مش عارف هتفتكروني و لا لأ ... غالبًا الناس القُدام هيفتكروني بسهولةأنا جاك ... أفضل ضابط إنقاذ في الولايات المتحدة الأمريكية ... زي ما قلتلكم قبل كده أنا تقاعدت من فترة و جه الوقت اللي أحكي فيه الحاجات الغريبة اللي حصلتلي قبل كدهإتقابلنا 3 مرات قبل كده و دي المرة الرابعة ... إسمعوني كويس أويإسمعوا جاك ظابط الإنقاذ !الحكاية اللي هحكيهالكم النهاردة حكاية مشهورة أوي و التليفزيون و الصحافة إتكلموا فيها كتير ، قضية كانت و مازالت مشهورة أويالمرة دي هحكيلكم شوية تفاصيل محدش كان يعرفها غير بتوع الشرطة و رجال الإنقاذ و بس أسرة بسيطة مكونة من أب و أم و ولدين صغيرين كانوا في رحلة تخييم جنب واحدة من الغابات و طلعوا يقطفوا توت عشان ياكلوه ، الولدين كان عمرهم 3 سنين و 5 سنين ، فجأة الولد الكبير إختفي تمامًا ... مسابش أي أثررحلة البحث عنه كانت ضخمة و فريق البحث كان كبير جدًا ، دورنا كتير جدًا و لمدة أيام بكل طريقة ممكنة و بكل وسيلة نقدر علها مشطنا الغابة ، حتي الكلاب مقدرتش تلاقي أي أثر للولد اللي إختفي ، بعد شهرين من البحث اليومي ملقيناش أي أثر أو دليل و بالتالي رحلة البحث توقفت تمامًابعد 6 شهور و بنصيحة من الأطباء النفسيين المعالجين للطفل الصغير ، أهله كان لازم يجيبوه في نفس المكان ده تاني عشان يتغلب علي مخاوفه ، و طبعًا أهله كانوا حريصين جدًا و عينيهم مغابتش عن الولد ولا ثانية و برغم كده إختفي تمامًا ... و زي أخوه مسابش وراه أي أثر !الحالة النفسية للأهل مش محتاجة شرح ، الناس دول كانوا متدمرين نفسيًا من ضياع إبن منهم فتخيلوا حالتهم النفسية لما التاني ضاع هو كمان !البحث المرة دي كان عملاق ، أكتر من 300 متطوع إنضموا لفرق البحث بالإضافة لقوات الشرطة و الإسعاف و الإطفاء و ظباط الإنقاذ ، مشطنا كل سنتي في الغابة بس برضه للأسف ملقيناش أي أثر عن الولد ... زي أخوه مسابش أي دليل يدلنا علي مكانه !بعد إسبوعين تقريبًا واحد من المتطوعين كان بيصرخ في اللا سلكي بهيستيريا ... لقي الولد !كلنا توقعنا إنه لقي جثة الولد لكن هو أكد إنه مش بس لقي الولد حي ، الولد كمان في حالة صحية و نفسية ممتازة !لما وصلنا عنده في المكان اللي هو وصفهولنا مكنتش مصدق اللي أنا شايفه ، الولد نضيف تمامًا ، هدومه نضيفة و شكله كويس ، صحته حلوة و نفسيته حلوة !قاعد علي صخرة و بيلعب بغصن شجرة في الأرض و كأن مفيش حاجة حصلت خالص ، واحد من الدكاترة النفسيين قرب ن الولد بالراحة و سأله بهدوء هو كان فين و مع مينالولد ببساطة رد و قاله إنه كان مع ( الراجل الشفاف )
