اصوات بتمر علينا بحياتنا مستحيل بيوم من الايام ننساها لانها عيشتنا حالة من الرعب وصار الها ذكرى بحياتنا وهالذكرى استمرت اكتر من عشر سنين فصعب تفارقناا .. احداث القصة بلشت : 25 _اذار ..... يوم الاحد .... الساعة 1:30Am ... هالتاريخ دخل ع حياتنا وسجل اتعس الذكريات جواته ومن وقت هداك اليوم بنتمنى فرحة صغيرة تدخل ع البيت . كنت بهاد اليوم عازمة رفقاتي ع البيت بما انو اهلي سافرو ع السعودية حبيت اتسلى معهم ونغير جو .. كانت البناية فاضيه ما كان فيها غير عامر ( حارس العمارة ) وصاحباتي ( هالة ، زينة ، دانة ) ، ما كنا قلقانين بهاد الشي كتير كان همنا ننبسط و نخلي هي الليلة من احلى ليالي حياتنا بس ما كنا بنعرف شو الي كان مخبالنا بهي الليلة . ضلينا ناكل ونتهبل ومشغلين الاغاني اعلى صوت متل كل مره ، بعد خمس مرات من دق الباب حسينا انو في حدا عم يدق الباب ولانو كانت الاغاني شغالة بصوت عالي كنا مترددين اذا في حدا كان يدق او لا ، كان الوقت متأخر كتير وانو مين بهالوقت صاحي وجاي لعنا ؟؟ طلبت من هالة تفتح الباب .. راحت وفتحت الباب وما لقت حدا حكت يمكن بيتهيألنا و رجعت سكرت الباب وكملنا رقص وهبل . بعد ربع ساعة رجع اندق الباب وكانت هالمره الدقة واضحة وقوية .. دانة كانت اكتر وحده بتخاف فينا حكينالها خليكي هون ونحنا بنفتح ... رحنا انا وزينة وهالة لحتى نشوف مين الي عم يدق واول ما فتحنا الباب كان الحارس واقف وكان كتير معصب وبطلع علينا بنظره بتخوف .. عامر(الحارس): مطولة قصتكم ؟؟ لارا ( انا ) : اي قصة عمو في شي ؟ عامر(الحارس): كل الجيران فاقو ع صواتكم ياريت تناموا ما ضل شي وبطلع النهار .. قاطعتو وهو عم يحكي : بس يا عمو ما في حدا بالبناية غيرك الجيران كلهم طالعين مع بعض ع العمره مع اهلي .. صار يطلع علي بنظره بتخوف نظره كلها حقد .. زينة : لو سمحت ضل بدك شي ؟ طلع وخبط الباب بشكل قوي .. صرنا نطلع انا وزينة وهالة ع بعض ونضحك .. كان موقف كتير بضحك لما خبط الباب بس كانت نتائج هاد الشي اكبر بكتير من الاثر الي تركه .. كملنا الهبل والرقص وما وقفناه بالمره وصارت الساعة 5:00Am الفجر بهاد الوقت نعسنا وحكينا بدنا نروح ننام زبطنا كلشي .. الباب ( دق ، دق ،دق ) قمنا من التخوت زي الملطوشين قمنا الاربعة نشوف مين ع الباب فتحنا وما لقينا حدا .. ما لقينا غير دانة بتصرخ وبتأشر ع الارض الي قبال بيتنا كانت مكتوب بالفحم عبارة ..
