فالصالون جالسة امرأة لابسة بيجامة بسروال فالشيبي جامعة شعرها القهوي على شكل سفنجة متبعة مسلسل مصري فومتها عادية ككل النساء المغربيات عندها الصدر و عندها شوية من الكرش خارجة و عندها شوية من المؤخرة زينها عادي ماشي زين لي يفتن و ماشي خايبة عينيها كحلين رموشهم ماطوالش بزاف لون وجهها مائل للإسمرار عندها الحناك و فمها منفوخ بلا بوطوكس ... سمعات الدقان و ناضت كاتقول و هي غادة لجيهة لباب : واخا واخا تسنا وصلات لحدا لباب و حلاتو و بان رجل وجهو ابيض عندو لحية خفيفة و زوينة و موسطاش خفيف عينيه كحلين شعرو كحل كثيف فورمتو عادية لابس سروال ديال توب رمادي مع قميجة بيضة صباط اسود و معاه جوج وليدات شاد بيديهوم لابس كارطبات فضهرهم واحد كبير و الثاني صغير كايتشابهو بجهج بيضين و شعرهم كحل كايشبهو لباهم ... دخلو و سدات المرأة لباب و قال الرجل : كاين شي مايتكال المرأة: بدل حوايجك و انا بينجيب ليك ماتاكل الرجل: (كايحيد صباطو) لا مازال خارج غير ناكل و غانمشي المرأة: واخا سير جلس فالصالون و بينجيب الماكلة (هزات ولدها الصغير) حبيبة ديالي أسامة ديالي مشيتي لنادي قريتي مزيان أسامة:(حرك راسو بالإيجاب) اه .. معلمة ... زابت لينا... نفاخة كبيييييلة هاكدا (كايعبر بيديه) المرأة: مزيان ا لفنون ديالي (باستو فخدو و حطاتو) مشات المرأة للكوزينة حطات براد اتاي فالسينية مع الكيسان و هزاتو داتو للصالون فين كاين راجلها و ولادها و رجعات للكوزينة جابت طبسيل ديال البغرير مدهون بالعسل و الزبدة ... جلسات معاهوم كبات ليهوم اتاي و عطات لولادها ياكلو و كاتاكل حتى هي المرأة: هشام فاش تكون راجع جيب ليا معاك لبطاطا راه سالات هشام:(كاياكل) اوا الا تفكرتها راكي عارفة راسي فيه شلا مطارق و مابين نتفكر ليك البطاطا ا ليلى ليلى: بينسيفط ليك ميساج باش نفكرك هشام: يا لمهم انا مشيت دابا ليلى: كمل بعدا ماكلتك هشام: الله يجعل شي باراكة شبعت ليلى: اوا بالصحة هز هشام سوارتو و خرج من الصالون لبس سباطو و مشا و خلا ليلى مع ولادها بجوج جالسة كاتاكل معاهم و كاتضحك معاهم ليلى: صفوان شنو قريتي ليوم صفوان: قريت واحد الجملة و نضت للسبورة و سفقو عليا الدراري ليلى: بصح !!! برافو على ولدي العزيز صفوان: ماما عافاك خرجينا ليلى: فين نخرجو !! صفوان: نمشيو لجردة نلعبو شوية ليلى: عندك التمارين! صفوان: لا ماعنديش ليلى: اوا كول باش نوضو نمشيو انا غانمشي نلبس و نرجع مشات لبيت نعاسها لي كان عادي فيه ماريو ديال ابحوايج و ناموسية مغطية بكوفر لي و كوافوز كبير فيه برودوياتها و مرايا معلقة فالحيط و مفرشة زربية فالأرض ... حلات لماريو و جبدات جلابة فالباج مطروزة بالكحل افازي ... لبستها و جمعات شعرها كو دو شوفال و دارت ريحة خفيفة و لبسات فلغة كحلة فرجليها و بزطام فيه شي صريف و هزات السوارت و تيلي ... مشات عند ولادها لقاتهم كملو ماكلتهم جمعات الطبلة بسرعة و مسحاتها و هزاتةتيلي باش تعيط لراجلها تعلمو بلي راه خارجة ... بدا كايصوني تيلي و سمعات الصونيط فالدار .... تبعات الصونيط و لقاتو محطوط فوق الطبلة يالاه جات تهزو و سمعات الدقان .. حلات لباب و لقات راجلها رجع هشام: نسيت تيليفون ليلى: اه راه يالاه لقيتو هشام: فينو!? ليلى: راه فوق الطابلة هشام:(دخل هز تيليفونو) فين غادة ليلى: بينمشي انا و الدراري لجردة لي حدانا يلعبو شوية تما هشام: واخا صافي
