*❴📖❵↵ كيف احتمل قلبي الحب ❤🩹* *❴🔢❵☟الـــبـــــــــــ❴1❵ــــــــــــارت☟* ➖➖➖➖➖➖➖➖➖ * ➖➖➖➖➖➖➖➖ _____________________________# _أخبَرتُكِ أن لا فرقَ بيننا..لَكن بعدَ اليوم هُناك ألف فارق بيني وبينك..أتفهَمين__ _____________________________# جميلة: يلا يا بنااااات مين رح يجي لعندي عالمطبخ رؤى و رُوها: أنا جميلة؛ يعني تنيناتكن رح تدخلو عند الخطابين؟ رؤى و روها: اي ضحكت جميلة من كل قلبا..كبروا بناتا التؤام يلي كانو يكرهو بعض وهنن صغار وكل ما يكبروا يوم عن يوم يصيرو يحبو بعض اكتر واكتر تركت الجَلي جميلة ودخلت لعندن جميلة: الله يحليلي ياكن اي..بدي ياكن على طول هيك تحبو بعض رؤى و روها: تكرمي مامي جميلة: اي بس قومو بسرعة وحدة تلحقني عالمطبخ ووحدة تلم البيت بدي يصير عم يلمع رؤى: خلص انا جاي معك روها: وانا بلم البيت جميلة: اي يلا لكن.. رؤى اكبر من روها بدقيقة..ومن لما خبرتهن امهن هل معلومة صار في كتير اختلاف بين رؤى و روها بس بالنهاية تقبّلت روها هل شي وقالت عادي بس رؤى صارت تحس حالها البنت الكبيرة يلي بالبيت وبكلشي.. خلصو المطبخ والبيت وصار كلشي جاهز.. جميلة: مين بعدين رح يدخل عند الخطابين هدول بيت الجوخدار ما بدي ياخدو من عند بيت عمكن ماشي روها: انا مابدي ادخل خلي رؤى الاكبر تدخل رؤى بألم: لا انتي دخلي انا كتير بطني صارت توجعني ماعم احسن اتحرك ااااخ روها بقلق: شو صرلك اختي هلا فجأة رؤى: مابعرف مابعرف اااخ يا اميييي روها: طيب خلص نامي تسطحي دفّي حالك ونامي شوي بجوز تفيقي من هول لساعة وانت مصحصحة رؤى: لك خلص دخلي انتي شو صرلك عم قلك مافي فرق بيني وبينك رؤى تسطحت ونامت هي عم ترجف.. بعد نص ساعة ما فاقت رؤى..وجميلة صارت تنق على روها لتجهز حالها وبالاخير وافقت وقامت تلبس بالنهاية رؤى و روها تؤام ومافي فرق بيناتهن ابدا ولا ١ بالمية..حتى الله خلقلن نفس الصوت ومافي فرق بينهن الا شغلة وحدة ويلي هي طول الإبهام👍🏻..و روها إبهامها أطول من إبهام رؤى.. اندق الباب ودخلوا الجماعة بعد ما فتحتلهن الخدامة واستقبلتهن جميلة بإبتسامتا المُعتادة.. راحت روها عالمطبخ وحطت القهوة عالنار وهي عم ترجف وما تعرف ليش كل هل توتر..بعدين دخّلت القهوة ودخلت ضيفتهن روها؛ تفضلي خالة ام ناصر: لك تؤبريني على هل طلة ما حلاها يسلم هل ديات روها: الله يسلمك..وصار وجها احمر روها: تفضلي روحي اختو لناصر الصغيرة شيماء: شكرا😒 ما انجقرت فيها روها وبركت معهن ام ناصر: شو اسمك حبيبتي روها بتوتر: ر..روها ام ناصر حسنية: عاشت الاسامي يا روها شو دارسة روها بدون مة تنتبه انها عم تحكي بالجمع: نحن صف حادي عشر هلأ وعم نحضر للبكالوريا حسنية باستغراب: مين انتو؟ جميلة بتوتر: هه لا تواخذيها بس بنتي على طول بوقفوها خطابين وهي رايحة على معهدها وبتكون مع رفقاتها وبتقلهن نفس الجملة..ما هيك بنتي روها: اي مبلا هيك حسنية: ايواا اي الله يخليلك ياها يعني عمرك ١٧ سنة؟ روها: اي☺️😊 شيماء: مو كأنها صغيرة كتير على نصّورة اي بتطلع قد بنتو ههههه حسنية: لا بالعكس ابني عمرو ٢٥ سنة وحبيت افرح فيه قبل ما الله ياخد الامانة روها وجميلة: بعد عمر طويل حسنية: تسلمو يارب.. طلعت روها من الغرفة بعد ما زورتها امها ٣ مرات وهي ما تفهم وقفت ورا الباب لحتى تسمع شو عم يحكو حسنية: اي اختي ام مجد بتخطبيها للصبية جميلة: ولله يا روحي انا ماعندي غير بنتين وحابة افرح فيهن وأمّن عليهن بتعرفي لا انا ولا ابوهن ولا اخوهن رح ندوم فإذا الله بعتلنا ابن حلال متل بنتنا ما منعارض وانتو مافي منكن ما شاء الله نطت شيماء: اي لكن البلد كلها بتحلف براس اخي ناصر محمد الجوخدااااار زورتها حسنية لبنتا لتسكت جميلة: ونحن بناتنا مافي منهن ومن تربايتهن لو بتسألي البلد كلها عن تربية بناتي بيحلفو براسهن حسنية: اكيد ولله والنعم منكن لكن يوم الجمعة بجيب ابني ليشوف المحروسة جميلة: مية السلامة وانا بقلو للححي نشالله حسنية: نشالله لكن اهم الشي موافقتو..لكن منستأذن جميلة: لسا آعدين ولله خليكن حسنية: غير مرة نشالله خلص صارو جياتنا لهون كتيرة😉هاد بيت اهلها لكنّتنا جميلة: بتنورو ولله راحت فورا روها على غرفتها وغيرت غراصها ومسكت التلفون مشان اذا دخلت امها ما تبين الها انها كانت عم تتسمع عليهن راحو الجماعة ودخلت جميلة عند روها ولفّتها روها باستغباء: شبك مامي جميلة: اخيرا رح افرح بوحدة فيكن🥹ولله بس يعرف مجد انو مشي الحال لحتى يطير عقلو اذا رفيقو تزوّج اختو روها: يعني..شو صار جوا بعد ما طلعت جميلة: طلبوكي وبعد بكرا رح يجي الشب يشوفك روها : نن..نعم؟ بدي ادخل ع..عند الشب؟ جميلة بضحكة: ههههه اي لكن انا بدي ادخل لعندو..فيقيلي اختك وتعو ساعدوني لنحضر الغدا روها: يلا طلعت جميلة من الغرفة و روها صارت تنط على تختها من الفرحة وفيّقت اختا باصواتها رؤى: لك ايييييييي اشبككككك روها: ياي فيقتك اسفة والله..لك دي قومي بقى لو تعرفي شو صار رؤى: شو صار🤕🥱لحتى عم تنطي هيك متل الجدبان روها: اجو بيت الجوخدار وعجبتن لك طلبوني يا اختي طلبوووني رؤى: عنجد؟ روها: لك اي اي🤭🤩 جميلة: لك يلا خلصوني يا بنااااااااات روها: خلص قومي نساعد امك انتي شلون صارت بطنك رؤى: لا احسن مو نمت ودفيت..كني كنت اخدة برد امشي امشي عند امك🙄 راحت رؤى و روها عالمطبخ وصارو يساعدو امهن.. اجو المسا ابو مجد ومجد وهنن عالاكل مجد: رؤى عطيه لأبوكي خبز من جنبك روها: انا مو رؤى انا روها شوف اصبعتييي مجد صار يضحك: لك شو عرفني انتي وياها نفس الخلة مافي فرق روها رؤى نفس الشي جميلة: صار عمرن ١٧ سنة وماعاد تعرف تميزهن جميلة: صحي نسيت قلكن انو اليوم اج.. ابو مجد: منحكي لحالنا بعد الاكل جميلة شبعوا وقامو البنات يلمو الاكل وقامت جميلة ومجد وابو مجد على غرفة لحالهن وصارو يحكو بعدا طلعت روها تتحمم وبركت رؤى عم تقرأ قصة على موبايلها ودق الباب مجد ودخل مجد: شلونا عاروستنا الصغيرة؟؟ سكتت رؤى وابتسمت بعد ما عرفت انو اخوها ما عرف انها مو روها رؤى : منيحة اخي *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ `
