" البارت الاول من روايت المفقودة " كان الجو باردا في ليلة مظلمة باردة مليئة بالضباب كنت ابكي بشدة كان يمكن ان اموت من البرد لدي فقط قطعة قماش التف بها داخل صندوق ورقي ، وزاد صراخي وفتحت أمرأة الباب لي واخذت تهدئني و تحضر بعض الاغطية الصغيرة لكي تدفأني واتت ببعض الطعام لي .. وكنت شاكرة لها ، هذه انا غزل . غزل : صباح الخير يا ماما . وقبلت يديها . كرمة : صباح النور يا بنتي .. اومال سليم لغايت دلوقت مصحيش .. دانا لساني داب معاه . غزل : انا هصحيه يا ماما . دلفت الي غرفة سليم الذي يبلغ من العمر السادسة عشر . غزل : سليم .. سليم اصحى يا حبيبي يلا عشان تروح المدرسة . سليم : لاءاا انا عايز انام . غزل : يعني اول يوم مدرسة كدا تغيب ده انت بقيت في تلتة اعدادي يعني لازم تلتزم عشان تخش ثنوي مرتاح . سليم : يعني لازم تسمعيني المحاضرة دي اديني صحيت . غزل : ايوه كدا . سليم : معلش انا آسف اني عاملتك كدا انتي وماما لما جيتوا تصحوني . غزل : ده انت كل مرة كدا لما نصحيك اصلا يلا عشان تلبس ونفطر ونروح المدرسة . وذهبت غزل وحضرت الافطار و ارتدى سليم زيه المدرسي و تجمعوا على سفرة الافطار . كرمة : مستعد يا سليم لسنة جديدة ده انت لازم تذاكر كويس وتجيب درجات حلوة زي السنة الي فاتت عشان تنجح وتخش ثنوي . سليم : بتقولولي انا الكلام ده .. انا مش اي حد يا ماما ، اما انا السنة الي فاتت جبت ممتاز والسنة دي هجيب اعلى من ممتاز .. إنشاء الله هجيب فائق وهرفع راسكم . كرمة : يارب يابني . غزل : مش كفاية كدا ويلا عشان منتأخرش على المدرسة . سليم : ماشي يلا انا جاهز . غزل : سلام يا ماما . سليم : سلام يا ماما مش عيزة حاجة . كرمة : لاء يابني عوزة سلامتكم .. خلي بالكم من بعض . غزل : حاضر يا ماما . يوسف : يلا يا بروج كل ده بتلبسي كدا هنتأخر . كان يوسف الاخ الاكبر في البيت يبلغ من العمر ٢٧ عام يعمل مهندس معماري وهو مدير الشركة وهو شاب جميل لديه جسم رياضي ولديه عضلات بارزة قوي البنيان وذو خلق ، بشرته قمحية بيضاء وعيناه العسليتان وشعره البني الجميل الحرير ، كان لديه اخاه آدم وحذيفة و بروج اخته الصغرة التي لديه 15 عام وعمته سهيلة و ابنتها ألاء الذين يعشون في قصر ضخم جدا بروج : حاضر يا يوسف اديني خلصت يلا نمشي . يوسف : حذيفة روحوا انتوا اسبقوني على الشركة ماشي . حذيفة : ماشي يلا روح وصل بروج انت . يوسف : خايف اعتمد عليك تبوظ الدنيا . حذيفة : لاء دانت هتوصل بروج هتليقنا وصلنا الشركة وبدأنا شغل كمان . يوسف : ماشي هشوف .. يلا بقى سلام . حذيفة : سلام . ووصل يوسف الى مدرسة بروج الجديدة والتي لا تعلم بها احدا . يوسف : سلام يا قلبي عيزة حاجة . بروج : لاء شكرا باي . ودلفت بروج الى المدرسة وهى لا تعلم احد ولا شيئ بها . بروج : اعمل ايه انا معرفش حد هنا . و بعد وقت اتت غزل و سليم . غزل كانت تعمل في مدرسة اعدادية