف القسوة والكره والعنف انا مش بريئة ولا طيبه أنا إنسانة عادية جدا بتعامل زي ماجدو ربناني بحب وطيبة يفترض حسن النية دايما حتي لو كنت بالسوء الي ظاهر دا أكيد جواك لو جزء من روحك..محتاج حد يظهره علشان ينور ونوره يغطي سواد حياتك.. عاوزة أوصل لأيه..ولا حاجه عاوزة اشيل الغلاف الاسود الي محاوط بيه قلبك دا..يمكن تفوق وتبطل إستهتار بمشاعر الناس.. أنا كدا جاوبتك علي كل أسئلتك.. ومش مسامحاك علي إسائتك ليا بعد إذنك.. ... من اليوم دا وانا بتجنب الكلام معاه..انا واجهته بحقيقته الي بيحاول يداريها ومش متفاجئة من رد فعله..دا الطبيعي أصلا خلصت شغلي متأخر وتقريبا الدور الي أنا فيه بتاع مكتب الدكاترة فاضي خالص وبلم حاجتي علشان أروح ومرة واحدة..النور قطع!! حسيت بنفضه سريعه في جسمي خوف حاوطني وكأني وقعت جوا بير كله سواد ومسنتية أيد تشدني.. قعدت علي الأرض من الخوف وابتديت اعيط وصوتي عمال يعلي ويعلي ويعلي..لحد فجأة _مييين هنا!! سمعت صوته قريب مني رديت بحاول اطلع صوتي من كتر العياط_مراد أنا هنا نور بسيط جاي من بعيد لحد ماثبت قدامي شدني علشان أقف وانا مش عارفة أسيطر علي أعصابي _إنتي كويسة؟ _خرجني من هنا خرجني _حاضر متخافيش فضل منور كشاف موبايله لحد مانزلنا تحت قدام المستشفي وهو فضل ماسكني بحماية ودعم لحد ما النور نور تاني كانت المحولات فيها مشكلة تقريبا كل دا مكملش ربع ساعة أصلاً إبتسم _مكنتش أعرف إنك خوافة بالشكل دا مسحت دموعي لكني زي الاطفال_مكلش دعوة أنت قلد صوتي بشكل مضحك_مكلش دعوة أنت! ضحكت علي طريقته وتعابير وشه وهو كمان ضحك _تعالي أوصلك _أيه أيه سهلة كدا !! _ي بنتي أنت دماغك متركبة أزاي _دماغي علي كتفي يلا طريقك أخضر سبته مذهول من تحولي السريع وركبت تاكسي وروحت ...... كان فية حفلة بمناسبة إفتتاح مستشفي جديدة في محافظة ما..والحفلة للأسف كانت في بيته لبست فستان لون السما وطرحه وحطيت ميك أب خفيف وروحت الحفلة.. الاجواء معجبتنيش..بس غصب عني عنيا بتدور علي شخص معين هنا وهناك مش ظاهر أبدا.ويم... _بتدوري علي حد؟ إتخضيت ولفيتله بسرعة وكنت لسه ههزقة علي الخضة دي بس سرحت! واقف مربع إيدية ولابس بدلة لونها أسود وقميص أبيض وببيون أسود..حقيقي حقيقي أنا تنحت من حلاوته بجد فوقت علي ضحكته،إتكسفت ومشيت من قدامه بسرعه وطلعت الجنينه لقيته جاي ورايا ووقف جنبي.. _علفكرة بقي أنا عاوزة أقف لوحدي _وعلفكرة بقي أنا عاوز أقف معاكي _رو.. _أنتي أزاي جميلة بالشكل دا و للدرجة دي سكت شوية.. _لدرجة أي؟ _الإستفزاز _أفندم! _لا بجد إزاي؟! _أنت مجنون سيبته ومشيت كام خطوة لقيته ماسك دراعي تاني شيلت أيدية ورجعلته وانا بتكلم بعصبية _لا ماهي مش سايبة و لافاتحاها علي البحري بقي إحتر... _أنا أسف إتصدمت..متوقعتش أسفه أبدا _أيه!! _أ ن ا ..أ س ف قالها بتقطع وتشديد علي كل حرف وانا مركزة معاه جدا لدرجة إني توهت _مرام _ها! _لا دا كدا عظمة أوي قالها ومشي من قدامي سابني متنحه أو هيمانه مش عارفة لحظة كدا..ي حيييييييوان ماشي ماشي ي مراد بتثبتني!! دخلت لجوا تاني وانا متغاظة جدا..لقيته واقف مع دكتورة باردة غلسة دمها تقيل إلهي تولع وهي واقفه..متهمنيش في أي حاجه أصلاً.. لقيت واحد جاي عليا ومد أيده علشان أرقص معاه كنت لسه هرفض..بس حاجة خلتني أبص علي مراد لقيته بيطلع نار وعيونه حمرا ومركز معايا.. إبتسمت للواقف قدامي ولسه همد أيدي لقيت إيد مسكت إيدي وبتضغط عليها جامد _سوري ي أحمد الدكتورة مبترقصش _لا أن.. بصلي وقال بصوت واطي_إخرسي أنتي خالص مشي الشاب ومراد شدني من إيدي لحد ما وصلنا الجنينة تاني..زقيته بعيد عني وضربته بالقلم _أنت بني أدم ماشفش تربية أصلا بصلي بجمود وقرب قوي مفصلش بينا غير سنتي قال بهمس_مقولتيش جديد ي مرمر ورجع مكانه تاني وانا عرفت أنه بيلعب بأعصابي عيوني دمعت _أنت بتستخف بيا مش كدا؟ فاكرني ضعيفة صح؟! أنا مش عايزة أشوف وشك دا تاني مسكت طرف فستاني وجريت سمعته بينادي عليا بس متلفتش لية.. روحت بيتنا ودخلت أوضتي وانا بعيط ..متعودش حد يعاملني كدا أو يستخف بيا كدا..أنا أنا كنت عاوزة أساعده بس هو ميستهلش أصلاً فضلت أعيط.. لحم نمت من التعب .... _مرام أنني مروحتيش المستشفي ليه ي بنتي؟ مش عارفة أقول أيه لجدو بس محبتش أحكي مشاعري لحد أو محبتش أبان ضعيفه تاني _أنا هسيب المستشفي ي جدو قام بسرعة من مكانه _حد ضايقك ،عرفوا أنتي مين؟ إستغربت جدا ومفهمتش كلامه _ ٱنتي مين أيه؟ ومين دول الي هيعرفوا!! _ها! لا مفيش أنتي سبتي بقي المستشفي ليه؟ _جدو في أيه؟ أنت مخبي عني حاجة صح! _لا _جدو _ايوا سكت شوية وبعدين قال _تعالي هحكيلك إنتي لازم تعرفي كل حاجه _إحكي..
