وهــنــيــئــا لــفــتــاه انــتــصــرتــ بأفــعــالـــهــا | روايتك

ماما كاا تفيقق فياا ماما:يسرىى!! يسرىى فيقي أبنتي الله يرضىى علييك فيسااع أنا نضت كاا نجك عينيا:الله يسمعنا خباار لخيير …. شحاال الساعة، آش واقع ماما كا تهضر و أنا خدييت تيليفوني نشووف الساعة لقيتهاا قريبة 8 ديال الصبااح ماما:نوضيي غسليي وجهك و لبسيي حواجك فيسااع أنا:علاشش آش كااين، علاش مفيقان فهاد الوقت انا ماقارياش ليوم؟؟ ماما:باباك عندوو آجتمااع دابا مع 8 و نسااا شيي ورااق مهميين، رااه عيط و طلب منيي نصيفطهم معااك، يالاه يالاه نوضي و فيساعع نضت غسلت وجهيي و لبست حوايجيي سرواال سليم فلكحل مع قميجة طويلة فلبيض و صبااط بيض و درت شاليي فلكحل يالاه بغييت نديير لماكيااج و هيي تدخل ماما ماما:ناارييي على المسخوطة راها عااد تزوق، نوضي نوضي رااه باباك فضحني فالتيليفوون..هاكيي الضوسيي...و من يدك ليدوو رااه غيير كاا يوصيي و يعااود مشاات خداتلي مونطويا و صاكي و عطاتهومليي و جراتنيي ماما:خودي طاكسيي، عندك لفلووس؟؟ انا:و لوطوك؟؟ ماما:راها خاسرةة، يالاه يالاه سربييي لبست المونطوو و خرجت لشارع الرئيسي...غاا نحكيلكم على راسي بيد ماا وصلت سميتي يسرى سقااط، بيضة..عينيا كباار زورق و زوينين عندهم سحر خااص و خاصة فااش كاا نديرر ليهم لكحل و لا طاي زوينة و موسطة ما طويلة ما قصيرة و ...زيني بسييط و عربيي فعمري 25 سنة و مطلقة...تزوجت فااش كانت عندي 18 مباشرة بعد ماا خدييت البااك بولد جيرانا...كنت كاا نبغييه بزااف..تخلييت علىى كلش علىى قبلوا علىى واليدياا ليي عارضو زواجي فسني الصغيرة و خصوصا بابا كان باغيني نقراا و بحكم أنيي كنت بنتو الوحيدة كانوا عندوا بزااف ديال اﻷحلام ليا كان ديما كا يغوليي غاا نكون ناجحة فحياتيي والاكن فااش غلتلوا بغييت نتزوج كانت صدمة بالنسبة لييه و رفض رفضاا قاطعاا...طبعيي عنيدة و كاا نديير غيير ليي فراسيي و المراهقة و الحب عماولي علىى غينيا...هربت و تزوجد بزياد ليي حتاا هو عائلتوا ماكانوش موافقيين على الطريقة اي نتزوجنا بيها والاكن فرض علييهم رئيوا و هوماا ماقدرووش يغانروا و يفقدووه...مدة عاميين دقةةلمرارة من عندوو مووو و خواتاتوا والاكن صبرت و صبرت حييت ماعنديي فيين نمشيي...المشاكل بدااو بعد ما واليديه بغااو الحفيد أو الورييث كيف ما سماوه..خداتني ماماه لطبيب و هناا كانتةالصاعقة أني عاقر و ماكانولدش...و بعد الضغووط ديال عائلت زيااد خيرنيي ياا إما نكون الضرةة ولا الطلاق...جمعت حوايجي و مييت عند صاحبتيي الوحيدة سارة ليي كانت تقراا معايا و آنتاقلات تسكن بوحدهاا بااش تقرب الكليية...دخلت فمرحلة آكتآب مابقيتش نهضر و متبقييتش نضحك، حياتي دمراات و قلبيي تحرق...مابقييتش نخرج و كاا نفكر كيي غاا نعيش...مالقييتش سبب ليي يخليني نعييش و نكمل حياتي و قررت نديير حد للعذاب دياليي...حاولت ننتاحر والاكن مانجحتش واليديا و سارة عتقونيي...و هاكدا تصالحتومع واليدياا و مشييت للطبيب نفسانيي لمدة عام حتا تعالجت و رجعت لحياتي على قبل واليديا هوما مايستاهلووش نزييد نعدبهم فحياتهم و هوما ما خلاو ما داروو علىى قبليي...زيااد تزوج ببنت عموو هاد الشي عرفتوا من الصحافة بحكم الشعرة ديال عائلتهم...دخلت لمعهد لفونون حييت كاا يعجبنيي نرسم و لقييت فييه راحتيي....كنت كا نضن بيلا قصتيي سالات و فلحقيقة هي عاد غاا تآبدا وووف وصلنااا للشركة ليي خدام فيها بابا مديير المبيعات و التسوييق...الشركة مختصة فمجاال الموضة و أكبر المصممين يحلموا يخدموا فيهاا... بابا ناجح بزااف فخدمتوا...هاديي أول مرةة كاا نجيي لهناا من بعد زواجي...الشركة توسعاات و تبدلات بزااف...وااو هاد الشيي فعلاا كا يحمق...مشييت اﻹستقبال لي كانوت فييه 3 ديال المنيكات انا:المكتب ديال زهير السقاط الله يخلييك السكريتيرا...الطبقة 3 سوليي السكريتيرا تما غاا تنعتولك غاا تلقاي المكتب ديالها مقابل مع المصعد أنا:شكراا!! مشييت كاا نجريي دخلت ﻷسنسوور كاان غاا يتسد...لقييت فييه شي ناس أنا:سمحوليي!! طلع المصعد و وقف فالطابق الثاني و هوماا يبانوليي لباسات و لمانكات ملبسينهووم.... دااك واااو كاا يهبلل تسد بابا المصعد و زااد كلع حتاا ل3 و وقف..خرجت و مشيت لعند السكريتيرا تماا كانت بوحدها أنا:الله يخلييك، مكتب السي زهير سقااط السكريتيرا:واش نتي بنت السي السقااط؟؟ أنا:آهه السكريتيراا:جبتي الملف؟؟ أنا:آهه جبتواا السكريتيرا:عطيهني ناخدوو لييه انا تفكرت ماما شحاال نبهاتنيي من يدي ليد بابا:لا لا سمحيلي خوديني لعندوا و أنا غاا نعطيهلوا السكريتيرا:والاكن هو فاﻹجتمااع و المديير ماغايسمحلكش تدخليي أنا:ماشي سوقيي!! خوديني لعندوا السكريتيرا تعصباات و حاولات تبرد:ختيي رااه المديير ماكايبغييش ليي يقاطعوا وسط اﻹجتمااع، وااش باغيية تخرجيلي علىى خدمتيي؟؟ أنا:و أتا أختيي نبهونيي بااش مانعطييه لحتا واحد هزييت عيني و هيي تبانليي بلاكة كاتبين فيهاا قاعة اﻹكتماعاتت أنا:هوما لهييه؟. السكريتيرا:آه والاكن مانقدرش ندخلك أنا بحكم الباب ديال الزااج قررت نمشيي نطلل على الله يبانلي بابا و هيي تلحقنيي هاديك العوجة السكريتيرا:فيين غتدي آختيي أنا:ماغاندخلش غيير غاا نطل من الباب نشووف بابا السكريتيرا:و إلا شافك المديير أنا:نارييي!! من الصبااح و نتي فارعة لينا راسناا بهاد المدير ديالك، آش عندو ما يدير غااع أنا بغيت نمشي و هي تشد الضوسي من يدي من الطرف و أنا من طرف و بدينا نلعبوا كلق ليا نطلق لييك أنا:طلقيي الملف لهناا!! السكريتيرا:نتي راكك منتييف و غاا تخرجيلي علىى خدمتيي أنا تعصبت و كنت غاا نضربهاا:شوفيي قاسما بالله و ما طلقيي الضوسيي حتاا نضرب لختيي نتفة فاعلة تاركةة هيي شافت فياا..بلعاات ريقهاا...رخفات الملف و أنا نجبدوا لعندي بقوة حتاا بغييت نطييح..لا لا تسنااو أنا فعلا كنت غاا نجيب الربحة والاكن بسبب تدخل عامل قوي منع حصول هادده الكارثةالملف طاار فالسماا و أنا هزييت راسيي نشووف شكون شدنيي كان راجل فالعشريناتت...لحية خفيفة و نضرة حادة مافهمتهااش...يالاه بغييت نتشكرواا و هو يطلقنيي و مشاا...شحاال سبييت فييه فخاطريي حشومة علييه يديرلي هاكداكو علاش يديرلي هاكدا واش كاا نخلع؟؟ خرج بابا و لقاني منشورة فاﻷرض بابا:يسرى!! مالكيي؟؟ أنا دورت راسي و آنتابهت للضوسي خدبتوا و وقفت أنا:غيير طحت أبابا...هاا الضوسيي بابا:شكراا أبنتيي، الحمدالله المديير وقف اﻹجتمااع و خرج أما كوون راني سمعت الهضرة أنا سهييت كا نفكر واش لي شدنيي هوو المديير؟؟ لا لا باينة فييه عاد صغيير على اﻹدارة.. بابا:يسرىى!! يسرىى.. أنا:نعاام، شنو أبابا؟؟ بابا:فطرتيي أبنتيي ولا باقيي أنا:باقيي بابا:إواا يالاه نمشييو نفطرواا مشيت أنا و بابا لكافيتيريا فطرناا و خرجت رجعت لداار لقييت ماما فالكوزينة كا توجد لغدااا بدلت حوايجيي و صلييت نزلت عاونتهاا..جا بابا و جلسنا تغديناا فجو عائليي مليئ بالحب و الدفئ..شحال حلمت حتا أنا نكون عائلة صغيرة دياليي...بابا و ماما تزوجوا عن حب و يوم عن يوم كا يزييد حبهم يكبر و يقوى حسييت بنوع من الغيرة حيت الحلم دياليي فتأسيس عائلة تلاشا و مشاا مع مهب الريااح طلعت لبيتي ووسديتوا و بدييت نبكيي حييت من بعد كولشيي باقيي واحد الجرح كاا يحرقنيي و كيي نتفكرواا قلبي كاا يتشواا..ماشيي الحب حييت صافيي زياد نسيتوا و مابقا يعنيلي حتا حاجة...الحرقة ديالي هي شعوور اﻷمومة ليي عمرنيي غاا نجربواا و كلمت ماما ليي عمرنيي نسمعهاا... دااز أسبووع بين الداار و المعهد...ليووم البرد كتر..كان عندي درس فالصبااح ماقدرتش نكملواا و رجعت لداار..لقييت اللوطو ديال بابا حدا الداار تعجبت حييت ماشي وقتوا...دخلت لداار لقيتوا جالس هو و ماما كا يهضروا و غيير شافوني سكتواا..مشييت سلمت عليهم بابا:مالك أبنتي جيتي بكريي أنا:جانيي البرد و ماقدرتش نصبر و جييت بابا:ههه كيفك كيف ماماك حتا هي ماكانتش تصبر على البرد... طلعت لبيتي لبست بيجامة خفيفة بحكم لكليمة فالدار مدفية الداار .. نزلت وجدت لغدا...و بقييت مقابلاه حتا وجد و حطيتوا و تغديناا و ماما و بابا غيير كاا يشوفوا فبعضهم...تغدينا و جبتلهوم قهوة بابا:آح آح أنا فهاطري و أخيرا غاا يهضر بابا:بنتيي بغييت نغولك شي حاجة أنا:خيير!! ماما:غيير الخيير أبنتيي بابا:سمعيني أيسرى(كيي كاا يغوول يسرى كاا نحس بجدية الموضوع) مابغيتكش تحسيي بيلا طيقتيي عليناا و لا تفهمي غالاط..نتيي راكي كبدتي و بنتي الوحيدة..نتي عينياا...نتيي هي الجوهرة ديال هاد الدار و ربيي عالمم الضلام لي عشت فييه فااش مشيتي...عمرك تغوليي هادي دارر واليدياا هادي راها دارك نتي و حناا علىى قبلك بنيناها(بابا عندوا الحق حييت درت و درت و رجعت ليها هادي هيي داريي ديال بصح و المكان لي كا ننتامي لييه)المهم أبنتيي هادي يوماين جاا واحد السي طالب و راغب فييك... أنا ماتفاجئتش ماشي أول مرة سبق جااو الخطاب حييت أنا عاطية لعيين و أكييد بزااف غاا يبغيونيي والاكن بعد ماا كا يعرفوا بيلا أنا مطلقة و عاقم كا يرجعوا مين جااو.. أنا:فاش غا يعرف بي.. بابا قاطعني:هوو عرف كلش نتي لي خاصكي توافقي علييه دابا..هو عندو جوج وليدات تواام مهم ماتت فاش كانت تولدهم هادي 4سنين يعني هوما باقيين صغاار بزااف أنا:و شكوون هو هادا؟؟ و فيين كاا يعرفنيي؟؟ بابا:المديير دياليي، على حساب ما غالي شافك نهاار جيتي لشركة أنا بقيين نغوول فباليي واش نفسوا ليي شدني و رمانيي..و شفت فماما باش نعرف رأيهاا ماما فهماتني:هادا قرارك أبنتيي و ماغاتاخديي من عنداا غيير الرضى و البركة...أنا ماكانضنش غاا تلقااي ماا حسن، و الحب يقدر يجيي من بعد العشرة و الزوااج أنا:كي سميتوا أبابا؟؟ بابا:مازن برادة أنا:واخة أبابا، غاا نفكرر و نرد عليكم بابا:خودي راحتك أبنتيي غيير ديري فبالك بيلا حناا معااك فأي قرار خديتيه...غيير بغيناا نشوفوك حتاا نتيي فدارك حييت الموت و الحيااة هادي عنقتهم و طلعت لبيتي و صلييت الضهر و العاصر و خدييت لبسي قلبت فلفيسبوك علييه و لقيتواا كان داير فلكوفر تصويرة ديال زوج ولاد و هو هازهم كا يطفييو فالشمعة ديال 4 سنين..