مشتركة متوسطة تعمل مدرسة رياضيات كانت افضل اساتذة الرياضيات في المدرسة وكان سليم اخاها الاصغر طالب في هذه المدرسة . وذهب سليم الى اصدقائه الفتيان . وسلم سليم على صديقه احمد و اخذه بالحضن . سليم : ازيك يا عم و حشتني .. عامل ايه . احمد : الحمد لله وانت عامل ايه . سليم : كدا بردو مرضتش نخرخ الاسبوع الي فات ده خالص . احمد : احنا بدأنا دراسة يا بتاع انت يا بتاع الخروجات . سليم : خلاص يا عم بس بردو هنخرج الاسبوع ده وملكش اي حجة ماشي . احمد : ماشي . _ : انت لسة جديدة في المدرسة ولا ايه . بروج : ايوه . _ : صفك فوق في الدور التلت . بروج : شكرا . وبروج وهى تسير ارتطمت بأحد ووقعت حقيبتها سليم : آسف مقصدش . واخذت بروج وسليم يجمعون الكتب التي اوقعت من حقيبتها .. وتبقى آخر كتاب و مدّ سليم و بروج بحركة سريعة على الكتاب وتلامست اطراف يديهما وتلاقت اعينهما لبضع ثوان .. وأخذت بروج اخر كتاب وذهبت الي الطابور وهى محرجة . يوسف : عندنا ايه شغل النهردة . آدم : في تصميم جديد يا يوسف اطلب لمدينة جديدة من اكبر التجار في مصر .. ولو عملنا شركة معاه هنكسب دهب بس وافق عليها . يوسف : امتى الانترفيو . آدم : الاسبوع ده مليان موعيد فأجلت الميعاد للأسبوع الي جاي . يوسف : ماشي تمام خلاص روح شركتك انت . آدم : ماشي يا يوسف عايز حاجة . ويوسف بدأ يعمل شغل جهاز الحاسوب الخاص به وبدأ في رسم التصميمات الخاصة للبناء .. وبعد وقت انتهى في العاشرة من هذا التصميم واتصل بأحد . يوسف : اللو . المجهول : __________ يوسف : عايزك ضروري . المجهول : ____________ ووصل هذا المجهول . يوسف : ها عرفت مكانها او اي معلومات عنها . المجهول : للأسف لاء يا بيه بس في حاجة مهمة جدا وصلناها .. ان هى بتشتغل مدرسة في مدرسة اعدادي بس لسة منعرفش حاجة عنها . يوسف : تمام لو تعرف اي حاجة او اي معلومات عنها بلغني . المجهول : حاضر يا بيه بعد اذنك . وحان وقت الحصة الرابعة ودخلت المدرسة حيتهم غزل : عملين ايه يا شباب . الكل : كويسين . غزل : طيب تمام انا الميس غزل هديكوا رياضيات . بعض الفصل وتعالت اصواتهم : لاءا يوه بقى مش بحب المادة دي . غزل خبطط بإديها على المكتب وقالت : بس بس اهدوا انا مش بحب الدوشة ولا الكلام الجانبي هتبقوا كويسين و حلوين معايا هبقى كويسة معاكم ولو بقيتوا وحشين ومش بتسمعوا الكلام هوريكوا وشي التاني متفقين . الكل : متفقين . غزل : طيب حبة اتعرف عليكم . وبدأت تسألهم عن اسمأهم . غزل : وبعد ما اتعرفنا على بعض يلا بقى نبدأ .. طبعا انتوا عرفين ان سنة تلتة محتاجة جهد ومذكرة كتير وطبعا انا مش بصدمكم ان منهج الرياضيات طويل ومحتاج ممارسة وحل كتير و ولو قصرت في شرحي يبقى متحلوش الواجب .. ولو احتجتوا اي مساعدة او لو احتجتوا ان اعيد ليكوا الشرح مرة تنية او لو مفهمتوش مسئلة انا في آخر دور . وجاء وقت الفسحة . احمد : انا مش