و اﻷجوااء ديال اﻹحتفال و فلبخوفييل تصويرتوا بالنضاضر قدام شي سوور...دخلت لتصااور ما بانليي والوا حييت ماعندييش فلي زامي و فنفس الوقت ماقدرتش نبعتلوا طلب صداقة...شفت تارييخ اﻹزدياد ديالوا..ماكبيرش بزااف علياا..بيناتنا 4 سنين أنا 25 و هو 29...حطييت راسيي على لوسادة كاا نفكر زعماا ماغانلقاش ماا حسن منوو...هو عندو لولادد و ماغايطلبهومش مني و فنفس لوقت أنا غاا نحسبهم ولاديي و نديرهم فعينياا خاصة بعد ماا شفتهم و عجبونيي..زوينين بزااف و كيووت...لبناات فالحالة العادية كاا يحلمواا كيي غاا يعيشوا مع زواجهم و أنا حلمت راسيي كاا ندوشلهم و نوكلهم و نلبسهم و نلعب معاهم...آبتاسم، آبتسامة نابعة من القلب حييت أول مرة من مدة طوييلة كاا نفرح هاكداا...حسييت بصيص أمل و حيااة جديدة غاا تبدا أصبحنا و أصبح الملك الله أول حاجة درتهاا بعد ما فقت..صلييت و دعييت ربيي يعاونيي...نزلت لتحت لقيت غيير ماما بستهاا و جلست معاها حتاا جا بابا و تجمعنا فالصالون أنا:بابا!، انا فكرت و قررت بابا:و شنوو قررتي؟؟ أنا:أنا موافقة والاكن حتاا نتلاقاه و نهضر معااه...خاص كلشيي يكوون واضح بيناتناا حييت هادا الزوااج أبابا ماشي اللعب و حنا ماكانعرفووش بعضنا مزياان بابا:آه أبنتيي عندك الحق...أنا عشية نهضر معااه بعد ما تغدينا بابا رجع للخدمة و أنا جمعت مع ماما و طلعت لبيتي و فتحت لبلاكاار طوييت حوايجي و نقصت ديال الصييف و حايدت داك الشيي لي مابقيتش محتاجة باش نصدقوا حتاا ودن المغرب و نضت توضيت و صلييت و نزلت لتحت جلست مع ماما حتا جا بابا مسشيت حبيتلوا يدوا و شديت من عندوا السخرة و ديتهاا لكوزية و وجدت أتاي و القهوة و الحلوة و المسمن..رجعاات بياا الذاكرة للوراء...تفكت فااش مامات زيااد كانت كاا تعايرني و أي حاجة نديرهاا تلقاا فيها عيب أي حاجة نطيبهاا ديرلي فيهاا لملح ولا السكر...شحال من مرة شفتها بعينيا والاكن كنت صغيرة و ماعرفتش علاش كنت كا نخااف منهاا..يمكن كنت كاا نحتارمهاا ماكنتش نبغيي نديير لمشاكل كنت كاا نجمع فقلبيي كنت كا نقوول ماعلييش دورك تبغيني والاكن والو من اﻷول كانت حالفة علياا...جلست أنا و بابا و ماما كاا ناكلوا حتاا هضر بابا بابا:أنا هضرت مع الشي مازن و رااه عطيتوا نمرتك و غداا حيت السبت بلعشاا غاا يدووز علييك بااش تمشيو تتغداو برا أنا:آنشااء الله أبابا جمعت الطبلة و ستفت الماعن فالمشينة و طلعت لبيتي فكرت شنوو نلبس غداا (الصورة) خليتهم فجنب و دخلت دوشت...كبحت اﻷحلام دياليي...مابغييتش نتعرض لشيي خيبة أمل...عارفة بيلا كاا نضلم نفسيي حييت اﻷحلام هوما أجمل حاجة فهاد الدنياا والاكن أنا من مدة مابقييتش كاا نحلم بالمستقبل كا نعيش اللحضة و كاا نحاول نفرح واليدياا حييت هوما ليي عنديي...آه غلطت والاكن ماندمتش أنا تعلمت من الغلط دياليي و الحمد الله عائلتي سانداتنيي...خرجت من الدوش و نزلت لقيت ماما موجدة لعشا تعشينا و طلعت لبيتي لقييت 2 تعيطات من نمرة مجهولة...يالاه بغيت ندخل نغسل سنيا و هو يصوني و النمرة مجهولة أنا:ألووو(الصمت)واش كاتسمعونيي؟؟(الصما)ش­كونن معايا؟!(الصمت) قطعت و حطيت التيليفون يتشارجا و مشيت غسلت سنيا و رجعت تكمشت من البﻻد و نعست