بحب الرياضيات دي مادة صعبة . سليم : لاء بالعكس دي سهلة اوي . احمد : ده بالنسبالك عشان اختك مدرسة رياضيات وهتكون فيها متفوق طبعا . سليم : لاء بس انا فعلا بحب الرياضيات جدا . احمد : ماشي سيبك اومال فين سيلا مشفتهاش من الصبح ولا في الفصل . سليم : لاء شفتها الصبح و قالتلي انها اتنقلت لفصل تاني . احمد : الحمد لله انا افتكرتها اتنقلت من المدرسة . سليم : لا يراجل . احمد : انا عارف بتبقى فين انا رايحلها نتقابل في الفصل . سليم : ماشي .. روح . ووجد بروج جالسة بمفردها وجلس بجنبها . سليم : اهلا .. ينفع اقعد جنبك . بروج : ايوه اتفضل . سليم : ينفع نتعرف .. انا سليم . بروج : وانا بروج . ومد يده لها . سليم : اسمك جميل اوي يا بروج . بروج : شكرا . سليم : عندك كام سنة . بروج : عندي ١٥ سنة . سليم : وانا ١٦ سنة . بروج : ايه اكتر مادة بتحبها . سليم : بحب الرياضيات .. وانت بتحبي ايه . بروج : الانجلش . سليم : علاقتي معاه مش حلوة هههههه . بروج : انت غير وجهت نظرك عنه بس وهتحبه . سليم : احبه ايه .. قوليلي هو انت جديدة في المدرسة ؟ بروج : ايوه . سليم : طيب ليه سبتي مدرستك القديمة ؟ بروج : الفكرة مش في كدا .. الفكرة ان مدرستي القديمة صعبة في التعامل و مقيضة حريتنا كبنات وبردو الولاد نفس الكلام كان تشديدهم علينا صعب اوي لأن المدرسة كانت خاصة اصلا . سليم : يعني مرتاحة معانة هنا . بروج : بعض الشيئ يعني انا لسة معرفش حاجة او اي حد في المدرسة بس حسيت ببعض الراحة هنا . سليم : تعالي اوريكي تحفة فنية انا الي عملتها في المدرسة . بروج : هنروح فين . سليم : تعالي بس .. وادي المكان المفضل ليا ودي لوحتي الي رسمتها انا . بروج : الله دي جميلة اوي .. جميلة بطريقة .. الاوان متناسقة الرسمة مظبوطة على الاخر واقدر اسمع صوت الطبيعة في المكان ده اول ما ابص للعمل الفني الراقي ده . سليم : عجبتك بجد . بروج : بجد .. انت لازم تتعرض على متحف فني . سليم : بطلي تريقة بقى دي مجرد رسمة . بروج : لاء انت قدرت تطلع الفن ده بطريقتك الخاصة . سليم : ازاي مش فاهم . بروج : انت كنت في الوقت ده مكتأب اوي وزعلان كان نفسك حد تتكلم معاه كنت في الوقت ده وحيد .. وعشان كل تفاصيل رسمتك كتير وهدية وحزينة بس جميلة اوي . سليم : كل كلمة قلتيها صح .... يوسف : انا اديت وعد لبابا ولكل العائلة اني هلقيكي يا سمر . وذهب يوسف ليأخذ بروج للبيت وعندما وصل الى المدرسة كان ينتظر بعربيته المرسيدس الضخمة . بروج : انت عسل والله يا ميس . غزل : والله انت الي عسل يا بروج .. بتروحي لوحدك ولا حد بيجي يخدك . بروج : اخويا الكبير بياخدني . غزل : ماشي باي . بروج : باي يا ميس . سليم : بروج .. استني يا بروج . بروج : في ايه . سليم : نسيتي النوت بتاعتك معايا . بروج : شكرا يا سليم انك فكرتني بيها .. باي نتقابل بكرة . سليم: نتقابل بكرة يا بروج . يتبع.......
